والعشرة دول 🤝 الكلام علي موووووز
__احنا فين الوقتي؟
*هحكيلك كل حاجه
بص يا قلب اخوك احنا واقفين برا مقر الطاولة *
__يعني اي؟
*هقولك... شاايف العربيات دي اللي واقفه.. هااا شايف *
__ايوا
*عدها *
__احا يسطا انت بتهزر معايا متنجز يجدع
*عد بس كام عربية.... هقولك انا خلاص هما ٧ عربيات وقبل متسال لي ٧ عربيات هقولك..... كل عربية تخص عضو من أعضاء الطاوله.. وأعضاء الطاوله ست أعضاء اما العربية السابعه فهي لزعيم الطاولة *
__طب مين الناس اللي واقفه جمب العربيات دي.. سبع رحاله ب بدل واقفين... كل واحد واقف عند عربية.
*دول ي سيدي نواب الاعضاء والزعيم... بمعني ان اللي بيجي الاجتماع بيكون معاه النائب بتاعه بس ودا عشان لو هو اتحكم عليه بالقتل جوا هو يدخل مكانه... بالمناسبة في احتمال إن واحد يدخل النهارده منهم مكان حد من جوا...ومتقولش مين عشان انت متعرفش لسه حد جوا.هههههههه.....تعالي ندخل نشوف اللي هيحصل. *
شاكر(الزعيم) : اجتماع النهارده طارئ ودا بطلب من احد أعضاء الطاولة اللي هو سليمان... واللي بيقول ان خضر خاين للطاولة.. وانه سلمه اسلحة فاسدة ومعاه دليل على كده وبيقول ان خضر بيتعامل مع الشرطة و انه عميل ليهم ومعاه دليل على دا بردو.
خضر :ههههههههههههه.
شاكر :خضر.... اي اللي بيضحك في كلامي.
سليمان : يمكن عشان هيموت ومش عارف يطلع نفسه المره دي ههههههه.
شاكر : الكل عارف قانون الطاولة اي خيانة حكمها القتل علي الطاولة... ونائب المقتول بياخد مكانه ولو فكر ف التار بيكون عدو للطاولة كلها... كلامي واضح يخضر.... النائب بتاعك موجود برا صح.
خضر : اخويا يونس موجود بس مش هتحتاجوه في اي حاجه لأني مكمل معاكم لسه.... يمكن سليمان يحتاج يبلغ اخوه عشان يحضر يشيل جثته ويقعد مكانه.
شاكر : سليمان فين اللي يثبت خيانة خضر.
سليمان لحظة واجيب الأدلة على خيانة خضر.
__تفتكر خضر خاين فعلا... هو فعلا لو خاين هيموت... طب هيموت ازاي.
*اي دا واحده واحده وبعدين اصبر مش هحكيلك اهو سليمان داخل ووراه صندوق اسلحة اتنين رجاله شايلينه وواحد متربط واحد من الرجالة ماشي بيه *
سليمان : نزل يا ابني الصندوق هنا..... اتفضل يا شاكر بيه..... شوف اي اللي في الصندوق.. اسلحه فاسده ولا لا.
شاكر: افتح يا خضر الصندوق.
خضر: متأكد!! .... انت اللي قولت ههه.... ادي الصندوق اتفضل اتفرج.
سليمان: اهو زي ما انت شايف يا شاكر بيه... ال... اي دا... فين السلاح.
شاكر: اي دا يا خضر.
خضر: انا مالي هو انا اللي جايب الصندوق ههههههه بس اي دا بدل رقص .... يا تري بتوع مين ههههههههههه.
شاكر: تمام خلينا نشوف الراجل اللي انت جايبه ي سليمان شيل اللي ع بوقه خليه يتكلم.
الشخص المتربط: اتكلم اقول اي انا مش فاهم في اي سليمان بيه خطفني وهددني بعيالي اني اتكلم واعترف علي حد اسمه خضر وتقريبا هو الشخص اللي فتح الصندوق... طلب اني اقول انه بيشتغل لحسابنا في مكافحة الارهاب.. وسجلي فيديو وهو رافع السلاح علي ولادي اني اقول ان خضر عميل لينا وسطكم.
