من تكون إيزيس
إيزيس : وهي يا عزيزي بطلة أسطورة اوزوريس ام حورس واللي كان ليها دور كبير جدا في حمايته وبالمناسبة حبت اوزوريس اللي كان اخوها واتجوزته😂♥️ المهم ياعزيزي كانت تلقب بملكة الأمومة والسحر والخصوبة والحب
يْقال في الأساطير أن قوي الملكة إيزيس اقوي من كل باقي الملوك , حيث كانت تحمي المملكة من اعدائها وتحكم السماوات والعالم الطبيعي بأكمله وكمان بتسيطر علي القدر
الملك اوزوريس كان ملك البعث ورئيس محكمة الموتي كان محبوب جدا من الجميع وكان أخوه الملك ست ملك العواصف والفوضي والظلام بيغير منه جدا وبيحقد عليه عشان كان حاكم عادل بين الناس فراح عشان يتخلص منه ويحكم هو بداله فعمل حفلة كبيرة وعمل تابوت فخم من الدهب وقال للمعازيم اللي هيجي علي مقاسه هياخده هدية وهو طبعا كان عامل التابوت علي مقاس اخوه اوزوريس بالظبط فالمعازيم طمعوا فيه ومجاش علي مقاس حد وهنا جيه دور اخوه اوزريس وطبعا أول ما نام فيه وهووووب قفل التابوت علي اخوه ورماه في النيل 😂😂🤦🏻♀️
😂😂ابلع يا حنفي
الملكة نيفتيس ملكة الولادة والموتي مرات الملك ست الشرير اول ما سمعت الخبر جريت وراحت تبلغ اختها إيزيس بموت جوزها الملك اوزوريس
وإيزيس بمجرد ما سمعت الخبر خدت جنودها واختها واقعدت تدور في النيل عن جثة الملك جوزها اوزوريس واول ما لقيتها نزلت علي ركبها هي واختها واقعدوا يولوا ويعيطوا ويصوتوا كمان كانوا بيقولوا:
باللغة العربية عشان أدق معني يوصل♥️
جلست ايزيس ونفتيس بجانب جسد اوزير
ثم بدات ايزيس تولول على اوزيريس وتقول
ارجع الى منزلك ارجع الى منزلك ايه الملك العظيم
عد الى منزلك انت الذى لا اعداء لك.
ايها الشاب الجميل
ارجع الى منزلك لترانى
فانا اختك التى تحبها
لا يجب ان افقدك
ايها الطفل الجميل عد الى منزلك
انى لا اراك الان ومع ذلك قلبى يفيض حباً لك
وعينى تتلهفان عليك.
عد الى تلك التى تحبك
عد الى تلك التى تحبك يا( وان نفر )
المبرور او المنعم. (المرحوم )
عد الى اختك
عد الى زوجتك
عد الى زوجتك
انت الذى وقف قلبك
عد الى زوجتك فانا اختك من ام واحده
فيجب الا تبعد عنى
فالملوك وبنو البشر يتوجهون اليك باكين اياك.
اناديك وابكيك حتى يسمع صوتى فى السماء
ولكنك انت لا تسمع صوتى
انا اختك التى احببتها على الارض
ولم تحب غيرى يا اخى يا زوجى يا حبيبى.
♥️♥️♥️♥️♥️♥️♥️♥️♥️♥️♥️♥️
(تلخيص علي السريع للشخصيات هما اربع اخوات بنتين إيزيس ونيفتيس و شابين هما اوزريس وست ست اتجوز نيفتيس و انجبوا أنوبيس وإيزيس اتجوزت اوزريس وانجبوا حورس)
