متسلسلة فانتازيا وخيال الدونجوان وانا - السلسلة الثانية ـ حتي الجزء الخامس 15/3/2023

[العنتير]

انا بخير يبروو والجديد نزل شكرا ع السؤال

ديمان ياشق تمام يابوب

 

[Deep thinking]

ديمان ياشق تمام يابوب

تسلم يبروو وانت كمان

 

[العنتير]

تسلم يبروو وانت كمان

حبيبي اخوك

 

[العنتير]

يسطا فين الجزء

 

[Deep thinking]

حبيبي اخوك

تسلم يبرو

 

[Deep thinking]

يسطا فين الجزء

نزل يبوب واندمج كمان 😂

 

[العنتير]

نزل يبوب واندمج كمان 😂

ايه ده بجد 😂😂

 

[mor2010]

جميل كـ’ العادة يا طيب ..
فى انتظار القادم

 

[العنتير]

عاش جدا يسطا والجزء الجديد امتا وياريت متتئخرش علينا

 

[متهور موت]

كسم الخيانه

 

[متهور موت]

الجديد بكرا صح

 

[متهور موت]

جزءجامد نييك

 

[غريب عن العالم]

الجزء ده خلي دماغي تتوه

 

[غريب عن العالم]

نستنى الجزء الجديد عشان نفهم

 

[_El7awy_]

جزء فاجر فشخ

 

[الشَّــــــاعِـر🖋️]

مبدع كالعادة ✨ بس ياريت تطول ف الجزء شوية احنا بنستنى الجزء ايام وبيخلص معانا ف دقايق مش بقول انك تضاعف الجزء بس اتمنى تزود ولو ربع كمان لو مش بتعمل عظمه مكنتش طلبت ده مستنيين ابداعك 💫

 

[فاشخ الكوكب 😈]

جزء جامد وتغير فالاحداث بشكل سريع وده يدل ان الي جاي دمااار

 

[ceaser33]

الجزء الجديد امتى

 

[12321Mahmoud]

دا اول تعليق ليا هنا وبقولك يابني **** ينور عليك احسنت بس يا ريت متغيبش انا متابعك انت بس ف المنتدي كله عااش➤السابقة

الجزء الاول

بداية السلسلة الجديدة الي مشافش السلسلة الاولى يشوفها لانها ممتعة جدا وهحط اللينك بتاعها هنا

تاني حاجة حابب اقولها هنا انا كاتب قصة صغيرة كدا على ادي متنساش تدخل تشوفها في مسابقة الربيع الوردي اسمها حلم المراهقة وياريت تصوتلي لو عجبتك

وصلنا السلسلة الي فاتت لما جه الليل وانا قاعد بفكر واخطط في الي هيحصل بكرة وفجاة اتخبطت على دماغي عيني غفلت اول لما المهارة اشتغلت لقيت فيه ورقة على وشي وحسيت بحد بيكتفني بس انا مش حااسس بجسمي وبغيب عن الوعي واحدة واحدة عايز اقوم واشوف فيه ايه مش عارف وسحبني الشخص دا بعد لما كتفني لبرا الخندق .

تاني يوم الصبح صحيت لقيت نفسي مربوط بحبل اسود غريب وليه ريحة غريبة

( يساتر ي** . وانت ايه يبني الي عمل فيك كدا )

ابدا اصل انا اتاخدت على خوانه وكان معايا نظام هفا

( هفا اه وماله انا اصلا كنت نايم مفيش حاجة حسيت بيها )

نايم اه فالح بس تبص على بزاز البنات ياحيحان

( لا انا ببص على طيازهم احلى وطرية 🤔 )

خليهم ينفعوك بقا ادينا اتخطفنا وهنموت اهو

( تموت ايه يجدع انت المفروض بقيت قوي ...عايز تموت دي بتاعتك انت بقا )

قوي ايه بس انا الحبل الي انا مربوط بيه دا حاسس انه واخد كل طاقتي ومش عارف اتحرك بسببه

( وريني كدا ... اااااااه هو انا مقولتلكش؟)

اتحفني كمان بمعلوماتك الي ديما متاخرة

( اصل الحبل دا فيه طاقة شيطانية بتتغذي على جميع الطاقات واي حد بيتربط بيها مهما كانت قوته طالما مش هيقدر عنده طاقة تصد امتصاص الحبل هيبقى اكنه انسان عادي وضعيف كمان )

شكرا ع المعلومة يعني انت عارف من الاول بتقول ليه قوي وم قوي عايز افهم ؟

( ههه عشان اغيظك -_-)

يخي دنتا ابضن من شيري نفسها قولي اعمل ايه طيب

( اصبر بقا لما اشوف حل )

هو انا عندي غير اني اصبر ...

وانا كنت بتكلم مع النظام كنت سامع صوت حد بيقرب مني وبيهمس بلغة غريبة وصوته مرعب ، انا طبعا حاسس اني هموت او حد هايكلني جسمي بدا يقشعر من الصوت وبدا جسمي يعرق

في لحظة حسيت بايد بتمسك رقبتي وبترفعني وبترميني على حاجة سخنة ، انا طبعا سماتي قلت جدا بسبب الحبل ومش عارف اعمل اي حاجة وقوة تحملي بقت تقريبا صفر مقدرتش امسك نفسي من الحرارة وصرخت حاولت امسك نفسي بس مقدرتش

،،ااااااااه ارحمني طيب فكني وتعالى راجل لراجل وانا اوريك نفسي ،، وقولت كدا بعد لما الحرارة كانت بتاكل جسمي وطبعا الشخص دا او الكائن دا او بمعني اصح الراجل دا او الوحش مش عارف اقول عليه ايه لانه شال من على عيني القماشة وشوفته
وصف الشخص ﴿ شاب يبدو في الثلاثينات من عمره طويل جدا تقريبا ٣ متر او اكثر بشرته بيضاء شعره اسود ناعم عريض وملئ بالعضلات ردائة عبارة عن بنطال اسود فقط ومن فوق لا يرتدي اي شئ كان يحمل في يده سيف ضخم يبدو انه جلا.....﴾

عندما امسكني ولمسني ظهرت نافذة حالتة ويبدو انني لم اكن اراها بسبب القماشة على عيني واتصدمت حرفيا من كمية المعلومات دي

____________________________________/

نافذة المستخدم 8.0

الاسم : j%*!@#++#-#-#+(#!

المستوى: 396

الفئة: إرمي منبوذ

اللقب: ( المنبوذ الوحيد)

القدرة : ( جلاد سحار ) ( فنون القتال والدفاع )
____________
السمات :
القوة : 150000 القوة الجسدية : 150000
القوة السحرية:130000

الدفاع: 100000 الدفاع الجسدي :90000
الدفاع السحري:80000

السحر :الدرجة الثامنة

المانا: 500k ﴿ ٥٠٠ الف يعني ﴾
نقاط الحياة : 1 milion ﴿ مليون ﴾

الكي : المرتبة العاشرة
طاقات اخرى : ( طاقة الين واليانج المرتبة التانية. طاقة التشي المرتبة التانية )

خفة الحركة : 100000 التحمل:150000

____________
مهارات: ( مهارة فنون الدفاع القديم ) ( مهارة فنون القتال القديم ) ( مهارة سحر السيف ) ( مهارة الشفرات الواحدة والعشرين )**************** **************************
_____________________________________

احا ايه كمية المعلومات دي كلها !

( ايه عادي يعني هو مش قوي للدرجادي منبهرتش انا )

انا يعم انبهرت انت مش شايف دا قوته لوحدها تقدر تحط على عالمنا كله

( عادي برضو تقدر تبقى اقوى يبني انت عندك قدرة النظام الناس كلها عندها نظام للقدرة انت عندك قدرة للنظام )

وامتى يعني هبقى بالقوة دي اظن بعد مئات السنين طبعا

( لا... سنة او اتنين بالكتير هتكون اقوى من الي قدامك دا )

انت بتهظر صح ... بعيدا ان سنتين كتير جدا بس دا قوي فشخ حتى دا خفي هالته وكمان انا خايف منه امال لو فعلها هيحصلي ايه وغير كدا انا مظنش ان دا ممكن دا مستحيل

( بكرة تشوف 😎😏)

.
.
.
.
.
.
،، #)$+_!"/+:$(--$//(-&&#&$$,, اتكلم الراجل اخيرا بعد لما كان عايز يضبخني تقريبا ولقيته بيشلني وبيحطني على الارض بعيد عن النار ورفع السيف بتاعه في وشي انا اتخضيت اول ماشوفت السيف وقف قدامي معرفش امتى اتحرك ولا السيف دا كان مستخبي فين

بيقول ايها مش فاهم ، يانظام الحقني مفيش اي حاجة تخليني افهمه ؟

( فيه ... مهارة مترجم شوفها في المتجر قسم المهارات )

فتحت المتجر واخيرا لقيت مهارة رخيصة

( مهارة المترجم : وصف المهارة ﴿ تساعد المستخدم على فهم جميع اللغات المختلفة والتحدث بها ﴾

السعر : 500 عملة )

اشتريت المهارة وفعلتها

( تم اكتساب مهارة المترجم السلبية ﴿ يعني دائمة التفعيل ومش محتاجة اي طاقة للاستخدام ﴾ )

،، عرف عن نفسك، وايه الي بتعمله في ارضي ؟،، اتكلم تاني الكائن دا والمرادي فهمته اكنه بيتكلم عربي

