مع احترامي لكل الاشخاص الموجودة في المنتدي و احترامي لكل الميول و كل الثقافات و الاراء حبيت اتكلم في حاجة ممكن تكون مش من حقي بس انا بعتبر الكل هنا اخواتي و اصدقائي هدخل في الموضوع و ابطل رغي يالي بتقول بترغي كتير شايفك و هجيبك بلبوص😂
كل واحد مضغوط في حياته و محدش فينا سعيد فيها و بنحاول ندور علي مكان يبقي فيه كل حاجة مباحة يعني مثلا هنا تقدر تسال اي سؤال و تعمل اي حاجة دون اي قيود و كمان من غير ما حد يعرفك انا شايف ان المنتدي هنا مكان لهروب الناس من حياتها و التجرد من قيودها و يعملو كل حاجة نفسهم فيها و يتعرفو علي شخصيات جديدة و الغريب ان ناس كتير هنا مش غرضها الجنس و لا انه يشقط بنت او بنت تتشقط انا شايف ان كل واحد بيدور علي حاجة هوا مفتقدها في حياته المقيدة يعني انا مثلا شخص بتكسف جدا شغلي حساس و بيحب السمعة الحلوة مش بقدر اعمل اي حاجة غلط و في نفس الوقت مش بحب الغلط بحترم الخصوصية و بحترم الادب و الاخلاق و بدليل ان ممكن اتخانق علشان راجل كبير عيل بيغلط فيه او بنت بتتعاكس او ست جوزها بيضربها او غلط فيها في الشارع و جيت هنا ادور علي حاجة معينة في دماغي و في نفس الوقت اخرج من الاكتئاب الي عندي و اتجردت من كل قيودي
عارف اني طولت عليكم بس حببت افضفض مع اخواتي و ياريت كله يقول رأيه و شكرا ليكم يا احلي اخوات و اصحاب
