✨لما يعملوا اللي الأصحاب بيعملوه مع بعض
يسمعوا بعض، يفهموا بعض، يحسوا ببعض، يهتموا ببعض
بلاش أحكام ونقد ولوم
يحترموا نقط ضعف بعض، ومخاوف بعض
كل واحد يحترم اختلاف التاني
✨ويعملوا مساحة مشتركة♥️
المساحة المشتركة تلت مراحل
💍أول مرحلة الحاجات المشتركة بينهم وهما الاتنين بيحبوا يعملوها مهما كانت بسيطة(يتمشوا مع بعض، يسمعوا نفس الاغاني، يقرئوا نفس الكتب،...الخ)
💍تاني مرحلة
كل واحد يهتم بحاجة التاني بيحبها
مثلا هي تهتم بالكورة،وتفهم قوانينها،وتتابع أخبار فريقه المفضل ويتفرجوا مع بعض ويتكلموا عن الفريق
هو يقرأ الكتاب اللي هي بتقرئه ويتناقش معاها فيه، أو يتفرج معاها على المسلسل اللي بتحبه
🔹️مع الوقت الاتنين هيحبوا الحاجة الجديدة اللي كل واحد عملها أصلا عشان يقرب من التاني، وبكدة نكون زودنا المساحة المشتركة
🔹️تالت مرحلة المشاركة في المسؤوليات
مثلا هو يطبخ معاها يوم أو يطبخ مكانها، هي تروح معاه مشوار أو تروح مكانه
الموضوع محتاج مجهود من الاتنين وياخدوا نية أنهم فعلا عايزين يكونوا أصحاب ويتغلبوا على اختلافهم
