_ حبيبتي الغدا جاهز عشان انا جعان أوي وورايا مشوار مهم ؟
= لأ معملتش أكل النهارده
_ ليه يا قلبي خير مالك ؟ انتي تعـبانة وللا إيه ؟
= لأ مش تعـبانة
_ زهقانة ؟
= لأ مش زهقانة
_ جـربانة ؟
= أفندم ؟
_ آسف، حاولت التزم بالقافية بس
= ولا أي حاجة من دول
_ أمال معملتيش غدا ليه ؟
= ماليش مزاج النهارده، إيه مش من حقي ؟
_ حقك يا حبيبتي طبعا، ماشي مفيش مشكلة، نطلب دليڤري
= لا مش عايزة دليڤري
_ تمام هغسل وشي وانزل اجيب أكل
= لا متغسلش وشك
_ ولا يهمك، أنزل بالتراب على وشي عادي، اهو تمويه، كإني في الصاعـقة
= مش قصدي، اقصد متنزلش خالص، ومتطلبش أكل من برا
_ عيوني، تعالي نقف في البلكونة انا وانتي نص ساعة نعمل بناء ضوئي جنب قصرية النعناع اللي جوا
= لا طبعا مش هينفع عشان بشرتي هتغمق ؟
_ مش عشان دا ضد العلم والمنطق ؟
= لأ مش قصتي
_ أكيد طبعا، طب هناكل ازاي دلوقتي، دا مجرد سؤال للفضول و**** مش أكتر
= انت هتقف في المطبخ النهارده
_ احنا مش خلصنا كل أحكام الشايب بتاعة امبارح بالليل، واتصلت على 10 أرقام عشوائية وغنيتلهم في التليفون أنا أنا أنا أبريق الشاي ؟
= حصل
_ أمال عايزاني أقف في المطبخ ليه دلوقتي ؟
= عشان تعملنا غدا، المساواة بتقول كدا
_ المساواة قالتلك كدا بنفسها وللا قالت لحد يقولك ؟ عشان فيه ناس بتزود كلام بس
= لا قالتلي، وقالت اني مش خـدامة في البيت دا، ومن حقي انك تساعدني في كل شغل البيت
_ وبعدين ؟
= يا كدا، يا تسيبني بقى انزل اشتغل
_ تمام
= أنا مش أقل منك
_ طبعا
= عايزة احس بكياني
_ أكيد
= واحقق أماني
_ بلا شك
= واتحدى زماني
_ .......
= محمد هاني
_ ........
= باسكال مشعلاني
_ ماشي يا حبيبتي أنا موافق، انزلي اشتغلي
= طبعا هنزل اشتغل، ومن بكرا كمان
_ **** يوفقك يا رب
= وهستقل، انا لازم استقل بقى إيه رأيك ؟
_ زي كوريـ ـا الشمالية ؟ ماشي
= وهشتري بيبسي حجم كبير وانا راجعة من الشغل، وهتشرب من عرق جبيني
_ طب ليه القـرف دا
= إيه ؟
_ البيبسي، بقــرف من البيبسي
= بحسب
_ طب خلاص يا حبيبتي نجهزلك الحاجات اللي هتحتاجيها بكرا في الشغل ؟
= تمام، نعمل كدا
_ إديني موبايلك كدا لو سمحتي
= زيرو عشرة 3 وحايد ..
