غمض عينك لو حتي دقيقة
أنت الأغنية والدنيا المزيكا
امشي معاها وأدخل جواها
غنّي بإحساس لو حتي نشاز
الدنيا دوامة ومفيش عوامة
سيب نفسك خالص وكفاية دراما
الدنيا سهلة مش مستاهلة
ماتفكرش في بكرة دلوقتي أحلي
متلخبط وبتتخبط ولبكرة قاعد بتخطط
ونسيت تعيش
باصص وراك مش قدامك
متكتف واقف في مكانك وما بتمشيش
غمض عينك مرة كمان
الدنيا لوحة وأنت الفنان
إرسم بمزاجك واشطب عاللي فاتك
بكرة عاوز يسمع حكاياتك
أشخط في سكوتك واسمع صدا صوتك
قبل ما الدنيا تجري وتفوتك
أقلب الصفحة، الدنيا لحظة
في مرة هتنام ومش حتصحي
متلخبط وبتتخبط ولبكرة قاعد بتخطط
ونسيت تعيش
باصص وراك مش قدامك
متكتف واقف في مكانك وما بتمشيش
الدنيا لعبة واللعبة صعبة
هزها شوية وكفاية قعدة
عدِّي كل المراحل وحلمك حتلاقيه
أوصل للوحش وعلّم عليه
أول ما تنجح حتلاقي كلاب بتنبح
والفاضي حيعمل قاضي وبخياله يسرح
أوعي تدخل معاه الحرب
عمرك شوفت واحد بيعض كلب
هشّه هيصنفوك ولتحت يشدوك
وناس تانية تشدك لفوق، فوق
هينفخوك ويبروزوك
ويطبلولك ويتلونوا بلونك
عاوزينك تبقي نجم وتبقي قدوه
صدّق نفسك، تعيش الكدبة
امشي في طريقك لو كل الناس ماشية عكسك
ماتحاولش تراضي كلّه وتخسر نفسك
متلخبط وبتتخبط ولبكرة قاعد بتخطط
ونسيت تعيش
باصص وراك مش قدامك
متكتف واقف في مكانك وما بتمشيش
