مش هقول حاجه
كل حاجه غلطت فيها اتعلمت منها حاجات تانيه
كل حاجه جربتها و مطلعتش زي ما انا عاوز علمتني ازاي افرق بين اللي انا عاوزه و اللي يليق عليا و محتاجه
كل شخص دخل حياتي و خرج منها اتعلمت اني مقعش ف نفس الغلطات اللي وقعت فيها معاه مع غيره
كل مره اتسرعت ف تصرف لبسني ف مصبيه علمني افكر اكتر عشان ملبسش ف مشاكل انا ف غنى عنها
كل مره أصدرت حكم ف شئ و طلع حكمي مش سليم علمني اسمع من كل الأطراف و اشوف الصوره من كل الزوايا لأن الكلمه و إن كانت خفيفه على اللسان ف هي تقيل عند اللي خلق اللسان و حسابها عسير
كل مره افتكرت اني شبح و فشيخ ومفيش مني الدنيا جابتني تحت رجلها ف اتعلمت اكون متواضع
كل مره سعيت ف حاجه و محصلتش و زعلت عليها اتعلمت بعدها أنه مفيش سعي بيروح هدر و ممكن تتعب اوي ف س و تلاقي نتيجه تعبك متشاللاك كامله و زياده حبتين ف ص
كل ذنب عملته علمني اني الحق نفسي و اتوب لان الحياه قصيره و احاول انصح غيري أنه ميعملهوش
ف مش هقول اي حاجه لنفسي لأن كل حاجه حصلتلي وصلتني اني اكون الشخص اللي انا عليه دلوقتي و الحقيقه اني ببص لنفسي ف المرايا و انا راضي جدا عن نفسي و فخور بيا