_ لا دا مسيڤه وبفكر جدياً امسحه، انا عايز الموبايل شخصيا، الجثـة
= علشان ؟
_ هحطلك alarm
= يعني إيه الكلمة دي ؟
_ أنا واثق ان دا مش جهـل لغوي، انتي الانجليزي بتاعك كويس، بس أكيد عمرك ما ظبطتي منبه في حياتك طبعا
= خالص
_ كنتي بتصحي لما بتحسي انك جاتلك قـرح فراش بس
= تقريبا
_ لأ من هنا ورايح الصحيان الساعة ٦
= عادي يا حبيبي، طول عمري بصحى ٦ المغرب أصلا
_ انتي هتشتغلي ريكلام ؟
= لا خدمة عملا
_ تمام، هتصحي ٦ الصبح مش بالليل
= بس ٦ دا انا هكون يا دوب لسه نايمة من نص ساعة
_ لا ما انتي هتضطري تنامي بدري بقى، على تسعة ونص عشرة بالكتير تجيبي ضورفها
= ماشي
_ نحطلك بقى كام سنوز حلوين كدا
= ليه ؟
_ عشان الفراق صعب يا حبيبتي، انتي أول ما تصحي هتبصي للسرير بحـسرة وتقولي خمس دقايق بس
= وبعدين ؟
_ هتروحي في النوم تاني وهتتأخري عالشغل ويتخصملك
= ماشي حط سنوز
_ خلاص يبقى نظبط المنبه على خمسة ونص، ومعانا نص ساعة سنوز لحد ستة
= أوكيه
_ بتكتبي ورايا يا حبيبتي ؟
= بكتب
_ خمس صوابع فينو تخين وتُمن جبنة رومي
= ليه ؟
_ عشان تفطري بيهم بكرا في الشغل
= بس انا مبفطرش قبل الساعة ١٢، وباكل ساليزون وشاي بلبن
_ لأ دا عند طنط يا حبيبتي
= يعني ايه
_ يعني عند امك، اكتبي
= أوكيه
_ صن بلوك بقى
= بجد ؟ بص بقى السنادي احنا لازم نروح الغردقة، انا زهقت من مطروح
_ نشيل فيشة الوهم ١٠ ثواني طيب ؟
= فيه إيه ؟
_ الصن بلوك دا عشان بشرتك هتتحـرق في الشمس، انتي هتبقي في الشارع كل يوم في عز الحر
= أوكيييييه
_ علبة كمامات
= ليه بقى الكـورونا هديت الحمد لله
_ لأ دا عشان ريحة عرق اخواتك المواطنين اللي هتركبي معاهم المترو
= خلاص نخليهم علبتين كمامات بقى
_ لا علبة واحدة كفاية، انتي بعد فترة هتـدمني ريحة العرق دي أصلا
= ماشي
_ ستربسلز
= ليه ؟
_ زورك هيتشـرخ من المناهدة مع العملا، اكتبي يا روح قلبي
= حاضر
_ إيڤا فوت
= علشان ؟
_ دي بودرة قدم، ما انتي هتفضلي لابسة الجـزمة ١٥ ساعة في اليوم لحد ما هتبقى جزء من شخصيتك
= حااااضر
_ سيبراليكس
= دا إيه دا كمان ؟
_ دا مهدئ حلو أوي، هيخليكي في الروقان، لا فارق معاكي رخــامة عملا ولا عصـبية مدير ولا أي حاجة
= هو المدير ممكن يتعـصب عليا ؟
_ أمال هيتعـصب على مراته ؟
= تمام
_ ٥ اكياس مناديل فلورا
= هعمل بيهم ايه ؟
_ عشان لما تعيــطي في حمام الشركة، وللا اقولك، ابقي نشفي دموعك في ورق التواليت مش عايزين تبذير
= حاضر
_ وكونسيلر بقى عشان الهالات السـودا اللي هتطلع تحت عينك
= فيه حاجة تاني ؟
_ لا كدا خلاص، فيه شوية حاجات بسيطة كدا نبقى نجيبهم من عند أي عطار
= إيه ؟
_ بذر كتان، وفول صويا، وبذر سمسم