خضر: هههههههههه ي جماعه بقي جماعه انا مش جاي اضحك هنا انا جاي اشتغل..... اظن يا شاكر بيه الصورة واضحه وانا عايز حكمك علي سليمان انه اتهمني..... وبعدين هسمع الناس الحقيقه ومين الخاين ومين اللي مش خاين.
شاكر: حقيقه اي اتكلم
خضر: لا بعد حكمك عليه انه اتهمني بالباطل.
شاكر: حكمي ان سليمان هيكمل الاجتماع معانا وهو لابس بدلة الرقص دي.
خضر :طب البدلة التانيه.... تفتكر مثلا للشخص اللي مشي ورا كلام الحريم وصدق اني خاين هههههه...... يلا يا سليمان البس البدلة وهزلك شوية عشان تموت وانت بترقص.
__هو سليمان هيلبس فعلا البدلة... طب هو اي اللي خضر هيسمعه للناس لسه
* اهو سليمان بيلبس
__يا بضان
عارف هههههه
وباااااااس كدا
انتظروا الجزء الأول يوم الإثنين القادم في نفس المعاد دا
تشااااااو
الجزء الأول
*في قصر طويل عريض بتقعد أسرة علي ترابيزة السفرة عشان تفطر وهما كالآتي *
خضر
( خضر.. خضر محمد الصاوي... ٤٨ سنة... بيشتغل في الحقيقة في تصنيع الأسلحة.. قدام الناس هو تاجر سيارات.. متجوز اتنين.. كاريمان عنده منها محمد ومليكة... مراته التانية هي سمر ودي حامل في ولد وعلى وش ولادة... بالمناسبة مراته التانيه مش عايشة في القصر...)
على يسار خضر بالترتيب
كاريمان
(كاريمان.... كاريمان عبد الظاهر... زوجة خضر.. ٤٥ سنة... ربة منزل)
صفية
(صفية... صفية محمد الصاوي اخت خضر... معندهاش اولاد... ومش بتخلف)
مليكة
(مليكة... مليكة محمد الصاوي.. بنت خضر.. ١٩ سنة كلية فنون جميلة)
على يمين خضر بالترتيب
يونس
(يونس... يونس محمد الصاوي... ٣٤سنة.. اخو خضر الوحيد.... مش متزوج لكن عنده حبيبه... ومع اخوه في تجارة السلاح.. ودراعه اليمين)
محمد
(محمد... محمد خضر محمد الصاوي... ٢٣ سنة... ابن خضر الكبير... ملوش علاقة لتجارة السلاح... خريج كلية تجارة.)
محسن
(محسن... محسن عبدالظاهر..... الدراع الشمال لخضر... اخو كاريمان وزوج صفية.... ٤٠ سنة)
وفي الجهة المقابلة لخضر في امه (الحجة فاطمة... ام خضر ... ٧٠ سنه)
يونس : بقولك يا اخويا كمال اتصل عليا اول م صحيت وقال إن في اجتماع مهم بس مبلغنيش اي تفاصيل غير ان المعاد الساعة ٦ المغرب
خضر : تمام تمام مفيش مشكلة عندي كام مشوار اخلصهم واعدي عليك... قولي يا محمد بتفكر تعمل اي.. فكرت فالكلام اللي قولتلك عليه ولا لا
محمد : ايوا يا بابا فكرت وبصراحة كدا انا بفكر اسافر برا مصر وابدا حياتي برا يعني لسه عند رايي
خضر : مصصم بردو.. خلاص تمام اللي يريحك المهم تكون بعيد عن السلاح.. وانتي يا مليكة اخبار الكلية اي
مليكة : زي الفل يا بوب المهم انت بس تبحبح ايدك معانا شويه يابابا يا حبيبي
كاريمان : كلبة فلوس.. انتي يبت مش لسه امبارح مدياكي فلوس
خضر : سيبيها يا كاريمان سبيها بكرا تتجوز وتتعلم الادب بعد الدلع اللي هي فيه دا
مليكة : هو انا في حد يقدر ياخدني منك انت يا جميل وبعدين انا عايزه العريس شبهك والا مفيش جواز هههههه
خضر : يا بت يا بكاشة انتي... مالك يا صفية ساكتة لي محسن مضايقك ولا حاجه
محسن : انا اقدر اضايق صفصف بردو دي الحب كله دي
صفية : مفيش يا حبيبي انا كويسة متشغلش بالك بيا وبعدين هو في زي محسن اصلا