،، انا ادهم من مصر كنت في مهمة مع رافقائي جنب بوابة زنزانة وفجاءة البوابة اتحولت من الازرق للاحمر وسحبتني بسرعة واتقفلت وفضلت هنا بدور على الوحوش وبقتلها وبعلي مستوايا وبكسب عملات واشتري بيها اكل عشان اعرف اخرج لو الوقت طول هنا وانت ظهرتلي وخطفتني معرفش ليه ،، خلصت كلامي لقيته استغرب ازاي غريب بيتكلم لغته

،، زنزانة ايه وبوابة ايه اتحولت ازاي يعني م فاهم وايه عملات دي وايه مستوى دا مش فاهم ،، سال هو وتقريبا شديت انتباهه لانه خفض السيف شوية

،، ايه دا متعرفش النظام؟ ،، سالته

،، لا ،، رد هو

،، ولا تعرف حاجة اسمها قدرات ولا مهارات ولا اي حاجة عن دي متعرفش ان فيه دولة اسمها مصر ولا يابان ولا امريكا ولا فرنسا حتى ؟ ،، سالته وانا مندهش

،، لا برضو ،، رد وهو بدات عنيه توسع وبدا يخفي شوية من شدته

حكيتله كل حاجة من اول ماصحيت من نظام ووحوش وما الي ذلك وهو كان بيندهش ساعات وساعات لا

،، فهمت انت جاي من عالم تاني غير عالمنا دا بس العالمين فيهم حاجات مشتركة وهي ظهور الوحوش والبرج وكل عالم نشا فيه طرق مساعدة زي النظام والاكاديمية عندكو انما احنا معندناش الحاجات دي لاننا مش محتاجينها اصلا ،، رد هو في لباقة ووقار

،، صح بس ايه السبب يا استاذ سوهاك ﴿ دا اسمه بعد لما اكتسبت مهارة الترجمه عرفت اقراه﴾ ،،

بعد لما نطقت اسمه بصلي بغضب ورفع سيفه وقال
،، مين قالك اسمي دا انت مين بالظبط ومين الي بعتك ؟،، سال وهو كان خلاص هيقتلني

،، استنى بس منا قولتلك النظام ودي زي شاشة وهمية بتظهر معلومات عن الشخص الي بلمسه او بيلمسني ،، رديت عليه وانا ببلع ريقي من كمية الرعب دا

،، فهمت بس مش عايزك تقول اسمي دا تاني وناديني بالمنبوذ احسن ،، رد هو بعد لما نزل سيفه الجلاد

،، حاضر يا استاذ منبوذ ، ممكن اعرف صح انت ليه منبوذ ؟،، سالت وبصلي هو وغير ملامحه وقال

،، متسالش في الي ميخصكش ،، وقام ولف واداني ضهره ومشي انا ندهت عليه لما لقيته ماشي

،، طب ايه مش هتعرفني اي حاجة طيب في العالم دا انا عريب وانت اصلا كنت هتاكلني لما شوفتني انا مش هعرف اعيش لوحدي لو شوفت ناس زيك تاني هنا ،، قولتله وسكت لما لقيته لف وبصلي

،، ميخصنيش وقولتلك متسالش في الي ميخصكش عايز تخرج او تعيش هنا اتصرف انت واكتشف دا لوحدك ،، رد وكان ماشي بس وقفته لماقولت

،، طب بلاش اعرف اي حاجة بس ممكن تعلمني ازاي بقيت قوي كدا ؟ وازاي بقيت معاك قوى الفنون القتال والدفاع دول وهم من عالمنا ،، سالته ولقيته لف واستغرب من السؤال

،، انت مالك وبعدين قولتلك انت اكتشف دا بنفسك وفنون ايه دي الي من عالمكو ؟ دي طرق للقتال والدفاع انا الي مخترعها ومحدش هنا ولا اظن في اي حته تانية يعرفها غيري ،، رد وانا اندهشت

،، تقصد انك انت سوهاك كاتاك الي انشا فنون القتال ؟ ،، سالته وانا مش مصدق الي شايفة قدامي زي الي لقا كنز

،، اها انا ومتقولش اسمي تاني قولتلك ،، رد بوقار الناس الكبار كدا مع انه لسه شاب وصغير

،، طيب ممكن تعلمني ؟ 😍،، سالت وانا عارف الاجابة

بصلي شوية وكان هيقول لا بس لما شاف جزء من الهالة بتاعتي من الطاقة الاصلية اندهش وقال

،، الطاقة دي مش غريبة عليا ... طاقتك الغريبة دي بتحتوي على جزء من هالة الفنون بتاعتي هل دا بسبب النظام برضو ؟،، سال وهو مندهش

،، اها بس انا مش عارف غير الاساسيات بس ومش محترف فيها بس لو انت يا استاذ منبوذ ساعدتني هكون الاقوى في العالم واعملك اي حاجة انت عايزها ،، رديت عليه وانا تقريبا هموت لو قال لا

،، اي حاجة هطلبها منك هتعملها ؟ ،، سال وهو بيبتسم بخبث

،، اه اي حاج... انت عايز ايه بالظبط؟😂،، رديت عليه

،، ولا حاجة بس عايزك تجيب قرن وحش اسمه ديناطور ،، رد عليا بخبث

،، قصدك ديناصور ؟ ،، سالته

،، لا اسمه ديناطور ... م انت بتقول بتعرف معلومات الي قدامك بسبب النظام انت لما تشوفه هتعرفه وهو موجود في الشمال ،، رد بخبث

،، يعني انا لو جبتلك قرن الديناطور دا هتساعدني وتعلمني كمان الفنون الاتنين وابقى محترف فيهم ؟،، سالت وانا مبهور

،، وهخليك احسن مني كمان فيهم ،، رد بغرور

،،هوا هجيبهالك،، وبصيت في الخريطة لقيت فيه علامات لوحوش باللون الاحمر والمنبوذ كان جنبي لونه احمر برضه تقريبا النظام بيعتبره وحش وفعلا اتحركت ناحيه الوحوش دي ، اول ما قربت من بعيد ظهر اول واحد

( وحش الديناطور
المستوى : 100
مستوى الصعوبة: صعب
نقاط الحياة : 100000)

ينهار ضحك ... انا هقتله ازاي دا انا دمي لوحدة ميجيش نص دمه حتى دمي يدوب ٤٠٠٠٠ بس

جهزت المسدس بدات اتحرك براحة عشان ميحسش بيا ، الديناطور كان مصطاد وحش تاني وعمال ياكل فيه ومديني ضهره فعلت الهالة بتاعتي الطاقة الاصلية وشحنت السلاح بيها بدل الكي او اي طاقة تاني لانها الاقوى عندي

﴿ طااااخ﴾

ضربت طلقة واحدة جت في الحراشف في ضهره بس تقريبا ماثرتش فيه لان مظهرش اي جرح وكان رد فعله غبي اوي لانه لف بسرعة وصاح وضرب رجله في الارض زي الكور اكنه بيحظرني انه هيهجم عليا وفعلا جري عليا انا طبعا كل الي عملته نطيت لشجرة كانت جنبي وهي عدى من تحتي زي الطور طوله كان تقريبا 5 متر او اكتر وكان سريع جدا يستحق فعلا انه يكون في مستوى 100

انا اتثبت على الشجرة وكنت بجهز طلقة تانية بس هو مدانيش فرصة ولف بسرعة كان بيني وبينه كام متر فجاة بقا تحت الشجرة بسرعة خارقة حتى عيني ملاحظتش دا وضرب الشجرة بقرونه خرمها وبدات تضعف وتقع انا كنت جهزت طلقة تاني وضربته بس برضو ولا اي حاجة جت في دماغه ولا اثرت فيه وقعت على الارض بس عشان قدرة تحملي كبيرة شوية قدرت استحمل ظهر فجاة ورايا بسرعة خيالية وصاح انا لمحته بس وهو بيضرب قرنه في ضهري وشوفته وهو بيخترق بطني من قدام الدم بدا يخرج بسرعة وانا صرخت من شدة الالم

( نقاط حياة المستخدم انخفضت للنصف ... نقاط الحياة المتبقية 20000)

الديناطور رفعني وانا حرفيا حاسس اني بموت وبتقسم نصين ونطر جسمي خبط في الشجرة وقعت وانا كنت خرجت من قرنه بس وقعت على الارض مش قادر من الالم اعمل حاجة غير اني اكتم صوتي عشان الوحوش القريبة لو سمعت هتيجي تكمل عليا

( جاري تشغيل معارة الشفاء المطلق ... جاري شفاء جميع الجروح )

وفعلا بدا الجرح يلم والالم يهدا بس الصداع في دماغي لسه موجود من الم المنظر ، بدا الديناطور دا يضرب رجله في الارض تاني وفجاة وصل عندي بخطوة واحدة بس انا قدرت اتجنبها باقصى سرعتي وفعلت هالة طاقتي الاصلية الي ضاعفت سماتي بس برضو بالنسبة للدينا طور ضعيف وكل الي عملته اني اتحركت كام سنتي عشان الضربة متجيش فيا بس جسمه خبطتني واتنطرت خبط في الشجرة الي ورايا

خفيت الهالة بتاعتي وحاولت اكتم نفسي وبدات افكر في خطة والوحش عمال يخبط في اي شجرة تقابلة زي الهايج ، فجاة جتلي فكرة

