موضوعى بعيد شوية عن الجنس بس محتاج اسمع رأيكم بصراحة انا عندى 29 سنة ولسه عازب واللى مخلينى مش عارف اخطب لحد دلوقتى انى خجول جدا ومش بعرف اتكلم مع بنات ومشكلتى الاكبر انى مش اجتماعى انا شغلى فى المحل بتاعى فمش بخرج ولا ليا اصدقاء واكتر حاجة بتحطمنى نفسيا دلوقتى هى كلام اهلى ليا لما بيقولولى انت كده كبرت ومش هتلاقى واحدة تتجوزك ولا ترضى بيك انت داخل على سن التلاتين وكل الكلام اللى يحطم النفسية ده هما طبعا عندهم حق اكيد عايزين يفرحوا بيا خصوصا انى ابنهم الوحيد على 3 بنات ومش عايز اشكر فى نفسى بس بشهادة كل اللى حواليا ان انا وسيم جدا بس مش عارف اعمل ايه خجلى ده مضيعنى انا يمكن اكتر حاجة شاغلة تفكيرى دلوقتى هى الحكاية دى والمشكلة مفيش بنات حواليا مناسبين وانا مؤهلى متوسط خايف اتقدم لأى بنت ترفضنى عشان مؤهلى برده لان كل البنات دلوقتى بتكمل تعليمها فمش عارف اعمل ايه انا حاسس انى بفقد ثقتى فى نفسى شوية بشوية 😟😟😟