متسلسلة مكتملة النور والكابوس|السلسلة الخامسة(الاخيره)|حتي الجزء الحادي عشر

[ٱڷمُﭳهْوٌڷ]

꧂اسف جدا علي التأخير بس كان غصب عني واتمني القصه تعجبكم꧁

انجوي اخواتي.. ♡♕
(◠‿◕)



الجزء الاول

وجد لمحت جاكت بدلة مرمي في الارض راحت ناحيته و وطت و مسكت الجاكت و طلعت الملف اللي لقته و فتحته لقته ليه علاقة ب باسل.
(بسخرية): جيتي للموت برجليكي.
وجد غمضت عينيها و بلعت ريقها بتوتر و لفت ببطء لقت قدامها شخص نوعا ما ضخم و لابس قناع علي وشه.
وجد: انت مين؟!
(بسخرية): و انا بقي هعترف بسرعة.
وجد: سيبني امشي.
: بالورق و لا من غير؟!
وجد: اكيد بالورق.

: يبقي نجوم السماء اقربلك و هتخرجي من هنا جثة و هأخد الورق برضو.
وجد جريت ناحية الباب لقته بيشدها جامد من شعرها و ضربها قلم علي وشها و زقها في الارض...
وجد(بوجع): انت بتتشطر علي واحدة ست، و نعمة الرجولة.
الشخص ده قرب من وجد و ضربها في بطنها و حاول يمسك الملف بس وجد شدته منه و قرصت الشخص في رجله بس الشخص ده متحركش من مكانه و بصلها بسخرية.

وجد قعدت ترجع ل ورا لغاية ما وصلت للكمودينو مسكت الاباچورة و ضربت بيها الشخص ده في رأسه.
وجد زقته برجله و قامت جريت بس لقت اللي بيمسك رجليها و وقعها و رأسها اتخبطت.
وجد: ده انت جحش.
وجد قعدت تضربه برجليها في بطنه علشان يسيب رجليها بس شدها ناحيته جامد.
وجد: ابعد كدة.
الشخص قام ضرب وجد علي رأسها جامد و شد الورق و سابها و مشي...
وجد كانت الرؤية عندها مشوشة قامت بضعف من علي الارض و قعدت علي السرير.

وجد قعدت تفرك بين عينيها علشان تفوق و تركز و بدأت الرؤية ترجع تاني بشكل طبيعي,وجد دخلت الحمام غسلت وشها كذا مرة و مسحت الدم اللي في شفايفها و قعدت تدور علي لازق طبي لغاية ما لقت و حطته علي الجرح اللي في رأسها.
وجد خرجت بره الفندق و ركبت عربيتها و بدأت تسوق للنيابة و بعد فترة كانت وصلت...
سليم: ممكن افهم كنتي فين؟!
سليم: باسل قلقان عليكي من الصبح.
وجد(بتعب): سليم و **** ما فايقة.

عصمت(بسخرية): اشك انك هتقدري تطلعي ابني ما انا قولت نجيب محامي شاطر.
وجد: عن اذنكم.
وجد دخلت اوضة وكيل النيابة بعد ما اذن ليها بالدخول.
وجد: انا ابقي المحامية الخاصة بالأستاذ باسل الأنصاري.
باسل بص ل وجد و ابتسم ليها و هي ابتسمت ليه بتوتر و بصت ل وكيل النيابة.
وكيل النيابة: اتفضلي.
وجد: شكرا.

وجد: مبدأيا حضرتك اكيد تعرف مين هو باسل الأنصاري سواء كان رجل اعمال او ظابط في امن الدولة و اعتقد ان ملفه نضيف...
وجد: و في اكتر من شاهد يثبت ده و كمان في برضو اللي يشهد بأن أي شحنة كانت بتدخل بعلم منه كانت لزوم المهمة.
وجد: فأنا شايفة ان دي محاولة علشان يلبسوا التهمة لموكلي في حال ان المجرم الحقيقي عايش حر لحد الان.

وكيل النيابة: انا مقدر كل ده و عارف الكلام ده و بنسبة كبيرة مش بشك في باسل الانصاري. و لكن وظيفتي و مكانتي متسمحليش اني اتعاطف معاه او اني امشي ورا كلام ملهوش اي أدلة و لا ورق و لا مستندات.
وكيل النيابة: و كذلك المحكمة مش هتقبل ب ده.
وجد: طب ممكن تطلقوا سراحه بضمان محل إقامته.
وكيل النيابة بص ل وجد و باسل و بعدها اتكلم.
وكيل النيابة: للأسف مش هينفع كدة انا هبقي بخالف شغلي...

وكيل النيابة: كل اللي ممكن اعمله ان الزيارة هتبقي مسموح بيها. و قدامكوا 4 أيام ممكن تحاولوا تعملوا حاجة.
وكيل النيابة: بعتذر يا باسل بيه انت عارف القوانين و عارف ظروف الشغل.


باسل(بابتسامة هادية): و لا يهمك. ممكن اقعد مع مراتي لوحدي.
وكيل النيابة(باندهاش): هي دي مراتك؟!
وجد ابتسمت بتوتر لوكيل النيابة و بصت ل باسل.
باسل: اه هي.
وكيل النيابة: انا كنت هأخد وقت راحة براحتكم.

وكيل النيابة خرج بره الاوضة و باسل قرب من وجد و حاوط وشها بين ايديه و وجد بصت بعيد عن عينيه...
باسل: بصيلي.
وجد(بتوتر): نعم!
باسل: ينفع مشوفكيش تلت ايام؟!
وجد(بتلقائية): ما انت قبل كدة مشوفتنيش لمدة تلت شهور مش تلت ايام فعادي طبيعي.
باسل بص ل وجد بضيق شديد و بِعد عنها قام وقف و حط ايده في جيبه.
وجد: ا.
لقوا الباب بيتفتح و عصمت دخلت بسرعة حضنت باسل و باسل لف ايديه حواليها و باس رأسها.

عصمت: كدة يا باسل متقوليش.
باسل: معلش يا امي.
سليم: ايه وكيل النيابة قال ايه؟!
وجد: اربع ايام علي ذمة التحقيق و في حال وجود دليل او مستند...
قاسم: ايه يا بطل ايه اللي حصل ل ده كله؟!
عدي: ايه الدنيا؟!
باسل: تسلموا علي سؤالكم ان شاء **** خير.
باسل: عن اذنك يا امي. سليم خلي بالك منها.
سليم: اكيد.
باسل: انا هروح.
عصمت: باسل تحب نوكل محامي مشهور كبير؟! شكل المحامية دي مش شاطرة في شغلها.

وجد قامت وقفت و قربت من باسل.
وجد: همشي انا.
وجد حضنت باسل و باست خده و بعدت عنه.
باسل: هتروحي مع امي.
وجد: انا مش.
باسل: يلا.
وجد: معايا العربية.
باسل: خديها معاكي.
وجد(بضيق): طيب. اتفضلي يا طنط.
باسل: يلا يا امي.
باسل باس رأس عصمت و باس ايديها.
باسل(بخفوت): ادعيلي.
عصمت: **** معاك يا ابني و ينصرك...
باسل بص ل وجد قبل ما يمشي و خرج بره مشي مع العسكري و قعد في الحجز مع المساجين...
وجد: اتفضلي.

عصمت: علشان ابني بس.
وجد خرجت و هي بتنفخ و وراها عصمت و سليم.
قاسم: وجد عايزك في موضوع.
وجد: سليم خد مفتاح عربيتي روحوا و انا جاية.
عصمت: رجلي علي رجلك انا اضمنك منين؟!
سليم: قاسم انت عايز وجد في ايه؟!
قاسم حط ايده علي كتف وجد و بصلها و ابتسم ده كله تحت انظار عصمت اللي بصتلهم بسخرية.
قاسم: انا جمبك لو عوزتي اي حاجة في اي وقت.
وجد: شكرا يا قاسم مش محتاجة حاجة، يلا يا طنط يلا يا سليم.

عدي: سليم هروح اجهز اللي قولتلك عليه زي ما كمال بيه قالنا.
سليم: طيب و قولي ايه الاخبار و شوف مسعد و علي.
عدي: طيب مش هتيجي يا قاسم و لا ايه يلا.
قاسم: طيب.
قاسم: زي ما قولتلك يا وجد يلا باي علي تليفون بقي.
سليم: يلا يا وجد يلا يا عصمت هانم.
سليم خد عصمت و وجد و ركبوا العربية و سليم بدأ يسوق و جمبه عصمت و ورا وجد.
بعد فترة سليم وقف قدام القصر و عصمت و وجد نزلوا.
سليم: وجد عربيتك تلزمني عقبال ما اروح كدة.

وجد: تمام.
وجد كانت داخلة لقت عصمت مسكت ايديها.
عصمت: اسمعي يا بت انتي انا بحب الصراحة.
عصمت: انتي من ساعة ما باسل جابك البيت و انا مش طيقاكي و مش طايقة اشوفك قريبة من باسل اللي هو اغلي حاجة عندي.
عصمت: قولت استحملي انتي الكبيرة و تجاهليها بس لا كل ما بشوفك بشوف نظرات امك و هي بتضربني و ابوكي و هو بيقتل جوزي و ابني و حفيدي و بنتي.
عصمت: علشان كدة احذريني لان غلطة منك و هتشوفي وش لا يعلم بيه الا ****.

عصمت: و باسل مش موجود يعني محدش هيقدر ينقذك من تحت ايدي ماشي يا بنت القاتل.
عصمت: انا خط احمر.

وجد(بحدة): و مين قالك اني عايزة اتعامل معاكي ها ردي؟! انا واحدة اتخدعت في الانسان اللي حبيته واحدة اتكسرت واحدة زي ما انتي خسرتي ابنك انا كمان خسرت ابني لا و كمان جوزي هو اللي قتله، انتي فاكراني مبسوطة باللي عائلتي عملته فاكراني هطير من الفرحة انا واحدة مجروحة زي ما انتي مجروحة بالظبط. انا كل ما اشوف باسل بفتكر اخر مرة اتقابلنا فيها لما عرفني اني بتعاطي مخدرات و لما قالي انه اقتل ابني اللي هو ابنه انتي عارفة في اليوم ده موت كام مرة...

وجد(بحدة): متفتكريش انك انتي اللي لوحدك اللي مجروحة و ان انتي الوحيدة المظلومة. انا واحدة اتخدعت في كل الناس اللي حواليها ابوها و امها و عمها و مرات عمها دول كوم و جوزي اللي حبيته كوم تاني.
وجد(بحدة): انتي عارفة كنت بتعذب قد ايه و انا بتعالج من المخدرات اللي ابنك كان سبب فيها انتي مش عارفة حاجة علشان كدة ارجوكي ارجوكي اسكتي...

وجد سابت عصمت و مشيت طلعت علي اوضتها مردتش حتى علي عفاف اللي قعدت تنادي عليها,عفاف لفت لقت عصمت في وشها.
عفاف: ليكي حق يا بنتي و **** يتعكنن عليكي.
عصمت سابت عفاف و طلعت اوضتها هي كمان.

-في مكان تاني...
في المستشفي.
امير: عايزكم واقفين هنا ميغبش عن عينيكم.
عسكري: حاضر يا بيه.
امير: لو هرب هتتعاقبوا.
امير: متقلقش يا استاذ احمد كل مجرم هيتعاقب.
احمد: تمام بس عايز الموضوع يتم بسرعة.
امير: اكيد.
احمد: شكرا ل حضرتك معلش تاعبك معايا.
امير: علي ايه بس...
امير: انا مبسوط ان لسة في ناس زيك بتطبق القانون حتى لو علي مين.
احمد: مش هو اتجرأ و قتل يستحمل بقي.
امير: تمام اول ما يتعالج هنأخده عندنا...

احمد: تمام شكرا، عن اذنك.
امير: تمام.
احمد ساب امير و مشي,امير خرج بره المستشفي ركب عربيته لقي تليفونه بيرن.
الخط اتفتح.
امير: ايه يا كبير فينك؟!
رضوان: كويس ها ايه الدنيا؟!
امير: تمام انت اخبارك ايه؟!
رضوان: كويس.
امير: ايه؟!
رضوان: عايز اقابلك.
امير: تمام انا رايح دلوقتي مطعم اتغدي فيه هستناك.
رضوان: مطعم ايه؟!
امير: هبعتلك مكانه.
رضوان: طيب هجيلك.


امير بعت ل رضوان المكان و ساق ناحية المطعم و بعد فترة كان رضوان وصل للمطعم.
رضوان: متأخرتش يلا اطلب ليا اي اكل.
امير: المقابل؟!
رضوان: انجز يا عم ورايا حاجات مهمة.
امير: طيب تنزل المرة دي.
امير طلب اكل ليه هو و رضوان.
رضوان: بص انا عايزك في حاجة.
امير: انا قولت عايزني ملصحة انجز.
رضوان: باسل الانصاري.
امير: معروف.
رضوان: في قضية كدة هو برئ منها هو حاليا في السجن عايزك تحاول تشوف الموضوع ده.
امير: بمعني؟!

رضوان: يعني تحاول تعملي حاجة في قضيته.
امير: هو يقربلك؟!
رضوان: يبقي ابن خالي.
امير: طيب. هشوف اصلا قضيته بتتكلم عن ايه.
رضوان: طيب.
رضوان كان لسة هيتكلم لقي اللي بيحط ايده علي عيونه...
رضوان: سهر بطلي.
سهر: اوف دايما بتعرفني كدة. بتعمل ايه هنا؟!
رضوان: مش شيفاني بأكل و قاعد مع واحد صاحبي...
سهر بصت لقت امير اتحرجت و بصت ل رضوان.
سهر: اسفة ماخدتش بالي.
رضوان: بتعملي ايه هنا؟!

سهر: بجيب حاجة من المول و منتظرة اسيل.
رضوان: طيب.
سهر: انت روحت زرت باسل؟!
رضوان: لا.
سهر: طيب.
سهر: هروح لاسيل بقي.
رضوان: قدامكوا كتير اروحكم؟!
سهر: لا هي حاجة واحدة ضروري بس اسيل بتجيبها.
رضوان: طيب. اقعدي عقبال ما اسيل تخلص.
سهر: بس هتطلبلي اكل.
رضوان: اقعدي يا مفجوعة.
سهر: طيب. يلا اطلب.
رضوان: معلش يا امير اختي كدة.
امير: لا عادي و لا يهمك، بقول استاذن انا؟!
رضوان: ليه بس خليك.

امير: لا مرة تانية، يلا عن اذنكم.
رضوان: طيب **** معاك...
امير قام مشي و رضوان و سهر قعدوا مع بعض و بعد فترة اسيل جت ليهم...
اسيل: انا متضايقة علشان باسل.
رضوان: مش بايدينا و ان شاء **** هيبقي كويس و هيطلع.
اسيل: يا رب.
سهر: بس وجد صعبانة عليا حاسة فيها حاجة.
اسيل: اكيد يا بنتي واحدة جوزها مسجون عايزه يحصلها ايه.
رضوان: لا و كمان هي المحامية بتاعته يعني لو ماخدش براءة دي ممكن تنهار بجد.
سهر: يا رب.

اسيل: ان شاء **** باسل يخرج و نعيش في سعادة.
رضوان: و **** يا بنتي الحزن مش سايبنا في حالنا يعني هو بس بيزهق مننا يومين كدة و بعدها بيرجع.
سهر: يا كئيب.
رضوان: يلا يا اختي منك ليها نروح.
اسيل: يلا.
التلاتة قاموا خرجوا بره المول و ركبوا عربية رضوان و رجعوا علي القصر...

-في مكان تاني...
عند علي و ثريا.
علي: حبيبتي اعملك نسكافيه؟!
ثريا: لا شكرا.
علي: طيب.
علي عمل ل نفسه نسكافيه و عمل عصير ل ثريا و خرج قعد جمبها لقاها شاردة.
علي: مالك؟!
ثريا: مفيش.
علي: ثريا عليا انا يلا قولي في ايه؟!
ثريا(بدموع): وحشوني اوي.
علي خد ثريا في حضنه و باس رأسها.
علي: حاضر اوعدك قريب اوي اخليكي تزوريهم. بس انتي متزعليش نفسك و لا تعيطي.
علي: فاهمة؟! لو عيطتي خلاص مش هديكي.
ثريا: مش بعيط اهو.

علي: ايوه كدة...
علي: ها قوليلي عايزة تتغدي ايه النهاردة؟!
ثريا: لا هعمل انا غداء.
علي: لا من هنا و رايح تقعدي معززة مكرمة و كل حاجة تجيلك لحد عندك، و كمان كنت بفكر اجبلك شغالة بحيث ان انا لو مش في البيت.
ثريا: براحتك...
علي: ثريا طب انتي ليه زعلانة دلوقتي؟! انا مش عايز اتعبك.
ثريا: بس انا كدة هحس بالعجز.
علي: طب انتي في بيت اهلك كنتي بتعملي حاجة؟!
ثريا: لا.

علي: بس كدة يا ثريا خلاص. انتي في بيت اهلك مكنتيش بتعملي حاجة و انا في بيتي مش عايزك تعملي حاجة، و كمان انتي مش عاجزة هي مجرد حادثة بسيطة و ممكن نعمل عملية.
علي: انتي بس متحطيش الموضوع في دماغك.
علي: ماشي يا قمري.
ثريا هزت رأسها بمعني ماشي و علي باس رأسها.
علي: انا هقعد جمبك اعمل كام حاجة علي اللاب.
ثريا: ماشي.
علي فتح اللاب توب بتاعه و بدأ يشتغل عليه و ثريا نايمة علي رجله مغمضة عينيها...

علي: عجباكي القعدة؟!
ثريا: اه.
علي: قوليلي يا ثريا.
ثريا: ايه؟!
علي: انتي ايه اللي خلاكي تغلطي يعني ا...
ثريا: فهماك. و انا قولتلك قبل كدة ملقتش حد يقول الصح و يقولي الغلط ملقتش حد يعلمني ازاي اختار اللي يحافظ عليا ملقتش حد يخليني اكون خايفة من **** و انا بعمل الغلط.
ثريا: انت بدأت تمل مني؟!
علي: بس يا هبلة انا بس كنت بسأل.
علي باس ايد ثريا و حط ايده علي خدها و ابتسم ليها.
علي: يا اخواتي علي القمر بتاعي.

ثريا: انت معندكش اهل؟!
علي: يعني.
ثريا: مش فاهمة.
علي: والدي و والدتي متوفيين و باقي اهلي في اللي مسافر في اللي علشان معاه فلوس مبيعبرنيش و في اللي لما فلوسه تخلص ابقي حبيبه و صاحبه علشان يأخد فلوس. يعني انا يعتبر مليش حد.
علي: غيرك لانك انتي كل عائلتي و انا مش عايز حاجة من الدنيا غيرك انتي يا ثريا.
علي: بحبك.
ثريا(بخجل): و انا.
علي ابتسم ل ثريا بحب و ثريا حضنته...
.
-في مكان تاني...
في بيت المهدي...

مريم: ايه يا حبيبي الاخبار؟!
سليم(بتعب): ان شاء **** خير يا ماما متشغليش بالك انتي بس.
مريم: ماشي يا حبيبي **** معاك و معاه يا رب.
سليم(بتعب): فين نرمين و كارما؟!
مريم: نرمين في اوضتها، كارما قالت هتروح الشركة شوية.
سليم(بتعب): طيب عن اذنك يا امي هطلع ارتاح و لما انزل ابقي اتغدي.
مريم: طيب يا حبيبي، الف سلامة.
سليم(بتعب): **** يسلمك.

سليم طلع علي السلالم و دخل اوضته لقي نرمين نايمة علي السرير و ماسكة كتاب في ايديها رفعاه ل فوق.
نرمين: جيت امتي؟!
سليم(بارهاق): لسة جاي يا نرمين وسعي كدة من علي السرير.
سليم رمي جسمه كله علي السرير و نرمين قربت منه بسرعة و حطت ايديها علي رأسه.
نرمين: مالك حاسس بايه؟!
سليم: شوية ارهاق متخافيش.
نرمين: طب اعملك مساچ.
سليم: طيب.
سليم قلع القميص بتاعه و رماه في الارض.
نرمين: مهمل.
سليم: ملكيش دعوة.


سليم نام علي بطنه و نرمين بدأت تعمله مساچ بايديها لغاية ما حست بانفاس سليم المنتظمة فعرفت انه نام...
نرمين قربت من سليم باست رأسه و غطته بالبطانية و نزلت ل تحت لقت مريم قاعدة بتقرأ قرآن.
مريم: صدق **** العظيم.
مريم: ايه يا حبيبتي؟!
نرمين: بحبك.
مريم: يا مجنونة، و انا كمان يا قمري بحبك.
نرمين: هو احمد ده مش ناوي يتقدم؟!

مريم: ما انتي شايفة اللي بيحصل اكيد مش هيجي و يطلب ايد كارما و اخوها التاني في السجن و في مشاكل.
نرمين: اه، انا كان نفسي اروح ل باسل اوي بس سليم مرضيش.
مريم: متزعليش من سليم دلوقتي هو اللي شايل كل حاجة غصب عنه يا نرمين.
نرمين: **** معاه و يقويه...
مريم: لو عايزة تأكلي في اكل في المطبخ و انتصار الخدامة جاية كمان شوية.
نرمين: تمام يا طنط. **** يخليكي لينا.
مريم: حبيبتي.

-في مكان تاني...
في قصر الصياد.
ياسين كان قاعدة علي كرسي مكتبه و قدامه يوسف و ماجدة و قصي و ليلي و احمد و كارما.
ياسين: قصي انت من الليلة دي هتبات معايا هنا انت و مراتك.
قصي: بس انا مش هكون متطمن عليها هنا.
ماجدة(بسخرية): طلعلك لسان يعني.
احمد(بحدة): ماجدة هانم يا ريت تلتزمي حدودك معايا او مع اخويا و مراته من هنا و رايح.
ماجدة(بسخرية): **** يرحم...
يوسف: احترم نفسك انت يا احمد.
ياسين: اهدوا.

ياسين: متخافش يا قصي علي ضمانتي.
قصي: بعتذر يا جدي بس انا مراتي حامل و عايزة رعاية و مش هكون متطمن عليها هنا.
يوسف: انت بتعمل ايه يعني ده انت بترسم. شغل ستات يعني.
احمد كان لسه هيقرب من يوسف لقي ياسين مش قادر يتنفس.
قصي: جدو.
قصي و احمد جريوا علي ياسين و وقفوا جمبه لغاية ما هدئ.
ياسين: قلبكم بقي حجر، من هنا و رايح مش عايز اشوف شكلكم تاني يلا بره البيت و من هنا و رايح انا متبرئ منكم.


ياسين: انا مخلفتش حد سواء انت او منصف، امكم لو كانت موجودة كان زمانهم طردتكم من زمان.
ياسين: انا هكتفي بالطرد و هحرمكم من الميراث و يا عالم الباقي هيعمل فيكم ايه.
ماجدة: يلا احسن نخلص يا عم. يلا يا حبيبي.
يوسف بص ل ماجدة و بص للباقي و بعدها راح مع ماجدة طلعوا اوضتهم جهزوا هدومهم و خرجوا بره القصر...
قصي: جدو متزعلش ده انت لسة شباب يعني تقدر تخلف تاني.
ياسين: امشي يا ابن ال من هنا...

احمد: انا بعد ما هتجوز كارما هنيجي هنا بس حاليا هي لسة مش مراتي.
ياسين: طب ما تكتب عليها.
احمد: باسل في السجن.
كارما غمضت عينيها جامد و كانت هتمشي بس احمد لحقها.
احمد: ايه يا حبيبتي مش انا قولتلك هيخرج.
كارما(بدموع): بس انا كدة يعتبر مش بحبه بخرج و بهزر و اضحك و هو في السجن و هو اخويا التاني...
احمد: خلاص يا حبيبتي هروحك بس بعد الغداء. ماشي؟!
كارما: ماشي.
احمد: اضحكي بقي يلا...

كارما ابتسمت و احمد ابتسم ليها,ياسين بص ليهم بابتسامة.
قصي: طب ايه مش يلا نأكل مراتي حامل و عايزة تتغذي.
احمد: مراتك برضو و لا بطنك.
قصي: ظريف ملكش دعوة...
ياسين: يلا علي الغداء.
كلهم راحوا علي السفرة و قعدوا يأكلوا في جو أُسرِي.
ياسين: وجد اخبارها ايه؟!
قصي: مشغولة علشان هي اللي ماسكة قضية باسل...
ياسين: رينا يعينها يا رب، عايز لما باسل يخرج اعزمها هي و هو...

احمد: فكرة حلوة، عن اذنكم بقي اوصل كارما يلا يا حبيبتي.
كارما: عن اذنكم.
ليلي: علي تلفونات بقي.
كارما: ماشي يا قمر.
كارما و احمد خرجوا بره القصر,ياسين بص ل ليلي.
ياسين: روحتوا كشفتوا؟!
ليلي: اه اه.
ياسين: يعني متابعين مع دكتور؟!
ليلي: اه.
قصي: متكدبيش انا اللي حمار و نسيت المواضيع دي. انا اسف.
ليلي: لا عادي.
قصي: من بكرة هوديكي تتابعي مع دكتورة مشهورة.
ليلي: **** يخليك.
قصي: و يخليكي ليا.

قصي مسك ايد ليلي و باسها و بص ل ياسين لقاه بيبتسم ليهم و سابهم و طلع اوضته...
قصي: اسف.
ليلي: بس يا اهبل.
قصي: لا هرمونات مش عايزين.
ليلي(بضحك): ****.
قصي: بلطجة لا برضو انا عايز ابني يطلع مهذب كدة و محترم زي ابوه...
ليلي(بضحك): طب لو بنت.
قصي: و **** كان نفسي اقولك تطلع شبهك بس لا.
ليلي(بشهقة): يا حيوان...
ليلي ضربت قصي كذا مرة في كتفه و هو بيضحك عليها و خدها في حضنه و باس رأسها...

-قصي عرف اللي حصل من منصف ل نهلة ردة فعله كانت هادية جدا معملش اي حاجة قعد يوم كامل في الحالة دي و بعد كدة رجع زي الاول...

-في مكان تاني...
عند باسل.
باسل كان قاعد في السجن وسط المساجين و كان بيفكر في اللي حصل و ايه اللي خلي وجد كدة تاني.
عسكري: باسل الانصاري زيارة.
باسل قام وقف و خرج مع العسكري وصل للمكتب و دخل لقي ياسين قاعد منتظره.
باسل استغرب جدا و قعد قدام ياسين و بصله.
باسل: وجد حصلها حاجة؟!
ياسين: لا.
باسل: حمدلله علي السلامة.
ياسين: **** يسلمك، انا جايلك بخصوص وجد بس متقولهاش اني جيت.
باسل: اكيد اتفضل.

ياسين: بس قبل كل حاجة بعتذر عن اللي حصل من ولادي في عائلتك و فيك انا عارف انه صعب و ان الاعتذار مش هيعمل حاجة بس لو في حاجة اقدر اعملها قولي. منصف هيدخل السجن لانه قتل نهلة و انا طردت ماجدة و يوسف.
ياسين: دي اول حاجة، بالنسبة ل وجد.


ياسين: وجد من صغرها و هي مكنش ليها حد غيري و غير جدتها و قصي الباقي يعني شوية كدة و شوية كدة. انا ربيتها علي الاخلاق و الاصول فاياك في يوم تشك فيها. وجد بتحب اللي يهتم بيها و يحسسها بانها اهم واحدة في حياته...
ياسين: عمرك سألت نفسك ليه وجد حبتك بسرعة كدة لانها شافت فيك حنان ملقتهوش مع الاب شافت في عيونك لهفة و خوف عليها. شافت معاك كل حاجة كانت بتتمناها...

ياسين: وجد تبان قوية لكن صدقني هي محتاجة اللي يحتويها اللي يحسسها بالامان. وجد مترددتش لحظة وهي بتدافع عنك في المرتين.
ياسين: صدقني وجد بتحبك و يا بخت اللي يلاقي حد بيحبه، خليك معاها متسبهاش حتى لو متخانقين. متنمش الا و هي في حضنك و انت مصالحها و بعد كدة اتعاتبوا ده العتاب محبة.
ياسين: لما انا وافقت عليك عريس ل وجد كنت شايف في عيونك صدق بحبك و لحد الان شايفه في عيونك متزعلش من وجد.

ياسين: وجد طيبة و بتحبك صدقني يا باسل.
ياسين: محدش ضامن عمره.
ياسين: وجد هتلاقيها ثابته و بتكتم ثابته و بتكتم لغاية ما في لحظة هتنهار في الوقت ده هي مش محتاجة غير حضنك مش عايزة خناق، حافظ عليها يا باسل دي امانة.
باسل: وجد في عيني و في قلبي يا ياسين بيه. عارف اني غلطت لما سبتها بس و **** العظيم غصب عني كان ساعتها الكره عاميني مع اني كنت بحبها بس كنت بكدب نفسي...

باسل: انا لغاية دلوقتي انا بندم علي اللحظة اللي سبتها فيها. بس نفسي انها تنسي تنسي و **** الحياة هتمشي و مش هزعلها تاني...
ياسين قام وقف و حط ايده علي كتف باسل.
ياسين: هتنسي الوقت بينسي هيبقي ماضي اديها بس فرصة. **** يخليكوا ل بعض.
باسل: شكرا يا ياسين بيه علي الزيارة دي.
ياسين: يلا مع السلامة...
ياسين مشي و خدوا باسل رجعوه الحبس.

-في الصباح الباكر.
في قصر الانصاري.
كان الكل قاعد علي السفرة بيأكل في صمت.
شريهان: انتوا ليكوا نفس تأكلوا و باسل في السجن؟! انتوا مش بشر؟! و انتي ياللي اسمك امه و انتي ياللي بتحبيه ايه شيفاكوا بتاكلوا و لا هاممكوا.
عصمت(بغضب): ا.

وجد(بهدوء): و انا ليه استهلك كل طاقتي في مشكلة واحدة ليه امنع نفسي عن الاكل و منامش و اقعد حزينة و اعيط و اهلك دموعي علشان مشكلة و انا متأكدة ان الحزن مش هيدوم و لا الفرح هيدوم و هقابل مشاكل تانية.
وجد(بهدوء): حبنا للشخص بيبقي موجود في قلوبنا و محدش مطلع عليها غير **** فمتجيش تحكمي عليا انا بحب مين و مبحبش مين.
وجد(بهدوء): عايزة تتخانقي اتفضلي.

كل اللي كان قاعد بص ل وجد و ل شريهان اللي معرفتش ترد علي وجد و بصتلها بغضب و مشيت.
وجد: عن اذنكم كلت.
امل: وجد هانم.
وجد: نعم.
امل: ياسين الصياد بره.
وجد: تمام...
وجد: لو سمحت هستقبل جدو هنا حضرتك موافقة و لا لا؟!
عصمت بصت ل وجد و بعدها بصت لامل.
عصمت: دخليه.
وجد: شكرا.
وجد قامت وقفت و اول ما لقت ياسين دخل جريت عليه حضنته و باست ايده.
وجد: وحشتني اوي. عامل ايه اخبارك؟!

وجد: روحت ازاي؟! هو في حاجة؟! ليه جيت قلقتني؟!
ياسين(بضحك): اهدي يا هبلة، هتكلم معاكي بس اهدي.
ياسين: السلام عليكم.
الكل ما عدا نعمة: عليكم السلام...
وجد: تعالي معايا.
وجد خدت ياسين و راحوا اوضة الضيوف.
حازم: عن اذنكم هروح الشغل.
سمر: هتعدي علي مول؟!
حازم: يعني مش عارف.
سمر: خدني معاك عايزة اشتري حاجة.
حازم(بضيق): طيب قومي.
سمر و حازم قاموا و خرجوا بره القصر...
رضوان: ماما انا همشي عن اذنك.

رضوان سابهم و خرج و كان متضايق من مامته.
اسيل: هروح المرسم.
جودي: خديني معاكي.
اسيل: طيب. قومي يلا.
طارق: معتز بيه، بعد قرار الحكم بتاع باسل هكتب كتابي علي جودي و بعدها بشهر الفرح عن اذنكم.
طارق سابهم و خرج و جودي وقفت متخشبة مكانها.
معتز: ايه يا نعمة هو ابنك ميعرفش الذوق؟!
نعمة(بهدوء): ارفض لو عايز انا مليش فيه دي حياته.
نعمة سابتهم و قامت من علي الاكل.
عصمت: سهر تعالي عايزاكي.
سهر: حاضر.
عند وجد و ياسين.

وجد: وحشتني اوي اوي.
ياسين: و انتي يا حبيبتي. وحشتني طفولتك وحشتني ضحكتك و لهفتك للحاجات الحلوة و كنتي عاملة زي الطفلة...
ياسين: دلوقتي باين انك واحدة ناضجة متجوزة عاقلة.
وجد: الايام كدة امبارح كنت ابنة دلوقتي زوجة بكرة ام بعده جدة...
ياسين: مبسوطة مع باسل؟!
وجد(بتنهيدة): بعده و قربه مش مريحني يا جدو.
ياسين: وجد انتي لازم تنسي.

وجد: مش قادرة حقيقي مش قادرة. هو انا بزرار انسي هنسي و لو نسيت هو امه هتسبني انسي عائلته هتسبني.
ياسين: اطلبي منه تنفصلوا من البيت ده.
وجد: لما يخرج.
ياسين: يعني انتي عايزه تفهميني انه مش فارق معاكي؟!
وجد: لا فارق و من غيره مقدرش اعيش و بحبه لا بعشقه بس مش مسمحاه انتوا ليه مش قادرين تفهموا...
ياسين: اهدي بس اهدي، انا واثق انه هيجي اليوم اللي هتنسي فيه و هتخلفي انتي و هو ساعتها هضطري و غصب عنك تنسي...

وجد: صدقني لو جت فرصة اني مخلفش منه هستغلها انا مش عايزة مش عايزة حاجة تربطني بيه و كمان لا ممكن يستغلوا ابني.
ياسين: طب.
وجد: جدو انت جاي علشان تقولي ايه بالظبط؟!
ياسين: جاي اقولك سامحيه ملكيش غيره كل واحد هيبقي ليه حياته الخاصة لكن انتي و هو حياتكم واحدة خافوا علي بعض.
ياسين: انتي غالية عنده و هو دلوقتي عنده استعداد يقتل اي فرصة ممكن تخليه يفقدك لانه جربه و عاني مش هيقدر يسيبك تاني صدقيني.

ياسين: و انتي متزودهاش يا وجد.
ياسين: ملكوش غير بعض يا حبيبتي...
وجد: حاضر يا جدو حاضر هو قدري.
ياسين: و احلي قدر.
وجد ابتسمت و حضنت ياسين و ياسين باس رأسها.
ياسين: هتوحشيني.
وجد: خليك معايا شوية.
ياسين: حاول تصالحي احمد مع ثريا.
وجد: حاضر. و حاول انت كمان.
وجد: و علفكرة ثريا و علي بيحبوا بعض اوي و هما كويسين مع بعض.
ياسين: انا مسامحها بس مش هقدر اشوفها مش هقدر انسي.
وجد: متخافش هتنسي هي بس فترة.


ياسين: يلا اسيبك يا محامية.
وجد(بضحك): طيب. هتوحشني اوي.
ياسين حضن وجد و وجد حضنته و وصلته لغاية باب القصر.
ياسين: متسبهوش بيحبك.
وجد: حاضر...

عدي يومين و الاحوال يعتبر مستقرة نوعا ما.
وجد صحيت من نومها و قامت خدت دوش و خرجت تغير هدومها...
وجد لبست بنطلون اسود و فوقه تي شيرت اسود ب ¾ كم لغاية الخصر و فوقه جاكت جلد اسود و لبست بوط قصير باللون الاسود,وجد سيبت شعرها علي ضهرها و حطت مكياچ خفيف جدا و حطت البرفيوم بتاعها.
وجد نزلت ل تحت لقت الكل جاهز...
عصمت(بغضب): انتي بتفولي علي ابني يا بت انتي و لابسة اسود.

وجد(بهدوء): ارجوكي انا مش قادرة اتخانق.
عصمت مسكت وجد من دراعها و شدتها ناحيتها.
عصمت: ابني هيطلع و ساعتها نشوف حكاية الاسود ده...
اسيل: خلاص يا عصمت هانم يلا بينا.
الكل بدأ يخرج و هما بيبصوا ل وجد و مستغربينها.
سهر(بهمس): انتي ليه لابسة اسود؟!
وجد: بتفائل بيه.
وجد ركبت في عربية لوحدها و ساقت و الكل كان رايح ناحية المحكمة و وجد غيرت طريقها...

بعد فترة وجد وقفت قدام عمارة قبل ما تنزل فتحت درج العربية و طلعت منه مسدس و حطته في شنطتها و طلعت للشقة اللي هي عايزاها.
وجد رنت الجرس و بعد فترة الباب اتفتح...
قاسم(باستغراب): وجد!
وجد: ممكن ادخل؟!
قاسم: اتفضلي.
وجد دخلت و قفلت الباب و قعدت علي الكرسي اللي لقته و حطت رجل علي رجل.
وجد: مش عيب تخون صاحبك.
قاسم: انتي بتقولي ايه؟!
وجد: بقول اللي عارفاه، للاسف العلامة دي كشفتك.

وجد شاورت علي وشم صغير علي شكل عقرب.
قاسم: عايزة ايه؟!
وجد: الورق اللي يخرج باسل من القضية.
قاسم: اتحرق.
وجد: جيبه.
قاسم: المقابل؟!
وجد: مفيش مقابل.
قاسم: ده انتي قلبك ميت علشان تيجي هنا لوحدك.
وجد: مش لسة هنتعرف. اجري هات الورق.
قاسم: طيب.
قاسم دخل اوضته جاب كل الورق الخاص بباسل.
وجد: حطه هنا.
قاسم: طيب.

وجد قامت وقفت و لسة هتأخد الورق قاسم ضربها في بطنها برجله و وجد وقعت علي الارض,قاسم راح ناحيتها و مسك حزام كان مرمي في الارض حطه حوالين رقبة وجد و وجد قعدت تكح و وشها ازرق و كانت بتضرب قاسم في كتفه و حاولت تدخل صابعها في عين قاسم ف قاسم بعد عنها.
قاسم: يا مجنونة.
وجد قعدت تكح و بصت ل قاسم اللي قام وقف مسكت رجله و وقعته في الارض و قعدت فوقه و قعدت تضربه كذا بوكس في وشه.

وجد بعدت عن قاسم و قامت وقفت و هي بتنهج و حطت الورق في شنطتها.
وجد طلعت المسدس و حطته في وش قاسم.
وجد: لو مخلتنيش امشي من هنا و انت سليم همشي و انت ميت.
قاسم هجم علي وجد و شد منها المسدس و ثبتها علي الارض و حاول يعتدي عليها و وجد حاولت تقاوم كتير و ضربته في بطنه و خرشمت وشه كذا مرة...
وجد(بغضب): يا زبالة.
وجد ضربت قاسم جامد برجليها ف قاسم بِعد عنها.

وجد قامت وقفت و مسكت شنطتها و فتحت باب الشقة و نزلت جري علي السلالم.
قاسم كان هيجري وراها بس لقي المسدس وقف في البلكونة بتاعته ضرب نار علي العربية بتاعتها.
كانت وجد وصلت ل تحت لقت العربية كدة كانت هتجري بس قاسم قعد يضرب نار ناحيتها و بالعافية قدرت تهرب.
وجد قعدت تجري لغاية ما وقفت تاكسي...
وجد: اطلع علي بسرعة.
بعد فترة كان السواق واقف في اشارة مرور.
وجد: مفيش اي طريق تاني؟!
السواق: لا.


وجد فتحت باب العربية و نزلت دفعت الحساب للراجل و بدأت تمشي بين العربيات علشان توصل للمحكمة.
في المحكمة.
كان الكل موجود و باسل واقف في القفص.
نعمة: هي مجتش ليه؟!
باسل: اسيل.
اسيل: نعم.
باسل: فين وجد؟!
اسيل: معرفش كانت معانا و فجأة ملقينهاش.
باسل(بقلق): كلمي سليم قوليله يعرف هي فين بسرعة.
اسيل: حاضر.
اسيل راحت ناحية سليم و قالتله اللي باسل قاله...
سليم: بكلمها جرس بس مش بترد.
اسيل: اوف.

اسيل: اهدي يا باسل هي في الطريق.
القاضي دخل و الكل قام وقف و بعدها قعدوا.٧
القاضي: الدفاع يتفضل.
الكل سكت و بعدها في محامي كبير قام وقف و بدأ يتكلم و هو مش عارف يقنع القاضي.
بعد فترة كان القاضي قام و دخل هو و النواب يتناقشوا في الحكم و بعدها خرج.
باسل كان مركز مع الباب منتظر دخول وجد.

القاضي: حكمت المحكمة حضوريا علي المتهم باسل حسن ابراهيم الانصاري بالمؤبد نظرا لجرائمه بخيانة الوطن و خيانة وظيفته و استخدام سلطاته لتدمير البلاد و شباب هذا الوطن.
كل البنات قعدت تعيط و الشباب بصوا ل باسل بحزن و عصمت حطت عينيها في الارض تمنع دموعها.
في اللحظة دي الكل لقي باب المحكمة بيتفتح و وجد بتدخل و هي بتنهج و باين علي شكلها الضرب و نازل من رأسها ددمم و اجزاء من هدومها متقطعة.


الجزء الثاني

كل البنات قعدت تعيط و الشباب بصوا ل باسل بحزن و عصمت حطت عينيها في الارض تمنع دموعها.
في اللحظة دي الكل لقي باب المحكمة بيتفتح و وجد بتدخل و هي بتنهج و باين علي شكلها الضرب و نازل من رأسها ددمم و اجزاء من هدومها متقطعة...
باسل بصلها بقلق و خوف عليها و الكل لف بص ناحية باب المحكمة...
القاضي: انتي مين؟!
وجد قربت من القاضي و وقفت قدامه.
وجد: المفروض انا المحامية اللي مستلمة القضية دي.

القاضي: بس في غيرك اترافع و الحكم اتقال.
وجد: بص اكيد بعد ما حضرتك هتطلع علي الأوراق و المستندات اللي معايا هتغير رأيك.
وجد طلعت الورق و قدمتها للقاضي,بصت في الأرض و بعدها رفعت عينيها للقاضي.
وجد: المستندات دي تمت سرقتها للإيقاع بموكيلي باسل حسن إبراهيم الأنصاري.
وجد: أتمني من سيادتكم اعادة النظر في الحكم. نظرا لبراءة موكيلي.
وجد: و يا ريت حضرتك تحط في الاعتبار ان المجرم الحقيقي لسة حر و عايش حياته.


القاضي: ايه اللي عمل كدة فيكي؟!
وجد: ضريبة علشان اجيب الورق.
القاضي بص ل وجد من تحت ل فوق.
القاضي: الحكم بعد المشاورة.
القاضي و النواب دخلوا اوضة المشاورة علشان يتناقشوا.
وجد قربت من باسل و ابتسمت ليه باسل لمس ايديها.
باسل: حصلك ايه؟! انتي كويسة؟!
وجد: اه متخافش.
باسل: عرفتي مين السبب؟!
وجد: اه.
باسل: متأكدة انك كويسة؟!
وجد(بتعب): اه شوية يعني.
باسل: خدي الشال بتاع سهر.
وجد: مش لازم ا.
باسل: يلا خدي الشال.

سهر: خدي يا وجد و اسمعي كلام باسل هو خايف عليكي.
وجد: شكرا.
عصمت كانت بتبص علي وجد كل شوية و مترددة.
القاضي جه و الكل قام وقف و بعدها قعدوا.
القاضي: بعد الاطلاع علي الاوراق و المستندات امرنا نحن باخلاء سبيل المدعو باسل حسن ابراهيم الانصاري.
سليم(بفرحة): اخيرا.
الشباب قامت بحماس و راحت ناحية باسل و باسل كان مبسوط و مركز مع وجد اللي بتبتسم ليه بهدوء.
عصمت(بهدوء): شكرا.
وجد: ده جوزي معملتش حاجة غريبة.

اسيل: ده انتي طلعتي جامدة.
سهر(بغمزة): يا عم الجامد.
باسل خرج من القفص و راح ناحية عصمت باس ايديها و رأسها,و راح ناحية وجد رفعها من علي الارض و باس رقبتها و رأسها و خدها.
حازم: لا دي الليلة فرح.
باسل(بحب): **** يخليكي ليا.
وجد(بابتسامة): و ليا.
نعمة: مبروك يا باسل مش يلا بينا.
وجد: لازم نعمل كذا اجراء قبل ما نمشي.
باسل: روحوا انتوا و احنا جايين وراكوا، سليم رضوان يلا تعالي يا وجد.