= هعمل ايه بالحاجات دي ؟
_ دي محفزات طبيعية لهرمون الأستروچين، عشان انتي كبيرك سنتين شغل وهتنسي انك سـت، ممكن وانتي بتجددي البطاقة أصلا تكتبي فيها ذكــر
= يعني مش هتستت تاني ؟
_ لا ما اعتقدش
= ولا هتدلع واهتم ببشرتي وصبغتي وماسكاتي
_ **** كبير
= هتطلب دليڤري ؟
_ لأ عايز آكل من إيدك
= حاضر
_ ملوخية بالأرانب
= معندناش أرانب
_ انزلي اصطادي من أي برية، آيرلندا جنبنا آهي مش بعيدة
= أوامرك
_ واعمليلي شاي، قلبتي دماغ أمي، حد يروح للهــم برجليه ؟
= لأ معملتش أكل النهارده
_ ليه يا قلبي خير مالك ؟ انتي تعـبانة وللا إيه ؟
= لأ مش تعـبانة
_ زهقانة ؟
= لأ مش زهقانة
_ جـربانة ؟
= أفندم ؟
_ آسف، حاولت التزم بالقافية بس
= ولا أي حاجة من دول
_ أمال معملتيش غدا ليه ؟
= ماليش مزاج النهارده، إيه مش من حقي ؟
_ حقك يا حبيبتي طبعا، ماشي مفيش مشكلة، نطلب دليڤري
= لا مش عايزة دليڤري
_ تمام هغسل وشي وانزل اجيب أكل
= لا متغسلش وشك
_ ولا يهمك، أنزل بالتراب على وشي عادي، اهو تمويه، كإني في الصاعـقة
= مش قصدي، اقصد متنزلش خالص، ومتطلبش أكل من برا
_ عيوني، تعالي نقف في البلكونة انا وانتي نص ساعة نعمل بناء ضوئي جنب قصرية النعناع اللي جوا
= لا طبعا مش هينفع عشان بشرتي هتغمق ؟
_ مش عشان دا ضد العلم والمنطق ؟
= لأ مش قصتي
_ أكيد طبعا، طب هناكل ازاي دلوقتي، دا مجرد سؤال للفضول و**** مش أكتر
= انت هتقف في المطبخ النهارده
_ احنا مش خلصنا كل أحكام الشايب بتاعة امبارح بالليل، واتصلت على 10 أرقام عشوائية وغنيتلهم في التليفون أنا أنا أنا أبريق الشاي ؟
= حصل
_ أمال عايزاني أقف في المطبخ ليه دلوقتي ؟
= عشان تعملنا غدا، المساواة بتقول كدا
_ المساواة قالتلك كدا بنفسها وللا قالت لحد يقولك ؟ عشان فيه ناس بتزود كلام بس
= لا قالتلي، وقالت اني مش خـدامة في البيت دا، ومن حقي انك تساعدني في كل شغل البيت
_ وبعدين ؟
= يا كدا، يا تسيبني بقى انزل اشتغل
_ تمام
= أنا مش أقل منك
_ طبعا
= عايزة احس بكياني
_ أكيد
= واحقق أماني
_ بلا شك
= واتحدى زماني
_ .......
= محمد هاني
_ ........
= باسكال مشعلاني
_ ماشي يا حبيبتي أنا موافق، انزلي اشتغلي
= طبعا هنزل اشتغل، ومن بكرا كمان
_ **** يوفقك يا رب
= وهستقل، انا لازم استقل بقى إيه رأيك ؟
_ زي كوريـ ـا الشمالية ؟ ماشي
= وهشتري بيبسي حجم كبير وانا راجعة من الشغل، وهتشرب من عرق جبيني
_ طب ليه القـرف دا
= إيه ؟
_ البيبسي، بقــرف من البيبسي
= بحسب
_ طب خلاص يا حبيبتي نجهزلك الحاجات اللي هتحتاجيها بكرا في الشغل ؟
= تمام، نعمل كدا
_ إديني موبايلك كدا لو سمحتي
= زيرو عشرة 3 وحايد ..
