دي اول مره ليا اكتب قصة ف انصحوني لو فيه اي تعليق او لو فيه غلطات و كده
الجزء الاول ✨🖤
محمد احمد الشهير ب الحاوي ٢٢ سنه طوله ١٧٥ وزنه ٨٠ك جسمه متقسم ورجله معضله لانه كان بيلعب كوره قمحاوي عيونه عسلي شعره طويل و بيسرحه لورا زي خالد النبوي كده طالب ف كلية حقوق سنه رابعه كان جايب ف الثانوية العامه ٩٤٪ علمي علوم كان عايز يدخل حاسبات بس أبوه رفض و خلاه يدخل حقوق بيعشق الكوره و البرمجه
أبوه: احمد ممدوح حمد**** اكبر محامي فالبلد ( عشان كده دخله حقوق عشان يكمل مسيرته)
يوسف زكريا صلاح الشهير ب الجن صاحب الحاوي أبوه راس تقيله ف البلد ظابط مخابرات و كان ظابط سابق ف حراسه الرئيس ( الناس اللي مش تعرف حراسه الرئيس بتتغير كل ما يحصل هجوم عليه و يجيبو ناس جديده و الحراسه القديمه بتتوزع علي الاجهزه ) يوسف ف حاسبات و معلومات كان عاوز يدخل حربية بس معرفش و ده هنعرفه قداام😉 وصفه ( ١٨٣ سم ‚ ٧٠ ك اسمراني رفيع )
صقر السيد صاحبهم التالت أبوه موظف ف هيئة حكوميه ناس علي قد حالهم صقر بقي وحش بمعني الكلمه ١٩٥ سم وزنه ٩٧ جسمه كله عضلات و متقسم وحاجه كده فاجره قمحاوي عينه سوداء تشوفها تخاف اساسا😹معاه بطولات ف الكيك بوكس و الملاكمه و الكونغ فو في كلية تربية رياضيه و اخر سنه ليه بردو
ف يوم كنا قاعدين احنا التلاته ف كافيه طالبين قهوه و بنتكلم
صقر : هتعملو ايه بعد ما تتخرجوا
يوسف : ولا حاجه هندور علي شغل
انا : و انت بميتين امك محتاج شغل ده انت علي قلبك قد كده
يوسف : يعني انت اللي بتشحت يا كسمك ده انت ابوك اكبر محامي ف البلد
انا : يعني انت اللي ابوك بيلف بمانديل يا ابن الوسخه ده انت ابوك من أكبر الناس اللي ف المخابرات
صقر : خلاص يا ولاد الأغنياء
انا : عشان خاطرك بس ياعم صقر ,, صحيح بقولك ايه ما تيجو نفتح مشروع سوا
صقر : مشروع ايه وبعدين انت عارف ان مش معايا فلوس افتح مشاريع
انا : هنفتح جيم و انت اللي هتمسكو انا والعلق ده بالفلوس و انت بالمجهود ايه رأيك معندكش حجه اهو
صقر : خلاص اللي تشوفوه
انا : صحيح كنت عاوز اطلب منكو طلب
الاتنين ف نفس الوقت »» اؤمر
انا : ده العشم بردو كنت عاوز اتعلم برمجه و عاوزك يا صقر تدربني عشان أشد نفسي شوية و اتعلم دفاع عن النفس
صقر : بس كده ياعم سهله بس محتاجين مكان
انا : خلاص لما نفتح الجيم هبقي اقولكو علي حاجه نعملها فيه لينا احنا
يوسف : خلصانه ماشي و انا هعلمك كل اللي تحتاجه عشان تبقي مبرمج و هكر كمان
انا : خلصانه بصوا الامتحانات فاضل عليها أسبوعين بعد الامتحانات نبدأ التجهيزات
بعد كده انا خدت صقر بالعربيه اروحه عشان هو ساكن قريب مني و يوسف خد عربيته وروح
عربية يوسف Mercedes E180
عربيتي BMW 320
روحت سلمت علي ابويا و دار الحوار كالاتي
انا : بابا كنت عاوز اخد منك شوية فلوس كده افتح مشروع أنا و يوسف و صقر
بابا : من عنيا يا حبيبي بس هتفتحوا مشروع ايه
انا : جيم
بابا : هيتكلف قد ايه
