𝗟𝗘𝗚𝗘𝗡𝗗 𝗞𝗬𝗦𝗘𝗥
مشہرفُہ قسہم الہصور
طاقم الإدارة
مشرف
نسوانجى مثقف
نسوانجي متفاعل
نسوانجي متميز
دكتور نسوانجي
أستاذ نسوانجي
عضو
نسوانجي قديم
ناشر صور
ناشر مجلة
حلوة 👍
مقدمه
دائما ما نبني احلامنا منذ الصغر نتطلع للمستقبل ونخطط له ولا ندري انه سيكون للقدر رأي اخر فقد تنقلب كل الامور وتتغير الاحلام
قد يرسم القدر لنا طريقا لم نكن لنختاره قط ومنا من يسير في طريقه ويحاول محاربه الصعوبات وتحقيق احلامه ومنا من يصبح اسيرا لماضيه ولا يفكر سوي ف الانتقام لكنه دائما ينسي ان طريق الانتقام نار محرقه والمنتقم هو اول من يحترق بها
___________________________
الشخصيات الاولي
رعد: البطل في بدايه القصه عنده 10 سنين
ساره: مامه رعد عندها 31 سنه مهندسه دیکور
محمود: والد رعد عنده 33 سنه صحفي شاطر وبيحب شغله وهمه الوحيد كشف الحقيقه للناس
سیرین: خاله رعد تؤام ساره المتطابق معاها دبلوم تجاره و ربه منزل
باقي الشخصيات هنعرفها مع الاحداث
________________________
آلجزء آلآول
ساره: رعد حبيبي يلا قوم بقي
رعد: يا ماما حرام عليكي عايز انام
ساره: ياحبيبي هتتاخر علي المدرسه
رعد: يووه منا بروح كل يوم فيها ايه لو نمت النهارده
ساره: اممم علي رايك مفيهاش حاجه انا عارفه ان ابني حبيبي شاطر ومش هياثر عليه يوم غياب
بيبتسم رعد وهو مغمض عينيه وبتلمح ساره ابتسامته لتبتسم هي بمكر
ساره: خلاص انا هقول ل بابا الغي المفاجاه اللي كنا هنعمهالك وكنت هترجع من المدرسه تلقيها بدام مش عاوز تروح خلاص بقي ناجلها يوم تاني او نلغيها
رعد: مفاجاه ايه دي؟!
ساره: هو لو قلتلك عليها هتبقي مفاجاه لو رحت المدرسه هتيجي تلقيها لو مرحتش خلاص مفيش مفاجاه
بيقوم رعد من النوم بغضب طفولي
رعد: اديني قمت اهو بس خليكي فكراها يا ساره ماشي
وبيقوم يدخل الحمام ويجهز للمدرسه وساره واقفه بتضحك
بتدخل ساره المطبخ تعمل ل رعد الكاكاو اللي بيحبه وسندوتش وتحطهم ع السفره
ساره: يارعد كل دا بتلبس
بیخرج رعد م الاوضه بعد ما لبس ومعاه شنطته
رعد: لا انا خلاص لبست اهو
ساره: ماشي يا حبيبي يلا افطر بسرعه عشان تلحق باص المدرسه
رعد: حاضر
بعد خمس دقایق
رعد: ماما انا خلصت هنزل بقي عيزه حاجه
ساره: لا يا حبيبي عيزه سلمتك خلي بالك من نفسك وبتبوسو ف خده
رعد: حاضر سلام
ساره: سلام يا حبيبي
بيروح لحد الباب ويرجع يلف ويبص ل مامته
رعد: ماما
ساره: نعم يا حبيبي نسيت حاجه ولا ايه؟
رعد: لا منستش بس مش هتقوليلي ايه المفاجاه
ساره: هههههه لا مش هقولك اما تيجي هتعرف
رعد: ماشي يا ساره ماشي
وبيخرج ويقفل الباب وراه
بتضحك ساره علي غضب رعد الطفولي وبتدخل الاوضه تصحي محمود للشغل
ساره : انت صحيت انا كنت لسه هصحيك بس كويس انك صحيت بدري عشان تفطر معايا قبل متنزل
محمود: لا مش هينفع مفيش وقت
ساره: ليه؟ دا لسه الساعه يادوب سبعه
محمود: هروح اقابل شخص هيديني ورق مهم هيفدني ف التحقيق الصحفي اللي بعمله هنزل بدري عشان متاخرش
علي الشغل
ساره: انهي تحقيق؟ اوعي يكون قصدك
محمود: ايوه هو
ساره: یا محمود بلاش عشان خاطري انت كدا بتلعب بالنار احنا مش قد الناس دي
محمود: ل امتي هنفضل ساكتين بسبب الخوف اما انا واللي زيي نقول كدا مین هیکشف فساد الناس دي مين هيوقفهم عند حدهم ويسلمهم للعداله؟
ساره: انا فهماك وعارفه ان كل همك توصل الحقيقه للناس بس يا محمود ايمن الشهاوي مش سهل ولو عرف انك بتدور وراه مش هيسيبك مش خايف علي نفسك طب مش خايف عليا انا ورعد والبيبي اللي هيجي ف الطريق مش بتفكر فينا
محمود: سبيها علي **** صحيح انتي قولتي ل رعد عن البيبي
ساره: لا النهارده عيد ميلاده بس كالعاده هو مش فاكر انا قولتله اني عملاله مفاجاه هجبله تورته وهديه وهقولو بليل
حاول متتاخرش ف الشغل النهارده
محمود: حاضر يا حبيبتي انا نازل عيزه حاجه
ساره: لا يا حبيبي عيزه سلامتك
بيبوسها محمود ف دماغها وبينزل وهي بتبتسمله
بتقعد ساره تظبط ف البيت لحد الضهر وبتنزل تجيب التورته ل رعد قبل ما يوصل وتجبله الفون اللي كان نفسه فيه
وبترجع البيت
بتحس ب صوت ف اوضه النوم وبتدخل تشوف في ايه
بتلاقي محمود قالب المرتبه وبيخبي ملف
ساره: محمود دا انت حرام عليك خضتني
محمود: معلش انا اسف
ساره: ايه الملف دا
محمود : الملف دا هو اللي هيوصل ايمن الشهاوي لحبل المشنقه كان شكي كله ف محله البيه بيداري ف منصبه ومفهم الكل انه رجل الاعمال الخيير اللي قلبه علي البلد وهو اكبر تاجر مخدرات وبيشتغل ف التهريب والسلاح دا
مفيش حاجه غلط معملهاش مفیش جنیه کسبه بشكل مشروع
ساره: انا خايفه یا محمود قلبي مش مطمن للي انت بتعمله دا
محمود: متخفيش انا نيتي خير ومتاكد **** مش هيسبني
ساره: يارب يا حبيبي انت هترجع الشغل
محمود: لا انا خت اجازه عشان اساعدك نظبط كل حاجه قبل ما يجي رعد
ساره: **** ميحرمني منك
محمود: صحیح یا سوسو متفقناش هنسمي البيبي ايه
ساره: لو ولد هسميه نجم ولو بنت قمر
محمود: رعد و نجم وقمر حرام عليكي ياشيخه
ساره: هههههه اعمل ايه طيب بعشق السما وكل حاجه فيها
محمود: وانا بعشقك انتي
بتبتسم ساره بكسوف وتبص ف الارض
محمود: ههههههه بقي في حامل تتكسف كدا
بتخبطه ساره ف كتفه
ساره: اتلم
محمود انا هتلم بس عشان الواد زمانه جي غير كدا مين يقاوم القمر دا
ساره: ههههههههه
بیرن جرس الباب
ساره: غريبه ياتري مين بيخبط؟!
