يا باشا أنت لو بنت هنا أديتك رقم تليفونها تبقى أتفضحت!!
خدت رقم تليفونها حاطتها على التروكولر ، بقى معاك أسمها و إحتمال كبير صورتها ، هوب دعبست شوية و تعبت نفسك تتعب و تدور على الأسم و الصورة على الفيسبوك أو الانستجرام ، هوب عرفت شخصيتها الحقيقية و كل حاجة عنها!!
فلو أنت مجرد شخص فضولي و عايز تعرف هي مين (ده غير المصيبة الأكبر إنك تطلع عارفها سواء كنت قريبها ، جارها ، أو زميلها فى الشغل أو الكلية...إلخ) ، و يمكن أسوأ و تطلع شخص بيحب الابتزاز و تقلب الدنيا على حاجة فى حياتها الشخصية أو الجنسية تبتزها بيها و تبقى حياتها أتدمرت!!
