قبل ما تقرأ الجزء التاني والأخير دوس هنا عشان تقرأ الجزء الأول
Thread '|الجزء الاول | اسطورة ايزيس
واوزوريس'
https://xn--mgbkt9eckr.net/threads/الجزء-الاول-اسطورة-ايزيس-واوزوريس.362192/
♥️♥️♥️♥️♥️♥️♥️♥️♥️♥️♥️♥️♥️♥️وقفنا المرة اللي فاتت لما الملكة نيفتيس و الملكة إيزيس عثروا علي جثة الملك العادل المغتال المهم عزيزي القارئ الجميل بعد ما قعدوا يولوا نص ساعة وعياط بقي فجأة طب عليهم الملكة ست
وخطف جثة إخوة ومش بس كده ده راح مقطعها ٤٢ حتة وموزعهم علي محافظات مصر كلها 😰😱
الملكة العظيمة إيزيس رفضت الاستسلام
الملكة إيزيس فضلت تتعلم السحر لغاية ما اتقنته وعرفت تخضع الملك رع (ملك الشمس )وقدرت تاخد منه أسرار الحياة والموت وأصبحت الاقوي بين الملوك
ومن هنا بدأت تلف مصر كلها تلم في جثة جوزها المتقطعة
بس للاسف كان في حتة واحدة ناقصة معرفتش تلاقيها (يا حوستي السودة حته مهمة جدا أهم حتة في جسم الراجل اللي الراجل ميعرفش يخلف من غيرها
😂😂😂)
إيزيس قعدت تفكر اتصرف ازاي طب اعمل ايه في مصيبتي السودة دي وفجأة وقفت وقالت:
بس هو مفيش غيره اللي هينقذني💡🤔
المحبوبة إيزيس راحت بجثة جوزها المتقطعة دي لأنوبيس (ملك التحنيط )العظيم وطلبت أنه يصلحلها الراجل عشان تخلف منه
أنوبيس قالها: سهلة ياست الكل مش هتاخد في أيدي ربع ساعة بس هتخلفي ازاي والحتة دي ناقصة؟🤷🏻♀️😅
إيزيس قعدت تفكر تعمل إيه تعمل إيه؟؟
بس لاقيتها
💡😅
قامت رايحة للدكتور راح مركبلها
دعامة حلوة كدة لملك أوزرويس (عضو صناعي زي الفل كده تليق بالملك😂😂🤭)
الدعامة دي بقي ياسيدي عملت احلي شغل ومفيش كام مع قوي السحر شهر وأيزيس بقت حامل وراحت مخلفة ولد زي القمر من الملك المقتول وراح سمته
حورس
كان حورس ملكا على شكل صقر كانت عينه اليمنى هي الشمس أو نجمة الصباح، تمثل القوة والجوهر، وكانت عينه اليسرى هي القمر أو نجمة المساء، مما يمثل الشفاء
(دعامة بقي وكدة😉😂😂)
وخدت حورس ده بقي ياسيدي وهربت بيه علي الصعيد وفضلت تحميه وتربيه عشان كان ضعيف و عدت السنين وحورس كبر وحارب العم الشرير
♥️واخيرا قدر الخير ينتصر علي الشر والبطل حورس جاب تار أبوة واعاد لمصر الأمن والإسلام والاستقرار من تاني .
واوزوريس حكم وسيطر علي العالم السفلي
النهاية ..❣️