نظام تعرف تحددلي نقط ضعف الديناطور ؟

( اه طبعا هو انا لسه بادي انا نظام الملك يبني )

خلص انا بموت هنا

( طيب طيب متزوقش ... بص امممممم دا الديناطور من اقوى الوحوش في ايامي انت ايه الي عمل فيك كدا يبني ههه)

بلاش اقولك مين ومتزعلش خلص قول ايه

( ياعم خلاص بعرفك بس انه جامد فشخ وصعب تقتله )

شكرا ع المعلومة انا الي غلطان اني سالتك اصلا

( ياعم خلاص اله .. بص عارف بوقه )

اه اخدت بالي ان ليه بوق ... ماتخلص يعم قول اعمل ايه

( يعم اهدى عشان افتكر .. بص انت تحاول تضرب في بوقة بس هو دا المكان الوحيد الي ممكن ياثر فيه )

وفعلا بدات اشحن المسدس بهالتي من غير ما افعلها عشان الوحش مياخدش باله اني هنا ، اول ماشحنت المسدس خرجت من الشجرة وظهرت ليه اول ماشفني وشاف المسدس اتحرك بسرعة ناحيتي وفلمحة بقا ورايا وعمل نفس الحركة بس انا فعلت هالتي بسرعة واتفاديت برضو الطعنة بس ماعرفتش اتفادى القصور بتاع جسمه فطرت وخبط في الشجرة تاني

( شكلك كدا هتموت ياخويا البقاء * كنت طيب وال )

يعم اقعد انت التاني ودا مبيفتحش بوقه خالص ومفيش فيه اي ثغرة ...

فجاة خطرت في بالي فكرة دخلت المسدس المخزن تاني ووقفت قدام الديناطور المرادي متحركتش

﴿ كررااااك﴾

ضرب قرن الديناطور بطني وانا مسكت نفسي من الالم على الرغم انه شديد بس استحملت

( نقاط حياة المستخدم قلت للنصف )

رماني تاني تحته المرادي وانا ثابت مبتحركش نزل وشه وبدا يشمني دقيقة

( تحذير... المستخدم في خطر الموت )

( انت يامجنون بتعمل ايه هتموت يخربيتك )

انا ساكت ولا برد حتى عليه وثابت ، بعد لما الديناطور فضل يشم شوية اتاكد اني ميت قام بالعني مرة واحدة

( تحذير ... نقاط حياة المستخدم في النقصان انت الان في خطر الموت )

( انت بتنتحر ؟ انت اعمل اي حاجة ياهبل)

﴿ ااااااررررغغغغغغغ﴾

خرجت من زوره بعد لما ضربت ضربه من المسدس فيه من جواه اخترقته من جوا لبرا واكتشفت انه ضعيف جدا من جوا

( تم قتل وحش الديناطور بنجاح )

( بما ان الوحش اعلى منك في المستوى سيتم مكافاتك بضعف المكافات العادية )

( تم اكتساب 100000 نقطة خبرة )

( تم اكتساب 100 نقطة في جميع سماتك+)

( تم رفع مستوى المسدس الاسود للمستوى الثاني )

( تم اكتساب صندوقين من المستوى الخالد )

(تم اكتساب 100000 عمله )

( تم تشغيل مهارة التضخيم *10)

( تم اكتساب 1000000 نقاط خبرة )

( تم اكتساب 1000 نقطة في جميع سماتك )

( تم اكتساب صندوقين من المستوى الفريد الاسمى )

( تم اكتساب 1000000عملة)

يانهار ضحك.... ايه دا كله ياسطا !😳

( ايه مش عاجبك ارجعهم؟)

لا لا بس ترجعهم ايه انا ماصدقت ، تسلم مش عارف من غيرك كنت هعمل ايه يعني🥰

( عشان تعرف بس اد ايه انا مهم متقدرش تستغنى عني 😎)

حقك .. مقدرش افتح بوقي صراحة

( طبعا ههه 😏... المهم ، بما ان الديناطور بيجيب الجوايز دي كلها متكمل واقتل اكتر منهم )

لا يعم اكمل ايه اهدى شوية انا كنت هموت في المرة الي فاتت ، غير كدا انا حاليا مش محتاج اقتلهم انا حاطط في دماغي خطة احسن من الهم دا انا كنت بضيع

( خطة ايه دي ؟)

اتقل بس ... قولي صح انا معايا كام عملة دلوقتي ؟

( تقريبا 1200000 ليه؟)

دول يجيبو كام مشتق من فنون القتال ؟

( ولا واحد اقل مشتق م اقل من 100 مليون )

حلو ...كدا مفيش قدامي غير طريقة واحدة

( طريقة ايه ؟)

اتقل بس هتعرف بعدين .

بعد لما ارتحت شوية واستعدت كل نقاط حياتي فتحت المخزن وخرجت السيف الي اشتريته اول مادخلت مع المسدس وضربت قرن الديناطور ضربة قطعت القرن بتاعه ودخلت السيف والقرن في المخزن تاني تقريبا القرن كان اد السيف او اكبر منه شوية في الحجم

وانا في طريقي راجع للمكان الي كان فيه المنبوذ قولت افتح الصندوقين الي كسباهم من النظام بعد ماقتلت الديناطور

نظام افتح الصندوقين

( تم فتح صندوق عشوائي من درجة الفريد الاسمى )

( تم اكتساب سيف مجهول الهوية من مستوى الفريد الاسمى )

( تم فتح صندوق من مستوى الفريد الاسمى بنجاح )

( برجاء اختيار بطاقة )

وظهر قدامي تلت بطاقات لونهم شفاف او عديم اللون زي المياه بس انا شايفهم لانهم متحددين بخط من الحواف ، دوست على البطاقة الي في النص نورت بضوء ابيض والاتنين التانين اختفو البطاقة الي اخترتها انتقلت من الشاشة لايدي

( تم اختيار بطاقة الوقت بنجاح )

بطاقة وقت ؟ مش فاهم

( ولا انا ههه)

يعم اخلص اعرض تفاصيلها

( كل الي اعرفه انها بس بتستخدم مرة واحدة بس وليها علاقة بالوقت بس محدش استخدمها وقابلته بعدها تاني قبل كدا كل الي استخدمها قدامي اختفى ومعرفش عنه حاجة )

ايوة يعني دي مفيدة ولا لا؟ انت كدا خوفتني منها

( معرفش مش موجود معلومات عنها اكتر من كدا في ذكائي الاصطناعي 🤔 )

خلاص خلاص فكك هيجي وقت واعرف ايه دي

دخلت البطاقة المخزن وانا ايدي بتترعش وخايف منها وبصيت على السيف الجديد الي لسه ظاهر

( سيف ****: هو سيف مجهول الهوية ومجهول المصدر لا احد يعرف من اين اتى ولا مما صنع لون نصله اسود بسبب المواد التي صنع منها ولون مقبض يده ابيض ايضا مجهول الهوية قابل للترقية مع المستخدم والتطور والدمج ايضا يرجى من المستخدم تسمية السيف الاول له )

سيف اول ايه يعم منا معايا سيف

( اسمع الكلام مش هتندم )

طيب ماشي بس حلوة فكرة انه بيتطور مع المستخدم دا وحلو الساسبنس دا عجبني 🤔

( لا هو فعلا انا اول مرة اشوف الحاجات دي من اول ماتعملت لغابة النهاردة مشوفتش اي معدات زي دول )

اي دا بجد!

بعد شوية وقت وانا بفكر وازاي هسمي السيف دا ولا اعمل ايه

نظام ... اسمي السيف ازاي ؟

( بسيطة هتمسك السيف بايدك وتحركه في الجو وتقول الاسم الي اختارته)

طب اسميه ايه ؟

( انا الي هعرف ؟ سميه اي حاجة سميه بطاطس محروقة)

فكرة برضو تنفع اصله اسود كدا وباهت زي البطاطس المحروقه فعلا😂

فكرت ف اسم فشيخ بس لقيتها مهروشة وملهاش لازمة بقا حركات من دي فقولت اسميه بطاطس بلاك
وفعلا حركته في الجو وقولت اسمه بطاطس بلاك

ترااااخ *

في لحظة لقيت السيف لمع واللون الاسود زاد وبقا غامق ونضيف وبقا اكن شكله جديد تماما وفي لحظة السيف اتحول لخاتم في ايدي

( تم تشكيل عقد بين سيد وخادم

السيد: ادهم

الخادم: بطاطس بلاك )

مسم عظمة اسم بطاطس دا ليه رنة كدا بتمزج.

كدا بقا معايا سيفين ومسدس ادوات للقتال القريب والبعيد مع بعض ... ثانية واحدة كدا

( تم دمج سيف من المستوى الفريد الاسمى مع الخادم بطاطس)

وخرجت السيف الي كنت مشتريه قبل كدا واستدعيت بطاطس ومجرد ماقربتهم من بعض بطاطس المقبض بتاعه اتحول لفم شبه فم الوحش ليه اسنان وفلحظة بلع السيف الي مفروض انه قوي وليه هالة قوية ، شكلي كدا لقيت حاجة تستاهل .

