- إنضم
- 30 سبتمبر 2022
- المشاركات
- 331
- مستوى التفاعل
- 266
- الإقامة
- كوكب بلوتو
- نقاط
- 333
- الجنس
- ذكر
- الدولة
- مصر
- توجه جنسي
- أنجذب للإناث
➤السلسلة الاولى
➤السلسلة الثانية
ازيكوا يا شباب عاملين ايه طبعا انا عارف اني اتاخرت في كتابة الجزء ده عشان كان عندي امتحانات بس خلصتها من فتره وبعدها كان عندي عسكرية وخلصتها من حوالي اسبوع وبصراحه انا كنت بتعولق في كتابه الجزء ده لاني مكنتش رايق للكتابه خالص وحاسس ان مكنتش عايز اكتب الفتره دي بس انا اديت للناس كلمه ولازم التزم بيها وجيت على نفسي عشان اكتب الجزء ده لان كلمتي سيف على رقبتي لو خالفتها مبقاش راجل ودي نصيحه بوجهها للناس الكلمه اللي بتخرج من بوقك لازم تعمل حسابك انك لازم تنفذها مينفعش تقول أي كلام لان ساعتها مش هتبقى راجل والكلمة اللي بتقولها هتبقى بنفس معنى كلمه طالعه من عيل صغير لانها ملهاش قيمه
حكمة: لا تتعجب من عصفور يهرب وانت تقترب منه وفي يدك طعام له فالطيور عكس بعض البشر تامن بان الحريه اغلى من الخبز.
__________________________________________________
يلا بقى معايا يا عزيزي حضر كبايه شاي او قهوه وتعالى معايا نتخيل مع بعض الاحداث وبتمنى ليك قراءه ممتعه
الجزء الاول : الليل الطويل
_____________________________
خيال وحش البحر عدى من تحت المركب والكل بعد عن حافة المركب
نور مخضوضه: ااااااه
تسنيم مرعوبه: ايه الكائن ده
انا بخوف: ده سيتوس رجع تاني لينا
التعبان الضخم مشي بسرعه للشجره الكبيره على الناحيه التانيه من الكهف
انا: (فجاه حسيت بصداع جامد ضرب دمغي ونزلت على ركبه واحده) اااااااه
نور بقلق: سيف مالك
بس انا مش سامعها ولا شايفها انا لقيت نفسي رجعت تاني لقريه الفانتي وشايفهم بيجروا يستخبوا وشايف السماء مغيمه وبتمطر وبرق ورعد شغال والمياه بدات تهيج
اوقزهال بخوف: مش ممكن ...
وسيتوس فجاه طلع من المياه قدام القريه وبيزار بصوت مرعب
سيراكسا بعصبية: حارس البحر بيعمل ايه هنا
اوقزهال بخوف: انا ....
وبدات صواعق تظهر في بق الوحش
فانتي 1: احذروا
فانتي 2: اهربوا
وضرب الوحش صاعقه على القريه واتسببت ان الخشب بقى طاير في كل حته
سيراكسا: اوقزهال اطلع لفوق بسرعه لازم تروح للاليشار
اوقزهال: وانتي هتعملي ايه
سيراكسا: هحاول احافظ على الوضع على قد ما اقدر, روح انت يلا
اوقزهال بقى بيجري وسط الفانتي اللي بيهربوا وغمض عينه وبدا يتكلم
اوقزهال في سره: ارجوك .. يا حافز .. لو سامعني ... لو انت قدرك تنقذ شعبنا ... ارجوك ترد .. عليا
وفجاه لقيت نفسي تاني على المركب وشايف الباقي واقفين وبيتفرجوا على المشهد المرعب قدامهم
تسنيم: يا نهار اسود
خالد: ده ولا كانه بيمثل عاد لينتقم انتوا فجرتوه بس رجع تاني عشان ياخد حقه
معتز: يبقى شكله عايز تاني
شريف بخوف: لا ده شكله غضبان
خالد: طب هو ليه بيهجم على الفانتي
نرمين بعصبية: مش عارفه ومش مهم بس خليك فرحان انك مش على الشجره دي دلوقتي
سلمى: احنا لازم نبعد عن المكان ده على قد ما نقدر
المركب بتبحر للناحيه التانيه من الخليج بعيد عن القريه والكل بقى في حاله صمت
انا: احنا لازم نساعدهم
ندى: انت عايز ترجع تاني
احمد: انت مجنون
مريم بعصبية: حتى لو معتبرناش ده انتحار رسمي, انت نسيت ان الناس دي حكموا علينا بالحبس مدى الحياه
علي بعصبية: وده بس عشان مقدروش يعدمونا
انا: مش كلهم كرهونا, الراجل العجوز حاول يساعدنا, وكمان في ***** عايشين هناك
خالد: وفارين شخص كويس وطيب, هو مقدرش يساعد في اللي امه عملته فينا
ندى: يا جماعه سيف معاه حق احنا منقدرش نلومهم كلهم
علي: للاسف مع اني كاره اقولها بس سيف بيقول كلام منطقي جدا
ندى: الفكره احنا في ايدينا ايه نعمله
شريف: انا معرفش الفكره كلها مخبوله بس دي ارواح ولازم نحاول ومهما حصل هنساعد, انت عارف انا معاك يا سيف
خالد: وانا كمان
نور: لو انت رايح يا سيف يبقى انا كمان جايه معاك (على قد ما انا يا عزيزي مش عايزها تيجي وخايف عليها جدا بس للاسف انا كده اناني واللي انا مقبلش انها تعمله المفروض مقبلوش على الباقي لانها مش احسن منهم في حاجه يمكن بالنسبه ليا هي مقربه جدا لقلبي بس بالنسبه للباقي هي مش احسن منهم وانا محتاج الكل معايا لان انا مش خارق عشان انقذ الناس دي لوحدي او انا والرجاله بس حتى انا محتاج الكل معايا يمكن يحصل فارق)
سلمى: انا عايزه اخدها جري وافلق بس للاسف انا معاك
مريم: طبعا الطيار هيشترك دلوقتي
معتز: انا, المسرحيه دي بتاعت سيف انا بس هشارك فيها
والكل بدا يبص لبعضه بيحاوله يجمعه شجاعه من بعض
انا: يا جماعه مش لازم الكل يجي اللي عايز يروح حته امان انا معنديش مشكله انا مقدرش اجبرك تساعد ناس انت حاسس انهم ميستهلوش بس انا بالنسبه ليا شايف انهم يستاهله مش كلهم بس في ناس تستاهل وعشان كده انا عندي استعداد اموت وانا بساعدهم زي ما انا عندي استعداد اموت وانا بساعد اي حد فيكوا هي موته يعني ولا اكتر
خالد: بلاش السيره دي بقى عشان مبحبهاش
حسن: يعني احنا هنساعد الناس
احمد: الواضح كده
تسنيم: انتوا اكيد بتهزروا انتوا كلكوا مجانين, ممكن تكون بتتمنى الموت بس انا مش هرمي نفسي للتهلكه
انا: كل اللي محتاجه منك انك تقربينا وبس اعملي اللي عايزاه
تسنيم لفت المركب ناحية شط قريب للشجره ونزلنا في المياه والامواج بتعلى اكتر ونزلنا كلنا ماعدا شخص واحد
انا: نرمين
نرمين لسه على مركب تسنيم ومش عايزه تبص في عيني
نرمين: انا مقدرش, في حاجات كتير على المحك بالنسبه ليا وانا مقدرش امشي قبل ما اوصل للي انا عايزاه
تسنيم: على الاقل في حد فيكوا عاقل
انا: نرمين انتي احسن من كده, انا قابلتك من اسبوع فات بس اللي عرفته انك عمرك ما هربتي من حاجه بس برضو بقولها تاني اعملي اللي انتي عايزاه (طبعا يا عزيز مستغرب انا ليه قلت كده مع اني في البدايه قلت اللي عايز يمشي معنديش مشكله بس نرمين واحده من الناس اللي محتاج مساعدتها لانها بسبب ذكائها ورد فعلها السريع وخبرتها القتاليه اللي معرفش جابتها منين في السن ده وقلت اخرى كلمتين دول لسببين عشان مبقاش كسرت كلامي وكمان عشان احط جواها تانيب الضمير وانا عارف انها هتختار في الاخر انها تيجي)
انا لفيت ومشيت ناحيه الشط وسبتها
نرمين: ( فضلت تفكر شويه) استنى انا جايه
انا ابتسمت بسيط من غير ما الف وشي ولقيتها نطت من المركب وبتجري علينا
تسنيم: حتى دي طلعت مجنونه
نرمين: سيف انا جايه معاك
انا ابتسمت: كويس عشان احنا هنحتاجك
نرمين: اكيد
مركب تسنيم لف وبدا يبعد وشاورت لينا سلام وقالت بصوت عالي
تسنيم: انا بتمنى ليكم التوفيق بس انت مش هتقدر تنقذ الكل
شريف: يبقى هنموت بنحاول
انا: شكرا يا بنت الفقريه انا مبحبش جمله الامتحانات دي
تسنيم: سلام يا شهداء
انا: فولي اكتر ما هي ناقصاكي
والمركب بتاعتها اختفت في الضباب
والكل بيجري ناحية الشط نور مسكت ايدي وشدتني لورا
انا: في اي ....
خدتني في بوسه جامده وبتضمني عليها جامد اوي كانها خايفه اهرب منها
نور: عشان خطري خد بالك من نفسك انا محتجاك
انا: متقلقيش كلنا هنطلع منها سلام وكمان عايزين نكرر الليله اياها تاني ايه موحشكيش اوضتي
نور: بصتلي وخدودها احمرت واتكسفت جامد
خدتها بوسه سريعه وجرينا نلحق الباقي ووصلنا لقاع الشجره وسامعين صراخ الناس فوق
شريف: يلا بينا على السلم
وطلعنا على السلالم جري واول ما وصلنا لفوق شوفنا سيراكسا بتحرك الجنود
سيراكسا: للاسانسير بسرعه
والفانتي شافونا
فانتي 1: المحفزين هنا
فانتي 2: مستحيل
الجنود اتجمعوا حوالينا وطلعه اسلحتهم
سلمى بقلق: شفت عشان كده كنت بقول لازم نمشي
معتز متعصب: اهدوا يا جماعه احنا هنا عشان نساعد
سيراكسا بعصبية: ازاي هربتوا من جزيرة اسنان القرش
مريم: طلبنا اوبر, انتي يفرق معاكي في ايه
فانتي 3: دي غلطتهم هما اللي استعدوا سيتوس عشان يدمر اليستيل
فانتي 2: ودلوقتي جايين عشان يخلصوا علينا
نور: لا احنا ...
فانتي4: احنا كان لازم نقتلهم لما كان عندنا فرصه
سيراكسا بعصبية: لسه عندنا فرصه
سيراكسا طلعت الخنجر بتاعها
سيراكسا بعصبية: انتوا جبتوا الخراب لشعبي ... بس انا اقدر اجيب الخراب ليكوا
نرمين بعصبية: طب ورينا
فارين جه بسرعه يشوف التجمع ووقف لما شاف اللي بيحصل
فارين متفاجئ: خالد
خالد مبتسم: ازيك يا فارين بقالي مده مشوفتكش
سيراكسا عملت اشاره والفانتي بداه يقربوا علينا اكتر وبيوجهوا اسلحتهم لينا ولكن سمعت صوت فوق, كان واحد من الفانتي ماسك قوس ليلى ضربته من ضهره ووقعته ومسكت القوس ووجهته على دماغ سيراكسا
ليلى بعصبية: ارجعي لورا يا وليه
سيراكسا ابتسمت باستهزاء ورفعت ايدها وقفت الفانتي
سيراكسا مبتسمه: انا كنت خايفه تخلوا الموضوع ده سهل
ندى: ليلى انتي بتخلي وضعنا اسوء
ليلى: انا اسفه يا ندى بس انا مقدرش اخلي حاجه تحصل للمجموعه بتاعتي
اتنين من الحراس قربوا عشان يحموا سيراكسا ولكن هي بعدتهم
سيراكسا: ميهمكوش البت الهبله دي متعرفش تستخدم ....
وسهم عدا من جنب دماغ سيراكسا وقطع ضفيره من ضفاير شعرها
ليلى بعصبية: كملي كلام لو عايزه اعملك قصه جديده
معتز بيهمس: لو ليلى قتلت دوناتيلو دي احنا كده بنثبت ليهم اللي هما بيفكرا فيه
انا: ارجعي يا ليلى
ليلى: لا يا سيف انا مقدرش ارجع
سيراكسا بعصبية: انتوا هتفشلوا في مهمتكوا دي بس ممكن تضحية من المحفزين تكبح غضب سيتوس
الفانتي اتجمعوا علينا ومسكونا كلنا
فارين: سيراكسا وقفي الجنان ده
سيراكسا بصعبية: لا احنا لازم نصلح غلطة امك قبل ما يفوت الاوان
حسن: احييييه
ندى بخوف: نعمل ايه
انا ببص حواليا وكل اللي شايفه هو رماح وسهام متوجهه لينا
انا: (مش عارف افكر من التوتر) انا ....
عيل: ازيك يا حافييز
ال*** الصغير اللي شفته قبل ما نمشي لقيته عدى من وسط الجنود وبيسلم عليا
سيراكسا متفاجئة: تاري انت بتعمل ايه, امشي من هنا بسرعه
تاري: ليه انا كنت عايز اسلم على الحافييزيون, (ابتسم) وجبت النبله بتاعتي عشان اضرب سيتوس (كلمني) عجباك
تاري رفع نبله معملوه من الخشب وبيفرجني عليها
انا مستغرب: ااااا
معتز مستغرب اكتر: اها يابني دي جميله
حسن مبتسم: دي جامده جدا
سيراكسا بحزن: تاري انت لازم تمشي
تاري: ليه
سيراكسا: عشان خطر
تاري مبتسم: متقلقيش الحافييزيون هنا عشان ينقذونا
وبص للجنود اللي ماسكين رماح علينا
تاري بعصبية: انتوا بتلعبوا يا جماعه الشرير اهو
تاري جري برا الدايره ورافع النبله
انا وسيراكسا بصينا لبعض وشاورت للجنود ينزلوا اسلحتهم
سيراكسا: انا قائد الحرب هنا وتعملوا زي ما هقول لما اقول, (اتعصبت) اي حركه غلط وانا هرميكوا لسيتوس بنفسي واضح
معتز بخوف: جدا
سيراكسا: ورايا الدفاعات بتاعتنا من هنا جه الوقت اللي اشوف فيه ازاي هتتعاملوا في ساحة المعركه,( ابتسمت) الحاجه الحلوه في المعركه انها بتكشف الشخص على حقيقته
انا مشيت مع الفانتي وطلعنا على سلم حوالينا لشجره في المستوى اللي احنا فيه كان في منجنيق بيحدف صخور مولعه على سيتوس بس سيتوس مشغول بالضرب على الشجره من فوق ومسك جزع كبير من الشجره وشده بسنانه كسره ووقع من عليه جنود كتير ماسكين سهام
انا: سيراكسا احنا رايحين فين
سيراكسا: وحش البحر بيهجم على اعلى نقطه في المدينه
فارين بحزن: امي فوق انا مش هسمح انها تموت والباقي بيجري عشان يهرب
نور: هو ليه سيتوس بيعمل كده
سيراكسا: احنا مش عارفين
فارين: سيتوس كان دايما بيغرق القوافل اللي بتلف بعيد عن الجزيره بس عمره ما هاجم اليستيل قبل كده
نرمين: يعني دي اول مره لكل حاجه
انا: بيقى واضح احنا عايزين نعمل ايه لازم نعرف هو هنا ليه
علي بصعبية: وانت بتخطط تعرف ده ازاي هعمل لقاء معاه
ندى: لا سيف معاه حق انا قصدي بس على شكله ده مستحيل يتقتل, كل حاجه ليها علاقه بالبيولوجي لو عرفنا السبب هنعرف ايه التاثير (طبعا انا عارف ان الموضوع بقى كليشيه اوي كل شويه سيف معاه حق بس اعمل ايه يا عزيزي سيف مبيغلطش ههههه)
علي: اااا هو ده كان قصدي بالظبط
فارين: يبقى نطلع للقمه مكان ما بيهاجم ونعرف هو عايز ايه
تاري: الاسانسير في الناحية التانيه من المدينه تعالوا ورايا
سيراكسا بعصبية: تاري روح للتلال مع بقيت ***** ده امر
تاري بعصبية: لا انا عايز اقاتل
طلع قدامنا بسرعه مع النبله بتاعته
شريف: ده هياذي نفسه
انا: ده كده هيموت نفسه
سيراكسا: اهله كانوا صيادين وفي يوم العاصفه بعدتهم بعيد عن الجزيره
انا: سيتوس قتلهم ؟
سيراكسا هزت دماغها بايوه
نور بحزن: يعني هو ملوش اهل
سيراكسا بعصبية: لا احنا هنا كلنا اهله و بصي.... حاسبوا
فوقينا سيتوس خلع جزع كبير تاني والجزع واقع ناحيتي والجنود بعدوا عن الطريق
نرمين: اجروا
الكل نط بعيد عن الطريق واحمد شال سلمى في ايده وجري بيها في حته امان والجزع وقع على الحته اللي كنا واقفين فيها بالظبط
سلمى: هار اسود ثانيه كمان وكنا روحنا في داهيه
هي لاحظت ان احمد شايلها وهي لافه دراعها على رقبته
احمد: انا ....
سلمى: انت .....(اتعصبت) نزلني حالا
احمد: دي غلطتي متقلقيش محدش شافنا
مريم: انا متاكده ان هو شافنا
وكانت بتشاور على سيتوس وهو باصص لينا من فوق
سيراكسا: بسرعه اقفوا على المنجنيق
احمد وسلمى ومريم جريوا على واحد وعلي وندى وانا جرينا على واحد
وفارين وسيراكسا وقفوا على واحده وبيشرحوا لينا نعمل ايه
انا: اضرب
والصخره طارت ولبست في دماغه
سلمى: كويس ده دورنا خلينا نوريهم هنعمل ايه
وعمله زينا بالظبط ولبست في دماغه واحمد خد سلمى ومريم في حضن جماعي وسلمى ومريم ضربوا كفهم في كف بعض ووقفوا محرجين
انا: يابني كفايه تلزيق انت بتلزق في اي نتايه وخلاص
احمد بص على سيتوس اللي بيهز دماغه من وجع الصخره
احمد: ايه عايز تاني
وسيتوس بدا يطلع صواعق من بقه
احمد بخوف: الحقوني دي هيفشخني
انا: استخبوا بسرعه
وبدات الصواعق تزيد في بقه وضرب صاعقه علينا وضربت المجانق واتدمرت كلها
حسن: احاااااا
سيراكسا: في مجانق تانيه لازم نفضل نضرب عشان نعرف نوصل لفوق
ندى: احنا هنكلم انتوا اطلعوا يا جماعه
احمد: ايوه احنا هنحمي طيازكوا
مريم: على ما اتذكر يا احمد وانت في تانيه جامعه مكنتش بتعرف تحمي طيزك انت
احمد: ده كان تحدي
انا: على ما اظن هي كانت هحمي ضهركوا باين ولا انا معنديش خلفيه ولا ايه
فارين: يلا يا جماعه الاسانسير من الاتجاه ده
فارين وسيراكسا خدونا لمكان اسانسير كبير
سيراكسا: يلا يا جماع هاطلعوا بسرعه ده هيوصلنا قريب للقمه
واحنا طالعين انا شايف المعركه شغاله
ليلى: الاسانسير ده جامد
نرمين: ازاي شايلنا كلنا انتوا بتستخدموا ايه كوزن عكسي
فارين شاور على كمية سفن كتير مطبقين ومربوطين في اخر السلسلة
فارين: في سفن كتير بتدمر بسبب سيتوس وبتتجمع هنا
وصلنا للقمه وبقينا في مستوى راس سيتوس وشايفينه وهو بيكسر جزوع شجره
فارين: تعالوا احنا هنلف حوالين الجنب ده عشان نبعد عن ...
