- إنضم
- 15 أغسطس 2023
- المشاركات
- 683
- مستوى التفاعل
- 481
- نقاط
- 3,699
- الجنس
- ذكر
- الدولة
- مصر
- توجه جنسي
- أنجذب للإناث
السلام عليكم انا أسمى ريهام عندى 29 سنة عايز اتكلم معاكم واحلى ليكم على مشكلتى لكن عايزة حد يفهمني ووينصحنى انا اسفة لو غلطت مثلا لان دى اول مرة ادخل فيها على منتدى وكده المهم انا زى ما قولت أسمى نيفين 39 سنة انا وحيدة ابويا وامى وهما اتوفو وانا عندى 21 سنة وبابا قبا ما يموت كتب كل حاجة بأسمى وده عمل مشاكل بينى وبين عمامة ورفعوا عليا قواضى وحاولو يتعدون عليا قبل كده ف خالتى علشان تبعدنى عنهم وتحمينى منهم ضغطت على ابنه وهو ايمن عنده 30 سنة انو يتجوزنى بس انا مكنتش اعرف انها ضغطت عليه لانو متجوز وبيحب مراته وجدا ف اضطر انو يتجوزنى وانا قبلت لانى قبل ما يتجوز كنت بحبه جدا جدا جدا كان إدمان عندى وكان حلم عمرى اكون مراته ف حلمى اتحقق وبكدا انا بعدت عن عمامى لكن كانت معاملته معايا كانت للاسف وحشة قوى مفيش ست فى الدنيا تستحملها بعد ما اتجوزنا فى ليلة الدخلة ملمسنيش وانا مارضيتش اتكلم معاه فى الاول عدى اول وتانى اسبوع ومقربش منى حتى ومقولتش ل امه حاجة علشان ما احرجوش ومراته الأولى كانت بتتعامل معايا معاملة كويسة جدا بس عدى شهر ومفيش حاجة وهو كان بيطلع ليا يومين فى الاسبوع والباقى عند مراته الأولى وهى عايشة معانا بس انا فى شقة وهى فى شقة فى نفس البيت مع أمه ما علينا هو كمان كانت معاملته ليا وحشة على طول زعيق وشتيمة و اهانة وضرب وهو معتبر بيتى جحيم بالنسبة له ولكن انا كنت صابرة عليه لحد ما عدت اول سنة وانا مستحملتش وقررت انى اسيب البيت واروح اقعد فى بيت ابويا شوية لكن اتفجائت ان مراتات عمامة حسبي لله ونعم الوكيل فيهم كانو مأجورين ناس يتعدو عليا فى البيت لكن الحمد**** البوليس جه ولمهم ف الصراحة انا خوفت ورجعت ليه تانى ومرضيتش اقول لخالتي على اى حاجة وقبلت بالعيش معاه لانه حاجب عنى حاجات كتير منها شر عمامى ف عدى كمان سنة وانا عايشة فى جحيم بالنسبة ل اى ست متجوزة شكلا بس لكن عمليا انا محبوسة لكن فضلت كاتمة فى نفسى وسكت لحد ما فى الفترة دى ايمن كان بعد عن ر بنا شوية وكان بيشرب للأسف خمرة كان فى مرة رجع من برا سكران ومحدش شافه ف طلع بالغلط على شقتى انا ف فتحت له كنت فكراه تانى لقيته بيترنح يمين وشمال وبيقول كلام مش فهماه وبرغم انه كان سكران الى انو دخل عليا فى اليلة دى وانا كنت مضايقة انو كاو سكران لكن كنت فرحانة جدا أنو جه جنبى اخيرا ويارتو ما جه المهم عدى اكتر من شهرين وانا حاسة بالماء كده وكانو برد فى معدتى لكن لما روحت كشفت لقيت ان انا حامل ف لما قولت له كده شك فيا طبعا بس فكرته باليل الى كان راجع فيها سكران والمفروض انو اى حد لما مراته تكون حامل هو يفرح لا ده زعل والنكد كأنى قولت له حاجة وحشة ومش يبارك ليا وياخذني فى حضنه لا ده نكد عليا وزعق ليا وانا بسب معاملته كانت هنزل الحمل ده لكن امه ومراته الأولى لما عرفو زعقو معاه وخلونى اشيا الفكرة دى من دماغى لان مرات ايمن الاولى كانو حامل بردو ف بسب معاملته الوحشة معايا قررت انى ارجع تانى لبيت ابويا لكن المرة دى اتفجئت تانى ان عمى شوفو عمى اخو ابويا جه البيت ومسكنى من شعرى وضربنى هو ابنه لكن لحسن الحظ ايمن كان جاى ليا البيت وشافهم فراح ماسك عمى وابن عمى ورنهم العلقة المحترمة مخلاش حتة فيهم سليمة حسيت بالامان بعدها وروحت وشكرته على الى عمله تخيلو رده عليا كان ايه (انا لو عليا كنت سبتهم يموتوكى متفرقيش معايا بس للأسف انتى