الحجة فاطمة : وبعدين.. هنفضل فالكلام دا لحد أمته.... انا مش قولت ١٠٠ مره مفيش كلام علي الاكل وخصوصا كلام الشغل
خضر : حقك عليا يا ست الكل... خلاص منك له لها لها لها له له متجيبولناش الكلام.... هاتشي الشاي يا كاريمان انا كده شبعت خلاص
كاريمان : حاضر يا حبيبي اجيبهولك في المكتب صح
... كاريمان بتوطي صوتها وبتوشوش خضر (قوم صبح على ماما انت نسيت عشان كده مش عاطيه وش لحد..)
خضر بصوت واطي
انتي فاكره انها مسمعتش كده..
امي وانا عارف ودانها ههههه)
كاريمان بتخبط خضر ع كتفه : ههههه يلا قوم يا راجل هههههه
خضر بيقوم ويروح جمب امه : ازيك يا ست الكل يا تاج راسنا كلنا.. عاملة اي
الحجة فاطمه : يواد بطل البكش بتاعك دا صحيح عيالك مش جايبينو من برا مهو منك
خضر :بكش مين يا فيفي وبعدين انا عايز اعرف هو في قمر بالجمال دا ازاي... صحيح جايلك عريس هههههه
الحجة فاطمة :اتلم ولم نفسك يا واد بدل متضرب قدام عيالك ههههههههه
خضر: خلاص بقي يا فيفي فكي كده.. كل دا يعنى عشان مبوستكيش.... بتحبي البوس انتي يا ولية ههههههههه
الحجه فيفي : امشي يا واد من هنا يلا.. يا كاريمان خدي جوزك من قدامي هههههه صحيح متربتش
خضر : بقي كده طب مش هقولك على الخبر الي عندي هاااا
الحجة فيفي : خبر اي ها قول.. اخوك صح اخوك قالك انو راجع صح
خضر :ايوا يا اختي اخويا اللي بتحبيه اكتر مني مش عارف علي ايه ههههههه.. هو كلمني وقال جاي الليله بليل هعدي اجيبه انا ويونس
الحجه فيفي : لا ملكش دعوة قولي بس أمتي والواد محمد ياخدني ونروح نجيبه
خضر : اللي تشوفيه يا ست الكل حاضر... عايزه مني حاجه تانيه
الحجه فيفي : تسلملي يا حبيبي.. متحرمش منك. روح يفتح في وشك أبواب الخير
خضر تسلميلي يا ست الكل.... الشاي يا كريمان في المكتب لو سمحتي. يونس ومحسن عايزكم
________________
في قصر شاكر
شاكر معاه كمال
(شاكر... شاكر المنشاوي.... تاجر سلاح كبير على علاقة بدول وطيدة بدول اجبنية.. مش عميل ولكن حليف لدول كتير.. ٥٥ سنه....زعيم الطاولة)
(كمال... كمال بس.. ماضيه غير معروف.. كل اللي معروف عنه انو الجزار.. فهنسميه كمال الجزار.. الجزار دا لقبه لانه مشهور بقطع رقبه الاعضاء اللي يتحكم عليهم بالموت في الطاوله.... دا غير انو عميل لدول اجنبية... تقريبا عمره من عمر خضر)
شاكر : عملت اللي قولتلك عليه
كمال : حصل.. فهمت سليمان كل حاجه وهو هيتصرف في الاجتماع زي الخطة بالظبط وبعتنا صندوق الأسلحة على هناك خلاص.. اما الظابط فخدنا عياله عشان يعترف على خضر
شاكر : مش عايز تعرف ليه انا عايز اخلص على خضر
كمال : لو انت عايز تقول اكيد هتقولي
شاكر : طيب انا عايز اخلص من خضر بقانون الطاولة عشان محدش من عيلته يقدر يتكلم... ليه بقي... عشان خضر كبر بزياده.. محبوب من اغلب أعضاء الطاولة..... معندوش مشاكل مع الدولة هنا.... هو الوحيد اللي يقدر يشيل مكاني والمركب متغرقش منه
كمال : وانت طبعا خايف لحد من اللي برا يقلب عليك ويحطو خضر مكانك
شاكر : اللي برا.. مستحيل حتي لو وصلو انهم يكرهوني... عارفين ان خضر ضد مصالحهم..انا خايف من هنا.. يا اما اللي هنا هما اللي يخلصو عليا.. عشان شايفين خضر احسن ليهم مني... او خضر فعلا معاهم من البداية.