فارين بخوف: تاري
سيراكسا بصت وشافت تاري بيجري ناحية سيتوس
سيراكسا: لاا
انا بخوف: ده بيعمل ايه
تاري: يا قبيح الوجه
تاري ضرب بالنبله عليه وجت في دماغه
تاري بعصبية: ابعد عن صحابي
وسيتوس بص ناحية تاري بسنانه الحاده وصواعق في بقه
سيراكسا: لاااا
انا: تاري ابعد
وجريت عليه مسكته ونطيت بعيد عن الطريق في نفس الوقت اللي سيتوس عض فيه الخشب مكان ما تاري كان واقف وانا شيلت تاري وجريت بيه بعيد عن سيتوس
تاري مبتسم: انتي شوفتي يا سيراكسا الحافيز انقذني
تاري بصلي وهو مبتسم: انت بطل انا عايز ابقى زيك لما اكبر (انا يا عزيزي اتفاجئت من ردة فعله واثر فيا حسسني ان ليا لازمه وان قراري اني ارجع انقذهم كان صح)
سيراكسا بخوف: انت غبي غبي اوي
تاري عيط: انا اسف يا سيراكسا
هي خدته في حضنها جامد وبصتلي
سيراكسا: انت انقذته
انا: شكلك متفاجئه
سيراكسا: عشان انا متفاجئه, بس ... شكرا ليك لو نجينا من الحرب دي انا هردلك الجميل
انا: مش لما نعيش الاول
واحنا بنتكلم سيتوس كان ضاعف هجماته على قمة الشجرة
فارين: الحارس بيحاول يوصل لاوضة العرش
سيراكسا: الاليشار جوه صح
فارين بحزن: انا بتمنى, انا عمري ماشوفت سيتوس بيعمل كده بالشكل ده
احنا مش هنعرف هو عايز ايه لو مدخلناش جوه اوضة العرش
انا: احنا لازم نشغله
فارين: تعالى انا عندي فكره
ووداني ناحية طيارة بتمسك فيها وتطير بيها من مسافات عاليه لحد الارض
فارين: دول اتعملوا عشان حرب الثلاث قبائل عن طريقها بيطير المحاربين فوق كوارتيل ف يظلام الليل وبيرموا ...ااا...
خالد: قنابل
فارين: ايوه هي دي قنابل نار
معتز: اشطا جدا دول هياثروا فيه اكيد
معتز راح ومسك الطياره وبيتاكد انها كويسه
معتز: يعني معقوله وواضح انها بتشيل اتنين واحد هو اللي يتحكم والتاني يرمي القنابل
مريم باستهزاء: يا راجل تصدق مش واضح انها تشيل اتنين خالص
معتز: القائد بتاعنا كان بيقسمنا اتنينات وبنفضل فرقه مع بعض دايما
فارين: الطيارات دي صعبه التحكم فيها وحساسه جدا وبتحتاج من المحارب سنين من التدريب ....
معتز بيضحك: متقلقش يا سيادة السنفور انا بس محتاج مساعد معايا (وبيبصلي)
شريف: وانا كمان هاخد واحده
حسن: يبقى يلا بينا
معتز: يبقى كده هما محتاجين مساعده ياريت تجهزوا كفنين
وبعد دقائق كنت مربوط بحبل في عمود في الطياره ومعتز مربوط في عمود تاني فوقي بشويه
معتز: جاهز
انا: ودي اجهز ليها ازاي يعني اصوصو ولا افرد جناحاتي
معتز: انا راجل غبي ان سالتك معلش استحملني
جنبي طيارتين تانين واحده فيها شريف وحسن والتانيه فارين وخالد
حسن: تمام ازاي نطير بقى
انا: استنى افتكر شفرة طيران جاتا, ايه يا حسن السؤال ده انت كمان مش كفايه مستحمل المتخلف التاني
معتز: وايه دخل المتخلف
انا: مجبتش حاجه من عندي اهو واضح كل حاجه
فارين: هتقف على الحافه وتنط في الهواء بس كده
انا: اهو مش محتاجه حاجه يعني
خالد بخوف: حد تاني حاسس ان ابتدى يجيله فوبيا مناطق عليا
انا بصيت من الحافه وارتفاعنا عالي جدا
انا: ده احنا هنتدلع
معتز: 1 .... 2 ..... 3 هوب
والطياره سنها متوجه للارض
انا: ده احنا شكلنا هنتناك
معتز: يلا بقى
انا: عايز تتناك
ومع السرعه الاجنحه مسكت الهواء واترفعت لفوق
معتز: بيضحك ايوه كده, احاااااااااا
سيتوس ضرب صاعقه علينا ومعتز ميل يمين جامد عشان يفلت منها
طياره فارين طايره قريب مننا
فارين: كويس جدا انا منبهر ممكن لو تدربت باجتهاد لسنين كتير توصل لمستوايا
معتز: بجد طب اديني خمس دقائق
انا: متبطلوا جو محي اسماعيل ده انت وهو وركزوا
خالد: يا جماعه حد فيكوا شايف ....
وفجاه لقينا طياره عدت بسرعه من جنبنا وبتتهز جامد وبتروح في اتجاهات كتيره وخارجه عن السيطره
حسن برعب: ياااالهوييييييييييي
شريف: الحقونييييي
انا: نهار اسود دول هيحصل حاجه من الاتنين يا هيقعوا ويموتوا يا هيدخلوا في سيتوس ويموتوا برضو
معتز: انا قلت حضروا كفنين
حسن: خلاص انا ابتديت افهم شويه
شريف: انت مش فاهم حاجه يخربيتك
سيتوس ضرب صاعقه على فارين وخالد وفارين هرب منها بسهوله
خالد بخوف: انا بعمل ايه هنا انا كان زماني في بيتي لابس جلابيه وبتفرج على توم وجيري
والطيارات بتاعتنا بتقرب على سيتوس اكتر
فارين: القنابل موجوده في جيب عند الجناح ارموها على سيتوس لما نعدي من فوقيه
انا حطيت ايدي في الجيب وطلعت كوره خشب ورميتها على سيتوس بس هوا العاصفه بعدها عنه ونفس الموضوع حصل مع خالد
انا: الهوا جامد مش هنعرف نصيبه
معتز: طب جرب انت يا شريف
شريف حدف الكوره وبرضو مجتش
شريف: مش هتيجي لازم نقرب اكتر
حسن: انت عايز تقرب للبتاع ده
انا: معتز تعرف تقربني ولا ايه
معتز: ماشي بس هناخد كام لفه كده وعايزك تركز معايا وتعمل زي ما بقولك عشان وزنك هيساعد اننا نفلت بسرعه
انا: ماشي يلا بينا
ومعتز وجه الطياره ناحية سيتوس بالظبط وسيتوس بدا يضرب علينا صواعق ومعتز بيقولي اروح يمين او شمال او تحت وهكذا وفلتنا من كل الصواعق
شريف: دول مبيقفوش
خالد: خمسه وخميسه في وشك عيل ابن ميتين كلب, خش يلا يا سيف
معتز: بس كده قربنا افقعه قنبلتين
انا: استنى انا هخليه يشوف الجحيم دلوقتي
وفتحت الجيب اللي فيه القنابل وكل القنابل نزلت عليه مره واحده وكلهم ي دماغه وبينفجره واحده ورا التانيه
حسن: افشخوه
وسيتوس بيتالم جامد وبيصرخ معتز قرب من دماغه اكتر وكان على دماغه زي قرن استشعار واوله من فوق مدور ومنور جدا بنور عالي شوفت جوده الدايره دي تمثال زي التماثيل اللي لقيتها وكانت لراجل واقف وماسك سلستين في ايده والسلاسل ملفوفه عليه بس مش مربوط يعني مش لازقه عليه في مسافه بينها وبين جسمه وحسيت كان الوقت بطء وانا ببص عليى التمثال ومش سامع صوت معتز بيتكلم بس سمعته في وقت متاخر
معتز: خش شمال شمال يلا
وسيتوس ضرب صاعقه علينا وجت في جناح الطياره والجناح ولع
انا: اغيثونا الحقونا
معتز: احنا لازم ننزل من الطياره
ومعتز قرب من دور من ادوار اليستيل وفك الحزام بتاعي وبتاعه ووقعنا مسافه صغيره لغاية ما نزلنا على الارض وقعدنا نتدحرج لغاية ما وقفنا والطياره اتكسرت وولعت كلها
انا: معتز انت كويس
معتز: تمام تمام
وسيتوس ركز مع شريف وحسن وهما لسه برضو مش قادرين يسيطروا على الطياره كويس
حسن: شريف انا مش شايفه هو فين
شريف: ده حوالينا فعليا
وحسن اكتشف انهم شبه طايرين في بق سيتوس وهو وراهم بيحاول ياكلهم
شريف: كمل لقدام بسرعه
حسن: يالهويييييييي
وخرجوا من بق سيتوس قبل ما يقفل عليهم
حسن: ابعده من ضهرنا يا شريف احدف عليه قنابل
شريف: عملت كده
وحسن بص على الجيب لقاه فاضي والاتنين بصوا على سيتوس
شريف: ابلع يا ابن العرص على اللوبي يلا
والانفجارات اشتغلت في بق سيتوس وهو بقى بيصرخ ودخان طالع من بقه ووقع بجسمه ناحية الاسانسير اللي في الشجره والدور ده اتكسر وسيتوس اتحبس بسلاسل الاسانسير وبيحاول يفك نفسه بس الكتله الحديد اتعلقت في جزع الكبير وحركة سيتوس بقت محدوده وشريف وحسن خبطوا في دور من الادوار اللي تحتينا وبيتكلموا
شريف: يا جدعان كملوا احنا جايين وراكوا
فارين: يلا يا سيف دي فرصتنا
انا: يلا للاوضه
دخلنا جوه ولقيت الملكه ومعاها اوقزهال وكام واحد
اوقزهال مبتسم: المحفزين هنا كده احنا هنبقى في امان
معتز: احنا لازم نفضي الاوضة دي قبل ما الوحش ده يتجنن اكتر من كده ويقتل الكل
الملكه زيمادرا (الاليشار): للاسف مش هنعرف نخلي القريه عشان الناس اللي فيها يا اما كبار جدا يا اما صغيرين يا اما مرضى
زيمادرا: يا محفزين, قائد الحرب قالتلي انكوا قاتلتوا مع الفانتي جنب لجنب عشان تحموا اليستيل
نرمين: احنا هنا عشان نساعد
زيمادرا: وانا ممتنه لده بس دلوقتي احنا عايزين حلول عشان نخفف غضب حارس البحر
انا: في الحقيقه انا عندي فكره, سيتوس عنده تمثال في القرن اللي فوق دمغه جوه الدايره المنوره
اوقزهال: ايوه كده انا فهمت, انت فاكر الطقوس اللي عملتها في المحكمه دي كانت المفروض تربطك وتصولك للفالتا ( التماثيل ) وطالما الوحش معاه تمثال يبقى الطقوس دي شدته للمكان هنا
وشاور على التماثيل اللي جمعتها محطوطه جنب كرسي العرش
ليلى: يعني هو بيجري ورا التماثيل
وهما بيتكلموا انا لاحظت ان نور داخت شويه وسندت على حيطه ووطت للارض وقعدت رحت ليها انا ومريم
انا بقلق: مالك يا نور حاسه بايه
نور: حاسه ... اني دايخه شويه
مريم قاست نبضها
مريم: نبضك بطيء اوي يا نور
نور: انا كويسه ... (بتحاول تقوم تقف بس مش قادره)
انا: طب خلاص خليكي قاعده هنا وريحي متتحركيش ابوس ايدك
نور: انا مش هستسلم يا سيف مش هستسلم
انا: انا عارف ومش بقولك تستسلمي انا عايزك تفضلي تقاومي وعشان كده لازم ترتاحي عشان تقدري تقاومي
نور هزت دماغها بموافقه وفضلت قاعده
سيراكسا: احنا لازم نعمل خطه استراتيجيه
انا: شايف اننا ناخد التماثيل دي ونبعدها عن هنا حد يركب طياره وزلاجه ايا كان ويروح بالتماثيل بعيد عن هنا
معتز: بالظبط وساعتها الوحش هيمشي من هنا
شريف: بس اللي هيعمل كده ممكن يموت
فارين: طبعا لا احنا معندناش غير زلاجه واحده بس اللي سليمه وقدامه اصلا, مستحيل كلنا نطلع عايشين
اوقزهال: احنا لازم نحاول المهم دلوقتي هي التماثيل هي المقتاح عشان نلاقي اللانهائي
سيراكسا بعصبية: انا مش شايفاك متطوع يعني يا اوقزهال
زيمادرا: اوقزهال عنده حق
فارين بزهول: اييه....
زيمادرا: التماثيل هتوجهنا للعراف بتاعنا اللانهائي, ومن غيرهم ممكن مننجوش من رانلوستي وبالتالي مينفعش نتخلى عنهم, خلي عندك ايمان احنا هنوصل للزلاجه
وبعد التجهيزات خرجنا من الاوضة عشان نواجه سيتوس وفارين خد ساتر جنبي
فارين: احنا لازم نتحرك في الخفى لو سيتوس شافنا ممكن يدمر الزلاجه
خالد: انا جاهز
انا: انت متاكد يا خالد
خالد كان ماسك شنطه وفيها التماثيل
خالد: عيب عليك
معتز: انا هخرجه من هنا صاغ سليم
انا: انا مش قلقان غير منك انت
فارين: يلا بينا
انا: ماشي 1 .... 2 ....
