ياريت إللي يقدر يساعدني

[sekoseko87]

علي حسب الكليه إللي إنت أخدتها قبل الكليه العسكريه بس عامتا مش بتقل عن سنه ولو حابب تفهم آكتر كلمني

الضباط المتخصصين فى الشرطة 6 شهور
و الحربية من 7 الى 8 شهور
مفيش سنتين دى خالص

 

[sekoseko87]

حبيب قلبي الغالي هوا دا إللي أنا قولته وكمان للمقارنه هنا مقارنة ظروف آكتر منها أشخاص بمعني البنت الصغيره لو سبتها هيحصل مشاكل بين بابا و صحبه والتانيه لو سبتها هجرحها

وانت فين من دى او دى
يعنى ممكن تعيش مع واحدة من الاتنين تأدية واجب
تعيش مع الصغيرة عشان ابوك مايزعلش من صاحبه
او تعيش مع الدكتورة عشان مانجرحهاش؟؟
انت مش مقنع خالص على فكرة

 

[طيار١٤]

باختصار شديد أنا في كلية عسكريه بس داخل بعد الكليه فباخد سنتين بس فاضل كام شهر و أتخرج كنت متفق مع بابا إني لو دخلت الكليه دي اخطب وحصل و اتقبلت و اتقدمت لوحده كويسه جدا تبقا بنت صاحب بابا بس عشان البنت صغير و ف ٣ ثانوي باباها كان بيقول لا دلوقتي مينفعش لو حابب ممكن تتقدم بعدما تخلص ثانوي عام فأنا فضلت وراه وأقوله إنت لو رافضني قولي بصرآحه حلف إنه لا مش رافضني قولتله تمام أنا أصلا اجازاتي مش كبيره كمان لما أتخرج هتكون هيه خلصت قالي لا صعب مش عاوز اشغلها قولتله ع الاقل قراية فاتحه المهم وافق وقرينا فاتحه بس اتفاجئت إنه لا عاوزني ازورهم ولا عاوزني اكلمها وأنا فعلا محتاج حد جمبي افضفض معاهم و يهتم بيا فاجازتي يعني إللي فكليه عسكريه هيفهمني و**** دخل جيش هيفهم شويه الضغط إللي بنكون فيه المهم حصلتلي أصابه بسببها بقيت بأخد جلسات علاج طبيعي إللي كانت ماسكه حالتي دكتوره من سني اتكلمت معاها واخدنا أرقام بعض عشان تتابع حالتي لأن إجازتي الكبيره مش كتير فمش هقدر أروح المركز كل أجازه كلامنا اتطور بقينا صحاب وهي بدءت تحبني فطريقتها بدءت تتغير معايا دا كله و هي متعرفش إني قاري فاتحه لقيت منها إللي أنا عاوزه اهتمام وحب وكل حاجه فصارحتها إني قاري فاتحه واتفقنا اننا منتكلمش تآني وبصراحه كانت قمت الاحترام رغم إني عارف ومتأكد إنها بتحبي فعلا بس بصرآحه أنا مقدرتش أبعد ورجعت لأني لقيت إللي أنا عاوزه معاها كل حاجه حرفيا كل حاجه وبتحاول ترضيني كانت شايفاني محتار بينها ما بين خطيبتي قالتلي إنت اختار قولتها الاختيار مش بأيدي لأني لو حبيت انهي الموضوع بابا هيخسر صحبه بسببي و هيحصل مشاكل للمره التانيه كانت في قمة الاحترام وقالتلي وأنا مرضاش إنك تظلهم وأنا مش عاوزه غير إني أشوفك مبسوط وأنا محتار بين آلأتنين آلأتنين احسن من بعض يمكن خطيبتي أحسن في حاجات بس التانيه كويسه برضه و كويسه جدا كمان انهي مع الأول بالطريقه وممكن أندم عليها بس في نفسها الوقت مش هلاقي معاها إللي بحس مع التانيه ولا فعلا انهي مع التانيه لأن صعب انهي مع الأول وكمان عشان ميحصلش مشاكل بسببي ياريت حد يقدر يساعدني أنا خلاص راجع الكليه قريب جدا لما انزل أجازه سوء قريب أو بعيد هشوف كلامكم واسف إني طولت