محمود: يمكن رعد
ساره: لا لسه نص ساعه علي معاد الباص
محمود: خلاص خليكي انا هروح اشوف مين
بیخرج محمود يفتح الباب بيلاقي قدامه 4 اشخاص ضخام وملثمين بيزقوه علي جوه ويقفلوا الباب واتنين منهم
بیمسکوه
محمود: انتو مين وعايزين ايه؟ سيبوني
بتخرج ساره علي صوت الدوشه وتتخض من المنظر
محمود: ساره ادخلي جوه وتربسي الباب عليكي
بتيجي ساره تتحرك بيمسكها واحد منهم من شعرها ويزقها بتقع علي الارض
بتمسك ساره بطنها بوجع
ساره: اااه بطني
محمود: ساره ساره اوعو سيبوني ساره انتو عيزين ايه؟
واحد منهم: فين الورق؟
محمود: ورق ايه؟
الملثم: الورق اللي يخص ايمن بيه
محمود: انا معرفش بتكلمو عن ايه
الملثم: الورق اللي خدته من واحد من رجاله ايمن بيه واللي دفع قصاد العمله دي حياته هتقول الورق فين ولا تحب
تحصله
محمود: انتو ايه مش بني ادمين ارواح الناس سهله عندكم للدرجادي
الملثم: شكلك حابب تتعبنا معاك وبيبص ل راجل تاني ادخل دور علي الورق هو اكيد جابه هنا
الملثم التاني: امرك ياريس
بيدخل يقلب الدنيا علي الورق وساره بتكون واقعه علي الارض ماسكه بطنها وبتعيط من الوجع بعد شويه بيخرج الملثم من الاوضه ومعاه الملف
الملثم: الملف اهو ياريس
بياخده منه ويبص في بيتاكد ان دا الورق المطلوب
الملثم الاول: تمام كدا خلصنا نص المهمه خلصو عليهم
بيمسك الملثم التاني ساره يوقفها ويضربها بالسكينه ف بطنها
ساره: ااااااه
وبتقع علي الارض وبتتنفس بصعوبه
محمود لااااااااا ساره لاااااا
بيحاول يجري عليها بيلاقي سكينه ف ضهره بيقع ع الارض والملثمين بيمشوا ويقفلوا الباب
بيموت محمود ف ثواني وساره شيفاه و دموعها نازله مش قادره تتحرك وبتتنفس بصعوبه ودمهم ملئ المكان
__________________________
بيخبط الباب
رعد: ماما
بتحول ساره نظرها للباب نفسها تقوم تفتح وتاخد رعد ف حضنها بس مش قادره تتحرك وحاسه بروحها وهي بتفارق
جسمها
رعد: ماما يا ماما افتحي
بيزهق رعد من الوقوف علي الباب وبيفتكر المفتاح اللي تحت الدواسه بتاع الطوارئ بياخده ويفتح الباب ويدخل رعد: ما...
مش بيقدر يكمل الكلمه وبيتصدم من المنظر ويجري علي مامته ويرفع دماغها علي رجله
رعد: ماما ايه دا مين عمل فيكو كدا؟
ساره ب انفاس متقطعه : رعد اسمعني كويس عيزاك تعرف ان انا وبابا بنحبك اوي وغصب عننا اننا هنسيبك يانور عيني بس عيزاك تتاكد اننا خسرنا حياتنا عشان نظهر الحق بس للاسف ملحقناش النهارده عيد ميلادك كان نفسي اعملك حفله وافجئك اني حامل وهجبلك اخ او اخت زي ما كنت بتتمني بس دي اراده **** اننا نفترق يا حبيبي خلي بالك من نفسك وروح ل سيرين هي هتاخد بالها منك
رعد: ماما انتي بتتكلمي كدا ليه انتي مش هيحصلك حاجه هتخفي وتبقي كويسه انتي مش هتسيبيني يا ماما مش هتسبيني
بتمد ساره ايدها وهي مليانه ددمم وتمسح دموع رعد وبتطلع روحها للي خلقها
رعد: ماما ..... ماما بيزحف كام خطوه ويروح عند محمود بابا.... بابا قوم
قوم انت وماما متسبونیش بابا رد عليا بيزحف ويرجع قدام ساره
ماما قومي عشان خاطري قومي ومش هغلبك تاني عشان اصحي للمدرسه قومي وهعملك اي حاجه تعوزيها ماما قومي هتسبيني كدا مش هنحتفل بعيد ميلادي طب قومي عشان اخويا او اختي اللي جواكي
بيتاكد رعد انهم خلاص ماتو وفارقو الحياه وبقي لوحده ف الدنيا خلاص خسر مامته وباباه خسر الحنان والامان وبقي
يتيم لوحده ف الدنيا
____________________________
بيفضل رعد يعيط وهو قاعد علي الارض ضامم ايده ورجله لحد ما نفسه بيروح من كتر العياط بيقرب من ساره
ويمسك ايديها وبيروح ف النوم علي امل هيصحي يلاقي كل دا كابوس
بيصحي بعد وقت علي خبط الباب
بيقوم مفزوع ويبص ل مامته وباباه يتاكد ان دا مش کابوس بيزید خبط الباب بيقوم يفتح
سيرين: رعد حبيبي مالك ايه الدم دا؟
رعد: بابا... ماما .
سيرين: انا مش فاهمه حاجه طب اوعي كدا عديني
بتدخل سيرين البيت وتتفزع من المنظر
سیرین ساره... ساره... محمود رعد ايه اللي حصل؟ انا هكلم الاسعاف بسرعه
رعد بكسره: وايه الفايده خلاص ماتو
سيرين: ازاي ماتو مين عمل كدا؟
رعد: معرفش..... معرفش حاجه انا جيت م المدرسة لقيتهم كدا ماما الصبح قالتلي انها عملالي مفاجاه بس دي
مفاجاه وحشه اوي يا خالتو اوي
بتاخد سيرين رعد ف حضنها وبيعيطوا هما الاتنين وبتفضل تطبطب عليه
سيرين: احنا لازم نطلب البوليس
بتتصل ساره بالبوليس وف خلال نص ساعه بيتملي المكان بالبوليس والمعمل الجنائي وبيحقق البوليس ف موتهم وبياخد اقوال رعد وسيرين بس لان العماره مفيهاش سكان وبيرفعوا البصمات من الشقه
وبعد وقت طويل بتاخد سيرين رعد وتروح بيتها
سیرین: هحطلك اكل انت اكيد مكلتش النهارده
رعد: مش عايز انا عايز انام بس
سیرین: طيب ادخل خد دش الاول وانت ليك طقم عندي هطلعهولك تلبسه بدل الهدوم المليانه ددمم دي بعدين ابقي
نام وبكره نجيب حاجتك من البيت
رعد: لا انا مش عايز اروح البيت دا تاني
سیرین: خلاص انا هبقي اروح او اجبلك حاجات جديده المهم خد دش وروح ارتاح بيدخل رعد ياخد دش وبينام وصوره مامته وباباه مش راضيه تروح من دماغه
_______________________
بيعدي شهرين والبوليس مقدرش يوصل لحاجه وبتتقيد الحادثه ضد مجهول
رعد: يعني ايه الناس اللي حرموني من ابويا وامي مش هيتعاقبو حقهم هيضيع
سیرین: هنعمل ايه طيب مفيش بصمات ولا شهود ولا حد شاف حاجه ولا في كاميرات ف المكان هنوصل للي
عمله کدا ازای؟
رعد: انا هوصلهم وهاخد بطار اهلي
سيرين: اهدي يارعد يمكن البوليس مقدرش يوصل للي عملوا كدا بس **** اكيد مش هيسبهم خلي بالك من نفسك
وانا هروح مشوار وارجع مش هغیب
رعد: ماشي
بتنزل سيرين وتركب تاكسي وتديله العنوان
بعد ساعه بتنزل قدام فيلا كبيره وتحاسب التاكسي وتدخل بيكون الباب مفتوح بتدخل اوضه المكتب وتحضن
الشخص اللي واقف من ضهره
سيرين: وحشتني اوي يا حبيبي شهرين بحالهم مشوفكش بیلف ایمن وياخدها ف حضنه
ايمن الشهاوي: انتي كمان وحشتيني اوي بس كان لازم نبعد شويه لحد الدنيا ما تهدي
سيرين: خلاص عدت والقضيه اتقفلت ضد مجهول بس انا عايزه افهم ليه رجالتك سابو رعد ليه مقتلهوش هو كمان اهو كان هيريحوني من القرف اللي انا فيه دا
ایمن: مکنش ف البيت وقت ما الرجاله راحو وبعدين هو مضايقك في ايه؟ سبيه الواد دا هينفعنا بعدين
سیرین: هينفعنا!! هينفعنا في ايه؟!
