واحدة من أكبر الأساليب الغلط اللي بيستخدمها أغلبنا في التعامل مع الآخر، وهي(( إقرار السوء علي الفرد وليس فِعله)). يعني إيه الكلام ده؟ 🤔
يعني مثلا مصطفى عمل حاجه غلط، بقى مصطفى وحش
مش مُصطفى عمل حاجه وحشة.
هو في فرق يعني؟🫣
ااه في فرق، وفرق كبير أوي كمان.
لما تتم معاملتي علي إني إنسان وعملت تصرف سيئ، أصح مليون مرة من إني أترفض كُلي كإنسان عشان غلطه عملتها.
🚫الأحكام قاتلة، مدمرة، وممكن تهد حياة بني آدمين فعلًا. 🚫
كمان إصدار حكم في حق إنسان غيرك «زي إن فُلان سيئ عشان بيشرب سجاير» هيخليك بشكل لا شعوري تتعامل معاه علي إنه سيئ فعلا في كل جوانب حياته بالرغم من إنه قد يملك جوانب أخري يبقي هو أفضل منك فيها.
فـ هِنا فلان ده مش سيئ.❌
لكن فلان بيعمل حاجه مش مناسبة مع شخصيتي أو سيئة بالنسبالي. ✅
المرة الجاية لما تشوف حد بيعمل حاجه غلط، قوله إن اللي بيعمله ده غلط، مش هو «كشخص» اللي غلط. 🧐
