كرهت نفسى ومبقتش عارف اثق فى حد

[gladiator93]

صباح الخير أو مساء الخير حسب الوقت اللى بتقرأ فيه كلامى مبدايا كده انا قديم اوى على الموقع هنا بس كان اكونت تانى ومش عارف يوم وليله الموقع قفل ولا حصل ايه والاكونت بعد كده مبقاش يفتح بغض النظر وبدون تطويل فى الكلام ....... دلوقتى انا كنت اعرف واحده من سنيييييييين وكنت بحبها ومحافظ عليها اوى لحد ماكان **** يصلحلى الحال واقدر اتقدملها حتى مسكه الايد مكنتش يمسكها العلاقه كانت فى إطار الصحاب وبخاف عليها اوى ودايما جنبها انا كان فيا عيب أو ميزه مش عارف انا دائما الحب بالنسبالى شايفه أفعال مش اقوال يعنى من الاخر مبحبش أكل عقل البنت زى ما كتير بيعمله يمكن مكنتش بقولها بحبك كتير أو تقريبا مبقولهاش بس بعمل مليون فعل يأكدلها انى بموت فيها وكنت مبقولهاش كده عشان مبحبش اعشم بنات الناس بحاجه مش فى مقدرتى ساعتها وانا ساعتها ظروفى مكنتش قد كده كان دراسه وشغل ولسه مش مستقر واعترفتلها فى مره بالكلام ده المهم عشان الموضوع كبير وطويل وانا هحاول اختصر عشان محدش يمل فى مره كنت فى الشغل الصبح بعتلها واتس وحشانى عامله ايه اخبارك والكلام ده قالتلى فى خبر وحش وابتدا تدخل فى سكه دراما بقولها خير بتقولى فى عريس متقدملى قولتلها طب وانا قعدت تقولى تبع بابا وأنها مضغوط عليها والكلام ده قولتلها ازاى يعنى هو فى حد النهارده بيتجوز غصب عنه قولتلها طب لو انا جيت دلوقتى وهو متقدملك هتختارى مين وهنا كانت الصدمه بالنسبالى كان ردها متصعبهاش عليا 😮 قولتلها اصعبها عليكى تمام بس انا لو مكانك فى نفس الموقف اكيد هختار اللى بحبه وأعرفه من سنين مش حد جديد معرفوش مهم اختصارا تانى للوقت معلش تعدى الايام الاقى ستورى واتس من سكرين لصحابها هنولعها هنخربها بعدها ستورى ليها بترقص وخطوبه وقاعه وصور تكتب عليها اللى بيهم كلهم دلوقتى بقا اللى بيهم كلهم ده اللى متعرفوش ده المغصوبه عليه المهم انا حرفيا عشت اسوء فتره فى حياتى قصرت عليا نفسيا وفى شغلى ومبقتش عارف اعمل ايه لدرجه و**** مبقتش مصدق وانا فى المواصلات وعمال افتكر كل حاجه يلاقى نفسى بدمع اللى هو انا قصرت معاكى فى ايه المهم تمر الايام والاقيها ظهرت تانى فى حياتى عامل ايه وانت تعز عليا والكلام ده ومش عايزاك تزعل ونبقا صحاب قولتلها مش هينفع احتراما للى انتى معاه وحاولت ابعد بس مع زنها ضعفت وشوفتها مره وهى مروحه فى المترو مبقتش عارف اعمل ايه ولا اقولها ايه ابتدت تتكلم معايا واتس ومعرفش ليه كنت ببقا فرحان اوى لما تيجى تقولى فى مشكله مع خطيبها وأنها مش هتكمل والكلام ده وكنت دائما بدعى فى صلاتى ترجع ليا ودخلت قرأت فى مره أن لا يرد القدر الا الدعاء فبقيت بدعى تكون من نصيبى المهم تمر الايام اختفت تانى وكانت عامله بلوك ورجعت كلمتنى وأنها عملت حادثه وبعدها فركشت ودخلت بطقم حنيه وبتكلمنى لقتنى قولت اشوف اخرتها ايه معاها بعد مادمرتنى حرفيا وبقيت بجاريها تقولى لسه بتحبنى اقولها اه تقولى هنتجوز اقولها ده انتى حلم حياتى هتيجى امتى لبابا اقولها كمان شهرين بس عشان مستنى فلوس وكده وكل ده اللى هو صباح الخير فى