( الخادم بطاطس الان ارتقى في المستوى 12/1)

( تنويه ... انت الان قادر على استخدام القوى الغامضة للسيف بطاطس ودمجها مع هالتك )

بسرعة فعلت الهالة بتاعتي وفكرت اني استعين قوة السيف بس المتاح ليا وخرجت من السيف هالة مرعبة اكبر بكتيييير من للهالة الاصلية للطاقة بتاعتي

﴿ ملحوظة صغيرة ..الهالة الاصلية دي الي هي تفعيل الطاقات كلها الي عندي ودمجهم سوا زي الكي والسحر والمانا ودي بتزيد مع زيادة مستويات الطاقات دي وبتزيد اكتر لما بفتح مسارات للطاقات الجديدة وادمجهم كلهم سوا بحيث اني احصل على اكبر كم من الطاقة بجهد اقل ياريت تكونو فهمتوني 🤔 وللتسهيل وزيادة الاثارة هخلي كل هالة ليها رقم قوة عشان تعرفو قوتها والرقم دا ملهوش اي علاقة بالسمات هو رقم لقوة الهالة الخاصة يعني بعيد تماما عن سمات الشخص هي بتزود من قوة الشخص نفسه وبتضاعفها عشان المستخدم يجاري الي اقوى منه بس... ملحوظة صغيرة فشخ😏﴾

( تم تفعيل اول هالة مدمجة بين الطاقة الاصلية للمستخدم وطاقة بطاطس الغامضة ... سيتم مضاعفة قوتها تدريجيا )

( قوة هالة المستخدم الاصلية : 40000﴿ قوة هالة الكي : 20000. قوة هالة المانا : 20000. ﴾)

( قوة هالة سيف البطاطس بلاك : 60000)

( قوة هالة المستخدم بعد الدمج مع هالة السيف: 100000)

كدا بقت عظمة العظمة 🤩 انا كدا اقدر على شاهي وشيري وشيماء مع السيف دا بس كدا فيه مشكلة ، انا معرفش ازاي استخدمه صح ولا اعرف اي تقنيات للسيف اصلا ممكن احركه بالهالة الاصلية وهالة السيف بس كدا هتعب بدون تقنيات .

فضلت ماشي في طريقي وانا راجع عملت دا كله كان فاضل حوالي خمس دقايق مشي واوصل لمكان المنبوذ الي سبته فيه قولت افتح الصفحة بتاعة النظام عشان اشوف ايه الجديد.

نظام افتح نافذة الحالة

( تم )

____________________________________/

نافذة المستخدم 10.0 ( نظام الملوك)



الاسم : ادهم انس سالم

المستوى: ٤٠. (20000000 / 1000000 exp)

الفئة: انسان (شبه متوسط القوة )

اللقب: ( امبراطور فنون القتال الشرقية )

القدرة : ( سيد نظام : درجة الفريد الاسمى )

العملات المملوكة :1200000 c
____________
السمات :
القوة :٦٠٠٠ القوة الجسدية : ٥٠٠٠
القوة السحرية:٤٠٠٠

الدفاع: ٤٠٠٠ الدفاع الجسدي :٢٥٠٠
الدفاع السحري:٢٥٠٠

السحر :الدرجة الاولى

المانا:٤٠٠٠٠
نقاط الحياة : ٨٠٠٠٠

الكي : المرتبة الثانية طاقات اخرى :0


خفة الحركة : ٥٥٠٠ التحمل:٥٤٠٠

نقاط غير موزعة : (٥٠٠٠*١٠) نقطة
____________
سمات اضافية : لايوجد
____________
مهارات: (الشفاء المطلق lvl 7) ( الشجاعة ضد اي شئ lvl 7 ) ( الترويج والهيمنة lvl 1 ) (مهارة التضخيم ١٠* ) ( مهارة فنون الدفاع القديم ) ( مهارة فنون القتال القديم )
( مهارة الفرعنة )( مهارة امبراطور الفوضي مستوى الفريد الاسمى) ( مهارة سيد الموتى مستوى الفريد الاسمى)
_____________________________________



يااااه اي دا كله دا اي العظم... احا ايه دا فين مهارة الآكل يا نظام ؟

( مهارة الآكل بما انك مش محتاجها حاليا فالسيف بطاطس اخدها عشان هتفيده في الدمج والتطور )

كدا اقنعتني يعني مهو كان في الوصف قولت انه قابل للدمج والتطور معني كدا انها مهارة خاصة بيه مش محتاج مهارتي يعني

( لا هو مكنش يملكها ولما لقاك مستخدمتش المهارة ولا مرة استعان بيا وطلب شرط قبول العقد للخدم انه ياخد المهارة دي بما انه خادمك يبقى ليه الحق انه يبص على مهاراتك وسماتك ويستعين اي حاجة فيهم وقت مايحتاج او بمعنى اصح وقت لما انت تحتاجه يبقى اقوى )

ايوة بس انا مقررتش انه ياخدها وغير كدا مستاذنيش

( لا هو انت بما انك وافقت على العقد وافقت على شرطه وكدا كدا انت مش هتحتاجها لانها مشتق من مهارة امبراطور الفوضى )

طيب ماشي طالما انت شايف كدا ... اااه صح المهارات دي انا مش عارف استخدمهم برضو اعمل ايه قولي

( ومش هتعرف تستخدمهم خالص طالما مفتحتش مشتقاتهم كلها او اتعلمتهم من حد متقنهم )

خلاص فهمتك انا كدا نفذت تحدي المنبوذ دا وبما انه قوي في فنون القتال وهيعلمني يبقى كدا هفتح الفنون دي واقدر استخدمها كلها كويس .

فضلت ماشي في طريقي لغاية لما وصلت للمكان الي كان خاطفني فيه المنبوذ وهيطبخني🤔

،، منبوووذ ... يامنبووووذ ... انت ياعم انا خلصت وجبتلك الي انت طالبه،، ناديت علي المنبوذ ولكن مفيش حد بيرد عليا طب ازاي انا سبته هنا كان رايح ينام

احييه ... هو ضحك عليا وفسحني ؟ طب احا

فضلت ادور عليه في الوادي كله ملقتهوش اكنه فص ملح وداب طب اعمل ايه دلوقتي انا عايز اعيط 💔

( تعيط ايه ياض ماتجمد كدا امال انت مش عيل)

مش عيل ايه بس دا سوحني يعم انا اتبعت عادي وانت ولا هنا قال النظام الملك قال دانت محصلتش حتى نظام ويندوز xp القديم كمان

( انا بتشبهني بالقرف دا ؟ تمام اوي طيب انا عارف هو فين بالظبط وممكن اظهر مكانه في الخريطة بس مش هيحصل )

لا لا خلاص انا اسف انا الي xp يعم حقك عليا وبعدين ماله الxp حلو كان بيشغل بيس حلو



* في المكان الي فيه المنبوذ حاليا * ﴿ الي هيحكي دلوقتي المنبوذ ﴾

انا كدا توهته وبعته للوحش الاقوى في الوادي كله مستحيل حتى يعيش وحتى لو عاش مستحيل يجيب قرنه او حتى يقتله المفروض بالوقت دا يكون اتقتل على ايد الديناطور انا بجد جامد فشخ ياااااه 🤔

،، دلوقتي اقدر اركز في الي كنت هعمله ،، قال المنبوذ بصوت عالي

،، هتعمل ايه ها كنت هتعمل ايه يا كابتن ؟،، قولت انا بعد لما شوفته على الخريطة وتتبعته بعد معاناة مع مجادلة النظام


،، احا انت ازاي هنا اصلا ؟ 🙂،، سال المنبوذ

،، عادي روحت وجيت سليم ودا فرن الديناطور الي طلبته،، خرجت القرن من المخزن الي اول ماشافه انصدم


،، دا حقيقي وبجد انت بجد قتلت ديناطور لوحدك؟ ،، سال المنبوذ

،، اها قتلته لوحدي عادي اه كنت هموت فيها بس اهي عدت ،، رديت عليه بفخر


،، دا حقيقي ... امممم طيب انا عند وعدي بس بشرط ،، بخبث


،، شرط ايه تاني مش خلاص كدا ؟ ،، رديت عليه وانا متوتر


،، لا متخافش دي حاجة بسيطة ... انا عايز قرن ملك الديناطور ... اه نسيت حاجة تاني متنساش تقتل كل الديناطور في الوادي ،، رد بخبث وبعدين كمل ،، يلا سلام هقابلك او انت هتعرف انا فين يا ... بتاع النظام ههههههه،، وضحك ضحكة هبلة كدا واختفى من المكان بسرعة






كدا الجزء الاول خلص انا عارف انه صغير شوية بس دا على اد الوقت الي فاضي فيه معلش

حاجة اخيرة احب افكر حضراتكو بقصة حلم المراهقة بتاعتي في مشابقة الربيع الوردي ياريت تخشو تقراوها وتقولو رايكو وتدخلو تصوتولي ... شكرا لوقتكم الثمين سلام يا مستيقظين 😍



الجزء التاني


الجزء الي فات وصلنا لما المنبوذ قال اني اجيبله قرن ملك الديناطور لا مش بس كدا دا كمان اقتل كل الديناطور في الوادي والمفروض ان عددهم فوق الالف او اكتر كمان .