الباقي مشي و رجع القصر و الاربعة دول فضلوا و كان باسل ماسك في وجد مش عايز يسيبها.
باسل: في تاني؟!
وجد: هروح اجيب ورقة من الشئون لحظة.
وجد راحت جابت الورقة اللي قالت عليها و خلت باسل يمضيها.
وجد: كدة تمام. يلا بينا.
وجد جابت كل ما يخص باسل اللي هما خدوه اول يوم حبس,الاربعة ركبوا العربية و باسل و وجد ورا.
باسل: مين؟! حد نعرفه؟!
وجد: قاسم.
سليم وقف العربية بسرعة و باسل بص ل وجد بصدمة.
سليم: متأكدة؟!


وجد: ايوه...
باسل(بحدة): اطلع يا سليم.
سليم: طيب.
سليم وقف قدام القصر و باسل و وجد و رضوان نزلوا.
باسل: هكلمك بليل.
سليم: هنبدأ بقي من بكرة خليها بكرة.
باسل: طيب. يلا يا وجد.
رضوان: نورت بيتك.
باسل: شكرا.
دخلوا القصر لقوا الكل في انتظارهم,باسل سلم علي كل واحد موجود و كلهم قعدوا يتغدوا و بعدها باسل استأذن و خد وجد و طلعوا اوضتهم.
وجد: هطلعلك هدوم...
باسل: طيب.

باسل بص ل وجد و بعدها دخل الحمام خد دوش يريح اعصابه و خرج لقي وجد بتأخد هدومها و داخلة الحمام.
باسل: وجد.
وجد: نعم.
باسل: انا شايف ان في حاجة فيكي. الحيوان قاسم عملك حاجة؟!
وجد: ميقدرش متخافش انا بخير شوية ارهاق بس. غير هدومك و انا هدخل اخد دوش عن اذنك...
وجد سابت باسل و قفلت الباب و انهارت في العياط و كانت بتكتم صوتها علشان باسل ميسمعهاش...
بعد فترة بسيطة وجد قامت خدت دوش و غيرت هدومها...

وجد لبست بنطلون اسود و تي شيرت بكم اسود و عملت شعرها علي شكل ضفيرة و نزلت كام خصلة حوالين شعرها.
وجد خرجت ل باسل لقته قاعد نص قعدة علي السرير قربت و قعدت علي الطرف التاني...
وجد: تصبح علي خير.
وجد بدأت تنام و طفت النور اللي جمبها و حست ب باسل و هو بيحضنها و بيشدها ل حضنه.
باسل: وحشتيني اوي.
وجد: و انت.
باسل: ممكن اعرف مالك؟! حاسة بايه؟!
وجد: مفيش يا حبيبي تصبح علي خير.

وجد غمضت عينيها و حاولت تنام و باسل نام نوم عميق لانه كان تعبان و مرهق اوي...
في الصباح الباكر...
باسل قام من نومه لقي وجد واقفة قدام المراية بتظبط نفسها.
باسل: صباح الخير.
وجد: صباح النور.
باسل قام و راح ناحية وجد حضنها من ضهرها و سند دقنه علي كتفها و بص علي صورتهم في المراية.
باسل: مالك؟!
وجد: ليه بتفضل تسألني السؤال ده انا كويسة صدقني.


باسل: لانك مش كويسة اينعم انتي بتحبي اللون الاسود لكن مش بالطريقة دي و وشك باين عليه الحزن عيونك حزينة مليانة دموع.
وجد سابت باسل و مشيت بس باسل مسك دراعها و شدها ناحيته بعنف و بص في عيونها لقي دموع بتنزل علي خدها...
وجد(بدموع): سبني عايزة امشي ورايا ميعاد مهم.
باسل: عايزة تسبيني؟!
وجد(بدموع): لا بس سبني دلوقتي ورايا مشوار.

باسل(بحدة): ما تعرفيني في ايه مالك؟! حرام عليكي ليه عاوزة توجعي قلبي بالشكل ده.
الاتنين فضلوا علي نفس الحالة ل دقايق الاتنين بيبصوا ل بعض بس و في لحظة كان باسل شد وجد في حضنه و باس رأسها.
وجد لفت ايديها حوالين باسل و قعدت تعيط بحرقة.
باسل اتحرك بوجد في حضنه و قعد علي الكنبة و هي في حضنه,وجد بِعدت رأسها و بصت ل باسل.
باسل: ممكن اميرتي تقولي في ايه؟!
باسل: ممكن؟!
وجد(بعياط): جدو مات.

باسل خد وجد في حضنه و شدد عليها و هي في حضنه و كان مصدوم اوي و هي قعدت تعيط.
وجد(بعياط): النهاردة الدفنة انا عايزة اروح.
باسل: حاضر. هقوم البس و اجي معاكي...
باسل ساب وجد و دخل بسرعة غير هدومه و خرج مسك ايد وجد و مسح ليها دموعها و نزل بيها ل تحت...
عصمت: في ايه يا ابني؟!
باسل: جد وجد اتوفي.
سهر(بحزن): البقاء لله يا وجد.
اسيل(بحزن): البقاء لله يا روحي.
رضوان: البقاء لله...

جودي(بدموع): البقاء لله. شدة و تزول.
تليفون وجد رن، الخط اتفتح.
وجد: انا جاية يا احمد.
وجد: حاضر. يلا باي.
وجد: يلا يا باسل.
باسل: رضوان هبعتلك المكان جيبهم و تعالي.
باسل مسك ايد وجد و خرج بره القصر ركبها العربية و لف ركب و بدأ يسوق ناحية ما وجد بتقوله.
باقي العائلة كل واحد طلع يلبس ما يليق بالدفنة و نزلوا ركبوا العربيات و راحوا.
في المقابر...
قصي كان واقف بيدمع و ليلي بتطبطب علي كتفه.
ليلي(بدموع): ادعيله.

احمد(بهدوء): وجد في الطريق.
قصي(بدموع): كلم ثريا.
احمد(بهدوء): لا مش مكلم حد.
قصي(بدموع): كلميها انتي يا ليلي.
ليلي(بدموع): حاضر يا حبيبي.
ليلي طلعت تليفونها و اتصلت ب ثريا، الخط اتفتح.
ثريا: الو.
ليلي: ازيك يا ثريا عاملة ايه؟!
ثريا: الحمد****، مال صوتك؟!
ليلي(بدموع): ثريا.
ثريا: ايه مالك قصي حصله حاجة؟!
ليلي(بدموع): ياسين بيه مات.
ثريا(بصريخ): جدو!

علي جه بسرعة علي صوت ثريا لقاها بترتعش و وقعت في الارض,علي مسك بسرعة التليفون...
علي: الو في ايه؟!
ليلي: جدها مات...
علي(بحزن): طيب ابعتيلي العنوان و احنا جايين.
ليلي: طيب.
علي قرب من ثريا و خدها في حضنه و هي قعدت تعيط.
ثريا(بعياط): مات قبل ما يسامحني يا علي مات قبل ما يسامحني...
علي: اهدي يا حبيبتي اكيد سامحك ده انتي حفيدته اكيد سامحك...
ثريا(بعياط): يا رب ليه كدة ليه كل ده بيحصل معايا.

علي: اهدي يا حبيبتي لو مش عايزة تروحي براحتك.
ثريا(بعياط): لا عايزة عايزة. خدني ليه يا علي.
علي: حاضر بس ممكن تهدي يا حبيبتي يلا.
علي وطي شال ثريا بين ايديه و طلع اوضته بدأ يغير ليها هدومها و غير ليه هدومه.
علي شال ثريا تاني بين ايديه و نزل ل تحت ركبها العربية و لف ركب و بدأ يسوق ناحية المقابر.
بعد فترة كان علي واقف قدام المقابر و باسل كان لسة واصل الاتنين بصوا ل بعض بحزن.

علي نزل و فتح باب العربية ل ثريا و وطي شالها بين ايديه...
ثريا(بعياط): نزلني نزلني.
علي: يا حبيبتي.
ثريا(بعياط): نزلني.
علي نزل ثريا علي الارض و سندها بايديه,وجد نزلت من العربية و هي لابسة نضارة سوداء.
باسل: وجد.
وجد قربت من المقابر و معاها ثريا و علي و باسل ماشي جمب وجد و حزين علي حالها.
وجد قربت من قصي حضنته هو انفجر في العياط,ليلي عيطت علي عياط قصي.
وجد: هشششش اهدي انت راجل و الرجالة مش بتعيط.

وجد: اهدي يا قصي جدو راح مكان احسن من هنا صدقني...
وجد بعدت عن قصي و قصي حضن ليلي و هي مسحت ليه دموعه و هي بتعيط.
وجد قربت من احمد و قلعت النضارة ببطء.
وجد: كانت امنيته قبل ما يمشي انك متفضلش مخاصمها.
احمد بص علي ثريا و بعدها بص ل وجد.
احمد: و اللي تجيب العار ليا متلزمنيش يا وجد.
وجد لبست النضارة تاني و ثريا كانت بتعيط في حضن علي...

بعد كام دقيقة كذا عربية سوداء بحراس وقفوا قدام المقبرة و نزلت عائلة باسل.
وجد: ابداوا.
بدأوا يفتحوا المقبرة بتاعت جدة وجد و قصي و احمد و علي و باسل نزلوا جثة ياسين و خرجوا.
و الشيخ بدأ يقرأ قرآن و يقول ادعية و كل اللي موجود يقول امين...
كل الغرباء مشيوا,وجد وقعت في الارض علي ركبته.
ثريا كانت ساندة علي الحيطة بتعيط بصمت...


قصي كان واخد ليلي في حضنه و بيحاول يمسك دموعه,احمد كان واقف ثابت و كل ما تنزل دمعة يمسحها...
وجد(بصريخ): تيتة ليه خدتي جدو جمبك حرام عليكي فراقكم صعب انتوا الاتنين.
وجد(بصريخ): سمعاني ليه خدتيه حرام عليكي.
وجد(بصريخ): جدو متسبنيش، ارجوك متسبنيش.
وجد(بصريخ): ليه سبتني؟!
وجد(بصريخ): هونت عليك رد عليا ارجوك متسبنيش كدة انا بحبك و مش هزعلك تاني.

وجد(بعياط): مش هأكل شيكولاتة تاني من وراك و مش هسهر و مش هحط نفسي في المشاكل.
وجد(بعياط): بس متسبنيش.
وجد(بعياط): علشان خاطري انا اسفة هبقي بنت مؤدبة زي ما انت عايز مش هعاند و مش هتخانق مع احمد.
وجد(بعياط): مش هزعلك و مش هزعل تيتة. مش انت بتحبني لاني شبهها ليه سبتني ليه؟! حرام عليك.
وجد(بعياط): ارجعلي علشان خاطري.

وجد(بعياط): انا وحيدة من غيرك علشان خاطري ارجع مش هستخبي تاني في اوضة المكتب سامحني بس ارجوك ارجعلي متزعلش مني انا بحبك.
وجد(بعياط): علشان خاطري ارجوك انا بحبك و **** و مش عايزاك تمشي خليك جمبي بحب اتكلم معاك ارجوك.
كان الكل واقف باصص ل وجد و الكل كان مصدوم لما لقي عصمت خدت جمب و عيطت لاول مرة في حياتها...
قصي حط ايده علي قلبه,باسل كان حاسس بوجع في قلبه بسبب وجع وجد و مكنش قادر يشوفها بالشكل ده.

باسل قرب من وجد و نزل ل مستواها و حاوطها بايده...
باسل: حبيبتي يلا نمشي، هو مات ادعيله و متفضليش تعذبيه بعياطك و صراخك علشان خاطري.
وجد(بعياط): خليه يرجعلي يا باسل، ارجوك انا بحبه اوي.
باسل(بدموع): طب ممكن علشان خاطري تيجي معاايا دلوقتي و انا هخليكي كل يوم تيجي تزوريه.
باسل(بدموع): ممكن؟!
باسل سند وجد و خلاها تقوم تقف...
ليلي(بصريخ): قصي!
الكل لقي قصي وقع مغمي عليه في الارض.
احمد(بخضة): قصي!

احمد و علي جريوا علي قصي و باقي الشباب سندوه و خرجوا بره المقابر ركبوه العربية.
باسل: يلا يا وجد.
باسل سند وجد معاه و خرجوا و فجأة وجد حست بدوخة وقعت مغمي عليها هي كمان بين ايدين باسل...
باسل(بقلق): وجد.
باسل(بصوت عالي): وجد!
باسل شال وجد بسرعة و راح ناحية عربيته حطها فيها و ساق ناحية المستشفي.
سمر: اتفضلي معايا اساعدك.
سمر سندت ثريا و خرجوا بره المقابر كان علي راح بسرعة ناحية ثريا و شالها بين ايديه.

علي(بسرعة): شكرا يا سمر.
علي ركب ثريا في عربيته و لف ركب و بدأ يسوق.
و الكل بدأوا يركبوا للعربيات و يروحوا للمستشفي ورا باسل و احمد...
في المستشفي.
كان احمد ب قصي وصل و نزل جاب نقالة و نقلوا قصي علطول.
ليلي(بعياط): دكتور مصطفي ارجوك.
مصطفي: مش قولت مليون مرة يعمل العملية.
ليلي(بعياط): اعملها دلوقتي ارجوك اعملها.
مصطفي: جهزوا اوضة العمليات.
احمد: ماله قصي؟!

ليلي(بعياط): عنده مشكلة في القلب و كان لازم عملية من وقت كبير.
احمد(بصدمة): قصي!
باسل: دكتور.
باسل كان داخل و وجد بين ايديه وشها شاحب جدا و شفايفها بيضاء دخلوا وجد الطوارئ,باقي العائلة جت و يعتبر المستشفي بقت عبارة عن عائلة وجد و عائلة باسل.
باسل(بقلق): ايه اخبارها؟!
ممرضة: حطيناها علي جهاز الاكسجين.
باسل(بقلق): طب ممكن ادخل ليها؟!
ممرضة: اه.
علي: الكلام ده حصل امتي؟!

اسيل: ايوه ازاي احنا معرفناش وجد كانت كويسة اليومين اللي فاتوا يعني نوعا ما.
احمد: ياسين بيه متوفي من 3 ايام كان رايح يزور وجد و بعدها رجع قال هيطلع يريح في اوضته و بعدها بعد فترة طلعنا صحيناه لقيناه توفي.
عفاف: ازاي طيب وجد مقالتش لينا؟!
احمد: قالت لما باسل يخرج هندفنه. و احنا حطيناه في المشرحة لمدة يومين نظرا ل رغبة وجد.
باسل حاول يتماسك و سابهم و دخل لاوضة وجد...

باسل دخل ل وجد لقاها متحاوطة بجهاز القلب و جهاز الاكسجين قرب منها و قعد جمبها مسك ايديها و دموعه نزلت...
بره...
عفاف: لا حول و لا قوة ب****، **** يقويها.
شريهان: او يأخدها و نرتاح منها.
عصمت قربت من شريهان وضربتها قلم علي وشها بغضب...
عصمت: روحي علي بيت اهلك و ورقتك هتوصلك هناك يلا.
شريهان بصت ليهم بغضب و سابتهم و خرجت بره المستشفي...
الكل فضل قاعد مستني وجد تفوق او قصي يخرج من اوضة العمليات...

بعد فترة كانت وجد بتبدأ تفوق لقت باسل جمبها.
باسل: احسن؟!
وجد هزت رأسها بمعني اه و لقت باسل ماسك ايديها حاولت تشد ايديها منه لقته ماسكها جامد.
باسل: حاسة بايه دلوقتي؟!
وجد: احسن الحمد****. ممكن تسيب ايدي.
باسل: ليه؟!
وجد بصت ل باسل باستغراب و غمضت عينيها لقت باسل بيحضنها و هي حاوطت رقبته بايديها.
باسل: بحبك.
وجد لا رد...
باسل: كلنا اموات يا وجد مش بقولك متزعليش بس ارجوكي متتعبيش نفسيتك حاولي تتناسي.

باسل: انا جمبك و مش هسيبك...
وجد دموعها نزلت و باسل مسحهم ليها و قام عدل ليها هدومها و مسك ايديها و خرجوا.
باسل: لسة؟!
احمد: اه.
علي: تحبي نروح؟!
ثريا(بتعب): لما نتطمن علي قصي.
الدكتور خرج بره اوضة العمليات اتخض لما لقي عدد كبير واقف قدام العمليات و رجع ل ورا.
احمد: قصي كويس؟!
الدكتور(بتوتر): ايوه كويس.
احمد: بجد؟!
الدكتور: ايوه و ****. ممكن تسيبوني بقي.

الدكتور هرب منهم و بعد فترة خرجوا قصي و ليلي مسكت ايده و هي بتعيط و دخلوه اوضة عادية...
علي: يلا يا حبيبتي انتي تعبانة.
ثريا(بدموع): احمد.
علي بص لاحمد اللي كان هيمشي و نادي عليه.
علي: اختك محتجاك.
احمد: مليش اخوات...
وجد: دي كانت امنية جدو و هو قالي خليه يسامحها و انا مسامحها.
ثريا عيطت و علي حضنها و باس رأسها.
باسل: انا شايف ان الموت حوالين كل واحد مننا علشان كدة الحق سامح قبل ما تفوق متلقيهاش.


احمد جري علي ثريا و شدها لحضنه و رفعها من علي الارض.
احمد(بدموع): وحشتيني.
ثريا(بعياط): و انت، اسفة.
احمد(بدموع): اسف انا اني مخدتش بالي منك.
ثريا(بعياط): بحبك.
احمد(بدموع): ايه اللي عمل فيكي كدة؟!
ثريا(بعياط): حادثة، مسامحني؟!
احمد(بدموع): اه.
علي: نجيب شربات بقي...
رضوان: مش حلوة.
علي: يلا يا بنتي احنا مطرودين من هنا.
ثريا(بدموع): ما تيجي معانا النهاردة علشان خاطري.
احمد: و قصي؟!
علي: مراته معاه متخافش.


احمد: طيب.
باسل: يلا احنا يلا يا وجد.
وجد حضنت ثريا و حضنت احمد و سلمت علي علي و مشيوا...
كل واحد بدأ يروح علي بيته...

عدي تلت شهور,وجد في هدوء تام مش بتتكلم مع حد الا قليل و باسل مش عارف يعملها ايه بيعمل كل شغله بسرعة و بيرجع ل وجد علشان يقعد معاها و يفضل يتكلم معاها بس هي مش بتتكلم كتير، قصي بقي كويس و عايش مع ليلي في حياة هادية و ليلي في الشهر الخامس، كارما لما عرفت راحت لاحمد و فضلت معاه مش بتسيبه، ثريا و علي حياتهم اتحسنت كتير، قاسم اتقبض عليه,ماجدة و يوسف مختفين.

وجد كانت قاعدة علي الكرسي اللي في الجنينة و بتقرأ كتاب لقت اللي بيبوس كتفها و خدها.
باسل: وحشتيني يا وجدي.
وجد: شكرا...
باسل: قوليلي عملتي ايه؟!
وجد: كتاب مفيش غيره يعني.
باسل: وحشتيني اوي.
وجد: شكرا.
باسل: لا انا جبت اخري منك. اروح انتحر.
وجد: بعد الشر عليك.
باسل: بقولك ايه ما تغيري الاسود ده و البسي احمر لون حلو برضو.


باسل: و لا اقولك تيجي نقضي شهر عسل في اي حتة تختاريه. و لا اقولك ما تيجي نروح الملاهي...
باسل: طب اعملك نفسي بهلوان. بس بصي حواليكي بس كويس لهيبة باسل الانصاري تروح.
وجد ضحكت و كانت اول مرة من تلت شهور تضحك من قلبها بالشكل ده...
باسل(بتوهان): يخرببيت جمال ضحكتك.
باسل قرب من وجد و(لخيالكوا)...
باسل باس وجد علي رأسها و هو مبتسم.
باسل: وحشتني ضحكتك.
وجد(بابتسامة): بحبك.
باسل: اللهم صلي علي النبي...

وجد ضحكت جامد و باسل ضحك معاها من قلبه.
عفاف: ضحكوني معاكوا.
باسل(بفرحة): البت طلعت بتحبني يا ناس، يالهوي اخيرا اخيرا.
باسل(بفرحة): البت بتحبني يا ناس.
باسل(بفرحة): يا بركة دعاكي يا اما(امي).
باسل دخل القصر و هو بيرقص بوقار و وراه وجد و عفاف و وجد كانت بتضحك عليه.
باسل: البت بتحبني يا ناس. البت قالتلي بحبك.
طارق: لا ده احنا نعمل الفرح بكرة.
طارق بدأ يرقص مع باسل و باسل كان مبسوط اوي.

باسل: طب و **** ما انا مزعلك الفرح بكرة.
باسل(بفرحة و صوت عالي): يا ناس يا ناس قالتلي بحبك يا ناس اخيرا ضحكت يا ناس شمسي شرقت يا ناس، بحبها اوي.
باسل حضن وجد جامد و وجد ابتسمت ليه.
وجد(بهمس): بحبك تاني.
باسل: لا انا بقول ايه بقي.
طارق: اي حد عايز حاجة يا جدعان بعد كدة يدخله من حتة وجد...
عصمت بصت ل فرحة باسل بكلمة بسيطة من وجد.
باسل: طب استأذنكوا انا بقي.

وجد شهقت لما لقت باسل شالها بين ايديه و طلع لاوضته.
تحت.
جودي: انت يا اخ انت مفيش فرح بكرة.
طارق(ببرود): مسمعش صوت بكرة الفرح و خلص الكلام مبقاش غير عيلة هتتكلم كمان.
جودي عيطت و سابت طارق و طلعت جري لاوضتها...
سمر: ليه يا رخم؟!
طارق: في ايه كدة كدة الفرح كان اخر الاسبوع ده خليته بكرة و كل حاجة جاهزة.
سمر: يا رب علي رخامتك.
نعمة: خلاص يا سمر في ايه.
سهر: طب كلموا سليم قولوا ليه.
اسيل: و اه علي...

رضوان: **** يبارك فيكم يا عيال كبرتوني...
حازم: متخافش يا بيضة انت اصلا كبير لوحدك ده انت عندك يا عم 40 سنة.
رضوان: تعالي ياض انت خانقني من الصبح.
رضوان طلع يجري ورا حازم و حازم بيضحك و الكل مبسوط بالتطور اللي حصل...

-في مكان تاني...
عند سليم و نرمين.
سليم: يا ماما يا ماما.
مريم: سليم.
سليم: سجلي عندك بكرة يوم فرحي يا ناس بكرة يوم فرحي...
مريم: مش كان اخر الاسبوع؟!
سليم: لا بكرة.
سليم: كلها ساعات و اتجوز يا ناس.
كارما: ما انت متجوز ده ايه الاو?ر ده؟!
سليم(بخبث): لا جواز عن جواز يفرق.
نرمين خبت وشها في كارما.
كارما: اه منحرف يعني. يلا يابا معندناش بنات للجواز...

سليم: لا ده انا اصورلكم قتيل هنا قال مفيش بنات قال، اومال المهلبية الجشطة(القشطة) اللي وراكي دي تبقي ايه...
نرمين: شايفة يا طنط البيئة اللي بيقولها دي.
سليم: مالها البيئة ها دي حتى بتجيب.
نرمين قلعت الشبشب و ضربت بيه سليم.
سليم: مردودة مردودة يا نرمين. هتروحي مني فين بكرة الفرح.
سليم: اغلطي بقي براحتك.
نرمين: امشي ياض من هنا.
سليم: شايفة يا ماما بتقل ادبها ازاي؟!
مريم: اخرسوا منك ليها.

مريم: انا داخلة المطبخ.
كارما: طب اسيب العرسان لوحدهم بقي.
نرمين: يا واطية بتسيبني علشان بصلك بصة.
كارما: لا يا حبيبتي حبيبي بيتصل بيا. يلا باي...
كارما طلعت تجري علي فوق و فتحت الخط علي احمد...
كارما: وحشتني...
احمد: و انتي.
كارما(بضيق): ايه الصوت اللي جمبك ده؟!
احمد: سمية السكرتيرة بمضي شوية ورق...
كارما(بضيق): يووووه بقي ما قولتلك انا هشتغل بدالها.


احمد: و انا قولتلك لما تبقي مراتي، امشي انتي يا سمية خلاص.
كارما(بضيق): يووووه هو بقي احنا هنفضل نتخانق علشان كدة كل يوم انا مش بطيق سمية دي.
احمد: كارما البنت محترمة و انتي عارفة ده بطلي غيرة شوية انا ليكي و انتي عارفة.
كارما: اه و يا تري جنابك هتيجي تطلبني امتي؟!
احمد: ملكيش فيه.
كارما(بغضب): احمد متعصبنيش.
احمد: تعرفي ان شكلك قمر.
كارما(بخجل): عرفت منين؟!
احمد: بشوفك بقلبي.

كارما(بخجل): علفكرة بقي كدة مينفعش...
احمد(ببتسامة): بحبك.
كارما: انت بتتوه في الموضوع.
احمد: انا اقدر برضو يا قمري.
كارما: سليم و نرمين بيتخانقوا لان بكرة الفرح.
احمد: عقبالنا.
كارما: يا رب.
احمد: في اقرب وقت يا حبيبتي اوعدك.
كارما: و انا واثقة فيك.
احمد: هقفل انا في اجتماع.
كارما: متكلمش بنات خالص.
احمد(بتنهيدة): حااااااااضر.

-في مكان تاني...
عند ثريا و علي.
علي: بقولك يا ثريا.
ثريا: ايه؟!
علي: بكرة عاملك مفاجاة.
ثريا: ايه هي؟!
علي: مش هتعرفيها دلوقتي.
ثريا قعدت علي رجل علي و حطت ايديها علي خده.
ثريا: ده انا ثريا حبيبتك.
علي: مش هتأثري عليا يا حبيبتي قومي يلا.
ثريا(بدلع): علي.
علي(بضعف): حبيبة علي.
ثريا(بدلع): مش هتقولي.
علي: **** يخرببيت الستات علي اللي جابهم يا شيخة حرام عليكي ستات متدلعة.

ثريا قعدت تضحك علي علي و علي قام بسرعة و دخل اوضة مكتبه.
ثريا(بضحك): تحب اعملك عصير؟!
علي(بصوت عالي): مشوفش وشك لغاية بكرة فاهمة.
ثريا(بضحك): طيب براحتك.
علي: يا رب الصبر من عندك.
ثريا ضحكت علي علي بصوت عالي و هو كان متغاظ منها...

في مكان تاني.
عند قصي و ليلي.
قصي: حبيبتي هاتي كوباية ماية.
ليلي: حاضر.
ليلي جابت ماية ل قصي و قعدت جمبه.
ليلي: بترسم ايه؟!
قصي: بنتنا.
ليلي: عرفت منين انها بنت الدكتور معرفتش لسة تحدد نوعه.
قصي: احساس الاب يا بنتي.
ليلي(بغيظ): و انا ليه حاسة انه ولد بقي!؟
قصي: نتراهن؟!
ليلي: لا يا عم انت فنان و حساس اكتر مني.
قصي(بضحك): يخرببيتك مالك يا بت مش طيقاني ليه؟!
ليلي(بدلع): لا انا بحبك بس هطلب منك طلب.

قصي: اممم قولي يا ست البنات.
ليلي: اعضك.
قصي. ملحقش يستوعب لقي ليلي انقضت علي كتفه و بدأ تعضه و هو صرخ.
قصي: يا بنت المجنونة وسعي يا بنت المجنونة...
قصي بِعد عن ليلي بالعافية. و ليلي ابتسمت ليه.
ليلي: مالك يا حبيبي متضايق ليه؟!
قصي: **** يخرببيتك.
ليلي: بيتي هو بيتك فهيتخرب معايا.
قصي: يا رب خدني يا رب خدني.
ليلي: يا رخم. فيها ايه لما اعضك كل الستات بتعض رجالتهم.
قصي: اديكي قولتي الستات...

ليلي(بشهقة): قصدك اني مش ست؟!
ليلي(بعياط): انت مبقتش تحبني.
قصي: لا طبعا طبعا انتي ست الستات و ست البنات كلهم يا روحي.
قصي خد ليلي في حضنه و باس رأسها.
قصي: خدي عضيني يلا براحتك.
ليلي ابتسمت ل قصي و حضنته جامد و باست خده...

-في الصباح الباكر...
عند وجد و باسل.
باسل فتح عيونه ببطء لقي في حضنه وجد و نايمة بعمق و بهدوء,باسل قرب منها و باس رأسها و غطاها بالبطانية و قام من جمبها ببطء.
باسل دخل الحمام خد دوش و خرج علشان يغير هدومه لقي وجد لسة بتفوق و بتشيل شعرها من علي وشها.
باسل: صباح الخير.
وجد(بنوم): صباح النور.
باسل: عايزة تكملي نوم كملي يا حبيبتي.
وجد(بنوم): تصبح علي خير طيب.
وجد رجعت تاني و حطت البطانية علي وشها.

باسل: و انا هاجي انا كمان انام جمبك...
باسل لقي وجد قامت بسرعة و قعدت علي السرير و بصت ل باسل.
وجد(بنشاط): انا صحيت يخربيت النشاط انا مش عايزة انام خالص...
باسل قعد يضحك بقوة علي وجد ل درجة انه قعد علي السرير من كتر من الضحك,وجد ضربت باسل في كتفه.
وجد(بضيق): يا رخم وسع كدة.
باسل: خلاص خلاص متبقيش طماطم.
الاتنين سمعوا صوت زعيق عالي جدا من تحت...
باسل: قومي بسرعة غيري هدومك.
وجد: حاضر.


وجد دخلت الحمام غسلت وشها كذا مرة و غيرت هدومها...
وجد لبست جيبة باللون الاسود ضيقة لغاية الركبة و فوقها تي شيرت بكم صوف باللون الاحمر و لبست صندل بكعب اسود و سيبت شعرها علي ضهرها.
باسل كان غير هدومه و مسك ايد وجد و خرجوا بره اوضتهم و نزلوا علي السلالم.
وجد اول ما نزلت وقفت مصدومة و شهقت.


الجزء الثالث

باسل كان غير هدومه و مسك ايد وجد و خرجوا بره اوضتهم و نزلوا علي السلالم.
وجد اول ما نزلت وقفت مصدومة و شهقت.
وجد لقت ماجدة واقفة و حوالين ايديها جبس و في جروح كتير في وشها,وجد نزلت ببطء ل تحت و جمبها باسل...
ماجدة(بدموع): وجد.
عصمت(بغضب): ملكيش حاجة عندنا يلا اطلعي بره.
ماجدة(بدموع): هتسيبيني كدة يا وجد ههون عليكي مش انا امك.

نعمة(بحدة): وجد لو عايزة تروحي معاها روحي بس مش هتدخلي البيت ده تاني، فاهمة؟!
عفاف: اهدوا مش كدة دي برضو مهما كانت امها.
عصمت(بغضب): قسما بربي لولا انك في بيتي لكنت قتلتك و انا نفسي في ده من زمان.
ماجدة(بدموع): وجد يرضيكي تسيبيني كدة، ابوكي عايز يقتلني.
عفاف: وجد حبيبتي ا.
نعمة(بحدة): اسمعي ياللي اسمك وجد انتي ل هي ل جوزك و عائلته فكري.
وجد رفعت عينيها ل باسل لقته بيبص بجمود ل ماجدة.

جودي(بهمس): الاختيار صعب.
سهر(بهمس): صعبانة عليا اوي.
اسيل(بهمس): المفروض اصلا عمتو متخلهاش تختار بينهم.
وجد قربت من ماجدة بخطوات ثابته و مسكت دراعها و مشيت بيها ناحية باب القصر.
وجد: ابقي ارجعي بكدبة اقوي من كدة المرة الجاية. دموعك مش هتخدعني مش انا.
وجد: لو علي الورث فقولي للي بعتك انه محروم من الميراث و انا ابويا و امي ماتوا من زمان.


وجد زقت ماجدة بره القصر و قفلت باب القصر و دموعها نزلت علي خدها و لفت ليهم.
وجد قربت من باسل و باسل جري ناحيتها و حضنها جامد و باس رأسها.
باسل: بحبك.
وجد لا رد...
عصمت: يلا اجهزوا علشان الفرح الليلة.
باسل مسح دموع وجد و بصلها بابتسامة...
باسل: هشوفك بليل.
وجد: تمام. خلي بالك من نفسك.
باسل: و انتي كمان يا حبيبتي يلا باي...
باسل سابهم و خرج بره القصر و ركب عربيته و راح للشباب...

عفاف: يلا يا بنات كل واحدة تطلع تأخد دوش.
جودي(بضيق): مش عايزة اتجوز...
سهر: بس يا هبلة يلا.
جودي(بضيق): اخوكي فاكرني الجارية بتاعته.
وجد: جودي انتي وافقتي و اكيد مش هتخلي منظر العائلة وحش انتي عروسة افرحي. و محدش عارف القدر مخبي ليه ايه.
جودي: يعني انتي شايفة كدة؟
وجد: اه.
اسيل: لا و النبي هي وجد جت هتأكل الجو و لا ايه؟!
وجد(بغرور مصطنع): انا كدة اصلا.
سهر: يا واد يا جامد.
سمر(باحراج): وجد.
وجد: نعم.

سمر(باحراج): ممكن لحظة علي جمب؟!
وجد: اه. عن اذنكم يا بنات.
وجد مشيت مع سمر لغاية ما طلعت اوضة سمر و بصت ليها باستغراب و عدم فهم...
سمر: بصي انا مبدأيا كدة بعتذر انا غلطت زمان. و كنت عايزة افتح معاكي صفحة جديدة من تلت شهور و اشتريت ليكي هدية.


سمر: بس طبعا انتي عارفة احنا كنا في ايه و انتي كنت تعبانة و كذلك ف اتاخرت شوية.
يمر: اتمني تقبلي اعتذراي...
جودي(بهمس): انا كل اللي هاممني جوا البوكس ده ايه.

سهر(بهمس): انا عايزة اعرف ردة فعل وجد.
اسيل(بهمس): اهدوا نعرف كل حاجة.
وجد(بابتسامة): انا مش زعلانة منك انتي كنتي ماشية ورا الحرباية شريهان دي اللي **** يهديها يعني.
وجد(بابتسامة): انا مش زعلانة منك و اكيد مش هكون حابة اكون عداوة يعني مش كفاية عصمت جبروت و نعمة امك سوري يعني.
سمر(بابتسامة): يعني مش زعلانة مني.
وجد(بابتسامة): لا يا حبيبتي.
جودي: طب ما نفتح بقي نشوف في ايه في البوكس ده.

سمر: انتي بتتصنتي يا جودي.
جودي: و اشمعنا كلمتيني انا بس طب ما سهر و اسيل كانوا معايا.
سهر: ها ده احنا كنا بنعدي بالصدفة.
جودي: كدابة.
وجد(بضحك): خلاص منك ليها.
اسيل: طب ما تفتحي يلا.
وجد: طيب.
وجد فتحت بوكس صغير لقته عبارة عن طقم فضة كامل.
سمر: عرفت انك بتحبي الفضة.
وجد: فعلا كدة. تسلمي يا روحي حبيت اوي.
وجد حضنت سمر و باستها.
جودي: ده انتي عمرك ما عبرتيني يا بت يا سمر.
سمر: ملكيش دعوة.

اسيل: ما هي شكلها مش بتجيب الا للغالين بس.
وجد: بس بقي يا جماعة كلنا واحد.
امل: يا هوانم البنات تحت علشان الفرح.
جودي: يالهوي ده انا مستحمتش.
جودي: انا مجتش.
سهر: اجري استحمي و احنا هنعمل قبلك يلا.
جودي دخلت اوضتها علشان تأخد دوش,باقي البنات نزلوا قابلوا الميكب ارتست و بدأوا يتكلموا بهدوء معاها...

-في مكان تاني...
عند نرمين.
كارما: يلا يا نرمين.
نرمين(بنوم): قوليله يأجل انا عايزة انام.
كارما: يالهوي انتي حد موديكي مخدر و لا ايه قومي يا بت انجزي.
نرمين(بنوم): يا كارما سيبيني انام انا سهرانة من امبارح.
كارما: هو حد قالك اسهري؟! قومي يلا.
نرمين(بنوم): طيب.
كارما: انا راحة اتصل ب سليم.
كارما خرجت بره اوضة نرمين و نزلت ل تحت.
كارما: ماما.
مريم: ايه يا حبيبتي مجهزتيش ليه؟! و فين نرمين؟!

كارما: نرمين مش عايزة تصحي خالص و انا لسة ملبستش علشان الهانم لسة مصحيتش.
مريم: طب انا هطلع ليها يا حبيبتي.
مريم طلعت لاوضة ل نرمين و قربت منها.
مريم: نرمين يا نرمين انتي يا بنتي اصحي.
مريم: دي نعمل معاها ايه؟!
كارما: هو سليم مفيش غيره.
مريم و كارما سمعوا صوت خطوات حد بره.
كارما(بخوف): مين؟!
مريم: اهدي ممكن يبقي سليم نسي حاجة.
كارمت مسكت ال?ازة و وقفت ورا باب الاوضة و بصت ل مريم.

مريم: يا شيخة يخربيت الافلام.
كارما لقت حد بيفتح الباب و بيدخل و كارما ضربته علي رأسه.
سليم(بوجع): آآآآه، يا مجنونة يا بنت المجانين.
نرمين(بفزع): في ايه؟!
مريم(بقلق): سليم انت كويس؟!
كارما: يالهوي ضيعت مستقبلك سامحني.
سليم(بوجع): اشوف فيكي يوم يا بعيدة اشوف فيكي يوم. و انتي يا زفتة الطين لسة نايمة ليه؟!
نرمين(بنوم): تصبح علي خير.
سليم بص ل نرمين و بص ل مريم و كارما.

كارما: كويس انك جيت هي مش عايزة تصحي خالص.
سليم: ليه بنت الهبلة دي؟!
مريم(بقلق): سليم انت بتنزل ددمم.
سليم: ما البركة في بنتك اللي معندهاش عقل دي. في حراس بره مين ممكن يدخل غيري او حد نعرفه.
سليم: متقلقيش يا امي حاجة بسيطة. هصحي انا نرمين روحوا انتوا.
كارما: اسفة.
سليم: ده انتي حسابك تقيل اصبري بس عليا.
كارما خرجت مع مريم,سليم دخل الحمام غسل رأسه كذا مرة و مسح الدم من علي رأسه.

سليم خرج و قرب من نرمين شالها و دخل الحمام حطها في البانيو اللي كان مليان ماية.
نرمين(بشهقة): يا حيوان!
سليم: ربع ساعة و تكوني خلصتي و الا قسما بربي يا نرمين ل.
نرمين: خلاص يا كبير مالك معصب نفسك ليه عشر دقايق بس...
سليم لف ضهره كانت نرمين غمضت عينيها تكمل نوم.
سليم(بزعيق): نرمين.
نرمين(بفزع): ايه؟!

نرمين(بدموع): **** بقي انا مش عارفة بنام ليه؟! انا اكيد مش عايزة انام دي ليلة في العمر بس حقيقي مش عارفة ليه بنام كدة...
سليم قرب من نرمين و حاوط وشها بين ايديه.
سليم: حبيبتي مش عايزك تتوتري خالص متنسيش انك قبل ما تكوني مراتي انتي صاحبتي اللي عارفاني من و احنا صغيرين. ماشي يا حبيبتي.
سليم: مش عايزك تتوتري خالص اعتبري ان النهاردة حفلة عمل. خلاص يا ستي يلا بقي...
سليم باس رأس نرمين و سابها و خرج...

نرمين ابتسمت علي سليم و خدت دوش و خرجت غيرت هدومها و نزلت ل تحت.
كارما: بركاتك يا سليم.
نرمين: بس يا بت. المفروض نعمل ايه؟!
كارما: سليم قبل ما يمشي قال ان الميكب ارتست جاية في الطريق.
مريم: تعالي يا نرمين كلي علشان متتعبيش. يلا.
نرمين: حاضر.
كارما: طب و انا؟!
مريم: تعالي يا مفجوعة.
كارما: متشكرين.

كارما دخلت مع نرمين المطبخ و قعدوا يأكلوا بعد فترة بسيطة كانت الميكب ارتست جت و طلعت مع نرمين و كارما الاوضة و معاهم مريم.


-في مكان تاني.
عند ثريا و علي.
ثريا: ده عاشر فستان اقيسه و تقولي لا.
علي: علشان مش حلوين ****.
ثريا(بضيق): يا رخم.
علي: طب خلينا نبص كدة تاني.
علي قرب من الدولاب و بدأ يدور لغاية ما لقي فستان طلعه ل ثريا و حطه علي السرير.
علي: ده حلو و مفيش نقاش.
ثريا: يا مجنون ده ابيض هو انا العروسة؟!
علي: اعتبري نفسك كدة يلا.
ثريا: استني هنا يا عم.
علي: قدامك نص ساعة الاقيكي جاهزة.
علي: يلا يا قمري.

ثريا: طب طب استني لحظة.
علي: امممم.
ثريا: يا علي بلاش ابيض.
علي قرب من ثريا و حاوط وشها بين ايديه و باس رأسها.
علي: انا بحبك في الابيض ملكيش فيه بقي.
علي: يلا.
ثريا: طيب.
علي: متتأخريش يلا هنتظرك تحت.
ثريا: طيب.
علي نزل ل تحت و بدأ يلبس بدلته و تليفونه رن.
الخط اتفتح.
علي: ايه؟!
باسل: ايه الاخبار؟!
علي: لسة بتلبس.
باسل: طيب و انا هشوف البنات و هنيجي عليك.
علي: طيب متتأخروش.
باسل: ماشي. يلا باي.
عند باسل.

باسل قفل مع علي و راح ناحية طارق و حط ايده علي كتفه.
باسل: طارق انا اخوك الكبير ها.
طارق: طبعا ا.
رضوان: لو محتاجة مساعدة متتكسفيش.
طارق(بحدة): طب كله يلم نفسه.
باسل و رضوان ضحكوا و راحوا قعدوا علي الكنبة.
حازم: سيبك منهم يا عم ها قولي بقي ا.
طارق لف ل حازم بصله من تحت ل فوق و حازم بلع ريقه بتوتر و بصله بخوف.
حازم: في ايه يا عم ينعل ابو اللي جابني. مش عايز احضر حاجة و لا عايز اقف معاك حتى.


رضوان(بضحك): طب انزل يا شطور شوف القاعة.
حازم: طيب طيب.
كلهم لفوا لما سمعوا صوت باب الحمام بيتفتح و بيخرج سليم و هو لابس بدلته.
حازم صفر اول ما شاف سليم و حضنه.
حازم: مبروك يا عم.
سليم: حلو؟!
باسل: هتأكل الجو.
سليم(بضحك): مش اوي كدة.
حازم: يا حبيبي اجي اعدلك الببيونة.
سليم: نعم! ما تظبط ياض.
كلهم ضحكوا علي حازم و سليم، و باسل كان بيفكر في وجد.
باسل: لحظة يا جماعة.
رضوان: **** يسهلو.
باسل: اخرس ياض.

باسل خرج بره الاوضة و نزل للجنينة و اتصل ب وجد.
الخط اتفتح.
وجد: الو.
باسل: وحشتيني.
وجد(بابتسامة): و انت كمان.
باسل: بتعملي ايه؟!
وجد: بساعد البنات، انجز قولي عايز ايه...
باسل: بتطمن عليكي.
وجد: كويسين.
باسل: انتوا كتير و انا مش عارف.
وجد: بس يا رخم.
باسل(بضحك): طيب.
باسل: ما تخلعي منهم علشان عايز اكلمك براحتي.
وجد: بليل في الفرح. يلا اقفل مشغولة.
باسل: استني.
وجد: امممم.
باسل: طب فاضل ليكوا قد ايه؟!

وجد: نص ساعة و هنكون شطبنا العروسة تعالي خدها بقي.
جودي: يا جذمة هو انا شقة.
وجد: يلا باي.
باسل: باي.
في القصر...
وجد: يلا يا بنات اتاخرنا.
جودي: انا حلوة صح؟!
وجد: اه حلوة. لسة مخلصتيش يا اسيل يلا.
اسيل: حاضر بلبس اهو الجذمة.
وجد: طيب.
وجد: هروح اشوف طنط عفاف.
اسيل لبست فستان باللون الجملي بكم و لغاية بعد الركبة و فيه حزام باللون الابيض و لبست جذمة بكعب ابيض و سيبت شعرها علي ضهرها.

سهر لبست جيبة باللون الاسود واسعة لغاية الركبة و فوقها تي شيرت باللون الابيض صوف بكم عليه كلام باللون الدهبي و لبست صندل بكعب دهبي و عملت شعرها علي شكل ديل حصان.
سمر لبست يعتبر زي سهر لبست جيبة باللون الابيض و فوقت تي شيرت باللون الاسود صوف بكم عليه كلام باللون الدهبي و لبست صندل بكعب دهبي و سيبت شعرها علي ضهرها.

