نقاش اللي بيعرف يتكلم بموضوعية يدخل يعلق

[Asmar0029]

بصو أنا مش عارف أبدأ منين، عشان مش عايز أجرح حد أو أقلل من قيمة حد، بس لحظة وحدة هل ده ينفع؟ يعني على سبيل المثال عشان نعرف قيمة الأمانة لازم نكون اتعرضنا للخيانة أو عرفناها على الأقل وبالتالي أكيد مانقدرش نحطهم جمب بعض ف نفس الميزان أو الكفة، لأن الأمانة حاجة جميلة موجودة في فطرة الإنسان زي حب عمل الخير كده اللي موجودة حتّا في الأشخاص الشريرة من البشر، بينما الخيانة ف هي عمل شرير شيطاني مكروه عند كل البشر لدرجة حتّا لو ماكنتش متخان وسمعت حد خان حد هتبقى كاره للشخص الخاين ده، حتا قبل ماتقعد معاه وتعرفه، وبالتالي عشان يكون مجتمعنا مجتمع سوي لازم البشر تفرق بينهم وتدي كل واحد حقه عشان الخير يستمر، طيب اتخيلو كدا لمّا يبقى الشخص الخاين ده بيتاعامل معاملة أحسن من الشخص الأمين أو زيه، ده بالزبط اللي حاصل في مجتمعنا من نواحي كتيرة بقا واللي أكتر حاجة مديقاني وأكتر سبب مخليني اكتب الكلام ده هو سبب واحد، "الدياثة"..

إزاي يعني واحد بيخاف على حريمه وشرفه(عنده أخلاق) بيتساوا أو بيتقارن مع شخص بايع شرفة عشان شهوة، يعني ده بيستغل الأنثى اللي معاه بغض النظر بقا هي مين ف حياته، عشان يرضي رغباته، وحتّا لو مش بيعملها بدافع الشهوة، ده معناه أن الأنانية عنده ملهاش حدود لدرجة أنّه مش فارق معاه الأنثى دي بقا تتجرح ولا يتكسر قلبها ولا يجلها مرض نفسي يدمرها، يعني خلينا نتكلم بصراحة أنتو لو فضلتو ترفعو من الكائن ده وتعاملو كأنو عيل صغير راجع من المدرسة ومش مكمل سندوتشاته، يبقى الراجل الشريف هينقرض وهتبقو عايشين ومجبرين تتعايشو مع كائن رخو حرفياً مش بيهمو غير نفسو وطز فأي حد تاني!

ده رأي وممكن أبقى غلطان، أنته/أنتي أيه رأيك؟

اضغط لقراءة المزيد...