انت هتقدر وانتي جميلة خليك واثق في نفسك خليكي واثقة في نفسك
يعني ايه اصلا الثقة بالنفس ؟؟
الثقة بالنفس انك تحس بقيمتك بين الآخرين و بتترجم من خلال تصرفاتك وعدم قلقك أو خوفك من التعامل مع الناس و انعدام الخوف في انك تعمل اي تصرف في وجود الأخرين .
طب يعني ايه فقدان الثقة في النفس ؟؟
فقدان الثقة دي حاجة مش مطلقة بمعني ، عندك فقدان ثقة في مبدأ أو في قيمتك عندك عدم ثقة في شكلك في عدم تحقيق إنجازات زي اللي في سنك دايما بتحس انك في سباق مع اللي حوليك ودايما بتحس انك مراقب من كل الناس فبتتأثر حركاتك وتصرفاتك
ممكن تعرفيني ايه سبب اختلاف الثقة للشخص ؟ الثقة أو انعدامها بالنفس هي صفة مكتسبة وليست فطرية ، بتكتسبها بسبب البيئة اللي عايش فيها والظروف اللي حوليك
ازاي اكون عندي شخصية قوية وثقة بالنفس؟هل ده ممكن اصلا؟
اه ممكن جدا أنا قولت أن دي حاجه مكتسبة فتقدر تغيرها بطريقة تفكيرك بمعني، بص الفكرة إنك لازم تحدد بالظبط نقطة ضعفك اللي بتسبب مشكلة فقدان الثقة وتشتغل عليها عشان متبقاش مشتت نفسك في اتجاهات كتير وانك تركز علي إنك تعالج طبع أو تتحكم في المشاعر السلبية اللي بتحس بيها أو تتقبل الالآم اللي بتمر بيها وده هيساعدك علي السعادة ثقتك بنفسك
يعني ايه اتحكم بالمشاعر السلبية ؟
انك تكون واثق من شكلك ومش دايما مضايق بسبب مظهرك دايما تكون واثق في عقلك في طريقة تفكيرك انك هتقدر تنجح واحسن من غيرك كمان وهكذا
ممكن علامات تعرفني اني عندي مشكلة في الثقة بالنفس ؟
١- الخوف والتردد في اتخاذ القرارات والتصرفات.
٢- الشعور بالتشاؤم والإحباط وعدم الثقة بالنفس.
٣- الانعزالية وعدم القدرة على التواصل الاجتماعي والتفاعل مع الآخرين.
٤- الضعف في التحمل والصمود أمام الصعاب والتحديات.
٥- الانغماس في الأفكار السلبية والتفكير المتطرف.
٦- الانتكاسات المستمرة وعدم القدرة على تحقيق الأهداف المرسومة.
٧- الانخفاض في مستوى الطاقة والحيوية وعدم القدرة على العمل بجدية ومثابرة..
٨- الشعور بالذنب والخجل وعدم القدرة على التعبير عن الرأي أو الرفض بصراحة ٠