جودي لبست فستان باللون الابيض ب ¾ كم و الاكمام شفافة و مفتوح من الضهر بعلامة سبعة و ضيق من عند الخصر و بعد كدة واسع و لبست صندل بكعب باللون الابيض و رفعت شعرها علي شكل كحكة و لبست طرحة قصيرة مع تاج بسيط و شيك.
وجد راحت لاوضة عفاف و خبطت الباب.
عفاف: ادخل.
وجد: طنط يلا جهزتوا و لا لسة؟!
عفاف: انا خلصت اهو.
معتز: وجد خشي يا بنتي.
وجد: شكرا يا عمو...
معتز: لا خشي بجد عايزك في موضوع.
وجد: حاضر.

وجد قربت من معتز اللي شاور ل عفاف بعينه انها تمشي.
معتز: اقعدي يا حبيبتي.
وجد: شكرا.
معتز: عارف اننا يعتبر متكلمناش من ساعة ما انتي جيتي هنا بس ده مش كره علفكرة، زي ما انتي شايفة طول الوقت في الشغل و سفر و صفقات حتى مش بلاقي وقت اقعد مع مراتي او عيالي فمش عايزك تزعلي.
معتز: انا مش بعتبرك بنت يوسف خالص انا بعتبرك مرات باسل باسل الانصاري اللي عمره ما يختار غلط.

معتز: و كونه اختارك انتي يبقي انا مش هشك فيكي و لا في اخلاقك ابدا. مش عايزك تزعلي من نعمة و لا عصمت كانت بتحبه اوي.
معتز: و اللي شافته مش سهل. و عايز اقولك اعتبريني انا ابوكي من هنا و رايح و لو باسل زعلك في يوم تعالي قوليلي.
وجد(بابتسامة): شكرا يا عمو بجد مش عارفة اقول ايه لحضرتك تسلم بجد.
معتز قام وقف و باس رأس وجد.
معتز: يلا بينا...
وجد: يلا...
معتز: مقولتيش جايبة الحلاوة دي منين.
وجد(بابتسامة): شكرا.

معتز: مش بجامل علفكرة.
الاتنين خرجوا من اوضة عفاف و معتز كانت عصمت و سارة اختها و بنتها شريهان ماشين في الممر.
وجد خدت نفس عميق و بصت ليهم بهدوء مع ابتسامة بسيطة.
معتز: نورتي يا سارة هانم.
سارة(بضيق): شكرا يا معتز بيه.
معتز: هروح انا عن اذنكم.
سارة: انتي بقي وجد؟!
وجد: ايوه انا حضرتك.
سارة: عاملة نفسك محترمة يعني.
وجد: لو جاية تطلعي عليا عفريتك فانا مش ناقصة. باسل و محبهاش انا مالي.

عصمت بصت بهدوء ل وجد و قربت منها حطت ايديها علي كتفها.
عصمت: سارة ننسي اللي فات و بنتك زي ما هي بنت بنوت يعني تقدري تجوزيها من بكرة الصبح و يا ستي عريسها عندي انا، اما بالنسبة ل وجد فهي مرات ابني و هو بيحبها.
عصمت: يلا بينا.
وجد كانت مستغربة تصرف عصمت و سابتهم و مشيت نزلت ل تحت...
اسيل: نزلتي تحت ليه؟!
وجد(بغمزة): هنرقص شوية.
اسيل: يخربيت دماغك.
وجد(بضحك): **** هنعمل ايه ده احنا هنرقص بس.

اسيل: يلا يا بنات علي تحت.
البنات نزلت علي تحت و وجد شغلت اغنية و بدأت تهز اكتافها و ترقص بسيط و باقي البنات معاها حتى جودي.
و عصمت و نعمة و عفاف قاعدين بيبصوا عليهم و جمبهم سارة و شريهان اللي بيبصوا ل وجد بحقد.
وجد كانت بترجع ل ورا و هي بترقص فخبطت في باسل و لقته حاوط خصرها بايده.
باسل(بهمس): اعمل فيكي ايه؟!
وجد(بتوتر): بقولك تهدئ نفسك كدة نروح الفرح حتى سالمين يا عم.

باسل باس خد وجد و لفها ليه و بصلها.
طارق: ايه يا عم روميو تحب تأخد بدلة العريس بدالي.
باسل: ايه يا سئيل؟!
سليم: انجز يا عم لسة في عروستين هنجيبهم انجز...
وجد ضحكت علي باسل اللي بصلها بغيظ.
باسل: لينا يوم.
رضوان: هو فين خالو معتز؟!
عفاف: احم في اوضة المكتب.
حازم: هو الراجل ده مش بيبطل شغل ايه ده في ايه؟!
معتز: بتقول ايه يا حازم؟!
حازم(بخضة): سيد الناس.
كلهم ضحكوا علي حازم,طارق كان مركز مع جودي و بس.

رضوان(بهمس): ايه يا عم روميو انت؟!
طارق(بضيق): ايه؟!
رضوان(بهمس): عليا برضو.
طارق(بضيق): رضوان انا مقدر انك اخويا الكبير بس بعد اذنك انا اصلا شايل منك فمش عايز اتكلم.
رضوان بصله باستغراب و كان لسة هيتكلم كان طارق راح قعد علي الكنبة.
طارق: يلا نكتب.
معتز قعد و المأذون كان جه مع الشباب و جمبه طارق. و باسل و رضوان الشهود و بدأوا يكتبوا الكتاب.
المأذون: بارك **** لكما و بارك عليكما و جمع بينكما في خير...


الخدامين قعدوا يزغرطوا و الكل كان مبسوط بس جودي كانت زعلانة من اسلوب طارق.
معتز قرب من جودي و باس رأسها و قرب من طارق و سلمها ليه مع ابتسامة بسيطة.
معتز: في عينك يا طارق.
طارق: اكيد يا خالي. هي بنت الغالي.
طارق مسك ايد جودي و خرج بره القصر و الكل وراه.
باسل(بهمس): بس مقولتليش جايبة الحلاوة دي منين؟!
وجد: مش هقولك علشان متروحش تجيب منها.
باسل: ايه يا بت الرخامة دي؟!
وجد(برفعة حاجب): مش عاجبك؟!


باسل: انا برضو؟! ده انا بموت في الرخامة اه فكريني كدة كنت عايز اقولك ايه في التليفون.
سارة: باسل.
باسل: ازيك يا خالتي.
سارة: كويسة خدني معاك في عربيتك.
باسل: ا.
شريهان: لا يا ماما اصله مشغول بالسنيورة بتاعته.
باسل(بحدة): ا.
وجد(بسرعة): اتفضلوا اركبوا يلا يا باسل.
باسل فتح باب العربية ل وجد و وجد ركبت و لف باسل ركب,سارة و شريهان ركبوا معاهم.
و الباقي اتوزع علي العربيات و ساقوا ناحية بيت سليم.

وجد لبست فستان بحمالة رفيعة علي الكتف باللون النبيتي و فيه فصوص باللون الفضي من قدام و كان قصير لغاية الركبة و واسع من بعد الخصر. لبست صندل بكعب باللون الفضي و رفعت شعرها علي شكل كحكة و نزلت كام خصلة علي وشها.
في فيلا سليم المهدي.
كارما: ايه يا نرمين؟!
نرمين: في ايه؟!
كارما: يا نهار اسود الميكب باظ و بقي شكلك وحش و الميكب ارتست مشيت هنعمل ايه دلوقتي.
نرمين(بدموع): يالهوي.
نرمين(بدموع): طنط يا طنط.

نرمين مسكت فستانها و نزلت جريت علي تحت ل مريم.
مريم(بخضة): مالك؟!
نرمين(بدموع): كارما بتقولي ان الميكب باظ و بقي شكلي وحش.
كارما جت من ورا نرمين بتموت من الضحك و وقعت علي الارض من كتر الضحك...
نرمين(بصريخ): عاااااااااااااا يا اخت سليم.
نرمين: و **** لاقتلك في ايدي.
مريم(بحدة): كدة برضو يا كارما؟!
كارما(بضحك): كان منظرها مضحك اوي و هي خايفة...
نرمين(بغيظ): طب و **** لاقول لاخوكي.


التلاتة لقوا سليم بيفتح الباب و بيدخل بسرعة.
سليم(بقلق): ايه الصريخ ده انتوا كويسين؟!
سليم سكت فجأة اول ما دقق في ملامح نرمين و بصلها و تاه في شكلها و جمالها,نرمين لاحظت نظراته حطت عينيها في الارض.
نرمين كانت لابسة فستان ابيض بحملات مايلة من علي الكتف و نازل بضيق لغاية قبل القدم و بعدها منفوش تيبست. سيبت شعرها علي ضهرها و لبست طرحة الفستان مع التاج و لبست جذمة باللون الابيض و كانت حاطة ميكب بسيط.

سليم قرب من نرمين و لسة هيلمسها لقي باسل واقف قدامه.
باسل: ايه يا عم ملهاش اخ و لا ايه؟!
سليم(بغيظ): انجز يا خفيف...
باسل قرب من نرمين و باس رأسها و مسك ايديها.
باسل: موافقة عليه؟! قولي لا بس.
نرمين: موافقة عليه.
باسل: دي مدلوقة خد يا عم.
الكل ضحك عليهم و سليم حضن نرمين و باس خدها.
باسل قرب من مريم و حضنها و باس رأسها.
باسل: وحشاني.
مريم: يا حبيبي.
باسل: يلا بينا.

خرجوا بره الفيلا حراس باسل ضربوا نار كاحتفال...
ركبوا العربيات و راحوا ناحية بيت علي و ثريا.
في بيت علي و ثريا.
علي: ها يا حبيبتي؟!
ثريا(من فوق): خلاص اهو قربت.
الباب خبط.
علي راح فتح الباب لقي احمد و قصي و ليلي.
قصي: ها ايه الدنيا؟!
ثريا: لسة فوق.
احمد: هطلع ليها انا.
علي: طيب اصبر بس لما يجيوا الباقي.
بعد فترة بسيطة كان الباقي جم و احمد طلع لاوضة ثريا كانت بتسند علي الحيطة و هتخرج من الاوضة.
ثريا: احمد!

احمد: ايه مستغربة ليه؟!
ثريا: غريبة يعني.
احمد: هاتي ايدك يلا.
احمد مسك ايد ثريا و خرج بيها بره الاوضة وقف علي السلالم,ثريا لقت صورها في كل مكان علي الحيطة و لقت كل اللي تعرفهم واقفين و علي منتظرها في اخر السلالم و قصي واقف في نص السلالم.
ثريا(بدموع): ايه ده؟!
احمد: علي هيفهمك، يلا بينا.
احمد ساعد ثريا و نزلوا لنص السلالم قصي مسكها من الناحية التانية و نزلوا لغاية ما وصلوا ل علي و الكل صقف بسعادة.

علي(بابتسامة): بحبك.
ثريا(بدموع): ليه عملت كدة؟!
علي: لانك تستحقي ده، انتي مراتي و لازم الكل يكون عارف.
ثريا(بدموع): بشكلي ده؟!
علي: انا بحبك في كل حالاتك.
علي باس رأس ثريا و ابتسم ليها.
علي: مكنتش اعرف انك هتبقي قمر كدة.
ثريا(بدموع): بحبك.
علي: اكتر.

ثريا كانت لابسة فستان باللون الابيض بسيط بحمالة عريضة علي الكتف و نازل بوسع خفيف و لبست صندل من غير كعب باللون الفضي و حطت روچ احمر غامق و كحل حدد عينيها و سيبت شعرها القصير زي ما هو لغاية رقبتها.
باسل: يلا ورانا ايام طويلة ها يلا بينا.
الكل خرج بره بيت علي و هو مبسوط و كلهم ركبوا العربيات...
باسل: تحبي تسمعي ايه يا حبيبتي؟!
وجد: اممم.
سارة ضربت شريهان في جمبها علشان تتكلم هي.

شريهان: ايه رأيك في اغنية.
باسل: انا بسأل مراتي يا بنت خالتي.
وجد: حاجة علي ذوقك.
باسل ابتسم ل وجد و بدأ يشغل اغنية رومانسية ليه هو و وجد و كل شوية يبص ليها و مسك ايديها باسها و فضل مشبك صوابعه بصوابع وجد.
سارة و شريهان كانوا حاقدين عليهم.
الاتنين كانوا بيبصوا ل بعض و وجد بصت علي الطريق.
وجد(بصريخ): باسل حاسب.
كل العربيات وقفت فجأة لما لقوا قدامهم حراس كتير و عربيات تانية واقفة في نص الطريق...


الجزء الرابع

الاتنين كانوا بيبصوا ل بعض و وجد بصت علي الطريق.
وجد(بصريخ): باسل حاسب.
كل العربيات وقفت فجأة لما لقوا قدامهم حراس كتير و عربيات تانية واقفة في نص الطريق...
باسل: خليكي هنا يا وجد متنزليش.
وجد(بقلق): لا متنزلش انت مش شايف عددهم كتير ازاي خليك.
باسل: خليكي يا وجد قولت.
باسل نزل و قفل العربية علي وجد و اللي فيها.
نرمين(بخوف): مين دول؟!
سليم: معرفش يا حبيبتي خليكي هنا.
نرمين(بخوف): متنزلش.

سليم: نرمين اهدي كدة.
سليم: اقفل العربية عليك انت و الهانم.
السواق: حاضر يا بيه.
ثريا: مين دول يا علي؟!
علي: لو كنت عارف كنت قولتلك.
علي: خليكي هنا انا نازل.
علي: متفتحيش الباب لاي حد.
علي نزل و راح ناحية سليم و باسل.
ليلي(بدموع): و **** ما اسيبك تنزل يا قصي انا و ابني محتاجينك.
قصي: مينفعش يا ليلي لازم انزل...
ليلي(بدموع): علشان خاطري يا قصي و **** ما ناقصة...
قصي: ليلي مش شيفاني راجل و لا ايه؟!

ليلي(بدموع): راجل و سيد الرجالة بس انا مش عايزة اخسرك.
قصي: متقلقيش يا حبيبتي.
قصي باس رأس ليلي و حضنها و نزل بعد ما قفل العربية عليها.
مريم: استر يا رب ايه اللي حصل؟!
احمد: معرفش يا مدام مريم. خليكوا هنا هنزل اشوف في ايه.
كارما: انت مجنون تنزل ايه مش شايفهم عاملين ازاي؟!
احمد(برفعة حاجب): افندم؟!
كارما: افندم ايه انت هتقعد هنا انت مجنون و لا ايه مش هخاطر بيك انا.
احمد(بحدة): كارما الزمي حدودك.

احمد(بحدة): عيل صغير انا.
مريم: اهدي يا كارما هو راجل و يقدر يتصرف.
كارما: يا ماما مش شايفة ايه اللي بيحصل؟!
مريم: اهدي يا كارما، انزل يا ابني.
احمد نزل و راح ناحية الباقي.
عصمت: هو بيحصل ايه؟!
نعمة: مش عارفة.
عفاف(بقلق): مين دول يا معتز؟!
معتز: بشم علي ضهر ايدي يا عفاف. و الولاد هيعرفوا يتصرفوا...
كانوا الشباب واقفين جمب بعض و وراهم حراسهم.
باسل: روح شوف في ايه؟!
حارس: حاضر يا بيه.

الحارس راح هناك و بعدها رجع ل باسل.
حارس: ده سعيد المهندس يا بيه.
سليم(بصدمة): ابو نرمين؟!
علي: انت مش قولت ليه؟!
سليم: لا نرمين مرضيتش.
احمد: ايوه يعني ايه اللي المفروض يحصل دلوقتي؟! حد يحاول يشوف هو عايز ايه؟!
قصي: اكيد مش موافق علي الجوازة.
باسل: هروح انا و تعالي يا سليم.
سليم: طيب.
باسل و سليم راحوا هناك و معاهم عدد بسيط من الحراس و قابلوا سعيد...
سعيد(بحدة): عايز بنتي اللي انت ضحكت عليها و اتجوزتها.

سليم: اولا نرمين تبقي مراتي ثانيا انا و هي بنحب بعض فمفيش داعي لكلام حضرتك ده، انا مضحكتش عليها.
باسل: سعيد بيه نتكلم علي وضوح تأخد كام؟!
سعيد: و انا مش عايز فلوس عايز نرمين.
سليم(بعصبية): يا اخي افهم هي تبقي مراتي كاتبين كتابنا اصلا.
سعيد: سهلة يبقي تطلقها.
باسل(بحدة): اسمع طلاق مفيش طلاق الاتنين بيحبوا بعض و خلص الكلام هيتجوزوا و الليلة و كلمة باسل الانصاري بتتنفذ.
باسل: يلا يا سليم.


باسل و سليم كانوا هيمشوا بس باسل لقي اللي بيحط ايده علي كتفه اول ما باسل لف لقي اللي ضربه بوكس في وشه...
وجد(بصريخ): باسل!
وجد حاولت كتير تفتح باب الباب بتاعها و قعدت علي كرسي باسل حاولت تفتح بابه معرفتش...
كل الشباب جريوا ناحية باسل و سليم و معاهم حراسهم و حصل اشتباك.
نرمين كانت قاعدة قلقانة اوي لقت اللي بيخبط علي الازاز بتاعها.
نرمين رفعت عينيها لقت سعيد قدامها...
نرمين: افتح ده بابا.

السواق فتح العربية و سعيد باب نرمين و شدها من دراعها.
نرمين: عايز ايه؟!
سعيد(بحدة): بقي تتجوزي من غير اذني. و رحمة الميتين كلهم لاخليكي تندمي يا نرمين.
نرمين(بعصبية): بس بقي كله تحكماتك دي حياتي و انا اعمل اللي انا عايزاه. و مش هتجوز غير سليم و لو فيها موتي.
سعيد شد نرمين ناحية الرجالة و حط مسدسه علي رأس نرمين.
سعيد: وقفوا.
سليم(بخضة): نرمين.
سليم: اهدوا.
سليم: سيبها.

كل اللي كان في العربيات كان قاعد قلقان و خايف علي الشباب و نرمين.
سليم: هعملك اللي انت عايزه بس سيبها.
سعيد: اي حاجة؟!
نرمين(بحدة): متسمعش ليه يا سليم ده حيوان حقير مش بيفكر غير في الفلوس و ازاي يستغلني كويس.
باسل: قولتلك هدفعلك اللي انت عايزه...
سعيد: حتى لو قولتلك نص ثروة عائلة الانصاري اللي بالمليارات في كل مكان دي.
باسل: لا ده انت طلعت طماع فعلا و احنا اللي كنا مخدوعين فيك و فاكرينك مجرد اب فاشل.

سعيد: قدامك دقيقة تفكر.
باسل: هجيب دفتر الشيكات من العربية.
سعيد: لا تكلم مدير البنك دلوقتي قدامي.
باسل بص ل سليم اللي فهم بصته و هز رأسه بمعني ماشي.
باسل طلع تليفونه و اتصل ب مدير البنك.
الخط اتفتح.
باسل: الو يا مستر يونس عايزك تحول نص ثروتي ل حساب سعيد المهندس في بنك سويسرا.
باسل: هيأخد قد ايه؟!
باسل: تمام ابدا بالاجراءت.
باسل: تمام.
باسل: كله تمام كدة و لا حاجة تاني؟!

سعيد: خليك عارف انك لو بتضحك عليا هعرف اوصل ليكم تاني.
سعيد: روح جيب دفتر الشيكات بتاعك و اكتبلي شيك بقيمة 10 مليار دولار مؤقت.
سليم: هنعمل ده كله بس سيب نرمين.
سعيد(بخبث): لا سيبها في حضن ابوها شوية.
نرمين بصتله باستحقار,باسل راح ناحية عربيته.
وجد(بلهفة): ايه اللي حصل انت كويس؟!
باسل: اه يا حبيبتي متشيليش هم خليكي هنا بس.
باسل فتح درج العربية و طلع منه مسدسه و وجد شهقت...
باسل: هششششش اهدي.

باسل بص وراه وجد لقت حارس باين عليه انه من حراس سعيد,سارة و شريهان كانوا ماسكين في بعض بخوف.
وجد بصت ل باسل بقلق و خوف و باسل قرب من وجد و باس خدها و كان ضرب نار علي الشخص اللي وراه.
باسل: راجعلك يا قمري.
باسل خرج من العربية و صوب مسدسه ناحية سعيد و ضرب نار في نص رأسه,سعيد وقع جثة مرمية في الارض و نرمين جريت ل حضن سليم و سليم حضنها جامد و باس رأسها.

علي: قدامكم خيارين تبقوا في حماية باسل الانصاري او تموتوا علي ايد حراسه.
الحراس بصوا ل بعض و بدأوا ينزلوا سلاحهم.
علي: جدعين.
علي: تعالوا بكرة للقصر اكيد عارفينه، و اتخلصوا من جثة ال ده.
علي: يلا بينا.
سليم: اهدي يا حبيبتي متعيطيش. مش عايزك تزعلي.
نرمين(بدموع): انا اسفة ان.
سليم: هشششش و لا عاش و لا كان اللي يزعلك و انا موجود. فاهمة يا حبيبة القلب.

سليم باس رأس نرمين و حضنها و بعدها وطي شالها بين ايديه و راح ناحية العربية ركبها العربية و لف ركب,و كل شاب رجع ل عربيته.
وجد مسكت باسل من دقنه و لقت جرح جمب شفايفه بصتله بضيق...
وجد: و تقولي مفيش؟!
باسل: علشان مفيش حاجة يا حبيبتي.
باسل باس ايد وجد و ابتسم ليها بحب.
سارة: احم احم.
باسل: لا يا خالتي انا كدة مقدر انك هنا لكنك لو مكنتيش هنا كنت زماني تطورت.

وجد خجلت من كلام باسل و بصت للشباك,باسل ضحك عليها,شريهان بصت ل وجد و بدأت تفكر,سارة كانت متعصبة.
ليلي(بحدة): انت كويس؟!
قصي: اه يا حبيبتي...
ليلي: مش واضح.
قصي: ليلي يا حبيبتي انا كويس و **** عدي الليلة ابوس ايدك.
ليلي: بوس.
قصي بص ل ليلي برفعة حاجب و مسك ايديها باسها.
قصي: اتمني تكوني ارتحتي.
ليلي: يعني مش بطال.
قصي: يا رب الصبر.
ليلي: سوق سوق.
قصي ركز في السواق و ليلي بصتله بابتسامة و سرحت فيه...

احمد: خير؟!
كارما: ايه اللي حصل ده؟!
احمد: ايه؟!
كارما: يعني مش عارف.
مريم: يا بت احترمي نفسك بقي...
كارما: يوووه يا ماما مش قلقانة عليه.
مريم: يا بجحة.
احمد(بابتسامة): ليها حق تخاف عليا مش خطيبتي و مراتي المستقبلية يا مدام مريم.
مريم: مش لما تيجي تتقدم يا احمد...
احمد: علفكرة فاتحت باسل في الموضوع قال هيفكر.
مريم: رأي اخواتها الاول.
احمد: تمام.

كارما خبت وشها بايديها بخجل من احمد و احمد و مريم ضحكوا عليها و علي شكلها...
عصمت: ازاي ده يحصل؟!
نعمة: هنفهم لما نرجع.
عفاف: استر يا رب هنبدأ الفرح كدة.
معتز: تفائلي يا عفاف تفائلي علشان **** يكرمنا...
عفاف: انت دايما مش بتطيقني كدة؟!
نعمة: عفاف.
عفاف: طبعا ما انتي اخته.
عصمت(بهدوء): خلاص خلاص ده فرح مش خناقة.
كلهم قعدوا ساكتين و عفاف كانت زعلانة منهم.
ثريا: مش هتحكيلي؟!
علي: احكيلك ايه يا روحي؟!

ثريا: اللي حصل.
علي: مفيش حاجة تستاهل يا روحي.
علي: مش عايزك تشغلي نفسك خالص الليلة فرحنا فاهمة.
ثريا هزت رأسها بابتسامة و علي باس رأسها و خدها في حضنه و ثريا حطت رأسها علي كتفه...

-في مكان تاني...
في عربية رضوان.
سهر: انت ليه ممشيتش وراهم يا رضوان؟
رضوان: هجيب واحد صاحبي.
سمر: من امتي و انت ليك صحاب هنا في مصر؟!
رضوان: بقي ليا يا سمر، امير يا سهر انتي تعرفيه؟!
سهر(باحراج): اه.
سمر(بهمس و غمزة): مين يا بت؟!
سهر: ده اللي انقدني لما حصل ضرب نار و متفهميش غلط.
سمر(بغمزة): انا برضو اللي بفهم غلط.
سهر: يالهوي يا بت عليكي اخرسي اخرسي.
سمر لقت اللي بيفتح باب العربية و بيركب.

امير: اتأخرت عليكوا؟!
رضوان: لا و لا يهمك يلا.
سمر(بهمس): ده مز يا بت يا سهر...
سهر(بهمس): اخرسي هتفضحينا.
سمر: بقولك يا رضوان.
رضوان: خير يا سمر؟!
سمر: ما تنزل تجيب لينا شيكولاتة انت عارف ان سهر ها سهر بتحب الشيكولاتة.
سهر فتحت عينيها علي اخرهم و بصت ل سمر بصدمة و سمر غمزت ليها.
رضوان: ده وقته يا سمر؟!
امير(بهدوء): تقدر تقف في اي مكان و انا انزل بسرعة اشتري لو عايز...


رضوان(بضيق): طيب يا امير، دي انتي يا سمر زي الفرقع اللوز...
سمر: ماله جميل يا اخويا...
رضوان وقف جمب سوبر ماركت و امير نزل اشتري انواع شيكولاتات كتير ليهم و ركب العربية و وداهم ل سهر.
امير: اتفضلي.
سهر(بخجل): شكرا.
سمر: تسلم يا اخ...
سهر بصت ل سمر بغيظ و سمر بصتلها بغرور مصطنع.

-في مكان تاني...
عند طارق و جودي.
جودي(بحزن): انت جايبنا فين؟! مش المفروض نروح وراهم.
طارق: عايزك.
جودي(بحزن): مش فاهمة.
طارق: يعني عايز اتكلم معاكي قبل ما نروح الفرح.
جودي(بحزن): و هيفيد بايه الكلام و انت معتبرني مجرد واحدة اتجوزتها؟! حتى اشك انك مجبور عليا.
السواق: وصلنا يا طارق بيه.
طارق: طيب.
طارق نزل من العربية و لف لباب جودي و فتح الباب مسك ايد جودي و نزلها.
جودي(بحزن): رايحين فين؟!

طارق: امشي ورايا و انتي ساكتة.
طارق مشي ب جودي ل مكان ضلمة و اول ما وصل الانوار بدأت تتفتح و جودي رفعت عينيها لقت في اضواء كتيرة و صورة كبيرة ل جودي في نص المكان و هي بتضحك و صورة تانية ليها هي و طارق و هما صغار.
جودي: ايه ده؟!
طارق: هتفهمي.
طارق راح وقف في نص المكان اللي كان متزين و جميل اوي عجب جودي بس حزنها من طارق خلاها تنسي حلاوة المكان.
طارق(بتنهيدة): انتي بتحبي رضوان؟!
جودي: طبعا بحب رضوان.

طارق: يعني مش عايزانا مع بعض؟!
جودي: ايه دخل رضوان في علاقتنا!
طارق: ازاي يعني و هو اساس علاقتنا مش ده انتي بتحبيه و بتقعدي معاه بالساعات و مبترضيش تتكلمي معايا و دايما بتتخانقي معايا و بتجري علي رضوان تحضنيه و تفضلوا تتكلموا كتير و مش بتحبيني انا.

جودي: انت حد لعب في دماغك، انا بحب رضوان كأخ رضوان كان دايما بيقف جمبي وقت ما بحتاج لحد اشكيله همي كان دايما بيهون عليا و بيقولي اصبري بكرة طارق يفوق و يحبك اللي هو فيه طيش شباب استحملي.
جودي: رضوان كان السبب اللي مخليني لحد الان بحبك و مش عارفة اكرهك.
طارق سكت و بص في الارض و رفع عيونه ل جودي.
طارق: عارفة ليه معترفتش ليكي من زمان اني بحبك.

طارق: ابوه بحبك متتصدميش كدة. كنتي دايما بتبصيلي بقرف و بحسك كارهه تكلميني حتى و.
جودي: انت غبي انت اللي كنت بتعاملني كدة.
طارق: ما علشان شايفك مش بتحبيني مكنتش عايز اتعلق بيكي.
جودي: انت غبي في حاجة في دماغك، انا بحبك انت و كمان انا.
طارق(بدموع): يعني انتي بتحبيني بس انا اللي كنت غبي و بحاول انسي حبك.

جودي(بدموع): ايوه و كنت بتجرحني بكلامك و تصرفاتك حتى لحد اللحظة دي انت بتجرحني بجوازك مني بالطريقة دي كأني جارية مليش رأي.
طارق قرب من جودي و حاوط وشها بين ايديه و بصلها بدموع.
طارق: بس انا حرفيا مكنتش شايف غيرك حاولت انساكي معرفتش. كنت غبي كنت فاكر بالطريقة دي ببعدك عني و بحميكي من حبي.
طارق: انا ندمان علي كل لحظة حاولت اخرجك من قلبي و عقلي سامحيني علي كل مرة جرحتك فيها كنت بجرح نفسي اضعاف.

طارق باس رأس جودي و نزل علي ركبته.
طارق: تقبلي تكملي معايا حياتي؟!
جودي هزت رأسها بدموع و ابتسامة بمعني اه,طارق قام وقف و شالها و لف بيها و باس رأسها.
طارق: بحبك.
جودي(بخجل): و انا.
طارق(بابتسامة): يلا بينا.
طارق شد جودي و مشي و هي وراه ركبوا العربية تاني و راحوا ناحية القاعة...

-في مكان تاني...
في القاعة.
رضوان: هما لسة موصلوش؟
سهر: معرفش. بس اكيد لا محدش جه اهو.
سمر: بقولك يا سهر.
سهر: ايه؟!
سمر: روحي هاتي ماية.
سهر: يا رخمة اجيب منين؟!
سمر: من اي حتة اتصرفي.
سهر: طيب.
سهر مشيت خطوتين لقت سمر مدت رجليها و سهر اتكعبلت و امير لحقها بسرعة و سهر شقهت.
سمر(بصوت واطي): و **** ينفع اشتغل خاطبة.
امير: انتي كويسة؟!
سهر(باحراج): اه.
رضوان: شكرا يا امير تعالي يا سهر.

رضوان حاوط سهر بايده و بص ل سمر بحدة و هي بصت بلامبالاة مصطنعة...
سمر: العرايس جم اهو.
بدأت الزفة تشتغل و الكل يدخل ما عدا طارق و جودي.
باسل: اومال فين طارق؟!
احمد: معرفش بس شكله اصلا مكنش معانا.
وجد: اهدي يا باسل زمانه جاي.
عفاف: اسيل و حازم.
وجد: هتلاقيهم يا طنط بس بسبب الزحمة جايين متأخر.
عفاف: يا رب استرها يا رب.
باسل خرج بره القاعة يعمل كذا اتصال و وجد راحت وراه,شريهان راحت وراهم.

كل ثنائي بدأ يقعد في المكان المخصص ليهم و باقي العائلة قعدت في الترابيزة بتاعتها,و البعض استغرب من عدم وجود طارق و جودي.
وجد: يا حبيبي اهدي في ايه مالك متعصب ليه؟!
باسل(بحدة): مفيش يا وجد.
وجد: باسل.
وجد حطت ايديها علي كتف باسل و بصتله.
وجد: العصبية مش هتحل حاجة، اهدي كدة و قولي في ايه؟!
باسل(بابتسامة): في قمر واقف قدامي.
وجد(بضيق): يا رخم هتفضل تحرجني كدة كتير، و احرجتني قدام خالتك و شريهان.

باسل: دول لو مكنوش موجودين كنت عملت بلاوي.
شريهان: باسل.
باسل: مهدمة اللذات جت.
باسل: خير يا شريهان؟!
شريهان: انا عايزة اعرف حاجة.
باسل(بملل): اتفضلي.
شريهان(بدموع): انت اشمعنا فضلتها هي؟!


باسل(بثقة و حب): لان قلبي اختارها من اول يوم شوفتها فيها و شوفت عيونها و وقعت اسير ضحكتها اللي بتنورلي الدنيا. و لانها تستحق حبي ليها لانها مش اي حد هي الانسانة اللي تقدر تنسيني همي بضحكة واحدة منها او كلمة حنونة ليا. لا قلبي و عقلي اجتمعوا و عمرهم ما اتفقوا و لما اتفقوا اتفقوا علي حبها هي هي و بس.
وجد عيونها دمعت و باسل مسك ايديها و باسها.

شريهان سابتهم و مشيت,باسل كان لسة هيتكلم لقي حازم و اسيل جم.
باسل: ما كنتوا تتأخروا شوية.
اسيل: حازم اخرنا مشانا من طريق كدة غريب.
حازم: **** ما الطريق كان زحمة و احنا توهنا منهم.
وجد: خلاص يلا ندخل.
اسيل: يلا.
حازم: مش ده طارق؟!
باسل: ليلته سودة الافندي.
طارق: احم في ايه؟!
باسل: مش المفروض تبقي تبع الزفة؟!
طارق: كنت بقول للبت كلمتين.
حازم: كان بيقولك ايه يا اختي؟!
جودي: ملكش دعوة.

وجد: خلاص يا باسل اهدي هنعمل زفة تاني.
طارق: علشان انا فريد من نوعي بس.
باسل: غور قدامي.
و فعلا حصلت زفة تانية و طارق و جودي دخلوا و راحوا قعدوا مكانهم,و الباقي قعد علي ترابيزة العائلة.
بعد فترة كبيرة كان الفرح خلص و كل ثنائي طلع اوضته اللي محجوزة باسمه في الفندق,ثريا و علي رجعوا علي الفيلا بتاعتهم...
و الباقي رجع علي القصر و في اللي رجع بيته...
عند سليم و نرمين.

سليم دخل بنرمين الاوضة و هو شايلها بين ايديه و اول ما دخل نزلها و هي كانت حاطة رأسها في الارض.
سليم(بضحك): لا انا هخاف منك في ايه يا بنتي ده انتي كنتي بتبص البصة للواحد يترعب.
نرمين(بدموع): انا زعلانة.
سليم راح ناحية نرمين بسرعة و رفع وشها من علي الارض و بصلها في عيونها لقاها بتعيط.
سليم: ليه بس يا حبيبتي حد يزعل برضو النهاردة؟!


نرمين(بعياط): مكنتش اتمني ده يحصل بس اللي حصل النهاردة و انه اتقتل انا عارفة انه كان اب قاسي و شخص جشع بس مش يموت كدة ده برضو مهما كان اسمه ابويا انا خايفة اوي و تعبانة و متضايقة.
سليم مسك ايد نرمين و دخل اوضة النوم قعدها علي السرير و قعد قدامها في الارض و مسك ايديها و باسها.
سليم: حبيبتي اللي حصل حصل و مش هنقدر نغيره خلينا نبص ل حياتنا و لقدام.

سليم: انتي بقيتي مراتي خلاص و انا وعدت نفسي اني عمري ما ازعلك من اول يوم نتجوز فيه.
سليم: انا اسف بس علشان خاطري متعيطيش لاني هكون حاسس بالعجز، مش حابب انك تكوني زعلانة علشان انا اللي بزعل.
سليم: زعلك هو زعلي انتي هو انا حياتك هي حياتي، علشان خاطري متزعليش مبحبكيش تكوني زعلانة.
سليم: و كمان تعالي هنا يعني انتي كنتي طلعتي مخبية انك بتحبيني كل الفترة دي ده انتي طلعتي غامضة اوي.

نرمين: طب ما انت كمان كدة خبيت.
سليم: نرمين.
نرمين: نعم؟!
سليم: خلينا ننسي اللي فات انتي دلوقتي معايا و انا و انتي بنحب بعض.
سليم: ماشي؟!
نرمين هزت رأسها ببطء ل سليم و سليم باس رأسها.
سليم: قومي يلا غيري هدومك.
نرمين: حاضر.
نرمين دخلت الحمام و بدأت تغير هدومها و بعد فترة خرجت لقت سليم قاعد مستنيها علي السرير بعد ما غير هدومه.
سليم: تعالي يا حبيبتي.

نرمين قعدت جمب سليم باحراج و سليم خدها في حضنه و باس رأسها.
سليم: بكرة هنرجع عن ماما.
نرمين: ماشي...
سليم: نرمين غمضي عينك.
نرمين: طيب.
نرمين غمضت عينيها و سليم قرب منها و...

-في مكان تاني...
عند طارق و جودي.
طارق: خشي.
جودي: ما تشيلني.
طارق: مش قادر ضهري واجعني.
جودي: افندم! تصدق انك رخم و.
طارق: بس بس.
طارق وطي شال جودي و دخل الاوضة.
طارق: ايه السر في الشيلة يعني؟!
جودي: انت شايل شوال بطاطس ده انت رخم يا اخي...
طارق: يا بت اهدي كدة...
جودي: نزلني يا رخم طب و **** ل تنام علي الكنبة النهاردة.
طارق: ابقي اتغطي و انتي نايمة.
جودي: طب نزلني كدة.

طارق نزل جودي و جودي جريت علي اوضة النوم و كانت لسة هتقفل الباب طارق لحق و دخل الاوضة.
جودي: لا الشغل ده انا عارفاه مش عليا يا طارق.
طارق: ايوه اللي هو؟!
جودي: هبلغ عنك البوليس.
طارق: اه ده انتي شكلك هتتعبيني بجد.
جودي: ها بتقول ايه؟!
طارق: بقول كدة يا جودي.
طارق شد جودي و شالها و جودي صرخت.
طارق: **** يخرب بيت المسلسلات يا جودي علي اللي عملها.
جودي: **** سيبني اعيش الدور شوية.

طارق قرب من جودي و (لخيالكوا).

-في مكان تاني...
علي و ثريا.
ثريا(بضحك): انت ليه محسسني اننا عرسان بجد؟!
علي(بابتسامة): علشان احنا كدة فعلا.
ثريا(بحب): **** يخليك ليا.
علي(بابتسامة): و يخليكي ليا.
علي نزل ثريا و قعدها علي السرير و دخل جاب ليها هدوم و دخل هو غير هدومه كانت ثريا خلصت هي كمان.
علي: تحبي تأكلي؟!
ثريا: لا.
علي: طب بصي يا حبيبتي.
ثريا: نعم...
علي: من بكرة هتقعدي مع اخواتك في القصر.
ثريا: اشمعنا يا علي؟!
علي: هقولك بكرة.

علي حضن ثريا و غطاها كويس بالبطانية و باس رأسها.
علي: بصي يا ستي النهاردة اتكلمي في اي حاجة عايزاها اتمني اي حاجة تتجاب ليكي.
ثريا: امممم اكيد في مصيبة.
علي: لا يا روحي.
ثريا: بس مش مرتحالك.
علي: انا؟! ده انا برئ يا ثريا.
ثريا: مش واثقة فيك و ****.
علي: عيب عليكي.
ثريا: طب قولي بتحب شعري قصير و لا اطوله؟!
علي: بحبه و هو كدة قصير علشان.
ثريا: علشان؟!
علي: اعرف اضربك علي قفاكي كل يوم...

ثريا: يا رخم. كسرت قلبي.
علي: حبيبة قلبي انتي في كل حالاتك قمر فمتشغليش بالك...
ثريا: بحبك.
علي: بموت فيكي.
الاتنين قعدوا يتكلموا ل فترة كبيرة و يهزروا.

-في مكان تاني...
عند وجد و باسل.
وجد كانت واقفة قدام المراية بتقلع الاكسسورات البسيطة اللي هي لابساها,باسل كان لسة خارج من الحمام.
باسل: تعالي يا حبيبتي عايزك.
وجد: حاضر هغير هدومي و اجي.
باسل: طيب بس الحقيني قبل ما انام لاني لازم انام كويس يلا بسرعة.
وجد: حاضر.
وجد دخلت الحمام علشان تغير هدومها.
وجد لبست شورت ابيض و فوقه تي شيرت بكم باللون الكشميري قصير لغاية الخصر و سيبت شعرها علي ضهرها.

وجد خرجت لقت باسل باين عليه التعب قعدت جمبه و حطت ايديها علي كتفه...
وجد: مالك يا حبيبي؟!
باسل: احم وجد كنت عايز اقولك حاجة.
وجد: اتفضل.
باسل: بكرة انا و سليم و علي هنروح مهمة ل روسيا.
وجد: نعم يا حبيبي بتقول ايه مسمعتش؟! لا انسي الا لو.
باسل: الا لو؟!
وجد: رجلي علي رجلك.
باسل(بحدة): لا طبعا مش هاخدك معايا انتي بالذات لا لا لا...
وجد: و انا هسيبك هناك مع بنات روسيا لوحدك ده انت مجنون و لا ايه.


باسل: يا وجد يا حبيبتي انا هكون رايح مهمة و مش هتعامل مع ستات الا في حدود الشغل و كمان مفيش واحدة تملي عيني غيرك.
وجد: لا واحدة تشربك حاجة و تقرب منك لا لا مليش فيه.
باسل: يا وجد اسمع.
وجد: و كمان ازاي نرمين و ثريا هيوافقوا دول لسة متجوزين النهاردة؟! فهمني بقي انا مش موافقة اتصرف.
باسل: وجد.
وجد: امممم.
باسل: الكلام منتهي انا هسافر بكرة و اسبوعين بالكتير و ارجع و مش هأخدك معايا بالذات انتي.

وجد(بغضب مكتوم): براحتك يا جوزي.
وجد بصت ل باسل و بعدها ودته ضهرها و طفت النور اللي جمبها و غمضت عينيها...
باسل: جوزي! ده من امتي ده يا وجد؟!
وجد: من النهاردة يا جوزي.
باسل: راحت فين حبيبي؟!
وجد: راح زمانها يا حبيبي كان في و خلص.
باسل(برفعة حاجب): و النبي؟!
وجد: ايوه و الكلام منتهي في الموضوع ده يا جوزي...
باسل: وجد ايه يا حبيبتي ل.

وجد(بانفعال): باسل مش هتضحك عليا بكلمتين حلوين. و كمان لو عايز تطلقني و تصيع مع البنات هناك زي ما كنت بتعمل في الاول اتفضل.
وجد قامت و كانت هتمشي بس باسل مسك ايديها و شدها ناحيته و بصلها.
باسل: وجد متعصبنيش انتي عارفة انه مبقاش في دماغي الحاجات دي.
وجد(بحدة): بس انا لا يا باسل.
باسل: ليه يا وجد ليه؟!


وجد(بتنهيدة): انت اللي عملت كدة خليت الثقة بينا مهزوزة يا باسل، و فكرة انك تسافر و تسيبني و روسيا اللي ليك مع بناتها علاقات و كنت بتخوني حتى و انت متجوزني دي كفيلة تخلي ثقتي فيك منعدمة.
باسل: حبيبتي انا بحبك و خلاص كانت غلطة زمان هنفضل نتعاقب عليها لحد امتي؟!
وجد: صدقني حاولت بس مش قادرة يا باسل.
باسل حضن وجد و باس رأسها وجد بصتله.
باسل: اوعدك مش هعمل حاجة غلط تاني و هشاركك كل حاجة في حياتي اوعدك.

وجد: هحاول اصدقك يا باسل.
باسل: بحبك و آسف.
باسل: اوعدك مش هعمل حاجة طول ما انا هناك و مش هفكر غير فيكي و اكيد في العملية.
باسل: و هكلمك كل يوم و هقولك يومي كله باستثناء العملية...
باسل: ها ممكن بقي متزعليش مني.
باسل: انا مبحبش نكون زعلانين من بعض. و محبش نكون نايمين و احنا زعلانين من بعض...
وجد ابتسمت و خدت باسل في حضنها و لعبت في شعرها و هو حاوطها بايده جامد...
باسل: بحبك يا ام قلب طيب.


وجد: و انا كمان.
الاتنين ناموا علي السرير و باسل حضن وجد جامد.
باسل: حاولي تلطفي مع امي.
وجد: حاضر.
باسل: هسيبك و انا متأكد انك مش هتخبي عليا حاجة و هتشاركيني كل حاجة يا وجد هثق فيكي.
باسل: هتحكيلي كل اللي بتعمليه.
وجد: حاضر يا حبيبي.
باسل: ما هي كانت جوزي من شوية.
وجد: بحبك.
باسل(بابتسامة): بعشقك.

-في الصباح الباكر...
عند قصي و ليلي.
قصي قام مفزوع من صريخ ليلي العالي.
قصي(بخضة): مالك يا حبيبتي؟!
ليلي(بصريخ): الحقني يا قصي مش قادرة تعبانة اوي...
قصي: اهدي طيب يا حبيبتي حاضر.
قصي قام بسرعة و لسة هيشيل ليلي لقي ددمم و ليلي بصتله بضعف و بعدها اغمي عليها...


