فضفضه التاكسى (بوست للهزار)

[AMGjr]

اكيد معظم اللى موجودين حضرو ايام التاكسي الابيض والاسود اللى كان مخلع ده بس حد فاكر تفاصيله
التاكسى ده كان فيه عالم جواه اول ما تشاور ليه عمره ما كان يقف قدامك لازم يمشيك حبه تركب وهنا بتحس انك دخلت بوابة زمانية وبقيت فى عالم تانى عمرك ما كنت تلاقى الاوكرة الازاز موجوده دايما متشالة او مكسورة والازاز مفتوح نص فتحة وسايب يقعد يعمل صوت طول ما التاكسي ماشى وصوت السير بتاعه وهو بيزيق وصوت الفرامل كانو بيعملو احلى ميكس الاصوات دى مع بعضها غير طبعا اللعب اللى بتبقى على الطابلوه العرايس اللى رأسها دايما بتتهز تحس انها موافقة على اى حاجة بتحصل تقعد تلاقى سواق التاكسي يقعد يتكلم معاك وانت فى نص الكلام تسمع صوت جى من بعيييييييييييييييد صوت كده غير مفهوم بعد تركيز وتفحيص تعرف أن ده صوت الكاسيت بتاع التاكسي تحية للأيام دى بجد التاكسى ده واحشنى اوى 😂😂😂😂😂😂

 

[ALbrens]

مع سيجارة الكيلوبترا كده تبقي كملت 😂😂😂