﴿ ملحوظة ... انا ككاتب مش عارف ازاي هيعمل كدا اصلا دا واحد تعبني انا شخصيا وكان هيموت البطل مني مش عارف الالف دول ايه نظامهم ولا اعرف حتى هيقتل حتى الملك ازاي 🤔... باااس جاتلي فكرة حلوة ﴾

،، احا انت ازاي عملت كدا ؟ ازاي قتلتهم اصلا بجد وازاي اصلا عرفت مكاني انا حرفيا كنت مختفي تماما😳،، قال المنبوذ بعد لما لقاني واقف قدامه وبخرجله القرون كلها من المخزن

** قبلها ب 15 ساعة **

فلاش باك---

انا كنت ماشي ووصلت للملك قولتله بقولك ايه يصحبي انا ضعيف مش هقدر عليك ممكن تجيب قرنك عشان محتاجه هو رد عليا من عنيا يابو الصحاب خد القرن بتاعي وقرون باقي القبيلة كمان واخدتهم منه وشكرته وروحت اعدت ادور على المنبوذ واول ماشوفته قالي احا انت جامد فشخ انت ازاي كدا وخرجتله كل القرون وانا بتفشخر وكلي فخامة وجمدان يلا خلص الجزء 😎

( معلش . ابقى غطيها وانت نايم )

اغطي اي يجدع عيب

( غطي طييبة قلبك يفخم .. وبعدين تعالى هنا احا انت ايه الي انت عملته دا ؟)

ايه خليت البطل جامد فشخ في جملتين اصل انت شايف الموضوع صعب وهتبقى غبية اوي لو خليته يقتلهم

( لا كدا بقت حلوة يعني ؟ انت اخرك تكتب في ورق الحمامات الي العيال بتلعب بيه دا )

يعم لا انا كاتب جامد فشخ وهوريك

( لا انا متاكد انك مبتعرفش تكتب اصلا )

هتشوف اشطا والقراء هيقولولك اني جامد فشخ

( اما نشوف )

﴿ اسف بس انا حاليا قاعد بهبد عشان مفيش اي افكار حاليا 🙂﴾ نرجع لموضوعنا

فضلت في طريقي ماشي ناحية الوحوش تاني وانا حرفيا يائس ومش عارف لما اقابل واحد واعمل معاه الخطة دي هعمل ايه طب هل لما اقابل كذا وحش هل هيحصلي ايه ، فضلت ماشي وانا يائس .

وصلت للمكان الي كان فيه الوحش الي قتلته ولقيت فيه وحشين تاني كانو بياكلو فيه اول لما شافوني حسيت انهم ابتسمو او دا كان تعبير وشهم الاساسي وانا مكنتش واخد بالي لان القتال الي فات كان في ضلمة ، الوحشين اول ماشافوني اتحركو ناحيتي وبداو في مسابقة عدو مين الي يلحق يقتلني الاول

انا اول ماشوفتهم فعلت الهالة الاصلية بتاعتي وخرت السيف بطاطس من الخزنة والمسدس واستعديت للقتال الي هعاني منه كتير

( تم تفعيل هالة المستخدم الاصلية المجمعة )

( قوة الهالة : 40000)

( تم تفعيل هالة السيف بطاطس بلاك )

( قوة الهالة الان : 100000)

(تم رصود هالة قتل قوية من قبل وحش عالي المستوى )

( قوة هالة العدو : 200000)

ظهرت قدامي رسايل النظام الي خلتني اقف لحظة اتردد قبل مابدا الهجوم ... بس الوحوش دي قوية جدا لدرجة ان هالة الوحش العادي منهم ضعف هالتي مدمجة مع السيف بطاطس كمان

الوحشين وصلو عندي وحاوطوني من الناحيتين يعني من هقدر اهرب حتى الناحية الي مفتوحة رايحة على تجمع الوحوش الاكبر فقررت اني احاربهم هنا وزي ماتيجي

،، اااارررررغغ،، طعن ديناطور بطني الي كان واقف في ضهري ورماني زي المرة الي فاتت

قدرت اتفادا ضربة الوحش الي كان قدامي بسرعة مش كبيرة واتجرحت بس قدرت اهرب من طعنته وضربت طلقة بالمسدس جت في دماغة بس ردت للخارج تاني وباين ان درعه قوي زي الوحش الي قبله طبعا انا مش هينفع انفذ الخطة الي فاتت لاني حتى لو نجحت فيها مش هخرج سليم والوحش التاني هيكمل عليا فمفيش غير حاجة واحدة واني استنزف طاقتهم قبل ماطاقتي تخلص

،،اااااااااااااااااه،، صرخت صرخة بس حاولت اكتمها عشان الوحوش الي قريبة مني متسمعش وتيجي تحفل عليا ، رماني الديناطور وخبط في جزع شجرة كان قريب خلاني اتالم اكتر

( نقاط حياتك في انخفاض الان )

( تم تشغيل مهارة الشفاء )

( جاري معالجة الاضرار الجسدية)

الوحش التاني جالي وضربني برجله رفعني في الهوا بسرعة خيالية رهيبة وف لحظة كلن في الجو وصل فوقي و...

،،اااااااااااه يارجلييييي،، بصيت على رجلي مش موجودة خالص مفيش غير ددمم خارج من عند وسطي بغزاره الوحش اكل رجلي الاتنين في قضمه واحدة

وقعت على الارض وانا تقريبا نص فقط ومش عارف اتحرك من الالم

( نقاط حياتك في خطر الان )

( تم تشغيل مهارة الشفاء )

( تحذير ... انت الان في خطر بما ان اضرارك اكبر من قدرة الشفاء سياخذ وقت الشفاء وقت طويل )

رنت الرسايل دي قدامي وانا تقريبا كنت بغفل عيني الوحوش بتضرب فيا زي كيس الملاكمة ...كيس ملاكمة ايه انا تقريبا بقيت زي كيس زبالة اترمى في مكب زبالة مليان كلاب اول ماشافو الكيس اتسابقو عليه قطعوه عشان حته عضمه جواه او اي حاجة عشان ياكلووه ، وانا كدا بقيت اسوء لاني عبارة عن كيس لحم اترمي للوحوش دي وانا حرفيا مش قادر اعمل اي حاجة غير اني اتالم واصرخ كالعادة

انا زهقت بجد وتعبت ...تعبت من الالم وتعبت من كل دا انا زهقت مهما اتطور من نفسي مهما احاول ابقى قوي بلاقي الاقوى مني وديما انا المهزوم وانا المجروح انا بجد تعبت ديما انا الي براقب نفسي وانا بخسر اكن في حد شايف دا كله وهو مستمتع بتعذيبي انا بجد تعبت عايز ابقى اقوى عايز اتطور اسرع عايز اتطور وابقى اقوى عايز القوة

،، عايز ابقىىىىى اقوىىىىىى،، صرخت باخر كلمة وانا تقريبا بفقد الوعي وانا شايف الوحشين بينهشو في لحمي

(
(١- مهمة: التدريب اليومي على المدى الطويل ،

*الجري ١٠/١٠كم. اكتمل
*القرفصاء ٤٠٠/٤٠٠ اكتمل
*الضغط بيدين ٤٠٠/٤٠٠ اكتمل
*الضغط بيد واحدة كل يد على حدة ٢٠٠/٢٠٠ اكتمل
*العقلة٢٠٠/٢٠٠ اكتمل
* البطن ٤٠٠/٤٠٠لم اكتمل

النجاح في المهمة : هدايا غير متوقعة
الفشل : عقوبة غير متوقعة
الوقت المتبقي : 00:00:10)

التدريب ! ... التدريب اليومي م م ممكملش؟ ، ازاي نسيته ؟ ازاااااي ؟ كدا هشوف الكهف تاني لااااا مش عايز اعيش العذاب دا تاني بجد الوحوش دول الي بيعملوه اهون عليا من الكهف 🤕

( الوقت المتبقي لمهلة التدريب اليومي : 00:00:05)

(00:00:00)

( تم انتهاء الوقت المتبقى لمهلة التدريب اليومي )

( تم الفشل في المهمة اليومية)

( جاري الان تفعيل العقاب ... نامل ان تخرج سليم⁦(⁠ ⁠ ⁠•⁠ ⁠‿⁠ ⁠•⁠ ⁠ ⁠)

سليم ؟ تمام هي كدا خربانة خربانة يلا بينا 💔

وفي لحظة ظهرت بوابة نطرت الوحشين بعيد عني وسحبتني جواها وقفلت تاني

( انت الان داخل كهف ******)

( انت الان في خضم العقاب ... بما ان المستخدم زاد قوة عن المرة الفائتة سوف يتم تكييف العقاب )

( الوقت المتبقي لانتهاء العقاب 12:00:00)

( الوقت المتبقي لانتهاء العقاب 11:59:58)

اصلا؟ الوقت المرة الس فاتت كان ربع ساعة وبسببها قعدت نفسيتي تعبانة ايام كاملة! طب هعمل ايه انا في ١٢ ساعة كاملة ؟ هو انا فيا الحيل ؟ غير كدا دا لو. خلصت العقاب هيكون الوقت عدا والوحوش مشيت ومش هعرف اعمل حاجة وهتعب عقبال ماوصلهم تاني

( ايه مستعجل على الموت بسرعة كدا؟ 😏)

انت فين ياعم من بدري انا كنت بصيح من بدري وانت ولا هنا

( لا مفيش كنت في الحمام بس )

حمام ايه بس

( حمام ***)

يعم يحرقك انا مش بسال ايه نوعة انا مستغرب ازاي نظام بيعمل حمام

( عادي يجدع هو حرام اخش الحمام ؟)

لا مش حرام بعيدا عن انك ازاي كدا بس حرام تسيبني بموت كدا

( متخافش مكنتش هتموت وانت عارف كدا كويس )

ايوة بس انا تعبت من اني ديما ضعيف كدا ومش عارف ابقى بالقوة المطلوبة ديما

( لا صعبت عليا طيب بص انت دلوقتي عندك طريقتين عشان تعدي الوقت دا بخير ... ياما تحارب الوحوش وتقتلهم كلهم ياما تفضل زي مانت كدا ونصيحتي ليك لو عايز تبقى اقوى زي مابتقول اتحرك وروح اقتلهم )

.يعم اقتلهم ازاي بس انت لسه شايف الوحوش قوة هالتهم ضعف هالتي مدمجة اصلا مابالك بالوحوش دي الي قوة هالتهم اصلا متقلش عن 500000

( لا هم بالظبط 655000)

ياريتها جابت دكر بط ... شكرا ع المعلومة

( ياعم ركز بس واستعمل نقاط قوتك الي انت ناسيها )

.قصدك ايه مش فاهم ؟.

