اللي بيسأل واحدة متجوزه مفيش حاجه في السكه ..
زي اللي بيسأل أم عن إبنها ذوي الاحتياجات الخاصة اللي عنده عشر سنين مثلاً .. هو انتي موديتهوش لدكاتره
زي اللي بيقول لبنت في التلاتينات ماتشدي حيلك بقي عشان نفرح بيكي ..
زي اللي بيسأل واحدة ساكنه في منطقه شعبيه .. مش هتعزلي من الحته دي بقي
زي اللي بيركب مع صاحبه عربيته المهكعه ويقوله مش هتحن علي نفسك بعربية عدله بدل التوكتوك ده
زي اللي بيقول لحد شغلانته متواضعه .. متسيبك بقي من الغلب ده وتشتغل حاجة عليها القيمه ..
كلهم زي بعض ..
كله بيحدف رصاص بيضرب بيه اللي قدامه في نقطة ضعف هي اكيد واجعاه وحاسس بيها ولو كان في ايده حاجه يغير بيها الوضع مكنش إتأخر
اسكتوا شويه . انتو لو سكتوا عادي علي فكره مش عيب ولا حرام
لو إنت من النوع اللي معندكش كلام تقوله ومبتعرفش تفتح مواضيع متلجأش للهزار اللي يدبح او الفضول اللي يوجع ده
اسكت خالص أحسن ما تهرتل بكلام انت مش مدرك واقعته ع اللي قدامك عامله ازاي