الدكتورة طبعا

 

[Mustafa7798]

الضباط المتخصصين فى الشرطة 6 شهور
و الحربية من 7 الى 8 شهور
مفيش سنتين دى خالص

مفيش الكلام دا خالص أنا أهو في كليه عسكريه يعني كلامي اصدق منك

 

[Mustafa7798]

وانت فين من دى او دى
يعنى ممكن تعيش مع واحدة من الاتنين تأدية واجب
تعيش مع الصغيرة عشان ابوك مايزعلش من صاحبه
او تعيش مع الدكتورة عشان مانجرحهاش؟؟
انت مش مقنع خالص على فكرة

مش شرط عندي تقتنع عشان إنت مش مكاني دا رقم واحد رقم آتنين كلامك آه صح بس قبل ما أتصرف أي تصرف اعتقد لازم احسبله

 

[Mustafa7798]

الضباط المتخصصين فى الشرطة 6 شهور
و الحربية من 7 الى 8 شهور
مفيش سنتين دى خالص

لو حابب تعرف آكتر كلمني

 

[Life selector]

كلامك صح بس لو سبت آلأتنين هبقا بحرجهم فا أنا عاوز طريقه اسيبها دي أو دي زائد إن إللي قاري فاتحتها لو سبتها غير إني هجرحها هتسيب في مشاكل بين بابا و صاحبه

صدقني اول ما النسب بيخش بين الصحاب كده كده بيخسرو بعد سواء كملت او لاء
لاكن انك تسيبها و هي بنت احسن ما تعيشو حياة مشوهه
خد من واحد اكبر منك انت اول ما بوصلة قلبك تغير اتجاها غير اتجاهك معاها متعاندش

 

[Dr.Stranger]

طيب انت علاقتك مع الدكتوره اعجاب ولا حب
طيب اتناقشت معاه نقاش عقلاني فيما يخص الحياه الاسريه واساسيتها وعرفت دماغها وهل هيا تصلح او لا ان كان كل ده اه
يبقا خد اللي تحبها وتكون مرتاح ليها
مسألة بابا وصاحبه وبابا وعمه ملوش اي علاقه باللي انت بتحكي فيه ده
ده نسب و نصيب وانت بتخطب علشان تشوف الاصلح مش علشان تمضي ع نفسك عقد موثق بالاكمال لو مكنتش مرتاح بحجة هظلم او مظلمش الخطبه شرعت ل ده اصلا
لكن الكلام يختلف لو كنت متزوج

خلاصة القول **** لما شرع الخطبه شرعها كوعد بالزواج اذا تحققت شروطها ووجدت ف المخطوبه ما ترتضيه نفسك وروحك من اساسيات الدين والجمال والطباع والنسب كل واحد حسب اولويتك فيها وكذلك نفس الشيء بالنسبة للبنات
لكن شيء لا ترتضيه نفسك او روحك ومش قادر توفره يبقا اللي بتعمله انك بدل م تسعى لانشاء بيت مستقر مبني ع الود والرحمه اولا ثم الرغبه ثانيا هتبني بيت مسخ زي معظم البيوت دلوقتي

صلي استخاره وحط اوراقك قدامك واحسبها عقليا اولا ثم براحتك ثانيا واتوكل ع المناسب ليك
وعلشان اساعدك كان فيه مقياس عامله استاذ طب نفسي للمخطوبين اسمه "مقياس الحب للمخطوبين" اكتبه بالاسم ده ع الفيس هتلاقيه وحط الاتنين عليه وشوف ميلك لمين

وابقا بشرنا بقرارك وان شاء **** تختار الاصلح ليك

 

[sekoseko87]