ليلى مستغربه: دي رايحه فين
ليلى كانت بتشاور على حد ماشي ورايح على حافة المدينه وكانت زيمادرا
زيمادرا: اسمعني يا حارس البحر
زيمادرا مسكت قوس وضربت سهم على سيتوس جه في جنبه ويادوب خدش قشرته
فارين: امي ( وقام عشان يروح عليها )
انا: فارين متروحش
فارين: دي في خطر
انا بحزن: انا عارف
نرمين بحزن: دي بتشغله عننا
زيمادرا ضربت سهم تاني عليه
زيمادرا بصوت عالي: اسمعنييييي
وسيتوس بص ناحيتها وبدات صواعق تنور في بقه
معتز: احيييه احنا لازم نجري بسرعه
معتز وخالد جريه ناحية الزلاجه وفارين راح جري على امه
فارين مرعوب: امي
زيمادرا بصت لفارين وشاورت ليه يقف واتكلمت
زيمادرا: انت كان عندك حق يا ابني مستحيل كلنا نعيش
فارين: لا استني (وبيجري باسرع ما يقدر)
زيمادرا: الناس هتتطلع ليك دلوقتي يا ... اليشار
وصاعقه اضربت على زيمادرا واتعمينا كلنا ولما رجعنا نشوف تاني كانت زيمادرا مرميه على الارض
فارين: لاااااااا ( فارين راح عندها ومسكها وخدها في حضنه وهي يادوب بتتنفس وعنيها بتقفل)
فارين بحزن: امي ارجوكي انا مقدرش ابقى اليشار انت لازم تقودينا من اللي احنا فيه ده (ورايح ايده على السلسله الزرقاء على رقبتها ولكن مسكت ايده وحركت راسها براحه)
زيمادرا: بعض ... الاختيارات ... لازم ... تتحقق (وماتت وفارين بيعيط على فراق امه ووحش البحر واقف وراه)
وصوت حصل شغل سيتوس وبص عليه كان معتز وخالد طايرين ناحية نص الجزيره
معتز: نجحنا
خالد بص وراه بحزن على فارين وهو ماسك جثة امه في ايده
نرمين: نجحه دلوقتي بقوا في امان
سيتوس بعد نظره عن فارين وبيبص على خالد ومعتز, وفجاه حسيت بطاقه في الهواء وشعري ابتدى يقف
ليلى: انتوا حاسين بده
سيراكسا: دي مصيبه
وقدامي شايف طياره معتز طايره وفي اعصار نزل من السماء ناحيته
معتز: احاااااااا
نرمين مصدومه: هو البتاع ده عمل اعصار من مفيش
سيراكسا: ايوه ... سيتوس هو العاصفه
هوا الاعصار بقى بيحرك طياره معتز ورجعها تاني ناحية سيتوس
خالد: احيييه احييه
انا جريت على فارين
انا: فارين احنا لازم نعمل حاجه سيتوس بيرجع خالد ومعتز
ليلى: احنا لازم نلحقهم
فارين بحزن: ازاي انا مقدرتش حتى انقذ امي
انا: انت عايز موتها يكون على الفاضي, (اتعصبت عليه وبكلمه بحزم عشان يفوق) زيمادرا ضحت بحياتها عشان اللي احنا عملناه وانت سايب كل ده يبوظ مينفعش تسيب ده يحصل
نرمين بحزم: وكل الناس اللي حواليك وواثقين فيك هيدفعوا الثمن
فارين اتعصب وباس دماغ امه ونزلها على الارض وقام وبص على الوحش اللي اتسبب في موتها
فارين: انت هتدفع الثمن ( وقعد يبص حواليه عشان يلاقي فكره )
فارين: احنا لازم نضعفه باي طريقه
وشايفين طياره معتز بتقرب من سيتوس اكتر
ليلى: بس ازاي المنجنيق اتدمر والقنابل خلصت احنا معناش اي حاجه قويه كفايه تاثر عليه
فارين: احنا معناش بس هو معاه (وبيشاور على سيتوس)
نرمين: بس هي دي نستخدم الكهرباء بتعته عليه
انا: يبقى نستخدم السلاسل الحديد هو لسه مربوط بيهم لما خبط في الاسانسير
نرمين: والحديد موصل جيد للكهرباء
انا: مس نرمين بتاعت العلوم انا مشفتكيش من خامسه ابتدائي
نرمين: يخربيت خفة دمك
ليلى: انت عبقري يا سيف
فارين: هي دي الخطه احنا نخلي سيتوس يضرب الوزن بصاعقه والكهرباء هترد فيه, بس مفيش غير حاجه واحده بس هي اللي تجيبه لينا والحاجه دي مع خالد
انا: بس هنجيبهم ازاي وخالد فوق ومفيش زلاجات تاني
فارين: مفيش زلاجات سليمه باقيه
طلع على الزلاجه اللي كنت راكبها انا ومعتز وفيها خرم في جناح من جناحتها
انا: انت مجنون انت مش هتعرف تناور بيها
فارين: هي هتستحمل لوقت كافي ممكن تكون صعبه في التحكم وانا شايل الكيس بس انا لازم اعمل كده
انا: خلاص يبقى كويس انك مش هتبقى لوحدك
وطلعت وراه وربط نفسي في العامود التاني
انا: انا هجيب الكيس وانت طير
نطينا والطياره مسكت الهوا بس بتترج بسبب الخرم اللي في الجناح بس عرفنا نوصل لمعتز وخالد
معتز: انتوا بتعملوا ايه؟ انتوا كنتوا عارفين ان البتاع ده بيعمل اعاصير؟
انا: خالد احدف ليا الكيس
خالد: ايه ليه؟
انا: مش وقته بميتين امك احدف بسرعه
فارين: عندنا خطه احدف الكيس
خالد حدف الكيس
خالد: خد بالك من سيف يا فارين ده اخويا مش صاحبي
فارين رجع بالطياره لايليستيل وسيتوس شافنا وابتدا صواعق تظهر في بقه تاني وبيجهز عشان يضرب صاعقه علينا
انا: اهو باصص علينا يبقى الخطه ناجحه
فارين: احنا لازم نوصل للوزن المربوط في السلسله
سيتوس ضرب صاعقه ورا التانيه ورا التالته ومتواصل وفارين بيفلت منهم كلهم بصعوبه
فارين: خلاص ... قربنا نوصل
وسيتوس ضرب صاعقه كمان بس فارين لحق يعدي من ورا الوزن والصاعقه ضربت الوزن وسيتوس اتكهرب وبيترعش جامد وبيصرخ بصوت عالي جدا ووقع في الاخر وراسه وقعت على مبنى من المباني وانا وفارين هبطنا على الارض
سيراكسا بعصبية: انتوا اصبتوا التعبان بس هو لسه عايش
انا بعصبية: طب بصي هناك كده
وبشاور ليها على التمثال اللي في راس قرن سيتوس
سيراكسا: انا هنزل على دماغ الوحش واقطع الكوره اللي في قرنه دي
انا: خلاص يبقى روحي هاتي جائزه انتصارنا
سيراكسا ابتسمت بحماس ونطت على دماغ سيتوس ومسكت قرنه من الطرف
سيراكسا: ده شيء يشرفني
وطلعت الخنجر بتاعها وقطعت القرن ولما قطعته التمثال وقع من الكوره اللي كان فيها وبيقع من على دماغ سيتوس
انا: لاااااااا
وجريت على التمثال بس ملحقتش اوصل ليه ووقع من على دماغ سيتوس ورايح اتجاه المياه
انا: محدش يجي ورايا
ليلى: استنى يا سيف رايح فين
وانا كملت جري ونطيت من على الحافه والمسافه عاليه اوي ومش حاسس بوزني خالص
نرمين بخوف: انت بتعمل ايه يا مجنون
انا: خلاص قربت كمان سنه (وشايف نفسي بقرب للتمثال اكتر واكتر ومسكته بطرف صباعي قبل ما انزل في المياه)
لقيت الدنيا نورت زي كل مره وصحيت في اوضتي في شقه ساكن فيها انا وخالد وشايف خالد بيلبس تيشرت وبيتفرج على نفسه في المرايه
خالد: تمام كده شكلي حلو شويه
انا: يعني لو لبست قرد تيشرت شكله حلو خلاص القرد بقى غزال
لقيت خالد بصلي ومتوتر
انا: ياعم بهزر معاك شكلك حلو
خالد: ياعم بطل ام الهزار ده انا متوتر لوحدي, ممكن الواحد يعرف يعمل صحاب جداد انهارده او ممكن افضل هنا واقعد اسمع كام فيلم
انا: يسطا انت بقالك اسبوع فالق امي عشان الحفله دي وفي الاخر عايز تقعد
خالد: انا كنت عامل حسابي اني رايح
انا: على اساس انك مش رايح دلوقتي وعموما عايز تروح تمام مش عايز تروح برضو تمام وابقى قابلني لو لقيت كلبه تسلم عليها حتى مش ترتبط بيها
خالد: خلاص ياعم رايح رايح, انا نفسي يبقى عندي شخص مميز وانا كمان ابقى بالنسبة ليه مميز
انا: خالد انت شاب ممتاز واكيد هتلاقي كلبه تعبرك وتريل عليها وهي تريل عليك
خالد: انا خول اني فكرت اتكلم معاك
انا: اخيرا صدقت انك خول
والباب خبط
خالد: ايوه (وبص ملقاش حد وفتح الباب وخرج يبص بره)
انا: مين يا خالد
انا قمت اروح ورا خالد
وفجاه الصوره بقت مهزوزه وباهته وحاسس ان الاوضه بتطول اوي
انا: خالد هو ... هو ايه اللي بيحصل (انا بكافح عشان افضل واقف ووصلت اخيرا للباب وخرجت منه)
لقيت الدنيا اسودت وبصيت تاني على باب الاوضه ورايا لقيته اختفى
انا: خالد؟
انا فضلت ماشي في الظلمه والفراغ ولقيت الدنيا نورت ولقيت نفسي في الغابه في الجزيره ويادوب شايف راس بركان اتروبو وفي ايدي جاروف صغير وانا مستغرب وسمعت صوت تكه في رقبتي وبصيت شفت سلسله في رقبتي وكانت متربه شويه مسحتها عشان اشوف الاسم اللي عليها وكان معتز اسماعيل السيد, انا بصيت حواليا وانا قلقان وقلبي مقبوض ولوحدي وجسمي متوسخ بالتراب وعليه ددمم
انا: معتز ... حسن .... نور..... اي حد؟
انا مشيت شويه وطلعت من وسط الشجر
انا: انا فين
وشايف قدامي زي وش تمثال من تماثيل حضارة المايا وبق التمثال ده مفتوح على مدخل كهف ودخلت جوه براحه وكل خطوه باخدها سامع صدى صوتها
انا: شريف .. ندى ... حد هنا؟
وعيني ابتدت تتعود على الظلمه وابتديت اشوف شويه ولقيت نفسي دست على شويه تراب مرفوعين عن الارض بشويه وكان دي كانت حفره واتردمت
انا: ايه ده ( رجعت بجسمي لورا شويه )
وشفت كذا حفره مردومه زي دول وعديتهم وبصيت على الجاروف المترب اللي في ايدي وكانوا 11 حفره مردومه او بمعنى اصح 11 تربه
انا مصدوم: لا .. لالالالا
والدنيا نورت تاني ولقيت نفسي اترميت في المياه بعد النطه من المسافه الكبيره اللي نطيتها وابتديت اغوص في المياه اكتر وايدي لسه ماسكه التمثال ولقيت المياه جنبي بتتحرك جامد وشفت سيتوس جسمه محروق شويه ومصاب وشايف جسمه ومش شايف نهاية ديله فين وشفته بيسحب نفسه لتحت المياه وبينزل لتحت ولكن لقيته حرك عينه وبصلي لمره اخيره وبعدها عام لتحت وانا بدات اعوم عشان اطلع لغاية ما طلعت فوق المياه ووصلت للشط وشفت مجموعه كبيره من الفانتي فرحانين وبيصيحوا فرحانين عشان سيتوس مشي ولقيت خالد ومعتز بيقربوا بالزلاجه بتاعتهم لعندي ونزله ولقيت معتز حضني
معتز: كان تفكير سريع منك انك تسيبنا وتنط عشان تجيب التمثال وكمان انك انقذتنا من التعبان ده كده انت ليك عندي واحده
انا: انا ليا عندك اكتر من واحده انت هتحور
خالد مبتسم: حد فيكم شاف فارين
ولقيت كل الفانتي سكتوا وخالد بص وراه شاف فارين شايل جثة امه وهو بيعدي من وصت الفانتي واحد ورا التاني بيوطوا للاليشار الجديد بتاعهم وبعد شويه السما رجعت تاني لطبيعتها والفانتي طلعوا لقريتهم ومتجمعين وصت الحطام بتاعها وبيحتفلوا
احمد: وضع غريب اوي انك تحتفل وكل حاجه متدمره كده
اوقزهال: تتويج الاليشار لازم يتم بعد موت الاليشار السابق علطول سواء في السلم او الحرب ودائرة التوريث لازم تفضل مكمله
تاري: فهمت يا صخره
احمد: ولا, صحابي بس هما اللي بيندهولي كده واحنا لسه مش صحاب فهمت ياض
تاري بيضحك: ههههه انا عاجبني الحافييز ده
سيراكسا جت عندي
سيراكسا: يا حافز انا عندي حاجه ليك لو انت عايزها يعني
ولقيتها بتديلي لبس من بتاع الفانتي
انا: ايه ده
سيراكسا: انت اثبت انك واحد مننا انهارده, وده لبس المشرف للمحارب بطل الفانتي, وانت استحقيته
واللبس كان عباره عن حتت قماش بلبسها على وسطي عشان تداري اشيائي وواصله فوق ركبتي وسلسه بلبسها على رقبتي بس كده والباقي عريان
انا: انا بيتهيالي دي الطف حاجه انتي قلتيها ليا
سيراكسا: خلاص متحلمش انها تتكرر تاني تمام
انا: بس انا حاسس ان ممكن اتعاكس وانا لابس كده, لا لابس ايه وانا قالع كده انا حاسس ان لابس مايوه
مريم بتضحك: حلو اللبس ده شكلك حلو
انا: شوفتي اهو بدانا معاكسه
حسن: ايه الجمال ده يا سيف
انا: احااا انت عايز ايه يا حسن لا انا شرفي اهم حاجه انا مش شاذ يا حسن
حسن: انا عايزو لبس زي ده
سيراكسا: انت لسه مش بطل من ابطال الفانتي
حسن: ازاي يا جدع ده انا طرت بالزلاجه جوه بق الكائن ده
سيراكسا: وانت متعمد تعمل ده؟
حسن: ايا كان انا خلاص هعمل لبس بطل خاص بيا
سيراكسا بعصبية: لا مش هتعمل
حسن: طب اتفرجي بقى
سيراكسا: احم, في حاجه تانيه لازم اديها ليك يا حافز بس المره دي انا مصره, تعالى ورايا لوحدك
انا: ...اااا... لا اخاف انا بقيت خايف من اللبس ده انا هقلع والبس لبسي العادي
سيراكسا: تعالى متخفش مش هعمل حاجه
انا مشيت وراها وطلعنا على سلالم كده ووصلنا قدام زي كوخ صغير كده وقدام الكوخ كان في طرابيزه صغيره وعليها اكل
تاري بيضحك: مفجاه
انا مستغرب: ايه... ايه ده
سيراكسا: في حضارتنا لما الشخص بينقز حياة شخص تاني ده بيبقى دين ولازم يترد, الاول بتبقى وليمه وبعد كده هديه عظيمه
تاري بيضحك: انت انقذتني واحنا هناكلك
انا: ملوش لزوم كل ده
سيراكسا: ده يعتبر تقليل من شرفنا لو رفضت
انا: خلاص يبقى ناكل
انا شديت كرسي وقعدت عليه ولقيت قطط جت عندي ولونهم ازرق وبينك واخضر وبقوا بيتمسحوا في رجلي وطلع ثلجاوي كان ماشي ورايا واول ما شاف القطط قعد يلعب معاهم ويجري وراهم
انا: ايه ده انت كنت ماشي ورايا وكمان طلعت بتحب القطط
سيراكسا: انا اكتشفت ان القطط تعتبر رفيق لطيف للشخص
تاري بيضحك: دول صحابها الوحيدين
سيراكسا بعصبية: تاري
تاري: ده حقيقي
ومديت ايدي العب قطه من القطط على دماغها ولقيت شعرها لونه بيتغير لما بنعكش فيه
سيراكا: اتفضل كل
والاكل كان سمك وكابوريا وخدت منه قطمه وكان احلى سمك اكله في حياتي
انا: انا عمري ما كلت سمك بالحلاوه دي
سيراكسا: ده حاجه من الحاجات اللي اتنقلت ليا من امي وحاجه من المهارات اللي اعرفها وهي اني بعرف اطبخ
انا: ده تحفه
سيراكسا: هو مش احسن حاجه اعملها بس يعتبر حلو
تاري: انا مره كلت كتير جدا لدرجه ان انا رجعت بعد الاكل
سيراكسا بعصبية: مره انت عملت كده 10 مرات
انا كلت وشربت وبعد ما خلصت اترميت بضهري على الكرسي لورا
انا: انا اتمليت خلاص
سيراكسا: انا سعيده اني استضفتك بعد اللي انت عملته مع تاري انا بعتبرك واحد من قرايبي
تاري بيضحك: انتوا الاتنين هتتجوزوا هو الحافييز هيبقى ابويا الجديد, وهل هتبوسوا بعض
سيراكسا مصدومه: لا .... انا .. قصدي .......احم (ولفت وشها وخدودها احمرت مع ان بشرتها خضره)
سيراكسا: الوليمه كانت جزء من المكافاه ودلوقتي هديك الهديه بتاعتك (وطلعت الخنجر بتاعها وبتديه ليا)
انا مستغرب: خنجرك انتي هتديه ليا ليه
سيراكسا: لاني ادين ليك بعهد ددمم لما تكون في خطر, انت انقذت تاري وهو انا بعتبره حياتي
انا: شكرا يا سيراكسا (طبعا يا عزيزي انا مقدرتش ارفض لان زي ما قالت انا كده هبقى بقلل من شرفها)
وسيراكسا انحنت ليا باحترام
تاري: انا عمري ما شوفت سيراكسا بتنحني لاي حد قبل كده
سيركسا: لانه عمل شيء عظيم وهو شخص يستحق انحني ليه وياريت تسكت بقى يا تار
انا بضحك: انا بشكرك بجد يا سيراكسا
سيراكسا: لا شكرا ليك انت
انا رجعت تانيا تجمعت مع الباقي في قاعة العرش ونور الشمس بيعدي من فتحات سببها سنان سيتوس, فارين كان قاعد على كرسي العرش ورجليه بتتهز في توتر وخالد لاحظ التوتر بتاعه وابتسم
خالد: متقلقش الموضوع مش صعب او موتر اوي كده
اوقزهال دخل القاعة وماسك في ايده تاج جديد وكل اللي في الاوضة سكتوا, وجنبي نور مسكت ايدي وضغطت عليها
نور: بسسس شكلك امور اوي
انا: كنت مستنيكي تقولي كده من بدري ده مريم كانت بتعاكسني وحتى حسن انا خفت على نفسي منهم بس عندي استعداد اسبلك نفسي تعمل فيا اللي انت عايزه كله يا قمر
نور بصت في الارض وخدودها احمرت اوي واتكسفت
انا: انتي بتتكسفي مني يا قمر (وبستها من خدها وخدودها احمرت زي الطماطم)
اوقزهال: الدايره بتتجدد من تاني زي ما الحياه بتبدا وتنتهي في فانو, امل كل الفانتي بيتحط على كتاف الاليشار الجديد والحمل تقيل بس الاليشار قدها (ورفع التاج وحطه على راس فارين) انت قعدت امير ودلوقتي هتقف كاليشار فارين
والفانتي كلهم نزله على ركبهم
حسن بيسقف وبيصفر: ايوه هي دي النهايات السعيد
كذا واحد من الفانتي اللي لابسين اقنعه بصوله والواضح انهم مش فرحانين
حسن: ابوس ايديكم حد يخرجني من هنا
فارين: احنا عندنا حاجات كتيره محتاجه اجابه, احنا سببنا اذى كبير لبعض (وبص على خالد), لكن دلوقتي احنا هنتقدم مع بعض محفزين وفانتي جنب لجنب, امل شعبنا مش مبيعتمدش عليا ولا على اي فرد لوحده ده بيعتمد على كل المتجمعين هنا بسبب كل اللي هنا اليستيل لسه موجوده احنا لازم مننساش ده
الفانتي فضلوا ساكتين وحركوا دماغهم بالموافقه لغاية ما تاري سقف وسيراكسا سقفت وراه وبدا الفانتي واحد ورا التاني يسقفه وابتدوا يهيصوا وانا باصص وسط الناس شفت سيراكسا بتتكلم مع اوقزهال
سيراكسا: انا لسه معرفش, اوقزهال انت واثق انه يقدر يقودنا في رانلوستي
اوقزهال: بدايته مبشره, ولكن العاصفه العظيمه لسه قدامنا
انا سمعت الكلام ده وقلقت وقفت شويه وبعدين خرجت ولقيت نور قاعده قريب على جسر ورجليها مدلدله منه وبصه على البحر
انا: نور (رحت قعدت جنبها)
نور ابتسمت: كويس انك هنا
انا مبتسم: اخيرا يا نور اليوم ده خلص ياااه تحسيه كان طويل جدا وانقذنا اليوم انا مش مصدق
نور: انا مصدقه
انا بضحك: بجد
نور: ايوه بسببك يا سيف, انت الوحيد اللي مخليني اصدق في المستحيل مش المكان ده ولا اي حاجه من اللي حصلت لينا
انا حسيت بشعور غريب في دماغي وكاني كنت هنا قبل كده
انا: طب كويس عشان قدامنا لسه طريق طويل عشان نخرج من هنا
نور: قدمكوا انتوا بس انا لا
والذكرى خبطت في دماغي وافتكرت انا شفت المشهد ده امتى لما لمست تمثال الدولفين
انا بخوف: نور نور خليكي معايا في حاجه هتحصل دلوقتي
نور ميلت عليا وبتبص على السما وعنيها بتدمع وبتلمع زي البحر
نور: الكل بيقاتل وبيواجه عشان يبقى ليه كلمه في حياته ... عشان يقدر يتحكم في نفسه
انا بخوف وقلق: نورلا مينفعش تسيبي ده يحصل, انا مكنش عندي وقت اغير ده
نور بحزن: لكن في النهايه .. كل اللي في ايدينا نتحكم فيه ... هو اننا نقدر اللي عشناه
كلمات نور بدات تبقى ضعيفه وبطيئه وعنيها بتقفل ويادوب مفتوحه وصوتها بقى همس
انا الدموع ملت عيني
انا: لا .. لا متسيبينيش
نور: ولما توصلي ... للناحية التانيه ...
انا ندهت باعلى ما عندي
انا : يا جماعه حد يساعدني بسرعه حد يساعدني
نور: ساعتها هتبقي الملكه .... اللي موجوده
انا بدموع: .... جواكي
نور راسها وقعت على كتفي ونفسها بطيء وبيبطء اكتر انا شدتها في حضني والدموع نزلت
وقبل ما ينتهي الجزء هنرجع فلاش باك بسيط
قبل ست شهور
اوقزهال كان واقف برا الفندق ومعاه سيراكسا واتنين من المحاربين جم من الفندق
فانتي 1: مفيش حاجه لسه يا قائد
فانتي 2: مفيش اي علامه لوجودهم .... ولا علامه برضو لوجود لاخوتنا
سيراكسا شاورت ليهم يمشوا
سيراكسا: ده الوقت اللي نوقف فيه الصيد يا عجوز
اوقزهال: بس ... احنا لازم نكمل بحث
سيراكسا بعصبية: احنا بقالنا اسبوعين والمحفزين اختفوا من الوجود, وانت معاك واحد منهم في اليستيل ده كافي
اوقزهال: انتين سيتي كل اللي علمته ليكي وانتي صغيره يا سيراكسا
اوقزهال بعصبية: احنا مش هنقدر نمنع رانلوستي منغير كل المحفزين, هما وحده, عيله
في لحظه كانت سيراكسا ماسكه اوقزهال من رقبته ورفعته في الهواء
سيراكسا بعصبية: كفايه اوهام انا مش هفرط في المحاربين عشان المطارده بتاعتك وسايبين الخطر الحقيقي يكبر كل يوم
واوقزهال بيكح ومش عارف ياخد نفسه
سيراكسا: انا بخدم زيمادرا, وهي لسه مصدقه حكاياتك لسبب ما
سيراكسا بعصبية: ولكن هي عجوزه زيك, عايزاك تتمنى انك تموت قبلها, عشان لما هي تموت منصبك هيموت معاها زي ما كان المفروض يموت بعد حرب الثلاث قبائل
نزلته ومشيت وامرت المجموعه تروح وراها
اوقزهال بيتنفس بصعوبه: انا لازم ... اروح ... لللانهائي
نهار وليل اوقزهال بيمشي لمنتصف الجزيره, وعضمه بيطرقع وكل شويه يقعد يريح مفاصله لغاية ما في الاخر وصل لراس بركان اتروبو وباصص من فوهة البركان على الحمم وغمض عينه وبيتمتم بكلام بصوت واطي
اوقزهال: يا لانهائي يا من تتحرك بين فروع الوقت ارجوك تحدث معي
ومفيش اي صوت ولكن الهوا اللي اوقزهال سمعه خلاه يقلق
اوقزهال: احنا محتاجين ارشادك .... انا محتاج ارشادك
اوقزهال ضامم ايديه ومستني... ولكن مفيش اجابه
اوقزهال بحزن: لا ...