( فيه عندك كذا مهارة انت مستعملتهمش ولا مرة حتى المهارات الي في مرتبة القدرات زي الفرعنة ومهارة امبراطور الفوضى ومهارة سيد الموتى )

.طب منا مش عارف استخدمهم ازاي حتى م فاكر دول خدتهم امتى اصلا ولا اعرف عنهم اي حاجة .

( لا تعرف دول اخدتهم من صناديق الحظ وبالنسبة لمهارة الفرعنة فدي زي ماقولت قبل كدا مهارة قديمة جدا كان المصريين القدماء بيستخدموها كتير لدرجة انهم اتشهرو وكان العالم فاكره سحر قوى جدا العالم كله كان بيقول عن الفرعنة دي انها سحر عظيم لا يقهر وكانو يستخدموها في الحروب ضد الاعداء الاقوياء زي الوحوش الاسطورية لو تسمع عنها )

قصدك الي كانو بيقولو عليها آلهة ؟

( الناس فاهمة غلط والعلماء اصلا ... الحكاية كلها ان كان فيه ناس زمان بيسموهم المخلصين او الخلاص دول كانو المتحكمين الاوائل في قوة الفرعنة وهو الي هزمو الوحوش الاسطورية وخلوها في صالح البشر ترعاهم وتخدمهم هم اه عانو كتير جدا بس لما اختفو الخالصين او المخلصين دول محدش قدر يسيطر على الوحوش الاساطير دي وادعو الاوهية وخلو الناس كلها تعبدهم زي ست وحورس وايزيس وامون الخ ابطال الخلاص دول اختفو ومحدش عرف عنهم حاجة لغاية النهاردة على الرغم من قوتهم الجبارة والوحوش الاسطورية دي اتخلدو في التاريخ والناس توارثت انهم دول هم الي بيحموهم وان لازم يعبدوهم ويعظموهم وانا من ساعتها مشوفتش اي واحد على الارض عنده قوة الفرعنة بعد ابطال الخلاص غيرك انت الوحيد الي قدرت تحصل عليها حتى لو عن طريق الصدفة من اول لما ايقظتني وانا عارف انك مش عادي وان فيك حاجة مميزة يا ادهم استخدم الفرعنة هي هتساعدك دلوقتي )

ياااااه ... كل دي معلومات وساكت ؟

( مانت الي مابتسالش اعملك ايه )

هو يعني لازم اسال في كل حاجة مفي مرة تعملها صدقة يجدع 😂 ...المهم ازاي استخدم الفرعنة دي ؟

( بسيطة اساس الفرعنة دي هو انك بتقول للجزيئات انك مختار وانها تسمع كلامك وتنفذه )

بس كدا ؟ ... مفهمتش برضو

( يعم بص انت بتبص للاجسام كدا )

ظهر وحش من الي شبه الخفافيش دي ورا

( الجسم : قابل للفرعنة )

اي دا انا فاكر محتاج تفكير وتخيل بقا واقعد سنين عان افعلها والكلام دا

( لا الصعوبة م شهنا انت معاك نظام الملوك يبني ف تفعيل واستخدام المهارات دا حاجة تافهة بالنسباله الصعب لسه بدري ومش عليا انا عليك انت يا ادهم )

لا مهو مغي اصعب من كدا ، ظهر الوحش وقرب بسرعة خارقة بس عيني قدرت تجاريه وظهر كلمة قابل للفرعنة دوست موافق

،،ارررررغ،، صوت الوحش وهو واقف بيتحلل حرفيا قدامي ولونة بيتحول من ازرق للون البني لون العفن انا عارفة كويس لاني كنت بشوف فديوهات احياء كتير وبحبها

( اهو شوفت سهلة ازاي )

سهلة ايه الوحش دا المفروض اني كدا اقدر اقتل اي وحش بسهولة كبيرة

( مش بالظبط كدا بس تقريبا اه بنسبة 90% )

تمام يلا نلعب شوية بقا 😂

( عيش ياملك النظام 😉)

( اه صح نسيت اقولك على حاجة مهمة ... افتح المخزن كدا )

سمعت كلامه وفتحت المخزن واتصدمت ... اي دا ؟ ... دا الوحش الي فعلت عليه المهارة كامل

( دوس عليه كدا )

عملت كدا ودوست عليه

( وحش من القرون الوسطى قوة هالتة :650000

هل تريد ضمه الي جنود الفرعون ؟ )

دوست نعم

( تم انضام جندي جديد الي جيش الفرعون ... ملحوظة : بما ان مستوى المستخدم حاليا ضعيف نسبيا سيتم خفض مستوى الجندي الاساسي الي قوة هالة بنفس قوة هالة المستخدم )

اي الجمدان دا .. على الرغم ان الوحش مستواه قل او اقول عليه الجندي بس كدا اكني عملت نسخة بنفس قوة هالتي ولسه فيه تاني

الوحش خرج من المخزن وكان شكله هو هو بس لونه كان شبه بني او بني فاتح وعينيه كانت مش موجودة وكان كل عنيه مكانها تراب حرفيا بيخرج منه اول ماشافني نزل على رجل زي فارس قدام ملكه كانت وقفته كلها فخامة كدا

( يمكنك القاء الاوامر على الجندي الان)

انا بس كل الي عملته اني بصيت على الوحوش التانية بتوتر ، كل الي حصل ان الجندي الفرعوني دا قام ولف وف لحظة بقا ورا وحش منهم هم اه قوتهم عالية اعلى بكتير من قوتنا احنا الاتنين سوا بس الجندي عض الوحش عضة واحدة خلت الجزء كله من جسمه يتحول للون بني وبدا الوحش يضرب باقي جسمه وياكله حرفيا ويخربش فيه ويعض فيه

( قام جندي الفرعون بقتل وحش مستوى عالي يمكنك الان ضمه الي جنودك يا فرعون )

احا ايه العظمة دي 😍

( لقد قمت بضم جندي اخر اليك )

( عدد الجنود الان : 2/15)

اي دا هو ليها حد؟

( اها طبعا دا في صالحك انت )

ليه يعني مش فاهم هو فيه فرعون عنده ١٥ جندي بس ؟
( الحكاية مبتتحسبش زي مانت فاكر ... اولا انت قوة المانا بتاعتك مهمة عشان استمرارهم على هيئتهم ثانيا مرتبة المهارة الفرعنة حاليا ضعيف لانك مفتحتش ولا مشتق فيها )

طب اعمل ايه عشان ازودهم؟

( بسيطة ..علي مستواك على اد ماتقدر ، وعلي مستوى الهالة الي بتسميها الهالة الاصلية هههه ودي م هتعلى غير لما تعلي طاقاتك كلها وتكتسب طاقات جديدة )

اه اصدق فعلا سهلة جدا 🤔...طيب خلينا دلوقتي في العظمة الي هتحصل دي سيبني بقا انتقم واخد حقي 😈

( عيش ياملك النظام 😉 لما تحتاجني ناديني بس )

بدات انطلق ناحية الوحوش الي زاد غضبها وتوترها امرت الجنديين يهجمو على كل الوحوش الي موجودة الي كان تقريبا عددهم فوق ال١٠ الاف كانو هم حواليا وانا احول الوحوش بس

( تم تحويل الوحش الي جندي فرعون .. عدد الجنود : 15/15)

انطلقنا ناحية الوحوش كلنا هم ياكلو في الي يقابلوه ويحولوه بس انا مكنتش اقدر اتحمل اكتر من 15 فكان بيتهدر كلهم وانا طبعا بيصعب عليا لو كنت اعرف كنت عليت مستواياتي من بدري اكتر

فضلنا على الوضع دا تقريبا تلت ساعات لغاية لما قتلناهم كلهم

( اي دا خلصت بالسرعة دي ؟)

ااه طبعا امال انت فاكر ايه يبني انا كنت لوحدي هعرف اقتلهم برضو بس الوقت الي محتاجه دلوقتي احنا ١٦ واحد من نفس قوتي

( دلوقتي كنت هتقتلهم لوحدك ؟ اومال ابويا الي كان هيعيط اول ما دخل الكهف ؟)

مهووو اصللل

( يعم بلا مهو بلا بتاع يلا استعد للموجة التانية )

احا موجة ايه ؟ هو لسه فيه تاني ؟

( اها طبعا يبني احنا لسه بنقول يا هادي )

( مبروك ايها الملك لقد تخطيت اول موجة من موجات العقاب )

( يتم الان حساب المكافئات )

( تم تاجيل المكافات )

( يرجى اكمال جميع الموجات والخروج سليم من الكهف لتلقي جميع المكافئات)

( جاري بدء الموجة الثانية يرجى الاستعداد )