انا : يعني.... حوالي اتنين مليون كده 🙂
بابا : ليه ياعم هتفتحوا وزاره بص أنا موافق بس بشرط
انا : اؤمر يا حج
بابا : تجيب امتياز السنه دي اخر سنه ومينفعش شهادتك يبقي فيها أقل من امتياز
انا : عيب عليك يا حجوج ده انت ابن احمد ممدوح حمد**** اكبر محامي ف البلد هجيب الامتحان ف شوال مش تقلق و سيبته و قومت زاكرت شوية و نمت
عند يوسف
يوسف : بابا أنا كنت عاوز فلوس عشان افتح مشروع مع محمد و صقر
اللواء زكريا : هتفتحوا مشروع ايه
يوسف : هنفتح جيم
اللواء زكريا : حلو ده يمكن جسمك يتظبط شوية بدل ما انت شبه عود القصب كده
يوسف : عود قصب ماشي يا سيادة اللواء
اللواء زكريا : عاوز فلوس قد ايه
يوسف: يعني حوالي مليون جنيه كده
اللواء زكريا : مش كتير شوية
يوسف : ما احنا مش هنعمل اي حاجه عيب عليك
اللواء زكريا : ماشي خد الفيزا اهي
يوسف : شكرا يا سيادة اللواء
بعد شهر
كنا خلصنا الامتحانات و اتجمعنا تاني
انا : الحمد لله خلصنا الامتحانات يلا بقي نعمل مشوار مهم
يوسف و صقر : ايه هو
انا : ايه نسيتو ولا ايه هنروح ندور علي حتة ارض نبني عليها الجيم
يوسف : اهه صحيح طيب يلا بينا
و رحنا عند سمسار و قولناله علي اللي احنا عايزينه و اشترينا ارض واسعه و كبيره عشان يبقي حاجه فخمه كده
و جبنا مهندس و فهمته احنا عاوزين ايه و قولتله عاوز يكون فيه دور تحت الارض متقسم اربع اوض و حمام و مطبخ و الباقي فاضي و هو عملي كل اللي انا عاوزه بالظبط و بعد حوالي تلت شهور كان المكان خلصان و سميناه MYS
اول حرف من أسامينا يعني
و بعد ما المكان اتعمل قبل الافتتاح و خدت يوسف و صقر للدور اللي تحت الارض اللي خليت مدخله من اوضه مدير الجيم اللي هو صقر و نزلنا تحت و كان مكان مبهر جدا و متقسم صح
و الاربع اوض هتبقي تلت اوض للنوم و اوضه للكمبيوترز عشان يوسف
نزلنا بقي نجيب الاجهزه و جبنا كهربائي يظبط الدنيا و مهندس ديكور و سباك( عشان هنعمل حمامات و دش و سونه و كده يعني ) و بعد اسبوعين كانت كل حاجه خلصانه و بعدها نزلنا عشان نجيب الاجهزه و الحديد و بعد ما جبنا كل حاجه
تاني يوم نزلنا نجيب حاجاتنا احنا اللي هتنزل ف الدور اللي تحت ( حلبة مصارعة - كيس رمل - أجهزة البوكس اللي بنتدرب عليها - و أجهزة كمبيوتر و لابتوبين واحد ليا و واحد ل يوسف ) وافتتحنا المكان و كان عليه اقبال كبير من ناس تقيله ف البلد و صقر ابتدأ يشتغل و يجيب ناس تساعده و ظبط الدنيا كلها و في نهاية كل يوم كنا ننزل نتدرب أنا و صقر لحد ما بقيت محترف ف الكيك بوكس و فنون الدفاع عن النفس و جسمي اتغير ١٨٠ درجه بقي جسمي كله عضلات و بقيت انشف من الاول لو دخلت ف حيطه اكسرها و بعد ما خلصت ابتديت اتدرب مع يوسف علي كل حاجه تخص البرمجه و اشتغلت معاه عملي و بقيت هكر محترف
و بعدها يوسف جاله شغل برا مصر ف سافر يشوف حياته هناك و الجيم بقي احسن جيم ف مصر
ولكن لا تأتي الرياح بما تشتهي السفن .....