ایمن: الواد دا قلبه جامد واللي شافه هيقوي قلبه اكثر انا عايز الواد دا خليه بس يشد حيله شويه سنتين تلاته كدا وهاخده وادخله ف شغلنا وانا متاكد انه هينجح فيه
سیرین: بس انا مش طيقاه كل مببصله بفتكر ابوه ودمي بيتحرق
ايمن: وادينا خلصنا من ابوه وامه وبخطتك انتي والواد ممتش ولسه لي عمر يبقي نستنفع بيه احسن ولا ايه
سيرين: اللي تشوفو يا حبيبي
ایمن: ايوه كدا بحبك اما بتسمعي الكلام تعالي بقي اما اقولك علي حاجه فوق وبيشلها ويطلع بيها السلم ويدخلوا الاوضه وهي بتضحك و.......
«« سكتت شهرزاد عن الكلام الغير مباح »»
_________________________________
بيكون رعد قاعد ف اوضته ف الضلمه وبيحس ب باب الشقه بيتفتح بيفتكر ان سيرين رجعت وبيخرج م الاوضه
رعد: عمو كمال وبيجري عليه ويحضنه
کمال ( جوز سيرين عنده 37 سنه بيشتغل موظف حكومي كان مسافر البلد من شهرين يشوف مامته المريضه
ولسه راجع)
کمال: رعد حبيبي ازيك؟
رعد بحزن: الحمد لله
كمال: انا زعلان اوي عليِ حصل ل باباك ومامتك بس غصب عني مقدرتش اجي كانت امي مريضه اوي
رعد: **** يخليهالك
كمال: يارب يا حبيبي اومال فين سيرين؟
رعد: ف مشوار
نفس الوقت بيتفتح الباب ويتدخل سيرين
سیرین: كمال جيت امتي
وبتجري عليه وتحضنه وحشتني
كمال: انتي كمان وحشتيني اوي يا حبيبتي
سیرین: ماما عامله ايه؟ انت عارف غصب عني مقدرتش اجي
كمال: انا عارف وهما مش زعلانين ومقدرين اللي حصل
رعد: عن اذنكم انا داخل انام
سيرين: مش هتتعشي
رعد: لا يا خالتو کلو انتو بالف هنا تصبحو علي خير
سيرين وكمال: وانت من اهله
بيدخل رعد الاوضه ويطفي النور ويفضل قاعد ف الضلمه يمكن الضلمه دي تنسيه المنظر اللي مش بيروح من باله سيرين: انا هدخل اعملك لقمه اكيد جعان
كمال: خدي هنا راحه فين؟ يعني بقالي شهرين غايب وتقوليلي لقمه انا مش عايز اكل انا عايزك انتي وبيشلها ويدخل الاوضه وهي بتتعلق ف رقبته
سيرين: وحشتك للدرجادي؟
کمال: انا مش هكلم كتير بس هشرحلك عملي
بتضحك سيرين وتطفي النور و............
«« سكتت شهرزادِ عَنْ الْكلام الغير مباح »»
______________________________
بيعدي اسبوع وسيرين مبقتش قادره تتحمل وجود رعد بيصحي رعد الصبح ويلبس عشان يروح المدرسه
سیرین: خد هنا رايح فين؟
رعد: رايح المدرسه في حاجه ياخالتو؟
سيرين: من هنا ورايح مفيش مدرسه
رعد: يعني ايه؟
سيرين: يعني اللي سمعته مفيش مدرسه انا مش غنيه زي ابوك وامك عشان اتحمل مصاريف المدرسه الانترنشونال بتاعتك دي
رعد: يعني انتي مش هتخليني اكمل تعليم؟؟!
سیرین: بظبط كدا مفيش تعليم ومفيش فلوس ومفيش خروج هتبقي خدام هنا وتعيش بلقمتك
رعد بصدمه : خالتي انتي بتهزري صح؟!
بينزل قلم علي خد رعد بيخلي الدم ينزل من شفايفه
بيبص ل سيرين وهو مصدوم ومش بيكلم
سیرین: اظن كدا اتاكدت اني مبهزرش اقلع الهدوم دي وادخل صبنلي المطبخ والحمام وحط ف دماغك انك مش هتبقي اكثر من خدام هنا امك ممتش وسبتك ليا عشان اشيل همك انا ...... انت لسه متنحلي يلا انجر علي المطبخ يلا
بيدخل رعد المطبخ بعد ما بيرمي شنطه المدرسه ف الارض وبينضف المطبخ وكل شويه سیرین میعجبهاش حاجه تروح ضرباه لحد بليل ومبيكنش كل حاجه ورغم اللحمه والخضار اللي عملاهم مش بتحطله الا سندوتش جبنه قديمه بياكله غصب عنه من الجوع وبيدخل يترمي علي سريره يحضن المخده ودموعو تنزل ويفتكر ذكرياته مع مامته وباباه ودلعهم لي
رعد: سبتيني ليه يا ماما؟ انا محتجلك اوي تعالي خديني معاكي انا مش عايز اعيش تعالي خديني
بيفضل رعد يعيط لحد ما بينام من غير ميحس
____________________
عدا سنتين ورعد وصل عمره 12 سنه ولسه حياته زي ما هي خدمه وبهدله وضرب لدرجه انه نسي معني كلمه ضحك
وفرح وفي يوم بيسمع خالته بتكلم ف الفون
سيرين: ايوه يا حبيبي
أيمن: وحشتيني
سيرين: انت كمان وحشتني اوي هموت واشوفك
ايمن: تعاليلي دلوقتي انا مستنيكي
سيرين: حاضر يا حبيبي اقل م ساعه وهبقي عندك
ايمن: تمام يا مزه متنسيش بقي تجيبي القميص الاسود معاكي بيبقي جامد عليكي
سيرين: ههههههه حاضر هجيب معايا القميص الاسود اللي بتحبه باي ياقلبي
ايمن: باي
بتقفل سيرين الفون وتلف وتتصدم ان رعد واقف قدامها
سیرین بصدمه: رعد
_________________________
يـﮯتبع
آلجزء آلثآنيـﮯ
سیرین: انت واقف كدا ليه؟
رعد: انتي كنتي بتكلمي مين؟
سيرين: وانت مالك أجرى شوف وراك ايه عشان لو جيت من بره ملقتش البيت دا بیبرق هتشوف هعمل فيك ايه
رعد: انتي ليه كدا؟!
سیرین: کدا ازای؟
رعد: انتي كنتي طيبه وبتحبيني ليه بقيتي قاسيه كدا وليه بتخوني عمو كمال مش خايفه يعرف مش خايفه اروح اقولو؟
سيرين: لا مش خايفه روح قولو وشوف هعمل فيك ايه وبعدين لا انا عمري ما حبيتك اساسا
رعد: ليه؟!!