،، دخييييييل ،، سمعت صوت صرخة حرفيا خرمت ودني من شدتها ، ظهر من من الجدران اجسام غريبة اوي قريبة لشكل الانسان بس لونهم كلهم اسود

( وحش الالف الغامض : قوة الهالة 800000
نقاط الحاة:*******
نقاط المانا: *******
المستوى : ***)

ودا ايه ان شاء ال** مش فاهم

( مستواك يا بجم اقل من انها تظهرلك )

اه فهمت شكرا 🤔

هم كلهم كام واحد ؟
( حوالي 50000)

كمان ! يعني مش بس هالتهم اعلى من الي فات لا وكمان اكتر ؟

( اها بس بص فيه حاجة مهمة )

ابهرني

( افتح قايمة الجنود بتاعتك)

( دوس على اي جندي فيهم )

ظهرلي علامتين واحدة مكتوب عليها دمج وواحدة مكتوب عليها ترقية

( جدع انت ممكن تدمج الجنود بتاعتك مع الوحوش الجديدة زي مانت عايز وكمان ممكن ترقيهم في المستوى كل الي انت هتحتاجة عشان ترقي الجنود ياما عملات او تعلى مستوياتك انت شخصيا )

حلو شكرا على المعلومة بس م عارف تقول المعلومة دي بدري شوية وانا بقتل في ال١٠ الالف كنت استفدت بيهم حتى

( انت الي مسالتش قولتلك وغير كدا بص لنص الكوباية المليان ياملك .. قدامك ٥٠٠٠٠ وحش اقوى بكتير من الي فاتو استمتع يا ملك 😉)

ماشي ياعم هعديهالك بس المرادي

اتحركت ناحية الوحوش دي واستدعيت الجنود كلهم وخرجت السيف بطاطس بلاك وفعلت هالتي وشغلت مهارة الفرعنة

( تم تشغيل مهارة الفرعنة على الوحش )

( تم فشل مهارة الفرعنة يرجى المحاولة لاحقا)

ايه الي حصل دا يعم انت مش قولت انه عادي

( اها بس مقولتش انك تقدر تحولهم 😏)

( من المستحيل اصلا انهم يتحولو دول من نخبة الوحوش في العالم الخامس الي قوتهم اعلى من مستوى A بكتير كمان في عالمك دا وغير كدا هم بيعتمدو في قتالاتهم على السحر والسيوف )

بقولك ايه انا ميخصنيش دا كله انا هحولهم يعني هحولهم

( تم تشغيل مهارة الفرعنة على الوحش )

( تم فشل استخدام مهارة الفرعنة يرجى المحاولة لاحقا )

لازم انجح ..حتى لو قعدت طول الليل احاول

( تم تشغيل .......)
.
.
.
.
.

فضلت افعل المهارة عليهم لغاية لما زهقت وقربت اني ايئس ...

( نقاط المانا لديك في الانخفاض ... اذا قلت نقاط المانا كثيرا سوف تفقد استدعاء الجنود )

طب انا مش عارف اعمل ايه كدا مفيش قدامي غير اني ا...، جت في دماغي فكرة قولت اجربها

الوحوش كانت قريبة من شكل الي قبلها بس شكلهم قريب من البشر في الملامح ... شكلهم اقوى بكتير فانا كل الي عملته اني اامر الجنود كبهم يحاوطو وحش منهم وانا في النص انا والوحش بحيث اني استفرد بيه واقتله وبالفعل الجنود نفذت الامر وحاوطت جندي والوحوش زي مايكونو عارفين الي هعمله فسابوني وفضلو يبصو عليا اكني داخل القبر بنفسي كانت نظراتهم كلها خبث وضحكات نصر مكتومة .

اول دخلت للوحش كان سياف اول ماشافني وقف وقفة كلها فخامة ورفع سيفه وفضل ثابت وانا كل دا مستنيه يهجم عشان اقتله

( ياهبل بتعمل ايه ؟)

ايه مستنيه عشان اقتله

( انت عبيط يبني ولا انت كدا ؟ هو فهم الي انت عايزة اصلا من بدري بس في قانونهم انت كدا بتتحداه في قتال فردي خلي بالك لان الي قدامك دا ضابط في الجيش دا كله يعني اعلى من مستوى الجندي فاهم؟)

فهمتك ... عشان كدا فضلو ساكتين وهم واثقين اني هخسر ؟

( بالظبط .. ركز بقا عشان متموتش بجد )

عيب عليك ... ورفعت السيف بلاك زيه اول ماشافني رافع السيف بتاعي نزل سيفه واخد وضعيه القتال وف لحظة كان قدامي ضارب بالسيف بتاعه بس انا صديتها بالبطاطس بلاك من قوتها وقعت على الارض
الوحوش اول ماشافتني واقع من الضربة فضلو يضحكو بصوت عالي انا طبعا اتوترت والجنود بتاعتي الي محاطين الساحة بينا لاحظت فعملو صوت زي الزمجرة وكانو هيتحركو بس انا امرتهم انهم يفضلو مكانهم ثابتين الموقف خلى كل الوحو الي مستنية اني اموت برة يسكتو مرة واحدة والسياف الوحش الي كان قصادي ملامحه اتغيرت وبصلهم

،، خونة،، اتكلم انا اتصدمت ازاي وحش بيتكلم وبعدين بصلي وقال ،، متفتكرش انك عشان معاك كام وحش جندتهم وخلتهم يخونو وطنهم وجيش ارضهم تبقى انت كدا عظيم واوعى تفتكر انك ممكن تجند واحد فينا تقريبا اقل واحد في جيشنا يقدر يمحيكو من هنا بسهولة لوحده ،،

،، عارف ... بس الي انت متعرفهوش عني يا استاذ وحش بيتكلم اني مبستسلمش بسهولة 🤔،، رديت عليه بعد لما وقفت وبستعد المرادي ياقاتل يامقتول لاني لازم انهي دا كله

** بعد مرور شهر كامل **

،، ادهم !،، اتكلمت شاهي بعد لما شافتني واقف على باب القصر

،، ايه مش هتقوليلي ادخل يعني ؟ ،، قولت وانا واقف على الباب هدومي شبه مقطعة وعضلاتي بارزة هي لاحظت وفضلت باصة عليهم كتير وبعدين قالت

،، ا ا ااه اتفضل اتفضل دا بيتك المفروض مش محتاج لاذن ،، ردت وهي باصة على عضلاتي البارزة وطولي الي اتغير وزاد شوية وبعدين كملت ،، انت اتغيرت تماما في شهر واحد ازاي كدا ؟ ،،

،، هحكيلك كل حاجة بس الاول فين سلمى وباقي الخادمات ؟ ،، رديت عليها وانا بدخل القصر وبعدين كملت ،، ايه دا خادمين جداد ؟ القصر اتغير اوي في شهر ،،

،، اقعد طيب استريح ولا اقولك روح خدلك شاور لغاية لما اجهزلك تاكل اكيد جعان ،، ردت هي في حزم وشبه توتر باين عليها انا ازاي هنا اصلا

،، اه وال** انا هموت من الجوع وحشني اكلك ياشاهي 😍،، رديت عليها مجاريها في الكلام انا طبعا مش جعان بس هي هتستغرب انا ازاي كدا اصلا عشت شهر من غير اكل

،، تمام يلا روح سلمى هتلاقيها نايكة في اوضتها ،، ردت حسيت انها عايزة تزحلقني او تخفيني دلوقتي حسيت ان فيه حاجة

شاهي سابتني ومشيت وانا طلعت اسلم على سلكى بسرعة وحشتني بنت الاوزعة

،، عمو ادهم اااع😍،، جريت عليا وهي بتعيط مش مصدقة اني عايش وباين انها كانت بتعيط حضنتها واترمت في حضني او انا الي اترميت في حضنها مش عارف مين فينا الي محتاج الحضن دا

،، وحشتيني اوي يحبيبتي ،، رديت عليها وانا بحسس على شعرها بحنية وهي بتتنهد من اثر العياط

،، انت كنت فين دا كله يعمو انا كنت كل يوم بعيط وانا نايمة لوحدي 🥺،، ردت ببرائة لدرجة اني معرفتش ارد اقول ايه فخدتها في حضني شوية وبعدين قالت هي

،، انا زعلانة منك عشان انت قولتلي انك مش هتسيبني يعمو ابدا وسبتني ،، وهي في حضني انا كنت دمعت وبعدين رفعت وشها وبصيت في عنيها

،، انا اسف يحبيبت قلبي انا مكنش بايدي اني ابعد واوعدك اني مش هبعد عنك تاني ،، قولت وهي كانت مبتسمة ببرائة وبصالي

،، خلاص ياعمو انا سامحتك انا اه كنت كل يوم بتوحشني وكنت بخاف وانا نايمة بالليل لوحدي وكنت عايزة اضربك لما اشوفك بس اول ماشوفتك يعمو نسيت دا كله وبقيت عايزة افضل في حضنك علطول 😍،، ردت وهي بتهدا وبتنام في حضني

،، معلش يحبيبتي انا لو كلن بايدي مكنتش بعدت لحظة عنك بس مش بايدي واديني رجعتلك اهو ،، رديت وهي في حضني وكانت نامت تقريبا من تعب العياط شلتها ونيمتها على السرير وغطيتها وبوست جبينها اول مابوستها ابتسمت ابتسامة خفيفة وهي نايمة تقريبا بتحلم

،، احلام سعيدة يا ملاكي الصغير ،، قولتها وانا بغطيها وبطمن انها نامت

روحت الحمام مليت البانيو وجهزته تقريبا نسيت شكله ايه ، الشهر الي كنت فيه جوا الزنزانة حسيت انه سنة او اكتر رميت نفسي في البانيو بعد لما قلعت هدومي المقطعة ودخلت البانيو رخيت جسمي كله بجد راحة متتوصفش يستحق فعلا يتسمى بيت الراحة غطست تحت المياه وسرحت بفتكر العذاب الي حرفيا كنت عايشة في الزنزانة

خلصت الحمام بعد فترة وخرجت لبست هدوم جديدة ونزلت اشوف شاهي وشيماء وشيري على الرغم انهم كانو معذبني بس وحشوني خصوصا شيماء بنت الفرس

في الدور الاول كان فيه الحارسين الي كانت جميلة بعتاهم وكان فيه اتنين تاني لبسهم فخم واحد فيهم معاه سيف والتاني واقف قدام شعر واحد اصفر او دهبي والتاني شعره احمر ظهرلي شاشة من النظام بتوضح سماتهم الي فجاتني بس مش لدرجة الانبهار وهتعرفو ليه بعدين

____________________________________/

نافذة المستخدم 10.0

الاسم : التنين الاحمر

التصنيف العالمي :51

المستوى: 250.