كمال : تفتكر خضر بكل اللي عمله يكون مع الحكومة
شاكر : احتمال ضعيف وصعب لكن موجود... كله هيبان متقلقش.. بلغت النواب ب الاجتماع صح
كمال :اكيد حتى يونس استغرب في اي وكده وانا مقولتش غير انو اجتماع طارئ
شاكر : يونس دا اللي ممكن يعمل ازعاج لينا.. اخوهم اللي مسافر مبقاش. له علاقه بالسلاح من بعد موت مراته او بمعنى أوضح من بعد ما انت قتلت مراته..... ومحمد ابنه ملوش في الكلام ده بردو... لو حصل منه حاجه النهارده اتعامل معاه.
كمال: سليم راجع النهارده جتلي معلومه امبارح بليل.. أما محمد فعرفت من اصدقاء ليا في السفارة انو مقدم علي هجرة عندهم..... ويونس هتعامل معاه متقلقش من اي حاجه ابدا كله هيمشي زي. مخططنا
شاكر : اتمني..
_____________
هنرجع تاني لبيت خضر تحديدا في مكتبه
خضر : لا يا يونس لا احنا عندنا التزامات إنما مش هتطلع الشحنه من المخازن الا لو اتاكدنا ان كل حاجه تمام وان محدش هيهجم على البضاعة زي المره اللي فاتت...
يونس : ايوا يا خضر يا اخويا بس لازم ن...... (تلفون خضر بيرن)
خضر : استني يا يونس (الو..
المتصل:٠٠٠٠٠٠٠٠٠٠٠٠٠٠٠٠٠٠٠٠٠٠
خضر: (ايوا يا حبيبي حاضر.. انا شويه واعدي عليكي
المتصل : ٠٠٠٠٠٠٠٠٠٠٠٠٠٠٠٠٠٠٠٠٠٠٠
خضر : (تمام يا قلبي مع السلامة شويه وجاي.. سلام.. سلام
خضر : نكمل كلامنا في المكتب.. هخلص المشوار دا وبعدين ارجع ع المكتب نكمل كلام وبعدين اطلع انا وانت يا يونس علي الاجتماع.
