النهاردة حصل معايا موقف جميل محتاجه اتكلم عنه كنت مروحة في الاتوبيس النقل العام مع اصحابي المهم انا كنت قاعدة في كرسي من الكرسين اللي جمب بعض جوه جمب الشباك فجيه راجل كبير في السن قعد جمبي وانا دايما متعوده طلام حد غريب قاعد جمبي ببص في الشباك واتفرج علي الشوراع والناس واسرح وانا باصه في الشباك
الراجل الكبير: احم احم معلش يا بنتي هزعجك محتاج اسألك سؤال كده غلس
أنا: اتفضل طبعا يا بابا (أنا اي راجل كبير في السن متعوده أقوله كده)
بابا: ايه مالك شايفك شايله الهم ليه كده يابنتي ؟
أنا : ابدا و**** مفيش حاجه أنا كويسه (كان الحقيقة فعلا مكانش فيه حاجه )
بابا: طب بصي يا ست البنات أنا عارف و**** إن المصاريف زادت وانتي شايله هم البيه الصغير بس صدقيني ربك اسمه الرزاق قادر يرزق الدودة جوا الحجر ولا شكلك من البنات الرهيفه بتاعت اليومين دول وخايفة من الولادة
أنا : شكرا اووي لحضرتك واه فعلا أنا قلقانة بس شوية
بابا : ااه قولي بقي يا هانم فكرتيني بالوليه العجلة اللي في البيت كانت زيك كده بتبقي مرعوبة وتقلقنا علي الفاضي بس هي دي الحاجه الوحيده اللي فالحه فيها وفي الاخر تاني يوم نلاقيها بتناطط قال ايه كانت بتدلع علينا
وفضلت أنا وبابا طول الطريق نهرز ونضحك واللي حبيته اووي بجد أنا بحب الناس دي اووي البسيطة اللي كله همها تهون وتضحك وتهزر ومزهقتش ثانيه من كلامنا حسيت ولا اكننا صحاب من سنين وكان عنده كمية قبول رهيبة وطلع عنده ٦٣ سنة....❣️