يوم وليله عادى بكل سهوله كده نرجع كنتى امبارح مخطوبه تانى يوم راجعه المهم بقت تكلمنى واتس وكنت ساعات اروح اروحها من الشغل وعادى مع الوقت لقيت الكلام رايح فى سكه تانيه انا متعودتش منها عليها قبل كده طول السنين دى وحشتك اقولها اه يعنى هتدينى حضن النهارده لما تشوفنى وانا اقولها اه بجاريها مش اكتر تقولى انت بوق انت خواف والكلام العبيط ده اقولها انتى عبيطه حضن ايه وفى الشارع عايزه تفضحينا وواخد الكلام كله على أنه هزار تقابلها تقولى ها فين بقا اقولها أهدى يا بابا واضحك معاها يا بابا **** يهديكى تروح نتكلم واتس تفتح نفس الكلام اللي نفس الكلام مش هينفع وانت بتتكسف وانت مش عارف ايه كلامها كل استفزاز لرجولتى وانا اقولها ابعدى عنى يابنتى انا تعبان خلقه وبينى وبين نفسى متشوهيش صورتك اللى جوايا اكتر من كده فضلت تزن على ودانى وانا اقول مش هينفع والناس اتصدمت تقولى ندخل اى عماره قولتلها نعم انتى مجنونه فى ايه ولما حد يشوفنا قالتلى متخافش عايز اقولكم اقسم ب**** اعرفها يمكن اكتر من 10 سنين ماكان يبان عليها الكلام ده ولا عمرنا اتكلمنا فى حاجه من دى حسيت انها لما اتخطبت دماغها اتفرمتت حد عملها غسيل مخ مش عارف تدور الايام زن. زن زن مع استفزاز ليا لقيتنى بقولها خلاص تعالى عندى ولقيتها فى الاول مانعت لا طبعا ايه الكلام ده وانت شايفنى ايه بعدين وافقت وانا اول مره فى حياتى اعمل كده واحنا بيت عيله كمان اصلا وبقيت ماشى متخدر حرفيا انا لحد دلوقتى معرفش حصل ازاى واحنا اصلا شقتنا مبتفضاش تحس ان الشيطان ساعتها هيأ كل الظروف اخواتى وأمى لاول مره من سنين راحة عند قرايبنا وهيباتو جت البيت طلعنا وعدت على خير واكلنا وانا مبقتش مترجم ايه اللى بيحصل ولا اللى هيحصل طب يلا عشان متاخرش قومت اخدتها حضن لقيت الموضوع بيتطور واحده واحده دخلنا ع السرير نامت وانا كان راكبنى مليون شيطان مش واحد وقلعتها وحصل اللى حصل قومنا قعدنا شويه وكملنا أكل لقيتها زعلت وطبعا مش هتكلم بابا دلوقتى وابتدت تحسسنى بالذنب وانا اتخنقت وكرهت نفسى اوى ساعتها قولتلها لا طبعا وازاى تقولى كده هو انا كنت اعرفك طول السنين دى عشان كده وهديتها وتعدى الايام انا مبقتش عارف عملت كده أزاى وبقيت كاره نفسى وحياتى وبقيت ادخل أقرا عن جزاء كده واصلى وادعى **** يسامحني وانا عندى اخوات وبعد تفكير كتير روحت كلمت باباها وقابلته وقعدت معاه وحوار ابوها ده حوار بس مش موضوعنا المهم قاعدين فى مره فى كافيه انا عايزه حضن ورجعنا لنفس الكلام قولتلها مافيش الكلام ده تانى انسى عايزين **** يكرمنا اخر مره وتتحايل وتقولى تعال اى عماره هنا حضن بس برضه نفس الكلام مع الوقت نظرتى ليها اتغيرت مليون درجه مش 360 بس اللى هو ايه ده انتى ازاى بقيت كده كل ده من فتره خطوبه بقيتى حد غير اللى اعرفه مع الوقت لقيت نفسى مش هقدر اكمل فى كده عشان العواقب هتبقا اصعب بعد كده ومقدرتش اكمل بعتلها انا عندى مشاكل فى الشغل ومش هقدر اكمل ....... المشكله الأكبر أن طلعت من الحوار ده أنها عمرها ما كانت بالسنين وانى مبقتش تقريبا بآمن لحد وخسرت نفسى

اضغط لقراءة المزيد...