قوة الهالة : 25000000#

الفئة: تنين ( عالي المكانة )

اللقب: ********

القدرة : ددمم التنين الاصلي__ سياف

العملات المملوكة :*************
____________
السمات :
القوة :100000 القوة الجسدية : 100000
القوة السحرية:150000

الدفاع: 100000 الدفاع الجسدي :100000
الدفاع السحري:100000

السحر :الدرجة التاسعة

المانا:1000000
نقاط الحياة : 2000000

الكي : المرتبة الرابعة طاقات اخرى طاقة التشي والين واليانج من الدرجة الرابعة)

خفة الحركة : 80000 التحمل:150000


_____________________________________

( تم اكتشاف قدرة جديدة يمكن للمستخدم تعلمها )

____________________________________/

نافذة المستخدم 10.0

الاسم : التنين الاسود

التصنيف العالمي :50

المستوى: 300

قوة الهالة: 30000000

الفئة: تنين ( عالي المكانة )


القدرة : تنين ذو ددمم اصلي__ملاكم

____________
السمات :
القوة :150000 القوة الجسدية : 150000
القوة السحرية:155000

الدفاع: 100000 الدفاع الجسدي :100000
الدفاع السحري:120000

السحر :الدرجة العاشرة

المانا: 2m
نقاط الحياة : 4m

الكي : المرتبة الرابعة طاقات اخرى طاقة التشي والين واليانج من الدرجة الثالثة)

خفة الحركة : 100000 التحمل:150000

_____________________________________

( تم اكتشاف قدرة جديدة يمكن للمستخدم تعلمها )

ايه العظمة دي ...شكلي كدا قابلت ناس اقويا بدري 😏

،، احنا المفروض خلصنا كلامنا مستنيين ايه حضراتكو ورانا شغل ،، اتكلمت شاهي وانا كنت جاي ناحيتهم وبقرب

،، اه وماله ... بس مش تعرفينا الاول بالعضو الجديد ؟،، رد التنين الاحمر وهو باصصلي

،،اعرفك انا ... انا الي خرجت من الزنزانة مستوى A وانهيتها ،، رديت عليه وانا بقعد على السفرة عشان اكل ببرود

،، مهو واضح طبعا باين عليك اقوى مما تبدو انا التنين الاحمر مشهور اوي في قارة اسيا والعالم لاني مصنف عالميا 51 ..سعيد جدا بلقائك ،، رد التنين الاحمر وهو بيمد ايده عشان يسلم وانا على الكرسي على السفرة مش معبرة اصلا وببص للاطباق

،، اي دا يا شاهي فين المحشي ؟ ازاي متعمليش محشي يعني وانتي عارفة اني بحبه ،، قولت لشاهي مش معبره اصلا

،، احم اسفة حالا هيبقى موجود ،، ردت شاهي وهي بتحاول تكتم الضحك وشاورت بايديها بس ظهر وسط السفرة طبق محشي كبير نصه بالرز ونصه باللحمة المفرومة


،، ايوة كدا اديني في المحشي يلا اقعد مد ايدك ياحمر ،، قولت وانا ببدا الاكل ومش معبر اي حد اصلا


،، اقعد اقعد ياحمر دا محشي يصحبي وانا بضعف قدام الاكل المصري صراحة ،، رد التنين الاسود وهو مش مديني اعتبار اصلا ولا انا برضو


،، بس ايه رايك محشي شاهي لا يعلى عليه صراحة ،، رديت وانا باكل ومش معبرة

،، بس صح مش غريبة يا استاذ ادهم تدخل وتخرج من زنزانة خطيرة كدا لوحدك وسليم كمان ؟،، قال التنين الاسود وهو عابث وبياكل

،، بس ايه رايك في اللحمة تحس كدا انها لحم غزال حاجة جامدة ،، رديت ببرود وانا مش معبره


،، بقولك ايه يا ادهم الزنازن الي من النوع دا مبتظهرش غير نادرا ،، قال التنين الاحمر الي كان واقف بيشيط من تصرفاتي


،، ماذا بعد ،، رديت ببرود

،، الزنازن الي من النوع دا بتظهر ومبتختفيش الا لما تنتهي تماما انما اشمعنا الزنزانة دي بالذات ظهرت وسحبتك انت بالذات واختفت تاني وبعدها بشهر ظهرت نفس البوابة لنفس الزنزانة في نفس المكان ويخرج منها نفس الشخص الي دخل فيها مش غريبة دي شوية ؟،، قال التنين الاحمر وهو حرفية شايط من برودي وطريقتي في التعامل معاهم هم الي تقريبا اكتر من 950000 مستيقظ تقريبا معظم مستيقظين العالم كله بيهابوهم ويخافو منهم وبعدين يبص للتنين الاسود يلاقيه مش مهتم اصلا وبياكل عادي جدا ويهزر معايا


،، شاهي هي شيماء فين صح من ساعة لما جيت وهي مش موجودة ولا باينة ،، قولت وانا باكل وباصص لشاهي الي مش قادرة تمسك نفسها من الضحك

الحارسين بتوع الاكاديمية كانو واقفين ورا مرعوبين حرفيا من الاتنين دول وخايفين من رد فعلهم وعمالين يشاورولي اني ابطل الي بعمله دا وانا اصلا مش معبرهم ومندمج اوي في المحشي


،، احم شيماء في الاكاديمية هبقى اقولك بعدين الي حصل ،، ردت شاهي وهي بتحاول متتكلمش كتير

،، اشطا اشطا طيب انا اكلت يلا شيلي الاطباق ،، قولت لشاهي وانا بقوم من على السفرة


،، استنى يعم انا لسه مخلصتش اكل اله ،، رد التنين الاسود وهو هيموت على صابع المحشي الي اختفى من ايده


،، انت ملقتش غير المحشي بتاعي وتاكله روح كل خفافيش يعم ولا قطط انت مش من اسيا؟ ،، رديت عليه ببرود عابث

،، مين قال الي دا اكلنا هو فيه ناس معينة بتاكل الحاجات دي اه بس مش كلنا وبنقرف عادي برضو ،، رد التنين الاسود


،، يعني مش انتو الي عملتو كورونا بالخفافيش بتاعتكو دي ؟،، رديت وانا عابث الوجه

،، يعم وال** ماحنا انت شكلك كنت نايم متعرفش حاجة ،، رد التنين الاسود عابث


،، انا حرفيا كنت نايم اه بس ماعلينا انتو المفروض خلصتو الي كنتو جايين عشان مستنيين ايه ؟،، رديت وانا كنت خارج للملعب


،،عايزين الكارما يا استاذ ادهم ياريت بخدوء تسلمهلنا من غير شوشرة ،، رد التنين الاحمر بوجه جاد


،، ولو محصلش ومسمعتش كلامكو ؟،، رديت وانا بشاور لشاهي عشان تفهم اني عايز اتدرب

،،شششششييييششششششش،، صوت تفعيل هالة قوية كانت خارجة من التنين الاحمر خلت الجو شبه معتم والحراس وقعو على الارض رغم قوتهم شاهي بدات تتوتر على عكس عادتها وانا واقف ثابت في مكاني متحركتش ولا اتهزلي حتى جفن واحد


،، انت بتعمل ايه ؟ انت ازاي تجرؤ انك تظهر هالتك العبيطة دي قدامي 😤،،





وهنا خلص الجزء التاني من قصتنا النهاردة وياترى مين الي غضب كدا وهيحصل ايه بعد كدا وادهم ازاي اصلا خرج من الزنزانة وشكله ازاي اتغير كدا طوله وعضلاته زادو وياترى هيعمل ايه مع الاتنين الاقوياء من الرتبة S والمصنفين عالميا استنو الي جاي وهتعرفو ولو حابين تشاركوني رايكو وتتوقعو ياريت اتشرف برايكو الي يهمني جدا 😍

اه صح نسيت اقولكو على قصة حلم المراهقة في مسابقة الربيع الوردي ومتنسوش تصوتولي 🤩

سلام يا مستيقظين 😍

 

[Deep thinking]

ايه ده بجد 😂😂

اه وربنا 😂😂