_ لا دا مسيڤه وبفكر جدياً امسحه، انا عايز الموبايل شخصيا، الجثـة
= علشان ؟
_ هحطلك alarm
= يعني إيه الكلمة دي ؟
_ أنا واثق ان دا مش جهـل لغوي، انتي الانجليزي بتاعك كويس، بس أكيد عمرك ما ظبطتي منبه في حياتك طبعا
= خالص
_ كنتي بتصحي لما بتحسي انك جاتلك قـرح فراش بس
= تقريبا
_ لأ من هنا ورايح الصحيان الساعة ٦
= عادي يا حبيبي، طول عمري بصحى ٦ المغرب أصلا
_ انتي هتشتغلي ريكلام ؟
= لا خدمة عملا
_ تمام، هتصحي ٦ الصبح مش بالليل
= بس ٦ دا انا هكون يا دوب لسه نايمة من نص ساعة
_ لا ما انتي هتضطري تنامي بدري بقى، على تسعة ونص عشرة بالكتير تجيبي ضورفها
= ماشي
_ نحطلك بقى كام سنوز حلوين كدا
= ليه ؟
_ عشان الفراق صعب يا حبيبتي، انتي أول ما تصحي هتبصي للسرير بحـسرة وتقولي خمس دقايق بس
= وبعدين ؟
_ هتروحي في النوم تاني وهتتأخري عالشغل ويتخصملك
= ماشي حط سنوز
_ خلاص يبقى نظبط المنبه على خمسة ونص، ومعانا نص ساعة سنوز لحد ستة
= أوكيه
_ بتكتبي ورايا يا حبيبتي ؟
= بكتب
_ خمس صوابع فينو تخين وتُمن جبنة رومي
= ليه ؟
_ عشان تفطري بيهم بكرا في الشغل
= بس انا مبفطرش قبل الساعة ١٢، وباكل ساليزون وشاي بلبن
_ لأ دا عند طنط يا حبيبتي
= يعني ايه
_ يعني عند امك، اكتبي
= أوكيه
_ صن بلوك بقى
= بجد ؟ بص بقى السنادي احنا لازم نروح الغردقة، انا زهقت من مطروح
_ نشيل فيشة الوهم ١٠ ثواني طيب ؟
= فيه إيه ؟
_ الصن بلوك دا عشان بشرتك هتتحـرق في الشمس، انتي هتبقي في الشارع كل يوم في عز الحر
= أوكيييييه
_ علبة كمامات
= ليه بقى الكـورونا هديت الحمد لله
_ لأ دا عشان ريحة عرق اخواتك المواطنين اللي هتركبي معاهم المترو
= خلاص نخليهم علبتين كمامات بقى
_ لا علبة واحدة كفاية، انتي بعد فترة هتـدمني ريحة العرق دي أصلا
= ماشي
_ ستربسلز
= ليه ؟
_ زورك هيتشـرخ من المناهدة مع العملا، اكتبي يا روح قلبي
= حاضر
_ إيڤا فوت
= علشان ؟
_ دي بودرة قدم، ما انتي هتفضلي لابسة الجـزمة ١٥ ساعة في اليوم لحد ما هتبقى جزء من شخصيتك
= حااااضر
_ سيبراليكس
= دا إيه دا كمان ؟
_ دا مهدئ حلو أوي، هيخليكي في الروقان، لا فارق معاكي رخــامة عملا ولا عصـبية مدير ولا أي حاجة
= هو المدير ممكن يتعـصب عليا ؟
_ أمال هيتعـصب على مراته ؟
= تمام
_ ٥ اكياس مناديل فلورا
= هعمل بيهم ايه ؟
_ عشان لما تعيــطي في حمام الشركة، وللا اقولك، ابقي نشفي دموعك في ورق التواليت مش عايزين تبذير
= حاضر
_ وكونسيلر بقى عشان الهالات السـودا اللي هتطلع تحت عينك
= فيه حاجة تاني ؟
_ لا كدا خلاص، فيه شوية حاجات بسيطة كدا نبقى نجيبهم من عند أي عطار
= إيه ؟
_ بذر كتان، وفول صويا، وبذر سمسم
= هعمل ايه بالحاجات دي ؟
_ دي محفزات طبيعية لهرمون الأستروچين، عشان انتي كبيرك سنتين شغل وهتنسي انك سـت، ممكن وانتي بتجددي البطاقة أصلا تكتبي فيها ذكــر
= يعني مش هتستت تاني ؟
_ لا ما اعتقدش
= ولا هتدلع واهتم ببشرتي وصبغتي وماسكاتي
_ **** كبير
= هتطلب دليڤري ؟
_ لأ عايز آكل من إيدك
= حاضر
_ ملوخية بالأرانب
= معندناش أرانب
_ انزلي اصطادي من أي برية، آيرلندا جنبنا آهي مش بعيدة
= أوامرك
_ واعمليلي شاي، قلبتي دماغ أمي، حد يروح للهــم برجليه ؟