مفيش الكلام دا خالص أنا أهو في كليه عسكريه يعني كلامي اصدق منك

وانا ابن اخويا خريج كلية ضباط متخصصين حربية السنة اللى فاتت و قعد من شهر 11 اتخرج شهر 7
و صاحبه كلية ضباط متخصصين شرطة دخل شهر 1 و اتخرج شهر 7
و دول اتخرجو فعلا فى 2022 يعنى مش من زمان
يبقى مين الاصدق؟؟

و الغريب فى الموضوع ان جملة انت قلتها انك فى كلية عسكرية كانت ممكن ماتتقالش لانها مش ضرورية و خلت الكلام و التعليق يخرج خارج الاطار الاصلى للمشكلة

لكن بالنسبالى بيعطى عدم مصداقية فى المشكلة كلها من الاساس
و انا اسف جدا
لتانى مرة بقولك كلامك مش منطقى و فيه حاجة مش مظبوطة

 

[Diego]

تقدر

آه إنت غلطت عشان سمحت للدكتوره إنها تقرب بزايده بس كدا مش عدم نضج آكتر منه احتياج بسبب الكبت إللي بكون فيه

لو مقدرتش تتحكم في شهواتك واحتياجاتك في لامؤخذه يا صديقي انت كده حيوان مش بني آدم

 

[MohamedTito91]

أكيد محدش فيهم هيرضي بدا

خالص خليك مع خطيبتك و سيبك من الدكتورة دى خالص

 

[fucker one]

أنتا أصلا أخترت بنت صاحب باباك على أساس أيه ؟ هل عن حب و لا متربيين مع بعض ؟ أصل أحساسك تجاه الدكتورة خد بالك كمان ممكن يكون صج و ممكن لأ , أنتا قولتها بنفسك أنك لقيت مع الدكتورة اللى أنتا بتدور عليه من الاهتمام و الفضفضة بس ده مش كفاية لأن النقطة دى مينفعش تبنى عليها حياة أبدأ اللى حصل ده عامل زى أنك تبقا جعان و محل لقيته قدامك فيه أكل فدخلت أكلت و حسيت أن دى الجنة لكنها مش كده , مهم تفهم حقيقة أحساسك تجاه خطيبتك و أحساسك تجاه الدكتورة , أستغل فترة وجودك بعيد عنهم فى التفكير علشان متظلمش حد فيكم أنتوا التلاتة , صاحب بباباك عنده حق يقفل على بنته لأنها ثانوية و مش هزار و ممكن تستغل الفترة دى برضه أنك تفكر فى حقيقة مشاعرك تجاه خطيبتك علشان متبقاش دماغكم مختلفة بشكل يعمل مشاكل بينكم و أنتوا مش شايفين ده علشان متعودين على بعض و خد بالك أنك توقف الموضوع دلوقتى أحسن مليون مرة للكل بما فيها أبوها من أنكم تكملوا و تتضايقوا من بعض و تبقا المشاكل هى الاساس بينكم و الخطوبة تتفشكل برضه أو اسوا أنكم تتجوزوا و تتطلقوا من أول سنة , أكيد ما بين كل السيناريوهات دى الانفصال بدرى و قبل خطوبة فعلية هو أفضل قرار لكن لو أخدت قرار زى ده حاول تأجله لبعد أمتحاناتها علشان لو هتتأثر ده ميأثرش على مذاكرتها و وقتها أكيد أبوها هيكرهك وش​

 

[Mustafa7798]

وانا ابن اخويا خريج كلية ضباط متخصصين حربية السنة اللى فاتت و قعد من شهر 11 اتخرج شهر 7
و صاحبه كلية ضباط متخصصين شرطة دخل شهر 1 و اتخرج شهر 7
و دول اتخرجو فعلا فى 2022 يعنى مش من زمان
يبقى مين الاصدق؟؟

و الغريب فى الموضوع ان جملة انت قلتها انك فى كلية عسكرية كانت ممكن ماتتقالش لانها مش ضرورية و خلت الكلام و التعليق يخرج خارج الاطار الاصلى للمشكلة