الجزء الخامس

قصي قام مفزوع من صريخ ليلي العالي.
قصي(بخضة): مالك يا حبيبتي؟!
ليلي(بصريخ): الحقني يا قصي مش قادرة تعبانة اوي...
قصي: اهدي طيب يا حبيبتي حاضر.
قصي قام بسرعة و لسة هيشيل ليلي لقي ددمم و ليلي بصتله بضعف و بعدها اغمي عليها...
قصي قلق جدا و شالها و خرج بره اوضته لقي احمد كان جاي ناحيته بسرعة.
احمد: مالها ليلي سمعت صوتها؟!
قصي(بقلق): معرفش يا احمد معرفش.
احمد: طب تعالي نلحق نروح المستشفي.

احمد نزل و جاب العربية و قصي ركب ليلي العربية و قعد جمبها و هو حاضنها و خايف عليها.
احمد ساق ناحية اقرب مستشفي و وقف العربية نزل نادي الممرضة و جابوا كرسي ل ليلي.
قصي حط ليلي علي الكرسي و فضلوا يمشوا لغاية ما دخلوا الطوارئ...
الممرضة: انا هخلي الدكتورة تشوفها خليكم هنا. عن اذنكم...
احمد: اهدي يا قصي.
قصي(بقلق): اهدي ازاي بس؟! انا خايف عليها اوي.
احمد: هتبقي بخير متقلقش.

بعد فترة كانت الدكتورة اللي كشفت علي ليلي خرجت ليهم.
الدكتور: مين يبقي جوزها؟!
قصي: انا يا دكتور. طمنيني عليها هي بخير؟!
الدكتور: كان نزيف و الحمد**** وقفناه و هي و البيبي حاليا بخير بس الاهم سبب النزيف.
قصي: ايه؟!
الدكتور: هي ممكن تكون اتعرضت ل ضغط شديد او عملت حركة مش مناسبة. هي جسمها ضعيف و لازم تتغذي كويس لان البيبي بيسحب منها يا ريت تأخدوا بالكم منها و ابعدوها عن اي ضغط.
احمد: تمام شكرا يا دكتور.


الدكتورة: لما تفوق تقدروا تأخدوها و لازم متابعة اسبوعية مع دكتورة نسا.
احمد: تمام يا دكتور.
احمد: خلاص اطمنا عليها يا قصي الحمد**** عايز ايه بقي؟!
قصي: هتكون اتعرضت ل ضغط زي ايه يا احمد بس.
احمد: متقلقش هتلاقي بس تعب بسيط بسبب الحمل.
احمد: كفاية منظرنا الزبالة و احنا بالبيجامات كدة...
قصي: عيل رخم.

احمد: **** مش احنا هنستني المدام تصحي و اللي رايح و اللي جاي هيفضل باصص لينا و انا احب البنات تشوفني و انا مظبط نفسي كدة.
قصي: طب و **** لاتصلك ب كارما تشوف شغلها معاك.
احمد: خلاص خلاص يا عم مبتهزرش يا رمضان.
قصي: ايوه كدة اتعدل.
احمد: عيل رخم.
قصي: شوية من اللي عندك يا اخويا.
بعد فترة كانت ليلي بدأت تفوق و قصي دخل ليها باس رأسها و ايديها.
قصي: حبيبي عامل ايه؟!
ليلي(بابتسامة): بخير يا حبيبي.

قصي: يا رب تفضلي كدة علطول.
قصي: انتي كويسة؟! حاسة باي وجع؟!
ليلي: لا...
قصي: طب في حاجة حصلت و مخبياها عني؟!
ليلي(بتوتر): حاجة؟! لا مفيش حاجة.
قصي بص ل ليلي بهدوء و قرب منها باس رأسها و شالها بين ايديه و خرج بره اوضة المستشفي و هو بيفكر في توترها.
ليلي(بضحك): منظركم فظيع بالبيجامة.
احمد: مش قولتلك اهي اول واحدة بتسف علينا هي مراتك.
قصي(بهدوء): براحتها.


احمد استغرب هدوء قصي و بص ل ليلي اللي بصتله بمعني انها متعرفش حاجة.
قصي ركب ليلي العربية و ركب جمبها و احمد لف ركب و بدأ يسوق ناحية القصر.
التلاتة نزلوا و دخلوا القصر و قصي نادي علي رانيا.
قصي: يا رانيا.
رانيا: نعم يا بيه؟!
قصي: ساعدي الهانم و طلعيها اوضتها.
رانيا: حاضر.
ليلي: مش هتطلع؟!
قصي: شوية.
ليلي: طيب.
قصي: نامي انتي.
ليلي: حاضر.
ليلي طلعت مع رانيا لاوضتها,احمد قرب من قصي حط ايده علي كتفه.
احمد: مالك؟!

قصي: ليلي بتكدب عليا و مخبية حاجة.
احمد: طب اهدي يا قصي اكيد هتعرفها اتكلم معاها براحة.
احمد: يلا اطلع خليك جمبها و لما يعدي يومين كدة ابقي اعرف منها حصل ايه.
قصي: طيب. انت هتعمل ايه؟!
احمد: لا هطلع البس علشان ورايا شغل كتير متراكم.
قصي: طيب **** معاك.
احمد: يلا باي.
قصي: باي.
قصي طلع لاوضته و لقي ليلي نايمة و باين التعب علي وشها حضنها و باس كتفها و غمض عيونه و بدأ ينام هو كمان.

احمد طلع لاوضته خد دوش و غير هدومه و نزل ركب عربيته و طلع علي الشركة.

-في مكان تاني...
عند نرمين و سليم...
سليم: ا.
نرمين(بعصبية): قولتلك براحتك ****.
نرمين فتحت الباب و نزلت من العربية و قفلت الباب بغضب و مشيت و بعدها رجعت ل سليم.
نرمين(بغضب مكتوم): ابقي خلي المهمة تنفعك.
نرمين سابت سليم و دخلت للفيلا و خبطت الباب.
انتصار: اهلا يا نرمين هانم.
نرمين(بعصبية): ابعدوا من وشي.
مريم: لا اله الا ****، مالك يا بنتي لحقتوا تتخانقوا؟!
نرمين(بعصبية): ابنك السبب.

سليم: ماله ابنها يا ست نرمين بقولك شغل شغل يا ست في ايه.
نرمين(بانفعال): و لما تسيب مراتك تاني يوم جواز الناس تقول عليها ايه. و كمان انت معندكش ددمم اتجوزتني ليه كنا نأجل حتى.
سليم: يا نرمين افهمي ده زي تنويه يعني علشان منخليش حد يشك فينا يا نرمين. هنخلص المهمة بسرعة و هرجعلك هأخدك و نروح شهر العسل في اي حتة تقولي عليها.
نرمين(بعصبية): غور يلا مش عايزة حاجة. اتفضل روح مهمتك براحتك.

مريم: اهدي يا نرمين و انت يا سليم هتروح فين و تسيبها كدة؟!
كارما كانت لسة صاحية من النوم و بتتاوب و قعدت جمب مريم و هي بتبص ل نرمين و سليم.
كارما(بنوم): مالهم دول؟!
مريم: اخرسي دلوقتي.
نرمين: ما تفهم امك يلا.
سليم: يا امي يا حبيبتي في مهمة لازم اطلعها ضروري لازم نخلصها و وعدتها اول ما ارجع هأخدها شهر عسل في المكان اللي تختاره...
كارما(بنوم): طب ما الواد حلو اهو يا نرمين فين المشكلة؟!

نرمين: قال البيه بيقول ان العملية ممكن تستمر لشهور.
سليم: قولتلك اخري شهرين يا نرمين.
مريم: اهدي يا نرمين هو شغله و غصب عنه لازم تقدري ظروف شغله، ابوه كان كدة.
مريم: حتى انه طلع مهمة تاني يوم جواز لينا في الصباحية اتصلوا بيه و خلوه ينزل.
مريم: يا حبيبتي تقبلي ظروفه و هو اكيد هيعوضك.
سليم: اسمعي كلام الست العاقلة دي.
سليم باس رأس مريم و قرب من نرمين مسك ايديها.
سليم: ها يا حبيبتي؟!

نرمين(بحدة خفيفة): قولت هتسافر فين؟!
سليم: روسيا.
نرمين(بانفعال): قسما بربي يا سليم عينك تروح كدة و لا كدة و لا تقرب من بنت غيري او تتكلم مع بنت غيري ل ل.
سليم: هشششش متكمليش مش هبص لغيرك حاضر.
سليم: ممكن تهدئ بقي يا حبيبتي؟!
نرمين: طيب يا سليم. و هتكلمني كل يوم.
سليم(بنفاذ صبر): حاضر. ممكن بقي تطلعي تجهزي شنطة هدومي.
نرمين: اوف طيب.
نرمين طلعت لاوضة سليم,سليم راح قعد جمب مريم و كارما و خدهم في حضنه.

سليم: هتوحشوني.
كارما: و انت كمان.
مريم: **** يحميك يا حبيبي و يحفظك.
سليم: تسلمي يا امي.
سليم فضل حاضن مريم و كارما و يوصيهم و سابهم و طلع ل نرمين.
سليم: حبيبتي.
نرمين: نعم.
سليم: متزعليش مني غصب عني بجد.
نرمين: طيب.
سليم حضن نرمين و باس رأسها و خدها.
سليم: خلي بالك من نفسك و متتكلميش مع حد متعرفهوش انا مش هبقي موجود يا نرمين فحافظي علي نفسك و ابعدي عن المشاكل.

سليم: هتقعدي هنا مع ماما و كارما. في الشغل متخطلتيش مع حد خالص.
نرمين: حاضر.
سليم: طيب يا حبيبتي.
نرمين: الشنطة حطتلك هدومك فيها، خلي بالك من نفسك.
سليم: حاضر يا حبيبتي.
سليم مسك الشنطة في ايده و حاوط خصر نرمين و نزل بيها ل تحت و باس رأسها...
مريم و كارما قاموا وقفوا و حضنوه جامد.
سليم: هتوحشوني.
مريم: تروح و ترجع بالسلامة يا حبيبي.
سليم: تسلمي يا حبيبتي. يلا باي يا كارما باي يا نرمين.

سليم خرج بره الفيلا و معاه شنطته و ركب عربيته و طلع علي مديرية امن الدرلة.

-في مكان تاني...
عند ثريا و علي.
علي: حبيبتي يلا اصحي.
ثريا(بنوم): عايز ايه يا علي؟!
علي: قومي يلا.
ثريا قعدت نص قعدة علي السرير و بصت ل علي و هي نايمة اصلا.
علي: قومي يلا.
ثريا(بنوم): هعمل ايه؟!
علي: يلا اوصلك في طريقي.
علي: قومي يا كسولية.
ثريا: في ايه يا علي مش فاهمة؟!
علي: رايح مهمة.
ثريا(بصدمة): ايه!
علي: ايه؟!
ثريا(بقلق): لا لا ممكن يحصلك حاجة و انت هناك لا يا علي بلاش.

علي: متخافيش يا حبيبتي انا متعود و كمان متخافيش اوي كدة هرجع ان شاء ****.
ثريا راحت ناحية علي و حضنته جامد.
ثريا(بدموع): متروحش.
علي(بابتسامة): انتي اول واحدة تخافي عليا بالشكل ده. متخافيش هرجع علشان عيونك.
ثريا(بدموع): بس انا خايفة.
علي: متخافيش يا حبيبتي هوديكي عند قصي و احمد.
ثريا(بدموع): لا متسبنيش يا علي.
علي: يا حبيبتي مش هسيبك هروح مهمة بسرعة و ارجع انتي ليه خايفة كدة؟!

ثريا(بدموع): معرفش بس لا انا مش عايزة اخسرك.
علي: يا حبيبة قلبي متخافيش. يلا بقي غيري هدومك انا جهزت شنطة هدومك.
ثريا: علي.
علي: روح علي متزعلنيش بقي يلا خشي غيري هدومك.
ثريا: يعني مفيش امل؟!
علي: غصب عني.
ثريا: **** معاك.
علي باس رأس ثريا و ثريا دخلت الحمام غسلت وشها و خرجت تغير هدومها.
ثريا لبست بنطلون جينز و فوقه قميص باللون الاسود و لبست كوتشي ابيض و سيبت شعرها علي ضهرها.
علي: تعالي يلا.


ثريا: جهزت شنطتي ازاي؟!
علي: متنسيش اني كنت بسافر كتير لوحدي فاكيد كنت بجهز شنطتي. و يلا بقي.
علي مسك شنطته و شنطة ثريا و نزل ل تحت و ثريا عيونها دمعت و بدأت تسند علي الحيطة علشان تمشي بس كانت حاسة بالعجز و هي بتعرج...
في اقل من دقايق ثريا لقت علي قدامها و شالها بين ايديه و نزل ل تحت.
علي: اوعدك بعد ما ارجع هنعمل العملية.
ثريا(بدموع): بحبك.
علي: بت انتي اسطورة عياط.
ثريا: بحبك ****.

علي: بموت فيكي. بس مبحبكيش زعلانة يا ثريا.
علي ركب ثريا العربية و لف ركب و بدأ يسوق ناحية قصر الصياد.
علي: تحبي اجبلك حاجة و انا جاي؟!
ثريا: انت هتروح فين؟!
علي: روسيا.
ثريا لا رد.
علي: ثريا سمعاني؟!
ثريا: هقولك حاجة واحدة عينك متزوغش هناك.
علي: ابص لغيرك ازاي و انتي مالية عيني بس.
ثريا ابتسمت ل علي و علي كان وصل للقصر و نزل نزل ثريا و نزل شنطتها خلي الحارس يدخلها.
علي: آسف يا حبيبتي مش هقدر ادخل مستعجل.

علي حضن ثريا جامد و باس خدها و ثريا حضنته جامد و كانت خايفة عليه,علي بعد عنها و باس ايديها.
علي: خدي بالك من نفسك.
علي ركب عربيته و ساق ناحية المديرية.
ثريا دخلت القصر ملقتش حد صاحي و استغربت بس رانيا حكتلها اللي حصل ثريا طلعت اوضتها القديمة قعدت فيها...

-في مكان تاني...
عند طارق و جودي.
طارق صحي قبل جودي و جودي كانت نايمة بعمق و فتحت عينيها ببطء لقت طارق قدامها ابتسمت ليه بكسل.
طارق: قومي يلا.
جودي(بنوم): هو في احلي من النوم...
طارق: قومي يا حلوة يلا مش ناقصة هي.
جودي(بضيق): انت ليه رخم؟! انا عايزة انام ابعد كدة.
طارق: لا ما هو مش علشان اتجوزتك يبقي هدمر مستقبلك اخر ترم يا حبيبتي يلا قومي.
جودي(بضيق): ايه ده؟!

طارق: خدي المفيد مفيش شهر عسل الا لما تخلصي جامعة و هتبدأي تجهزي نفسك فاضل اسبوع علي الترم التاني و طول الفترة دي هتدربي معايا في الشركة.
جودي: ايه حيلك حيلك انا هعمل ده كله ازاي حد قالك اني ماتور.
طارق: قومي علشان نرجع القصر يا جودي.
جودي: يخرب بيت ده يوم يا شيخ.
طارق: قومي يلا.
جودي: طروقة.
طارق: قومي يا جودي و خلي يومك يعدي يا حبيبتي.
جودي(بغيظ): يا رخم.
جودي قامت دخلت الحمام خدت دوش و غيرت هدومها...

جودي لبست فستان باللون الاحمر ب ¾ كم لغاية بعد الركبة سادة و لبست صندل بكعب باللون الاسود و عملت شعرها علي شكل ديل حصان و حطت مكياج خفيف.
جودي خرجت كان طارق خلص لبس بصلها و قرب منها جودي ابتسمت ليه...
طارق: ايه الجمال ده؟!
جودي(بابتسامة): لسة واخد بالك؟!
طارق: كنت بعمل نفسي مش واخد بالي.
جودي(بخجل): عايز ايه؟!
طارق(بابتسامة): بحبك.
جودي: مش يلا بينا طيب.
طارق: يلا.

طارق مسك ايد جودي و حاوط خصرها و خرجوا بره اوضة الفندق و نزلوا ل تحت.
طارق: تحبي تفطري قبل ما نروح؟!
جودي: لا خلينا نفطر هناك يا حبيبي.
طارق: طيب.
جودي و طارق ركبوا العربية اللي كانت في انتظارهم و راحوا للقصر...
الاتنين نزلوا و دخلوا من بوابة القصر.
جودي: طارق.
طارق: نعم.
جودي: انت متضايق من حاجة؟!
طارق: لا يا حبيبتي.
جودي: بجد؟!
طارق: اه.
اسيل(بفرحة): جودي.
اسيل جريت علي جودي حضنتها جامد و باستها...

اسيل: وحشتيني اليوم ده.
طارق: هما جوا؟!
اسيل: اه.
طارق: طيب يلا بينا.
التلاتة دخلوا القصر، طارق قرب من نعمة حضنها و باس رأسها,جودي جريت علي عفاف حضنتها.
عفاف: وحشتيني اوي يا حبيبتي.
جودي: و انتي يا ماما وحشتيني اوي.
نعمة: ده هو يوم يا عفاف.
عفاف: برضو وحشتني.
رضوان: صباحو عسل.
اسيل: صباح النور.
رضوان: حمدلله علي السلامة يا عرسان.
جودي: وحشتني اوي.
جودي كانت لسة هتروح ل رضوان لقت طارق قدامها.

طارق(بتحذير و همس): متقربيش.
جودي(بعدم فهم): ليه؟!
رضوان(بفهم): حمدلله علي السلامة انا همشي علشان ورايا شغل...
رضوان سابهم و خرج بره القصر و هو متضايق,جودي بصت ل طارق بضيق و طلعت لاوضتها هي و طارق.
عند باسل و وجد.
وجد فاقت من نومها قبل باسل و قامت دخلت الحمام غسلت وشها و خرجت غيرت هدومها.

وجد لبست بنطلون اسود و فوقه تي شيرت بحمالة رفيعة علي الكتف باللون الابيض و فوقه جاكت خفيف باللون الازرق بأكمام واسعة لغاية الركبة و لبست كوتشي اسود عالي و سيبت شعرها علي ضهرها و حطت مكياچ خفيف.
باسل: صباح الخير.
وجد(بابتسامة): صباح النور يلا قوم.
باسل: قربي.
وجد قربت من باسل و قعدت جمبه علي السرير.
وجد(بابتسامة): عايز ايه؟!
باسل: نسيتيني بسبب ام ضحكتك دي...
وجد(بابتسامة): ايوه يعني برضو عايز ايه؟!

باسل حط ايده علي خد وجد و قربها منه و باس رأسها.
باسل(بتنهيدة): هتوحشيني اوي مش متخيل يومي من غيرك.
وجد: خلاص متروحش.
باسل: غوري يا بت من قدامي.
وجد(بضحك): قوم يلا اجهز.
وجد: طب بذمتك حد يسبني و يروح مهمة.
باسل: ان جيتي للحق اه.
وجد مسكت مخدة و ضربت بيها باسل و باسل شدها لحضنه و باس خدها.
باسل: حقيقي هتوحشيني اوي يا وجد.
وجد: طب ما تأخدني معاك و انا مش هعمل صوت خدني في شنطة الطيارة.

باسل: شنطة الطيارة! غوري يا بت امشي.
وجد و باسل ضحكوا علي بعض و باسل قام دخل الحمام و خرج كان غير هدومه.
وجد: اوبس مجهزتش شنطتك.
باسل: مش هجهزها اصلا.
وجد: اشمعنا يعني انت مش مسافر؟!
باسل: عندي بيت هناك و في هدوم مش هحتاج.
وجد: طيب.
باسل مسك ايد وجد و نزلوا ل تحت كانوا قاعدين علي السفرة بيفطروا.
باسل: صباح الخير.
الكل: مساء النور.
باسل قرب من عصمت و باس ايديها و رأسها.
عصمت: خلاص هتروح؟!
باسل: اه.


نعمة: **** معاك.
معتز: **** يرجعك بالسلامة.
وجد(برفعة حاجب): اري ان الكل عارف بالمهمة الا انا.
باسل: حبيت اعملها ليكي مفاجاة يا حبيبتي عجبتك.
وجد رفعت حاجبها ل باسل و قعدت علي كرسي السفرة و بدأت تفطر...
وجد: مفاجاة سودة بعيد عنك.
باسل ابتسم علي وجد و قعد جمبها و قعدوا يفطروا بهدوء,بدأ كل واحد يسلم علي باسل و يروح شغله.
اسيل: هتوحشنا اوي.
باسل: هرجعلك يا اوزعة.
جودي: جيبيلي من هناك هدوم كتير.


باسل: خلي جوزك انا مالي.
طارق: جوزها يجبلها ميجبلهاش ليه.
طارق: شهر العسل يا جودي في روسيا.
جودي: يووووووه لسة هستني ترم كامل ده افتراء.
جودي: ابقي افتكرني باي حاجة يا باسل.
باسل: هشوف...
حازم: حضرة الكابوس آسف اتاخرت عليك.
حازم حضن باسل و ودي ليه علبة في ايده.
باسل: دقيقة كمان و كنت هأجي اقتلك يا حازم.
حازم: خلاص بقي قلبك ابيض.
باسل: طيب.
باسل باس رأس عفاف و حضنها و هي ابتسمت ليه.

باسل(بهمس): بيحبوكي بس انتي عارفة دماغهم. خلي بالك من وجد هي بتحبك.
عفاف: في عينيا يا حبيبي تروح و ترجع بالسلامة.
باسل قرب من نعمة و باس رأسها و هي حضنته.
نعمة: هستناك يا باسل اياك تغيب زي ما ابوك غاب.
باسل(بابتسامة): لا متخافيش راجع.
باسل(بهمس): بس مش هوصيكي علي امي و وجد يا عمتو. حاولي تكسبيها علشان خاطري.
نعمة(بضيق): حاضر يا باسل.
باسل قرب من عصمت و نزل ل مستواها و باس ايديها.
باسل: هتوحشيني.

عصمت: تروح و ترجع بالسلامة يا باسل، هستناك متتأخرش.
باسل: حاضر يا حبيبتي. مش هتأخر عليكوا.
باسل: بس علشان خاطري علشان خاطري يا ماما تحافظي علي وجد و تخلي بالك منها هي مراتي و حبيبتي ارجوكي.
عصمت(بابتسامة): متقلقش يا حبيبي هي مرات الغالي...
عصمت: روح و انت متطمن بس قولها تحترمنا شوية.
باسل: حاضر.


باسل قام و لقي وجد بتبصله بضيق راح ناحيتها وجد كانت فاكراه رايح ناحيتها بس لقته راح ناحية الممر و دخل اوضة اخته حياة...
وجد(بغيظ): يا كلب الكلبة يا باسل.
وجد خرجت بره الجنينة و هي متغاظة من باسل و متضايقة و قعدت علي الكرسي اللي في الجنينة...
باسل دخل لاوضة اخته و قعد جمبها و مسك ايديها باسها.
باسل: بحبك يا غالية **** يقومك بالسلامة...
باسل: اتمني تكوني فوقتي علي ما ارجع.

باسل قام باس رأس حياة و خرج ملقاش وجد.
باسل: فين وجد؟!
اسيل: اتضايقت و خرجت بره.
باسل: طيب، يلا باي.
باسل خرج بره القصر و راح للجنينة لقي وجد قاعدة قرب منها و باس خدها.
باسل: بحبك.
وجد: واضح واضح.
باسل: حبيت اختم بيكي انتي يا وجدي.
وجد: باسل اوعي تكون بتضحك عليا و يكون ده الوداع الاخير او هتروح تتجوز عليا لا و **** اقتلك فيها.
باسل(بابتسامة): لا يا حبيبتي متخافيش.
باسل: و دي هدية بسيطة مني لغاية ما ارجع.

وجد: انت جبتلي هدية؟!
باسل: انتي شايفة ايه؟!
وجد: انت احلي زوج في الدنيا. وريني جبتلي ايه؟!
باسل فتح علبة طلع منها سلسلة شيك و لبسها ل وجد حوالين رقبتها و بصلها.
باسل: متقلعهاش لحد ما ارجع. هكون لابس النص التاني بتاعها.
وجد: بحبك اوي.
-كانت السلسلة عبارة عن نص قلب مكتوب علي سلسلة كل واحد حرف التاني...
باسل: هاتي ايدك.
وجد: اتفضل يا عم ها ايه تاني؟!

باسل طلع دبلة دهبي من جيبه و لبسها ل وجد في ايديها الشمال بحب و نزل ل مستوي ايديها و باسها.
باسل: بحبك **** يخليكي ليا.
وجد: هترجع؟!
باسل: اكيد ان شاء ****، هرجعلك...
وجد: هستناك.
باسل: و انا هكون مشتاق اني اشوفك.
وجد: متتأخرش يا باسل.
باسل: حاضر.
باسل: و انتي خلي بالك من نفسك و مش عايز شقاوة و لا مشاكل ابوس ايدك انا مش هبقي موجود معاكي في كل مشكلة يا وجد، متوقعيش قلبي حتى و انا بعيد عنك.

باسل: لو في حاجة حصلت ضايقتك كلميني. و لو حد كلمك او ضايقك برضو قوليلي...
وجد: حاضر.
باسل: و امي عايزك تعامليها براحة يا وجد.
وجد: حاضر.
باسل: مش متطمن لكلمة حاضر دي.
وجد: متقلقش.
وجد: بس قسما بربي يا باسل لو فكرت تلعب بديلك هتلاقيني تاني يوم عندك في روسيا يا باسل و عليا و علي اعدائي.
باسل: بحبك...
باسل باس رأس وجد و ساب ايديها و مشي و وجد بصت في آثره و بدأت تخاف و دموعها تنزل.

باسل كان ركب العربية و بص ل وجد نظرة اخيرة و ابتسم ليها و بصلها بمعني تمسح دموعها.
وجد مسحت دموعها بايديها و ابتسمت ل باسل و شاورت ليه بمعني باي.
باسل ساق و راح ناحية المديرية و نزل و دخل هناك.
باسل: ايه الاخبار؟!
سليم: كله تمام و جاهزين.
باسل: ادم و عصام هيكونوا هناك.
علي: تمام.
باسل: عدي مسعد.
عدي و مسعد: نعم يا فندم؟!
باسل: عايز المرة دي ننجح. دي الفرصة الوحيدة اللي لينا.

باسل: انا المعروف بالنسبة ليهم لو حصلت ليا حاجة عدي و مسعد يبقوا هما الوجوه المتحركة فاهمين؟!
الكل: فاهمين يا فندم.
باسل: يلا بينا.
باسل فتح باب الاوضة و خرج منها هو و فرقته لقي قدامه اللواء كمال.
كمال: انا واثق فيك.
باسل: عائلتي كلها.
كمال: امانة يا باسل.
باسل: تمام. عن اذنك يا فندم.
كمال: الطيارة مستنياكم يلا. اهي الباسبورات الجديدة.
باسل: شكرا.

باسل خرج هو و فرقته و ركبوا العربيات و راحوا للمطار,كل واحد كان ميعرفش التاني و هما بيختموا الباسبور,كلهم ركبوا الطيارة و بدأت تتحرك.
بعد فترة كبيرة.
الشباب كانت وصلت لروسيا و اتجمعوا...
باسل: دلوقتي هنروح بيتي.
عدي: مش خطر؟!
باسل: لا الليلة دي بس.
مسعد: اللي تشوفه.
الشباب بدأت تتحرك و خرجت بره المطار علشان توقف عربية او تاكسي.
سليم: فين ادم و عصام؟!
باسل: هيسبقونا علي البيت.
علي: انا مش مرتاح...


باسل: اهدي.
الشباب ركبوا تاكسين و بدأوا يمشوا,في نص الطريق باسل لاحظ حاجة غريبة.
السواق1(بالروسية): انزلوا.
باسل(بالروسية): في ايه؟!
السواق1(بالروسية): يلا.
باسل و علي و سليم نزلوا,و كذلك حصل في العربية التانية...
السواق2 طلع سلاح و حطه في وشهم.
السواق2(بالروسية): انزلوا علي ركبكم.
علي: دي هتبقي عملية عسل.
مسعد(بتوتر): هما بيثبتونا طيب و لا ايه النظام؟!
باسل(بحدة): اخرسوا.

فجأة في حاجة اترشت في وشهم بدأت الرؤية تقل لغاية ما انعدمت و الشباب وقعوا في الارض مغمي عليهم...


الجزء السادس

فجأة في حاجة اترشت في وش الشباب بدأت الرؤية تقل لغاية ما انعدمت و الشباب وقعوا في الارض مغمي عليهم...
مجموعة من الاشخاص اللي لابسين بدل سودة ظهروا و بدأوا يركبوا باسل و الباقي في العربيات و ساقوا ناحية بيت,بعد فترة كانوا وصلوا.
حارس(بالروسية): هما هنا.
(بالروسية): طلعوهم فوق.
حارس(بالروسية): تمام.
الحراس بدأت تطلع كل واحد لاوضة خاصة بيه...
بعد فترة كبيرة.

باسل كان بدأ يفوق و هو حاسس بصداع في رأسه فتح عينيه و بص حواليه استغرب.
باسل افتكر اللي حصل و قام بسرعة من علي السرير بص علي نفسه لقي هدومه متغيرة خرج بسرعة بره الاوضة و هو بيبص بحذر في المكان كله...
بنت(بالروسية): باسل وحشتني.
باسل لف لقي البنت بتجري ليه و حضنته جامد,باسل بعدها بسرعة عنه.
باسل(بالروسية,بحدة): انتي مجنونة ازاي تعملي كدة؟! بتتصرفي من دماغك ليه يا روسيل؟!

روسيل(بالروسية): ميشيل كان منتظر وصولك مكنش في غير الطريقة دي علشان يعرف ان تم خطفكم.
باسل(بالروسية,بحدة): فين الباقي؟!
روسيل(بالروسية): كل واحد في اوضة خاصة بيه.
روسيل قربت من باسل و حطت ايديها علي كتفه.
روسيل(بابتسامة,بالروسية): موحشتكش؟!

باسل(بالروسية,ببرود): لا. اللي كان بيحصل زمان مش هيحصل تاني انا راجل متجوز و بحب مراتي يا روسيل مليش دعوة بيكي من هنا و رايح الا للشغل بس غير كدة فانا مستغني عن خدماتك.
باسل زق روسيل و خرج بره الفيلا راح يتمشي في الجنينة و هو حاسس بوجع في رأسه...
باقي الشباب كانوا بدأوا يفوقوا و خرجوا من اوضتهم.
روسيل(بغيظ,بالروسية): قائدكم تحت.
علي(بهمس): هو حصل ايه؟!
سليم(بهمس): تلاقي باسل صدها ممكن.

عدي: طب انا جعان اوي.
علي: اطلب من روسيل.
مسعد(بتوتر,بالروسية): يعني حضرتك ملقتيش غير الخطف و تجيبينا مش معقول يعني حرام.
روسيل(بسخرية,بالروسية): اللي اعرفه عن فرقة الكابوس انهم مبيخافوش بس انت اثبتلي العكس.
سليم(بالروسية): روسيل مسعد ملهوش في ضرب النار و الكلام ده هو تخصص برمجة و بس.
روسيل(بسخرية,بالروسية): ميهمنيش، انزلوا الغداء جاهز.
علي(بالروسية): شنطتي فين عايز اكلم مراتي.

روسيل(بسخرية,بالروسية): حد يسيب بنات روسيا و يتجوز من مصر ذوقكم رخص اوي.
علي قرب من روسيل ببرود و وقف قدامها...
علي(ببرود,بالروسية): مش بدل اللحم الرخيص الموجود هنا. و كمان انا مراتي مكفياني ملكيش دعوة.
باسل(بهدوء,بالروسية): روسيل.
روسيل(بالروسية): نعم؟!
باسل(بهدوء,بالروسية): فين شنطنا اللي جينا بيها و انا فين حاجتي؟!
روسيل(بالروسية,بدلع): في اوضتي.


روسيل(بالروسية,بدلع): مقولتليش رأيك في الهدوم مرضتش ان اي حد يغيرلك غيري.
باسل غمض عيونه و هو بيحاول يهدئ نفسه و بعدها فتح عينه و قرب من روسيل و مسكها من دراعها و شدها وراه دخل اول اوضة قابلته.
روسيل(بالروسية): لسة حافظ اوضتي؟!
باسل(بحدة,بالروسية): روسيل متعصبنيش محاولاتك هتبقي فاشلة زمان مكنش في قلبي حد لكن دلوقتي لا انا بحب و لا اقولك انا بعشق و متيم ب وجد. اياكي ثم اياكي تقربي مني تاني.

باسل(بحدة,بالروسية): متخلنيش اعاملك زيك زي اي مجرم من اللي بيقعوا تحت ايدي في امن الدولة و انتي عارفاني و اعتقد شوفتي بعينك مرة.
باسل(بالروسية): خلي المهمة دي تعدي علي خير و هتأخدي فلوسك و خلص الكلام...
باسل(بالروسية): هاتي موبايلي و حاجتي يلا.
روسيل(بغيظ,بالروسية): ماشي يا باسل خد. هدومك هتلاقيها في اوضتك.
باسل شد حاجته من روسيل و سابها و خرج بره الاوضة.
باسل: هتفضلوا واقفين كدة؟!

علي: هدخل اكلم ثريا اطمنها.
سليم: و انا هنزل اكل.
باسل: مسموح ليكوا بمكالمتين بس. غير كدة ممنوع.
باسل: كله يشوف هيعمل ايه و من بكرة هنبدأ.
باسل دخل اوضته و طلع تليفونه و اتصل ب وجد.
بعد فترة الخط اتفتح.
وجد: الو مين؟!
باسل(برفعة حاجب): مين؟!
وجد(بابتسامة): باسل. وصلت الحمد****؟!
باسل: اه الحمد****.
وجد: ايه الدنيا معاك؟!
باسل: تمام.
روسيل(بالروسية): باسل الغداء جاهز تحت...
باسل(بالروسية): انزلي و انا جاي...

وجد(بحدة): انت لحقت يا جبروت انت **** يخرب بيتك ما صدقتك مين البت دي؟!
باسل: اهدي يا وجد دي البنت اللي بتشتغل معانا في روسيا اهدي يا حبيبتي في ايه.
باسل: مش احنا اتفقنا قبل ما امشي اني مش هقرب من اي بنت و لا هبص لاي واحدة غيرك.
وجد(بضيق): مليش فيه بقي انا عايزة اجيلك مش متطمنة و انت في بلد فيها بنات عسلات و مزز كدة لا مليش فيه.

باسل(بضحكة خفيفة): وجد حبيبتي دي مهمة و كمان عمرك ما غيرتي عليا بالشكل ده.
وجد(بضيق): طب ارجع و انا هغير عليك و هقرفك بس ارجعلي.
باسل(بابتسامة): اوعدك يا حبيبتي هحاول اخلص بدري اوعدك و ارجعلك و كمان انتي وحشتيني اوي و انا مش مبسوط و انتي بعيدة عني كدة...
وجد: شوفت انا قولتلك خليني اجيلك بقي.
باسل: وجد كلامنا منتهي. هنزل اتغدي انا دلوقتي.
باسل: اتغديتي؟!
وجد: اه.
باسل: اخبار اللي عندك ايه؟!
وجد: معرفش.

باسل: ازاي يعني؟
باسل(بحدة): انتي مش في البيت؟!
وجد: احم روحت ل ليلي شوية.
باسل(بحدة): و هو مش انا قولتلك متخرجيش الا بأذني يا وجد و لا هو قلة سمع كلام و لا ايه؟! ما صدقتي اني امشي.
وجد: ليلي كانت تعبانة يا باسل.
وجد(بغيظ): و كمان ما خالتك جت **** قرفتني يا اخ قرفتني و كمان قعدت تعلق علي كل حاجة في شكلي و في هدومي. و كمان دي ناوية تقعد معانا تحسها ناوية ليا علي شر.

باسل: وجد ارجعي القصر و متخافيش محدش يقدر يقربلك. و يا تري جنابك راحة بحراسة و لا؟!
وجد: انت تعرف عن مراتك كدة؟!
باسل(بغضب مكتوم): وجد...
وجد: قلبها.
باسل ابتسم غصب عنه و غرز صوابعه في شعره.
باسل: اعمل فيكي ايه بس.
باسل: خدي حراسة من القصر عندك و تخلي بالك كويس. و متسوقيش بسرعة كبيرة.
باسل: هنزل اتغدي و هبقي اكلمك بليل.
وجد: طيب بس يا باسل متتأخرش عليا.
باسل: حاضر بس انتي روحي يلا دلوقتي يا حبيبتي.

وجد: حاضر يلا باي.
باسل: باي.
باسل قفل مع وجد و خرج من اوضته نزل ل تحت لقي الاكل خلص.
روسيل(بسخرية,بالروسية): الاكل خلص الكلام فادك بايه بقي؟!
باسل(ببرود,بالروسية): كلامي مع وجد اهم من اكلك.
باسل(بالروسية): هروح مشوار و اجي.
عدي(بالروسية): اجي مع حضرتك؟!
باسل(بالروسية): لا خليكم هنا لو في حاجة هتصل بيكم...
باسل سابهم و خرج بره الفيلا,الباقي قعد مع بعضه.

-في مكان تاني...
في قصر الصياد.
وجد: طب هستأذن انا.
ليلي: انتي ملحقتيش تقعدي.
وجد: يا بكاشة انا هنا من ساعة ما باسل سافر.
ثريا: مقالكيش فين علي؟!
وجد: لا الصراحة. اكيد يعني هيكلمك ممكن علي بليل اوي.
وجد: همشي انا ابقي سلمي علي احمد و قصي لما يرجعوا.
وجد: لو حصلك اي حاجة اتصلي بيا يا ليلي...
ليلي: حاضر.
وجد حضنت ليلي و ثريا و ابتسمت ليهم و سابتهم و خرجت بره القصر لقت قدامها سعد.
وجد: ازيك.

سعد: في نعمة الحمد****.
وجد: طب الحمد****. عن اذنك.
وجد ركبت عربيتها و بدأت تسوق و هي حاسة بصداع شديد في رأسها و مش قادرة تأخد نفسها.
وجد ساقت بس فجأة لقت عربية واقفة قدامها فرملت في اخر لحظة و نزلت بسرعة من العربية.
وجد: لؤي! انت ايه اللي جابك؟!
لؤي(بعصبية): جايلك يا هانم.
وجد: ليه في ايه مالك؟! حصل حاجة؟!
لؤي قرب من وجد مسك دراعها بعنف و بصلها.

لؤي(بغضب): علشان خالك بقاله في المستشفي تلت شهور و انتي و لا هنا.
وجد(بصدمة): خالو! انت بتقول ايه؟!
لؤي(بغضب): بقول الحقيقة دخل غيبوبة يا هانم و انتي عايشة قصة حب مع سي باسل.
وجد(بحدة): مسمحلكش. و كمان خالو فيه ايه؟! طمني عليه يا لؤي؟!
لؤي: حد من اعدائه اعتدي عليا و حاول يقتله و حد ضربه علي رأسه ضربه قوية ادت لدخوله لغيبوبة.
وجد(بقلق): طب هو دلوقتي كويس يا لؤي يعني الدكتور طيب بيقول حالته ايه.

وجد(بدموع و قلق): طب هو هنا في مصر و لا فرنسا؟! طمني يا لؤي.
لؤي: متقلقيش يا وجد هو كان جايلك بس ده حصله في المطار يعني هو حاليا في مصر، روحي انتي دلوقتي و بكرة هأخدك و نروح ل سيف بيه.
وجد: طب ممكن توديني اسم المستشفي؟!
لؤي: اه هبعتهالك في رسالة.
لؤي: باي يا وجد. خلي بالك من نفسك.
لؤي: لو احتاجتي حاجة يا وجد قوليلي انا معاكي و جمبك.

لؤي حط ايده علي كتف وجد و ايده التانية علي خدها و وجد كانت تايهه بسبب قلقها علي سيف و بتأنب نفسها.
لؤي(بتوهان): وجد انا.
وجد: ها؟
لؤي قرب من وجد و وجد رجعت لورا لغاية ما سندت علي العربية و لؤي حاوطها.
لؤي: وجد انا بحبك عايزك معايا.
لؤي بص ل وجد في عيونها و بعدها مال بوشه ناحيتها,وجد رفعت رجليها و ضربته في بطنه و ضربته قلم علي وشه.

وجد(بحدة): قولتلك مرة انا متجوزة و بحب باسل و مفيش حاجة ممكن تخليني ابعد عنه. و انت اللي انت عملته دلوقتي هعتبره محصلش احسنلك تبعد تفكيرك عني انا و انت يعتبر زمايل شغل.
وجد(بحدة): بس كدة.
وجد ركبت عربيتها و ساقت ناحية القصر بسرعة,لؤي وقف و حط ايده علي خده.
لؤي(بغل): و ربي يا وجد لاندمك.
عز: تؤ تؤ بقي حتة بت زي دي تعمل فيك كدة يا خسارة.
لؤي(بغل): عز انت عارف ان الزفتة وجد غير كل البنات غبية و غريبة.


عز: انا قولتلك اتصرف قولتلي استني شوية بقالك تلت شهور و مش بتعمل حاجة غير انك تخلي الدكتور يودي سيف حقن علشان يفضل في غيبوبة و مغيب كدة.
لؤي: احنا لازم نستغل غياب الزفت اللي اسمه باسل ده...
عز: طب بص.
لؤي: ايه؟!
عز: انا هحاول اقرب من وجد.
لؤي: كان غيرك اشطر ما انا حاولت.
عز: لا انا طريقتي غير طريقتك.
لؤي: لما نشوف.
عز: بكرة تشوف عز الكيلاني عمل ايه.
لؤي: يلا بينا. ده انا هرجعلها القلم عشرة.

الاتنين ركبوا العربية و كل واحد راح ل بيته...

-في مكان تاني.
في قصر الانصاري.
في اوضة جودي و طارق.
كانت جودي واقفة قدام المراية بتظبط نفسها لقت اللي بيفتح باب الاوضة و بيدخل كان طارق.
طارق: مساء الخير.
جودي(بابتسامة): مساء النور.
طارق قرب من جودي باس رأسها و دخل الحمام خد دوش و غير هدومه و خرج لقي جودي قاعدة ماسكة موبايله.
طارق: بتعملي ايه؟!
جودي: لا مفيش مستنية واحد معندهوش ددمم.
طارق: متمسكيش موبايلي تاني يا جودي.

طارق مسك موبايله من جودي و راح قعد علي السرير و بدأ يجهز نفسه للنوم.
جودي(بغيظ): طارق.
طارق: نعم.
جودي(بغيظ): هو انت عندك انفصام؟!
طارق: لا ليه؟!
جودي(بعصبية): لا انت عندك انفصام لان اللي بيحصل مش طبيعي بجد مش طبيعي خالص.
جودي(بعصبية): انت اتغيرت كدة ليه؟!
طارق: بذمتك انا كدة متغير، و كمان احنا لحقنا كملنا 48 ساعة جواز حتى؟!
جودي: اسأل نفسك.
جودي: انت بارد يا طارق بجد.

طارق فهم مشكلة جودي و قام و قرب منها و حاوط وشها بين ايديه.
طارق: بصي يا جودي انا بحبك و كل حاجة بس مش بعرف اعبر مش بعرف اقول كلام حلو دي طريقة حبي بارد عارف انه غلط بس ده طبعي مش بعرف علطول اقول كلام حلو مش بعرف اعمل زي الباقي لان ده انا و اكيد مش هتغير يعني.
طارق: علشان كدة تأكدي اني بحبك و انا افعال مش اقوال يا جودي خلاص يا حبيبتي متزعليش مني...
طارق: بلا تعالي نامي.
جودي: اتغديت؟!

طارق: اه الحمد****.
جودي: اتعشيت؟!
طارق: اه مع حازم في الشركة.
جودي: طيب.
طارق و جودي كل واحد راح ناحية طرف السرير و طارق طفي النور,جودي اتخضت.
طارق: ايه؟!
جودي: انت عارف اني بخاف من الضلمة يا طارق شغل النور.
طارق: حبيبتي ده لما كنتي انتي لوحدك دلوقتي انا معاكي.
جودي: لا بخاف في عفاريت تحت السرير.
طارق: يعني هي العفاريت بتظهر في الضلمة بس نامي يا جودي **** يهديكي.
جودي(بدموع): طارق.

طارق خد جودي في حضنه و باس رأسها.
طاوق: حلو كدة؟! يلا نامي.
جودي حضنت طارق جامد و كانت خايفة من الضلمة و فضلت حاضنة طارق لغاية ما نامت بعمق,طارق لما اتطمن انها نامت نام هو كمان...
تحت...
عفاف(بنوم): هي وجد لسة موصلتش ليه؟!
نعمة: اطلعي انتي يا عفاف ل معتز نامي و انا و عصمت قاعدين اهو منتظرين وجد.
عفاف: لا البت تتصرع منكوا مش ناقصة هي.

