سنه 2004 كان عندي امتحان وسهران اذاكر وكله تمام ولدتي جتلي وقالت قوم نام شويه علشان تصحي فايق بدل ما متنمش وتبقي مصدع قولتها حاضر بس هخلص الكام سؤال دول. وفعلا قمت نمت وصحيت علي صوت المنبه لبست ونزلت ورحت اركب الميكروباص (المشروع) كل العربيات زحمه جدا لدرجه اني اضطريت اركب بره العربيه ايوه زي ما انت شايف كده قفلت الباب واتشعبط وانا في الطريق واحد راكب عربيه ملاكي شاورلي قالي انزل وفضل ماشي جنب العربيه وقالي انزل انا هوصلك وفعلا نزلت ولما ركبت معاه قالي انت رايح فين قولتله عندي امتحان وفضلنا ندردش الشاب. دا قالي انا كل شهر بطلع بالعربية 3ايام في الشارع بوصل الناس. ببلاش (صدقه علي العربيه)
وانامن يوم ما جبت عربيتي بعمل كدا الناس بتستغرب لما بقف بعربيتي واقولهم انا هوصلكم ببلاش المكان اللي عوزينه
الموضوع بسيط بس محتاج تكون صافي من جواك ساعد اي حد يطلب منك مساعده والاجمل لو ساعدته بدون مقابل