توضيح (محمد و يوسف لسه مبقوش الحاوي و الجن و ده هنعرفه قدام)
قاعد بعمل شوية حاجات علي اللاب بتاعي الساعه ٣ تقريبا لقيت حد بيرن عليا استغربت رديت لقيت الناس اللي حوالين الجيم بيقولولي الحق الجيم بيتحرق
قمت مفزوع زي ما أنا بلبس البيت ركبت عربيتي و رحت علي هناك جري و كلمت صقر يجيلي هو كمان و جاب عربيته و جه ( من الشغل ف الجيم بقي معاه فلوس و عرف يجيب عربيه هونداي توسان )
و رحنا هناك كانت المطافي سبقانه و لما دخلت جوا الجيم (طبعا الدور اللي تحت محدش يعرف عنه ف محصلوش حاجه) لقيت مكتوب علي الحيطه "دي قرصة ودن بس خلي صحبك يبعد عننا" طبعا أنا مفهمتش حاجه و رحت مسحت اللي علي الحيطه بسرعه قبل ما حد يدخل يشوفه و حكيت لصقر قالي ميعرفش حاجه ف استغربت اكتر و كلمت يوسف قالي استني لما اجيلك و متعملش حاجه ف استنيت يوسف و هو ركب طيارة و تاني يوم كان عندنا و طبعا قولنا للواء زكريا و هو بعت ناس تحقق ف الموضوع بس الغريب أن كاميرات اللي حوالين المكان كلها متفرمطه ما عدا كاميرات الجيم عشان كنت أنا و يوسف اللي عاملين نظام الحماية بتاعها و الهاردات موجود في الدور اللي تحت و لما المباحث جت سألت علي كاميرات الجيم قولتلهم أنها اتحرقت مع اللي اتحرق ( هتسألني ليه عملت كده هقولك عشان عاوز افهم )
ابتدينا نرجع الجيم تاني زي الاول و نصلح اللي باظ و غيرنا الاجهزه عشان باظت من الحريقه
و لما يوسف جه نزلنا الدور اللي تحت أنا و هو و صقر و شغلنا الكاميرات
شوفنا حاجه غريبه ان اللي عمل كده كانت واحده ست دخلت رمت ماده كده علي الأرض و ولعت فيها لقيت المكان كله النار مسكت فيه بس خدت بالي من حاجه غريبه علي لبسها شعار غريب
(شعار الوطواط )
طبعا أنا فهمت مين دول لاني ليا نشاط علي الديب ويب من وقت للتاني و يوسف لقيته اتوتر لما شاف الشعار و صقر مخدش باله اصلا و قام مشي عشان الوقت اتاخر
انا : خدت بالك يا يوسف
يوسف : خدت بالي من ايه
انا : من شعار الوطواط
يوسف : تلاقيهم تبع باتمان ولا حاجه
انا : احنا هنستظرف يلا انت ايه علاقتك بيهم
يوسف : مليش علاقه بيهم معرفهمش اصلا
انا : الرساله كانت بتقول خلي صحبك يبعد عننا و مظنش أن صقر يبقي عارف حاجه زي كده اخلص قول
يوسف : خلاص ياعم ده انت بضان فتح مخك معايا بقي
فلاش باك علي لسان يوسف
بعد ما قولتلكو اني جالي عقد شغل برا روحت و قعدت مع ابويا و دار الحوار
انا : يا بابا أنا جالي عقد شغل برا و ناوي اسافر
اللواء زكريا : ليه يبني متخليك هنا و انت كده كده فاتح مشروع
انا : يا بابا العقد محترم ف شركة محترمه ف امريكا
اللواء زكريا : خلاص اللي انت شايفه صح اعمله
انا : شكرا يا حجوج هقوم اجهز الشنط بقي عشان امشي بكرا
اللواء زكريا: **** يوفقك يبني و قام يعمل مكالمه
عدي اليوم علي كده و كنت مجهز شنطتي و نزلت الصبح سلمت علي ابويا و خدت عربيتي و طلعت علي المطار و انا ماشي علي الطريق لقيت اربع عربيات جيب سوداء محاوطني و انا مش عارف اخلع منهم و وقفوني و نزل منها ناس لابسين اقنعه واحد منهم ضربني علي دماغي لقيت الدنيا بتلف بيا و اغم عليا
لما فوقت لقيت قدامي كشاف نوره عالي اوي مش شايف منه أي حاجه
يوسف : أنا فين انتو مين و عاوزين مني ايه
شخص : مرحبا بك في تل ابيب😈 ..