عصمت(بجمود): عفاف اطلعي يلا اوضتك. و كمان مش انتي كلمتيها و هي قالتلك جاية.
عفاف: اه طيب هطلع انا بس امانة عليكم متزعلوها ده باسل موصينا عليها.
نعمة: اطلعي يا عفاف يلا.
عفاف طلعت لاوضتها لقت معتز نايم طلعت نامت جمبه.
نعمة: هتعملي فيها ايه؟!
عصمت: مش هعمل.
نعمة: انتي سامحتي بالسهولة دي؟!
عصمت: راحة ابني معاها يا نعمة.
نعمة: بس برضو متنسيش انها بنت ماجدة.
عصمت: هي بنتها يا نعمة بس مرات ابني.
نعمة: يعني ايه؟!

عصمت: يعني مش هروح اذي اللي ابني بيحبها.
نعمة: و انا مش هسيب اللي قتل اخويا عصمت.
نعمة سابت عصمت و طلعت لاوضتها,عصمت اتنهدت كانت وجد دخلت من باب القصر.
وجد كانت طالعة السلالم سمعت صوت عصمت و هي بتناديها.
وجد: هي ناقصة؟!
وجد: نعم اتفضلي.
عصمت: اتاخرتي ده كله ليه؟!
وجد: الطريق و كمان باسل اتصل بيا و عرف اني كنت في بيتي.
عصمت: مال وشك كدة اصفر؟!
وجد(بتنهيدة): مفيش حاجة شوية ارهاق.
عصمت: لتكوني حامل؟!

وجد: لا مش حامل الحمد**** يعني. عن اذنك عايزة حاجة تاني؟!
عصمت: لا اطلعي.
وجد سابت عصمت و طلعت لاوضتها قفلت الباب و قعدت علي السرير و هي حاسة بارهاق.
وجد لقت تليفونها بيرن، الخط اتفتح.
وجد: الو مين؟!
باسل: انا باسل يا وجد.
وجد: غيرت رقمك؟!
باسل: لا ده الرقم اللي هكلمك انتي بس من عليه.
وجد: للدرجة دي انا مميزة؟!
باسل: لما ارجع هبقي اثبتلك.
وجد: يا رخم...
وجد(بمرح): ها قولي قتلت كام واحد لحد الان؟!

باسل: لحد الان سبعة.
وجد: بتتريق و لا بتتكلم جد؟!
باسل: بتكلم جد قتلت سبعة بجد.
وجد: يالهوي ليه يا باسل؟!
باسل: مش انا في مهمة و لازم اجمع معلومات و ازور اماكن واتجول و كنت هتقفش و ناس طاردوني فقتلتهم.
وجد: حصلك حاجة؟!
باسل: لا متخافيش يا روحي.
وجد: مش خايفة طول ما انت معايا.
باسل: ينعل ابو المسافات يا وجد لو كنتي قدامي كان زماني حضنتك جامد دلوقتي.
وجد: بحبك يا احلي باسل في الدنيا.

باسل: لا انتي بتزيدي المبلة طين يا وجد.
وجد: خليك معايا.
باسل: طيب.
وجد: لا اتكلم انا هغير هدومي و انت معايا علي التليفون.
وجد بدأت تغير هدومها و هي بتتكلم مع باسل و الاتنين بيضحكوا مع بعض جامد.
وجد لبست شورت باللون الاسود و فوقه تي شيرت صوف باللون الاحمر بكم واصل لغاية الركبة و سيبت شعرها علي شهرها.
وجد: ها و ايه تاني؟!
باسل: بس يا ستي.
وجد: عينك زاغت كدة و لا كدة؟!
باسل: انا اقدر يا ست البنات؟!


وجد: امممم لا طبعا متقدرش.
وجد: باسل...
باسل: نعم يا روحي.
وجد(بحزن): متتأخرش انا عايزاك جمبي.
باسل: حبيبتي حاضر و ****.
وجد(بحزن): متزعلش بس انا فعلا محتجاك محتاجة احس بالامان في وجودك.
باسل: حاضر، ها قوليلي بكرة ناوية تعملي ايه؟!
وجد: ناوية يا عم هتجول كدة و اعملي كذا خناقة في بيتكم و بعدها اطلع علي الشركة لاني متاخرة و بعدها هزور خديجة صاحبتي وجوزها بس كدة كفاية...


باسل: وجد لاخر مرة هقولك ابعدي عن المشاكل.
وجد: حبيبي متخافش.
باسل قعد يتكلم مع وجد يحكي ليها حاجات و بعدها سكت.
باسل: وجد وجد.
وجد كانت نامت بعمق و هي سامعة صوت باسل,باسل ابتسم عليها و قفل معاها...
عند باسل.
باسل قفل التليفون و طلع علي السرير و كان هينام لقي اللي بيفتح الباب...
باسل: خير يا زفت؟!
علي: عايز اكلم ثريا.
باسل: هو انا حايشك؟!
علي: مفيش شبكة فقولت اجي اسالك كلمت وجد ازاي؟!

باسل: الاوضة هنا فيها شبكة.
علي: باسل.
باسل: انسي.
علي: علشان خاطري اطمن بس عليها.
باسل(بتنهيدة): طيب خش البلكونة.
باسل غمض عيونه و بدأ ينام,علي جري علي البلكونة علشان يكلم ثريا.
علي اتصل ب ثريا، الخط اتفتح.
ثريا(بنوم): الو.
علي: حبيبتي.
ثريا(بفرحة): علي طمني عليك عامل ايه؟!
علي: بخير يا حبيبتي. انتي طمنيني عليكي؟!
ثريا: كويسة. ايه الاخبار عندك المزز حلوين؟!
علي(بضحكة بسيطة): اه حلوين.
ثريا: يا واطي.

علي: عيني مش هتشوف غيرك يا حبيبتي. ها عملتي ايه النهاردة؟!
ثريا: معملتش قعدت بس مع ليلي و وجد.
علي: طب خلي بالك من نفسك اتفقنا.
ثريا: حاضر. و انت كمان.
علي: متخافيش يا حبيبتي اهم حاجة اني اطمنت عليكي هقفل دلوقتي...
ثريا: طيب يا حبيبي.
علي: تصبحي علي خير.
ثريا: و انت كمان يلا.
علي قفل مع ثريا، ثريا كملت نوم,علي راح لاوضته نام علي السرير بتاعه...


-في الصباح الباكر...
في روسيا.
ميشيل(بالروسية): وصل امبارح.
(بالروسية): خلصوا عليه.
ميشيل(بالروسية): مش جاي لوحده و كمان الرجالة بيقولوا ان في ناس خطفوهم اول ما جم.
(بسخرية,بالروسية): ميشيل الكابوس مش غبي للدرجة دي الكابوس بيدرس خطته كويس.
ميشيل(بالروسية): هنعمل معاه ايه؟!
(بالروسية): هنسيبه يلعب لحد ما يقرب و ساعتها هنستخدم الضربة القاضية.
ميشيل(بالروسية): بس انت مشوفتش مراته.

(بالروسية): مش مهم انت عارف ميغرنيش الكلام ده.
ميشيل(بالروسية): اعتقد انك هتغير رأيك بعد ما تشوفها.
ميشيل مسك الموبايل بتاعه و وداه للراجل اللي قدامه.
الراجل مسك الموبايل و بص ل وجد و ركز في ملامحها كلها.
ميشيل(بالروسية): هي اللي خرجته من القضية وجد يوسف ياسين الصياد بنت ماجدة و يوسف اللي كانوا اعضاء معانا محامية اتجوزت هي و باسل من 8 شهور كدة. انفصلوا لفترة و بعدها رجعوا ل بعض.

(بالروسية): ملامحها انوثية جدا. و في عيونها ا.
ميشيل(بخبث,بالروسية): ال boss وقع؟!
(بالروسية): لا يا ميشيل. هي مجرد نوع جديد هكون حابب اني اجربه.
ميشيل(بالروسية): يعني اقولها مرحبا بيكي في روسيا؟!
(بالروسية): يا غبي ما انا قولت اننا هنضرب ضربتنا القاضية بس مش دلوقتي.
ميشيل(بعدم فهم,بالروسية): بمعني؟!
(بالروسية): يعني عائلة الكابوس هي الضربة القاضية.
ميشيل(بالروسية): يسلم تفكيرك.

(بالروسية): عايز معلومات قيمة عنها. قولت اسمها ايه؟!
ميشيل(بالروسية): وجد.
(بالروسية): جيب معلومات اقدر استفاد بيها.
ميشيل(بالروسية,بخبث): عندي اللي يثيرك.
(بالروسية): ايه؟!
ميشيل(بالروسية): كانت مدمنة مخدرات ل فترة علي ايد الكابوس و بين عائلتها و بين الكابوس عداوة من زمان و الكابوس كان بينتقم منها في الاول بس قلبه دق ليها.
(بالروسية,بسخرية): يا رومانسي.
ميشيل(بالروسية): احنا ممكن نفرقهم عن بعض.

(بالروسية): ازاي؟!
ميشيل جاب حاجة من تليفونه و وراها للboss.
(بالروسية): حلال عليك يا ميشيل ال10 مليون دولار دول.
ميشيل(بالروسية): انا دايما في الخدمة.
(بالروسية): العب مع الكابوس علي الهادئ.
ميشيل(بالروسية): عن اذنك يا كبير.
ميشيل خرج من عند الboss,الboss لقي رسايل اتبعتت ليه فتحها لقي صور ل وجد ابتسم علي ميشيل و تصرفاته.
الboss دقق في ملامح وجد عجبه جمالها الطبيعي.

-في مكان تاني.
في فيلا المهدي.
مريم دخلت اوضة نرمين لقتها قاعدة قدام الشباك و بتبص للسماء.
مريم: مالك يا بنتي؟!
نرمين(بدموع): هو انا وحشة يا طنط؟!
مريم: لا طبعا يا حبيبتي مين قالك كدة؟! انتي جميلة جدا.
نرمين(بدموع): اومال ليه عائلتي محبتنيش ليه دايما بيقولوا انهم جابوني غلطة، ليه دايما كانوا بيرموني و بيسافروا و بيتمتعوا هما.
نرمين(بدموع): ليه كدة؟!
مريم قربت من نرمين و خدتها في حضنها و باست رأسها.

مريم: ممكن ده يا حبيبتي رسالة علشان تتعلمي من اخطاء الاخرين و تعدليها في المستقبل.
مريم: متضايقيش نفسك يا حبيبتي. ده قدرك بس **** رزقك و عوضك بحاجات تانية.
مريم: رزقك بزوج بيحبك و بيموت فيكي. و رزقك بام تانية بتحبك و بتعزك و رزقك باخت زي كارما.
مريم: صدقيني يا نرمين اللي **** بيأخده مننا بيعوضنا عنه و بيرزقنا و الرزق مش فلوس بس لا الرزق ممكن يكون اشخاص تعوضك احمدي **** دايما.

مريم: انتي احسن من ناس كتير، **** مخلقش حد كامل.
مريم: اتماسكي انتي بكرة تبقي ام و تكوني بيت يا حبيبتي تلاشي اخطاء اي حد شوفتيها...
مريم: ماشي يا حبيبتي؟!
نرمين(بدموع): شكرا انك في حياتي.
مريم: اشكري **** يا حبيبتي.
مريم: يلا يا قمورة يلا علشان نفطر.
نرمين: حاضر.
مريم باست رأس نرمين و سابتها و خرجت و نرمين دخلت غسلت وشها و خرجت تغير هدومها و تنزل ل تحت.
كارما: صباحو فل و ياسيمن.
نرمين: اقعدي يا لمضة.


كارما: متشكرين.
مريم: يلا يا حبايبي يلا نفطر تعالي يا انتصار.
-مريم بتعامل انتصار الخدامة كأنها فرد من العائلة...
كارما: هروح الشغل.
نرمين: هاجي معاكي.
كارما: ما تروحي لوحدك.
نرمين: **** في ايه يا كارما هنروح سوا.
مريم: في ايه يا كارما فعلا؟!
كارما: مفيش عادي بحب اهزر معاها يلا.
كارما و نرمين خرجوا بره الفيلا و كارما ضربت نرمين بكوعها.
نرمين: ايه في ايه يا بت؟!
كارما(بغيظ): لا يا اختي مفيش تعالي.
نرمين: طيب.

نرمين: ايه ده؟!
كارما: عرفتي ليه بقي؟!
نرمين: و انا اعرف منين ان احمد جاي؟!
كارما: لان احمد في مقام خطيبي.
نرمين: **** هو كان كلم اخوكي سليم؟!
كارما: انا و احمد هنتجوز لما سليم و باسل يرجعوا من المهمة.
نرمين: باسل قال كدة؟!
كارما: ايوه اركبي يا اختاه.
احمد: صباح الخير.
كارما و نرمين: صباح النور.
الاتنين ركبوا العربية و احمد ساق ناحية الشركة و وقف قدامها.
نرمين: هستناكي فوق يا كارما.
كارما: طيب.

كارما: مش قولتلك متلبسش قميص اسود انت عايز البنات تشقطك.
احمد: كارما المشكلة مش في القميص.
كارما: ما دي مشكلة اكبر.
احمد: خير ليه؟!
كارما: لان انت حلو في كل حالاتك و البنات بتبصلك علطول لا مش بقدر استحمل.
احمد: حبيبتي انا قولتلك مليون مرة انا بحبك انتي بس ميهمنيش بنات تانية بقي.
احمد: بلاش غيرة كتير كدة يا كارما علشان خاطري.

كارما: يا احمد ما تيجي تشتغل هنا و انا اشتغل في الشركة بتاعتك علشان السكرتيرة بتاعتك رخمة و بتبصلك.
احمد: كارما السكرتيرة متجوزة و حامل اهدي بقي و كمان كام شهر و هتاخد اجازة و هتيجي واحدة بدالها...
كارما: تصحيح بعد اذنك واحد مش واحدة انت فاهم...
احمد: لما يجي وقتها يا كارما حاضر حاضر حاجة تانية **** ياخدني يا ستي.

كارما(بدموع): بعد الشر عليك بس انت عارف اني بغير عليك **** اعمل ايه يعني مش بارادتي حد قالك تخليني احبك.
احمد: خلاص يا انا كارما اسف ها حاجة تانية؟!
كارما: لا خلاص.
احمد: ابوس ايدك بقي.
احمد باس رأس كارما و كارما ابتسمت ليه و سابته و نزلت...
احمد: هستناكي بليل هعدي عليكي و نخرج.
كارما: ماشي يلا باي.
احمد: باي.

-في مكان تاني...
في قصر الانصاري.
في اوضة وجد.
وجد كانت صحيت من النوم قامت دخلت الحمام خدت دوش و خرجت تغير هدومها.
وجد لبست جيبة ضيقة باللون الاسود و فوقها قميص باللون الاسود ب ¾ كم و لبست فوقه جاكت باللون الابيض بكم لغاية الركبة و لبست صندل بكعب باللون الابيض,سيبت شعرها علي ضهرها و حطت مكياج بسيط و حطت البرفيوم بتاعها.

وجد خرجت بره اوضتها و لسة هتنزل علي السلالم وقفت لما سمعت سارة بتنادي عليها.
وجد: لحقنا اوف.
وجد: خير؟!
سارة: شايفاكي واخدة راحتك في البيت اوي.
وجد: و انتي مالك انا ابقي مرات باسل يعني بيته هو بيتي.
سارة: لا اهدي علينا يا بت.
وجد: بصي يا ست انتي انا محترمة مع اللي محترم لكن غير كدة حقي بعرف اجيبه و بدراعي كمان.
وجد: ابعدي عن سكتي انتي لغاية دلوقتي متعرفنيش.

وجد سابت سارة اللي خافت شوية من وجد و راحت ناحية السفرة.
وجد: صباح الخير.
الكل: صباح النور.
وجد: ايه يا ست نعمة مش المفروض تردي و لا ايه؟!
نعمة(بهدوء): مش عايزة ارد عليكي انا حرة.
وجد: و ماله بكرة تردي يا جميل.
وجد(بضحك): و كمان جملة يا جميل وقعت باسل لما نشوفها معاكي.
سهر: بجد؟! ازاي؟!
سمر: احكيلنا اول لقاء بينك انتي و باسل.

وجد: اول لقاء خالص كنت راحة الشغل و راكبة الموتسكل بتاعي و بسوق بسرعة دخلت في عربية و طلعت من نصيب سليم و باسل. سليم نزل فاكرني ولد قعد يزعق.
وجد(بضحك): انا شيلت الخوذة من هنا و باسل اتصنم من هنا.
اسيل: واو انا متخيلة المنظر تحفة.
رضوان(بضحك): يا مجنونة.
وجد: باسل اعتذر ليا طبعا و انا ابتسمت ليه و قولتله باي يا جميل و خلص الموضوع علي كدة...
سمر: واو حلو اوي.
سهر: احكي تاني احكي.

عفاف: احكي يا بت يلا نعيش رومانسية.
معتز: انا رايح الشغل.
حازم: كملي يا بت يا وجد.
طارق: خلي باسل يسمعك يالهوي يوديك المديرية يظبطك هناك...
حازم(بتوتر): الانسة المدام الاستاذة وجد كدة كويسة.
الشباب ضحكوا علي حازم و حازم ضحك معاهم.
وجد: مرة نطيت من علي الكورنيش و كنت خلاص عرفت اني هموت بصحي تاني يوم الصبح الاقي نفسي في اوضة باسل و بقميصه.
وجد(بضحك): يالهوي علي الخناقة اللي عملتها معاه.

سهر: الراجل كان بينقذك يا هبلة.
وجد: و يخليني البس هدومه ليه **** الموضوع كان في حاجة غريبة.
وجد: لا في حوارات كتيرة بقي عايزة يوم كامل.
وجد: هقوم انا.
وجد: يلا باي. عن اذنكم.
وجد خرجت بره القصر,رضوان نادي طارق.
رضوان: عايزك في اوضة المكتب.
رضوان قام و طارق وراه دخلوا اوضة المكتب طارق قعد.
رضوان: ممكن افهم مالك مش طايقني ليه؟!
طارق: مفيش.
رضوان: مش عليا يا طارق مش عليا.
طارق: انت بتحب جودي مراتي؟!

رضوان: يا ابن الهبلة هبص ل جودي اختي و مراتك.
طارق: يعني انت مش بتحبها؟!
رضوان: لا يا اهبل دي بتحبك و انا كنت بساعدها تلفت نظر بس.
طارق: بجد يا رضوان؟!
رضوان: ايوه يا طارق و انا كنت حاسس انك بتحبها و اكيد مش هبص لحد اخويا بيحبه مش رخيص و ناقص يا طارق.
طارق: اسف.
رضوان: و لا يهمك يا طارق.
رضوان قام حضن طارق و طارق كان زعلان من نفسه.
طارق: هروح شغلي انا.
رضوان: طيب **** معاك.

رضوان رجع قعد في اوضة المكتب بعد دقايق كان الباب خبط.
رضوان: ادخل.
سهر: طلبتني يا رضوان؟!
رضوان: قربي يا حبيبتي.
سهر: نعم.
رضوان: بصي يا سهر من غير مقدمات متقدملك عريس.
سهر: انا يا رضوان؟!
رضوان: ايوه انتي.
رضوان: العريس يبقي امير صاحبي.
رضوان: بصي يا حبيبتي انا كأخ كبير شايفه مناسب ليكي شاب مكافح عائلته متوفيين و عايش لوحده و ظابط محترم و شريف.


رضوان: و هو دخل البيت من بابه و طلب ايدك مني و قالي بصراحة انه معجب بيكي و شايفك ام لاولاده و صاحبة بيته و زوجته و منتظر ردك.
سهر(باحراج): بص يا رضوان اللي تشوفه انت و طارق و ابيه باسل. انا كسهر بحترم رأيكم لو هو زوج مناسب فانا موافقة.
سهر: بس مش هيبقي في اي كلام الا لما باسل يرجع و يقول رأيه.
رضوان(بابتسامة): طيب يا حبيبتي...
رضوان: انتي العاقلة الهادية...
سهر: حبيبي.
سهر قامت باست رأس رضوان و حضنته.

سهر: **** يخليك يا حبيبي.
رضوان: و يخليكي يا روحي.

-في مكان تاني...
في المستشفي.
وجد: طب هو هيفوق امتي؟!
الدكتور: **** اعلم.
وجد: طب الضربة كانت قوية للدرجة دي؟!
وجد: ارجوك يا دكتور خلي بالك منه ده غالي اوي علي قلبي.
الدكتور: اكيد يا وجد هانم، هنعمل كل ما في وسعنا.
وجد: لو فاق يا ريت تتصل بيا اول واحدة عن اذنك...
الدكتور: اتفضلي.
وجد خرجت بره المستشفي و هي متضايقة بسبب حالة سيف و انها مكنتش مركزة معاه.
الدكتور طلع تليفونه و اتصل ب لؤي، الخط اتفتح.

الدكتور: لسة ماشية من عندي و اقتنعت.
لؤي: فلوسك هتوصلك بليل، خليه كدة في غيبوبة علطول.
الدكتور: عيوني.
وجد كانت لسة بتفتح باب عربيتها لقت اللي واقف قدامها.
شاب: ايه يا حلوة؟!
وجد(بسخرية): ايدك من علي العربية لتتوسخ يا خفيف.
شاب: لا ده انتي جامدة.
وجد: لا انت بتستظرف يا خفيف.
عز: ايه ده وجد؟!
وجد: ازيك يا استاذ عز.
شاب: طب هو العيب في الخلقة دي و لا ايه النظام؟!
عز: هو مضايقك؟!

وجد(بسخرية): مبشغلش نفسي بالاشكال اللي زي دي.
وجد: روح كل عيش علي قفا حد غيري.
عز: انت شكلك مش متربي.
شاب: لا انا متبعتر ما تيجي تلميني يا قطة.
عز كان لسة هيضرب الشاب وجد مسكت دراع الشاب تنته ورا ضهره جامد لغاية ما الكل سمع صوت حاجة بتتكسر,وجد ضربته في رجله برجليها.
وجد: ابقي فكر تكلم بنت تانية يا خفيف.
كان تليفون وجد بيرن وجد وطت مسكت شنطتها و طلعت التليفون و فتحت الخط.
وجد: الو يا حبيبي.

وجد انا بخير اه متخافش.
وجد كانت فتحت باب العربية و ركبت و ساقت و هي بتكلم باسل,عز كان واقف مصدوم من وجد...
عز: **** يخرب بيتك بقي حتة بت تعمل فيك كدة.
شاب(بوجع): الحقني يا باشا الحقني بموت.
عز: ما انت مش راجل...
عز شاور ل حراسته يجيوا يشيلوا الشاب يدخلوه المستشفي.
عز: ماشي يا وجد انا و انتي و الايام ما بينا.

بعد مرور شهر كامل.

باسل و فرقته خلصوا علي كام عصابة و لسة بيحاولوا يوصلوا للboss او ميشيل,باسل و علي كل يوم بيكلموا وجد و ثريا,سليم كان بيكلم نرمين شات بس، وجد كل يوم تروح الشغل و مش بتخلص من لؤي و عز و سارة و علاقتها بقت احسن نوعا ما مع عصمت، كارما و احمد علطول بيخرجوا و يتفسحوا مع بعض. قصي و ليلي كويسين مع بعض و ليلي تعبانة بسبب الحمل. جودي نزلت الكلية و بتروح ل طارق الشركة بتقعد معاه و بتتعلم منه كذا حاجة، البنات و الشباب كل كام يوم يقعدوا يتجمعوا و يهزروا و يضحكوا.

وجد في يوم صحيت من نومها قامت دخلت الحمام غسلت وشها كذا مرة علشان تفوق و خرجت تغير هدومها...
وجد لبست بنطلون ابيض و فوقه بلوزة جينز دخلتها جوا البنطلون و لبست صندل بكعب اسود,رفعت شعرها علي شكل ديل حصان عالي و حطت روچ احمر غامق و كحل حدد عينيها و حطت البرفيوم بتاعها.
وجد مسكت شنطتها السوداء الضهر و كانت نازلة بس لقت مسدج وصلت لموبايلها.
جودي: صباح الخير يا وجد.
وجد: صباح الفل يا روحي.

جودي: هتروحي الشغل؟!
وجد: اه ان شاء ****.
جودي لقت صورة اتبعتت ليها فتحت عينيها علي آخرهم.
الصورة كانت عبارة عن صورة ل باسل و هو مضروب و مربوط في عمود و مغمي عليه.
وجد(بخوف و خفوت): باسل.
وجد لقت رسالة مبعوتة ليها.
مضمون الرسالة: - ابقي الحقيه.
وجد اتصدمت و كانت قلقانة علي باسل و نزلت جري علي السلالم و مسمعتش ل جودي و نزلت ل تحت خالص الكل بصلها وحاولوا يوقفوها...

اسيل خرجت ورا وجد بسرعة,وجد خرجت بره القصر بسرعة كبيرة و كانت خايفة علي باسل و لسة بتتحرك لقت عربية سودة راجلين خرجوا منها و شدوا وجد جوا العربية.
اسيل(بصريخ): وجد!


الجزء السابع

اسيل خرجت ورا وجد بسرعة,وجد خرجت بره القصر بسرعة كبيرة و كانت خايفة علي باسل و لسة بتتحرك لقت عربية سودة راجلين خرجوا منها و شدوا وجد جوا العربية.
اسيل(بصريخ): وجد!
طارق(بعصبية): مين دول؟!
الحراس بدأوا يضربوا نار علي العربية اللي خدت وجد.
حازم: متضربوش نار وجد ممكن تتأذي.
عصمت(بحدة): اتصرفوا باسل لو عرف هيولع الدنيا.
عصمت(بحدة): ازاي تتخطف من وسطكوا يا بهايم؟!

حارس(بخوف): يا هانم هي كانت خارجة بتجري ملحقناش.
عفاف: يالهوي هما ممكن يعملوا ايه في البت؟! باسل موصينا عليها.
سهر(بخوف): ازاي ده يحصل كدة؟! ده ممكن يتكرر مع حد مننا تاني.
سمر: هنتصرف ازاي؟!
جودي: بقول نتصل ب باسل نقوله...
رضوان: لا طبعا لازم احنا نتصرف دي امانة.
طارق: ايوه لازم نخبئ الموضوع عن باسل. مش عايزين نشغله.
رضوان: انا هكلم امير.
رضوان طلع تليفونه واتصل ب امير. الخط اتفتح.
رضوان: امير.

امير: ازيك يا رضوان!؟
رضوان: بقولك يا امير عايزك في موضوع ضروري.
امير: ايه؟!
رضوان: وجد مرات باسل لسة مخطوفة من قدام القصر.
امير: ايه ازاي؟!
رضوان: كانت خارجة في ناس بعربية سودة نزلوا خدوها و مشيوا.
امير: طب انا جايلك. اكيد في كاميرات في القصر ممكن تكون جابت نمرة العربية.
رضوان: طيب هشوف عقبال ما انت تيجي.
امير: ماشي انا جاي حالا اهو.
امير قفل مع رضوان و قام غير هدومه بسرعة و نزل راح ليهم...

رضوان دخل اوضة التحكم و بدأ يشوف الكاميرات,البنات كانت خايفة علي وجد.
عند وجد.
وجد(بصريخ): الحقوني، ابعد.
وجد كانت بتقاوم الرجالة و هما مش عارفين يسكتوها.
راجل رفع سلاحه في وش وجد و شدها من شعرها.
راجل(بغضب): قسما بربي اسمع كلمة كمان و هضربك بالنار.
وجد(بغضب): اضرب يلا اضرب فاكرني هخاف منك.
راجل2: كلمة كمان يا بت انتي و هوريكي الضرب علي اصوله.

وجد(بغضب): انتوا فاكرين انكم حاجة نزلوني و الا و ربي اللي هيحصلكم مش كويس.
راجل(بسخرية): ايه اللي هيحصل مثلا؟!
وجد بصتلهم و بعدها بصت ل باب العربية و كانت بتفتحه علشان تنط من العربية.
الراجل شد شدها جامد و ضربها قلم علي وشها...
راجل2: سيبها انت مجنون الباشا عايزاها زي ما هي كدة.
وجد(بحدة): انتوا عبيد ماشين ورا كلام ناس ظالمة.

الراجل ضربها بمسدسه علي دماغها,وجد حست بوجع شديد في رأسها و غمضت عينيها و رجعت رأسها ل ورا و كانت شبه مغمي عليها.
بعد فترة كانوا وصلوا لعمارة الرجالة نزلت و شالت وجد و دخلوا العمارة طلعوا ل شقة خبطوا الباب.
باب الشقة اتفتح و هما دخلوا حطوا وجد علي الارض.
شاب: كويس تقدروا تمشوا.
راجل: تمام يا بيه.
شاب قرب من وجد و شال شعرها من علي وشها.
شاب: وقعتي يا وجد وقعتي. هكسر غرورك.
شاب: عز يا عز.


عز: هي الهانم وصلت؟! مبروك عليك يا لؤي.
لؤي: و عليك.
لؤي: يلا ندخلها جوا.
لؤي و عز دخلوا وجد اوضة و قعدوها علي كرسي و ربطوا ايديها و رجليها في الكرسي و قدامها ترابيزة.
لؤي: صورها كام صورة و ابعتها للباشا.
عز: اللي اسمه ميشيل ده فرصة و نزلت من السماء.
لؤي: بكدة هنأخد الفلوس إلى احنا عايزنها و هما يعملوا للي هما عايزينه و هينتقموا من باسل فيها.
عز: طلع ليها فوائد كتيرة.

لؤي(بسخرية): و قال عملالي فيها دور القوية.
بعد فترة صغيرة كانت وجد بدأت تفوق و هي حاسة بوجع.
وجد: آآه باسل.
وجد حاولت تتحرك لقت نفسها مربوطة قعدت تتحرك بعنف و هي في الكرسي.
وجد(بصوت عالي): مين هنا؟!
الباب اتفتح و وجد لقت لؤي و عز داخلين...
وجد(بغضب): اه يا ولاد ال، فين باسل؟!
عز: انتي صدقتي يا بيضة زي الهبلة كدة.
وجد(بغضب): قصدك ايه؟!
لؤي: قصدنا ان الزفت باسل بتاعك في روسيا زي ما هو.

وجد(بغضب): يعني ده كله فيلم؟! تصدقوا انكم رجالة ناقصة! رجالة! رجالة ايه و **** انتوا متحصلوش ذكور حتى.
لؤي مسك وجد من شعرها جامد و وجد صرخت.
وجد(بغضب): وسع ايدك يا حقير. يا ناقص.
وجد(بغضب): هستني ايه من واحد زيك انت و هو.
عز: لا ده انتي ناقصة تربية بقي...
لؤي: بس اقولك الباشا طالبك من غير خدوش. احنا هنتسلي شوية.
عز: يلا يا لؤي.
وجد بصتلهم بخوف حاولت متبينهوش.
وجد: انتوا هتعملوا ايه؟!

عز: كل خير هنعمل كل خير.
وجد: و هو انتوا تعرفوا الخير؟! انتوا قلبكم مليان حقد و شر.
لؤي: ابدأ يا عز.
عز كان جايب كاميرا و بدأ يصور وجد,وجد مكنتش فاهمة حاجة.
لؤي جاب حاجة و حطها قدام وجد.
لؤي: عارفة ايه دي؟! اكيد عارفة؟!
لؤي: ما انتي خبرة بقي...
لؤي: طلع متوصي عليكي من فوق اوي.
وجد(بتحذير): اياك.
لؤي: ليه ده انتي هتستمتعي اوي.
لؤي: و كمان الصراحة حبيت اجرب معاكي.

لؤي: و كمان انتي متعودة يعني مش جديدة في المجال.
لؤي فتح الكيس اللي قدام وجد و كان عبارة عن مخدرات تأثيرها قوي.
لؤي مسك وجد من شعرها و خلاها تتعاطي مخدرات تحت رفض وجد الشديد بس هو اجبرها و فعلا اتعاطت.
وجد كان جسمها متعود فاستقبل المخدرات و لؤي خلي وجد تعاطي كتير لغاية ما هي مبقتش في كامل وعيها.

-في مكان تاني...
عند باسل.
باسل و سليم و علي كانوا وصلوا لمقر ميشيل و ال boss و دخلوا قصرهم و بدأوا يتعاملوا مع الحراس و معاهم حراس كتير تبع روسيل و انضم ليهم ادم و عصام.
و بدأوا يقتحموا القصر,باسل دخل القصر و اي حد يعترض طريقه يضربه برصاصة في رأسه.
سليم هو كمان دخل القصر و في خمس من الحراس حاوطوه,سليم ضرب اتنين في رجليهم بالمسدس بتاعه...

سليم لقي الرصاص اللي معاه خلص رمي مسدسه و بدأ يتعامل بدراعه و ضرب واحد في بطنه و زقه و التاني مسك ايده و لفها ورا ضهره و كسرها و التالت قعدوا يضربوا بعض شوية لغاية ما سليم كسر رقبته.
سليم وطي و هو بينهج مسك مسدسين من اللي في الارض و مشي داخل القصر...
الباقي كان بيضرب الحراس اللي في الجنين.
باسل طلع للدور التالت في القصر و هو بيدور علي ميشيل او ال boss.

باسل لقي في ماسدجات اتبعتت لموبايله طنش الموضوع و بدأ يمشي تاني في الممرات و دخل اوضة من الاوض ملقاش حد كان هيخرج بس سمع صوت التلفزيون هو بيشتغل.
باسل لف بحذر و بص لقي فيديو وجد,باسل حس بوجع شديد في قلبه من منظر وجد.
باسل(بقلق): وجد!
باسل جري علي التلفزيون و هو بيبص علي وجد و لؤي بيجبرها.
تليفون باسل رن,باسل طلع تليفونه بسرعة و رد.
باسل: الو.
ميشيل: وقف و خلينا نتفاهم احسنلك و احسن ما مراتك تروح.

باسل: نتفاهم ازاي؟!
ميشيل: اعمل اللي قولتك عليه و اطلع السطح لوحدك يا باسل لوحدك.
باسل خرج بره الاوضة و نزل جري لتحت...
باسل: سليم خليهم يوقفوا ضرب نار بسرعة.
سليم(بقلق): في ايه؟!
باسل: مسكوا وجد.
سليم(بصدمة): ازاي؟!
سليم: ما ممكن يكونوا بيضحكوا عليك.
باسل: لا مش بيضحكوا. خلي اللي بره يوقف ضرب انا هطلع اشوفهم و اجي.
سليم: هاجي معاك يا صاحبي.
باسل: قال لوحدك يا سليم. خليهم يوقفوا ضرب النار علشان خاطري.

باسل ساب سليم و طلع للسطح,سليم خرج و خلي عدي يوقف قرب نار هو و اللي معاه...
عدي: في ايه؟!
سليم: محدش عارف.
باسل طلع للسطح و اول ما وصل لقي الboss بيضحك و هو بيتفرج علي شاشة التلفزيون اللي قدامه و ميشيل واقف جمبه مبتسم و وراهم مجموعة حراس...
(بالروسية): مش قولتك هتبقي الضربة القاضية بس طلعت هي لوحدها قنبلة ذرية مكنش في داعي للباقي.
باسل(بغضب): وجد فين؟!

ميشيل: اهدي يا باسل علشان صحتك و كمان هي لسة في مصر. بيخلصوا معاها حساب قديم و جاية علي هنا.
باسل: مين هما؟!
ميشيل(بخبث): عايز تتفرج؟!
ميشيل خلي باسل يتفرج علي وجد و لؤي و عز.
عند وجد...
وجد كانت كالمغيبة لؤي فكها و زقها علي السرير و قرب منها و حاول يعتدي عليها قدام عيون باسل اللي صرخ.
باسل(بغضب): يا ولاد ال انتوا بتتشطروا عليها.

في حارس من حراس ميشيل ضرب باسل بسلسلة حديد علي ضهره و ركبته,باسل وقع في الارض علي ركبته...
(بالروسية): مقابل اني اخليهم يسبوها؟!
باسل: اي حاجة...
باسل(بغضب): بس خلي ال ده يبعد عنها فورا.
ميشيل و الboss بصوا ل بعض بخبث.
(بالروسية): طيب. ميشيل اتصرف.
ميشيل طلع تليفونه و اتصل ب عز، الخط اتفتح.
ميشيل: سيبوها حالا بدون نقاش.
ميشيل: و اللي انتوا عاملين ده كله علشانه هيتنفذ هنا، الطيارة فوق البيت منتظراكم.

عز: بس.
ميشيل(بحدة): الكلام يتنفذ.
ميشيل قفل مع عز و قرب من باسل و بصله بخبث.
ميشيل(بالروسية): تعجبني و انت سامع الكلام و شطور كدة يا باسل.
باسل(بغضب): و رحمة ابويا ما هرحمك لا انت و لا الكلب اللي وراك ده.
ميشيل(بالروسية,ببرود): يلا بينا ننتظر حرمك المصون.
ميشيل و الحراس نزلوا,الboss قرب من باسل.
(بالروسية): للاسف فشلت متجرأش لسة اللي يقبض عليا يا كابوس.
باسل(ببرود,بالروسية): هنشوف دي البداية.

الاتنين نزلوا للدور الاول من القصر كان متدمر بسبب هجوم باسل و الباقي.
سليم: باسل فين وجد؟!
باسل(بجمود): جاية.
سليم قرب من باسل و قعد جمبه و مال علي ودنه.
سليم(بهمس): انا بلغت مسعد و مسعد هيقول ل علي و هيحاولوا يتصرفوا...
عدي: حضرتك كويس يا باسل بيه؟!
باسل: ايوه.
ميشيل(بالروسية): أتمني الخدمة تكون عاجباكم.
عصام(بهمس): ما تيجي نخلص عليهم دلوقتي و نقتلهم و نرتاح.


ادم(بهمس): مش هينفع وجد بين ايديهم باسل يطمن علي وجد الاول.
الكل قعد بانتظار وصول وجد و لؤي و عز.
بعد فترة كبيرة كانت الطيارة وصلت ل سطح القصر و لؤي نزل وجد منها اللي كانت بين الوعي و اللاوعي.
لؤي(بغيظ): ملحقتش اكمل اللي بدأته.
عز(بهدوء): اهم حاجة الفلوس و خلاص.
عز: انت فاكر انهم هيسبوها في حالها هينفذوا اللي انت مقدرتش تنفذه متخافش.

لؤي كان ماسك وجد من دراعها و شدها وراه و كان في حارس من حراس ميشيل في انتظارهم و مشي و هما وراه لغاية ما وصلوا للباقي.
باسل(بلهفة): وجد!
باسل قام من مكانه لقي ميشيل حاطط مسدس علي وشه.
ميشيل(بالروسية): مش بالسرعة دي.
ميشيل(بالروسية): انت اللي هتنقل الشحنة الجاية كلها ل مصر...
(بالروسية): و الا اعتبر ان حرمك المصون راحت تقابل الاموات...
باسل(بحدة): ابعد ايدك عنها احسنلك.

لؤي حاوط خصر وجد و بص ل باسل بسخرية.
لؤي: هتعمل ايه يعني؟!
باسل مسك اقرب مسدس لقاه و ضرب نار علي رجل لؤي اللي صرخ,عز اتخض و رجع ل ورا.
باسل قرب من وجد اللي كانت هتقع و مسكها جامد بص في عيونها لقاها بتحاول تفتح عيونها للاخر بس مش عارفة.
باسل حضن وجد جامد و كان بيفكر هيأمنها ازاي.
باسل(بالروسية): انا موافق.
عدي: ازاي يا باسل بيه؟!
باسل: انا قولت انا موافق.

باسل(بالروسية): شوفوا العملية امتي بس اللي هيقرب من مراتي او حد من عائلتي يترحم علي نفسه.
باسل(بحدة,بالروسية): مفهوم يا ميشيل؟!
ميشيل بص لل boss و بص ل باسل.
ميشيل(بالروسية): التسليم بليل هتعدوا عبر الحدود.
ميشيل(بالروسية): لكن اي حركة غدر انت اللي هتندم مش احنا.
باسل(بالروسية): طيب همشي و ا.
ميشيل(بالروسية): هتقعدوا هنا. الاوض جاهزة فوق.

باسل بص ل ميشيل و وطي شال وجد بين ايديه و الخدامة ودته اوضة و كل واحد دخل اوضة ليه.
(بالروسية,ببرود): اقتلوهم.
عز فهم الكلمة و فتح عينيه علي اخرهم و طلع يجري بس رصاصة من مسدس ميشيل جت فيه و وقع ميت في الارض,ميشيل قرب من لؤي.
ميشيل: الوداع.
ميشيل ضرب نار علي رأس لؤي مات.
ميشيل(ببرود,بالروسية): شيلوهم.
عند وجد و باسل.
باسل: وجد حبيبتي ردي عليا.
وجد(بخفوت): امممم.
باسل: يا وجد.

باسل شد وجد معاه الحمام و غسل وشها بالماية كتير و هي فاقت جزئياً...
باسل: وجد يا وجد ردي عليا بقي.
باسل فتح دولاب صغير محطوط في الحمام و هو ساند وجد بايده علي الحوض,باسل لقي اللي هو كان بيدور عليه.
وجد(بخوف): حقنة!
باسل: لازم علشان تفوقي.
باسل غرز الحقنة في ايد وجد و هي خبت وشها في رقبته و صرخت جامد.
باسل: وجد...
وجد رفعت عينيها ل عيون باسل و بعدها غمضت عينيها و وقعت بين ايدين باسل.

باسل شال وجد و حطها علي السرير و بدأ يضرب علي خدها بخفة لغاية ما فاقت.
باسل: وجد...
وجد(بتعب): انا فين؟!
باسل: انتي معايا يا حبيبتي.
وجد(بدموع): باسل...
وجد حضنت باسل جامد و باسل باس رأسها و ضمها لحضنه اكتر و هو قلقان عليها.
باسل: حد عملك حاجة؟!
وجد(بدموع): لا بس انت كويس اهم حاجة؟!
باسل: اه يا حبيبتي مالك انتي قوليلي ايه اللي حصل؟!

وجد حكت اللي حصل ل باسل و هي بتعيط و باسل ضمها ل حضنه جامد و هو في قمة غضبه.
باسل(بانفعال): و انتي اي حد يبعتلك اي حاجة تصدقيها.
وجد(بعياط): خوفت عليك.
باسل(بانفعال): و ايه كنتي هتركبي جناحات و هتطيري و تيجي روسيا؟!
وجز(بعياط): لا كنت هروح للواء كمال يشوف حل.
باسل(بانفعال): انتي شوفتي احنا فين دلوقتي و لا حصل ايه احنا في مصيبة...

وجد(بعياط): مكنتش اعرف يا باسل كل اللي كان هاممني خوفي عليك و اني اطمن عليك.
باسل بِعد عن وجد و هو حاسس ان الدنيا كلها اسودت حواليه و حط رأسه بين ايديه و بص في الارض...
وجد قربت من باسل و حطت ايديها علي كتفه.
وجد(بدموع): باسل متزعلش مني. انا كنت بس خايفة عليك و كمان انا معاك اهو اكيد هنحل الموضوع و هنخرج...
باسل(ببرود): انتي لازم ترجعي مصر وجودك هنا خطر عليكي و عليا و علي فرقتي.
باسل(ببرود): ان.

وجد صرخت لما سمعت صوت ضرب نار قوي جاي من تحت,باسل خدها في حضنه و حماها بجسمه.
الباب اتفتح و دخلت منه روسيل و هي معاها سلاح.
روسيل(بالروسية): باسل.
باسل رفع عينيه لما سمع صوت روسيل و بِعد عن وجد,باسل قرب من روسيل و ابتسم ليها و حضنها.
باسل(بالروسية): شكرا يا روسيل.
روسيل(بابتسامة,بالروسية): انا حميت اللي بحبه بس.
وجد(بغيظ): ايه مش كفاية احضان يا اخ باسل؟! ما تروح تبوسها احسن.

باسل(ببرود): يا ريت بس معانا ***** يلا بينا.
باسل خد سلاح من روسيل و مسك ايد وجد و خرج بره القصر كان في ضرب نار شديد و وجد مستخبية في باسل.
باسل(ببرود): اومال فين الفنون القتالية و الضرب **** يرحم يا خسارة تربيتي فيكي.
وجد(بخوف): انا مش بتصرف و انت معايا.
باسل: وطي رأسك.
وجد(بصريخ): حاضر...
ميشيل(بغضب): باسل.
روسيل(بضعف,بالروسية): باسل.
باسل لف لقي ميشيل حاطط مسدسه في وش روسيل بص ل ميشيل بغضب.