سيرين: ليه؟ نفس السؤال اللي كنت دايما بسالؤ لنفسي ليه.. ليه ساره كانت محبوبة عني ليه كانت دايما بتتفضل عليا ليه كانت اشطر منى ليه كان حظها احسن من حظى دايما اهلنا كانو بيفضلوها عليا واختك اشطر منك اختك اذكي منك اختك بتتكلم احسن منك اما خلوني كرهت نفسي وكرهت اختي كمان وعارف ليه بكرهك انت عشان انت ابنها مع ان كان مفروض تبقي ابني انا
رعد: مش فاهم
سیرین: اول مره شفت محمود فيها كنت انا وساره مع بعض وانا اتشديتله واعجبت بيه من اول نظره بس هو جه اتقدم ل ساره مش ليا تقدر تقولي ليه اتقدملها هي طب منا وهي نفس الشكل ليه متقدمليش انا ليه محبنيش انا ليه هي تتجوز صحفي مبسوط وانا اجوز راجل على قد حاله ليه؟؟ هي احسن مني ف ايه عشان تفضل دايما متفضله عليا ف كل حاجه
رعد: عارفه ليه عشان ماما كان قلبها ابيض وبتتمني الخير للكل مكنتش غلويه وحقوده زيك ماما متستهلش الموته اللي ماتتها دي بس انتي هتموتي بطريقه ابشع منها وهتكوني تستاهليها
بیسکت رعد قلم على وشه بيخليه يقع على الارض والدم ينزل من مناخيره سيرين اسمع ياض انت انا مش عايزه قلبه دماغ انا خارجه وابقي فكر بس تقول ل كمال حاجه وشوف هعمل فيك ايه فاهم
رعد: ماشي يا خالتي
سيرين بلا غور عشان اغير
بيخرج رعد من الاوضه وهو حاسس بسواد قلبه ناحيه خالته اللي ظهرت حقدها علي مامته بشكل دا
وبتغير سيرين هدومها وتخرج
__________________________
بعد ساعتين بيرجع كمال من برا بيلاقي الدنيا ضلمه بينور النور ويتنفض اما يلاقي رعد قاعد على الكنبه
كمال: حرام عليك خضتني انت ازاي بتقعد ف الضلمه كدا مبتخفش؟!!
رعد: منا جوايا ضلمه هتفرق ايه اما تبقى ضلمه جوه وبرا
كمال: ايه الكلام الكبير دا مالك يا رعد؟
رعد: تعرف انك صعبان عليا اوي
كمال باستغراب: صعبان عليك؟!
رعد: انت عارف مراتك فين دلوقتي؟
کمال: اه عارف بتزور واحده صاحبتها وهي جايه فى الطريق ليه في ايه وايه اللهجه اللي بتكلم بيها دي؟!
رعد بسخريه: هههههه صحبتها وهو في واحده بتلبس لصاحبتها قميص نوم اسود بردو
كمال بغضب: واد انت بتقول ايه انت اجننت !!
رعد: بقول اللي سمعته بودني خالتي بتخونك وراحت تقابل واحد
بيضربه كمال بالقلم
کمال بغضب: اخرس ازاي تقول علي خالتك كدا؟ عيل مش متربي صحيح
رعد: حقك متصدقش بس اما تیجی شوف معاها قميص النوم ولا لا
کمال: عارف ياض انت لو كنت بتكدب مش هيكفيني رقبتك فاهم
رعد: تمام وانا معنديش مشكله بس لو مكنتش بكدب هدفعك تمن القلم ده
بيبصله كمال ومن جواه بيقلق من الثقه اللي رد بيكلم بيها ومرديش يعلق علي كلامه
بيفضل كمال رايح جاي من التوتر بيعدي نص ساعه اكن عدا سنه لحد ما بيلاقي باب الشقه بيفتح وسيرين بتدخل
کمال: انتي كنتي فين؟
سيرين: كنت عند صحبتي منا قلتلك
بيضربها كمال بالقلم
کمال: صحبتك ولا عشيقك يا فاجره
سیرین بصدمه: كمال انت بتقول ايه انت بتشك فيا؟
رعد ههههه مش لايقه عليكي البراءه خالص
سيرين: انت بتقول ايه ميصحش الكلام اللي بتقولو دا
کمال: اومال ايه اللي يصح انك تستغفليني وتخونيني ولولا رعد سمعك كنت هفضل مختوم علي قفايا
سیرین: کداب رعد دا کداب انا مش فاهمه هو ليه قالك كدا عليا وانا اللي بعتبره ابني انا مبخونکش انت ازاي تشك فيا اصلا انا مقدرش اعمل كدا انا بحبك ياكمال مقدرش
اخونك و**** انا كنت مع شهد صحبتي حتى كلمها واسالها وبتنزل دموعها
کمال: وريني شنطتك دي
وبيشد منها الشنطه ويفتش فيها مش بيلاقي القميص
كمال: انتي لابسه ايه تحت الهدوم دي؟
سیرین: هكون لابسه ايه يعني !؟
كمال: وريني ارفعي التشرت ووريني
سیرین: يا کمال عيب الولد واقف
کمال: ادخل جوه يارعد
رعد: حاضر
بيدخل رعد الاوضه وهو مستغرب
رعد لنفسه: يخربيتك دانا قربت اصدق انك بريئه دانتي شيطانه ازاي واحده زيك تبقي تؤام ماما
كمال: الولد دخل ارفعي التشرت
بترفع سيرين التشرت مش بيلاقي غير الهدوم الداخلية
کمال: فين القميص؟ سبتيه عنده مش كدا
سيرين بدموع : كمال حرام عليك متظلمنيش صدقني انا مش بخونك انا معرفش رعد عمل كدا ليه وازاي قلبك عليا كدا
كمال: مش قولتي انك كنتي مع شهد
سیرین: ايوه
كمال: كلميها وافتحي الاسبيكر
سیرین: حاضر يا كمال بدام دا اللي هيريحك
بتطلع سيرين الفون وترن علي شهد
شهد: ايه لحقت اوحشك يعني دانتي لسه نازله مبقلكيش نص ساعه الووو سيرين انتي يابت ساكته كدا ليه الووو انتي معايا
بیشد كمال الفون منها ويقفل المكالمه ويقعد على الكنبه يبص ف الأرض ويحط وشه بين ايديه
كمال فباله: انا ايه اللي حصلي ازاي عيل زي دا يشككني في مراتي بشكل دا
بتبصله سيرين وتبتسم وتفتكر
««« فلاش بآگ »»»
سيرين: الووو
شهد: ياكلبه اول مفتكرتي ان ليكي صاحبه ماخلاص بقي الجو خدك مني
سيرين: بقولك ايه مش وقت الكلام دا انا محتجالك
شهد: في ايه مالك؟
سيرين: الزفت ابن اختي سمعني وانا بكلم ايمن وفهم اني بقابل واحد وهددني يقول ل كمال
شهد: نعم!! وانت خايفه من العيل المفعوص دا
سيرين: مش خايفه انا مسكتلوش بس الواد دا مش سهل و دماغه مش قد سنه بصي احتياطي لو رنيت عليكي تعرفي ان في مشكله وكمال جمبي ووقتها اول متردي تقولي لحقت اوحشك منتي لسه سايباني من نص ساعه تمام
شهد: ماشی با مزه بس دا حبي ولله والوطن ولا هينوبني من الحب جانب
سيرين ماديه اوي بس مختلفناش هديكي اللي انتي عيزاه
شهد: هاخد 5 بواكي
سیرین: ماشي بس مش عيزه غلط فاهمه
شهد: عيب عليكي دانا شهد برده
سيرين: خلاص طيري انتي دلوقتي ولو حصل حاجه وكلمتك تقولي اللي قولتهولك خلاص
شهد: خلاص ماشي سلام
سیرین سلام
««« عوده من الْفَلاش باك »»»
بتداري سيرين ابتسامتها وتقرب من كمال ودموعها نازله وتقعد علي ركبها قدامه وتمسك ايده
سیرین: هونت عليك تشك فيا هونت عليك تمد ايدك عليا ليه يا كمال ليه دانا مليش حد غيرك هو عشان بحبك تعمل فيا كدا؟! 😢
بيبصلها كمال ويشدها ف حضنه
كمال: انا اسف حقك عليا بس كله من رعد هو اللي قالي كلام فور دمي
سيرين: رعد دا عيل صدقني انا مش عارفه ليه عمل كدا **** يسامحه بقي
کمال: انا بقي مش مسامحه وهربيه عليِ عمله دا
______________________
بيقوم كمال ب غضب ويدخل اوضه رعد ويقفل الباب عليهم بالمفتاح
بتخبط سيرين من بره
سیرین: کمال افتح يا کمال عشان خاطري دا عیل مش فاهم حاجه كمال افتح الباب
بيطلع كمال الحزام من بنطلونه ويقف قدام رعد
كمال: بقي انت تضحك عليا وتشككني ف مراتي دا جزاتي اني مقعدك ف بيتي بدل ما كنت اترميت في الشارع ليه عملت كدا ليه؟
وبينزل عليه بالحزام ويفضل يضرب فيه وهو بيصرخ ويعيط
رعد بعياط : مراتك اللي كدابه وبتخدعك
كمال: انت مصمم بقي طب خد
وببفضل يضربه بالحزام لحد ما بيغمي عليه من كتر الضرب وجسمه بيجيب ددمم
بيهدي كمال ويخرج من الاوضه
سیرین: حرام عليك يا كمال انا كنت هكلمه وافهمه غلطه براحه ليه عملت كدا دا ابن اختي بردو
کمال: ابن اختك اللي بسببه كان ممكن اموتك وبعدين انا عملت ايه يعني ضربته علقه عشان كل ما يجي يكدب بعد
كدا يفتكرها المهم سيبك منه حقك عليا سامحيني
سيرين: لا انا زعلانه منك
كمال: انا عارف هراضیکی ازای هنزل شويه واجيلك مش هغيب عليكي ماشي
سيرين: ماشي
______________________
بينزل كمال وبتدخل سيرين الاوضه عند رعد بتلاقيه مرمي على الارض وفاقد الوعي وجسمه مجروح من الحزام
بتبصله بشماته وتضحك
سیرین: عشان تبقى تقف قدامی تانی یا ابن ساره
وبتخرج من الاوضه وتسيبه وفونها بيرن
سيرين: الووو
ایمن: مبتردیش لیه يا بت
بتحكي سيرين كل اللي حصل ل ايمن
ايمن: يخربيتك وسبتيه يضربه كدا !!