لكن بالنسبالى بيعطى عدم مصداقية فى المشكلة كلها من الاساس
و انا اسف جدا
لتانى مرة بقولك كلامك مش منطقى و فيه حاجة مش مظبوطة

أولا حفلة حربيه السنه إللي فاتت كانت ١٠/١٥ تقريبا و شرطه ١٠/١٠ بطل إن حفلة التخرج تبقا في ٧ دا أولا
ثانيا موضوع كليه عسكريه دي قولتها عشان الناس تعرف إللي بمر بيه كحياه عسكريه والضغط بتاعها تمام مش تفاخر لأن دي حاجه عاديه اي حد ممكن يبقا مكاني و أكيد مش لوحدي ع الموقع إللي فكليه عسكريه أو حتي شغال في حاجه خاصه بالميري
ثالثا مش هكسب حاجه لما اخترع حوار إيه المكسب هل كدا البنات هتموت عليا أكيد لا يعني لو عاوز بنات حاوليا أكيد مش هيكون من ع النت يعني أنا في بنات كتير أصلا لكن و**** أنا إللي مش ببصلهم لأن كلهم عاوز مصالح

 

[Mustafa7798]

أنتا أصلا أخترت بنت صاحب باباك على أساس أيه ؟ هل عن حب و لا متربيين مع بعض ؟ أصل أحساسك تجاه الدكتورة خد بالك كمان ممكن يكون صج و ممكن لأ , أنتا قولتها بنفسك أنك لقيت مع الدكتورة اللى أنتا بتدور عليه من الاهتمام و الفضفضة بس ده مش كفاية لأن النقطة دى مينفعش تبنى عليها حياة أبدأ اللى حصل ده عامل زى أنك تبقا جعان و محل لقيته قدامك فيه أكل فدخلت أكلت و حسيت أن دى الجنة لكنها مش كده , مهم تفهم حقيقة أحساسك تجاه خطيبتك و أحساسك تجاه الدكتورة , أستغل فترة وجودك بعيد عنهم فى التفكير علشان متظلمش حد فيكم أنتوا التلاتة , صاحب بباباك عنده حق يقفل على بنته لأنها ثانوية و مش هزار و ممكن تستغل الفترة دى برضه أنك تفكر فى حقيقة مشاعرك تجاه خطيبتك علشان متبقاش دماغكم مختلفة بشكل يعمل مشاكل بينكم و أنتوا مش شايفين ده علشان متعودين على بعض و خد بالك أنك توقف الموضوع دلوقتى أحسن مليون مرة للكل بما فيها أبوها من أنكم تكملوا و تتضايقوا من بعض و تبقا المشاكل هى الاساس بينكم و الخطوبة تتفشكل برضه أو اسوا أنكم تتجوزوا و تتطلقوا من أول سنة , أكيد ما بين كل السيناريوهات دى الانفصال بدرى و قبل خطوبة فعلية هو أفضل قرار لكن لو أخدت قرار زى ده حاول تأجله لبعد أمتحاناتها علشان لو هتتأثر ده ميأثرش على مذاكرتها و وقتها أكيد أبوها هيكرهك وش​

كلام حضرتك صح بس أنا مش بكلم خطيبتي عشان أعرف أقيم ولما اختارتها كان عشان أنا عارفها يعني من وهي صغيره وأنا شايفها و شايف ادبها واخلاقها انما متعاملتش بشكل شخصي عشان احكم علي دماغها وهل هننفع مع بعض ولا لا و عشان كدا كنت عاوز أتكلم معاها الفتره دي خاصتا إن إجازتي مش كبيره و بتبقا كل فتره والتانيه لو حس أي طرف إن لا العقليه مش مناسبه ينهي العلاقه و هي علي البر قبل ما حد يعرف

 

[Mustafa7798]

خالص خليك مع خطيبتك و سيبك من الدكتورة دى خالص

أعمل دا إزاي من غير ما اجرحها خاصتا إن كل ما اكلمها واقولها أنا مش عاوز اظلمك تقولي لا آنت مش ظالمني أنا إللي عاوزه أفضل جمبك