رجليه مستحملتش ووقع على ركبه والدموع بتنزل من عينه كتير
اوقزهال: انا وحيد جدا ... ومعرفش ايه اللي انا عايزه.. ومعرفش اعمل ايه, عدى سنتين من اخر مره زورتنا ارجوك .... ارجوك
صوت: متحبطش يا اوقزهال
اوقزهال فتح عينه وشايف بوت احمر واقف على الارض قدامه وبص فوق
اوقزهال مبتسم: انت جيت
الشخص اللي لابس بدله زي بدله الفضاء لونها احمر واقف ولابس الخوذه وازاز الخوذه لونه اسود مش باين منه حاجه وبيتكلم معاه بلغة الفانتي بطلاقه
اللانهائي: حافظ على دموعك يا عجوز لسه في حاجات لازم تعملها
اوقزهال: ولكن المحفزين ... انا معرفش الاقيهم فين
اللانهائي: مش هتحتاج تدور عليهم
اوقزهال: ايه؟ انا مش فاهم
اللانهائي: هما هيجولك
اوقزهال: انت شفت ده؟
اللانهائي: انا شفت كل حاجه
الدموع اللي على خد اوقزهال اختفوا بقى مبتسم فرحان
اوقزهال: شكرا ليك يا لانهائي, شعبنا كله بيشكرك
ازقزهال بيوطي عشان يبوس البوت بتاع اللانهائي ولكن شفايفه بتلمس الارض
اوقزهال مستغرب: ايه
وبيبص حواليه ونظره بيقدر يشوف بيه لاميال ولكن مش شايف اللانهائي هو لوحده بس على فوهة البركان واللانهائي اختفى
والجزء يخلص هنا وعارف طبعا ان في ناس كتير عايزه تسبلي على قفلة الجزء بس عادي يعني استحملتوا الفتره اللي فاتت تقدروا تستحملوا للجزء الجاي وبعتذر تاني على تاخير الجزء وبتمنى ان الجزء يكون عجبكوا واكتبولي رايكم في التعليقات عايز اشوف تفاعل
______________________________________________________________________
(الجزء الثاني)
قبل ما ابدء حبيت اشكر الناس اللي شجعوني اكمل واشكر الناس اللي كانت بتقول رايها في القصة عشان يفيدوني واحسن من القصة زيادة
انا عارف اني اتاخرت في كتابة الجزء ومفيش مبرر للتاخير الكبير ده بس زي ما كتبت لحد من القراء في التعليقات انا مش لاقي أي تفاعل خالص على القصص ده انا اول ما نزلت السلسله الاولى كان في تفاعل اكتر من كده ولما نزلت اول جزء للسلسة الثالثة ملقتش غير سته وهما نفس السته اللي بيعلقوا على قصصي دايما وبشكرهم عشان هما لسه مكملين معايا وبيشجعوني كل اللي بتمناه ان الناس تقدر التعب وتكتب تعليق تعرفني فيه رايها حتى لو مكتبوش راي على الاقل يبينوا انهم مقدرين التعب ده وبتاسف على التاخير
حكمة: قبل ان تقنع الرجل ان المرأة ليست مجرد جسم اقنع المرأة اولا.
يلا بقى معايا يا عزيزي حضر كبايه شاي او قهوه وتعالى معايا نتخيل مع بعض الاحداث وبتمنى ليك قراءه ممتعه
__________________________________________________
الجزء الثاني : رحلة غير متوقعه
_____________________________
وقفنا الجزء اللي فات لما نور وقعت بين ايدي
انا: نور فوقي يا نور
ونور لسه زي ما هي وحسيت ان جسمها بقى اثقل في ايدي
وابتدي الناس تطلع من تتويج فارين وصحابي جم ليا عند الجسر
معتز مستغرب: انت كويس
ندى بخوف: نور
انا بحزن: انا معرفش حصل ايه فجاه وقعت انا .. انا مش عارف
مريم جت جنبي جري
مريم: نيمها على الارض براحه
نيمناها على الارض ومريم بدات تقيس نبضها وتكشف عليها وبعدها لقيتها اتجمدت مكانها وابتدت تدمع
مريم بحزن: ده المرض بتاعها دي المرحلة الاخيره الغيبوبه
شريف: انا مش فاهم هي مش قالت انها لسه قدامها شهور على ما توصل للحاله دي
مريم: انت ناسي لما عدينا من بوابة الزمن واتقدمنا ست شهور ممكن يكون الست شهور دول اثروا علينا وعمرنا كلنا اتقدم ست شهور وده معناه ان اللي باقي ليها كام ساعة
انا: يعني ايه باقي ليها كام ساعة انتي بتقولي ايه
اوقزهال: الحياة شجره وكل شخص فرع في الشجره دي وكل اللي مريتوا بيه كان مجهد ودلوقتي الشجره فقدت فرع جديد انا اسف لخسارتكم يا محفزين
سيراكسا: انا مكنتش اعرف بمرضها, كان المفروض ترتاح ومتجهدش نفسها في المعركة دي
ندى: طب ... طب كان في زرع على سطح الفندق كان عالج جرح علي مش ممكن ده يعالجها هي كمان
مريم بحزن: ده بيعالج الجروح بس المرض بتاعها ده مش جرح دي حاجه في جيناتها نفسها
خالد بحزن: فارين حاول تساعدنا
فارين بص لاوقزهال
فارين: اكيد في حاجه نقدر نعملها
اوقزهال بدا يفكر ويهز في راسه
اوقزهال: في احتماليه واحده... بس كل الاليشار اللي فاتوا بما فيهم امك حرموا استعمالها
انا: ارجوك مقدرش اخسرها
والدموع بدات تغرق وشي وعنيا بقت ددمم
انا: ابوس ايدك دي مهمه جدا بالنسبه ليا وبالنسبه لينا كلنا
ندى: احنا مش هنقدر نخسر شخص عزيز علينا ومش هنقدر نشوف حد بيخسر اللي بيحبه
فارين: ولا انا هقدر اقف واتفرج ... احنا هنعمل اللي هنقدر عليه
فارين: يلا يا اوقزهال انا بامرك كاليشار انك تقولنا كل اللي تعرفه
اوقزهال: الاسطورة بتتكلم على كريستاله مليانه بطاقة حياة كبيره جدا مخفية في مكان ما في شجرة اليستيل, اسلافنا سموها قلب الجزيرة, والقلب ده هو السبب في النمو العظيم اللي انت شايفه حواليك ده وبيتقال ان لمستها تقدر تجدد كل الكائنات الحية
احمد: يعني انت عايزنا نلاقي البتاع ده ونديه لنور وبس كده هتقوم تاني ولا كان في حاجه حصلت
سيراكسا: القلب موجود عشان يجدد الشجره مش احنا, والاسطورة بتقول اننا مندورش عليه خالص
اوقزهال: للاسف سيراكسا معاها حق قوة القلب دي ابعد من ان حد مننا يقدر يامرها, وكمان القلب مش من واقعنا ده واللي يقدر يلاقيه اللي بيتنقلوا بين الابعاد
سلمى بعصبية: انت بتهزر
اوقزهال: كمحفزين انتوا ممكن تدخلوا العالم ولكن الرحلة دي خطر جدا
نرمين: احنا مش خايفين
خالد: ااا, اتكلمي عن نفسك
اوقزهال: انا مش بتكلم عن الخطر العادي اللي ممكن يحصل لاي حد ولكن انتوا ممكن ... تضيعوا وتفضلوا تايهين في العالم ده للابد
ليلى: احنا لازم نعمل كده عشان نور
نرمين: خلاص نكتم بقى, نلاقي فين البتاع ده
اوقزهال: احنا لازم ندخل لجزوع الشجره وهناك الطريق اللي هتسلكوه للقلب
انا: طب يلا ودينا
اوقزهال لف ومشي والباقي وراه ولسه همشي وقفت وبصيت ورايا على نور ورجعت وبست راسها
انا: متقلقيش يا نور هتعيشي مش هسيبك تموتي ولو فيها موتي انا
فارين شال نور على ايده
فارين: عقبال ماتلاقي القلب انا هشوف مكان مريح انيمها فيها
فارين: خالد خد بالك من نفسك
سيراكسا: بالتوفيق يا محفزين
مشينا ورا العجوز ودخلنا جوه مجموعة انفاق كتير مظلمة
علي بخنقة: اوقزهال قدامنا قد ايه, انت عارف انت واخدنا فين اصلا
اوقزهال: الصبر, احنا قربنا .... خلاص
بيشاور بالعصاية بتاعته على حاجه قدامنا, كان في نهاية النفق مجموعة جزوع كتير قافلة الطريق وفي قطرات لونها فضي بتنزل من شرخ في الخشب وبتتجمع في طبق كبير
احمد: اظن انكوا محتاجين تتطمنوا على الشجره بتاعتكوا لانها بتنزف
اوقزهال: بالعكس دي الشجره صحية جدا, احنا بنجمع السائل اللي بينزل ده لانه لما بيتشرب بيدخلك في حالة بتفتح عينك على ابعاد غير اللي اي حد بيشوفها
حسن: احلف, انا لازم اجرب
وراح حسن ناحية الجزع ده
معتز : ثانية كده انت متوقع اننا كلنا هنشرب من البتاع ده
اوقزهال: القلب محبوس بين العالم ده وبقيت العوالم اللي موجوده في مكاننا ده, انت عارف طريقة تتلاعب عن طريقها بالابعاد
معتز: لا
انا: طب انت جربت تشرب من الماده دي قبل كده
اوقزهال: اكيد طبعا, ولكن الماده بطلت تاثر علينا, اسلافنا كانوا اول ناس يشربوا الماده دي ومع الوقت ابتدت الماده تتطور شعبنا وخلتنا زي ما احنا دلوقتي, ولكن المفروض تعمل تاثير عليكوا انتوا او زي ما بتمنى
شريف: جاهز يا سيف
الكل بيبص لبعضه بصمت وانا عارف انهم هيجوا معايا
انا: يلا بينا انا هبدا
اوقزهال طلع كاس من الحزام بتاعه ونزله في الطبق وحط فيه شويه سائل واداني الكاس
انا متوتر: ماشي .. يلا بينا
خدت بق صغير
حسن: يا راجل بجد انت مفكر البق الصغير ده هياثر
ليلى: مش احسن ماياخد بق كبير وتطلع الماده دي مش امان اوي
الماده كان طعمها غريب عن اي حاجه انا شربتها قبل كده يعني طعم مسكر ومر في نفس الوقت وبيحرق شويه ومنعش برضو
خالد: طعمه مقرف صح
انا: لا خالص طعمه مش وحش بس غريب ده طعمه تحس انه كل حاجه انت شربتها قبل كده في حياتك وكلهم مضروبين في خلاط وطلعلك الطعم ده
واحد ورا التاني كلهم شربوا, ولما الكل خلص فضلنا واقفين في الظلمه بنبص لبعض ومستنين
انا: اوقزهال اااا هو احنا المفروض نحس بحاجه
اوقزهال: اممم, ممكن الموضوع ياخد لحظات الاساطير كانت غامضة شويه في الموضوع ده
مريم بعصبية: يا حلاوه, ده احنا حتى مش عارفين ايه السم اللي شربناه
اوقزهال: خلونا نرجع للسطح تاني ونراجع النصوص القديمة
طلعنا كلنا من الانفاق للشجره تاني
سلمى بعصبية: ياريت الخرا اللي شربناه ده يشتغل عشان نلحق نور...
فجاه الرؤية عندي زي ما تكون اتقسمت لمليون صورة والوان كتير وغريبه
انا: ايه ده ايه ده ايه ده
شريف: حد تاني شايف اللي انا شايفه ده
حسن: ده بيشتغل يا شباب ده بيشتغل
انا ببص حواليا ووانا بلف شايف الاشكال حواليا بتلف برضو وبتتداخل مع بعض بشكل غريب
نرمين: اوقزهال, ايه اللي احنا شايفينه ده
انا بصيت ورايا ولقيت العجوز اختفى
ندى: اظن اننا في الفضاء بين الابعاد
انا: الصراحه المكان شكلة جميل
نرمين: انا عمري ما شوفت الوان بالجمال ده
سلمى: ده كاننا شايفين اكواد العالم زي ماتريكس كده
مريم: اكواد وهبل ايه انا مش فاهمه اللي انا شايفاه, ايه الايام السوده دي ده كل اللي كنت عايزاه اني اقضي كام يوم على الشط لكن لا ازاي اتمتع كام يوم كده من غير مشاكل لازم طبعا اعيش في قرف
خالد: طب احنا نعمل ايه بقى دلوقتي كل الافلام اللي بيبدا فيها الابطال يهلوسوا مع بعض بيحصل فيها مصايب
انا: يلعن كسم الافلام اللي مقضي حياتك كلها ماشي وراها يابني دي افلام مش حقيقه كلها خيال
خالد: يعني اللي بيحصل ده طبيعي ده خيال اوسخ من الافلام
علي: بالظبط لازم ناخد بالنا, ندى خليكي جنبي
ندى: متقلقش هاخد بالي منك
علي: ايه.. انا قصدي انا اللي .. مش مهم
احمد: انا مش عارف انتوا قلقانين ليه ده المكان جامد فشخ
انا: يابني انا مش عارف انت عامل دماغ كده ازاي امال لو شربت حاجه
احمد وسلمى: دماغ رباني
الاتنين بصوا لبعض وجايين يسلموا على بعض ايديهم عدت من بعض كانهم مياه او هولوجرام
معتز مصدوم: احا ايه اللي انا شفته ده
حسن: اوعى ده احنا اشباح
الكل بدا يحاول يلمس بعضه ومش عارفين
انا: بت امريم هاتي حضن
مريم: اوعى ياعم
قعدت اجري وراها لغاية ما حضنتها واول ما لمستها حسيت كاني دخلت جوه جسمها لجزء من الثانية مش زي لما بنلمس التماثيل
مريم: ايه ده ... انت حسيت بده, انا مكنتش مستعده للمستوى ده من المشاعر
انا: مشاعر مين يا بنت المقشفه ده انا برخم عشان عارف انك مش طايقاني معرفش ليه روحي شوفيلك كلب
مريم: غور يلا من هنا
شريف: طب تمام يعني احنا بقينا عفاريت دلوقتي, طب يا شباب مش عايزين ننسى احنا جينا هنا ليه
انا: ايوه ندور على قلب الجزيرة وننقذ نور
نرمين: طب يلا بينا مستنيين ايه
انا مشيت وخدتهم وطلعنا لبوابة اليستيل الكبيرة (انا طبعا قلت في البداية ان الرؤية اتغيرت وبقيت شايف الوان كتيره وغريبه بس كل ده واحنا في نفس المكان يعني متنقلناش لمكان تاني ولا اي حاجه ن الكلام ده) ولكن لقينا عليها خشب كتير مسنن زي الدبابيس كده
ليلى: يا جماعه الخشب ده مكانش هنا قبل كده
سلمى: هو ايه اللي جاب حماده هلال هنا
انا اتقدمت ناحية الخشب
ندى: خد بالك يا سيف
انا: انا هبقى كويس
قربت اكتر للخشب وقربت عشان المس سن الخشب وحسيت بملمس الخشب بس حاسس ان الاحساس ده بيبعد وغمضت عيني ومديت ايدي تاني والمره دي ايدي كلها عدت من الخشب ودخلت بجسمي كله وعديت
انا: انا عديت يلا يا جدعان عدوا, احنا مش بنعدي خلال بعض بس احنا بنعدي من الحاجات الصلبه برضو
حسن: شبح شبح مش اي كلام
مريم: طبعا لازم تنجح انتوا بس اللي بهايم مفكرتوش تعدوا من الحيطه لكن سيف شغل دماغه
انا: على فكرة انتي برضه مفكرتيش تعملي كده يعني زيك زيهم
مريم: اخرس
انا: حاضر يا فندم (طبعا يا جماعه انا مخنوق من جوايا بسبب اللي بيحصل لنور بس بصراحه انا مبحبش النكد وبهزر في اوقات ما ببقى زعلان او شايف الجو متوتر عشان اخف الدنيا شويه لاني لما ببقى مخنوق مبعرفش اتصرف وعشان كده بتشتم كتير عشان بهزر في اوقات غلط خالص)
وعدوا كلهم ودخلنا للشجره
معتز: طب دخلنا كده برافو, نعمل ايه بقى
انا: ندور ونشوف القلب فين
احمد: القلب في الصدر
انا: ها خدتلي بالك انت... لا ما انا مش هرد عليه ولا كان حد قال حاجه
علي: طب ما نسال الناس دي
وكان بيشاور على مجموعه من الفانتي جايين اتجاهنا وماسكين رماح
فانتي1: اهم هناك
كان الفانتي بيتكلم بلغتهم بس انا سامع بيتكلم بللغتنا في دماغي
معتز: ايه يا رجاله ما تساعدونا شويه
الفانتي رفعوا الرماح بتاعتهم بشكل هجومي
فانتي1: امسكوهم
علي لف بسرعه وخد ندى فحضنه عشان يحميها
انا بصوت عالي: اقفوا
في لحظه لقيت الفانتي كلهم وقفوا زي ما يكونوا اتجمدوا في الهوا ولا حتى عينهم بتتحرك
انا مستغرب: ااا... هو ايه اللي حصل
ليلى: دول اتجمدوا
نرمين: مش هما بس
بصيت حواليا لقيت كل حاجه ثابته حتى ورق الشجر في الهوا والسحاب وكل حاجه
انا: شكل الوقت كله وقف
مريم: هو ايه اللي بحصل في المكان ده وليه اصلا كانوا بيهاجمونا
شريف: اظن انهم مش بيهاجمونا احنا اصلا ده شكلهم مش شايفيننا من الاساس بصوا
لفيت ولقيت مجموعة تانية من الفانتي ومتجمدين برضو وعنيهم مليانه كره
معتز: دول بيهجموا على بعض
احمد بصعبية: بالنسبة للسلام والحب والعشق اللي هما كانوا فيه من 10 دقائق
خالد: حرب الثلاث قبائل, الفانتي بيتكلموا عنها احيانا دي كانت من حوالي 100 سنه كده كان في بينهم حرب اهليه بخصوص العقيده بتاعتهم
انا: عن عقيدة اللانهائي؟
خالد: ايوه, عبادة روح الجزيرة وبيمشوا ورا كل نبوءة قال عنها اللانهائي وبيخافوا جدا من رانلوستي, قبيلة من القبائل كانت عايزه تكمل في العقيده دي وقبيلة تانية كانت عايزه تلغي العقيدة دي خالص, والحرب دي بقت اسوء بكتير لدرجة ان كان في مدينة كبيرة زي المدينة دي واتحرقت في الحرب و ال 12 تمثال للمحفزين اللي احنا لاقينا بعض منهم دول كانوا معاهم وضاعوا منهم في الحرب دي
مريم: طب دول قبيلتين فين التالته
خالد: ما هي القبيلة التالته اللي كسبت, اسلاف فارين كانوا عايزين السلام وعشان كده هزموا قادة القبيلتين واجبروهم يعملوا معاهدة وبعدها كل حاجه رجعت لطبيعتها
انا: طب كويس هما محتاجين شوية توازن
ندى: فعلا
خالد: تخيل لو فضلوا يحاربوا بعض كام واحد هيموت
نرمين: لا بالعكس ده اكبر غلط انك تسيب عدوك عايش انت كده بتديله فرصة تانيه عشان يقتلك
ليلى: يعني .... يعني احنا في الماضي
ندى: الواضح كده ان مش المكان بس اللي اتاثر لا ده الزمن كمان
علي: ايوه وبطريقة ما احنا قادرين نتحكم في سريان الوقت
انا بدات اركز شويه وبالراحه الوقت بدا يتحرك تاني وبالتصوير البطيء كنت شايف المجموعه الاولى من الفانتي رايحه ناحية المجموعة التانيه وبدا الضرب بينهم
خالد: هو انت اللي بتتحكم في التصوير البطئ ده يا سيف
صوت: زيييييييمااااااادررراااااا
سلمى: حد سمع الصوت ده
انا سبت الوقت يتحرك بسرعته الطبيعيه وسمعت الصوت تاني
فانتي2: زيمادرا, انتي فين
زيمادرا بس اصغر في السن: بولان, انا هنا
انا بصيت فوق وشفت اتنين من من الفانتي بيجروا فوقيا بكام دور
نرمين: هي دي
ندى: الملكه زيمادرا من 100 سنه
علي: اوقزهال قال ان الاليشار منع البحث عن القلب, ممكن لو عارفين حاجه عن قوة القلب يبقى ...