سيرين: انا كنت هعمل ايه يعني؟!
ايمن: ادخلي فوقيه بسرعه وشوفيه لو احتاج علاج انزلي جيبيلو
سيرين: نفسي اعرف سر اهتمامك بالواد دا ايه؟
ايمن: نفذي كلامي وانتي ساكته
سیرین: حاضر
ایمن: یلا وانا معاكي ع الفون
بتدخل سيرين اوضه رعد مش بتلاقيه
سیرین: غریبه دا مش موجود
ايمن: ازاي يعني دوري عليه ف كل البيت شوفيه فين
بتخرج سيرين من الاوضه بيلفت نظرها ان باب الشقه مفتوح
سیرین: هرب الواد هرب
ايمن: خلاص غوري انا قريب من البيت عندك هدور عليه ولو الواد دا حصله حاجه هخليكي تحصلي اختك فاهمه
وبيقفل السكه ف وشها
بيفضل رعد ماشي ف الشارع وهو بيعيط
رعد جواه : ماما... بابا سبتوني ليه شفتي يا ماما سيرين عملت فيا ايه دي اللي قولتي هتاخد بالها مني انا مش قادر
اتحمل مش قادر اعيش انا مليش مكان ف الدنيا دي
بيقف رعد علي سور الكورنيش ودموعه نازله
رعد: انا هجيلك يا ماما هجيلك عشان مبقتش قادر اتحمل اکثر
بيغمض رعد عينه وبينط من علي السور بس بدل ميقع ف الميه بيلاقي نفسه متعلق ف الهوا وفي شخص ماسك
ایده
بيبص رعد للي ماسكه
رعد: سیب ایدی
ايمن: لو سبت ايدك هتقع وهتموت
رعد: انا عايز اموت هعيش لمين يعني
ایمن: حرك رجلك واطلع معايا انا هساعدك
رعد: انا مش عايز مساعده من حد سبني
ايمن: انا اللي محتاج مساعدتك
رعد: مساعدتي انا هو انا عارف اساعد نفسي عشان اساعد حد
ايمن: ممكن تساعدني اطلعك الاول بعدين تكلم
رعد: هو انا اعرفك عشان اكلم معاك انت طلعتلي منين سبني بقي
ايمن: اعتبرني شخص بعته القدر ليك عشان يقف جمبك
بيبصله رعد وبيمسك ف ايده ويرفع جسمه و بیشده ایمن لفوق
ايمن: انت عندك كام سنه؟
رعد: 13
ايمن: وايه اللي يخليك عايز تنتحر شفت ايه ف الدنيا يكرهك فيها
رعد شفت كتير ومبقتش حاببها ولا ليا مكان فيها
ايمن: واللي يلاقيلك مكان فيها؟
رعد: انت مين وليه عايز تساعدني؟
ایمن: انت شكلك تعبان تعالي نروح واما ترتاح تكلم
رعد: نروح فين؟!
ايمن: البيت عندي
رعد: بس
ايمن: من غير بس تعال واما ترتاح نبقي نكلم وصدقني مش هتندم
رعد: معنديش حاجه اندم عليها اصلا
بيركبوا أيمن ورعد عربيه ايمن وبيؤمر أيمن السواق يتحرك
ایمن: انت اسمك ايه صحيح؟
رعد: رعد
ایمن اسمك حلو بس الرعد قوي وصوته بيرعب الناس انت ليه مش قوي زي اسمك
رعد: قدری کدا
ایمن: احناا نقدر نغير قدرنا وبدل ما الدنيا تدوس علينا ممكن احنا اللي تدوس عليها
رعد: كلامك حلو بس صعب
ايمن: طول منا جمبك مش هيبقي في حاجه صعبه
رعد باستغراب: هو انت تعرفني؟!
ایمن: لا بس هنعرف بعض متقلقش احنا قربنا نوصل البيت اما نوصل نام شويه واما تصحي نكلم براحتنا ماشي
رعد: ولو كلامك معجبنيش
ايمن: وقتها ابقى اعتبر اني مقولتش حاجه وامشي
رعد: تمام
____________________________
بعد نص ساعه بتوصل العربيه قصر أيمن
ایمن: انزل یا رعد
رعد: هو دا بيتك؟
ايمن: اه ايه رايك؟
رعد: دا كبير اوي دا قصر صح
ايمن: صح تعالي افرجك علي الاوض واختار الاوضه اللي تعجبك وبيحط ايده علي كتفه
بيتألم رعد من لمسه ايمن
رعد: ااااه
ايمن: مالك فيك حاجه؟
رعد: لا لا عادي
ايمن: وريني فيك ايه
بيرفع ايمن النشرت ويشوف ضهر وكتف رعد
ایمن: ايه دا مين اللي عمل فيك كدا؟
رعد: جوز خالتي
ايمن: ليه ضربك كدا؟
بيفضل رعد ساكت مش بيتكلم
ایمن: طيب اطلع معايا
بيطلع رعد علي السلم ورا ايمن
رعد: هو انت عايش لوحدك؟
ایمن: ايوه
رعد: ومراتك وعيالك فين؟
ایمن: مراتی ماتت في حادثه من سنتين ومعنديش عيال
رعد: بس انت مش كبير ليه متجوزتش تاني؟
ایمن: تديني كام سنه؟
رعد: 40 مثلا
ايمن لا انا عندى 55 سنه، ها ايه رايك تختار انهى اوضه؟
رعد: اي حاجه
ایمن: انت اختار ولا اقولك تاخد الاوضه دي احسن عشان فيها حمام مخصوص
رعد: ماشي
ايمن: ادخل حد دش وانا هبعت حد من الحرث يجبلك هدوم
رعد: انت ليه بتعمل معايا كدا انا اهلي معملونيش بل طريقه دي!!