باسل(بالروسية): ابعد عنها و نتواجه راجل ل راجل...
وجد: انت هتضربه علشان دي؟!
باسل(ببرود): اللي انتي بتتكلمي عنها انقذتك من شوية.
ميشيل زق روسيل اللي كان في جرح في كتفها و قرب من باسل بعد ما رمي سلاحه باسل قرب منه هو كمان و بدأوا يضربوا بعض.
ميسيل ضرب باسل في وشه كذا مرة...
وجد(بدموع): باسل.


باسل قام من علي الارض و هو بيمسح الدم اللي علي وشه و قرب من ميشيل و ضربه في رجله كذا مرة وقعه في الارض و لف من ورا ميشيل مسك رقبته و بحركة سريعة كسر رقبته او بمعني اصح قتل ميشيل.
روسيل جريت لحضن باسل و هي بتعيط,باسل طبطب عليها...
وجد سابتهم و كانت هتمشي و باسل جري ناحيتها شدها ناحيتها و بصلها بغضب.
باسل: هو بيتك و انا مش واخد بالي. احنا في وقت غيرة و زفت.


وجد(بدموع): هو في وقت علشان احبك و اغير عليك...
علي: يا عم روچتي اباظا و حياة امك يلا بينا نمشي بسرعة، ال boss مفقود و هيطلع علي الحدود لازم نلحقه.
باسل: عدي مسعد.
مسعد: نعم يا بيه.
باسل: روسيل و وجد يرجعوا...
عدي: المطارات اتقفلت بامر من الشرطة الروسية.
باسل(بحدة): اتصرفوا. سليم حاول تجيب طيارتي من مصر. وجد لازم ترجع و حالا.
وجد: انا مش هسيبك هرجع معاك.

باسل(بحدة): وجد ده مش هزار و لا لعب لازم تمشي من هنا، اسمعي كلامي علشان خاطري.
وجد: لا.
باسل قرب من وجد و حاوط وشها بين ايديه و مال علي وشها بوشه و وجد غمضت عينيها.
باسل: اسف يا وجد...
باسل ضغط علي جزء في رقبة وجد ادت لاغماء وجد بين ايدين باسل...
باسل: ادم عصام مسعد و عدي، وجد امانة في ايديكم هي و روسيل.
ميعد: هتابعكم من هنا.
علي: طيب يلا يا جماعة.
عصام: ترجع بالسلامة يا صاحبي.

ادم: يلا علشان تلحقوا، انا هتصرف.
باسل: يلا يا سليم.
باسل مسك مسدسين حطهم ورا ضهره و مسك رشاش كان موجود في الارض.
باسل: يلا بينا.
باسل و سليم و علي خرجوا بره القصر و ركبوا عربيات و مشيوا ورا ال boss...
روسيل(بالروسية): هنمشي ازاي؟!
عدي(بالروسية): هنحاول نتصرف يلا بينا.
ادم: باسل كان عنده بيت هنا هنروحه. يلا بينا.


ادم وطي و شال وجد و خرج بره القصر و الباقي وراه ركبوا العربية و راحوا ل بيت باسل اللي في روسيا.
ادم كان معاه مفتاح البيت نزل و فتح الباب و الكل دخل و حطوا وجد علي سرير في اوضة من الاوض.

-في مكان تاني...
في قصر الانصاري.
عفاف: هنعمل ايه الليل دخل علينا؟!
عصمت: ازاي يعني مختفية ده كله؟!
سمر: هما لحقوا يغيروا نمرة العربية.
امير: واضح انهم ناس تقال في البلد ممكن. هي ليها عداوة مع اي حد؟!
اسيل: معتقدش وجد دايما بتحب الخير.
عفاف: يالهوي انا خايفة علي البت الغلبانة، باسل هيقتلنا كلنا.
جودي: مش بعيد يقتلنا في ميدان عام يالهوي.
طارق: اكيد هنلاقيها ان شاء **** متخافوش.

امل(بخوف): ست عصمت ست عصمت.
عصمت(بحدة): ايه يا امل؟!
امل(بخوف): كنت بعدي من قدام الاوضة المحرمة فسمعت صوت حد.
عصمت(بصدمة): سمعتي صوت!
عصمت جريت علي اوضة حياة فتحت الباب و دخلت جوا,كان الكل جري ورا عصمت بس خايف يدخل.
نعمة دخلت ورا عصمت هي و عفاف و معتز.
عصمت(بخضة): حياة!
حياة(بوجع): آه آه. مين؟! انا فين؟!
عصمت(بعياط): بنتي حبيبتي.

عصمت جريت علي حياة حضنتها جامد و هي بتعيط و حياة مكنتش لسة مستعوبة اي حاجة خالص.
نعمة(بدموع): اتصل بالدكتور يا معتز بسرعة يلا يلا.
معتز(بفرحة): اهو اهو.
عفاف: حمدلله بالسلامة يا حبيبتي وحشتينا.
حياة(بتعب,بوجع): ماما باسل بابا فارس ابني؟!
عصمت(بعياط): حبيبة قلب امك انا معاكي اهو مش هسيبك يا حبيبتي...
عصمت(بعياط): وحشتيني وحشتيني اوي وحشتيني. **** يخليكي ليا، شكرا يا رب شكرا يا رب.

عصمت(بعياط): اخيرا اخيرا يا حبيبتي رجعتي تاني...
عصمت فضلت حاضنة حياة لغاية ما الدكتور جه و بدأ يفحص حياة و الكل كان واقف مبسوط.
الدكتور: لا الحمد****، هي بس محتاجة تتحرك شوية لانها قعدت لفترة جسمها ساكن و عايزة تنشيط ل خلايا المخ افضلوا اتكلم معاها فكروها بمواقف جميلة و حلوة.
الدكتور: الف مبروك كان حلم مستحيل و اتحقق.
الدكتور: عن اذنكم.

عصمت: قومي يا حبيبتي قومي علشان نطلع اوضة فوق دي اوضة وحشة يلا يا روحي.
حياة(بضعف): باسل فين يا ماما؟!
عصمت(بدموع): في مهمة يا حبيبتي و راجع في مهمة و راجع متخافيش...
عصمت سندت حياة هي و نعمة و طلعوها لاوضتها و قعدوها علي السرير.
عصمت: حبيبتي هطلعلك هدوم.
حياة(بتعب): شكرا يا ماما...
عصمت: حبيبتي.
نعمة: حمدلله علي السلامة يا روح قلبي.
حياة: تسلمي يا عمتو.

عصمت طلعت هدوم ل حياة و دخلتها تأخد دوش و غيرت ليها هدومها,امل دخلت بصينية الاكل و عصمت قعدت تأكل حياة كتير...
حياة: خلاص با امي تعبت خلاص.
عصمت: حبيبتي، خلاص كمان شوية ابقي كملي اكل.
حياة(بتعب): هنام شوية يا ماما و لما تصحي ابقي كلميني و احكي كل اللي حصل.
عصمت: طيب يا حبيبتي نامي يا روحي...
حياة: نامي جمبي.
عصمت: حاضر يا روحي.

عصمت باست رأس حياة و خدتها في حضنها لغاية ما حياة نامت بعمق و عصمت كانت مبسوطة و كانت بتدعي ل **** انه يرجعلها ابنها سالم.
تحت...
جودي: طب و بالنسبة ل وجد؟!
رضوان: اكيد مش هنسكت يا جودي.
طارق: اهدوا اكيد هنلاقيها و كمان احنا بنعمل كل اللي نقدر عليه.
اسيل: انا خايفة لحد يعملها حاجة.
امير: إن شاء **** هتكون لخير انا كلمت صاحبي و هو حاليا بيحاول يوصل لاي معلومة.
سمر: يخرببيت المصايب.


عفاف: احنا لحقنا يا بت؟!
نعمة: شاغلين نفسكوا اوي كدة ليه احنا حاولنا و معرفناش نوصل ليها هي اللي غلطانة خرجت ليه انتوا ناديتوا عليها و هي مردتش.
الكل بص ل بعضه و بعدها بصوا ل نعمة و سابوها و مشيوا...

-في مكان تاني.
عند قصي و ليلي.
ليلي: كنت فين؟!
قصي(برفعة حاجب): من امتي و انتي بتسألي؟!
ليلي: مش بعرف كنت بتخوني و لا لا؟!
قصي(بضحك): بخونك!
قصي: كنت مع احمد طول اليوم في الشركة يا ليلي حلو كدة يا حبيبتي.
قصي: وصلة النكد دي خليها تستني لغاية ما اغير هدومي.
ليلي(بانفعال): انت بتتريق؟!
قصي: يا **** يا ولي الصابرين. لا طبعا يا روحي بهزر معاكي.
قصي: هي هرمونات الحمل دي مش بتخلص ابدا ايه؟!

ليلي(بحدة): طبعا ما انت مش حاسس بالمسئولية.
قصي: مسئولية ايه يا ليلي حبيبتي فوقي و اعقلي مش كل يوم تصحي احمد و ثريا علي صوتك يا روحي.
قصي ساب ليلي و دخل اوضة الملابس غير هدومه و خرج قعد علي السرير و شاور ل ليلي تيجي بس هي مبصتلوش.
قصي: يا سلام.
قصي قرب من ليلي و وطي حاول يشيلها.
قصي: انتي تخنتي اوي يا ليلي.
ليلي شقهت و بصت ل قصي بصدمة.
ليلي: انا تخنت.
قصي: في ايه بس ما ده شئ طبيعي انك تتخني.

ليلي: انت بتعيدها تاني؟! يا نهارك اسود.
قصي: يا روحي احنا بليل لسة مش في النهار. و كمان انتي حامل فطبيعي هتتخني...
ليلي: انت شكلك شوفتلك شوفة يا قصي.
قصي: لا ده انا اشيلك ارحم.
قصي وطي و شال ليلي و حطها علي السرير.
قصي: يوم واحد من غير نكد ابوس ايدك.
قصي: نامي **** يهديكي يا ليلي.
ليلي: قصدك اني مجنونة؟!
قصي: مممم لا ده انتي ناوية علي شر اتفضلي يا روحي يلا.
ليلي: انا ناوية علي شر يا قصي؟! انا!

قصي قعد جمب ليلي علي السرير و فرد جسمه.
قصي(بنوم): ليلي اطفي النور و اهدي كدة للصبح و نبقي نتخانق هصحالك من النجمة اوعدك.
ليلي: اتريق اتريق يا رخم...
ليلي(بدموع): ما انت مش بتحس بوجع زي ما انا بحس ما انت مش شايل بطيخة جواك و روح مسئولة منك ما ان.
ليلي: قصي قصي انت نمت.
ليلي قعدت تهز كتف قصي ملقتش رد كانت هتقوم بعصبية لقت قصي شدها لحضنه...
قصي: ايه بقي يا ست ليلي خير؟!

قصي: مش انا قولتلك مليون مرة انا بحبك انتي و بس؟! و مش قولتلك انك هتفضلي حلوة في نظري علطول؟! و مش قولتلك كمان **** معاكي يا روحي و تولدي بالسلامة و لو عايزة اي مساعدة قوليلي؟! ها فين الغلط عندي بقي؟!
ليلي(باحراج): مفيش.
قصي: طيب يا قمر انتي زعلانة ليه؟!
ليلي لا رد.
قصي: نامي يا ليلي **** يهدينا احنا الاتنين.
ليلي حضنت قصي و مسكته جامد و هو ابتسم عليها...
قصي: ههرب انا؟!
ليلي: مليش فيه.

قصي باس رأس ليلي و حاوطها بدراعه و غمض عينه و بدأ ينام هو و ليلي...

-في مكان تاني...
عند باسل.
علي(بصوت عالي): باسل.
باسل لقي عربية وراه بتضرب نار علي عربيته.
باسل طلع سلاحه و ضرب نار علي كوتش العربية التانية العربية اتقلبت.
باسل: سليم سامعني؟!
سليم: اه.
باسل: انت وراه علطول؟!
سليم: اه.
باسل: انا ببعد عنكم ب قد ايه؟!
سليم: ب 10 كيلو متر.
باسل: ميعديش الحدود يا سليم.
سليم: متخافش.
سليم ساق بسرعة كبيرة ناحية عربية الboss و وقف قدامها ف العربية اضطرت توقف.

(بالروسية): خلصوا عليه.
الحراس نزلوا و بدأ يتخانقوا مع سليم و سليم ضرب واحد منهم و الباقي بدأوا يضربوه.
سليم وقع في الارض و في ددمم نازل من انفه.
باسل كان وصل و نزل من العربية و مسك سلاحه و راح ناحية الboss نزله من العربية.
(بالروسية,بغضب): اللي انت بتعمله غلط.
باسل(ببرود,بالروسية): بالعكس ده الصح. و معروف عني اني عمري ما فشلت في مهمة.
باسل(ببرود,بالروسية): قول ل رجالتك يبعدوا عن سليم.
(بالروسية): اقتلوه.

باسل ضرب رصاصة علي رجل ال boss وقع في الارض و هو بيصرخ...
(بالروسية,صريخ): ابعدوا ابعدوا عنه.
(بالروسية): مش هتقدر تمسكني انا من روسيا و انت من مصر.
علي(ببرود,بالروسية): لا ما الانتربول اتصرف في الحكاية دي اومال انا لازمتي ايه.
الboss فتح عيونه علي اخرهم و كان متوجع من آلم رجله.
باسل: يلا.

التلت شباب مسكوا الboss,علي ضرب رصاص علي الخمس حراس اللي كانوا موجودين، الشباب ركبوا العربية و ساقوا ناحية السفارة...
باسل(بتعب): وجد رجعت؟!
علي(بتوتر): لا هنا لسة في روسيا.
باسل(بحدة): ازاي يعني؟!
سليم: اهدي يا باسل هتروح معانا مش مشكلة.
باسل(بضيق): لما اشوفهم.
باسل ساق ناحية السفارة و سلموا الboss...
باسل(بتعب): على خلص الاجراءت عقبال ما اجيب وجد و اجي.
سليم: روح انت. بس انت كويس؟!

باسل: ايوه متخافش يلا.
باسل ساق عربيته ناحية البيت بتاعه و كان قلقان علي وجد.
عند وجد...
وجد فاقت و قعدت تصرخ و تزعق فيهم.
وجد(بصوت عالي): وسعوا سيبوني عايزة اروحله انتوا مجانين.
وجد: عدي سيبني اروحله علشان خاطري.
عدي: هو كويس هيخلص و يجي.
وجد(بدموع): لا مش كويس، انا عايزة اروحله.
مسعد: مدام وجد يا ريت حضرتك تفهمي موقفنا لو سيبناكي تمشي دلوقتي باسل بيه مش هيسيب فينا حتة سليمة.

وجد(بزعيق): بس انا عايزة اروحله ممكن يكون محتاج حاجة.
روسيل(بالروسية,بعصبية خفيفة): لا مش مستحيل مش بتعرفي تسكتي ازاي باسل مستحملك.
وجد: هي البت دي بتقول الللي انا فهمته؟!
ادم: بتعرفي تتكلم روسي؟!
وجد: باسل علمني شوية كدة.
وجد لفت و زعقت و كانت بتتكلم.
وجد(بزعيق): انا عايزة اشوف باسل ان.
وجد سكتت اول ما شافت باسل واقف و ساند ضهره علي الحيطة و باصص ل وجد ببرود.


وجد جريت علي باسل حضنته جامد و باسل مقدرش يقاومها حضنها جامد و باس رأسها.
باسل(بتنهيدة): وحشتيني اوي...
وجد: وانت كمان، عملت ايه طمني؟! ايه اللي في شك ده؟!
وجد: حاسس بوجع؟!
وجد حاوطت وش باسل بين ايديها لقت فيه جروح بصت ل باسل بدموع و باسل ابتسم ليها.
باسل: انا بخير بس يلا نلحق نمشي.
وجد: يلا يلا.
باسل حط ايده علي خد وجد و باس رأسها...
باسل(بحزن): آسف علي اللي حصلك و انا مش موجود.

وجد: مش مهم المهم انك معايا.
باسل: يلا بينا.
باسل(بالروسية): هتيجي يا روسيل؟!
روسيل(بالروسية): مليش حد في مصر.
مسعد(بالروسية): تعالي هتحبيها اوي.
باسل(بالروسية): هتصرف انا في الاقامة.
روسيل(بالروسية,بفرحة): بجد؟!
باسل(بالروسية): اه، انتي انقذتي حياة وجد علشان كدة حمايتك واجب عليا. يلا بينا.
كلهم خرجوا من بيت باسل و باسل كان محاوط خصر وجد بايده,ركبوا عربيتن.
وجد: البت دي جاية معانا ليه؟!

باسل: احم علشان هي هتقيم في مصر.
وجد: اه ما...
وجد: نعم نعم نعم لا يا باسل لا.
باسل: يا حبيبتي ده شكر و هي هتعيش بعيد عننا...
وجد: و لو فرقتنا بقي؟!
باسل: محدش يقدر يفرقنا.
باسل باس رأس وجد. بعد فترة كانوا وصلوا للسفارة.
الboss قاعد بيبص ل باسل بغضب و في ايده الكلبشات و كانوا ودوه بنج علشان ميحسش برجله...
باسل: كله تمام؟!
علي: اه كل الورق جاهز و هما هيرحلوه علي مصر.
باسل: طيب. المستندات و الورق؟!

علي: معايا.
سليم: يلا نمشي.
عصام: يلا ننجز بقي. اهي ام العملية الفقر خلصت.
باسل: يلا بينا.
كلهم لفوا علشان يمشيوا و يروحوا المطار.
وجد(بصريخ): باسل!


الجزء الثامن

كلهم لفوا علشان يمشوا و يروحوا المطار.
وجد(بصريخ): باسل!
كلهم لفوا لقوا الboss ماسك مسدس و رافعه في وشهم.
(بالروسية,ببرود): مش انا اللي اخسر.
ضرب رصاصتين و باسل غمض عينيه باستسلام,وجد صرخت...
باسل سمع صوت دربكة حواليه و مش حاسس بآلم فتح عيونه ببطء لقي سليم مرمي في الارض و علي في اصابة في ايديه...
باسل(بقلق): سليم! سليم.
باسل نزل ل مستوي سليم و حاول يفوقه و كان خايف علي صاحبه.

باسل(بالروسية,بعصبية): عايز دكتور بسرعة.
عدي: انت كويس يا علي؟!
علي(بوجع): اه اصابة خفيفة.
مسعد: لازم نروح اي مستشفي.
روسيل(بالروسية): باسل العربيات جاهزة.
باسل(بقلق): تعالي ساعدني يا عدي بسرعة.
عدي: حاضر.
عدي و باسل شالوا سليم بسرعة و ركبوه العربية و معاهم روسيل.
علي(بتعب): يلا نروح وراهم.
وجد(بقلق): انت كويس يا علي؟! متأكد انك مش حاسس بوجع؟!
علي(بتعب): اه متخافوش يلا نلحقهم.

مسعد و وجد سندوا علي و راحوا للعربية التانية ركبوها و السواق طلع علي المستشفي.
ادم(بالروسية): حضرتك لازم تتخذ قرار.
ظابط(بالروسية): احنا هنخليه يقضي عندنا في حدود اسبوع و بعدها هنرحله علي مصر.
عصام(بالروسية): خلال الاسبوع ده يا ريت تكونوا اتصرفتوا معاه شوية.
ظابط(بالروسية): متخافوش.
ادم(بالروسية): مينفعش يهرب مينفعش خالص.
ظابط(بالروسية): متقلقوش هيكون تحت حراسة مشددة جدا.

عصام(بالروسية): شكرا، يلا يا ادم نلحقهم.
ادم: يلا يا عصام.
الاتنين ركبوا عربيتهم و راحوا للمستشفي كان الباقي وصل و بيدخلوهم العمليات.
ممرضة(بالروسية): لو سمحتم انتظروا هنا.
ممرضة(بالروسية): و يا ريت تحاولوا تقللوا العدد.
روسيل(بالروسية): تمام.
باسل(بالروسية): مسعد روح مع روسيل علشان يشوفوا الجرح اللي في كتفها.
روسيل(بالروسية): حاجة بسيطة...
باسل(بالروسية): يلا يا روسيل روحي مع مسعد.

وجد قعدت علي الكرسي و حطت رجل علي رجل و بصت ل باسل و ل روسيل ببرود.
باسل(بالروسية): روحي لازم نطمن عليكي.
روسيل(بابتسامة,بالروسية): شكرا علي اهتمامك يا باسل.
روسيل راحت مع مسعد اوضة الطوارئ و بدأوا يعملوا اللازم,الكل كان قاعد منتظر اي خبر.
باسل(بهدوء): وجد.
وجد: نعم.
باسل: شكلك عايزة تنامي؟!
وجد: لا مش عايزة انام انا كويسة. اشغل بالك انت بس ب ست روسيل...
عدي: احنا هنرجع امتي؟!

باسل: لما نطمن علي سليم و علي هنرجع و ان شاء **** هيقوموا بالسلامة.
وجد كان في جروح في رقبتها و وشها و حاسة بارهاق شديد رجعت رأسها ل ورا و بصت للسقف.
باسل: وجد.
وجد: مممم.
باسل: قومي يلا هروحك.
وجد: تؤ تؤ هستني علي و سليم.
وجد: و كمان قلة ذوق اسيبهم و امشي.
باسل: ما ده غلط انتي تعبانة مش شايفة نفسك؟!
وجد: ملكش دعوة.
باسل(ببرود): عندك حق مليش دعوة...


باسل بص قدامه و ادم و عصام و عدي كانوا بيبصوا ل بعض و ل باسل و وجد.
بعد فترة كان الدكتور خرج باسل قام ناحيته بسرعة.
باسل(بالروسية): ها يا دكتور؟!
دكتور(بالروسية): بخير. الاصابات بسيطة و كمان يعتبر الرصاصات طائشة.
باسل(بالروسية): شكرا ليك.
دكتور(بالروسية): ده واجبي.
باسل(بالروسية): يقدروا يخرجوا امتي؟!
دكتور(بالروسية): بكرة الصبح.
باسل(بالروسية): شكرا مرة تانية.
دكتور(بالروسية): عن اذنك.

الدكتور سابهم و مشي و باسل حمد **** في سره و بص ل وجد لقاها بتجاهد النوم و التعب.
باسل(بحدة): هتستفادي ايه من العناد يا وجد؟!
وجد: انت عايز ايه دلوقتي؟!
عدي: انا شايف ده مش وقت خناق.
وجد: قوله.
باسل(بحدة): انا غلطان يعني اني خايف عليكي.
وجد: لا خليك خايف علي السنيورة بتاعتك التانية.
باسل(بحدة): انتي شاغلة دماغك بيها ليه يا ستي؟!

وجد(بانفعال): دي ناقص تأخدك كدة و تروح علي اقرب مأذون و تتجوزك. مش عارفة بيحبوك علي ايه ده انت حتى وحش؟!
باسل رفع حاجبه,ادم و عصام و عدي ضحكوا...
باسل: انا وحش يا وجد؟!
وجد: اه. و كمان انت جوزي انا هما يبصولك علي اساس ايه؟!
روسيل(بالروسية): باسل.
وجد بصت ل روسيل بغضب و سابتهم و خرجت للجنينة قعدت فيها...
باسل: مالها دي يا رب الصبر من عندك.
ادم: روحلها يا عم.
روسيل(بالروسية): هو في ايه؟!

باسل(بالروسية): مفيش.
باسل: انا جاي.
باسل خرج للجنينة و بدأ يدور علي وجد لقاها نايمة علي كرسي من اللي موجودين في الجنينة,باسل قرب منها و حط ايده علي خدها وجد فتحت عينيها ببطء.
وجد(بنوم): بتحبني؟!
باسل: اه.
وجد ابتسمت ل باسل و غمضت عينيها تاني و نامت,باسل وطي شال وجد و خرج بره الجنينة راح للفيلا بتاعته و طلع حط وجد علي السرير و نام جمبها من كتر التعب.
في الصباح الباكر.

علي و سليم فاقوا و كانت اصابتهم خفيفة نوعا ما,و الكل اتقابل في المطار و بدأوا يركبوا الطيارة...
باسل كان قاعد في كرسي و علي يمينه وجد و علي شماله روسيل,وجد كانت في قمة غضبها و مش بتكلم باسل.
علي(بابتسامة خفيفة): و **** باسل ده صعبان عليا مش بيلحق يفرح يا عيني...
سليم: علي اساس انا اللي عارف افرح. اسيب نرمين تاني يوم جواز و كمان حاسس ان علاقتنا ناقصها حاجة.

علي: اهدي يا عم في ايه؟! و كمان انت مش مهم اصلا فمشاكلك مش مهمة...
سليم ضرب علي في كتفه...
علي(بوجع): يا اغبي خلق ****.
سليم: تستاهل.
علي(بوجع): يا مستفز...
وجد(بهمس,غضب): هي هتفضل تتكلم معاك كتير؟!
باسل(بهمس): ايه يا وجد طب يعني احرجها؟!
وجد(بهمس,غضب): لا احرق دمي يا باسل احرق دمي.
باسل(بهمس): يا وجد في ايه يعني دي ضيفة و.
وجد(بهمس): باسل من الاخر كدة انا متضايقة من وجودها...

باسل: طب يعني اعمل ايه طب؟! و علفكرة خناقنا ده مش كويس فاهدي كدة.
وجد: و انت يفرق معاك في ايه؟!
روسيل(بالروسية): في حاجة يا باسل؟!
باسل(بالروسية): لا.
باسل: يا وجد انا شايف ان الموضوع عادي؟!
وجد: عادي! طيب يا باسل بعد كدة لما تلاقيني واقفة مع راجل بنتكلم و بنهزر ملكش دعوة اصل الموضوع عادي...
باسل(بحدة): ده انا اقتلك يا وجد اتجنتتي...
وجد: يا ريت البعيد يحس.

وجد بصت قدامها و بعد فترة بسيطة جدا لقت اللي بيضمها ل حضنه و هي حطت رأسها علي كتفه و ضمته ليه هي كمان.
روسيل بصتلهم بضيق و علي و سليم ضحكوا عليهم.
بعد فترة كانوا وصلوا لمصر...
علي: يا عصافير الحب منك ليها.
سليم: يا باسل باسل باسل.
روسيل(بالروسية): باسل انت نايم؟!
وجد(بنوم): في ايه؟!
علي: وصلنا يلا قومي صحيه و قومي اخلصي.
وجد فتحت عينيها و بصت ل باسل حطت ايديها علي خده.
وجد: باسل حبيبي يلا قوم.

باسل(بنوم): ايه يا حبيبتي؟!
وجد: قوم وصلنا.
باسل قام هو و وجد و خرجوا من الطيارة خلصوا كل الورق والاجراءات و بدأوا يخرجوا كل واحد بيركب العربية اللي في انتظاره و كل واحد بيرجع ل بيته...
في فيلا المهدي...
نرمين(بقلق): لا هو اكيد في حاجة سليم بقاله اسبوع مش بيكلمني.
مريم: اهدي يا حبيبتي هي دي اول مرة.
نرمين(بقلق): لا بس برضو لا انا خايفة عليه.
كارما(بغمزة): اه يا عم. من امتي؟!

نرمين(بخجل): ملكيش فيه و اخرسي.
نرمين: هو دلوقتي فين بس مش بيرد عليا ليه.
كارما: اهدي يا بت بطلي توتر.
نرمين(بقلق): لا بقي كدة في حاجة.
كارما: **** يهدي,اعقلي كدة بس و استهدي ب****.
نرمين قعدت جمب مريم و حضنتها و هي خايفة علي سليم,مريم باست رأسها.
مريم: راجع بالسلامة ان شاء **** يا حبيبتي.
نرمين(بقلق): ممكن يكون حصله حاجة.
كارما: بتفولي علي الواد ليه بس يا بنتي.
نرمين(بقلق): لا ان شاء **** يكون بخير.

التلاتة قعدوا يتكلموا لغاية ما لقوا باب البيت بيتفتح و سليم داخل منه,سليم لقي فجأة نرمين في حضنه معرفش ازاي و الشنطة وقعت من علي كتفه و حس بوجع مكان اصابته.
نرمين: انت كويس؟!
سليم(بوجع): اه. مالكوا؟!
نرمين: كنت قلقانة عليك اوي.
سليم باس رأس نرمين و لقي كارما جمبه خدها في حضنه و باس رأسها هي كمان.
سليم(بابتسامة): امي.
سليم قرب من مريم و باس ايديها و خدها في حضنه.
سليم: وحشتيني...

مريم: و انت يا حبيبي، حمدلله علي السلامة.
نرمين و كارما: يا سلام و احنا؟!
سليم: انتوا قلبي انتوا.
سليم: اهدوا عليا بقي انا تعبان و عايز انام.
سليم: تصبحي علي خير يا امي هنام و بليل نتكلم.
كارما ضربت نرمين بكوعها في جمبها.
كارما(بهمس): روحي يا بت وراه.
نرمين(بهمس): راحة يا اختاه.
نرمين طلعت ورا سليم ملقتهوش في الاوضة دخلت اوضة الملابس لقته بيقلع التي شيرت بتاعه و لقت الجرح بتاعه شهقت...
سليم: هشششش اهدي.

نرمين(بدموع): انا كنت حاسة.
سليم: اهدي يا نرمين عادي ما بيحصل اصابات كتيرة غير دي. كدة دي حاجة بسيطة.
نرمين(بدموع): طب انت كويس حاسس بوجع؟! ايه اللي حصل؟!
سليم قرب من نرمين حاوط وشها بايده و باس رأسها.
سليم: انا متعود علي كدة. و انتي كمان لازم تتعودي علي كدة و متقوليش ل ماما و لا ل كارما يا نرمين.
نرمين(بدموع): طب حصلك ايه طيب؟!
سليم: نرمين حبيبتي انا تعبان دلوقتي هنام شوية.
نرمين: طيب.

سليم باس رأس نرمين و لبس تي شيرت تاني و خرج للسرير قعد عليه لقي نرمين واقفة و مش عارفة تعمل ايه.
سليم مد ايده ل نرمين و نرمين قربت منه و مسكت ايده و سليم قعدها علي رجله...
سليم: انتي كويسة؟!
نرمين هزت رأسها بمعني اه,سليم بصلها و استغرب تصرفها.
سليم: مالك؟! مش علي بعضك ليه؟!
نرمين(بخفوت): احم مش متعودة لاننا علطول بنتعامل اصحاب و اخوات.


سليم: لا ده كان زمان دلوقتي انتي مراتي و حبيبتي قبل ما تكوني صاحبتي و اختي.
نرمين ابتسمت ل سليم و سليم نام و خد نرمين في حضنه.
سليم(بنوم): خليكي في حضني لغاية ما انام.
نرمين: حاضر.

-في مكان تاني...
في قصر الصياد.
قصي: يا ليلي بطلي جنان ابوس ايدك.
ليلي: **** يعني اعض البت الغلبانة دي اكيد لا. اعض اخوك لا برضو. انت جوزي حبيبي و كمان انا و انت واحد.
قصي: حد يشيل بت المجانين دي من قدامي.
احمد(بضحك): مااك بس يا قصي هي البت طلبت حاجة صعبة يعني.
ثريا(بضحك): و كمان اذا كانت متعضش جوزها حبيبها هتعض مين.
ليلي: شوفت يا حبيبي.
قصي: انتوا متفقين عليا؟!
قصي: امشي يا بت من هنا.

ليلي(بغيظ): ده انت رخم يا قصي رخم اوي كمان.
قصي: لا و النبي؟! طيب يا ستي انا رخم ملكيش دعوة.
ليلي(بغيظ): طيب.
ثريا(بضحك): خلاص اهدوا ايه هتقوموا تقتلوا بعض.
احمد: سيبيهم سيبيهم.
سعد: احمد بيه.
احمد: ايه يا سعد؟!
سعد: علي بيه منتظر ثريا هانم بره...
ثريا(بلهفة): علي!
احمد: دخله يلا بسرعة.
ثريا قامت و بدأت تمشي ناحية باب القصر و كانت بتعرج كان علي دخل من باب القصر و جري عليها حضنها جامد.
ثريا(بدموع): وحشتني.

علي: و انتي اكتر بكتير يا روحي. اهم حاجة انتي بخير؟!
ثريا: ايوه بقيت بخير لما شوفتك.
ثريا: حمدلله علي السلامة. وحشتني اوي كنت مفتقداك.
علي: و انا اكتر يا حبيبتي.
علي: مساء الخير.
الكل: مساء النور...
قصي: نورت البيت...
علي: منور بناسه.
احمد: ادخل اقعد.
علي: لا علشان لسة راجع ف عايز ارتاح. جهزي نفسك يلا يا ثريا.
احمد: ما تقعد يا ابني مش هنأكلك.
علي: خليها مرة تانية.
قصي: يا عم اقعد بس و بكرة امشي.

ثريا: سيبوه براحته، انت عايز ايه؟!
علي(بتعب): عايز ارتاح، اطلعي اجهزي يلا.
ثريا: حاضر.
ثريا طلعت هي و ليلي و رانيا يجهزوا هدوم ثريا.
ثريا: هتوحشيني.
ليلي: و انتي و ****، ابقي تعالي تاني.
ثريا: حاضر.
ثريا حضنت ليلي و سلمت علي رانيا و نزلت ل تحت حضنت قصي و احمد و علي مسك ايديها و شال الشنطة.
علي: مرة تانية بقي. يلا عن اذنكم.
احمد: خلي البواب يأخد الشنطة.
علي: لا مش لازم.

علي مشي هو و ثريا و ثريا كانت حاسة بالعجز بسبب رجليها و علي كان تعبان جدا.
علي حط الشنطة في العربية و ثريا ركبت و علي لف ركب العربية و بدأ يسوق ناحية البيت.
ثريا: انت كويس؟!
علي: اه متخافيش.
بعد فترة علي وقف قدام البيت نزل هو و ثريا و دخلوا البيت,علي اترمي علي اول كنبة لقاها.
ثريا(بقلق): اجبلك دكتور؟!
علي: لا لا متجبيش. انا بخير.
ثريا: شكرا يا عم بسيوني البواب.
ثريا خدت الشنطة من البواب و قعدت جمب علي.

ثريا: هتطلع فوق؟!
علي: اه. معلش اطلعي جهزي هدوم مش قادر...
ثريا: حاضر...
ثريا طلعت و جهزت هدوم ل علي و نادته,ثريا غيرت هدومها و خرجت لقت علي بيلبس هدومه.
ثريا: اساعدك؟!
علي: لا.
ثريا: ماله كتفك؟!
علي: ها لا مفيش. يلا تصبحي علي خير.
ثريا: علي.
علي: اصابة يا ثريا خلاص كدة.
ثريا جريت علي علي و هي بتعيط.
ثريا: ليه؟!
علي: علشان ده شغلي.
ثريا: بس اشمعنا انت؟!
علي: يا غبية.
ثريا: متشتغلش الشغلانة الوحشة دي تاني.

علي: بت هتتعبيني معاكي.
ثريا: لا انا مش هسمح ل ده يحصلك تاني.
علي: طيب يا حبيبتي ممكن انام بقي.
ثريا: طيب. هعمل غداء.
علي: تؤ متعمليش حاجة انتي تنامي كدة و لما نصحي نبقي نشوف نعمل ايه.
علي مسك ايد ثريا و نام علي رجليها و ثريا قعدت تملس علي شعره و هي بتتكلم معاه لغاية ما لقته نام...

-في مكان تاني.
في قصر الانصاري.
عصمت: عرفت حاجة عنها؟!
رضوان: لا يا عصمت هانم.
اسيل: ازاي يعني؟! و باسل لو رجع في اي لحظة؟!
جودي: انا خايفة اوي من ردة فعله.
طارق: احنا مسبناش حتة الا و دورنا فيها و ملهاش اي أثر، و البوليس معانا و برضو مش عارفين نوصل ل حاجة.
سهر: طب ايه هنفضل قاعدين كدة؟
حياة: انا عايزة اعرف مين دي اللي خدت قلب باسل اخويا.

نعمة(بسخرية): قصدك اللي كانت سبب في قتل ابوكي و ابنك و جوزك و اخوكي.
سارة(بسخرية): انتي لحد دلوقتي متعرفيش؟!
حياة(بصدمة,بعدم فهم): في ايه يا ماما؟!
عصمت(بحدة): كل واحد يقعد يأكل من غير و لا كلمة...
عصمت: بعدين يا حبيبتي بعدين.
حياة: انا عايزة افهم دلوقتي.
نعمة: هي من عائلة الصياد و ابوها يبقي يوسف الصياد.
حياة سابت المعلقة و هي بتأكل بصدمة و مكنتش مصدقة و كل الذكريات افتكرتها,حياة غمضت عينيها جامد.

عصمت(بقلق): حياة حبيبتي حياة. انتي كويسة؟!
حياة(بتعب): اه.
شريهان: مكنش في داعي علفكرة.
سمر: هي البت لحقت تكمل اسبوع حتى.
حازم: حياة انتي كويسة؟!
حياة(بتعب): اه الحمد****.
عفاف: مش عارفة ايه لازمة الكلام.
عصمت: انا خايفة ليحصلك حاجة.
حياة(بتعب): متخافيش يا ماما انا بخير، يلا نكمل اكل.
اسيل(بقلق): و وجد؟!
رضوان: ان شاء **** نلاقيها.
امل: عصمت هانم باسل بيه وصل.

كلهم قاموا وقفوا و هما مرتبكين من اللي باسل هيعمله,و كانوا كلهم واقفين جمب بعض في صف و حياة كانت مشتاقة ل باسل اخوها.
عند باسل.
باسل وصل للقصر و بص علي وجد اتنهد.
باسل: هو المفروض مين فينا اللي تعبان نفسي اعرف.
باسل نزل من العربية و لف ل باب وجد فتحه,وجد كانت هتقع لانها كانت ساندة علي الباب باسل لحقها و لف ايده تحت ركبتها و شالها.
باسل دخل بيها ل جنينه القصر و رفعها ناحيته.


باسل: جيب الشنطة من العربية يا عامر.
عامر: حاضر يا بيه.
باسل دخل القصر بعد ما امل فتحت ليه,باسل دخل لقاهم كلهم واقفين متوترين.
اسيل(بفرحة): وجد.
باسل(بحدة): هي دي الامانة؟!
باسل(بحدة): مراتي كانت هتروح مني.
عفاف: يا باسل يا ابني.
باسل(بحدة): قسما بربي لو كان حصلها حاجة كنت هندمكوا.
حازم: يا باسل ا.
عصمت(بهدوء): باسل انت تعبان اطلع ارتاح و بعدين نتكلم.


باسل مكنش مركز معاهم بص علي وجد و بعدها رفع عينيه و كان هيمشي لمح حياة,باسل غمض عينه و فتحها علشان يتأكد...
حياة(بابتسامة): حقيقة يا باسل.
باسل غصب عنه وقع وجد علي الارض و جري علي حياة حضنها و رفعها من علي الارض.
باسل(بدموع): وحشتيني اوي.
وجد(بوجع): آآآآه.
وجد(بوجع): آه يا باسل يا ابن عصمت آه.
جودي و اسيل و سمر قربوا من وجد شالوها من علي الارض و وجد وقفت و هي بتسند علي سمر.

وجد: هو انت بتحضن هنا و في روسيا كمان؟!
باسل كان بيعيط في حضن حياة بس مخبي وشه.
وجد(بهمس): ماله الواد ده؟! و كمان بيحضن مين بحرارة كدة؟! بيخوني؟!
سمر(بهمس): دي حياة اخته.
وجد: ااااااه فهمت.
وجد(بابتسامة): حمدلله علي السلامة.
سارة: بيقتلوا القتيل و يمشوا في جنازته.
وجد: انتي فاهمة حاجة يا بنتي؟!
اسيل(بهمس): كبري كبري.
جودي: من ساعة ما اتخطفتي محطتش و لا لقمة في بوقي.
وجد: صادق يا كداب.

باسل مسح دموعه و بص ل حياة و هو فرحان...
باسل: انتي كويسة؟!
حياة(بابتسامة): اه متخافش.
باسل: كنتي وحشاني اوي، فوقتي امتي؟!
حازم: يوم ما وجد اتخطفت.
باسل(بحدة): حازم ابعد عني دلوقتي مش طايقك.
حازم: يا باسل و **** ملحقنهاش.
حياة(بابتسامة): باسل دلوقتي اطلع ارتاح و لما تصحي نتكلم انا موجودة اهو هروح فين يعني.
باسل: هنام معاكي.
نعمة: عملت ايه يا حبيبي؟! و ايه اللي في وشك ده؟!
باسل: ضريبة كل عملية.


باسل قرب من عصمت و باس ايديها.
طارق: بس ازاي انت و وجد مع بعض؟!
باسل: هددوني بيها في العملية.
باسل: هطلع ارتاح، تسمحيلي انام جمبك يا حياة؟!
حياة: اكيد بس مراتك هتزعل.
باسل: لا متخافيش. قربي يا وجد اعرفك علي حياة.
وجد قربت من باسل و مدت ايديها ل حياة.
وجد(بابتسامة): اهلا انا وجد مرات باسل و باسل حكالي كتير عنك.
حياة(ببرود): اهلا.
وجد لاحظت اسلوب حياة بصت ل باسل و سابتهم و طلعت اوضتها...

باسل: قالولك ايه عن وجد يا حياة؟!
حياة(ببرود): انها بنت اللي دمر حياتنا.
باسل: هي غيرهم.
حياة(ببرود): ايه يا باسل حق ابوك هيروح كدة؟!
باسل: مين قال كدة؟! انا هاخده من الناس اللي فعلا تستحق لكن وجد ملهاش دعوة.
باسل: و كمان من امتي يا دكتورة حياة بتحكمي علي الشخص من مجرد كلام الناس عليه.
باسل: ده انتي حتى مثقفة هتعملي عقلك بعقل الناس الجاهلة.

باسل(بانفعال): انا بحترم الكل هنا و بحترم رأيه لكن لحد وجد و خط احمر و اللي هيفكر بس يضايقها صدقوني هتزعلوا مني.
باسل سابهم و طلع لاوضته,الكل بص ل بعضه و حياة بدأت تفكر في كلام باسل.
عصمت: تعالي معايا يا حياة.
وجد: منمتش جمبها ليه؟!
باسل: وجد.
وجد: نعم...
وجد كانت بتحاول متبصش ل باسل و بتطلع ليها هدوم.
باسل: طلعيلي معاكي هدوم.
وجد: حاضر.
وجد طلعت هدوم ل باسل و دخلت الحمام خدت دوش و غيرت هدومها...

وجد لبست بنطلون اسود بيتي و فوقه تي شيرت ب كم باللون الزيتي قصير مبين جزء بسيط من بطنها.
وجد خرجت قعدت قدام التسريحة و باسل كان واقف وراها بيلبس التي شيرت بتاعه.
وجد سرحت شعرها و سابته علي ضهرها و قامت راحت ناحية السرير.
وجد: تصبح علي خير...
باسل قرب من وجد قعد جمبها علي السرير,وجد لقت باسل تعبان بس مش عارف ينام.
وجد: مالك؟! تحب تروح تنام جمبها او هي تيجي تنام جمبك و اخرج انا.

باسل: تؤ انا محتاج لحضنك انتي...
باسل حضن وجد و غمض عيونه.
باسل: مش هتسيبيني؟!
وجد(بتنهيدة): لا يا باسل عمري.
وجد باست رأس باسل و باسل نام بعمق في حضن وجد و وجد كانت تعبانة اوي هي كمان نامت.
عند الباقي...
طارق: يلا يا جودي نطلع احنا كمان.
جودي: طيب يلا.
طارق حاوط كتف جودي بدراعه و طلع لاوضتهم.
عفاف: ممكن اعرف ليه انتي كارهه البنت اوي كدة يا نعمة؟!
نعمة لا رد.
اسيل: يا عمتو و **** وجد مش وحشة.

سمر: و بتحب باسل اوي.
سهر: و كمان مش هي اللي غلطانة ده ابوها و امها هي بقي ذنبها ايه.
رضوان: راجعي نفسك يا ماما.
سارة: ده ايه العيال دي؟!
سارة: دي خبيثة.
سارة: و بتأخد حاجة غيرها خدت باسل من شريهان بنتي.
شريهان: لا يا ماما باسل عمره ما كان ليا اصلا.
شريهان: باسل اتجوزها قبل ما يكتب كتابه عليا انا اللي كنت مدلوقة عليه.
شريهان: هي بس اللي في قلبه و هو مش عايز غيرها يا ماما...
شريهان: سيبيهم يعيشوا حياتهم.

سارة بصت ل شريهان بغضب و كانت متضايقة منها.
شريهان: عن اذنكم.
نعنة بصت لكل اللي موجود و سابتهم و مشيت.
في الصباح الباكر.
باسل صحي قبل وجد و قام دخل الحمام و خرج لقي وجد لسة نايمة سابها و نزل ل تحت.
باسل: صباح الخير.
الكل: صباح النور.
رضوان: باسل كنت عايزك في موضوع.
باسل: حاضر بعد الفطار.
باسل مسك تليفونه و اتصل ب مسعد. الخط اتفتح.
مسعد: الو يا باشا.
باسل: لقيت ليها مكان.