ندى: يبقى ممكن تكون عارفه مكانه يلا بينا نروحلها
انا فضلت متابعها عشان متوهش مني
انا: يلا يا جماعه عايزين نلحقها
من فوقينا طيارة من بتوع الفانتي طارت ورمت قنبلة
حسن: وسع الطريق
والقنبلة انفجرت في الجسر اللي قدامنا ووقع
احمد: احا
انا قعدت اركزوابتدى الزمن يرجع لورا
سلمى: انت بقيت فنان بقى في الموضوع ده
رمين: طب كمل كمل
والجسر جزء كبير نه اتصلح بس فيه جزء لسه مكملش عشان كان متدمر من قبل ما نيجي
معتز: طب وبعدين بقى في الجزي ده احنا مش عارفين ده اتكسر امتى
نرمين: المسافه كبيره اننا ننط
ندى: بصوا فوق
بصينا لقينا سهم ضرب طيارة والفانتي اللي سايقها بيعافر عشان يتحكم فيها وهو بيقع وعشان يتفادى انه يخبط عدى من بين الفتحه اللي في الجسر انا ركزت اكتر عشان اوقف الوقت عند اللحظة اللي الجناح يبقى عند الجسر علطول
سلمى: طبعا مش محتاجه اقول حاجه
نرمين: مش محتاجه تعابير وش احمد موسى باينه في وشك
زيمادرا: بسرعه يا بولان
انا فضلت متابع زيمادرا وشفتها واخده الفانتي وعدت من على جسر رفيع
شريف: سيف استنى
لقيت شريف وقفني قبل ما كنت اوصل لاخر الدور وكنت خلاص هقع
انا: الطريق ده مش مكمل اكتر من كده
معتز: طب احنا كده عايزين نوصل للدور اللي فوق
فضلنا شويه ندور على طريق نطلع بيه للدور فوق ومش لاقيين لغاية ما عيني وقعت على فرع رفيع طالع من الشجره الكبيره
انا: يا شباب انا عندي فكره
ركزت تاني والمره دي قدمت الوقت والفرع الرفيع ابتدى يكبر اكتر واكتر
انا: يلا ياجماعه نمسك في الفرع ده
مسكنا فيه كلنا والفرع بدا يكبر اكتر واكتر لغاية ما وصلنا للدور اللي فوق ولما وصلنا نزلنا ورجعت الزمن تاني لوقت الحرب وشفت زيمادرا واقفه في وشي
زيمادرا: متفقدش الامل يا بولان
بولان: بس اعداء العقيده عايزين يدمروا كل التماثيل طب هيعملوا ايه لو لقوا قلب الجزيرة...
زيمادرا: انت مفكر ان القلب اللي الشجره دي طلعت منه ممكن يتدمر بايد الفانتي لا طبعا الشجره دي كانت موجوده قبلنا بكتير وهتفضل موجوده بعد ما نموت بكتير برضو, المهم احنا لازم نركز عشان ننقذ شعبنا من الحرب
وحطت ايدها في كيس في حزامها وطلعت منه تمثال من التماثيل وكان على شكل عروسة لابسه فستان ورافعه ايدها الاتنين زي ما تكون بترقص
بولان: انتي معاكي واحد من ال 12 تمثال ايه ناويه تديه لاصحاب العقيدة
زيمادرا: لا ده في قوة كبيره انها تبقى في ايد حد من القبيلتين لازم تفضل مخفية, انا هحملك انت المهمه دي يا بولان حافظ عليه وخبيه في مكان قريب
بولان: طب وانتي هتعملي ايه يا زيما
زيمادرا ادته التمثال وسحبت السيف بتاعها
زيمادرا: انا هنهي الحرب دي
زيمادرا نطت من الدور ده للدور اللي تحت وشاركت مع مجموعتها وبولان واقف ومتوتروبعد كده مشي
ندى: ده هيمشي بالتمثال
انا: طب يلا بينا وراه
انا والباقي رحنا وراه لغاية ما شفناه وقف وقعد يبص حواليه يشوف في حد شايفه ومش قادر يشوفنا مع اننا واقفين وراه علطول
بولان: محدش يعرف الكهف ده اظن ان هيبقى امان
وبدا يزق شويه اعشاب وحط التمثال وزق الاعشاب تاني فوق التمثال ومشي ولقيت ندى رايحه تمسك التمثال ولكن فجاه لقت على بوابة الكهف ورق شجر كتير وضخم سادد الطريق
ندى: اكيد في الحاضر الفتحه دي اتسدت لما الزرع كبر كده التمثال اتحبس
انا: ندى احنا لسه معديين من حيطه خشب يبقى اكيد تعرفي تعدي عادي
ندى عدت من الشجره وطلعت ومعاها التمثال وجابته عندي واول ما لمسته كالعاده لقيت نفسي فجاه في مدرج من مدرجات الجامعه وكانت في محاضرة والمحاضرة خلصت وطلعت عشان تمشي وهي خارجه خبطت في علي
ندى: انا اسفه مكنتش اقصد
علي: لا ولا يهمك انا كنت احم .... خدي ده وقع منك
واداها قلم مكتوب عليه اسمها ندى عباس الغانم
ندى: انت لقيت القلم بتاعي ده وقع مني من كام اسبوع
علي متوتر: اااا ايوه انا لسه لقيه دلوقتي حالا يعني مكانش معايا ومستني اديهولك في وقت مناسب ولا اي حاجه من الكلام ده
علي بعصبية: اللي اقصد اقوله انك لازم تاخدي بالك من حاجتك بعد كده
ندى: حاضر هاخد بالي
علي بحزن: ماشي انا ... سلام
ندى نازله على السلم لقت مجموعه من الطلاب متجمعين
حسن: نتيجة الميدتيرم طلعت
دخلت دى في سطهم عشان تاخد ورقة النتيجه بتاعتها ولقت نفساها جايبه جيد ومكتوب جنب اسمها رد من الدكتوره كاتبه انتي تقدري تجيبي درجة احسن من دي
ندى بتكلم نفسها: جيد ازاي اجيب جيد
شريف: ايه يا ندى اكيد جايبه امتياز كالعاده
ندى حطت الورقه في شنطتها بسرعه قبل ما شريف يشوف
ندى: معلش اسفه لازم امشي عشان الحق المحاضرة التانيه
شريف: و**** نفسي اجيب امتياز مره زيك كده
طلعت ندى من المدرج خالص وماشيه وكلام الدكتوره في دماغها
ندى بتكلم نفسها: طب انا هقول ايه لماما اقولها الحقيقه واقولها ان عمري ما هبقى زيها واني عمري ما هعرف امسك الشركه بتاعتها
وبدات تعيط كتير وبعد كده وهي ماشيه شافت عربية الدكتوره في البارك بتاع الكليه ورمت شنطتها على الارض وهي متعصبة ولقت عصاية حديد على الارض مسكتها وضربت كبوت العربيه وبدات تكسر في العربيه ولما رمت الحديده على العربيه بدات تفوق
ندى: يا نهار اسود ايه اللي انا عملته ده, انا لو اتقفشت هقول ايه لماما
ومنغير ما تحس بدات تجري باقصى سرعتها, وتاني يوم راحت للكلية وقاعدة في المكتبه ولسه فاكره اللي هيا عملته امبارح وهي قاعده كانت سامعه همس
احمد: يا سلمى عرفتي ان في حد امبارح دغدغ عربية دكتوره منال اوعي تكوني انتي اللي عملتيها
سلمى: يارتني اللي عملتها بس لسه معرفوش مين اللي عملها
وندى فجاه حست بحد بيخبط على كتفها
مريم: ندى في اتنين من الامن بيدوروا عليكي
ندى: بجد
مريم: ايوه هو انتي شوفتي مين اللي كسر عربية الدكتورة
ندى: ايوه غالبا اها
ندى راحت ناحية الامن وواحد منهم ماسك قلم مكتوب عليه اسمها وفجاه لقيت الدنيا نورت وبتنقل تاني ولقيت نفسي في الاوضة اللي فيا الجسور في البركان
ليلى: بسرعة يا ندى
مريم: يلا مستنيه ايه مش انتي قلتي انك هتقدري تعطليها
ندى: اقدر او على الاقل اظن...
وندى كانت بتفحص اسلاك في صندوق صغير وفي جنب من الصندوق في شاشه صغيره وبتعد 57 ثانيه 56 ثانيه
احمد: طب ايه قنبلة زهران دي هتفشخنا
علي بعصبية: اخرسوا بقى سيبوها تركز وهي هتعرف تطلعنا
شريف: ركزي يا ندى وهتعطليها
ندى: مش هقدر مش هقدر اكون زي ما انتوا عايزني
علي: احنا مش قصدنا
ندى بعصبية: مش هقدر
ومسكت طوبه وقعدت تكسر في القنبلة
شريف بخوف: وقفي يا ندى
وضربت القنبلة مره اخيره والعد نط للصفر والقنبلة انفجرت والدنيا نورت تاني ورجعت مكاني تاني وندى بتديني التمثال
ندى مبتسمه: اهو لقينا واحد جديد
علي بعصبية: طب تمام حلو اوي كده بس احنا برضو لسه ملقيناش القلب
ندى: لا ... بس عارفين الوقت اللي فيه القلب
ليلى: زيمادرا قالت ان الشجره دي كبرت من القلب يبقى احنا محتاجين نرجع للوقت اللي الشجره بدات تكبر فيه
شريف: شجرة بالحجم ده احنا بنتكلم في الاف السنين
انا: طب يا جماعه كله يمسك نفسه
الوقت ابتدى يرجع والشمس بترجع تاني والحرب رجعت لسلام والوقت بقى بيرجع اسرع والمباني بدات تختفي واحد ورا التاني وبدا يرجع الوقت اكتر وشفت مجموعة من الناس لبسين بدل وبيلفوا في الغابة بتاعة الجزيرة
سلمى: ايه ده دول بني ادمين ولابسين بدل افراح ليه
والوقت بيرجع اكتر وشايف سفينه جايه من بعيد في البحر وعليها لوجو
علي: شركة زهران المتحدة ده يخت الشركة بتاع بابا
وبنرجع تاني وشايف في المايه من بعيد انها مولعه وفي سفينه كانت شايله بترول ومقسومه نصين ومن بعيد شايف سفينه حربية امريكية بتضرب بمدافع على مراكب المانيه وطيارات كتيره بتضرب على بعض
معتز: ايه ده دي الحرب العالمية الثانية
والوقت بيرجع اكتر لدرجه ان الشمس والقمر الاتنين بقوا جنب بعض عينيا مش بالسرعه الكافيه انها تشوفهم بيتحركوا وبعد شويه لقيت جزيرة سنان القرش سفينة قراصنه واقفه عندها وبعد كده مشيت والبيت الكبير اللي عليها بقى مش موجود
حسن: شكل هما دول اصحاب تسنيم
والوقت قعد يرجع اكتر
مريم: سرع عن كده يا سيف
بدات اركز اكتر وبدات شجرة اليستيل تكش وفضلت تصغر اكتر واكتر لغاية مابقت في حجم شجره عادية وفضلت تصغر لغاية ما بقت اقصر مني
خالد: اظن كده كفاية
انا وقفت الزمن على كدة
شريف: يعني هي دي الشجره العظيمة
معتز: لاول مره اتفق معاك اللي يشوفها كده يقول شجره عاديه جدا
انا شفت عند جذر الشجره من تحت زي عش من الجذور ولونها ابيض وشايف جواها نور ساطع جدا بشكل اول مره اشوفه لدرجه اني مش عارف ابص عليه مباشر
مريم: احنا لقيناه كده هنلحق نور
حسن: ايوه طب احنا هنجيبه ازاي بقى احنا عارفين مكانه دلوقتي بس مش عارفين مكانه في الحاضر
ندى مبتسمة: ازاي يا حسن احنا عارفين مكانه فين في الحاضر
حسن: طب كويس, ايه ده احنا نعرف مكانه
انا: انت شفت الجذور البيضاء ديه اللي محاوطه القلب احنا شفناها في مكان في اليستيل.... العرش
ليلى: ايوه كرسي العرش معمول من نفس الجذور البيضاء
علي: في نص الشجره بالظبط وده شيء منطقي
شريف: طب يلا بينا نرجع بقى ونجيب القلب
انا: طب امسكوا في بعض كويس زي المره اللي فاتت
وبدات اسرع الوقت لغاية ما وصلنا للوقت المظبوط وجرينا على اوضة العرش ولما دخلنا شفنا الالوان جوه اقوى من اي مكان واغرب
حسن: انا دماغي هتصدع من اللي شايفه ده
شريف: معلش امسك نفسك قربنا خلاص
قربنا على الكرسي وكل ما نقرب شايفين نور عالي بيطلع من الكرسي وبيعلى اكتر وصلت للكرسي ودخلت ايدي جواه وعدت من الجذور وحسيت اني مسكت حاجه وشعورها غريب ناشفة بس ناعممة جدا, سخنه بس بارده , مدوره بس حاده وشديت ايدي ولقيتني ماسك كوره منوره بلون ابيض
انا: اهي
خالد: دي بتعمل ايه
انا: بتعمل حلاوه يا روح امك هتبقى بتعمل ايه
فجاه لقيت الكوره بتنور اعلى الدنيا كلها نورت ومش شايفين حاجه غير لون ابيض لدرجه اني لما غمضت عيني كنت شايف ابيض مش اسود وبعد كده النور هدي والالوان كلها رجعت لطبيعتها واحنا لسه مكاننا في اوضة العرش ولقيت كل اللي موجود في اوضة العرش بيبصوا للكورة المنوره في ايدي
اوقزهال: مزهل, انا مكنتش مصدق انكوا... احم .. قصدي احسنتوا
معتز: احنا معانا رجل المستحيل بنفسه
واحنا واقفين شفت سيراكسا واقفه حراسه على نور ومقعدينها في ركن
انا: طب احنا جبنا القلب نعمل ايه بقى
اوقزهال خد الكوره مني وراح لنور والكوره بدات تنبض بالنور والنبض بدا يزيد لما حطها جنب دماغها
اوقزهال: دلوقتي احنا نستنى ونشوف
اوقزهالوطى راسه وبدا يد..عي وسيراكسا بعد شويه بدات تعمل زيه
حسن: انا عايز اشم شويه هوا بعد اللي احنا عملناه ده
بدا المجموعه تمشي واحد ورا التاني وسلمى فضلت في مكانها باصه لنور
احمد: ايه انتي حصلك ايرورولا ايه
وهي فضلت ساكته وباصه لنور في حزن
احمد: انا ملاحظ انك بقالك خمس دقائق متريقتيش عليا او ممكن تكوني مش لاقيه حاجه تضايقيني بيها
لقيت سلمى بصت ناحيتي وعلى وشها ملامح الم وطلعت برا الاوضة
انا: تعالى نطمن عليها
خرجنا ولقينا سلمى واقفه على جسر تاني وباصة على البحر
احمد: هو انا عملت ايه, دي عمرها ما كانت كده
انا: روح اتكلم معاها, واقصد كلام بجد واعرف ايه اللي في دماغها
احمد: بس انا معرفش ... معرفش لو هي عايزه تصارحني انا
انا: هي عايزاك دلوقتي
احمد: خلاص هروح اشوف ملها
احمد راح وقعد جنبها وهو متوتر على الجسر
احمد: الوضع كان غريب شويه جوه صح
سلمى: امشي دلوقتي
احمد: كنت عارف انك هتقولي كده, بس اللي في الموضوع ان..