ایمن: اوقات الناس الغريبة بتكون احسن من اقرب الناس لينا وبعدين احنا لينا قعده سوا وهنكلم كثير بس اما ترتاح
الأول يلا على الحمام وحالا هيبقى عندك هدوم جديده
رعد: حاضر بيدخل رعد الحمام ويملي البانيو مايه دافيه ويقعد فيه بيحس بوجع اول ما الميه تلمسو بس بيتحمل
رعد ف باله: انا معرفش قدري مخبيلي ايه بس خلاص مش هيبقي في طيبه بعد النهارده هنتقم من كل اللي اذوني خالتي وجوزها وبدام لسه مكتوبلي اعيش يبقي هعيش عشان اوصل للي حرموني من أهلي واخد بطارهم
_________________________________
بيخرج أيمن من الاوضه وينادي لاحد رجاله
ایمن: شادی
شادي( احد الحرث ومن اشطر رجال ايمن في ضرب النار) شادي: امرك يا باشا
ايمن: عيزك تروح تجيب لبس للطفل اللي جه معايا هاتله كل الهدوم اللي ممكن يحتاجها وتنقيله احسن حاجه وتعدي علي الصيدليه تجيب كريمات للجروح ف اقل من ساعه يبقي كل دا عندي مفهوم
شادی: امرك يا باشا
بيروح شادي ينفذ اللي اتأمر بي وبيدخل ايمن المطبخ
ايمن: سعدیه
(سعديه دي الشغاله عمرها 45 سنه ست غلبانه بتربي عيالها الايتام)
سعديه: امرك يا بيه
ايمن: حضري صنيه عشا وحطي كبايه لبن بالعسل وطلعيها في الاوضه الولد اللي فوق
سعديه: حاضر ثواني وهتكون جاهزه
بیرن فون ایمن بیدخل مكتبه ويرد
ايمن: الوو
سیرین: عملت ايه لقيت الولد؟
ايمن: على اساس يهمك يعني!!؟
سيرين: عادي بسأل بس
ايمن: لا ملقتوش معرفش راح فين
سیرین: احسن يروح مطرح ميروح بقي احنا هنوجع دماغنا بيه ليه بس هو دا معناه انك هتقتلني؟!!!
ایمن: سيرين سلام دلوقتي عشان مش فاضي
سیرین: اوك يا حبيبي باي
مش بيرد ایمن وبيقفل السكة وبيقعد على مكتبه يشوف اوراق خاصه بشغله
_______________________________
بيرجع كمال البيت بيلاقي سيرين قاعده بتعيط بيتخض ويجري عليها
کمال: مالك يا روحي في ايه بتعيطي ليه كدا؟
سیرین: رعد يا کمال
كمال: ماله زفت؟
سیرین: مش لقياه هرب من البيت
كمال: هيرجع تاني هو يعني لي مكان غير هنا
سیرین: وافرض مرجعش
كمال: یبقی ارتحنا منه انا اصلا مبقتش طايق سيرته
سیرین: بس يا کمال دا ابن اختی برده
كمال: وهو اللي مشي من نفسه خلاص براحته بقي اهدي يا قلبي متعيطيش انتي بجد قلبك طيب اوي بعد اللي عمله معاكي وزعلانه عليه هو ميستهلش زعلك دا بصى جبتلك ايه
سیرین: **** سلسله دهب بس دا كتير
كمال: مفيش حاجه تکتر عليكي يا روحي انا بحبك ياسيرين بحبك اوي
سيرين: وانا كمان بحبك اوى
بتحضنه سيرين وبيشلها كمال ويدخلوا أوضتهم و..........
««« سكتت شهرزاد عن الكلام الغير مباح »»»
________________________________
في قصر أيمن
بيوصل شادي القصر ويدخل يخبط علي اوضه المكتب
شادی: ایمن بیه
ایمن: ادخل یا شادي ... جبت الحاجه
شادي: اه كل اللي حضرتك امرت بي، تحب حضرتك اطلعهم فوق
ايمن: لا هاتهم انا هطلعهم
بياخد ايمن الشنط ويعدي على المطبخ
ایمن: خلصتی؟
سعديه: ايوه يا بيه
ايمن: تمام هاتي الصنيه واطلعي ورايا
سعديه: حاضر
بيطلع ايمن وسعديه وراه بيخبط ع الاوضه ويدخل
ایمن: رعد.... رعد
مش ببرد رعد وايمن بيقلق
ايمن: سيبي الصنية دي هنا وانزلي
سعديه: تحت امرك
وبتسيب الصنيه علي طربيزه صغيره في الاوضه وتنزل المطبخ
بيدخل ايمن الحمام مش بيلاقي رعد بيقرب من البانيو بيلاقيه غطسان فيه ومغمض عينيه
بیشده ايمن ويطلعه لفوق
بيفتح رعد عينه بفزع ويبصله
رعد: في ايه؟!
ایمن: انت بتعمل ايه؟!! بتحاول تموت نفسك صح
رعد: لا انا متعود اعمل الحركه دي
ایمن: ماشي الشنط دي فيهم لبس كله بتاعك البس اللي يعجبك وتعالي انا مستنيك برا
رعد: ماشي شكرا
بيخرج ايمن ورعد بيختار طقم اسود ويلبسه وبيخرج من الحمام
ایمن: الهدوم مظبوطه؟
رعد: اه تمام شكرا
ايمن: اقلع التشرت ونام على وشك
رعد: ليه؟!
ايمن: هدهنلك الجروح اللي ف ضهرك
رعد: مش لازم
ايمن: لا لازم اسمع الكلام
رعد: ماشی
بينفذ رعد كلامه وايمن بیدهنلو ضهره
ایمن: شاطر يلا البس وكل
بيكون رعد جعان اوي بس رغم كدا بياكل بهدوء ومش بياكل كتير
ایمن: شبعت
رعد: الحمد ***.
ایمن: قولي بقي انت حكايتك ايه وايه اللي يخلي ولد في سنك يحاول ينتحر؟
بيحكيله رعد عن حادثه اهله وقعاده مع خالته ومعاملتها لي وانه متحملش معاملتها دي وهرب وقرر ينتحر بس مش بيجيب سيره خيانتها لجوزها خالص
ایمن: یااه معقول في ناس قلوبهم حجر للدرجادي!!
رعد: انا عرفتك اللي عايز تعرفه ممكن بقي انت تقولي بتعمل معايا كدا ليه؟!
ایمن: بص يا رعد اولا انا اسمي ايمن عشان انت لسه متعرفش اسمي وعندي 55 سنه زي ما قولتلك انا غني اوي
ومعايا فلوس مهما اصرف فيهم مش هيخلصوا ومليش لا اولاد ولا وريث ولا ليا حد يبقي جمبي اما اكبر وانت
صعبت عليا اما شوفتك وحبيت اساعدك بس بعد معرفت حكايتك انا مش هسيبك لان انت محتجلي وانا محتجلك انت هتبقي ابني اللي مخلفتوش وهطلعلك شهادة ميلاد جديده ب اسمي عشان تقدر تكمل دراسه وهعملك باسبور من اللحظه دي تعتبر نفسك ابني وتقولي يا بابا ماشي يارعد
رعد: ماشي
ایمن: هسيبك تنام وترتاح ولو احتجت اي حاجه انا ف الاوضه اللي جمبك تصبح على خير
رعد: وانت من اهله
ايمن: يا ايه؟
رعد بابتسامه: يا بابا
بيبوسو ايمن في دماغه ويغطيه ويطفي النور ويخرج من الاوضه
____________________________
بيعدي شهرين وايمن عمل كل الورق اللي يثبت أن رعد ابنه قانوني وبيدخلو احسن مدارس اجنبي ورعد اتعلق بي وحس أن **** عوضه بي عن أهله وحبه جدا وبقي ايمن كل حياته
بیكون أيمن في شركته اما بيرن فونه
ايمن: الوو
سیرین: ایمن لازم اشوفك ضروري
ايمن: في ايه؟!