محسن :رايح البيت التاني... اموت واعرف انت ليه بتروح المشوار دا من غير حراسه او اي حد معاك.. م احنا عارفين المكان وعارفين الجماعه وهي تعرفنا... افهمها بقي
خضر بيضحك : بعد الشر عليك يا محاميحو هههههه بس مش هريحك بردو
محسن : يا سيدي مش عايز اعرف هااا.... بس المشكله مش في اني اعرف المشكله ف الولية امك دي... لو حد فيكم اتخربش بتيجي تحاسبني... انا مالي.. خلفتك انت وهو ونسيتكم ههههههههه
يونس : يعم محسن متجمعش انا بسمع كلامك وباخد حراسه معايا ديما قوله هو الكلام دا
خضر وهو بيقوم وبياخد جاكت البدلة معاه : انت الوحيد اللي محسن ممشي معاك حرس عشان يحمو الناس منك مش يحموك ههههههههه
محسن : يونس دا ملاك... مشكلته اي يعني.. عصبي شويتين تلاته... متهور مثلا.. عادي يعني ههههههههه
يونس : ايواااا هتسيب الكبير وتتشطر على الصغير
خضر: قولها يا عرص مقدرش على الحمار بيتشطر على البردعه ههههههههه
يونس : لا يا كبير مقدرش يتقطع لساني لو عملت كده او قولت كده
خضر : شاطر ههههههه يلا سلام بقي ونتقابل بعدين
__________________
في مكتب سليمان
سليمان
(سليمان البرنس... تاجر سلاح وعضو في الطاولة و مسؤول عن النقل في الطاولة... ٥٠ سنة له اخ واحد وهو سميح... وابن صغير عنده ١٠سنين اسمه صلاح)
سميح
(سميح البرنس اخو سليمان الصغير.. دراع اخوه اليمين... نائب اخوه... له تجارة بعيد عن اخوه في المخدرات)
سليمان: جهزت كل حاجه زي ما كمال بيه قال
سميح :حصل كله تمام متقلقش
سليمان : عيلة الصاوي النهارده اخر يوم ليها ع وش الأرض.... لو حصل خطأ كمال مش هيرحمنا لانه شكل اللي قلنا نعمله من دماغه مش امر من شاكر
سميح : متقلقش وانا هعرف من اميرة كل حاجه قبل ما اتحرك
سليمان : تمام خلي بالك بس وصحصح.
_____________
خضر بيوصل بيت مكون من دورين بس بيخبط الباب خبطه بعدين خبطتين بعدين ٣ خبطات
شويه الباب بيفتح وخضر بيدخل بياخده واحد وبيمشو شويه وبعدين بيوقفو عند اسانسير بيركبوه وبينزلو بيه تحت للدور الرابع تحت الارض
بيدخل خضر مكتب بيكون فيه شخص قاعد ورا المكتب مش ظاهر ملامح وشه بسبب الإضاءة
خضر :خير ليه الاتصال العاجل دا
شاهين (اسم حركي) : في مخطط بيحصل عشان يخلصو منك النهارده في الطاولة
خضر :مخطط اي دا
شاهين : شاكر وكمال وسليمان اتفقو عليك.... خاطفين ظابط من مكافحة الارهاب عشان يقول انك شغال لحسابهم وسليمان جاب صندوق اسلحه فاسدة وهيقول انك بتسلم الطاولة أسلحة فاسدة
خضر : طب والعمل
شاهين : حاول تأمن نفسك بسلاح جوا... لوقدرنا نوصل لاطفال الظابط دا هنحاول نتواصل معاه جوا ان ولادو بأمان... انت وقتها عليك حماية الظابط جوا... أما الصندوق فا......
خضر بيقاطعه : لا سيب عليا انا الصندوق هتصرف فيه... هعملها حفله رقص وألبسهم بدل هههههههه
شاهين : سيب موضوع بدل الرقص علينا مش لازم يبان ليك اي دخل ب اي حاجه.. متنساش تأمن الظابط جوا
خضر : اللي تشوفه حاضر
شاهين : يلا روح علي مراتك التانيه عشان متلفتش الانتباه ....اه صحيح خد الفلاشة دي... دا واحد من رجالنا بيحاول يجند سليمان دا تسجيل بينهم ارميه ف وش شاكر عشان يخلصنا من سليمان.