مسعد: ايوه يا باشا شقة كانت فاضية في نفس العمارة اللي انا فيها...
باسل: طيب يا مسعد. سلام.
مسعد: سلام يا باشا.
حياة: باسل.
باسل: نعم يا حياة.
حياة: انت زعلان مني؟!
باسل: مقدرش ازعل منك.
حياة: حبيبي.
حياة باست خد باسل و حضنته و باسل باس رأسها.
جودي: منظركم جميل اوي.
باسل: طبعا مش اخوات.
جودي: اتعلم يا رخم انت.
حازم: بس يا بت.
جودي: روح اتجوز بدل ما انت قاعد كدة.
حازم: لاقي انتي عروسة و انا موافق.


حازم: ما هصدق اخلص منكم اصلا.
عفاف: ليه يا حازم ناوي تعيش بره القصر؟!
حازم: مش اوي.
عفاف: هتتجوز و هتقعد قدامي انت فاهم؟!
حازم: مش لما الاقي العروسة الاول.
عفاف: قول انت عايز تتجوز و انا الاقيلك العروسة.
حازم: عايز اتجوز.
اسيل: مدلوق كدة ليه يا اخ انت؟!
حازم: احسن ما انا قاعد في وشكم اربعة و عشرين ساعة كدة.
طارق: ما تجيب من الاخر انت غيران اني اتجوزت و انت لا.
حازم: اه ملكش فيه.
سمر: القعدة دي ناقصة وجد.

باسل: عندك حق.
نعمة: بقالنا كتير مقعدناش كدة مع بعض.
عصمت: فعلا...
عفاف: القعدة ناقصة معتز و وجد.
باسل رفع رأسه ل فوق لمح وجد واقفة في البلكونة بتبص عليهم,باسل شاور ل وجد انها تنزل وجد هزت رأسها بمعني لا.
باسل طلع تليفونه و بعت ليها رسالة.
باسل: انزلي يلا.
وجد مسكت تليفونها و بصتله و بعدها ردت عليه.
وجد: لا خليني هنا احسن,محدش عندك بيطقني.
باسل: بطلي هبل يا وجد و انزلي انا مش ناقص.

حياة لمحت اللي بيحصل و بعدت عن باسل و سابته و طلعت لاوضة وجد خبطت الباب و دخلت.
حياة: وجد.
وجد: ها؟! حضرتك عايزة حاجة؟!
حياة: ممكن نتكلم؟!
وجد: اكيد اتفضلي.
حياة: بصي يا ستي طبعا بعتذرلك عن مقابلتي امبارح بس اللي حصلي مش قليل و علي ما اعتقد باسل حكالك.
حياة: فالموضوع صعب عليا شوية بس هتقبلك اكيد مش كفاية ان باسل بيحبك و انا عارفة ان باسل مش بيختار اي واحدة.

حياة: للاسف وفاة بابا كانت لحظة صعبة غير جوزي اللي خسرته و غير اخويا و ابني اللي مشوفتهوش غير اللي حصلي.
وجد(بابتسامة): لا و لا يهمك.
وجد: بس انا مليش ذنب. و للاسف عرفت حقيقة عائتي متأخر و انا بحب انفذ القانون حتى لو علي مين لو كنت اعرف ده كان زماني انا اللي مودياهم السجن.
وجد: فانا بعتذر.
حياة: طب يلا بلاش دراما يلا ننزل ل تحت يلا.
حياة شدت وجد معاها و نزلوا ل تحت.
حياة: جبتها يا جدعان.

باسل(بابتسامة): قربي يا حبيبتي.
باسل مسك ايد وجد و خلاها تقعد جمبه,حياة بصتله برفعة حاجب.
حياة: طب و انا؟!
باسل: تعالي.
اسيل: **** هو انا مش اختك يا جدع.
باسل: لا تعالي.
اسيل: اجي اقعد فين بقي.
باسل: قولي لنفسك بصي لفي لفة و تعالي.
اسيل: ناس رخمة...
امل: الفطار جاهز.
كلهم قاموا و بدأوا يفطروا في جو أُسري جميل.

-عدت الايام و الاحوال لحد الان مستقرة و الكل يعتبر مبسوط.
باسل كان في الحمام و موبايله كان بره,وجد كانت بتغير هدومها لقت ماسدج اتبعتت ل باسل علي موبايله قربت من الموبايل و مسكته.
وجد دخلت علي الماسدج و اتصدمت و بدأت تعيط كتير لغاية ما باسل خرج من الحمام اول ما شافها بالحالة دي قرب منها بسرعة...
باسل: وجد مالك؟!
وجد(بعياط): طلقني.
باسل: .



الجزء التاسع

باسل كان في الحمام و موبايله كان بره,وجد كانت بتغير هدومها لقت ماسدج اتبعتت ل باسل علي موبايله قربت من الموبايل و مسكته.
وجد دخلت علي الماسدج و اتصدمت و بدأت تعيط كتير لغاية ما باسل خرج من الحمام اول ما شافها بالحالة دي قرب منها بسرعة...
باسل: وجد مالك؟!
وجد(بعياط): طلقني.
باسل(بصدمة): ليه ده كله يا وجد؟!
وجد(بعياط): علشان انا.
باسل: انتي؟!

باسل لمح الموبايل مسكه و فتحه لقي الماسدج اللي وجد قرأتها,باسل حاوط وش وجد بايده.
باسل: وجد انا ميهمنيش اي حاجة من دي.
وجد(بعياط): بس انا عايزة ابعد عنك.
باسل: نجوم السماء اقربلك انا مش هسيبك تبعدي عني تاني.
وجد(بدموع): مش هيسبوك في حالك.
باسل: ميهمنيش طول ما انتي جمبي.
وجد(بدموع): انا منفعلكش.
باسل: انتي جاية تقولي الكلام ده و احنا داخلين علي سنة جواز يا وجد.
باسل: وجد اعقلي كدة.

وجد(بدموع): بس دي امي عارف يعني ايه امي؟!
وجد(بدموع): امي بتبصلك و عايزاك ليها. انت متخيل حجم القذارة و حجم الاهانة اللي انا حاسة بيها.
باسل: وجد انتي مراتي مراتي انا و بس و حبيبتي و مش هبص لغيرك حتى لو ودوني كنوز الدنيا كلها.
وجد(بدموع): باسل انا مش هقدر اتعامل معاك. انا.
باسل(بحدة): مش هتبعدي عني يا وجد ده آخر كلام.
وجد: طب اسمعني ل فترة بسيطة بس، اهدئ.
باسل: لا.
وجد: يا باسل.


باسل: قولت لا يا وجد مش هتبعدي عني و لو للحظة واحدة.
وجد(بضيق): هيبقي حل حلو لينا.
باسل: ايوه لما تبعدي هيحصل ايه هترجعي ليا في الاخر يبقي ايه لازمة البُعد؟!
وجد: طب بص لغاية فرح كارما و احمد.
باسل: نعم يا اختي اقعد اسبوع كامل من غير ما اقرب منك و لا اشوفك اتجننتي.
وجد: اه اتجننت و لاما توافق لاما نتطلق.
باسل(بغضب مكتوم): اعملي اللي انتي عايزاه يا وجد.
باسل ساب وجد و خرج بره الاوضة نزل ل تحت.

نعمة: مالك يا باسل؟!
باسل(بغضب): مفيش عن اذنك.
باسل ساب نعمة و خرج بره القصر بغضب.
حياة: مالك يا عمتو؟!
نعمة: معرفش باسل لسة نازل و كان متعصب اوي.
حياة: طب هطلع اشوف وجد، عن اذنك.
حياة سابت نعمة و طلعت لاوضة وجد خبطت الباب.
وجد: ادخل.
حياة: صباح الخير.
حياة: ايه ده انتي بتعملي ايه؟!
وجد: همشي شوية كدة.
حياة: بتلمي هدومك ليه؟!
وجد: هبعد انا و باسل ل فترة صغيرة هعيد فيها حساباتي.
حياة: ليه يا وجد حصل ايه؟!


وجد: مفيش حاجة.
حياة: هتخبي عليا.
وجد: بجد مفيش حاجة، انا بتخنق فجأة فبكون عايزة امشي كدة.
حياة: طب ما تستني لما ابن عمك يتجوز و قولي ل باسل و تسافروا مع بعض تغيروا جو. باسل مش هيرفض.
وجد: لا انا عايزة ابعد عن باسل الفترة دي...
حياة: طب باسل عارف هتروحي فين؟!
وجد: تؤ.
حياة: اومال انتي هتروحي فين؟!
وجد: هروح في اي حتة لسة معرفش. ممكن انزل في فندق.


حياة: ليه بس طب بصي ايه رأيك تأخدي اوضة بعيد عن باسل هنا في القصر. بدل ما تكوني لوحدك.
وجد: لا انا خلاص اهو خلصت، عن اذنك همشي انا.
وجد حضنت حياة و حياة حضنتها و باستها.
حياة: ابقي كلميني و قوليلي انتي فين.
وجد: طيب.
وجد مسكت الشنطة و نزلت ل تحت.
جودي: راحة فين يا وجد؟!
عفاف: هتسيبينا؟!
وجد: لا يا طنط. هغير جو اسبوع كدة.
عصمت(بهدوء): باسل يعرف؟!
وجد: اه.
جودي: انتوا متخانقين صح؟!

وجد: لا مش خناقة مجرد شد بسيط كدة.
عصمت: روحي.
وجد: عن اذنكم...
عصمت قامت و كانت طالعة اوضتها بس حست بدوخة جت تسند علي سور السلم وقعت.
عفاف(بخضة): عصمت.
جودي: مرات عمو.
وجد(بخضة): طنط.
وجد جريت علي عصمت و حاولت تفوقها.
وجد: هاتي ماية بسرعة.
جودي جريت جابت كوباية ماية و وجد حاولت تشرب عصمت ماية.
وجد: جيبي برفيوم او اي حاجة.
امل طلعت جري تجيب ازازة برفيوم و ودتها ل وجد,وجد رشت علي ايديها و بدأت تشمم عصمت.

عصمت بدأت تحرك رأسها ببطء و تفوق.
عفاف: انتي كويسة؟!
عصمت: الحمد****.
وجد و عفاف و جودي سندوا عصمت و خلوها تقعد علي الكرسي.
وجد: حضرتك حاسة بايه؟! اطلب الدكتور؟!
عصمت: لا انا كويسة الحمد****.
وجد بصت للشنطة بتاعتها و بصت ل عصمت.
وجد: لو سمحت يا امل طلعي شنطتي فوق تاني.
امل: حاضر يا هانم.
عفاف: اصيلة يا حبيبتي.
وجد قعدت جمب عفاف و جودي و قعدوا يتكلموا.

-في مكان تاني...
عند باسل.
باسل كان واقف في مكان شبه فاضي و منتظر حد بعد فترة كان في عربية واقفة قدامه و نزلت منها ماجدة و هي بتضحك ل باسل.
باسل(ببرود): شرفتي؟!
ماجدة: كنت متأكدة انك مش هتردني يا باسل.
باسل(بحدة): بصي يا ست انتي الحاجة الوحيدة اللي مخلياني مقتلتكيش لحد الان هو انك ام وجد غير كدة كان زماني خلصت منك انتي و جوزك من بدري.

ماجدة: سيبك منها هي اصلا يعتبر مش بنتي عيلة فقرية طول عمرها بتبص لتحت رجليها لو كانت سمعت كلامي كانت نجمة في السماء و الحاجة الوحيدة اللي بحسدها عليها هو انت.
باسل(بغضب): انتي ام انتي انتي عاهة في المجتمع معندكيش ددمم.
باسل: بس تعرفي انا اللي غلطان اني مخلصتش عليكي لحد دلوقتي.
باسل قرب من ماجدة و مسكها من رقبتها زقها علي عربيته.

باسل: اخر الكلام من هنا و رايح مشوفش وشك و متقربيش مني او من وجد و الا و رحمة ابويا ما هرحمك يا ماجدة...
باسل: انتي واحدة ناقصة عندك نقص و آخرك تترمي في الشارع لكلاب السكك.
ماجدة: انت زي ابوك في كل حاجة.
باسل: و ليا الشرف إني زيه.
ماجدة: ده اللي مخليني احبك.
باسل(بغضب): انتي مش بتفهمي ليه يا زفتة؟!
ماجدة: علشان بحبك.
باسل بٍعد عن ماجدة و هو مصدوم من ردة فعلها.
باسل: ده انتي البعيدة معندهاش ددمم. فين جوزك؟!

ماجدة: طلع بيخوني يا باسل و سابني و مشي بعد ما طلقني...
باسل: ليه حق و ****.
ماجدة: ها يا باسل؟!
باسل بص ل ماجدة من تحت ل فوق و شدها من دراعها ركبها عربيته و لف ركب و بدأ يسوق.
ماجدة: هتودينا فين؟!
باسل: هتعرفي يا ماجدة هتعرفي.
ماجدة كانت مبسوطة و هي مع باسل كانت كالمغيبة.
بعد فترة ماجدة لقت باسل وقف قدام القسم.
ماجدة: انت مودينا فين؟!
باسل: هنتجوز انزلي.
ماجدة و باسل نزلوا و دخلوا القسم.

باسل: لو سمحت عايز الظابط امير قوله باسل الانصاري.
عسكري: تمام.
عسكري دخل لامير و خرج تاني ل باسل.
عسكري: في انتظار حضرتك...
الاتنين دخلوا لامير و باسل سلم علي امير,باسل قعد و حط رجل علي رجل...
باسل: عايزك تعمل عقد جواز ليا انا و ماجدة هانم.
امير بص ل باسل بصدمة كبيرة.
امير(بصدمة): و مدام وجد؟! و.
باسل: ملكش فيه نفذ.
امير(برفعة حاجب): براحتك.
باسل: ماجدة روحي الحمام ظبطي نفسك عقبال ما اخلص معاه.

ماجدة: تمام.
امير: ممكن افهم في ايه؟!
باسل: انا جاي اعمل محضر اصلا الجواز ده كدبة اصلا.
باسل: هي اساسا شكلها اتجننت و فقدت عقلها.
باسل: و دي مهمتك بقي. ل تحبسها ل توديها مستشفي مجانين.
امير: يا شيخ افتكرتك هتخون وجد و جايلي اداري عليك...
باسل: همشي انا و اتصرف انت يلا باي.
امير: طيب باي.
باسل ساب امير و هي بيفكر في وجد,امير كان منتظر ماجدة علشان يأخد الاجراءات اللازمة.

- في مكان تاني.
عند سليم و نرمين.
سليم: ما انا قولتلك يا نرمين.
نرمين: قولتلك لما نخلص شغل.
سليم: انتي مش شايفة نفسك تعبانة ازاي؟!
نرمين: يا سليم ما انا علطول بتعب.
سليم: مالك بتقوليها عادي كدة ليه؟!
نرمين(بضيق): هنتخانق و انا مش فايقة.
سليم: انا غلطان اني خايف عليكي.
نرمين: يا سليم يا حبيبي خلاص بعد الاجتماع نروح للدكتورة...
سليم: طيب.

سليم و نرمين قعدوا يشتغلوا و جه ميعاد الاجتماع و بعدها سليم خد نرمين و خرجوا بره الشركة.
نرمين: طب انت هتوديني تكشف ايه اصلا؟!
سليم: مش عارف.
نرمين(بضحك): طب ايه رأيك نروح نتغدي و فكك من الكشف و الكلام ده و كمان انا بقيت احسن اهو.
سليم: طيب يا حبيبتي.
سليم مسك ايد نرمين و باسها...
سليم: **** يخليكي ليا.
سليم وقف قدام مطعم مشهور نزل من العربية هو و نرمين و دخلوا المطعم.
نرمين: علي و ثريا اهم.
سليم: فين؟!

نرمين: هناك اهو يا سليم...
سليم لف لقي ثريا و علي علي ترابيزة تانية و بيتكلموا مع بعض.
سليم: بلاش نزعجهم.
سليم نادي الجرسون و طلب اكل ليه هو و نرمين,نرمين كانت بتتكلم مع سليم و فجأة لقته باصص بعيد عنها.
نرمين بصت مكان ما سليم بيبص لقت بنت جميلة.
نرمين: تحب اخد رقمها؟!
سليم: ها؟!
نرمين(بضيق): قول متتكسفش اروح اخد رقمها.
سليم: انا سرحت بس.
نرمين(بغضب مكتوم): لا براحتك.

سليم: متزعليش يا نرمين فعلا سرحت في حاجة كدة.
نرمين: ممكن اعرف ايه هي؟!
سليم: في كارما اللي كمان كام يوم هتسيبنا.
نرمين: ما هي مصيرها تتجوز يا حبيبي.
سليم: بس برضو رغم خناقتنا و كلامنا القليل بس هي بنتي اللي ربيتها بعد بابا.
نرمين مسكت ايد سليم و بصتله بابتسامة هادية.
نرمين: مش هتروح بعيد و في اي وقت توحشك فيه هتروحلها. و كمان انا هكون روحت فين ده انا هقرفك.
سليم: **** يخليكي ليا.
عند علي و ثريا.

علي(بابتسامة): انهاردة اسعد يوم في حياتي.
ثريا(بابتسامة): انا مبسوطة انك مبسوط.
علي(بابتسامة): اكيد هكون مبسوط و انا كمان 8 شهور هيبقي عندي نسخة جميلة زيك.
ثريا(بدموع): انت بجد مبسوط يعني مش ندمان؟!
علي: لا طبعا الحاجة الوحيد اللي مش ندمان عليها انك مراتي.
ثريا(بدموع): انا مش عارفة اقولك ايه بجد انا **** بيحبني لانه بعتك ليا.
ثريا(بدموع): اوعدك طول ما انا عايشة هحاول اسعدك.


علي: انا مش عايز غير اني اشوفك مبسوطة دايما و مفيش حاجة مزعلاكي.
ثريا(بدموع): بجد بحمد **** انه رزقني بيك.
علي: هنقضيها دراما بقي و لا ايه؟! يلا تحبي تأكلي ايه حلو؟!
ثريا: عارف يا علي عايزة ايه؟!
علي: اؤمري.
ثريا: تورتة كبيرة كدة.
علي: تورتة! لمين دي؟!
ثريا: ليا.
علي: هو شغل الوحم هيطلع من دلوقتي؟!
ثريا: يا علي.
علي: طيب قومي نمشي و نشتري من اي محل حلويات.
ثريا(بفرحة): يلا بينا.

علي حط الحساب علي الترابيزة و مسك ايد ثريا و مشيوا,ثريا لمحت سليم و نرمين.
ثريا: ايه ده ده سليم و نرمين هنا؟!
علي: تعالي نسلم عليهم.
علي: سليم.
سليم: علي ازيك.
علي: الحمد****.
ثريا: نرمين.
نرمين: ازيك.
نرمين قامت حضنت ثريا و ثريا حضنتها,علي سلم علي سليم.
سليم: من آخر مهمة مختفي.
علي: واخد اجازة.
سليم: يا بختك يا عم.
علي: هستأذن انا بقي.
نرمين: خليكوا شوية و كمان ملحقتش اتكلم مع ثريا في اي حاجة.

علي: حوارات الستات مش بتخلص. مرة تانية يلا يا ثريا.
ثريا: حاضر. يلا باي.
ثريا و علي خرجوا بره المطعم,نرمين و سليم كملوا قعدتهم.

-في مكان تاني...
عند احمد.
احمد كان قاعد بيشتغل و مركز في شغله لقي الباب اتفتح فجأة اتخض.
احمد: يا بنت المجانين ايه الدخلة دي؟!
كارما(باحراج): ملقتش البت السكرتيرة بره قولت ممكن تبقي هنا و.
احمد: و تخشي فجأة علشان تقفشي عليا حاجة صح؟!
كارما: دايما فاهمني.
احمد: يا رب. يا بت الناس كلها اسبوع و هنتجوز هخونك يعني. ارحمني يا رب.
كارما: **** ما انا لازم اكون متطمنة اني هأخد زوج مش بيخون.

احمد: اطلعي بره يا كارما اطلعي بره.
احمد: احنا مع بعض بقالنا شهور جاية تتأكدي دلوقتي اذا كنت بخونك و لا لا.
احمد: **** يهديكي يا كارما يا بنت مريم.
كارما: طب قوم يلا.
احمد: هنروح فين؟!
كارما(برفعة حاجب): انت نسيت ان النهاردة هنروح المول نشتري كذا حاجة.
احمد: لا منستش بس قولت الساعة 6 الساعة لسة 5: 30.
كارما: لا ما انا قولت اجي اطب عليك.
احمد: اقعدي يا آخرة صبري. و **** بفكر ارجع في البيعة.

كارما: ده انا افرمك يا عم.
احمد: اخرسي و اقعدي.
كارما قعدت و بصت لاحمد بابتسامة.
احمد: انجزي قولي عايزة تشربي ايه؟!
كارما: عصير مانجا.
احمد: طيب.
احمد طلب عصير ل كارما و ركز في الشغل بتاعه...
كارما: يا احمد هو انا بقعد معاك كل يوم سيب الشغل شوية.
احمد: يؤسفني اني اقولك اه يا كارما انتي بتقعدي معايا كل يوم.
كارما: انت بقيت بتكرهني خلاص؟!
احمد: كارما ابوس ايدك نكد مش عايز.
كارما: انت مبقتش تحبني.
احمد: ايوه.

كارما(بشهقة): يا حيوان.
احمد: الصبر يا رب ارجوك الصبر.
كارما(بضيق): انا زهقانة...
احمد: كارما قومي يلا نروح المول. هو انا هعرف اشتغل بالمنظر ده يلا.
احمد قام و خد حاجته و مسك ايد كارما و خرجوا بره الشركة ركبوا عربية احمد و راحوا المول.

-في مكان تاني...
في قصر الانصاري.
كانت الستات قاعدة بتشرب قهوة و شاي و عصير مع بعض و بيتكلموا في مواضيع متنوعة.
اتعرفوا علي وجد اكتر و عصمت بدأت تحبها اكتر.
وجد: ناوليني شيكولاتة من عندك يا سهر.
سهر: علفكرة بقي دي الشيكولاتة ال58.
وجد(بشهقة): انتي بتعدي عليا يا سهر! مكنش العشم.
جودي: هي قصدها تقولك انك خلصتي علي الشيكولاتة كلها...
وجد: طب ما انا عارفة ****. اعيش و اكل و اخلص ليكم الشيكولاتة.

نعمة: مش ناوية انتي و باسل تخلفوا؟!
وجد: لما **** يريد يا طنط.
وجد(بهمس): هي مُصرة تكرهني ليه و **** انا كائن لطيف كيوت كدة.
اسيل(بهمس): مغرورة اوي.
وجد(بهمس): دي ثقة في النفس يا اختاه.
عفاف: بطلوا رغي مع بعض و كلوا كيكة انا اللي عاملاها...
وجد: هي الحلويات دي مش بنشوفها كتير ليه؟! بحسكوا ناس بخيلة و ****.
سمر: يا بت اتهدي شوية.
وجد: مش عارفة مالي حاسة ان حد شربني حاجة خمرة ويسكي كدة يعني.

عفاف: كلي يا اختي.
وجد: طيب.
وجد كانت حاسة انها مش مظبوطة و كانت عايزة تنام.
اسيل: حازم اخيرا جيت.
حازم: علي اساس كنتي مستنياني؟!
اسيل: جبتلك عريس يا عم.
جودي(بضحك): عريس!
اسيل: يووووووووه بنسي دايما انك ولد.
حازم: لا ده انا النهاردة بالذات اتأكدت انك ناقصة تربية.
حازم قلع حزام بنطلونه و اسيل صرخت و طلعت تجري و حازم وراها...
حازم: لو معتز و عفاف معرفوش يربوا انا هنا يا حبيبتي. تعالي هنا.

رضوان: خلاص يا حازم.
طارق: جودي.
جودي قامت حضنت طارق و طارق باس رأسها,باسل كان واقف حاطط ايده في جيبه ببرود و بص ل وجد و بعدها قرب من عصمت باس ايديها.
باسل: فين حياة؟!
عصمت: تعبت شوية قالت هتطلع ترتاح...
باسل: تمام عن اذنكم هطلع اغير هدومي و انام علشان ورايا سفر بكرة.
عفاف: طب كُل مع وجد دي وجد مأكلتش حاجة النهاردة خالص. هو انت لحقت يا ابني علشان تسافر؟!
باسل: هرتاح شوية يا مرات عمي. عن اذنكم.

باسل: و اللي مأكلش يأكل مش لازم انا أكله.
وجد بصت ل باسل برفعة حاجب و باسل سابها و طلع لاوضته...
عصمت: اطلعي وراه يا وجد.
وجد: ليه يعني مش هيقدر يعمل حاجة لوحده.
نعمة: انتي مزعلاه؟!
وجد: يا شيخة انتي ما بتصدقي تمسكي عليا غلطة.
وجد سابتهم و طلعت لاوضتها.
جودي: هي قلبت كدة ليه؟!
اسيل: شكلها متضايقة يا جودي سيبيها.
طارق: تعالي يا حبيبتي معايا.
جودي: طيب.


جودي و طارق طلعوا لاوضتهم,طارق دخل يأخد دوش و جودي طلعت ليه هدوم.
جودي: قولي عملت ايه النهاردة؟!
طارق: مفيش حاجة مهمة...
جودي: طب هتخرجني فين بكرة؟!
طارق: ليه هو بكرة ايه؟!
جودي(بصدمة): انت متعرفش بكرة ايه؟!
طارق: لا. هو بكرة ايه؟!
جودي(بغضب مكتوم): مفيش حاجة.
جودي(بغضب مكتوم): نام نام انت تعبان.
طارق: طيب تصبحي علي خير.
طارق راح ناحية السرير و نام عليه و غمض عينه و بدأ ينام,جودي كانت متغاظة من طارق جدا.


جودي مسكت مخدة و ضربته بيها و سابته و نزلت ل تحت و هي في قمة غضبها.
عند باسل و وجد.
باسل طلع لاوضته و بدأ يقلع قميصه لقي الباب بيتفتح و وجد دخلت منه و راحت ناحية باسل.
باسل بصلها بطرف عينيه و وجد وقفت مربعة ايديها.
باسل: خير جنابك مروحتيش ليه مكان تغيري فيه جو؟!
وجد: عادي.
باسل: طيب.
وجد: جنابك سلمت عليهم كلهم تحت و مسلمتش عليا ليه؟!
باسل: مأخدتش بالي انك موجودة.
وجد(برفعة حاجب): و المفروض اني اصدق؟!

باسل: لو مش عايزة تعملي مشاكل.
وجد: باسل.
باسل: امممم.
وجد: اوف بقي عديها.
باسل ساب وجد و دخل الحمام و خرج لقاها قاعدة علي السرير بتبصله برفعة حاجب.
باسل: حصل ايه غير رأيك؟!
وجد: مش لازم تعرف.
باسل اترمي علي السرير جمب وجد و شدها لحضنه.
باسل: مقدرش ازعل منك.
وجد: طبعا انا محدش يقدر يقاومني.
باسل حط ايده علي خد وجد و باس رأسها و ابتسم ليها,وجد قربت منه و (لخيالكوا)و.

-في مكان تاني...
عند قصي و ليلي.
ليلي(بتعب): قصي.
قصي(بنوم): ايه يا ليلي؟!
ليلي(بتعب): قوم وديني المستشفي انا تعبانة.
قصي(بنوم): حاولي معلش استحملي لحد بكرة.
ليلي(بتعب): قصي.
قصي(بنوم): ايه يا ليلي ايه يا حبيبتي؟!
ليلي(بتعب): حاسة إني هولد.
قصي(بنوم): **** يهديكي نامي.
ليلي(بتعب): انت مش حاسس بيا قوم يا قصي.
ليلي(بتعب): بولد.
قصي قام قعد نص قعدة علي السرير و بص ل ليلي.


قصي: يا ليلي يا حبيبتي ولادة ايه بس دلوقتي؟!
ليلي(بتعب): و هي ليها ميعاد جنابك؟!
قصي: هتصلك بالدكتورة تقول علي مسكن لحد بكرة.
قصي مسك موبايله و اتصل بالدكتورة الخاصة ل ليلي.
الخط اتفتح.
قصي: الو. بعتذر إني اتصلت بحضرتك في وقت متأخر زي ده.
الدكتورة: لا عادي اتفضل.
قصي: ليلي كانت حاسة بألم ف لو في مسكن او اي حاجة تخفف الالم لحد بكرة.
قصي اتخض لما سمع صوت صريخ ليلي العالي.
ليلي(بصريخ): الحقني يا قصي.

قصي(بقلق): ها يا دكتور؟!
الدكتورة: جيبها المستشفي انا هكون موجودة هناك.
قصي(بقلق): حاضر يا ليلي حاضر.
قصي قام جاب هدوم ل ليلي و غير ليها هدومها و شالها و خرج بيها بره اوضته.
رانيا: هي الهانم فيها حاجة؟!
قصي: معرفش يا رانيا خليكي صاحية علشان لو احتاجتك في حاجة.
كان احمد داخل من باب القصر لقي قصي و هو شايل ليلي و ليلي بتصرخ.
احمد: في ايه؟!
قصي: معرفش يا احمد. هوديها المستشفي...
ليلي(بصريخ): ما تنجز يا زفت.

احمد: طب يلا بسرعة.
التلاتة خرجوا بره القصر و ركبوا العربية و راحوا المستشفي...

-في مكان تاني.
في باريس.
كان سيف فاق من يومين و قال ل وجد انه هيصفي شغله في باريس و يرجع تاني...
سيف كان بيتمشي في شوارع باريس سمع صوت حد بيصرخ بس صوته مكتوم.
سيف راح ناحية الصوت لقي شابين بيحاولوا يعتدوا علي بنت.
سيف(بالفرنسية,بحدة): انتوا بتعملوا ايه؟!
شاب(بالفرنسية): امشي من هنا.
بنت(بالفرنسية,بدموع): انقذني.

شاب قرب من سيف و هو ماسك سكينة صغيرة في ايده و قرب من سيف بس سيف مسك ايده و تناها ل ورا و ضربه في رجله.
الشاب التاني قرب من سيف و حاول يضربه بس سيف برضو ضربه,الشاب التاني مسك السكينة من علي الارض و ضرب بيها سيف.
الشاب(بالفرنسية): يلا نهرب.
سيف وقع علي الارض,البنت قربت من سيف و قعدت علي ركبتها قدامه.
بنت(بالفرنسية,بعياط): انت كويس؟!
سيف(بصدمة,وجع): ميرا!
سيف وقع بين ايدين البنت دي مغمي عليه.


الجزء العاشر

في الصباح الباكر.
وجد كانت نايمة هي و باسل,تليفون باسل قعد يرن.
وجد(بنوم): باسل يا باسل قوم.
وجد هزت باسل من كتفه ف باسل فتح عينه بتعب.
باسل: ايه يا وجد؟!
وجد: تليفونك بيرن. قوم شكل في حاجة مهمة.
باسل مسك تليفونه,الخط اتفتح.
باسل(بنوم): الو.
قصي: انت لسة نايم؟!
باسل(بنوم): اه نايم متأخر عايز ايه و انت مين؟!
قصي: انا قصي يا باسل. و شكلك كدة ضايع خالص.
قصي: هي فين وجد؟!
باسل(بنوم): نايمة.

قصي: طب بقولك ايه؟!
باسل(بنوم): يا ريت نخلص.
قصي: قول ل وجد مبروك بقيتي عمة.
باسل(بنوم): ماشي ا.
باسل: ايه؟!
باسل: انت خلفت؟!
باسل: اقصد يعني ليلي خلفت و بقيت اب؟!
قصي: اه. هستناكوا في المستشفي.
باسل: طيب، الكلام ده امتي؟!
قصي: امبارح بليل بس ليلي تعبت فنقلوها الاوضة علطول و لسة مفاقتش، اما ******* في الحضانة لانهم اتولدوا قبل الميعاد...
باسل: طفلين!
قصي(بضحك): ايوه بنت و ولد.

باسل: يتربوا في عزك. الف مبروك هصحي وجد و نيجي.
قصي: طيب هستناكوا.
باسل قفل مع قصي و قام دخل الحمام غسل وشه و خرج قرب من وجد و ملس علي خدها.
وجد(فتحت نص عين): عايز ايه؟!
باسل: يلا قومي ورانا مشوار.
وجد(بنوم): بعدين دلوقتي عايزة انام.
باسل: يلا يا وجد قومي...
وجد(بنوم): يا باسل. طب هنروح فين؟!
باسل: ليلي خلفت؟!
وجد(بفرحة): بجد!
باسل: ايوه يلا نروحلها.
وجد: طيب طيب. خلفوا ايه مرضيوش يعملوا سونار نعرف؟!

باسل: ولد و بنت.
وجد: **** اكيد حلوين. **** يبارك فيهم.
باسل قرب من وجد و حاوط خصرها بايده و قربها منه...
باسل: مش ناوية بقي نجيب احنا كمان *** صغير كدة العب بيه.
وجد: لما **** يريد...
وجد: باسل ممكن اسأل سؤال؟!
باسل: لو هينكد علينا فبلاش.
وجد: لو مخلفتش تاني هتعمل ايه؟!
باسل لا رد. باسل قعد دقيقة باصص ل وجد و وجد اتوترت من نظراته.
باسل: و لا اي حاجة هحمد **** انك في حياتي...

باسل: و كمان حد معاه القشطة و العسل ده هيكون عايز عيال تبعده عنها.
باسل قرب من وجد باس خدها و وجد ابتسمت ليه و دخلت الحمام خدت دوش سريع و خرجت تغير هدومها...
وجد لبست فستان باللون الازرق الهادئ ب ¾ كم و واسع و لغاية بعد الركبة و لبست صندل من غير كعب باللون الابيض و رفعت شعرها ديل حصان و حطت مكياچ هادئ.
وجد: انا جاهزة.
باسل: يلا بينا...
باسل و وجد خرجوا بره اوضتهم و باسل وقف في نص الممر.

باسل: انزلي انتي يا وجد هطمن علي حياة و اجي.
وجد: هأجي معاك.
باسل: طيب يا حبيبتي.
باسل و وجد راحوا لاوضة حياة و خبطوا الباب.
حياة: ادخل.
باسل: حبيبتي عاملة ايه دلوقتي؟!
حياة: بخير يا حبيبي. انت اخبارك ايه؟!
باسل: كويس بيكي.
باسل مسك ايد حياة و باسها تحت نظرة وجد.
باسل: بعد ما ارجع هأخدك انتي و وجد نلف شوية كدة بالعربية و نخرج.
حياة(بابتسامة): طيب يا حبيبي.
باسل: يلا ننزل نفطر.
حياة: يلا.


التلاتة نزلوا ل تحت كان في اللي قاعد علي السفرة بيفطر,جودي طول ما هي بتأكل بتبص ل طارق.
سمر: ما تأخديله صورة في ايه؟!
جودي(بضيق): مفيش حاجة.
وجد(بهمس): انا هتصل ب خالو اكلمه...
باسل: خليها بعد الفطار و احنا ماشين.
وجد: طيب.
كلهم بدأوا يأكلوا في صمت و في بينهم نظرات بس.
باسل: عن اذنكم، يلا يا وجد.
اسيل: هترجعي تشتغلي تاني؟!
وجد: لسة بفكر دلوقتي هروح ابارك لابن عمي علشان مراته خلفت...
الكل: مبروك.

وجد: **** يبارك فيكم...
باسل: يلا يا وجدي.
باسل مد ايده ل وجد و وجد مسكت فيه و مشيوا هما الاتنين بره القصر ركبوا العربية و راحوا ناحية المستشفي اللي فيها قصي.
باسل: اسبقيني هركن العربية.
وجد نزلت من العربية و دخلت علي جوا سألت علي اوضة ليلي و بدأت تمشي في الممر فجأة لقت حد بيحط دراعه علي كتفها.
وجد: باسل! خضتني.
باسل(بابتسامة): يلا بينا.
وجد و باسل وصلوا لاوضة ليلي لقوا احمد قاعد بره...
باسل: ازيك.

باسل سلم علي احمد و حضنه,احمد سلم علي وجد.
وجد: ازيك ايه الدنيا؟!
احمد: تمام. خشي ل ليلي هي جوا مع ياسين و يمني.
وجد: تمام.
باسل: فين قصي؟!
احمد: قالي خليك انت هنا هروح ادفع المصاريف.
باسل: طيب. خلينا احنا هنا.
وجد: هدخل انا.
باسل: ماشي.
وجد دخلت ل ليلي و هي مبسوطة اوي.
وجد(بفرحة): مبروووووووووك.
وجد حضنت ليلي و ليلي ابتسمت ليها.
ليلي(بفرحة): **** يبارك فيكي يا حبيبتي.
وجد: فين ياسين و يمني؟!

ليلي(بحزن): في الحضانة.
وجد(بابتسامة): مجرد اجراء احتياطي يا حبيبتي.
الباب خبط و الممرضة دخلت و هي شايلة ياسين و يمني.
الممرضة: اتفضلي.
وجد(بابتسامة): واو. شكلهم حلو.
وجد مسكت ياسين من الممرضة و الممرضة ودت يمني ل ليلي...
وجد كانت مبسوطة و هي شايلة الطفلة و بتبتسم ليه و قعدت تلعب معاه و بتبص ل ليلي و بتضحك.
وجد: جميل اوي يا ليلي.
ليلي: اتشطري انتي و باسل.

وجد ابتسمت ل ليلي بهدوء و قعدت و هي شايلة ياسين و افتكرت ابنها اللي هي فقدته بسبب باسل و عينيها دمعت.
وجد(بابتسامة): لحظة و جاية.
وجد حطت ياسين جمب ليلي و خرجت بره الاوضة و قفلت الباب لقت باسل و احمد بيضحكوا بصت لباسل و سابته و مشيت.
احمد: مالها؟!
باسل: معرفش. هروح اشوفها عن اذنك.
باسل خرج ورا وجد لقاها خرجت بره المستشفي و وقفت في جمب لوحدها.
باسل: وجد.
وجد: عايزة ابقي لوحدي.
باسل: طب بصيلي.

وجد: مش عايزة.
باسل قرب من وجد و لفها ليه وجد حطت عينيها في الارض,باسل رفع وش وجد ناحيته دموعها نزلت علي خدها...
باسل: ممكن افهم فيكي ايه؟! و ايه اللي حصل كنتي داخلة مبسوطة.
وجد: مش مهم.
باسل: لا من حقي اعرف فيكي ايه.
وجد: لما نروح سيبني دلوقتي.
باسل: ا.
وجد(بحدة,دموع): عايز تعرف إني لغاية دلوقتي مش قادرة انك كنت السبب في إني اخسر ابني و حاجات تانية كتير كنت انت السبب فيها.

باسل قرب من وجد و خدها في حضنه و هي زقته بايديها و كانت لسة هتتكلم لقت قصي بيزعق.
باسل و وجد بصوا ناحية قصي لقوه بيتخانق مع حد الاتنين راحوا ناحيته.
باسل: قصي قصي اهدي...
قصي(بغضب): ابعد انت يا باسل. انت يا زبالة مش واخد خمسة مليون جنيه علشان تبعد عنها.
محمود(اخو ليلي): خلصت و عايز تاني. و كمان جاي اقول لاختي مبروك انت مالك...
قصي(بغضب): لا ده انت ناقص رباية.

قصي كان رايح لمحمود يضربه و باسل ماسكه,محمود شد وجد من دراعها و حط علي رقبتها سكينة.
باسل(بحدة): نزل ايدك عنها.
وجد بصت ل قصي و باسل و غمضت عينيها,وجد داست علي رجل محمود و ضربته بكوعها في جمبه و ضربته برأسها في وشه.
وجد جريت علي باسل و قصي راح ناحية محمود يكمل عليه ضرب,باسل قرب من قصي و بِعده عن محمود.
باسل: خليك انت.
باسل مسك محمود من قميصه و ضربه بوكس في وشه كذا مرة و زقه علي الارض.

قصي(بغضب): مش عايز اشوف وشك تاني قريب مني انا او ليلي.
محمود(بغضب): هتندم يا قصي. و كمان هي علطول بتوديني فلوس علشان ابعد عنك.
التلاتة بصوا ل بعض و قصي قرب من محمود تاني.
قصي(بغضب): بتستغلها يا حقير يا سافل بتستغل اختك...
قصي ضرب محمود لغاية ما باسل نادي امن المستشفي و خدوا محمود من ايدين قصي.
باسل: هكلم انا المدير. يلا يا قصي ندخل احنا علشان زمان ليلي بتسأل عليك.

باسل مسك ايد وجد و دخل المستشفي مع قصي.
وجد: هو ايه اللي جابه تاني مش كنا خلصنا منه؟!
قصي(بغضب): ما هو علشانه عيل.
باسل: خلاص يا قصي اهدوا حصل خير. هخلي مدير الامن يظبطه.
احمد: اتأخرتوا ليه؟!
قصي: كنت بعمل حاجة كدة.
وجد: انا مشوفتش ياسين و يمني يا قصي خش شوفهم.
قصي(بابتسامة): طيب يلا ندخل.
كلهم دخلوا اوضة ليلي و قصي قرب من ليلي باس رأس ليلي و ابتسم ليها بحب.
قصي: حمدلله علي السلامة يا حبيبتي.

ليلي: **** يسلمك.
قصي باس رأس ياسين و يمني و حضن ليلي.
احمد: الواد ده انت ملكش دعوة بيه ده هيبقي حبيبي عمه.
وجد: الا انت لاحسن يطلع صايع بتاع بنات.
احمد: ملكيش دعوة فيه. ده هيبقي دنجوان ده.
ليلي: ابني هيطلع رسام زي ابوه ملكوش دعوة انتوا.
قصي: طيب يا ام العيال.
وجد: قولها يا ام ياسين احسن.
ليلي: يا رخمة.
كلهم قعدوا يتكلموا و مبسوطين ب ياسين و يمني...

-في مكان تاني...
عند ثريا.
ثريا كانت واقفة في المطبخ بتعمل أكل...
ثريا بعد فترة بسيطة حست بخيال حد وراها خافت جدا و مسكت سكينة في ايديها و حطت ايديها علي بطنها.
ثريا(لنفسها,بدموع): يا رب احميني انا و هو.
ثريا لفت بصت وراها ملقتش حد اتنهدت...
ثريا: اوف كنت حاسة إني هموت.
جاسر: ثريا.
ثريا(بفزع): يا ماما.
جاسر(بخبث): وحشتك صح.
ثريا(بخوف): انت عايز ايه؟!
جاسر: بصراحة كدة قولت اجي اشوفك وحشتيني موت.

ثريا(بحدة): اطلع بره و الا و ربي لاقتلك.
جاسر(بسخرية): ضحكتيني اوي يا بت.
جاسر قرب من ثريا خطوتين و ثريا رجعت ل ورا و هي خايفة من جاسر بس بتحاول متبينش.
شخص: ثابت.
جاسر لف بسرعة لقي بوليس و علي معاهم,ثريا جريت علي علي حضنته جامد.
علي: متخافيش يا حبيبتي انا معاكي.
ثريا(بدموع): كنت خايفة ل متجيش.
علي: انا جمبك و مش هسيبك...
علي باس رأس ثريا و بص ل جاسر بغضب.

علي: كدة حضرتك انت مسكته متلبس. تقدر تأخده و تتصرف معاه.
ظابط: تمام شكرا لتعاونك معانا.
جاسر(بغضب): سيبوني انا معملتش حاجة هي اللي جابتني ل هنا.
ثريا(باعتراض): لا لا و **** يا علي لا.
علي: انا عارف يا حبيبتي.
علي قرب من جاسر و ضربه كذا بوكس في وشه و رماه للظابط.
علي: عايزك تظبطه لغاية ما يأخد حكمه.
ظابط: اكيد. عن اذنك.
الظابط مشيوا و علي حضن ثريا جامد و هي كانت بتعيط في حضنه جامد.


علي: خلاص خلصنا منه مفيش حاجة هتضايقنا بعد الان.
علي مسك ايد ثريا و باسها و قعد علي ركبته و ابتسم ل ثريا و باس بطنها و هي كانت بتضحك و هي بتعيط...
علي: **** يخليكي ليا و يا رب اعرف اسعدك انتي و ابننا إن شاء ****.
علي: و مش عايزك ابدا تحسي بالنقص انتي في نظري ست البنات كلهم و هتفضلي كدة.
علي: فاهمة يا ست البنات؟!
ثريا هزت رأسها بمعني اه و هي بتعيط و علي قام وقف و حضنها و رفعها من علي الارض.

علي ابتسم ل ثريا و ثريا باست خده و هي بتعيط.
علي: انا بحبك.
ثريا: و انا اكتر منك...
علي ضحك علي ثريا و شدد عليها و هي في حضنه.

