صباح الخير
شتا اسكندرية في نوة الكرم كله عواصف و هوا يشيلك من على الارض شيل
و اشتريت الجرائد لليوم التالت على التوالي
حاولت حتى افتحها بس اقرا كام منشط و انا في الشارع كده على ما اوصل المكتب
للاسف معرفتش من الرياح
للاسف
رياح التغيير بتضرب على كل باب و زمن
و حكمها قدر و مصير.
الجرايد في اول جيلنا و كل الاجيال الي قبلنا حاجة مهمة في بيوتنا حتى عند الناس البسيطة الغير مثقفه.
كان ليها كمية من النوافع الاقتصادية " ايوووووه "......
علشان كده بعتبرها صفقة اقتصادية مربحة حالياً :-
ب ٣ حنية
١٦ صفحة كبار
عندك مثلاً:-
- ينفعوا ل لف الساندويتشات الصبح
او كمفرش تحت أطباق الفطار سهلة اللم و الرمي بعد كل اكله
- ك مفرش في ادراج المكاتب تحميها من السوس او تحت الهدوم في الدواليب تحميهم من التراب
و كمان زعموا ان ليها فوائدها الطبية على راي جدتي.:-
-ورق جرايد متنغنغ في سبرتوا احمر تدفي بيه صدرك ياضنابا تصحى الصبح البرد هربان من جتتك .
لله يرحمها كان غنية بحكمة البسطاء 🙏🏼
اعتقد ان الجرايد كانت مساهمة بشكل كبير ثقافيا و علمياً و اقتصاديا
- اتعلمت من باب انيس منصور حكمة الردود.
- و من كاركتير احمد رجب ازاي تقول الي انت عايزة من غير ما تتمسك.
- و من رسايل العشاق الحب بمعاني الواقعية
بس رياح التغيير دايما بتاتي و تغيير كل شئ .
و للاسف لو لم نواكب المجتمع و التقدم و التكنولوجيا حنكون ورا
ورا اوي .
لاكن ميمنعش نحتفظ بكل ما مثل معاني و ذكريات طيبه جوانا نرجعلها كل ما نشتاق الى الماضي.
نحتفظ بالحلو من الماضي و ناخد ما يصح في الحاضر و نأمل بالمستقبل المشرق صباح كل يوما جديدا
اقرا الخبر