خضر : تمام عن اذنك
بيخرج خضر ويتحرك علي بيت مراته التانيه سمر
____________
بعد كام ساعة الكل بيوصل علي الاجتماع
النواب بيقفوا برا والأعضاء بيدخلوا جوا
_____
شاكر : انتم عارفين قوانين الطاولة... عارفين جزاء الخيانة هنا اي.. زي ما كمال بلغكم يا جماعة الاجتماع دا عاجل.... سليمان طلب يعمل اجتماع عاجل... لأنه معاه ادله على خيانة خضر للطاولة
خضر : هههههههههه
شاكر : اي اللي بيضحك فى كلامي يا خضر
سليمان :يمكن عشان نهايته قربت ومش هيعرف يعمل حاجه
شاكر : انت عارف القانون كويس جدا ي خضر.... النائب بتاعك موجود صح
كمال : ايوا موجود برا يا شاكر بيه
خضر : موجود بس صدقني هتحتاجه
شاكر : سليمان فين اللي يثبت خيانة خضر
بيقوم سليمان وبيرجع هو ومجموعة رجالة معاهم صندوق خشب وراجل مربوط وفي لزق على بوقه
سليمان : دا صندوق من صناديق خضر فيه أسلحة فاسدة زي باقي البضاعة اللي اخدتها منه
والشخص دا ظابط في مكافحة الارهاب اعترف بنفسه ان خضر بيشتغل لحساب جهازه
شاكر : افتح الصندوق يا خضر
خضر : متأكد من ده.... انت اللي قولت
*بيقوم خضر يفتح الصندوق *
سليمان : اهي الأسلحة يا جماعة وهجربها قدامكم حالا..... اي دا فين السلاح
خضر : اقولك فين ولا تزعلش
شاكر : اي دا يا خضر فين السلاح
خضر : وانا مالي الصندوق من سليمان هو تقريبا بيتاجر في بدل الرقص.... سليمان قولت هتجرب اللي ف الصندوق صح هههههههههه
شاكر : طيب شيل اللزق اللي علي بوق حضرة الظابط خلينا نسمع اللي عنده
الظابط : انا معرفش اي حاجه سليمان اللي هددني اني اقول ان حد اسمه خضر بيشتغل معانا وانا معرفش مين خضر دا وعملت كل دا عشان خاطر عيالي اللي هو خاطفهم
خضر : يا جماعه بقي يا جماعه اي دا بجد طب انا عندي حاجات تدين سليمان طالما هو عايز يوقعني ظلم
بس الاول اخد حقي منه يا شاكر بيه
شاكر : حاجات اي دي....
خضر : اخد حقي من سليمان الاول لانه اتهمني زور
شاكر : عايز اي يا خضر
خضر : سليمان يلبس بدلة رقص من دول التانيه بقي
... صاحبها عارف نفسه
شاكر : البس البدله يا سليمان هتكمل بيها الاجتماع
سليمان : بس انا.....
شاكر : مش عايز اي اعتراض
_________
بنروح للقصر بتاع خضر وعيلته
الحجة فيفي : يا محمد يلا ي ابني هنتاخر على عمك
محمد : ي ستي متخافيش لسه ٤ ساعات علي ميوصل
الحجه فيفي : انا قولت يلا يبقي يلا
محمد: حاضر يا ستي يلا بينا العربيات جاهزة من زمان
فجاءة صوت رصاص بينزل زي المطر علي البيت
فوق ال ٤٠ راجل شايلين سلاح آلي ونازلين بالرصاص زي المطر بعد مغفلو الحراس اللي علي البوابه ودخلو
محمد بصوت عالي : كلو ينزل ع الارض كلو على الأرض حالا
_________________
في مكتب شاهين بيجي له اتصال
شاهين : الو
..... : .............
شاهين : لا متدخلش انت
....... :..............
شاهين : كل اللي اشتغلنا عليه هيضيع لو حد مننا اتدخل بلغ الشرطه وهي تتصرف
(وبيقفل المكالمه)
_________________
خضر : اظن بعد اللي سمعته دا كل حاجه بقا واضحه
البيه بيتفق مع جهاز من الاجهزه الحساسه في الدولة.. يعني هو اللي خاين مش انا واظن دا صوته ولو انكر هجيب صور للمقابلة دي
الحكم ي شاكر بيه هو هو الخيانة تمنها الموت
شاكر: اكيد بس لازم.........
فجاءة بيدخل يونس المكان وبيجري على خضر وبيعرفه ان فيه هجوم على البيت
وباااااااس كده
يلا تشااااو