سيرين: في موضوع مهم ومش هينفع ف الفون انا هجيلك القصر
ايمن: لا القصر لا تعاليلي ف شقه الزمالك انا هروح دلوقتي واشوفك هناك
سیرين: ماشي مسافة السكة وهكون عندك
بعد ساعه
ايمن: في ايه ياسيرين مالك؟
سیرین: انا حامل يا ایمن
بيفضل ايمن ساكت شويه ويرد ببرود
ایمن: تمام مبروك عليكي
سيرين باستغراب : هو ايه اللي مبروك عليا هو انا بقولك جبت فستان جديد انا بقولك اني حامل انا حامل منك يا ايمن
بیمسکها ایمن جامد من شعرها
سیرین:اااه ايمن شعري
ایمن: كلمه حامل منك لو سمعتها تاني هقتلك الطفل دا تتصرفي فيه انا مليش علاقه بي ولا يلزمني ف حاجه فاهمه وبيسيب شعرها ويزقها بس بتمسك ف الكرسي مش بتقع وبتلف وتبصله بصدمه
سیرين: اتصرف فيه يعني ايه عارف انا بحلم بالطفل دا من امتي ويوم ما حلمي يتحقق بسهوله كدا اتصرف فيه انا مستحيل اعمل كدا
ايمن: تمام انتي حره دي حاجه متخصنيش ومن اللحظه دي اللي بيني وبينك خلص انا مش عايز اشوف وشك دا تاني ولو بس اسمي جه بالصدفه علي لسانك هدفعك التمن غالي اوي يا وبيكمل بضحك يا اخت ساره وبيمشي من البيت ويسبها
بتقعد سيرين علي الكرسي وهي مصدومه وتعيط
سیرین: معقول ايمن اتخلي عني بعد كل اللي عملته عشانه معقول نهي اللي بنا بسهوله كدا انا مش قادره اصدق هو اكيد بس مضايق من حاجه فعمل كدا لكن هيرجعلي اكيد مش هيسبني وبتعيط بحرقه
__________________________
بيروح ايمن القصر ويطلع اوضه رعد
ایمن: حبيب بابا بيعمل ايه؟
رعد: مش بعمل بلعب ع الفون
ايمن: بتلعب ايه؟
رعد: ضرب نار
ايمن: طب ايه رايك بدل متلعب ع الفون اخليك تتعلم ضرب النار
رعد: دا بجد؟!
ایمن: ایوه بجد ف كل اجازه ليك من المدرسه هعلمك حاجه مره ضرب النار والرمايه ومره الخيل ومره كراتيه وتايكوندو
رعد: وعايز اشیل حدید کمان
ايمن: وتشيل حديد كمان عشان تبقي بطل قوي والناس كلها تعملك الف حساب انت بس اي حاجه نفسك فيها قولي عليها وانا هنفذهالك علي طول
رعد: اقولك حاجه
ایمن: قول اللي انت عاوزه
رعد: انا حقيقي **** بيحبني عشان عوضني بيك عن اهلي اللي راحو انا بحبك اوي يابابا وبيحضنو وتنزل دموعه
ایمن: وانا كمان بحبك اوي وبيمسح دموعو بص يارعد انا مش عايزك تعيط تاني الدموع دي للناس الضعيفه وانت مش ضعیف انت ابني القوي اللي مفيش حاجه تقدر عليه اوعي اشوف الدموع في عينيك تاني
رعد: حاضر اوعدك اني عمري ما هعيط بعد كدا
ايمن: ماشي يا حبيبي يلا اغسل وشك وتعالي ننزل نتعشي
رعد: حاضر يا بابا اسبقني وهاجي وراك علي طول
ايمن: ماشي يا حبيبي
بينزل ايمن تحت وبيقوم رعد يغسل وشه ويبص لنفسه فالمرايا
رعد: بابا عنده حق انا مش هعيط تاني مش هبقي ضعيف هحول حزني لغضب وهقتل قلبي مش هحس بأي مشاعر الا الغضب وبس الغضب اللي في يوم من الايام هيحرق اللي دمروا حياتي
وبيبص لنفسه بثقه وينزل يتعشي مع ايمن
_________________________
بيفضل كمال رايح جاي ف الصاله قلقان علي سيرين وبيحاول يكلمها فونها مقفول بيقف اما بيلاقي باب الشقه
بيتفتح
کمال: كنتي فين ياسيرين وفونك مقفول ليه؟
سیرین: معلش فصل شحن
كمال: كنتي فين كل دا انا بقالي اكثر من ساعتين مستنيكي
سیرین: كنت عند الدكتور
كمال: ليه خير يا حبيبتي مالك انتي كويسه؟
سيرين: بقالي فتره بتعب ف رحت كشفت والدكتور قالي اني
كمال: انك ايه؟!!
سیرین: اني حامل انا حامل یا کمال
بيتصدم كمال وبيفضل باصصلها اوي ومش بيكلم وكلامها بيتردد في ودانه
كمال: حامل ازاي؟
سيرين باستغراب: يعني ايه ازاي؟! هو انا مش متجوزه وطبيعي يحصل حمل
کمال بغضب: ابن مین دا ياهانم؟!
سیرین بدهشه: کمال انت بتقول ايه ابن مين يعني ايه؟!!
بيمسكها كمال من شعرها
کمال: اه ياخاينه يابنت الكلب يعني رعد كان عنده حق اما قال انك بتخونيني ودلوقتي حامل من عشقيك وعيزه
تلبسيهاني انا مبخلفش یا هانم مبخلفش
سیرین بصدمه: انت بتقول ايه؟!! مستحيل
بيضربها كمال بالاقلام وهي بتصرخ وتعيط ومش قادره تبعده عنها لحد ما بتقع علي الكنبه منهكه من كتر الضرب بينزل كمال علي ركبه ويمسك ايديها ويحط راسه ف حجرها ويعيط
كمال: ليه ياسيرين ليه حرام عليكي دانا محبتش حد قدك دانا اتحديت اهلي عشان اتجوزك كان بيطلع عيني ف الشغل عشان البيلك طلباتك ومحرمكيش من حاجه ليه عملتي فيا كدا ليه؟!!!
بيعيط كمال بحرقه وبيحس بنغز جامد في قلبه ومش بيتحمل الالم وبيقع علي الارض ويغمي عليه
سيرين بخضه: كمال.... کمال فوق يا كمال..... كمال قوم عشان خاطري انا اسفه والنبي قوم بتحس سيرين ان كمال مش بيتنفس بتقوم تجري تخبط علي استاذ خالد جارهم خالد ( عنده 37 سنه شغال محاسب ف شركه عايش لوحده اهله متوفين اعذب)
بتخبط سيرين جامد علي الباب وعلي وشها ملامح الخوف والقلق
سیرین: استاذ خالد ارجوك افتح
بيفتح خالد الباب ويتخض من منظرها
خالد: خیر یا مدام سيرين مالك؟
سیرین: کمال جوزي اغمي عليه مش راضي يفوق **** يخليك ساعدني
بیدخل خالد معاها الشقه ويبص علي كمال
خالد: تنفسه ضعيف اوي لازم نطلب الاسعاف بسرعه
بيقوم خالد يكلم الاسعاف ف خلال نص ساعه بيكونوا ف المستشفى والدكاتره بتجري عليهم وبيدخلوا كمال العناية المركزة والدكتاره بيعملوا لقلبه صدمات كهربه وبعد شويه بيخرج الدكتور وعلي وشه علامات الاسف
سيرين بقلق: طمني يا دكتور جوزي كويس صح
الدكتور: المريض اتعرض لصدمه شديده سببتله ازمه قلبیه حاده احنا حاولنا ننقذه بس
سیرین بخوف: بس ايه؟!
