نقاش افكار مشوهة

[محمد اشرف1]

♦️أفكار مشوهة اتزرعت في العقول من الأغاني والأفلام

🔸احنا الاتنين واحد
كل واحد ليه مساحته الخاصة(أهله، أصحابه، شغله، هوايته.. الخ)، وفيه مساحة مشتركة

🔸متغبش عني ثانية
الناس اللي مع بعض طول الوقت بيزهقوا من بعض، ومع الوقت مبيلاقوش كلام يتقال، المسافة الآمنة بتخلي الناس توحش بعض، وتخلي كل واحد عنده حكايات وكلام يقوله للتاني

🔸لو بيحبني ومهتم هيعرف لوحده
هيعرف منين؟ هيخمن؟ ولا يروح لساحر؟ اللي مضايق من حاجة يقول، واللي عايز حاجة يقول

🔸 الناس غيرانين مننا وهيبعدونا عن بعض
انتم لا أول ولا أخر اتنين يتجوزوا ولا يتخطبوا، ولا محور الكون، ولا الناس موقفة حياتها مستنية أخباركم، ولا الجواز أصلا إنجاز، الإنجاز انكم تعرفوا تعيشوا مع بعض في سلام وسكينة

🔸الحب عتاب وخصام ولوم
ده مش حب، الحب اطمئنان وسلام وهدوء

🔸لو سبتني هضيع من بعدك
كل علاقة في الدنيا معرضة انها متكملش لأي سبب، ولازم بعد ما تنتهي تزعلي وتعيطي، بس بعد وقت معين تتعافي وترجعي لحياتك

🔸انتي ملكي وبتاعتي
مفيش حد ملك حد، ولا ينفع حد يتعلق بحد كدة، ولو فيه حد لو التاني بعد عنه شوية حياته تقف ونفسيته تتدمر فده تعلق مرضي مش حب

🔸الحب مفهوش كرامة
الحب يعني احترام وكل واحد يحافظ على كرامة التاني

اضغط لقراءة المزيد...

 

[wael115]

نفسي ازغرط بس مكسوف
أول مرة ألاقي حد هنا بيفهم

 

[محمد اشرف1]

نفسي ازغرط بس مكسوف
أول مرة ألاقي حد هنا بيفهم

😂😂😂لا متزغرطش هات واحده من البنات تزغرط كلنا هذا الشخص

 

[Omar Tamer]

انت فهمان
كلام ف الجول