- إنضم
- 15 أغسطس 2023
- المشاركات
- 704
- مستوى التفاعل
- 517
- نقاط
- 4,076
- الجنس
- ذكر
- الدولة
- مصر
- توجه جنسي
- أنجذب للإناث
اهلا انا أسمى اروى عندى 24 سنة وبكتب ليكم مشكلتى من على الصفحة دى وهرد على اقتراحتكم المهم انا متجوزة بقالى سنتين ونص كده وعن قصة حب عنيفة بس من طرف واحد ومن ناحيتى انا زى ما قولت انا متجوزة وجوزى اسمه هانى عنده 28 سنة هانى بيشتغل مهندس وحاله مرتاح جدا ده غير يعنى أملاكه ما علينا انا كنت معجبة ب هانى من زمان لانه جارنا وكنت بعمل كل حاجه علشان بس يبص ليا ولما كان بيضحك ليا بس كده كنت احس انى ملكة الدنيا دى كلها وفى يوم جه هو وأهله وطلب ايدى انا ساعتها فضلت متنحة شوية مش مستوعبة دماغى عملت error 404 بس تقريبا كده مكنش فيه فترة خطوبة كانت ٧ شهور بس وتلات ارباعها ضاعت فى التجهيزات وملحقناش ناخد وقت اكتر نتعرف على بعض ونعرف طبع بعض يعنى مرة واحدة لقيت الدبلة فى ايدى ناحية اليمين وهوب لقيتها فى الشمال بعدها اتجوزنا وكان فى ليلة الدخلة حنين وكويس قوى معايا ومش قادرة اوصف سعادتى وانا نايمة فى حضن حبيبى وقريبة منو وعيني فى عينى احساس جميل بس يا فرحة ما تمت الايام عدت وانا هو حاسين دايما ان احنا مش مرتاحين على طول حاسة انو بعيد عنى هو قريب بجسمه لكن بعيد بقلبه وعقله هو على طول بيكون ساكت وهادى وانا العكس ان متكلمتيش ابقى هتجنن وحتى فى النوم هو بيكون عايز يضمنى لحضنه وبيكون قالع هدومه الى فوق بس انا الى بفضل انى انام براحتى هو بيعرف يتحكم فى غضبه وانا ابدا مش بعرف لما هو بغلط بيجيى يعتذر ليا انما انا لو غلطت بكون عايزاه هو الى يعتذر ف انا وهو مختلفين جدا عن بعض وشوية شوية بداءت تحصل شوية خلافات لكن مش كبيرة يعنى لحد ما قبل فترة قال ليا. هانى :بقولك ايه يا روحي احنا بقالنا مع بعض فترة كبيرة ايه رائيك نخلف دلوقتى. انا : لا طبعا ده احنا كل يوم مشكله امال لو خلفنا المشاكل هتضرب فى ٢ وبعدين استنى لما نتعرف على بعض. هو بعدها مسكنى من ايدى و خدنى فى حضنه وباسنى بوسة رومانسية وقال ليا بصوته الهادى. هانى : انا بحبك ونفسى فى ابن منك علشان حبنا يكبر ومهما حصلت بينا مشاكل اكيد هنعديها. انا الصراحة حسيت انو خلاص بقى قريب منى ومش بعيد وكده وفعلا بعد شهرين لما عملت اختبار الحمل طلع ايجابى وبقيت حامل هو سمع الخبر شدنى وحضنى وفضل يبكى من الفرحة وبقى بيبوسنى برومانسية جامدة جدا وكان بيتنطنط من الفرحة حرفيا وبقى على طول بيرجع من الشغل ويلاقينىى قاعدة يرفع هدومى عن بطنى ويفضل يبوس فيها ويتكلم معاها المهم ملحقيتش افرح بعدها بشهرين المشاكل رجعت بس رجعت كبيرة قوى لدرجة انو مبقاش بيعرف يتحكم فى غضبه لحد من اسبوعين كده رجع وكان على آخره تقريبا عمرى ما شوفته عصبى للدرجة دى وكنا بنتكلم فى موضوع يخص عيلته ف هو اتعصب جامد وضربنى بالقلم جامد وزقنى ف انا اتخبطت فى الركنية جامد ف حسيت بوجع رهيب لكن لحقنى وروحنا للدكتور ولكن الحمد**** لسه الحامل ثابت مع انو كان ممكن يضيع ف انا بعد الى حصل وانا عند أهلى ومقدرة انى مرجعش لها تانى لان الحياة بينى وبينه بقت مستحيلة يوم حلو وعشرة مشاكل مش قادرين نفهم ونستوعب بعض ف قررت انى هطلق لكن هو سمع الكلمة اترعب تقريبا وبقى بيبوس ايدى حرفيا انى ارجعله والمشكلة الى محيرانى اكتر انى حاسة انو بيتكلم بجد وانو ندم لكن خايفة ارجع المشاكل تتكر تانى و لكن ارجع اقول طب ابنى او بنتى الى جايين دول اكيد هيحتاجو اب وبرغم انو قاعد فى البيت الى قدامنا لكن لما يكون معاهم فى البيت احسن ليهم وهانى اصلا بيحب الولاد الصغيرين جدا جدا جدا بيحب اى بيبى صغير يشوفه وبيقعد يلعب معاه سواء كانو اولا اخواته واو اولاد اصحابه فلما اخيرا عرف انو هيجيله ابن منت هو فرح جدا ولما حس انو ممكن يضيع. منه خاف اكتر لكن برضو ارجع واقول لو موجود وقابلتنا مشاكل زى دى تانى ومش هنعرف نتفاهم ساعتها الى هيرو هما ابنى او بنتى ممكن حد يساعنى علشان محتارة جدا