فضفضه من حفر حفرة لأخيه

[AMGjr]

يحكى أن فى زمن بعيد كان فيه نجار وبنا عايشين فى بلد فضلو قاعدين فيها البنا يبنى البيوت ويجيب النجار عشان يعمل فيها اعمال النجارة وفى يوم البلد مبقتش محتاجة ليهم وهما رزقهم بقى قليل قرروا أنهم يسافرون لبلد تانية يشوفو فيها رزقهم واتفقوا مع بعض أن لو واحد فيهم لاقى شغل يصرف ع التانى لحد ما التانى يلاقى شغل سافرة وهما سافرين عدو على بلد دخلوها عشان يصلو ملاقوش جامع كانت مصلية صغيرة بيصلى فيها الناس قام البنا راح لملك القرية دى وقالو أنه ممكن يعمل ليه جامع ويبنى ليه قصر وبيوت الملك اقتنع وعجبه كلام البنا والبنا قاله أنه كمان معاه نجار يعمل ابواب وشبابيك للقصر والبيوت والجامع اللى هيبنيهم اتفق الملك مع البنا أن يبدأ وكل يوم يديله دينار البنا بدأ يشتغل وكل يوم ياخد الدينار يديه النجار النجار يروح يجيب اكل ويصرف الدينار كله عدت سنين لحد ما البنا خلص وبدأ النجار هو اللى يشتغل فى شغله الملك اتفق معاه نفس الاتفاق ده أنه يدى النجار كل يوم دينار النجار ياخد الدينار ويروح يجيب عيش حاف ويديه للبنا وياخد باقى الدينار يجيب اكل حلو ليه البنا اتضايق من النجار وسابه وبدأ يشتغل لوحده فى اى حاجة تجيله البنا كان كويس ومحترم واللى بيروح عنده يعمله شغل كان بيحبه سمعته الطيبة انتشرت فى البلد والنجار بدأ يحقد عليه وخايف يقول اللى النجار عمله مع البنا النجار كان كلامنجى بطريقته قدر يوصل للملك ويكون من أتباعه والبنا فضل على حاله بس الناس كلها كانت بتحبه فى خلال الوقت ده البنا اتجوز وخلف والنجار بقى فى البلاط الملكى وفى يوم الملك كان فى سفينته فى البحر الخاتم بتاعه وقع فى المياه وكان أن الملك يفقد الخاتم بتاعه ده فال وحش جه النجار وقال للملك يا ملك انا اعرف مين اللى يقدر يغطس ويجيلك الخاتم صاحبى البنا بيعرف يعوم وكنا انا وهو واحنا صغيرين تركى الحاجة فى البحر وهو كان ينزل ويجيبها الملك أمر بحضور البنا وجابه قاله صاحبك النجار بيقول انك بتعرف تعوم وتغطس وانا الخاتم بتاعى وقع منى فى البحر روح وهاته البنا قاله يا ملك انا مش بعرف اعوم اصلا ولا ليا ف الغطس الملك قاله النجار صاحبك اللى قال وده استحالة يكذب عليا يا هتروح مكان ما الخاتم وقع وتنزل تجيبه يا هقطع راسك انت ومراتك وأولادك وأمر كبير الحراس أنه يطلعه على مركب مكان ما الخاتم وقع وينزل يجيبه كبير الحراس كان متعاطف مع البنا قاله انا هخدك انت ومراتك وعيالك واوديك للبر التانى وتروح هناك ومترجعش تانى وفعلا خده كبير الحراس ووداه على البر التانى والبنا استقر هناك وبدأ يشتغل ويبنى فى يوم مرات البنا راحت لصباد اديتله دينارين عشان يصطاد ليها سمك خدت السمك وروحت عشان تنضف السمك وتجهزه عشان جوزها يرجع يأكله فى الأثناء دى الملك كان تعب جدا واشتد عليه التعب من زعله على الخاتم المهم الست وهى بتنضف السمك لاقت الخاتم ده فى السمكة فرحت اوى ولبسته البنا رجع من الشغل وقعد بيتغدى معاها ألقاها لابسة الخاتم ده اول ما شاف الخاتم عرفه قالها انتى جيبتى الخاتم ده منين حكتله قصة الصياد والسمك اللى اصطادو ليها قالها طيب قومى لمى حاجتنا احنا هنرجع تانى مكان ما جينا قالته مش هينفع الملك لو شافنا هيقطع راسنا قالها اسمعى الكلام اللى بقولك عليه ولمو حاجتهم وركبو سفينة ورجعو تانى شافهم كبير الحرس قالو انت ايه اللى جابك الملك تعبان جدا وفى فراش الموت بسبب أنه الخاتم بتاعه راح ولو عرف انك جيت البلد هيقطع راسك انت واهلك كلهم من غير تفاهم قالو انا عايز اشوف الملك ضرورى انا جيبت ليه الخاتم كبير الحراس خده وراح على الملك الملك اول ما شافه أمر بقطع رأسه البنان قاله يا ملك انا جيبت ليك الخاتم الملك رد عليه وقاله وليه خدت كل السنين دى عشان ترجع البنا قاله انا لما نزلت البحر وغطست نزلت على سطح ملك البحر ولما كلمته قولته انى نازل بأمر من ملك على الأرض عشان الخاتم بتاعه وقع هنا قاله انا ممكن اساعدك فى انى اجيب ليك الخاتم بشرط تعمل مدينة تحت البحر زى اللى عملتها فى البر واديك الخاتم قعدت كل ده كنت ببنى المدينة بتاعته وبعد ما خلصت جايلى الخاتم وهو دلوقتى بيطلب منك انك تبعت النجار عشان يعمل شبابيك وأبواب للمدينة اللى بنيتها تحت البحر
أمر الملك بحضار النجار وقاله ان هو لازم يروح المدينة ويخلص الشغل اللى طلبه ملك البحر رد لجميل أنه رجع ليه الخاتم أمر كبير الحراس أنه ياخده ويرميه مكان ما رمى البنا وفعلا خده كبير الحراس ورماه فى البحر

اضغط لقراءة المزيد...