فضفضه ليه وازاي

[Elgen.wa7d]

خليكي واثقه من نفسك

 

[Ãl Kîñg66]

تعالى خاص و هحلك كل حاجه

 

[Okej]

لازم تكوني واثقة من حالك وتحبي نفسك وتكوني بنت قوية وتحببي الناس فيكي. بس حدا يشوفك ويتعرف عليكي وعلى شخصيتك رح يحبك. كل شي بهالدنيا خطوة بخطوة. كوني مثل ما انتي بتحبي وواثقة من حالك والأهل إلى بدو يحبك بيجي لحالو بعدها 😁😁

 

[Prince Magdi]

ليه اوقات بحس اني مش بنت لذيذه وان محدش هيحبني بجد وازاي اتخلص من الشعور ده 😥

غالباً فترة ضغوط نفسية لكن ممكن بكون في ناس كتير شايفينك لذيذة في الوقت الي أنتي حاسة نفسك مش تمام، محتاجة شوية فضفضة و فرفشة و تغير جو كل فترة، إحنا عايشين فترة ضغوط من كل النواحي و الدنيا عمالة تبقا غلسة و سرعة ريتم الحياة مخلينا كأننا على غلاي عمالين نغلي و نتحرق و لازم نرتاح شوية و نطلع من الضغط جه وإلا هننفجر بجد و هنطق في عز شبابنا

 

[Max Moco]

ليه اوقات بحس اني مش بنت لذيذه وان محدش هيحبني بجد وازاي اتخلص من الشعور ده 😥

بصي عادي كلنا بيجيلنا وقت بنحس ان مش مروغوب بينا او بنتخنق ان محدش مهتم بينا
بس خدي وقتك و اعملي اي نشاط جديد ف حياتك و اكيد هتلاقي ال هيحب شخصيتك ❤

 

[سويسي وافتخر]

ليه اوقات بحس اني مش بنت لذيذه وان محدش هيحبني بجد وازاي اتخلص من الشعور ده 😥

متديش كل حاجه الا لمه تحسي الحب

 

[ولد شقي]

الواحد بيمر بالموضوع ده كتير بس الاحسن من كل ده ان بيجي شخص في حياتنا بيغيرها ١٨٠ درجه لحد ما نوصل لمرحلة اننا اصلا نكون بنتكبر علي كل الناس الا الشخص ده ف لازم اننا نصبر لحد ما نلاقي الشخ ال يسعدنا بكل الطرق
اتمنالكم حياة سعيده ❤️

 

[Dr.Gokar]

ليه اوقات بحس اني مش بنت لذيذه وان محدش هيحبني بجد وازاي اتخلص من الشعور ده 😥

ثقى بنفسك 😂🙆‍♂️

 

[Kokoboya]

ثقب بنفسك
و حاولي متشغليش بالك بالشباب هما هيجولك لوحدهم المهم الثقه بالنفس و البعد عن العلاقات المتعبه

 

[BraveHeart]

اوعي تفكري آنك وحشه او كده اهم شيء انك تعدلي من نفسك في اسلوبك و رزانتك الجمال مش جمال الشكل و لا المنظر الجمال هو داخلي ما هو داخل الانسان بيكون جميل مهم مر عليه الايام و السنين هو اللي بيظل جميل لكن المنظر و الشكل فهو جمال مؤقت بيزول مع التقدم في العمر اهم شيء اسلوبك و كيانك كا امراءه او بنت هذا اهم شيء

 

[Al3med20000]

بعتلك خاص ردي عليا واقولك علي كتب تقرائيها وهبعتلك لينكات تحملي الكتب منها دي هتخلي عندك ثقه في النفس
وهتغير حياتك عمتا
وانا جمبك لو احتجتي اي حاجه فعلا

 

[ddoomaa81]

مش لوحدك كلنا بنحس كده ساعات ... و بتخلى الواحد بيبص في المرايه يقول هو انا فيا حاجه غلط ؟ شكلي وحش ... طب شخصيتي هبله ؟... و بتقفلي من الناس و بتنعزلى في اوضتك و هكذا .....
بس عن تجربه متستنيش الوقت يصلح الكلام ده انتى اشغلى وقتك بحجات هتشكري نفسك عليها قدام زي جيم مثلا هيظبط جسمك و ثقتك تزيد شويه .... تروحى مكتبه الصبح في مكان جميل و تقرى جزء من كتاب شدك و تفسحي نفسك اليوم ده حتى لو هتتمشي بس و اقفى قدام بحر او النيل لوحدك الموضوع ده حلو اوي ...
من الاخر حبي نفسك و متستنيش الناس هيا اللي تديلك الشعور ده لان الناس بتروح و بييجي غيرها و لو سلمتى نفسك للناس هتخسري كل حاجه ... صدثيني لو عملتى كده هتلاقي شهرين كده بس دماغك تتعود الكلام ده و شخصيتك هتتشقلب و الناس هتحب انها تكلمك بس انتى هتلاقي ان خلاص مش فارقه الناس لانك بتعرفي تبسطى نفسك ♥
متستقليش بنفسك خاااالص كل واحد فينا حاجه كبييييره اوي و ليه حواديت و صور و ذكريات و حنيه و حجات كتير تخليه عزيز عند نفسه اوي

 

[$$$ الحكيم]

ليه اوقات بحس اني مش بنت لذيذه وان محدش هيحبني بجد وازاي اتخلص من الشعور ده 😥

تعرفي انتي لو رديتي عليا هخليكي تنسي الموضوع ده

 

[MonaMalak3eshk]

انا مش فاهمة انتى عاوزة ايه بالزبط

 

[Abood.977]

حبي نفسك و حبي كل حاجه فيكي حتزيد ثقتك بنفسك خليكي متصالحه مع نفسك و متقبلاها و بس

 

[bigteto]

مفيش بنوته مش لذيذة ومش جميله كل بنوته وليها جمالها والقبول دا مش للكل فممكن بنوتة جميله بس مش مصروف ليها القبول وممكن بنت مش جميله بس حبوبه وعندها خفة ددمم وجمال داخلى خاص

 

[عمو الزبارتي]

ده اسمه عدم الثقه في نفسك
ثقي دايما انك اجمل بنت في الكون لو ده حصل حياتك هتتغير فشخ ومفيش بنت وحشه كل البنات حلوين وكل بنت ليها مواصفاتها الخاصه بيها بتميزها عن غيرها 🌚
حاولي تثقي في نفسك وكل حياتك هتكون مرتاحه..
ومتاخديش بكلام الناس عشان لا بيقدم ولا بياخر علي رأي جورج وسوف 💙😂😂

 

[الحوت maher]

ليه اوقات بحس اني مش بنت لذيذه وان محدش هيحبني بجد وازاي اتخلص من الشعور ده 😥

انك متحطيش في بالك انك مش لذيذه وتفضلي بصه لنفسك علي انك وحشه

 

[ونسان]

قربي من الناس اللي بيمدحوكي و يحسسوكي بإحساس كويس و إبعدي عن اللي بيحبطوكي

 

[حبيب سلمى]

نصيحه اختلطى بالناس ف الواقع اكتر وسيبك من الشات والمواقع الإلكترونية خصصى وقت تقعدي فيه من القريبين منك