- إنضم
- 15 أغسطس 2023
- المشاركات
- 683
- مستوى التفاعل
- 486
- نقاط
- 3,730
- الجنس
- ذكر
- الدولة
- مصر
- توجه جنسي
- أنجذب للإناث
اهلا انا مصطفى عندي 34 سنة متجوز وعندى بنتين( ملك و وعد) والاتنين تؤام المشكلة عندى انا انا من وانا صغير كانو أهلى دايما بيفرقو بينى وبينك اخويا التؤام فى المعاملة ابويا وامى كانو على طول مهتمين بيه احلى لبس واحلى فسح وخروجات دايما على طول له هو وانا تقريبا مهمش مش باين و أهلى على طول كانو بيعاملونى بجفاء من غير مشاعر ولا حب ولا اهتمام بس كان عندى اختى الكبيرة هى الى كانت كل دنيتى لحد ما فترة صغيرة كدا كنت بقول لها يا ماما من كتر الحب والاهتمام الى كانت بتديه ليا بس برضو انا كنت بزعل لما بشوف امى مهتمة قوى ب اخويا حمزة تحضر له اكله ولبسه وهو ماشى على المدرسة وتصحيه الاول وانا بعمل حاجتى بنفسى او اختى بتعملها ليا و كمان لما كنا نطلب حاجة من ابويا كان الحاجة بتيجى ل حمزة اخويا بسرعة وبنفس راضية وابتسامة وكلام حلو اما انا كانت الحاجة لما اطلبها فبن وفين على ما تيجى وياريت حتى بكلمة حلوة ولو كدب لا ده كل المعاملة معايا انا زعيق وشتيمة ومرة كنا فى 6 ابتدائى كنت داخل المطبخ وعديت على أوضة حمزة لقيت ماما عمالة بتذاكر له وابويا بيقول له لو نجحت هجيب ليك عجلة انا شوفت المنظر مشيت وروحت لاختى وقعدت اعيط وهى احتضنها وقالت ليا انى اذاكر علشان ابعد عنهم وفعلا انا كنت بذاكر وكل سنة بطلع يا الاول يا التانى وساعات التالت على المدرسة وفى كل المراحل وكانو ابويا وامى مش بيفرح علشان كنت بجيب أعلى من حمزة وفى مرة حمزة جاب أعلى منى ماما كانت فرحانة وابويا كان فرحان والموقف ده أثر فيا ومكنتش بحب اخويا من كده لحد ما جينا فى 3 ثانوى واخويا جاب 75 فى المية وامى كانت زعلانة وابويا زعلان وهو كان بيمثل ان هو زعلان وانا روحت جيبت نتيجتى وجبت 95 فى المية اختى فرحت وقعدت تزغرط بي ازاى تزغرط ابويا يقوم يضربها بالقلم ويقول لها ازاى تزغرطى واخوك زعلان واختى ترد عليه وتقول يا بابا اخويا جاب مجموع عالى و يبوم بابا يرد ويقول تولعى انتى واخوك و يكسر فرحتى ولما جينا نقدم على الكلية دخلو حمزة كلية خاصة بفلوس غالية ويومها ابويا نده عليا وقا ليا بس يابنى احنا مش هنقدر على مصاريف جامعتك انت واخوك مع بعض كفاية علينا اخوك وانت يا مصطفى تقعد من التعليم وكفاية لحد كده بقا وتبداء تشتغل انا كنت هوافق لانى كده كده يأست من المعاملة الوحشة وفقدت حلمى بس اختى مسكتتش وزعلت وصلت صوتها وقالت انتا ظالم ده ابنك وده ابنك حرام عليك الى انت بتعمله مصطفى هدخله الكلية الى هو عايزاها انش**** حتى لو هشتغل واصرف عليه و فعلا قدمت فى كلية طب أسنان و كنت بشتغل ايام الكلية ومخلتش حد يدفع ليا فلوس كليتى وكنت بصرف على نفسى وعلى الجنب التانى حمزة عايش مع البنات الى الكلية الخاصة ويضيع فى فلوس اهله