-في مكان تاني...
عند طارق و جودي.
طارق(بحدة): يعني ايه ضاع يا هانم؟!
جودي(بتوتر): معرفش يا طارق.
طارق(بحدة): و النبي؟! يعني ايه متعرفيش؟! و ايه طارق دي هو احنا في البيت.
جودي(بتوتر): يا طارق احم اقصد يا استاذ طارق...
جودي(بتوتر): الملف ده ضاع بقي و خلاص ليه نضايق نفسنا...
طارق(بغضب): نعم يا اختي! انتي عارفة بشتغل علي ام الملف ده بقالي قد ايه؟!
جودي(بدموع): **** اعمل ايه بقي ضاع و خلص الموضوع...

طارق: غوري من وشي يا جودي غوري.
جودي(بدموع): علفكرة ده مش ذوق.
طارق(بغضب): جودي انتي ليه مش مقدرة الغلط اللي انتي عملتيه انتي هبلة يا بنتي.
جودي(بدموع): انا بستقيل...
جودي سابت طارق و خرجت خدت شنطتها و نزلت ل تحت ركبت تاكسي و راحت للقصر.
طارق قعد علي كرسي المكتب بتعب.
طارق(بغيظ): تعمل العملة و تهرب...
الباب خبط.
طارق: ادخل.
رضوان: فين الملف اللي باسل قالنا نجهزه؟!
طارق: ضاع.

رضوان(بحدة): افندم يعني ايه ضاع؟!
طارق: اهو اللي حصل يا رضوان بقي دورت عليه كتير...
رضوان(بحدة): و بكرة هنعمل ايه؟!
طارق: هشتغل عليه طول الليل تاني.
رضوان(بحدة): هعتمد عليك يا طارق في دي.
طارق(بخنقة): طيب...
رضوان ساب طارق و مشي و طارق حط رأسه بين ايديه و بعدها بشوية طلب قهوة و بدأ يشتغل علي الملف تاني...

-في مكان تاني...
في قصر الانصاري.
جودي(و هي في بوقها اكل): اكلوني تاني يلا يلا.
عفاف: ما تيجي تأكليني يا بت.
سمر: في ايه ده انتي خلصتي علي كل اللي علي السفرة...
جودي: **** جعانة يا اخت جعانة...
اسيل: بت يا جودي حد عملك حاجة مالك بتأكلي كدة ليه.
جودي: مكتئبة ****.
سمر: لا ما هو الاكتئاب باين اوي اوي يعني.
جودي: ملكيش دعوة يا سمر مش كفاية اخوكي هو اللي مزعلني.
سمر: و **** اشك.

اسيل: طب براحة يا حبيبتي لتموتي مش ناقصين فرح كارما كمان كام يوم.
جودي: اه يا واطية.
عفاف: يا بنتي اهدي علي نفسك كدة.
جودي: محدش ليه دعوة.
عفاف: تصدقي يا بت انا فعلا مالي بيكي موتي و ريحيني منك، هتلاقي طارق زهق منك.
عفاف سابت البنات و دخلت المطبخ,البنات قربت من جودي و قعدوا جمبها.
سمر: ده بذمتك شكل انثي.
اسيل: انثي ايه؟! دي مكملتش كلبة حتى.
جودي(بغيظ): شكلكم عايزين تضربوا.
سمر: بس يا بت.

سمر: اومال فين سهر دي؟!
اسيل: مش قالت جاية كانت مع امير.
عند سهر و أمير.
سهر(بخجل): شكرا.
امير: علي ايه بس. احم اتفضلي...
سهر(بخجل): ايه ده؟!
امير: هدية بسيطة مني ليكي.
امير: احم آنسة سهر.
سهر: نعم؟!
امير: ممكن اسأل سؤال؟!
سهر: اتفضل.
امير: حضرتك مغصوبة علي الجواز مني؟!
سهر(بتوتر): لا.
سهر: و انت؟!
امير(بضحك): هتغصب عليكي ليه يعني؟! لا انا شوفتك بنت مناسبة و دخلت البيت من بابه.

سهر(بابتسامة و خجل): شكرا. عن اذنك.
امير: هشوفك يوم كتب الكتاب.
سهر: تمام عن اذنك.
امير: انا لحد الان سايبك براحتك لكن بعد كتب الكتاب اتمني تتخلي عن خجلك شوية...
سهر سابت امير و نزلت و امير ابتسم ليها و شاور ليها بمعني باي,سهر دخلت القصر.
اسيل: تعالي هنا عملتي ايه؟!
سهر: مفيش خرجنا و خلاص.
سمر: ايوه يعني مسك ايدك او كدة؟!
سهر: انتوا عارفين اني بتكسف...

اسيل: هتفضلي كدة كتير مش هتفتحي مجال حوار لازم تعرفي معلومات عنه كتير.
سهر: الايام جاية.
سمر: ده انتي قفل.
سهر: متشكرة ملكيش دعوة يا رخمة انتي.
جودي(بضحك): انا و سهر اجمعنا انك رخمة.
سمر: امشي يا بت منك ليها شوفي شكلك في المراية.
اسيل: سمر سيبيهم كدة.
جودي: بس بس سيبوني اكل براحتي.
سهر: ايه كل الاكل ده؟!
جودي: قولي بسم **** ما شاء ****.
اسيل: امشي يا بت.
البنات قعدت تهزر و تضحك كتير.
في الليل.

كان الوقت متأخر و جودي قاعدة في اوضتها منتظرة طارق,بعد فترة بسيطة لقت طارق دخل اوضتهم.
جودي: طارق.
طارق: مساء الخير.
جودي: مساء النور. عامل ايه؟! احم عرفت ترجع الملف؟!
طارق: جودي.
جودي: نعم.
طارق قرب من جودي و باس رأسها و طلع من جيبه علبة صغيرة باللون الاحمر قطيفة.

طارق: مقدرش انسي عيد ميلادك كل سنة و انتي طيبة بس اعذريني النهاردة هشتغل علي الملف اللي انتي ضيعتيه و لما افوق من الشغل هعملك كل اللي انتي عايزاه.
جودي فرحت و حضنت طارق جامد و هي مبسوطة.
جودي: انت احلي طارق في حياتي.
طارق: يا رب تعجبك.
جودي فتحت عبلة الهدية لقت خاتم شيك جدا من الماس,جودي ابتسمت ل طارق و باست خده.
جودي: بحبك اوي.
طارق: و انا كمان.
طارق قرب من جودي و (لخيالكوا).


طارق: نامي انتي انا هشتغل علي الملف.
جودي: هساعدك.
طارق: بلاش علشان متتعبيش.
جودي: لا متخافش هكون مبسوطة.
طارق: طيب يا حبيبتي.
طارق دخل خد دوش و خرج غير هدومه و قعد هو و جودي بدأوا يشتغلوا علي الملف.
جودي: هو ليه مهم كدة؟!
طارق: علشان الملف ده تبع صفقة كبيرة اوي باسل ناوي يدخلها...
جودي: اه علشان كدة.
جودي و طارق قعدوا يشتغلوا علي الملف و جودي كل شوية بتضحك مع طارق و تهزر معاه...


جه يوم فرح كارما و احمد و كتب كتاب سهر و امير,كان الكل مبسوط و بيجهز من الصبح.
باسل: يا وجد يا وجد.
وجد(بزهق): نعم يا باسل دي مية مرة تناديني فيها.
باسل: **** مش لاقي الجذمة اللي انا عايزها.
وجد: اهي يا باسل اتعب شوية و دور.
باسل باس خد وجد و خد الجذمة و بدأ يلبسها,وجد راحت وقفت قدام المراية تظبط شعرها.
باسل: كلهم جهزوا؟!
وجد: اه.
باسل: و سهر؟!
وجد: كلنا جهزنا.

باسل: طب قولي ل حازم ظبط الطريق زي ما باسل قالك.
وجد: باسل انت قولتلي الجملة دي تلت مرات و انا قولت ل حازم...
وجد قربت من باسل و حاوطت رقبته.
وجد: مالك متوتر كدة ليه؟!
باسل: حاسس ان في حاجة هتحصل.
وجد: حبيبي مفيش حاجة خالص هتحصل متخافش.
وجد: الدنيا حلوة اهي...
وجد(بابتسامة): بحبك.
باسل: انتي اللي مهونة عليا عيشتي.
وجد(بغرور): طبعا هو انا اي حد.
باسل: لا انتي وجدي.

وجد: يلا هنتأخر عمتك ما بتصدق تمسك علينا حاجة.
باسل(بضحك): يلا.
باسل و وجد خرجوا بره اوضتهم و نزلوا ل تحت كان الكل جاهز و منتظرهم.
نعمة: ما تبيتوا فوق احسن.
باسل: و **** كان نفسي يا عمتو بس بقي قولت بعد الفرح...
وجد ضربت باسل بكوعها في جمبه و بصتله بغيظ.
رضوان: يلا يا جدعان كدة هنتأخر.
باسل: يلا.
سهر(بهمس): بت انا حلوة؟!
سمر(بهمس): ده الواد هيموت يا بت من حلاوتك.


سهر خدت ثقة من كلام سمر و خدت نفس عميق و مشيت معاهم...
سهر لبست فستان ب ¾ كم باللون الاحمر الغامق و نازل بوسع لغاية الركبة و طويل من ورا و لبست صندل بكعب بنفس لون الفستان و حطت مكياج هادئ و رفعت شعرها علي شكل كحكة عالية و نزلت كام خصلة من شعرها.
بدأوا يركبوا العربيات و يروحوا ناحية القاعة.
عند كارما.
كارما: مظبوط كدة؟!
نرمين: ايوه اهو يا بنتي مظبوط.
كارما(بتوتر): بجد يا نرمين يعني مش بتجامليني.

نرمين: يا بنتي بقولك للمرة المليون الفستان تحفة.
كارما: طيب.
كارما كانت لابسة فستان باللون الابيض بحمالة عريضة علي الكتف و واسع و طويل كان سادة و فيه فصوص بسيطة و لبست صندل بكعب باللون الابيض و حطت روچ احمر غامق و كحل حدد عينيها و مكياج بسيط.
مريم(بدموع): بسم **** ما شاء **** **** يبارك فيكي يا روحي.
كارما(بدموع): هتوحشيني اوي.
كارما حضنت مريم جامد و مريم عيطت.
مريم: كان نفسه يشوفك عروسة.

كارما(بدموع): و انا كان نفسي هو اللي يسلمني لاحمد يا ماما.
سليم: علفكرة انتي بتغلطي فيا و ده مش حلو.
كارما جريت علي سليم و حضنته جامد و سليم باس رأسها.
سليم: هتوحشيني اوي يا حبيبتي.
كارما: و انت اوي.
سليم: كلها شهر و هترجعي.
كارما: بحبك.
سليم: و انا اكتر.
نرمين: لا لو سمحت جوزي محدش يقوله بحبك غيري.

الاربعة ضحكوا و سليم باس رأس نرمين و مسك ايد كارما و خرجوا من اوضتها كان احمد واقف ببدلته منتظر كارما بشوق و لهفة,قصي و ليلي كانوا واقفين كل واحد شايل ***...
قصي: احمد.
احمد: ها.
احمد رفع عينيه لقي كارما و هي ماسكة في ايد سليم و نازلة معاه علي السلالم ابتسم و فرح جدا لما وقفت قدامه.
سليم: اياك...
احمد: من غير ما تكمل اليوم اللي هي تزعل فيه بسببي مش هكون موجود اصلا.

احمد مسك ايد كارما اللي بصتله بخجل من جملته احمد باس ايديها و رأسها.
احمد: مش يلا و لا هنبات هنا كتير.
الكل ضحك علي احمد,احمد مسك ايد كارما و خرجوا من الفيلا ركبوا العربية و راحوا علي القاعة.
الكل بدأ يدخل القاعة و كل الناس كانت مبسوطة مفيش بينهم حد حقود او بيكرههم و كتبوا كتاب سهر و امير و امير حضن سهر و لف بيها كتير.
امير(بابتسامة): اظن انك مراتي يعني.

سهر خجلت من امير و امير حضنها جامد,احمد و كارما كتبوا الكتاب و احمد كان مبسوط اوي.
احمد(بابتسامة): انتي الحاجة الجميلة اللي في حياتي. انتي اللي تستحقي اني ابقي معاكي غير الكل.
كارما(بابتسامة): بحبك يا ابو حميد.
احمد ضحك علي كارما و خدها في حضنه و باس رأسها...
عند الباقي.
وجد و نرمين كانوا قاعدين جمب بعض و بيضحكوا.
نرمين(بوجع): آه.
وجد(بضحك): هتولدي و لا ايه؟!
نرمين: بذمتك ده وقت ضحك.

وجد: طب حاسة بايه طيب؟!
نرمين: مش عارفة وجع شديد كدة يا وجد.
وجد: طب قومي معايا ندخل الحمام.
نرمين: طيب.
وجد قامت هي و نرمين دخلوا الحمام و نرمين كانت حاسة بوجع شديد في بطنها.
نرمين(بوجع): الحقيني يا وجد.
وجد(بقلق): طب هنادي باسل او سليم خليكي هنا لحظة.
وجد خرجت و بدأت تدور علي سليم او باسل,فخبطت في سليم غصب عنها.
وجد: سليم يا سليم.
سليم: ايه يا وجد؟! لو عايزة باسل فهو ا...
وجد: تعالي معايا دلوقتي.

سليم: في ايه؟!
وجد: نرمين تعبانة اوي.
سليم مشي مع وجد و راح ناحية نرمين خرجوها من الحمام,سليم وطي شال نرمين و خرجوا بره القاعة.
سليم(بقلق): هي مالها؟!
وجد: متخافش حاجة بسيطة إن شاء ****.
سليم وقف قدام المستشفي و نزل دخل ب نرمين الطوارئ و جت الدكتورة و بدأت تفحصها.
وجد: متقلقش يا سليم اهدي.
تليفون وجد رن، الخط اتفتح.
باسل(بحدة): انتي فين يا وجد؟!
وجد: اهدي يا باسل انا مع نرمين في المستشفي.


باسل(بقلق): ليه في ايه؟!
وجد: نرمين تعبت.
الدكتورة: حضرتك جوزها؟!
سليم: ايوه انا.
الدكتورة: المدام كلت اكل فاسد و ده اثر عليها و خصوصا انها في الشهور الاولي من الحمل.
سليم(بصدمة): حمل!
وجد(بفرحة): نرمين حامل.
باسل: الكلام ده حقيقي يا وجد؟!
وجد(بفرحة): ايوه يا باسل.
سليم(بفرحة): انتي متأكدة يا دكتور؟!
الدكتورة(بابتسامة): اه يا ريت يبقي في عناية.
سليم(بفرحة): تمام شكرا. حاضر حاضر.
سليم(بفرحة): سمعتي يا وجد؟!

وجد(بابتسامة): خد باسل عايز يبارك ليك.
سليم: الو يا باسل.
باسل: مبروك يا عم اخيرا هتخليني عم.
سليم: **** يبارك فيك.
وجد: هدخل اطمن عليها.
سليم: خليكي خدي كلمي باسل.
وجد(بضحك): شكله موسم و الكل حامل فيه.
باسل: اه. **** يسعدهم.
وجد(بتنهيدة): يا رب.
باسل: انا جايلكم.
وجد: لا خليك معاهم و في الاخر عدي عليا خدني.
باسل: طيب اقفلي دلوقتي.
سليم دخل ل نرمين لقاها نايمة علي السرير مغمضة عينيها.
سليم: نرمين حبيبتي.

(بابتسامة): عرفت.
سليم: كان احلي خبر اتقالي النهاردة.
نرمين(بابتسامة): انا مبسوطة اوي.
سليم: و انا اكتر يا حبيبتي.
سليم باس رأس نرمين و خدها في حضنه و هي كانت مبسوطة اوي...
في الفرح.
كان الفرح بدأ يخلص و ركبوا العربيات,احمد و كارما وصلوا للمطار و الباقي بدأ يرجع ل بيته,باسل عدي علي وجد و خدها و مشي,سهر و امير خرجوا مع بعض شوية...
كارما و احمد سافروا ل سويسرا و راحوا للفندق اللي حجزوا فيه...
احمد: ادخلي.

كارما: متزوقش.
احمد: خشي يا بنتي مالك مكسوفة؟!
كارما: انا!
احمد: لا ده انتي هترغي.
احمد وطي و شال كارما و دخل لاوضة الفندق و قعدها علي الكنبة.
كارما: انت ممدحتش في جمالي النهاردة خالص.
احمد قعد جمب كارما و باس رأسها.
احمد: انتي جميلة حلو كدة.
كارما: انت مجبور؟!
احمد: انا! في ايه يا كارما عدي اليوم تعبان بقالي كتير بجهز في الفرح و جنابك كنتي وخداني لف طول الاسبوع ده.
كارما: انا هقوم هغير هدومي.
احمد: و انا.


كل واحد منهم قام غير هدومه و كارما اترمت علي السرير جمب احمد,احمد حاوطها بدراعها و باس رأسها و...

-في الصباح الباكر...
في قصر الانصاري.
كان الكل متجمع علي السفرة بيتكلم و بيأكلوا.
عامر: باسل بيه...
باسل: ايه يا عامر؟!
عامر: سيف النجار بره.
وجد(بفرحة): خالو، دخله.
سيف دخل و في ايده ميرا,وجد جريت علي سيف و حضنته جامد و سيف باس رأسها.
وجد: وحشتني اوي اتاخرت كدة ليه؟!
سيف: معلش يا حبيبتي.
وجد(بغمزة): مين المزة؟!
سيف(بابتسامة): ميرا مراتي.
وجد بِعدت خطوتين عن سيف و كانت مصدومة جدا.



الجزء الحادي عشر (الاخير)

سيف دخل و في ايده ميرا,وجد جريت علي سيف و حضنته جامد و سيف باس رأسها.
وجد: وحشتني اوي اتاخرت كدة ليه؟!
سيف: معلش يا حبيبتي.
وجد(بغمزة): مين المزة؟!
سيف(بابتسامة): ميرا مراتي.
وجد بِعدت خطوتين عن سيف و كانت مصدومة جدا.
وجد: لا يا خالو ممكن تفهمني.
ميرا(بابتسامة): انتي وجد صح؟!
وجد(برفعة حاجب): تعرفيني؟!
عفاف: روحي يا حبيبتي اتكلمي مع خالك في اوضة الضيوف.
وجد: تمام. اتفضل يا خالو.

سيف: خليكي هنا يا حبيبتي.
وجد مسكت سيف من دراعه و مشيت لغاية اوضة الضيوف و زقته.
سيف: كدة يا وجد ده انا خالك؟!
وجد: اتجوزت عليا يا سيف؟! و بتقول لغيري يا حبيبتي ده انا هفرمك.
سيف(بضحك): و انا اللي افتكرتك هتهزأيني.
وجد: اينعم في الاول صدمت كدة بس قولت يا بت يا وجد اتفاهمي كدة ممكن تكون اغرته و هيطلقها.
سيف: لا احم انا بحبها.
وجد: يالهوي ده انت روحت اسبوع تصفي حسابتك رجعت ب مزة هي لحقت شقطتك يا سيف...


سيف: اسمعي يا مجنونة.
وجد: سمعت.
سيف: دي اسمها ميرا.
وجد: اسم مش بطال. ها كمل.
سيف: اعرفها من 5 سنين.
وجد: اممم.
سيف: اتعرفنا و اتقابلنا كذا مرة احم و انا وقعت.
وجد: كمل يا خالو ده انت طلع ليك قصص حب و محدش عارف.
سيف: اهلها خدوها و سافروا ل بعيد كنا بنتواصل و بعدها الاتصال اتقطع فجأة.
سيف: و قابلتها من اسبوع اهلها توفوا و املاكها اتحجزت و رجعت تاني لحضني و انا ما صدقت و كتبت كتابي.


وجد: بص انا هحاول اقتنع بالجواز السريع ده بس طالما انت مبسوط يا سيف يبقي تمام.
سيف ابتسم ل وجد و خدها في حضنه و باس رأسها.
سيف: اخبارك مع باسل؟!
وجد: الحمد**** يا حبيبي.
سيف: مجتش فرصة نتكلم بس انا بعتذرلك يا وجد بسببي و بسبب الزفت لؤي حصلك حاجات وحشة كتيرة.
وجد: اهي عدت علي خير يا حبيبي.
وجد: ها هتستقر في مصر؟!
سيف: ايوه انا و ميرا.
وجد(بغمزة): متنسوش تجيبوا بنوتة كدة اسمها وجد.
سيف: قومي يا بت قدامي.

وجد و سيف خرجوا و الكل رحب ب ميرا و سيف قعد شوية و بعدها خد ميرا و راحوا لبيته اللي اشتراه في مصر.

عدت سنة كاملة من حياتهم...
نرمين(بقلق): يا طنط هو لسة مرجعش ليه مش قال هيرجع الساعة 3.
مريم: يا بنتي يا حبيبتي متقلقيش كدة. و خدي امسكي بنتك مهرة عقبال ما اشوف انتصار عاملة ايه علي الغداء.
نرمين: هاتي يا طنط.
نرمين مسكت مهرة بنتها اللي عندها تلت شهور و قعدت تلعب معاها و البنت تضحك ليها.
سليم كان وصل في الوقت ده و دخل و هو بيتسحب و قرب من نرمين و مهرة حضنهم.
نرمين(بخضة): سليم! خضتني يا سليم.


سليم: سلامتك يا حبيبتي.
سليم باس رأس نرمين و باس رأس مهرة.
نرمين: اتأخرت ليه نص ساعة؟!
سليم: حصل اشتباك تاني.
نرمين: اوف بقي انا زهقت من الشغلانة دي يا سليم حقيقي بكون خايفة.
سليم: شغلي بقي نعمل ايه؟!
سليم نادي علي مريم و دخل ليها المطبخ باس ايديها.
مريم: **** يرضي عنك.
سليم: حبيبتي.
مريم: نرمين كانت قلقانة عليك...
سليم: سلمت عليها.
مريم: طيب يا حبيبي اطلع غير هدومك و انزل اتغدي.
سليم: هموت و انام.

مريم: **** معاك يا حبيبي. خلاص اتغدي و اطلع نام براحتك.
سليم: تسلمي يا حبيبتي...
سليم خرج لقي مهرة نايمة علي ايدين نرمين...
سليم: هاتيها.
نرمين: لا ما صدقت نامت العب معاها لما تصحي.
سليم: يا رخمة هاتيها شوية...
نرمين: ابقي اسهر انت يا حبيبي.
سليم: طيب يا نرمين.
نرمين قامت و طلعت لاوضتها مع سليم و حطت مهرة علي السرير و قربت من سليم حاوطت رقبته بايديها.
نرمين(بابتسامة): هتخرجني فين النهاردة؟!

سليم: انتي فاضية يا حبيبتي ربي بنتك ربي بنتك. بقولك جاي من الشغل و كان في اشتباك و حوارات و تعبان تقوليلي هتخرجني فين.
نرمين(بغيظ): لا مليش فيه احمد كل شوية يخرج كارما في حتة شكل اشمعنا انا.
سليم: اصبري علي كارما دي لما تخلف احمد مش هيعبرها حتى.
نرمين(بغيظ): ليه يا حبيبي هو كل الرجالة زيك؟!
سليم: الاه ده انتي بتغلطي يا نرمين.
نرمين(بغيظ): يا سليم ما هو.

سليم: نرمين انا جاي من الشغل تعبان و كمان ما انا بخرجك كل شهر اصبري اسبوع و هخرجك زي كل مرة.
سليم قرب من نرمين و باس خدها.
سليم: بس ابوس ايدك سيبيني انام شوية يا حبيبتي.
سليم: ماشي؟!
نرمين: ماشي.
سليم ساب نرمين و دخل غير هدومه و خرج نام علي السرير جمب مهرة,نرمين كانت هتأخدها...
سليم: لا سبيها.
نرمين: براحتك.
نرمين خرجت من عند سليم نزلت ل تحت,سليم حضن مهرة بنته حبيبته و باس رأسها.

سليم: حبيبة بابا انتي يا قمر يا كيوت. عايزك تطلعي انسانة كدة عاقلة و راكزة مش زي امك الهبلة دي.
سليم(بابتسامة): و تطلعي جميلة و عسل زيها و تأخدي جمالها، بحبكم يا اميراتي.

-في مكان تاني...
عند أحمد و كارما.
احمد: **** يهديكي نامي يا كارما.
كارما: لا هتأكلني آيس كريم و دلوقتي.
احمد: كارما انتي عديتي مراحل شهور الوحم عدي اليوم علي خير و سيبيني انام.
كارما(بغيظ): انت مش بتحبني و بتعذبني و بتكرهني و حابسني هنا جمبك في السرير و بس.
احمد(بصدمة): انا! انا يا كارما؟!


احمد: ده انا يوم اه و يوم لا بأخدك و اخرجكك و اغديكي بره و اشتريلك كل اللي تطلبيه و بأخدك معايا الشركة و بوديكي عند مامتك.
احمد: ده انا ناقص احميكي و اغير لابنك البامبرز لما يتولد...
كارما: طبعا انت اللي هتغير مش انت ابوه انا بقرف...
احمد: طب اخرسي يا بت و نامي، انا ايه اللي خلاني اتجوزك بس عايز اعرف؟!
كارما: بتقول حاجة يا احمد؟!
احمد: بقول انتي جميلة يا كارما حلو كدة؟!

كارما: انت بتأخدني علي قد عقلي؟!
احمد: امك قالتلي اعمل كدة.
كارما(بغيظ): احمد انت رخم.
احمد: متشكر.
كارما: قوم أكلني.
احمد: رانيا و عطيات تحت.
كارما: يا رخم ما صدقنا رانيا و سعد اتجوزوا.
كارما: دي رانيا قعدت مترددة لمدة شهر و لما وافقت كان الولد خلل جمبها.
كارما: بس اقولك علي سر.
احمد: خير؟!
كارما: البت كانت بتحبه.
احمد: يا ستي ابعدي عني يا بت ابعدي.
كارما: احمد.
احمد: اجري العبي بعيد.
كارما: ا.

احمد(بعصبية): خلاص يا كارما صحيت صحيت صحيت خلاص كدة.
احمد ساب كارما و دخل الحمام غسل وشه و خرج لقي كارما بتعيط و عاملة نفسها نايمة.
احمد قرب من كارما و حط ايده علي كتفها.
احمد: انا آسف يا كارما بس حقيقي ضغط الشغل تاعبني و غير اني مش بعرف انام كتير فمعلش آسف.
احمد: قومي نأكل آيس كريم.
كارما: لا.
احمد: طب ممكن متزعليش مني انا آسف حقك عليا يا ستي. و كمان كلها 3 شهور و تولدي القرد بتاعنا.

كارما: ابني مش قرد.
احمد: ابنك قمر يا ستي بس متفضليش زعلانة كدة.
كارما: عايزني اصالحك؟!
احمد: ايوه.
كارما: انت وقفت امبارح اتكلمت مع العملية عندك بطريقة كدة معجبتنيش و بعد كدة هتخلي شغلك رجالي في رجالي.
احمد: اه ده انتي مجنونة و جاية تطلعي جنانك عليا...
كارما: انا بغير عليك بغير عليك افهمالك ازاي؟!
احمد: انتي سيبالي فرصة اتنفس حتى. في ايه يا كارما يا حبيبتي؟!
كارما: حاسة اني هرجع و دايخة مكونش حامل؟!

احمد: يا رب الرحمة يا رب. انتي كنتي سيدة اعمال منين نفسي اعرف؟!
كارما: **** م.
احمد: كارما اخرسي و قومي البسي علشان ننزل.
احمد دخل غير هدومه و كذلك كارما و نزلوا سمعوا صوت ليلي العالي.
احمد: في ايه؟!
ليلي(بفرحة و صريخ): قال بابا ياسين قال بابا.
يمني: ب ب اب اا. (بابا)...
ليلي(بصريخ و فرحة): و يمني هييييييه.
قصي: ايه الدوشة دي الواحد ميعرفش يرسم في هدوء انتوا مش عارفين ان في معرض هفتحه قريب و عايز اركز.

ليلي(بفرحة): تعالي تعالي بسرعة يا قصي ياسين و يمني قالوا بابا.
قصي(بابتسامة): بجد؟!
قصي قرب من ياسين اللي ضربه بالقلم.
قصي: لا واضح الحب يا حبيبتي واضح.
التلاتة ضحكوا علي قصي,قصي قعد يلعب مع ياسين و يمني.
احمد: هروح انا الشغل.
كارما: متتأخرش.
احمد: طيب يلا باي.
كارما: هطلع اتمشي في الجنينة.
ليلي: طيب يا حبيبتي.
قصي: حبيبتي.
ليلي: نعم يا حبيبي.
قصي: اخبارك ايه دلوقتي؟!
ليلي: كويسة.

قصي: قولتلك اجيلك مربية بدل ما تتعبي و تسهري كدة.
ليلي: انا كدة مرتاحة و كمان الام هي اللي ربت مش اللي تسيب عيالها لاي حد كدة و السلام.
قصي سرح بخياله ل نهلة اللي كانت بتسيبه للخدامين و مش بتهتم بيه,ليلي حضنت قصي من ضهره.
ليلي: حبيبي.
قصي: انا كويس.
ليلي: بحبك متشيلش هم حاجة، ياسين و يمني هيعوضونا.
قصي: اكيد يا حبيبتي.
ليلي(بابتسامة): شكلهم حلوين اوي.
قصي حط دراعه علي كتف ليلي و باس خدها.

قصي: احلي حاجة كدة ان انا و انتي عايشين في سلام مش زي الباقي اللي عايش في اكشن و دراما.
ليلي(بضحك): عندك حق.
قصي: حبيبتي.
قصي كان مبسوط من ياسين و يمني و نزل ل مستواهم لعب معاهم هو و ليلي وسط جو أُسري.


-في مكان تاني...
عند ثريا و علي.
علي: بتبصيلي كدة ليه؟!
ثريا: علي فوق يا علي الجراثيم و انا ابني يتعب لا لا يلا علي فوق.
علي: بتعامليني كدة ليه يا ثريا؟!
ثريا: ابني يا حبيبي...
علي: بقي الواد كريم يأخدك مني.
ثريا: ايوه كريم حبيب امه. و انا متحملش انه يتعب و لو للحظة.
علي: لا ما هو واضح اوي.
ثريا: طب كويس. يلا علي فوق.
علي: اصبري بس لما انزلك.
ثريا: وريني يا خفة.

ثريا دخلت المطبخ و كانت بتعرج,لان للأسف الدكتور قال ان نسبة نجاح العملية ضئيل فرفضت تعملها.
ثريا كانت واقفة بتجهز الغداء و هي شاردة.
علي: الجميل ماله؟!
ثريا(بخضة): **** يأخدك يا شيخ.
علي: بتدعي عليا يا ثريا دي اخرتها بتدعي علي جوزك ابو عيالك.
ثريا: انت مأ?ور يا علي.
علي حضن ثريا جامد و ثريا حست انها هتتكسر.
ثريا: ايه يا ابني؟!
علي: وحشاني اوي اوي اوي. الفترة اللي فاتت مكنتش مهتم بيكي سامحيني.

علي: ماشي يا حبيبتي.
ثريا: متخافش انا مش زعلانة منك. بس ليا عندك طلب صغير.
علي: اطلبي.
ثريا: توديني القصر.
علي: عيوني.
ثريا: حبيبي.
علي: قوليلي بقي عاملة اكل ايه؟!
ثريا: ا.
الاتنين سمعوا صوت عياط كريم بره جريوا علي بره...
ثريا: حبيبي...
ثريا جريت علي كريم و شالته من علي الارض باسته و حاولت تهديه...
ثريا: خلاص انا آسفة يا حبيبي آسفة.
علي: متحطهوش علي الكنبة تاني يا ثريا ده لسة صغير.

ثريا: حاضر، انا اهو يا روح ماما متخافش.
ثريا قعدت تملس علي رأس كريم و تبوس رأسه,علي ضم ثريا ل حضنه و هي ماسكة كريم.
علي: يااااه كنت بحلم بالعيلة دي من زمان.
ثريا: بتقول ايه يا حبيبي بابا مش بيحس لانك بتعيط و هو بيتكلم عادي.
علي(بضحك): يا لمضة.
علي: ما الواد سكت اهو و هو في حضنك.
ثريا: طبعا هو انا اي حد؟!
علي: لا طبعا يا قمر.
علي: **** يخليكي ليا انتي و كريم.
ثريا: مش زعلان مني؟!
علي: مقدرش يا حبيبتي.

ثريا باست علي علي خده,علي ابتسم ليها و باس رأس كريم.
علي: يلا نأكل...
ثريا: يلا...
راحوا قعدوا علي السفرة الصغيرة بتاعتهم و بدأوا يأكلوا و في هزار و ضحك بين علي و ثريا...

-في مكان تاني...
في قصر للانصاري.
كان يعتبر المعظم قاعد بيتكلم جت عصمت كلهم سكتوا.
عصمت: كملوا هتفضلوا ساكتين!
سمر: مش ناوية اخلص منك يا حازم؟!
حازم: لو عندك عروسة انا جاهز. و لا اقولك عروسة ليه و انتي موجودة.
سمر(بغيظ): يا رخم.
حازم: منكم نتعلم...
عفاف: تعالي يا جودي يا حبيبتي تعالي اقعدي.
وجد: علي مهلك.
جودي: مش عارفة مكبرين الموضوع ليه ده انا حتى في الشهر الرابع.

اسيل: ده طارق لو عرف بس إنك قولتي آه شوفي بيعمل ايه فينا.
جودي: حبيبي و اتدلع في حسه.
حازم: يا شيخة اخلص منك و اجوزك الاقيكي قاعدة برضو معايا.
جودي(بشهقة): شايفة يا ماما شايفة بيقول ايه؟!
عفاف: يا حازم قولنا ليك يا ابني قول كدة لما تبقي هي مش موجودة او لوحدك.
سهر: ضحكوني معاكوا.
اسيل: الخاين اللي رايح جاي مع امير.
سهر: **** مش جوزي.
اسيل: **** يرحم انا بتكسف اوي يا اسيل بتكسف اوي.

سهر: بس يا رخمة. و كمان احنا بقالنا سنة مع بعض و هانت كلها شهر و نتجوز...
حازم: **** يهني سعيد بسعيدة يا اختي.
قعدوا يضحكوا و يتكلموا تحت انظار عصمت...
نعمة: وجد.
وجد: نعم.
نعمة: اومال باسل يعني لسة مرجعش؟!
وجد: **** معاه يا طنط و ان شاء **** يرجع بالسلامة...
نعمة: هو مفيش حمل و لا ايه؟! كل اللي حواليكي بقي حامل الا انتي.

وجد: هو حضرتك مش بتطيقيني ليه؟ انا عملتلك ايه ل ده كله؟! ليه مُصرة تكرهيني؟! و كمان الحمل ده مش بايدي يعني.
حياة: اهدي يا وجد معلش بس اللي حصل مش قليل و.
وجد: و انا هفضل اتحاسب علي اللي حصل ل حد امتي؟!
حياة: معلش يا وجد بس.
باسل: مساء الخير.
وجد(بخضة): باسل.
وجد جربت ناحية باسل و باسل شدها لحضنه.
وجد: ايه اللي حصل في وشك؟!
باسل: مجرد خدوش هتروح.
باسل: لو سمحت عايز اتكلم في موضوع.

باسل: للمرة الالف و المليون قولت اللي يضايق وجد يضايقني و كمان مراتي و انا و هي حرين مش عايزين نخلف دلوقتي و براحتنا احنا لسة شباب يعني العمر مش هيجري.
باسل: و يا ريت ارجوكم مسمعش حد بيقول ل وجد اي حاجة تزعلها تاني.
باسل: عن اذنكم.
باسل مسك ايد وجد و طلع بيها لاوضته.
باسل: اااا.
وجد: مش لازم تقول حاجة.
وجد(بتنهيدة): باسل انا مش عايزة اعيش عمري كله ادفع غلطة مش انا السبب فيها.

باسل: لا يا حبيبتي انا آسف ليكي آسف جدا كمان...
باسل: ممكن بقي تضحكي؟!
وجد ابتسمت ل باسل و باسل خدها في حضنه.
وجد: انا دايما بشوف ان **** بيعاقبك علي اللي عملته زمان يا باسل.
باسل(بحزن): آسف. عارف إني حقير اني فكرت اقتل ابني بس آسف و **** العظيم آسف.
باسل(بحزن): سامحيني.
وجد خدت نفس عميق و بِعدت عن باسل كذا خطوة.
وجد: مفيش داعي للكلام.
وجد كانت هتمشي بس باسل مسك ايديها و شدها ناحيته...

باسل: لا لازم نتكلم مش هنفضل كدة مش هستحمل. مش هستحمل انام من غيرك مش هستحمل اني اكون بعيد عنك مش هستحمل انك تكوني زعلانة مني.
وجد: انا مش زعلانة. بس انا مش ملاك يا باسل مش هقدر انسي صدقني مش هقدر انسي غصب عني.
وجد: سوادك بهي عليا...
باسل: بس انا عايزك تنوريلي طريقي.
وجد: بحاول بحاول بس مش قادرة.
باسل: وجد اوعي تسيبيني.
وجد قربت من باسل و حطت ايديه علي خده.


وجد: متخافش هفضل جمبك لاني بحبك. بس ارجوك ابعد عن السواد اللي حواليك خلاص مبقتش قادرة.
وجد: مش قادرة انسي ليك كل حاجة وحشة.
باسل قعد علي ركبته و مسك ايد وجد و عيونه مليانة دموع و بص ل وجد.
باسل: اوعدك هسعدك هحاول هحاول علي قد ما اقدر بس انتي متسبينيش انتي خرجتيني من كل افكاري اللي كانت في دماغي. خرجتيني من الضلمة.
باسل: خرجتيني من كابوس كان مستحوذ علي فِكري متسيبنيش يا وجدي.


وجد: متخافش مش هسيبك بس ارجوك انت متضغطش عليا.
باسل(بدموع): وجد.
وجد: نعم.
باسل(بدموع): متسبنيش بعد ما صحيت من كابوسي...
وجد نزلت ل مستوي باسل و حاوطت وشه بين ايديه و ابتسمت ليه.
وجد: مش هسيبك يا باسل لان اتكتب عليا إني اعيش معاك. عايزاك قوي زي ما انا متعودة من باسل الانصاري.
باسل: باسل الانصاري قوي بيكي من غيرك ضعيف.

باسل: و لو رجع بيا الزمن تاني كنت هختارك إنتي تاني مهما يحصل,انتي النور اللي خرجني من الكابوس اللي كان محاوطني و محاوط فِكري.
باسل: متسبنيش.
وجد: مش هسيبك. انا هنا علشان أنت و بس.

(كانت مجرد النهاية للبعض و بداية جديدة للبعض الآخر,الحياة استمرت بمشاكلهم بحبهم ل بعض و بمشاكستهم و خوفهم علي بعض استمرت كالعادة رغم المشاكل.)

النهاية.

الكابوس معروف عنه أنه حاجة وحشة في النوم,الكابوس في القصة بيمثل المشاكل اللي بتواجه الناس بتبقي حياتنا عبارة عن كابوس عايزين نخرج منه بأي شكل بأي طريقة بنكون كارهينه لكن الذكي اللي يتعلم الذكي اللي يدور علي الايجابيات الموجودة في المشاكل دي و يحلها,الدنيا هتبقي متيسرة محدش يخاف هنعدي و هنستمر بس تفرق بخسارة و لا من غير. دور علي ايجابيات الموضوع دايما متأخدش الموضوع بالظاهر حاول تكون مختلف. المشاكل هتنتهي زي ما الحلم مهما طال هتصحي منه و كذلك المشاكل اللي بتبقي بالنسبة للبعض كابوس,ف دور علي النور اللي موجود في كل كابوس دور علي الحاجة حلوة في كل حاجة وحشة متبقاش سلبي...

طبعا ثريا مخطئة جدا بس مجتمعنا المصري دايما بيلوموا البنت بس بيقولوا ده راجل يعمل اللي هو عايزه ده اولا فلما تحاسب حد و شوف مين السبب في كدة اب و ام مهملين عائلة مستهترة مش مقدرين انهم عندهم بنت لازم يربوها بشكل صحيح يخلوا بالهم منها,دايما بتلوموا البنت و بس عمركم فكرتوا بأن اهلها ساعدوها علي كدة باهمالهم ليها مودينها الحرية الكامل سايبنها علي مزاجها حتى مفيش مراقبة حتى لو من بعيد ل بعيد,عمرهم ما كانوا اصدقاء ليها تحكي ليهم لما تقع في مشكلة تجري عليهم تقولهم انا في مشكلة انقذوني لا الاهل بيبقوا جزء من الغلط ده و ده ميمنعش ان البنت بتبقي غلطانة بس هي كانت محتاجة حد يوجهها حد يكون فعلا خايف عليها,الناس اللي زي ثريا كتير عايزين توجيه عايزين رعاية و اهتمام و مراقبة عايزين حب عايزين لما تضيق بيهم الدنيا يلاقوا حضن أب و ام يترموا فيهم...

دايما لما الشخص بيغلط بنأخده بذنبه طول عمره ما أنه ممكن يكون فعلا تاب و ندم و عرف غلطته بس احنا بطبيعتنا كشعب مصري مش بنسمح ليه انه حتى يفكر انه يندم او يفكر يتغير لاننا حكمنا عليه انه خلاص غلط و مش هيتغير و اللي زيه ميستحقش فرصة تانية,ده غلط و غلط كبير انتوا مين علشان متسامحوش و تدوا فرصة تانية و تالتة، في أشخاص بتدفع تمن اغلاطها كتير اوي بيبقوا زي ضريبة هما برضو بيبقوا عايزين اللي يشجعهم علي التغير عايزين اللي يكونوا واثقين انهم يقدروا يتغيروا اللي يوديهم فرصة جديدة,بيبقوا مستنين حتى لو أمل بسيط. سامحوا في اخطاء اينعم متتصلحش بس نحاول طول ما باب التوبة مفتوح محدش ييأس,و احنا كبشر نحاول ندي فرص تانية علشان نعرف نطلع نماذج مثالية في المجتمع...

اولياء الامور المهملين اللي المفروض انهم هيتحاسبوا علي تصرفات ولادهم و علي تربيتهم ليهم,في من أمثال ماجدة و يوسف و نهلة و منصف كتير أشخاص معندهاش ضمير بدل ما يشوفوا مشاكل عيالهم او يعينوا ولادهم علي حياتهم و مشاكلهم لا بيزيدوا الطينه بلة مش بيتغيروا بيحبطوا ولادهم حقيقي الاشخاص اللي زي دي متستحقش يتقال عليهم ام او اب الناس اللي زي دي تتلغي من البشرية افضل مش هيزيدوا البشرية الا جهل و تخلف. قربوا من ولادكم صاحبوهم علموهم الصح من الغلط خليكوا دايما واثقين انهم يقدروا.

خلي دايما عندك ثقة في نفسك ده اول حاجة,خلي عندك أمل بأن المستحيل جايز يبقي حقيقة خليك واثق أنك هتقدر,امشي ورا حلمك حقق وانجح متسمعش للي يحبطك قصي كان يعتبر الكل ضده الا قلة و بالرغم من كدة نجح و حقق حلمه,الاحلام مش مستحيلة احلم و حقق حلمك اتعب و في الاخر هتحصد تعبك ده خير هتنسي تعبك لما توصل للي كنت عايزه...

حاول لما حد يديك ثقته متكسرهاش او تخسره حقيقي الثقة شئ مهم جدا في أي علاقة الثقة من أساسيات العلاقات و شئ غالي جدا مش بيتقدر بفلوس,احذر من اللي حواليك مش بقولك اكرههم بس خليك حريص لانه بيقولك احذر من عدوك مرة و من صديقك ألف مرة لما تيجوا تختاروا الصحاب اختاروا اللي بجد يقفوا ورا الضهر اللي من غير ما تقولهم انا محتاجكم يكونوا قدام باب البيت. اختار الرفيق قبل الطريق.

الرزق مش فلوس و بس ممكن يبقي علي هئية شخص يكون عندك بالدنيا كلها.


الحياة هتستمر في كل الحالات متشيلش هم بكرة هيعدي زي النهاردة زي امبارح خلي عندك أمل و حاول تكون إيجابي,حاول تحول كل شئ سلبي لايجابي ساعتها مش هتشيل هم الدنيا ده خالص,خليك دايما واثق ان في معجزات بتتحقق.


... دي مجرد النهاية لينا و البداية ليهم...

اضغط لقراءة المزيد...

 

[Magdy66]

انت مش عارف أنا فرحان قد اى علشان نزلت السلسله الاخيره وفى نفس الوقت مضايق جدا جدااااااااااا الى هى اخر سلسه فى القصه كان نفسي متخلص بس كل قصه وليها نهايه بس بصراحه انت ابدعت جداااااااااااااااااااأاااااااا فى السلسله دى ومستنى منك قصه قريب تغطى على ديه وبالتوفيق