نفسى اقولك كلام كتير خبيته عنك لما كنت جوه حضنى
كنت شايفك فى حضنى بنتى مش حبيبتى
كنت بفرح وانتى جايه جرى ليا
واشيلك فى حضنى والف بيكى الدنيا دى
كنتى فرحة عمرى اللى غايبه عنى
لما شوفتك قلبى طار وراح لحضنك
ولما لومته قالى سيبنى انا خلاص لقيت حبيبتى
ياقلبى اهدى انت واخدنى لسكه تانيه
انا طبعى جامد وراسى ناشفه وانت عارف
قلبى قالى يا عم سيبك وعيش شويه
لفيت كتير وما ارتحتش الا لديا
عقلى قالى قلبك هيديك خازوق ومنه لن تفوق
صدقت عقلى ولكن قلبى ضحك عليا
بالحنيه خدنى ليكى وبين ايديكى دوبنى فيكى
وفى النهايه سبتينى واقف بدور عليكى
واتارى عقلى كان شايفها نهايه مره والجرح ليا
قلبى واقف من الذهول بيبكى عليا
حقك عليا لطولت حبك ولا سيبتك لعقلك
ودى النهايه والسكه ضلمه