 

[Mustafa7798]

تقدر

لو مقدرتش تتحكم في شهواتك واحتياجاتك في لامؤخذه يا صديقي انت كده حيوان مش بني آدم

ما هو دا مش شهوه جنسيه حضرتك عشان تقول كدا 🤔

 

[Mustafa7798]

صدقني اول ما النسب بيخش بين الصحاب كده كده بيخسرو بعد سواء كملت او لاء
لاكن انك تسيبها و هي بنت احسن ما تعيشو حياة مشوهه
خد من واحد اكبر منك انت اول ما بوصلة قلبك تغير اتجاها غير اتجاهك معاها متعاندش

يعني أعمل إيه 😔

 

[Life selector]

يعني أعمل إيه 😔

سيب الاتنين و ابتدي حياة جديدة بعد ما تخلص

 

[fucker one]

كلام حضرتك صح بس أنا مش بكلم خطيبتي عشان أعرف أقيم ولما اختارتها كان عشان أنا عارفها يعني من وهي صغيره وأنا شايفها و شايف ادبها واخلاقها انما متعاملتش بشكل شخصي عشان احكم علي دماغها وهل هننفع مع بعض ولا لا و عشان كدا كنت عاوز أتكلم معاها الفتره دي خاصتا إن إجازتي مش كبيره و بتبقا كل فتره والتانيه لو حس أي طرف إن لا العقليه مش مناسبه ينهي العلاقه و هي علي البر قبل ما حد يعرف

ماشى مهو أنتا كده لأزم تمشى على الحبل يعنى متقطعش مع الدكتورة و فى نفس الوقت متدخلش فى قصة حب معاها قولها بصراحة أنك تايه و تعامل معاها على أساس أنكم صحاب بس من غير ما تقطع خلاص فكرة الارتباط بينكم بس تانى متعشمهاش أنكم هترتبطوا علشان متكسرش قلبها , لحد ما تحدد موقفك لما تتكلم مع بنت صاحب أبوك لأن هرجع أأقولك تانى أن أبوها عنده حق تماما فى أنه مش عايز بنته تنشغل فى الفترة دى خالص لان بقية مستقبلها واقف على الكام شهر اللى فاضلين دول فزى ما قلت لك أمشى على الحبل ده حلك الوحيد لحد ما تخلص ألبنت أمتحانات و تقعدوا تتكلموا و يفضل تعمل نظام كورس مكثف كده يعنى لو قاعد أسبوع أجازة روحلها اتكلم معاها 5 ايام على الاقل فى الاسبوع و لو فيه أتصالات موبيل أعمل كده و فهم أبوها أن ده علشان تشوفوا بشكل نهائى هيبقا تمام تكملوا أو لأ و صارحه أنك طلبت الارتباط الرسمى بيها علشان أنك تعرفها من بره لكن مهم تعرفها من جوه قبل ما ترتبطوا رسميا و بدل ما تتحسب خطوبة عليكم أنتم الاتنين .​

 

[أم قويق]

تصدق ان ابوها عندو حق
و انت تقابلها ليه؟ انت رابط كلمة و خلاص
و لو انت مختارها عشان بنت ناس
فخليك انت ابن ناس
ما هو ما ينفعشي تحب يمين و شمال و تغني ظلموه
و اساسا اسال ابوك هو حيقلك الحل ايه
مانت مدخل ابوك فالعجة الي انت عملتها و عاوز تربط البنت بسرعة لا تطير و اول ما ربطها جويت تدور على عصفورة تانية!
ليه؟ عشان عاوز تعيش زي الافلام
شوف يا ظنايا يا بني نصيحتي
كلم ابوك و قلو واحد اتنين تلاتة و اسمع منو
و الست الدكتورة معاها حق، هي مش حترمي نفسها عليك و يمكن اصلا مافيش من الموضوع غير شوية اعجاب "عيالي بتاع مراهقين"