سلمى: ان ده مش عدل
احمد: عدل في ايه
سلمى: كل ده, نور كانت دايما طيبه وغلبانه وقلبها طيب ونقي جدا وشوف حصلها ايه شوف حظها, وانا اهو ليه انا اللي لسه عايشه
احمد: يا ستي انت مش وحشه اوي يعني انا شفتك مره لميتي اكل لكلب في الشارع
سلمى بعصبية: انت عارف ان انا زفت مع الكل
احمد: صح فعلا لان الاكل كان حمضان
سلمى بعصبية: ناس زيها المفروض ميحصلهمش كده وناس زيي عايشين عادي جدا
الاتنين سكتوا وشفت تاري مميل من شباك قريب وشافهم هما الاتنين راح عليهم جري وبيضحك ولف ايده حوالين كتف سلمى
تاري: سل..مى
سلمى متفاجئه: ايه ده
احمد: يا برص يا صغير
تاري: وحشتيني
سلمى لعبت في شعر تاري وراحط مطلعه لسانها ليه
سلمى: يلا روح العب بقى
تاري: سلام
سلمى: على الاقل في واحد بسليه شويه
احمد: اكتر من واحد
سلمى مستغربه: ايه
احمد: ايوه انا حاسس ان العجوز معجب بيكي شويه
سلمى ضحكت وزقت احمد بهزار
احمد: الحياه مش دايما عادله عشان المواقف اللي بنمر بيها في حياتنا هي اللي بتغيرنا في ناس كتيره كانت طيبه وبسبب اللي شافوه اتغيروا وفي ناس تشوفيهم تلاقيهم وحشين جدا بس يمكن لو كانوا عاشوا حياة تانيه غير اللي عاشوها كانوا بقوا احسن لما يكبروا
والاتنين سكتوا وبصوا للقمر لحد ما سلمى ميلت براسها على كتفه
انا بكلم نفسي: تمت المهمه بنجاح
سلمى: ايه اللي خلاك تيجي
احمد: سيف اقنعني, انا فكرت اني لو جيت هتضربيني بونيه
سلمى رفعت راسها من على كتفه وشافتني وانا باصص عليهم انا رحت محول عيني الناحية التانيه علطول وبمثل اني ببص على النجوم
سلمى بتضحك: لسه في وقت كتير تبص فيه على النجوم
انا: انا يا بنتي ده انا احول حتى بصي
حولت عيني قعدت تضحك ورحت ماشي ودخلت لقاعة العرش تاني ولقيت الاوضة كلها فاضية
انا: يا جماعه
مش شايف نور في اي حته
انا: هما راحوا فين
اوقزهال بس عليا من ورا كرسي العرش
اوقزهال بخوف: اهرب يا حافز انقذ نفسك
شفت جسم طاير في الهوا وابتدى ينزل من الظلمه اللي كانت فوق وهي نور وعنيها منوره اخضر
نور: هو فين
كل كلمة بتقولها بحس كان في موجات بتخبط فيا لغاية ما وقعت على ركبي
انا مستغرب: في ايه يا نور هو ايه اللي فين
نور طايره في الهوا وماسكه القلب في ايدها وعنيها لسه منوره اخضر
نور: النص التاني
نور بعصبية: انت عملت ايه في بقيتي؟
وانتهى الجزء ده على كده وبتاسف على التاخير تاني وبتمنى بس تكتبوا رايكوا لو حتى هتحطوا نقطه بس اعرف بس ان في ناس بتقرا القصه
➤السلسلة الثانية
ازيكوا يا شباب عاملين ايه طبعا انا عارف اني اتاخرت في كتابة الجزء ده عشان كان عندي امتحانات بس خلصتها من فتره وبعدها كان عندي عسكرية وخلصتها من حوالي اسبوع وبصراحه انا كنت بتعولق في كتابه الجزء ده لاني مكنتش رايق للكتابه خالص وحاسس ان مكنتش عايز اكتب الفتره دي بس انا اديت للناس كلمه ولازم التزم بيها وجيت على نفسي عشان اكتب الجزء ده لان كلمتي سيف على رقبتي لو خالفتها مبقاش راجل ودي نصيحه بوجهها للناس الكلمه اللي بتخرج من بوقك لازم تعمل حسابك انك لازم تنفذها مينفعش تقول أي كلام لان ساعتها مش هتبقى راجل والكلمة اللي بتقولها هتبقى بنفس معنى كلمه طالعه من عيل صغير لانها ملهاش قيمه
حكمة: لا تتعجب من عصفور يهرب وانت تقترب منه وفي يدك طعام له فالطيور عكس بعض البشر تامن بان الحريه اغلى من الخبز.
__________________________________________________
يلا بقى معايا يا عزيزي حضر كبايه شاي او قهوه وتعالى معايا نتخيل مع بعض الاحداث وبتمنى ليك قراءه ممتعه
الجزء الاول : الليل الطويل
_____________________________
خيال وحش البحر عدى من تحت المركب والكل بعد عن حافة المركب
نور مخضوضه: ااااااه
تسنيم مرعوبه: ايه الكائن ده
انا بخوف: ده سيتوس رجع تاني لينا
التعبان الضخم مشي بسرعه للشجره الكبيره على الناحيه التانيه من الكهف
انا: (فجاه حسيت بصداع جامد ضرب دمغي ونزلت على ركبه واحده) اااااااه
نور بقلق: سيف مالك
بس انا مش سامعها ولا شايفها انا لقيت نفسي رجعت تاني لقريه الفانتي وشايفهم بيجروا يستخبوا وشايف السماء مغيمه وبتمطر وبرق ورعد شغال والمياه بدات تهيج
اوقزهال بخوف: مش ممكن ...
وسيتوس فجاه طلع من المياه قدام القريه وبيزار بصوت مرعب
سيراكسا بعصبية: حارس البحر بيعمل ايه هنا
اوقزهال بخوف: انا ....
وبدات صواعق تظهر في بق الوحش
فانتي 1: احذروا
فانتي 2: اهربوا
وضرب الوحش صاعقه على القريه واتسببت ان الخشب بقى طاير في كل حته
سيراكسا: اوقزهال اطلع لفوق بسرعه لازم تروح للاليشار
اوقزهال: وانتي هتعملي ايه
سيراكسا: هحاول احافظ على الوضع على قد ما اقدر, روح انت يلا
اوقزهال بقى بيجري وسط الفانتي اللي بيهربوا وغمض عينه وبدا يتكلم
اوقزهال في سره: ارجوك .. يا حافز .. لو سامعني ... لو انت قدرك تنقذ شعبنا ... ارجوك ترد .. عليا
وفجاه لقيت نفسي تاني على المركب وشايف الباقي واقفين وبيتفرجوا على المشهد المرعب قدامهم
تسنيم: يا نهار اسود
خالد: ده ولا كانه بيمثل عاد لينتقم انتوا فجرتوه بس رجع تاني عشان ياخد حقه
معتز: يبقى شكله عايز تاني
شريف بخوف: لا ده شكله غضبان
خالد: طب هو ليه بيهجم على الفانتي
نرمين بعصبية: مش عارفه ومش مهم بس خليك فرحان انك مش على الشجره دي دلوقتي
سلمى: احنا لازم نبعد عن المكان ده على قد ما نقدر
المركب بتبحر للناحيه التانيه من الخليج بعيد عن القريه والكل بقى في حاله صمت
انا: احنا لازم نساعدهم
ندى: انت عايز ترجع تاني
احمد: انت مجنون
مريم بعصبية: حتى لو معتبرناش ده انتحار رسمي, انت نسيت ان الناس دي حكموا علينا بالحبس مدى الحياه
علي بعصبية: وده بس عشان مقدروش يعدمونا
انا: مش كلهم كرهونا, الراجل العجوز حاول يساعدنا, وكمان في ***** عايشين هناك
خالد: وفارين شخص كويس وطيب, هو مقدرش يساعد في اللي امه عملته فينا
ندى: يا جماعه سيف معاه حق احنا منقدرش نلومهم كلهم
علي: للاسف مع اني كاره اقولها بس سيف بيقول كلام منطقي جدا
ندى: الفكره احنا في ايدينا ايه نعمله
شريف: انا معرفش الفكره كلها مخبوله بس دي ارواح ولازم نحاول ومهما حصل هنساعد, انت عارف انا معاك يا سيف
خالد: وانا كمان
نور: لو انت رايح يا سيف يبقى انا كمان جايه معاك (على قد ما انا يا عزيزي مش عايزها تيجي وخايف عليها جدا بس للاسف انا كده اناني واللي انا مقبلش انها تعمله المفروض مقبلوش على الباقي لانها مش احسن منهم في حاجه يمكن بالنسبه ليا هي مقربه جدا لقلبي بس بالنسبه للباقي هي مش احسن منهم وانا محتاج الكل معايا لان انا مش خارق عشان انقذ الناس دي لوحدي او انا والرجاله بس حتى انا محتاج الكل معايا يمكن يحصل فارق)
سلمى: انا عايزه اخدها جري وافلق بس للاسف انا معاك
مريم: طبعا الطيار هيشترك دلوقتي
معتز: انا, المسرحيه دي بتاعت سيف انا بس هشارك فيها
والكل بدا يبص لبعضه بيحاوله يجمعه شجاعه من بعض
انا: يا جماعه مش لازم الكل يجي اللي عايز يروح حته امان انا معنديش مشكله انا مقدرش اجبرك تساعد ناس انت حاسس انهم ميستهلوش بس انا بالنسبه ليا شايف انهم يستاهله مش كلهم بس في ناس تستاهل وعشان كده انا عندي استعداد اموت وانا بساعدهم زي ما انا عندي استعداد اموت وانا بساعد اي حد فيكوا هي موته يعني ولا اكتر
خالد: بلاش السيره دي بقى عشان مبحبهاش
حسن: يعني احنا هنساعد الناس
احمد: الواضح كده
تسنيم: انتوا اكيد بتهزروا انتوا كلكوا مجانين, ممكن تكون بتتمنى الموت بس انا مش هرمي نفسي للتهلكه
انا: كل اللي محتاجه منك انك تقربينا وبس اعملي اللي عايزاه
تسنيم لفت المركب ناحية شط قريب للشجره ونزلنا في المياه والامواج بتعلى اكتر ونزلنا كلنا ماعدا شخص واحد
انا: نرمين
نرمين لسه على مركب تسنيم ومش عايزه تبص في عيني
نرمين: انا مقدرش, في حاجات كتير على المحك بالنسبه ليا وانا مقدرش امشي قبل ما اوصل للي انا عايزاه
تسنيم: على الاقل في حد فيكوا عاقل
انا: نرمين انتي احسن من كده, انا قابلتك من اسبوع فات بس اللي عرفته انك عمرك ما هربتي من حاجه بس برضو بقولها تاني اعملي اللي انتي عايزاه (طبعا يا عزيز مستغرب انا ليه قلت كده مع اني في البدايه قلت اللي عايز يمشي معنديش مشكله بس نرمين واحده من الناس اللي محتاج مساعدتها لانها بسبب ذكائها ورد فعلها السريع وخبرتها القتاليه اللي معرفش جابتها منين في السن ده وقلت اخرى كلمتين دول لسببين عشان مبقاش كسرت كلامي وكمان عشان احط جواها تانيب الضمير وانا عارف انها هتختار في الاخر انها تيجي)
انا لفيت ومشيت ناحيه الشط وسبتها
نرمين: ( فضلت تفكر شويه) استنى انا جايه
انا ابتسمت بسيط من غير ما الف وشي ولقيتها نطت من المركب وبتجري علينا
تسنيم: حتى دي طلعت مجنونه
نرمين: سيف انا جايه معاك
انا ابتسمت: كويس عشان احنا هنحتاجك
نرمين: اكيد
مركب تسنيم لف وبدا يبعد وشاورت لينا سلام وقالت بصوت عالي
تسنيم: انا بتمنى ليكم التوفيق بس انت مش هتقدر تنقذ الكل
شريف: يبقى هنموت بنحاول
انا: شكرا يا بنت الفقريه انا مبحبش جمله الامتحانات دي
تسنيم: سلام يا شهداء
انا: فولي اكتر ما هي ناقصاكي
والمركب بتاعتها اختفت في الضباب
والكل بيجري ناحية الشط نور مسكت ايدي وشدتني لورا
انا: في اي ....
خدتني في بوسه جامده وبتضمني عليها جامد اوي كانها خايفه اهرب منها
نور: عشان خطري خد بالك من نفسك انا محتجاك
انا: متقلقيش كلنا هنطلع منها سلام وكمان عايزين نكرر الليله اياها تاني ايه موحشكيش اوضتي
نور: بصتلي وخدودها احمرت واتكسفت جامد
خدتها بوسه سريعه وجرينا نلحق الباقي ووصلنا لقاع الشجره وسامعين صراخ الناس فوق
شريف: يلا بينا على السلم
وطلعنا على السلالم جري واول ما وصلنا لفوق شوفنا سيراكسا بتحرك الجنود
سيراكسا: للاسانسير بسرعه
والفانتي شافونا
فانتي 1: المحفزين هنا
فانتي 2: مستحيل
الجنود اتجمعوا حوالينا وطلعه اسلحتهم
سلمى بقلق: شفت عشان كده كنت بقول لازم نمشي
معتز متعصب: اهدوا يا جماعه احنا هنا عشان نساعد
سيراكسا بعصبية: ازاي هربتوا من جزيرة اسنان القرش
مريم: طلبنا اوبر, انتي يفرق معاكي في ايه
فانتي 3: دي غلطتهم هما اللي استعدوا سيتوس عشان يدمر اليستيل
فانتي 2: ودلوقتي جايين عشان يخلصوا علينا
نور: لا احنا ...
فانتي4: احنا كان لازم نقتلهم لما كان عندنا فرصه
سيراكسا بعصبية: لسه عندنا فرصه
سيراكسا طلعت الخنجر بتاعها
سيراكسا بعصبية: انتوا جبتوا الخراب لشعبي ... بس انا اقدر اجيب الخراب ليكوا
نرمين بعصبية: طب ورينا
فارين جه بسرعه يشوف التجمع ووقف لما شاف اللي بيحصل
فارين متفاجئ: خالد
خالد مبتسم: ازيك يا فارين بقالي مده مشوفتكش
سيراكسا عملت اشاره والفانتي بداه يقربوا علينا اكتر وبيوجهوا اسلحتهم لينا ولكن سمعت صوت فوق, كان واحد من الفانتي ماسك قوس ليلى ضربته من ضهره ووقعته ومسكت القوس ووجهته على دماغ سيراكسا
ليلى بعصبية: ارجعي لورا يا وليه
سيراكسا ابتسمت باستهزاء ورفعت ايدها وقفت الفانتي
سيراكسا مبتسمه: انا كنت خايفه تخلوا الموضوع ده سهل
ندى: ليلى انتي بتخلي وضعنا اسوء
ليلى: انا اسفه يا ندى بس انا مقدرش اخلي حاجه تحصل للمجموعه بتاعتي
اتنين من الحراس قربوا عشان يحموا سيراكسا ولكن هي بعدتهم
سيراكسا: ميهمكوش البت الهبله دي متعرفش تستخدم ....
وسهم عدا من جنب دماغ سيراكسا وقطع ضفيره من ضفاير شعرها
ليلى بعصبية: كملي كلام لو عايزه اعملك قصه جديده
معتز بيهمس: لو ليلى قتلت دوناتيلو دي احنا كده بنثبت ليهم اللي هما بيفكرا فيه
انا: ارجعي يا ليلى
ليلى: لا يا سيف انا مقدرش ارجع
سيراكسا بعصبية: انتوا هتفشلوا في مهمتكوا دي بس ممكن تضحية من المحفزين تكبح غضب سيتوس
الفانتي اتجمعوا علينا ومسكونا كلنا
فارين: سيراكسا وقفي الجنان ده
سيراكسا بصعبية: لا احنا لازم نصلح غلطة امك قبل ما يفوت الاوان
حسن: احييييه
ندى بخوف: نعمل ايه
انا ببص حواليا وكل اللي شايفه هو رماح وسهام متوجهه لينا
انا: (مش عارف افكر من التوتر) انا ....
عيل: ازيك يا حافييز
ال*** الصغير اللي شفته قبل ما نمشي لقيته عدى من وسط الجنود وبيسلم عليا
سيراكسا متفاجئة: تاري انت بتعمل ايه, امشي من هنا بسرعه
تاري: ليه انا كنت عايز اسلم على الحافييزيون, (ابتسم) وجبت النبله بتاعتي عشان اضرب سيتوس (كلمني) عجباك
تاري رفع نبله معملوه من الخشب وبيفرجني عليها
انا مستغرب: ااااا
معتز مستغرب اكتر: اها يابني دي جميله
حسن مبتسم: دي جامده جدا
سيراكسا بحزن: تاري انت لازم تمشي
تاري: ليه
سيراكسا: عشان خطر
تاري مبتسم: متقلقيش الحافييزيون هنا عشان ينقذونا
وبص للجنود اللي ماسكين رماح علينا
تاري بعصبية: انتوا بتلعبوا يا جماعه الشرير اهو
تاري جري برا الدايره ورافع النبله
انا وسيراكسا بصينا لبعض وشاورت للجنود ينزلوا اسلحتهم
سيراكسا: انا قائد الحرب هنا وتعملوا زي ما هقول لما اقول, (اتعصبت) اي حركه غلط وانا هرميكوا لسيتوس بنفسي واضح
معتز بخوف: جدا
سيراكسا: ورايا الدفاعات بتاعتنا من هنا جه الوقت اللي اشوف فيه ازاي هتتعاملوا في ساحة المعركه,( ابتسمت) الحاجه الحلوه في المعركه انها بتكشف الشخص على حقيقته
انا مشيت مع الفانتي وطلعنا على سلم حوالينا لشجره في المستوى اللي احنا فيه كان في منجنيق بيحدف صخور مولعه على سيتوس بس سيتوس مشغول بالضرب على الشجره من فوق ومسك جزع كبير من الشجره وشده بسنانه كسره ووقع من عليه جنود كتير ماسكين سهام
انا: سيراكسا احنا رايحين فين
سيراكسا: وحش البحر بيهجم على اعلى نقطه في المدينه
فارين بحزن: امي فوق انا مش هسمح انها تموت والباقي بيجري عشان يهرب
نور: هو ليه سيتوس بيعمل كده
سيراكسا: احنا مش عارفين
فارين: سيتوس كان دايما بيغرق القوافل اللي بتلف بعيد عن الجزيره بس عمره ما هاجم اليستيل قبل كده
نرمين: يعني دي اول مره لكل حاجه
انا: بيقى واضح احنا عايزين نعمل ايه لازم نعرف هو هنا ليه
علي بصعبية: وانت بتخطط تعرف ده ازاي هعمل لقاء معاه
ندى: لا سيف معاه حق انا قصدي بس على شكله ده مستحيل يتقتل, كل حاجه ليها علاقه بالبيولوجي لو عرفنا السبب هنعرف ايه التاثير (طبعا انا عارف ان الموضوع بقى كليشيه اوي كل شويه سيف معاه حق بس اعمل ايه يا عزيزي سيف مبيغلطش ههههه)
علي: اااا هو ده كان قصدي بالظبط
فارين: يبقى نطلع للقمه مكان ما بيهاجم ونعرف هو عايز ايه
تاري: الاسانسير في الناحية التانيه من المدينه تعالوا ورايا
سيراكسا بعصبية: تاري روح للتلال مع بقيت ***** ده امر
تاري بعصبية: لا انا عايز اقاتل
طلع قدامنا بسرعه مع النبله بتاعته
شريف: ده هياذي نفسه
انا: ده كده هيموت نفسه
سيراكسا: اهله كانوا صيادين وفي يوم العاصفه بعدتهم بعيد عن الجزيره
انا: سيتوس قتلهم ؟
سيراكسا هزت دماغها بايوه
نور بحزن: يعني هو ملوش اهل
سيراكسا بعصبية: لا احنا هنا كلنا اهله و بصي.... حاسبوا
فوقينا سيتوس خلع جزع كبير تاني والجزع واقع ناحيتي والجنود بعدوا عن الطريق
نرمين: اجروا
الكل نط بعيد عن الطريق واحمد شال سلمى في ايده وجري بيها في حته امان والجزع وقع على الحته اللي كنا واقفين فيها بالظبط
سلمى: هار اسود ثانيه كمان وكنا روحنا في داهيه
هي لاحظت ان احمد شايلها وهي لافه دراعها على رقبته
احمد: انا ....