محسوبة عليا واسمك مربوط ب اسمى وللأسف الى فى بطنك ده ابنى ) انا بعدها زعلتوجدا لكن عرفت ان مفيش حاجة بايدى غير انى اقبل بالعيشة دى لكن كل الحب الى كنت بحبه له خلاص مات جوا قلبى ومبقاش فى ناحيته اى مشاعر اتجاهه ف عدى التسع شهور وخلفت ابنى اكرم وأكرم دلوقتى عنده دلوقتى 6 سنين وبعد ما خلفت ايمن مشالش ابنه خالص ولا كان يعرف شكله وأمه وأخوه الى كانو معايا لانو فى نفس المستشفى قبل انا اولد كانت مراته الأولى بتولد وكان مشغول معاه ف قولت فى نفسى يمكن يكون مشغول مع مراته الأولى وبعد ما خرجت المفروض او اى راجل فى الدنيا لما ر بنل يرزقه بولدين وبنت لان مراته الاول كانت حامل فى ولد وبنت مع بعض واسمه مازن و روان فى نفس سن اكرم المفروض انو يكون فرحان والدنيا نش ساعه ويحب ولاده كلهم وتعاملهم نفس المعاملة لا العكس صحيح ايمن كان بيحب ولاده من مراته الاول وبيكره يسمع اسم اكرم ده حتى انا الى سميته مش هو الى راح سماه انا بسب المعاملة دى قررت انى اسيب ايمن لمراته الأولى وماليش دعوة بيه تانى واخليها فى ابنى واربيه حتى لوحدى المهم عدى ال 6 سنين وابنى بيكبر بس من غير ابوه مت يكون موجود تقريبا فى حياته بس برغم كده الى انو اكرم ابنى بيحب باباه جدا جدا جدا وشبه فى كل تصرفاته وشكله ولكن معاملة ايمن له معاملة وحشة جدا وخالتى ومراته حاولو يقنعو ايمن يغير معاملته مع ابنه لكن معرفوش تخيلو لما مثلا كنا فر يوم جمعة وأيمن قاعد فى الجنينة مع روان مازن وكان بيحضنهم ف اكرم قرب بس منه ايمن زقه وبعده عنه وفى مرة ايمن كان فى الشقة عندى وانا كنت فى الأوضة وأيمن كان قاعد فى الصالة ويتفرج على مسلسل وكان فى مشهد اب بيحضن ابنه ف اكرم راح ل ايمن وقاله له (ممكن احضنك ) ف ايمن رد ببرود وقال له (لا )ف اكرم قال له (انت مش بتحبنى ) قال له (لا بحبك ولا بحب امك ) ف اكرم سمع الكلمتين دول دخل زعلان وفضل يعيط وكان مرة اكرم قاعد مع اخواته فى الشقة التانية مش عارفة كان الظاهر بيلعب مع مازن وأيمن رجع من الشغل وشافه وقال له (انت بتعمل ايه هنا )ف اكرم قال له (بلعب مع مازن )ف زعق لع وقال له( طب اطلع فوق ) ف اكرم جه ليا وقال ليا كده وفضل يعيط بردو هو تقريبا ايمن موجود فى حياة اكرم علشان يزعله ويخليه يعيط لا حنين عبيه ولا بيحضنه ولا بيعمله اى حاجة خالص والطفل فى سن ال 6 سنين بيكون حساس لرائ الاب والام فيه ف انا كنت مستحملة العيشة دى للأسف لانى لو رجعت اهل ابويا مش هيسبونى لحد مت من فترة كدا جالى خبر ان كل عمامى سابو بيوتهم وباعها و راحو محافظة تانية بعيدة عننا ف بعت البيت بتاع ابويا واشتريت بيت تانى بس فى حتة بعيدة شوية و كنت هنزل واطلب منه يطلقني وابعد واخد ابنى وقرارى ده جه بعد ما استحملت كتير جدا لكن خلاص فاض بيا ومبقيتش اطيب نفسى ف قررت ابعد واعيش بعيد لوحدنا انا وابنى واربيه بعيد عن ابوه الى مكنش له اى تأثير فى حياته لكن قبل مع اعمل كده ب يومين ايمن عمل حادثةواثرت فى دراعه اليمين ورجله اليمين ومكنش ينفع اسيبه لان مراته الاول كانت مع ابوها فى السعودية لانو بيشتغل هناك ف فضلت معاه وفضلت اخد بالى منه واهتم بيه كنت بعمل له كل حاجة وأكرم كمان وهو طول ما انا بعمل له اى حاجة بحس انو مكسور بس مش مكسور فى جسمه بحس انو نفسه مكسورة مش بيقدر يرفع عينه فى عينى وبعد ما اطمنت عليه وبقى قادر يمشى ويحرك دراعه سيبته وروحت البيت الى اشتريته لكن هو جه ليا وفضل يعتذر ليا كتير جدا ويبوس ايدى انى ارجع له وهو ه يحسن من معاملته ليا وانا مش عارف اعمل ايه ممكن تقولولى