مثل نصيحة لما بتقع فى مشكلة بتروح لمين

[mrwan tawfik rabia]

اهلا انا مروان وطبعا عارفينى المهم انا . جاى اتكلم عن حاجة طبعا كلنا بتحصل لينا مشاكل كتير وبنكون محتجين حد يساعدنا علشان نخرج منها سواء نادية او نفسية وبيبقى ده دور الى حواليك سواء اهلك او اخواتك وانا هحكى كذا مشكلة حصلت ليا واخواتى ساعدونى فيها
اول مشكلة لما كنت فى ثانوية عامة وكان عليا امتحان انجليزى وانا كنت ضايع وكنت بحل فى الكتاب وانا مس قادر اعمل حاجة وفى قواعد وترجمة وحجات متراكمة عليا لحد ما تعبت وقعدت اعيط واخويا اكرم دخل عليا الأوضة وانا قولت له
اكرم : ايه يا حبيبى محتاج حاجة اعملها ليم قبل ما اخش انام
انا (بصوت عياط): لا
اكرم :مالك يا مروان فى ايه (وخدنى فى حضنه وحكيت له على المشكلة )
اكرم طب تعالى هساعدك (وفضل معايا طول اليل ولحد تانى يوم يراجع ويشرح ليا كل حاجة ومنمش وروحت الامتحان وجبت درجة عالية قوى فيه)
تانى مشكلة لما كنت فى الكلية وكان شكل جسمى مش متناسق خالص وحصل ليا موقف احرجنى جدا بسب جسمى وروحت البيت وانا مضايق ورمضان اخويا لاحظ كده وجه وسالنى
رمضان : مالك يالا فى ايه
انا : مضايق بس
رمضان:ليه فى حاجة مزعلاك ولا ايه(وقولت له على الموقف الى حصل ليا وهو قرب منى وقعد يضحكني شوية وخضنى فى حضنه وقال ليا وهو ماسكنى من دراعى وبيلويه )
رمضان :من بكرا يا واطى تكون عندى فل الجيم تحت وانا هطلع عين امك الى هى امى لحد ما تعمل فورمة يا عبيط
وفضلت طول سنين الدراسة وهو بيدربنى لحد ما عملت فورمة جامدة والى انا حاطتها صورة البروفيل
تالت مشكلة لما كنت فى اخر سنة فى الكلية وكنت خارج من علاقة فاشلة بي مش علاقة شمال لا علاقة حب وكنت بعشقها وفى اخر سنة سابتني واتخلت عنى علشان واحد أغنى منى مع ان حالى كويس جدا لكنها سابتني وكنت راجع من الكلية فى اليوم ده زعلان وطهقان و حزين وروحت دخلت اوضت. اترميت على السرير وقعدت أبكى فى صمت اخويا محمد الكبير شافنى ودخل عليا وفضل يخبط فيا علشان يضحكني ولكن انا مش بضحك
محمد : ايه ياض مالك
انا : مضايق
محمد : هى منكدة عليك
انا : لا سابتني
محمد طب تعالى( وحضنى و فضفضت معاه وهو فضل ينصحني ويهون عليا لحد ما نسيتها )
رابع مشكلة ودى متجددة دى انا على طول بحتاج فلوس علشان لبسى وعلشان خروجاتى وحجتى وأيام الدراسة كان محمد اخويا الكبير هو الى مهتم بموضوع الفلوس ومكنش بيرضى يخليني اخرج مع صحابى ف مكنش بيرضى يضينى فلوس خالص علشان عايزنى اركز فى دراستى ومرة زعقت لانى مخرجتش مع صحابى من زمان ومحمد مصر مفيش فلوس ليك وده مش بخل ده غلاسة
.
انا : ياعم انت طهقتنى )ودخلت اوضتى ورامى دخل ورايا (
رامى : فيه ايه يا مروان بتزعق ل اخوك الكبير ليه
انا ؛ يا عم دى حتجة تزهق كل ما اطلب منه حاجة مرضاش يديها ليا وهو لو هو او خطيبته احتاج حاجة فى ثانية بجيبها هى مش فلوسى دى زى ما هى فلوسه
رامى : خلاص اهدى......امسك (ورامى ادانى ساعتها مبلغ كبير جدا)
رامى : اعمل الى انت عايزه ولو احتجت زيهم تعالى ليا انا
انا :بس ده كتير جدا يا رامى
رامى : مفيش حاجة تكتر عليك يا حبيبى ...تعالى (وخدنى فى حضنه وفضل يهزر معايا )

اضغط لقراءة المزيد...