سلمى: انت .....(اتعصبت) نزلني حالا
احمد: دي غلطتي متقلقيش محدش شافنا
مريم: انا متاكده ان هو شافنا
وكانت بتشاور على سيتوس وهو باصص لينا من فوق
سيراكسا: بسرعه اقفوا على المنجنيق
احمد وسلمى ومريم جريوا على واحد وعلي وندى وانا جرينا على واحد
وفارين وسيراكسا وقفوا على واحده وبيشرحوا لينا نعمل ايه
انا: اضرب
والصخره طارت ولبست في دماغه
سلمى: كويس ده دورنا خلينا نوريهم هنعمل ايه
وعمله زينا بالظبط ولبست في دماغه واحمد خد سلمى ومريم في حضن جماعي وسلمى ومريم ضربوا كفهم في كف بعض ووقفوا محرجين
انا: يابني كفايه تلزيق انت بتلزق في اي نتايه وخلاص
احمد بص على سيتوس اللي بيهز دماغه من وجع الصخره
احمد: ايه عايز تاني
وسيتوس بدا يطلع صواعق من بقه
احمد بخوف: الحقوني دي هيفشخني
انا: استخبوا بسرعه
وبدات الصواعق تزيد في بقه وضرب صاعقه علينا وضربت المجانق واتدمرت كلها
حسن: احاااااا
سيراكسا: في مجانق تانيه لازم نفضل نضرب عشان نعرف نوصل لفوق
ندى: احنا هنكلم انتوا اطلعوا يا جماعه
احمد: ايوه احنا هنحمي طيازكوا
مريم: على ما اتذكر يا احمد وانت في تانيه جامعه مكنتش بتعرف تحمي طيزك انت
احمد: ده كان تحدي
انا: على ما اظن هي كانت هحمي ضهركوا باين ولا انا معنديش خلفيه ولا ايه
فارين: يلا يا جماعه الاسانسير من الاتجاه ده
فارين وسيراكسا خدونا لمكان اسانسير كبير
سيراكسا: يلا يا جماع هاطلعوا بسرعه ده هيوصلنا قريب للقمه
واحنا طالعين انا شايف المعركه شغاله
ليلى: الاسانسير ده جامد
نرمين: ازاي شايلنا كلنا انتوا بتستخدموا ايه كوزن عكسي
فارين شاور على كمية سفن كتير مطبقين ومربوطين في اخر السلسلة
فارين: في سفن كتير بتدمر بسبب سيتوس وبتتجمع هنا
وصلنا للقمه وبقينا في مستوى راس سيتوس وشايفينه وهو بيكسر جزوع شجره
فارين: تعالوا احنا هنلف حوالين الجنب ده عشان نبعد عن ...
فارين بخوف: تاري
سيراكسا بصت وشافت تاري بيجري ناحية سيتوس
سيراكسا: لاا
انا بخوف: ده بيعمل ايه
تاري: يا قبيح الوجه
تاري ضرب بالنبله عليه وجت في دماغه
تاري بعصبية: ابعد عن صحابي
وسيتوس بص ناحية تاري بسنانه الحاده وصواعق في بقه
سيراكسا: لاااا
انا: تاري ابعد
وجريت عليه مسكته ونطيت بعيد عن الطريق في نفس الوقت اللي سيتوس عض فيه الخشب مكان ما تاري كان واقف وانا شيلت تاري وجريت بيه بعيد عن سيتوس
تاري مبتسم: انتي شوفتي يا سيراكسا الحافيز انقذني
تاري بصلي وهو مبتسم: انت بطل انا عايز ابقى زيك لما اكبر (انا يا عزيزي اتفاجئت من ردة فعله واثر فيا حسسني ان ليا لازمه وان قراري اني ارجع انقذهم كان صح)
سيراكسا بخوف: انت غبي غبي اوي
تاري عيط: انا اسف يا سيراكسا
هي خدته في حضنها جامد وبصتلي
سيراكسا: انت انقذته
انا: شكلك متفاجئه
سيراكسا: عشان انا متفاجئه, بس ... شكرا ليك لو نجينا من الحرب دي انا هردلك الجميل
انا: مش لما نعيش الاول
واحنا بنتكلم سيتوس كان ضاعف هجماته على قمة الشجرة
فارين: الحارس بيحاول يوصل لاوضة العرش
سيراكسا: الاليشار جوه صح
فارين بحزن: انا بتمنى, انا عمري ماشوفت سيتوس بيعمل كده بالشكل ده
احنا مش هنعرف هو عايز ايه لو مدخلناش جوه اوضة العرش
انا: احنا لازم نشغله
فارين: تعالى انا عندي فكره
ووداني ناحية طيارة بتمسك فيها وتطير بيها من مسافات عاليه لحد الارض
فارين: دول اتعملوا عشان حرب الثلاث قبائل عن طريقها بيطير المحاربين فوق كوارتيل ف يظلام الليل وبيرموا ...ااا...
خالد: قنابل
فارين: ايوه هي دي قنابل نار
معتز: اشطا جدا دول هياثروا فيه اكيد
معتز راح ومسك الطياره وبيتاكد انها كويسه
معتز: يعني معقوله وواضح انها بتشيل اتنين واحد هو اللي يتحكم والتاني يرمي القنابل
مريم باستهزاء: يا راجل تصدق مش واضح انها تشيل اتنين خالص
معتز: القائد بتاعنا كان بيقسمنا اتنينات وبنفضل فرقه مع بعض دايما
فارين: الطيارات دي صعبه التحكم فيها وحساسه جدا وبتحتاج من المحارب سنين من التدريب ....
معتز بيضحك: متقلقش يا سيادة السنفور انا بس محتاج مساعد معايا (وبيبصلي)
شريف: وانا كمان هاخد واحده
حسن: يبقى يلا بينا
معتز: يبقى كده هما محتاجين مساعده ياريت تجهزوا كفنين
وبعد دقائق كنت مربوط بحبل في عمود في الطياره ومعتز مربوط في عمود تاني فوقي بشويه
معتز: جاهز
انا: ودي اجهز ليها ازاي يعني اصوصو ولا افرد جناحاتي
معتز: انا راجل غبي ان سالتك معلش استحملني
جنبي طيارتين تانين واحده فيها شريف وحسن والتانيه فارين وخالد
حسن: تمام ازاي نطير بقى
انا: استنى افتكر شفرة طيران جاتا, ايه يا حسن السؤال ده انت كمان مش كفايه مستحمل المتخلف التاني
معتز: وايه دخل المتخلف
انا: مجبتش حاجه من عندي اهو واضح كل حاجه
فارين: هتقف على الحافه وتنط في الهواء بس كده
انا: اهو مش محتاجه حاجه يعني
خالد بخوف: حد تاني حاسس ان ابتدى يجيله فوبيا مناطق عليا
انا بصيت من الحافه وارتفاعنا عالي جدا
انا: ده احنا هنتدلع
معتز: 1 .... 2 ..... 3 هوب
والطياره سنها متوجه للارض
انا: ده احنا شكلنا هنتناك
معتز: يلا بقى
انا: عايز تتناك
ومع السرعه الاجنحه مسكت الهواء واترفعت لفوق
معتز: بيضحك ايوه كده, احاااااااااا
سيتوس ضرب صاعقه علينا ومعتز ميل يمين جامد عشان يفلت منها
طياره فارين طايره قريب مننا
فارين: كويس جدا انا منبهر ممكن لو تدربت باجتهاد لسنين كتير توصل لمستوايا
معتز: بجد طب اديني خمس دقائق
انا: متبطلوا جو محي اسماعيل ده انت وهو وركزوا
خالد: يا جماعه حد فيكوا شايف ....
وفجاه لقينا طياره عدت بسرعه من جنبنا وبتتهز جامد وبتروح في اتجاهات كتيره وخارجه عن السيطره
حسن برعب: ياااالهوييييييييييي
شريف: الحقونييييي
انا: نهار اسود دول هيحصل حاجه من الاتنين يا هيقعوا ويموتوا يا هيدخلوا في سيتوس ويموتوا برضو
معتز: انا قلت حضروا كفنين
حسن: خلاص انا ابتديت افهم شويه
شريف: انت مش فاهم حاجه يخربيتك
سيتوس ضرب صاعقه على فارين وخالد وفارين هرب منها بسهوله
خالد بخوف: انا بعمل ايه هنا انا كان زماني في بيتي لابس جلابيه وبتفرج على توم وجيري
والطيارات بتاعتنا بتقرب على سيتوس اكتر
فارين: القنابل موجوده في جيب عند الجناح ارموها على سيتوس لما نعدي من فوقيه
انا حطيت ايدي في الجيب وطلعت كوره خشب ورميتها على سيتوس بس هوا العاصفه بعدها عنه ونفس الموضوع حصل مع خالد
انا: الهوا جامد مش هنعرف نصيبه
معتز: طب جرب انت يا شريف
شريف حدف الكوره وبرضو مجتش
شريف: مش هتيجي لازم نقرب اكتر
حسن: انت عايز تقرب للبتاع ده
انا: معتز تعرف تقربني ولا ايه
معتز: ماشي بس هناخد كام لفه كده وعايزك تركز معايا وتعمل زي ما بقولك عشان وزنك هيساعد اننا نفلت بسرعه
انا: ماشي يلا بينا
ومعتز وجه الطياره ناحية سيتوس بالظبط وسيتوس بدا يضرب علينا صواعق ومعتز بيقولي اروح يمين او شمال او تحت وهكذا وفلتنا من كل الصواعق
شريف: دول مبيقفوش
خالد: خمسه وخميسه في وشك عيل ابن ميتين كلب, خش يلا يا سيف
معتز: بس كده قربنا افقعه قنبلتين
انا: استنى انا هخليه يشوف الجحيم دلوقتي
وفتحت الجيب اللي فيه القنابل وكل القنابل نزلت عليه مره واحده وكلهم ي دماغه وبينفجره واحده ورا التانيه
حسن: افشخوه
وسيتوس بيتالم جامد وبيصرخ معتز قرب من دماغه اكتر وكان على دماغه زي قرن استشعار واوله من فوق مدور ومنور جدا بنور عالي شوفت جوده الدايره دي تمثال زي التماثيل اللي لقيتها وكانت لراجل واقف وماسك سلستين في ايده والسلاسل ملفوفه عليه بس مش مربوط يعني مش لازقه عليه في مسافه بينها وبين جسمه وحسيت كان الوقت بطء وانا ببص عليى التمثال ومش سامع صوت معتز بيتكلم بس سمعته في وقت متاخر
معتز: خش شمال شمال يلا
وسيتوس ضرب صاعقه علينا وجت في جناح الطياره والجناح ولع
انا: اغيثونا الحقونا
معتز: احنا لازم ننزل من الطياره
ومعتز قرب من دور من ادوار اليستيل وفك الحزام بتاعي وبتاعه ووقعنا مسافه صغيره لغاية ما نزلنا على الارض وقعدنا نتدحرج لغاية ما وقفنا والطياره اتكسرت وولعت كلها
انا: معتز انت كويس
معتز: تمام تمام
وسيتوس ركز مع شريف وحسن وهما لسه برضو مش قادرين يسيطروا على الطياره كويس
حسن: شريف انا مش شايفه هو فين
شريف: ده حوالينا فعليا
وحسن اكتشف انهم شبه طايرين في بق سيتوس وهو وراهم بيحاول ياكلهم
شريف: كمل لقدام بسرعه
حسن: يالهويييييييي
وخرجوا من بق سيتوس قبل ما يقفل عليهم
حسن: ابعده من ضهرنا يا شريف احدف عليه قنابل
شريف: عملت كده
وحسن بص على الجيب لقاه فاضي والاتنين بصوا على سيتوس
شريف: ابلع يا ابن العرص على اللوبي يلا
والانفجارات اشتغلت في بق سيتوس وهو بقى بيصرخ ودخان طالع من بقه ووقع بجسمه ناحية الاسانسير اللي في الشجره والدور ده اتكسر وسيتوس اتحبس بسلاسل الاسانسير وبيحاول يفك نفسه بس الكتله الحديد اتعلقت في جزع الكبير وحركة سيتوس بقت محدوده وشريف وحسن خبطوا في دور من الادوار اللي تحتينا وبيتكلموا
شريف: يا جدعان كملوا احنا جايين وراكوا
فارين: يلا يا سيف دي فرصتنا
انا: يلا للاوضه
دخلنا جوه ولقيت الملكه ومعاها اوقزهال وكام واحد
اوقزهال مبتسم: المحفزين هنا كده احنا هنبقى في امان
معتز: احنا لازم نفضي الاوضة دي قبل ما الوحش ده يتجنن اكتر من كده ويقتل الكل
الملكه زيمادرا (الاليشار): للاسف مش هنعرف نخلي القريه عشان الناس اللي فيها يا اما كبار جدا يا اما صغيرين يا اما مرضى
زيمادرا: يا محفزين, قائد الحرب قالتلي انكوا قاتلتوا مع الفانتي جنب لجنب عشان تحموا اليستيل
نرمين: احنا هنا عشان نساعد
زيمادرا: وانا ممتنه لده بس دلوقتي احنا عايزين حلول عشان نخفف غضب حارس البحر
انا: في الحقيقه انا عندي فكره, سيتوس عنده تمثال في القرن اللي فوق دمغه جوه الدايره المنوره
اوقزهال: ايوه كده انا فهمت, انت فاكر الطقوس اللي عملتها في المحكمه دي كانت المفروض تربطك وتصولك للفالتا ( التماثيل ) وطالما الوحش معاه تمثال يبقى الطقوس دي شدته للمكان هنا
وشاور على التماثيل اللي جمعتها محطوطه جنب كرسي العرش
ليلى: يعني هو بيجري ورا التماثيل
وهما بيتكلموا انا لاحظت ان نور داخت شويه وسندت على حيطه ووطت للارض وقعدت رحت ليها انا ومريم
انا بقلق: مالك يا نور حاسه بايه
نور: حاسه ... اني دايخه شويه
مريم قاست نبضها
مريم: نبضك بطيء اوي يا نور
نور: انا كويسه ... (بتحاول تقوم تقف بس مش قادره)
انا: طب خلاص خليكي قاعده هنا وريحي متتحركيش ابوس ايدك
نور: انا مش هستسلم يا سيف مش هستسلم
انا: انا عارف ومش بقولك تستسلمي انا عايزك تفضلي تقاومي وعشان كده لازم ترتاحي عشان تقدري تقاومي
نور هزت دماغها بموافقه وفضلت قاعده
سيراكسا: احنا لازم نعمل خطه استراتيجيه
انا: شايف اننا ناخد التماثيل دي ونبعدها عن هنا حد يركب طياره وزلاجه ايا كان ويروح بالتماثيل بعيد عن هنا
معتز: بالظبط وساعتها الوحش هيمشي من هنا
شريف: بس اللي هيعمل كده ممكن يموت
فارين: طبعا لا احنا معندناش غير زلاجه واحده بس اللي سليمه وقدامه اصلا, مستحيل كلنا نطلع عايشين
اوقزهال: احنا لازم نحاول المهم دلوقتي هي التماثيل هي المقتاح عشان نلاقي اللانهائي
سيراكسا بعصبية: انا مش شايفاك متطوع يعني يا اوقزهال
زيمادرا: اوقزهال عنده حق
فارين بزهول: اييه....
زيمادرا: التماثيل هتوجهنا للعراف بتاعنا اللانهائي, ومن غيرهم ممكن مننجوش من رانلوستي وبالتالي مينفعش نتخلى عنهم, خلي عندك ايمان احنا هنوصل للزلاجه
وبعد التجهيزات خرجنا من الاوضة عشان نواجه سيتوس وفارين خد ساتر جنبي
فارين: احنا لازم نتحرك في الخفى لو سيتوس شافنا ممكن يدمر الزلاجه
خالد: انا جاهز
انا: انت متاكد يا خالد
خالد كان ماسك شنطه وفيها التماثيل
خالد: عيب عليك
معتز: انا هخرجه من هنا صاغ سليم
انا: انا مش قلقان غير منك انت
فارين: يلا بينا
انا: ماشي 1 .... 2 ....
