هوصيه عليكي
اسمع يا صحبي دي غاليه عندي مش اي حد
من كتر ما انا بحبها دعيت **** يرزقها بيك
اسمع يا صاحبي
متفهمنيش غلط حبي ليها حب غالي
ومن النهارده بقت بتاعتك وانا خلاص حياتي خلصت
اسمع يا صاحبي
علشان حبيتها حبيتك ما انت حبيبها
وبكلمك اوصيك عليها
اسمع يا صاحبي
متخافش مني من بكره عمرك ما هتسمع عني ولا تلاقيني
متخافش مني عمرها ما قالتلي كلمه فيها حب ولا حست معايا باي حب
اسمع يا صاحبي
حافظ عليها وخليها دايما اغلا حاجه وحطها جوه عينك
اهتم بيها دي اكتر حاجه بتحبها الاهتمام
وانا اصلي عمري ما اهتميت بيها
عيشها ملكه ومتستخصرش فيها حاجه
ما انا اصلي ياما استخصرت فيها
وفي مناسبتها دائما هات هديه
ما انا اصلي عمري ما جبتلها حاجه
اسمع كلامها وحافظ على نفسك عشانها
ما انا اصلي عمري ما كنت بسمع
غير عليها اسمع كلامي بتحب الغيره
وانا عمري ما كنت بغير عليها
امسح دموعها بتنام تعيط كل يوم
ما انا اصلي عمري ما خلتها تفرح
قربها منك خليها جنبك
ما انا كنت ياما ببعدها عني
العب معاها بتحب تلعب
ما انا اصلي عمري ما كنت بلعب
اقولك حاجه بتحب تشرب كوفي ميكس
ما انا مهتمتش اسال صراحه بتحب ايه
اكتر مكان بتحبه اوضيتها
ما انا عمري في يوم ما سالتها اكتر مكان بتحبه ايه
اكتر حاجه بتتمناها تعيش في سلام دا قبل منك
ماهو قبل منك مكنش حد تعيش عشانه
💔💔💔💔
سؤال فضفضه الجوابات الرومانسيه