وقبل اخرسنة ليا فى كليتي اختى أتقدم لها عريس وسرور مدة الخطوبة سنتين لحد ما اتخرج وعدت السنتين وفى حفلة التخرج مدعتش ابويا ولا امى ولا حتى اخويا دعت اختى وخطيبها وبعد ما اختى اتجوزت ورجعنا من الفرح فى العربية وامى وابويا بيدعو ل حمزة علشان يتجوز وانا كالعادة مهمش بس لما رجعنا حسيت ان انا لو قعدت هنا من غير اختى هكون غريب فللميت هدومى كلها وكل حاجتى ومغيرتش هدوم الفرح وخدت حاجتى وطلعت وكنت ماشى بس حمزة شافنى وقال ليا رايح فين قولت له انا همشي من البيت ده خلاص مبروك عليك حب ابوك وامك وفلوسهم واهتمامكم يا رب تكون قدها وهو مداش اى رد فعل وانا نازل امى شافتني ومقلتش ليا حاجة خالص تخيل ان فى ام شايفة ان ابنها بيبعد عنها ومتكلمتش وتانى يوم اختى اتصلت عليل وحاولت تقنعني ارجع البيت وانا قولت لها انا مكنش فى حد هناك ليا غيرك وانتى دلوقتى مشيتى يبقا مليش قاعدة معاهم تانى خليهم يهتمو بابنهم بقا وانا فى الفترة دى كنت قاعد فى شقة إيجار شرك بينى وبين صاحب عمرى لحد ما اشتغلت وقدرت فى فترة 4 سنين اشترى شقة ميلك وافرشها واشتريت عربية بالتقسيط و كمان فتحت عيادة ليا وقررت بعدها انى اتجوز بعد ما شوفت الانسانة الى حبتني بجد بكل عيوبىويوم ما رحت اتقدمت لها رحت ومعايا ابويا بعد ما اختىقالت له وتقريبا متكلمنيش معاه غير واحنا عند اهلها وبعد كده اتجوزنا ومشفتش أهلى غير يوم الفرح زيهم زى اى ناس عادية وانا كنت زعلان بسب ده بس مراتى كانت مهونة عليا وانا لما كنت بشوف حمزة اخويا مكنش بيقف حتى يسلم عليا رغم انى بستنى انو يكلمنى و حتى ابويا مرة شافنى كنت معدى عمل نفسه مش شايفنى انا مش عارف انا عملت ايه خلاهم يكرهونى كده وبعدها بفترة قصير يعنى مراتى كانت حامل بدرى بدرى وخلفت بناتنا الاتنين بس انا قلبى كان مايل ل ملك ومكنتش حاسس بمشاعر خالص ناحية وعد الحاجه الى بتطلبها ملك فى ثانية تكون عندها والحاجة الى بطلبها وعد برضو بجيبها لها على طول بس بجفاء برضو ولما ملك تعبت كنت سهران معاها وخايف عليها ومافيها برضو ولمة وعدت تعبت امها هى الى كانت مهتمية بيها وانا برضو بس على خفيف خالص لحد ما البنات كبرو وبقا عنده7 سنين وفى مرة كنت قاعد على الكنبةبالشورت البيت ومن غير تيشرت علشان كنت راجع من الجيم ملك جت قعدت جنبى. قعدت اهزر معاها والعب لها عضلاتى لحد مانامت فى حضنى فقومو وديتها اوضتها وعديت جنب أوضة وعد وسمعتها وهى نايمة فى حضن مامتها وهى بتقول لها هو بابا مش بيحبنى ليه يا ماما انا لما سمعت الكلام ده فوقت وافتكرت انى كده بكرر نفس غلطة ابويا وافتكرت كل حاجة كانت بتحصل ليا وانا صغير وافتكرت لمة كنت بنام زعلان بسب أهلى وقررت انى مش هخلى بنتى تعيش كده بس مش عارف ازاى ممكن تساعدوني وتقترحو عليا ازى مفروش فى المعاملة بين بناتى وازاى احسبهم فى بعض وهل تصرفي ده ناتج بسبب عقدتى القديمة ولا لا وهل معاملتى لاهلى صح