الدكتور: البقاء لله يا مدام
سيرين: لامستحيل انت اكيد كداب مستحيل 😭
خالد: اهدي يا مدام سيرين الاعمار بيد **** ارجوكي اهدي
سيرين: مات وسابني لوحدي انا مليش حد غيره هعيش ازاي في الدنيا دي 😭😭
خالد: **** موجود مش هينساكي وبعدين انتي مش لوحدك تقدري تعتبريني اخوكي الكبير ولو احتجتي اي حاجه انا مش هتاخر عنك
بيخلص خالد الاوراق وبتبلغ سيرين اخوات كمال بخبر موته وهي منهاره وبيحضروا كلهم وبيتم الدفن والعزا
منار (اخت كمال الكبيره): يا حبيبي ياخويا اكيد مات بسببك ياعقربه انتي عملتي ايه فاخويا **** ينتقم منك
منهالاخت الاصغر): ملوش لزوم الكلام دا يا منار **** يسهلها بس احنا مش هنعرفها تاني اللي كان رابطنا بيها خلاص راح 😢
بتفضل سيرين ساكته طول الوقت واكنها فقدت الاحساس بلي حواليها وبعد العزا بتفضل لوحدها
________________________________
بعد 3 شهور من موت كمال
في شقه سيرين
بيخبط الباب وبتقوم تفتح
سيرين: اهلا يا خالد اتفضل
بيدخل خالد وبيقعد علي الكنبه
خالد: عامله ايه ياسيرين؟
سيرين: الحمد لله ياخالد انت عامل ايه؟
خالد: تمام الحمد لله سيرين بصراحه انا في موضوع كنت عايز اكلم معاكي في ممكن؟
سيرين: طبعا اتفضل
خالد: بصي انا عارف ان دا يمكن مش وقت مناسب لان المرحوم معداش كتير علي وفاته بس زي ما بيقولوا الحي ابقي من الميت
سیرین: انا مش فاهمه خالد انت عايز تقول ايه؟
خالد: بصراحه ياسيرين انا عايز اتجوزك
بتتفاجأ سيرين بكلامه وتبصله
سیرین: بس یا خالد
بيقطع خالد كلامها
خالد: انا عارف انك حامل وان بعد المرحومه ساره والمرحوم كمال مبقاش ليكي حد وانا كمان وحداني ومليش حد ادينا نبقي مع بعض علي الاقل ابنك او بنتك يجو الدنيا يلاقو اب يحميهم ويخلي باله منهم
سیرین: انت فاجئتني انا بجد مش عارفه اقولك ايه
خالد: بصي انا هتنقل ل فرع الشركه ف اسكندريه النقل هيتم بعد اسبوعين انا هسيبك 10 ايام تفكري لو وافقتي نكتب الكتاب ونسافر موفقتيش خلاص يبقي مفيش نصيب وانا بتمنالك كل الخير والسعاده وربنا يقدم اللي في الخير سيرين: بس انا حتي لو وافقت انا مينفعش اتجوزك الا بعد ما اولد
خالد: هو انتي ف الشهر الكام
سيرين: الرابع
خالد: احنا ممكن نكتب الكتاب ونسافر وانتي مش باين لسه عليكي الحمل وانا اوعدك مش هلمسك لحد ما تولدي بس ف الحقيقه انا ليا طلب
سيرين: ايه هو؟
خالد: ابنك او بنتك هيتنسب ليا
سیرین: طب ليه ميتنسبش ل باباه؟!
خالد: لان هكون انا باباه بدل ما يطلع يلاقي نفسه يتيم هيبقي عنده اسره من اب وام
سيرين: انا مش عارفه اقولك ايه بص انا هفكر وف خلال العشر ايام هرد عليك
خالد: تمام يا سيرين وانا مستني قرارك تصبحي على خير
سيرين: وانت بخير
بتفضل سيرين تفكر ف كلام خالد وبتحس ان دي فرصه بالنسبالها بعد ما اتخلي عنها ايمن وبعد 10 ايام بتكلم خالد وبتبلغه موافقتها وبيكتبه الكتاب ويسافروا اسكندريه
بتلاقي سيرين من خالد الحب والحنان والاهتمام اللي طول عمرها بتتمناه ومقدرتش تلقيه ولا ف كمال ولا ف ايمن ومت الوقت بتحبه من قلبها وبتنسي كل اللي فات وتقرر تبدأ معاه بدايه جديده عنوانها حبه
" بس ياتري اللي فات وارواح الناس المتعلقه في رقبتها هينسوها؟!! "
بيوفي خالد بوعده ليها ومش بيلمسها طول فتره الحمل وف يوم بيصحي علي صريخها ويجري بيها علي المستشفى وبتدخل اوضه العمليات بيفضل خالد قلقان عليها لحد ما بيسمع صوت عياط البيبي وشويه بتخرج الممرضه وهي شايلاها
الممرضه: الف مبروك المدام جابت بنت زي القمر
بیشیل خالد منها البنت ويبصلها بحب ويبوس دماغها
خالد: **** يبارك فيكي طمنيني علي سيرين صحتها عامله ايه؟
الممرضه: زي الفل الحمد لله وحالا هنطلعها اوضه استئذنك بس الطفله عشان دكتور ******* يشوفها وانا
هطلعهلكو فوق في الاوضه
خالد: تمام
وبيديها الطفله
بتطلع سيرين اوضه والممرضه بتديها الطفله بعد ما الدكتور كشف عليها ولقي صحتها كويسه وبيدخل خالد يقعد
جمب سيرين وهي شايله البيبي ويحضنها ويبوس دماغها خالد: حمد **** على السلامة يا حبيبتي
سیرین: **** يسلمك يا حبيبي شايف طالعه زي القمر ازاي
خالد: طالعه نسخه منك
سیرین: هنسميها ايه؟
خالد: ايه رايك نسميها ليان
سیرين: جميل الاسم ده
وبتبص للطفله علي ايديها وتبوسها
سيرين: ليان
خالد: ليان خالد العوضي
____________________________
في قصر ايمن
بيخبط شادي علي باب المكتب ويدخل
شادی: ایمن باشا حضرتك طلبتني
ايمن: ايوه يا شادي انا عيزك تعلم رعد السلاح
شادي: بس ياباشا دا صغير اوي انه يمسك سلاح
بيتعصب رعد من كلامه ويبصله بغضب
رعد: مين دا اللي صغير انا عندي 14 سنه يعني مبقتش صغير وبعدين انت بتناقش ليه انت تنفذ الاوامر وبس
بيبص شادي ل رعد بغيظ ويبص ل ايمن
ايمن: بتبص ليه هو عنده حق واللي رعد يقول عليه الكل ينفذه مفهوم
شادي: امرك يا باشا تحب تبدا امتي؟
رعد: من دلوقتي
شادي: تمام يلا بينا
بياخد شادي رعد علي مخزن موجود ف الجنينه وبيعلمه في تفاصيل السلاح متكون من ايه وازاي يمسكه وازاي يامن نفسه وينشن
شادي: فهمت كدا؟
رعد: اه فهمت
شادي: تمام وريني هترفع السلاح ازاي
بيرفع رعد السلاح قدامه وبيطبق كل كلامه
شادي: تمام كدا صح دلوقتي نشن واضرب علي الازازه دي
بینشن رعد بالمسدس بس الرصاصه مش بتيجي علي الازازه وبيضايق رعد انه معرفش يصيب الهدف
شادي: ولا يهمك حاول تاني اتخيل ان قدامك شخص بتكرهه اوي وعايز تموته ونشن بيغمض رعد عينه شويه ويفتحهم بغضب ويضرب نار وهو بيصرخ وبيصيب الهدف
شادي باستغراب : انت كويس؟!
رعد بغضب: ايوه
شادي : ايه كل الغضب دا انت اتخيلت مین؟
رعد: اللي قتل اهلي
شادي: انت تعرفه؟!
رعد: للاسف لا بس يوم ما هعرفه مش هرحمه ومش هرحم أي حد يجي عليا بعد كدا انا كنت غبي اما حاولت انتحر بس بدام اتكتبلي اعيش يبقي هعيش وانا جاحد وهاخد حقي من اللي اذوني ودموروا حياتي
شادي: كفايا تدريب كدا النهارده بكره نكمل
رعد: لا خلينا شويه كمان
شادي: لا بكره انا تعبت
بيرفع رعد المسدس ف وش شادي ويرفعه للسقف ويضرب طلقه
رعد: لو منفذتش كلامي الطلقه الجايه هتبقي ف دماغك مفهوم
بيتصدم شادي من اللي عمله رعد ويبصله بزهول و..........
يٺبـ؏