ليلى مستغربه: دي رايحه فين
ليلى كانت بتشاور على حد ماشي ورايح على حافة المدينه وكانت زيمادرا
زيمادرا: اسمعني يا حارس البحر
زيمادرا مسكت قوس وضربت سهم على سيتوس جه في جنبه ويادوب خدش قشرته
فارين: امي ( وقام عشان يروح عليها )
انا: فارين متروحش
فارين: دي في خطر
انا بحزن: انا عارف
نرمين بحزن: دي بتشغله عننا
زيمادرا ضربت سهم تاني عليه
زيمادرا بصوت عالي: اسمعنييييي
وسيتوس بص ناحيتها وبدات صواعق تنور في بقه
معتز: احيييه احنا لازم نجري بسرعه
معتز وخالد جريه ناحية الزلاجه وفارين راح جري على امه
فارين مرعوب: امي
زيمادرا بصت لفارين وشاورت ليه يقف واتكلمت
زيمادرا: انت كان عندك حق يا ابني مستحيل كلنا نعيش
فارين: لا استني (وبيجري باسرع ما يقدر)
زيمادرا: الناس هتتطلع ليك دلوقتي يا ... اليشار
وصاعقه اضربت على زيمادرا واتعمينا كلنا ولما رجعنا نشوف تاني كانت زيمادرا مرميه على الارض
فارين: لاااااااا ( فارين راح عندها ومسكها وخدها في حضنه وهي يادوب بتتنفس وعنيها بتقفل)
فارين بحزن: امي ارجوكي انا مقدرش ابقى اليشار انت لازم تقودينا من اللي احنا فيه ده (ورايح ايده على السلسله الزرقاء على رقبتها ولكن مسكت ايده وحركت راسها براحه)
زيمادرا: بعض ... الاختيارات ... لازم ... تتحقق (وماتت وفارين بيعيط على فراق امه ووحش البحر واقف وراه)
وصوت حصل شغل سيتوس وبص عليه كان معتز وخالد طايرين ناحية نص الجزيره
معتز: نجحنا
خالد بص وراه بحزن على فارين وهو ماسك جثة امه في ايده
نرمين: نجحه دلوقتي بقوا في امان
سيتوس بعد نظره عن فارين وبيبص على خالد ومعتز, وفجاه حسيت بطاقه في الهواء وشعري ابتدى يقف
ليلى: انتوا حاسين بده
سيراكسا: دي مصيبه
وقدامي شايف طياره معتز طايره وفي اعصار نزل من السماء ناحيته
معتز: احاااااااا
نرمين مصدومه: هو البتاع ده عمل اعصار من مفيش
سيراكسا: ايوه ... سيتوس هو العاصفه
هوا الاعصار بقى بيحرك طياره معتز ورجعها تاني ناحية سيتوس
خالد: احيييه احييه
انا جريت على فارين
انا: فارين احنا لازم نعمل حاجه سيتوس بيرجع خالد ومعتز
ليلى: احنا لازم نلحقهم
فارين بحزن: ازاي انا مقدرتش حتى انقذ امي
انا: انت عايز موتها يكون على الفاضي, (اتعصبت عليه وبكلمه بحزم عشان يفوق) زيمادرا ضحت بحياتها عشان اللي احنا عملناه وانت سايب كل ده يبوظ مينفعش تسيب ده يحصل
نرمين بحزم: وكل الناس اللي حواليك وواثقين فيك هيدفعوا الثمن
فارين اتعصب وباس دماغ امه ونزلها على الارض وقام وبص على الوحش اللي اتسبب في موتها
فارين: انت هتدفع الثمن ( وقعد يبص حواليه عشان يلاقي فكره )
فارين: احنا لازم نضعفه باي طريقه
وشايفين طياره معتز بتقرب من سيتوس اكتر
ليلى: بس ازاي المنجنيق اتدمر والقنابل خلصت احنا معناش اي حاجه قويه كفايه تاثر عليه
فارين: احنا معناش بس هو معاه (وبيشاور على سيتوس)
نرمين: بس هي دي نستخدم الكهرباء بتعته عليه
انا: يبقى نستخدم السلاسل الحديد هو لسه مربوط بيهم لما خبط في الاسانسير
نرمين: والحديد موصل جيد للكهرباء
انا: مس نرمين بتاعت العلوم انا مشفتكيش من خامسه ابتدائي
نرمين: يخربيت خفة دمك
ليلى: انت عبقري يا سيف
فارين: هي دي الخطه احنا نخلي سيتوس يضرب الوزن بصاعقه والكهرباء هترد فيه, بس مفيش غير حاجه واحده بس هي اللي تجيبه لينا والحاجه دي مع خالد
انا: بس هنجيبهم ازاي وخالد فوق ومفيش زلاجات تاني
فارين: مفيش زلاجات سليمه باقيه
طلع على الزلاجه اللي كنت راكبها انا ومعتز وفيها خرم في جناح من جناحتها
انا: انت مجنون انت مش هتعرف تناور بيها
فارين: هي هتستحمل لوقت كافي ممكن تكون صعبه في التحكم وانا شايل الكيس بس انا لازم اعمل كده
انا: خلاص يبقى كويس انك مش هتبقى لوحدك
وطلعت وراه وربط نفسي في العامود التاني
انا: انا هجيب الكيس وانت طير
نطينا والطياره مسكت الهوا بس بتترج بسبب الخرم اللي في الجناح بس عرفنا نوصل لمعتز وخالد
معتز: انتوا بتعملوا ايه؟ انتوا كنتوا عارفين ان البتاع ده بيعمل اعاصير؟
انا: خالد احدف ليا الكيس
خالد: ايه ليه؟
انا: مش وقته بميتين امك احدف بسرعه
فارين: عندنا خطه احدف الكيس
خالد حدف الكيس
خالد: خد بالك من سيف يا فارين ده اخويا مش صاحبي
فارين رجع بالطياره لايليستيل وسيتوس شافنا وابتدا صواعق تظهر في بقه تاني وبيجهز عشان يضرب صاعقه علينا
انا: اهو باصص علينا يبقى الخطه ناجحه
فارين: احنا لازم نوصل للوزن المربوط في السلسله
سيتوس ضرب صاعقه ورا التانيه ورا التالته ومتواصل وفارين بيفلت منهم كلهم بصعوبه
فارين: خلاص ... قربنا نوصل
وسيتوس ضرب صاعقه كمان بس فارين لحق يعدي من ورا الوزن والصاعقه ضربت الوزن وسيتوس اتكهرب وبيترعش جامد وبيصرخ بصوت عالي جدا ووقع في الاخر وراسه وقعت على مبنى من المباني وانا وفارين هبطنا على الارض
سيراكسا بعصبية: انتوا اصبتوا التعبان بس هو لسه عايش
انا بعصبية: طب بصي هناك كده
وبشاور ليها على التمثال اللي في راس قرن سيتوس
سيراكسا: انا هنزل على دماغ الوحش واقطع الكوره اللي في قرنه دي
انا: خلاص يبقى روحي هاتي جائزه انتصارنا
سيراكسا ابتسمت بحماس ونطت على دماغ سيتوس ومسكت قرنه من الطرف
سيراكسا: ده شيء يشرفني
وطلعت الخنجر بتاعها وقطعت القرن ولما قطعته التمثال وقع من الكوره اللي كان فيها وبيقع من على دماغ سيتوس
انا: لاااااااا
وجريت على التمثال بس ملحقتش اوصل ليه ووقع من على دماغ سيتوس ورايح اتجاه المياه
انا: محدش يجي ورايا
ليلى: استنى يا سيف رايح فين
وانا كملت جري ونطيت من على الحافه والمسافه عاليه اوي ومش حاسس بوزني خالص
نرمين بخوف: انت بتعمل ايه يا مجنون
انا: خلاص قربت كمان سنه (وشايف نفسي بقرب للتمثال اكتر واكتر ومسكته بطرف صباعي قبل ما انزل في المياه)
لقيت الدنيا نورت زي كل مره وصحيت في اوضتي في شقه ساكن فيها انا وخالد وشايف خالد بيلبس تيشرت وبيتفرج على نفسه في المرايه
خالد: تمام كده شكلي حلو شويه
انا: يعني لو لبست قرد تيشرت شكله حلو خلاص القرد بقى غزال
لقيت خالد بصلي ومتوتر
انا: ياعم بهزر معاك شكلك حلو
خالد: ياعم بطل ام الهزار ده انا متوتر لوحدي, ممكن الواحد يعرف يعمل صحاب جداد انهارده او ممكن افضل هنا واقعد اسمع كام فيلم
انا: يسطا انت بقالك اسبوع فالق امي عشان الحفله دي وفي الاخر عايز تقعد
خالد: انا كنت عامل حسابي اني رايح
انا: على اساس انك مش رايح دلوقتي وعموما عايز تروح تمام مش عايز تروح برضو تمام وابقى قابلني لو لقيت كلبه تسلم عليها حتى مش ترتبط بيها
خالد: خلاص ياعم رايح رايح, انا نفسي يبقى عندي شخص مميز وانا كمان ابقى بالنسبة ليه مميز
انا: خالد انت شاب ممتاز واكيد هتلاقي كلبه تعبرك وتريل عليها وهي تريل عليك
خالد: انا خول اني فكرت اتكلم معاك
انا: اخيرا صدقت انك خول
والباب خبط
خالد: ايوه (وبص ملقاش حد وفتح الباب وخرج يبص بره)
انا: مين يا خالد
انا قمت اروح ورا خالد
وفجاه الصوره بقت مهزوزه وباهته وحاسس ان الاوضه بتطول اوي
انا: خالد هو ... هو ايه اللي بيحصل (انا بكافح عشان افضل واقف ووصلت اخيرا للباب وخرجت منه)
لقيت الدنيا اسودت وبصيت تاني على باب الاوضه ورايا لقيته اختفى
انا: خالد؟
انا فضلت ماشي في الظلمه والفراغ ولقيت الدنيا نورت ولقيت نفسي في الغابه في الجزيره ويادوب شايف راس بركان اتروبو وفي ايدي جاروف صغير وانا مستغرب وسمعت صوت تكه في رقبتي وبصيت شفت سلسله في رقبتي وكانت متربه شويه مسحتها عشان اشوف الاسم اللي عليها وكان معتز اسماعيل السيد, انا بصيت حواليا وانا قلقان وقلبي مقبوض ولوحدي وجسمي متوسخ بالتراب وعليه ددمم
انا: معتز ... حسن .... نور..... اي حد؟
انا مشيت شويه وطلعت من وسط الشجر
انا: انا فين
وشايف قدامي زي وش تمثال من تماثيل حضارة المايا وبق التمثال ده مفتوح على مدخل كهف ودخلت جوه براحه وكل خطوه باخدها سامع صدى صوتها
انا: شريف .. ندى ... حد هنا؟
وعيني ابتدت تتعود على الظلمه وابتديت اشوف شويه ولقيت نفسي دست على شويه تراب مرفوعين عن الارض بشويه وكان دي كانت حفره واتردمت
انا: ايه ده ( رجعت بجسمي لورا شويه )
وشفت كذا حفره مردومه زي دول وعديتهم وبصيت على الجاروف المترب اللي في ايدي وكانوا 11 حفره مردومه او بمعنى اصح 11 تربه
انا مصدوم: لا .. لالالالا
والدنيا نورت تاني ولقيت نفسي اترميت في المياه بعد النطه من المسافه الكبيره اللي نطيتها وابتديت اغوص في المياه اكتر وايدي لسه ماسكه التمثال ولقيت المياه جنبي بتتحرك جامد وشفت سيتوس جسمه محروق شويه ومصاب وشايف جسمه ومش شايف نهاية ديله فين وشفته بيسحب نفسه لتحت المياه وبينزل لتحت ولكن لقيته حرك عينه وبصلي لمره اخيره وبعدها عام لتحت وانا بدات اعوم عشان اطلع لغاية ما طلعت فوق المياه ووصلت للشط وشفت مجموعه كبيره من الفانتي فرحانين وبيصيحوا فرحانين عشان سيتوس مشي ولقيت خالد ومعتز بيقربوا بالزلاجه بتاعتهم لعندي ونزله ولقيت معتز حضني
معتز: كان تفكير سريع منك انك تسيبنا وتنط عشان تجيب التمثال وكمان انك انقذتنا من التعبان ده كده انت ليك عندي واحده
انا: انا ليا عندك اكتر من واحده انت هتحور
خالد مبتسم: حد فيكم شاف فارين
ولقيت كل الفانتي سكتوا وخالد بص وراه شاف فارين شايل جثة امه وهو بيعدي من وصت الفانتي واحد ورا التاني بيوطوا للاليشار الجديد بتاعهم وبعد شويه السما رجعت تاني لطبيعتها والفانتي طلعوا لقريتهم ومتجمعين وصت الحطام بتاعها وبيحتفلوا
احمد: وضع غريب اوي انك تحتفل وكل حاجه متدمره كده
اوقزهال: تتويج الاليشار لازم يتم بعد موت الاليشار السابق علطول سواء في السلم او الحرب ودائرة التوريث لازم تفضل مكمله
تاري: فهمت يا صخره
احمد: ولا, صحابي بس هما اللي بيندهولي كده واحنا لسه مش صحاب فهمت ياض
تاري بيضحك: ههههه انا عاجبني الحافييز ده
سيراكسا جت عندي
سيراكسا: يا حافز انا عندي حاجه ليك لو انت عايزها يعني
ولقيتها بتديلي لبس من بتاع الفانتي
انا: ايه ده
سيراكسا: انت اثبت انك واحد مننا انهارده, وده لبس المشرف للمحارب بطل الفانتي, وانت استحقيته
واللبس كان عباره عن حتت قماش بلبسها على وسطي عشان تداري اشيائي وواصله فوق ركبتي وسلسه بلبسها على رقبتي بس كده والباقي عريان
انا: انا بيتهيالي دي الطف حاجه انتي قلتيها ليا
سيراكسا: خلاص متحلمش انها تتكرر تاني تمام
انا: بس انا حاسس ان ممكن اتعاكس وانا لابس كده, لا لابس ايه وانا قالع كده انا حاسس ان لابس مايوه
مريم بتضحك: حلو اللبس ده شكلك حلو
انا: شوفتي اهو بدانا معاكسه
حسن: ايه الجمال ده يا سيف
انا: احااا انت عايز ايه يا حسن لا انا شرفي اهم حاجه انا مش شاذ يا حسن
حسن: انا عايزو لبس زي ده
سيراكسا: انت لسه مش بطل من ابطال الفانتي
حسن: ازاي يا جدع ده انا طرت بالزلاجه جوه بق الكائن ده
سيراكسا: وانت متعمد تعمل ده؟
حسن: ايا كان انا خلاص هعمل لبس بطل خاص بيا
سيراكسا بعصبية: لا مش هتعمل
حسن: طب اتفرجي بقى
سيراكسا: احم, في حاجه تانيه لازم اديها ليك يا حافز بس المره دي انا مصره, تعالى ورايا لوحدك
انا: ...اااا... لا اخاف انا بقيت خايف من اللبس ده انا هقلع والبس لبسي العادي
سيراكسا: تعالى متخفش مش هعمل حاجه
انا مشيت وراها وطلعنا على سلالم كده ووصلنا قدام زي كوخ صغير كده وقدام الكوخ كان في طرابيزه صغيره وعليها اكل
تاري بيضحك: مفجاه
انا مستغرب: ايه... ايه ده
سيراكسا: في حضارتنا لما الشخص بينقز حياة شخص تاني ده بيبقى دين ولازم يترد, الاول بتبقى وليمه وبعد كده هديه عظيمه
تاري بيضحك: انت انقذتني واحنا هناكلك
انا: ملوش لزوم كل ده
سيراكسا: ده يعتبر تقليل من شرفنا لو رفضت
انا: خلاص يبقى ناكل
انا شديت كرسي وقعدت عليه ولقيت قطط جت عندي ولونهم ازرق وبينك واخضر وبقوا بيتمسحوا في رجلي وطلع ثلجاوي كان ماشي ورايا واول ما شاف القطط قعد يلعب معاهم ويجري وراهم
انا: ايه ده انت كنت ماشي ورايا وكمان طلعت بتحب القطط
سيراكسا: انا اكتشفت ان القطط تعتبر رفيق لطيف للشخص
تاري بيضحك: دول صحابها الوحيدين
سيراكسا بعصبية: تاري
تاري: ده حقيقي
ومديت ايدي العب قطه من القطط على دماغها ولقيت شعرها لونه بيتغير لما بنعكش فيه
سيراكا: اتفضل كل
والاكل كان سمك وكابوريا وخدت منه قطمه وكان احلى سمك اكله في حياتي
انا: انا عمري ما كلت سمك بالحلاوه دي
سيراكسا: ده حاجه من الحاجات اللي اتنقلت ليا من امي وحاجه من المهارات اللي اعرفها وهي اني بعرف اطبخ
انا: ده تحفه
سيراكسا: هو مش احسن حاجه اعملها بس يعتبر حلو
تاري: انا مره كلت كتير جدا لدرجه ان انا رجعت بعد الاكل
سيراكسا بعصبية: مره انت عملت كده 10 مرات
انا كلت وشربت وبعد ما خلصت اترميت بضهري على الكرسي لورا
انا: انا اتمليت خلاص
سيراكسا: انا سعيده اني استضفتك بعد اللي انت عملته مع تاري انا بعتبرك واحد من قرايبي
تاري بيضحك: انتوا الاتنين هتتجوزوا هو الحافييز هيبقى ابويا الجديد, وهل هتبوسوا بعض
سيراكسا مصدومه: لا .... انا .. قصدي .......احم (ولفت وشها وخدودها احمرت مع ان بشرتها خضره)
سيراكسا: الوليمه كانت جزء من المكافاه ودلوقتي هديك الهديه بتاعتك (وطلعت الخنجر بتاعها وبتديه ليا)
انا مستغرب: خنجرك انتي هتديه ليا ليه
سيراكسا: لاني ادين ليك بعهد ددمم لما تكون في خطر, انت انقذت تاري وهو انا بعتبره حياتي
انا: شكرا يا سيراكسا (طبعا يا عزيزي انا مقدرتش ارفض لان زي ما قالت انا كده هبقى بقلل من شرفها)
وسيراكسا انحنت ليا باحترام
تاري: انا عمري ما شوفت سيراكسا بتنحني لاي حد قبل كده
سيركسا: لانه عمل شيء عظيم وهو شخص يستحق انحني ليه وياريت تسكت بقى يا تار
انا بضحك: انا بشكرك بجد يا سيراكسا
سيراكسا: لا شكرا ليك انت
انا رجعت تانيا تجمعت مع الباقي في قاعة العرش ونور الشمس بيعدي من فتحات سببها سنان سيتوس, فارين كان قاعد على كرسي العرش ورجليه بتتهز في توتر وخالد لاحظ التوتر بتاعه وابتسم
خالد: متقلقش الموضوع مش صعب او موتر اوي كده
اوقزهال دخل القاعة وماسك في ايده تاج جديد وكل اللي في الاوضة سكتوا, وجنبي نور مسكت ايدي وضغطت عليها
نور: بسسس شكلك امور اوي
انا: كنت مستنيكي تقولي كده من بدري ده مريم كانت بتعاكسني وحتى حسن انا خفت على نفسي منهم بس عندي استعداد اسبلك نفسي تعمل فيا اللي انت عايزه كله يا قمر
نور بصت في الارض وخدودها احمرت اوي واتكسفت
انا: انتي بتتكسفي مني يا قمر (وبستها من خدها وخدودها احمرت زي الطماطم)
اوقزهال: الدايره بتتجدد من تاني زي ما الحياه بتبدا وتنتهي في فانو, امل كل الفانتي بيتحط على كتاف الاليشار الجديد والحمل تقيل بس الاليشار قدها (ورفع التاج وحطه على راس فارين) انت قعدت امير ودلوقتي هتقف كاليشار فارين
والفانتي كلهم نزله على ركبهم
حسن بيسقف وبيصفر: ايوه هي دي النهايات السعيد
كذا واحد من الفانتي اللي لابسين اقنعه بصوله والواضح انهم مش فرحانين
حسن: ابوس ايديكم حد يخرجني من هنا
فارين: احنا عندنا حاجات كتيره محتاجه اجابه, احنا سببنا اذى كبير لبعض (وبص على خالد), لكن دلوقتي احنا هنتقدم مع بعض محفزين وفانتي جنب لجنب, امل شعبنا مش مبيعتمدش عليا ولا على اي فرد لوحده ده بيعتمد على كل المتجمعين هنا بسبب كل اللي هنا اليستيل لسه موجوده احنا لازم مننساش ده
الفانتي فضلوا ساكتين وحركوا دماغهم بالموافقه لغاية ما تاري سقف وسيراكسا سقفت وراه وبدا الفانتي واحد ورا التاني يسقفه وابتدوا يهيصوا وانا باصص وسط الناس شفت سيراكسا بتتكلم مع اوقزهال
سيراكسا: انا لسه معرفش, اوقزهال انت واثق انه يقدر يقودنا في رانلوستي
اوقزهال: بدايته مبشره, ولكن العاصفه العظيمه لسه قدامنا
انا سمعت الكلام ده وقلقت وقفت شويه وبعدين خرجت ولقيت نور قاعده قريب على جسر ورجليها مدلدله منه وبصه على البحر
انا: نور (رحت قعدت جنبها)
نور ابتسمت: كويس انك هنا
انا مبتسم: اخيرا يا نور اليوم ده خلص ياااه تحسيه كان طويل جدا وانقذنا اليوم انا مش مصدق
نور: انا مصدقه
انا بضحك: بجد
نور: ايوه بسببك يا سيف, انت الوحيد اللي مخليني اصدق في المستحيل مش المكان ده ولا اي حاجه من اللي حصلت لينا
انا حسيت بشعور غريب في دماغي وكاني كنت هنا قبل كده
انا: طب كويس عشان قدامنا لسه طريق طويل عشان نخرج من هنا
نور: قدمكوا انتوا بس انا لا
والذكرى خبطت في دماغي وافتكرت انا شفت المشهد ده امتى لما لمست تمثال الدولفين
انا بخوف: نور نور خليكي معايا في حاجه هتحصل دلوقتي
نور ميلت عليا وبتبص على السما وعنيها بتدمع وبتلمع زي البحر
نور: الكل بيقاتل وبيواجه عشان يبقى ليه كلمه في حياته ... عشان يقدر يتحكم في نفسه
انا بخوف وقلق: نورلا مينفعش تسيبي ده يحصل, انا مكنش عندي وقت اغير ده
نور بحزن: لكن في النهايه .. كل اللي في ايدينا نتحكم فيه ... هو اننا نقدر اللي عشناه
كلمات نور بدات تبقى ضعيفه وبطيئه وعنيها بتقفل ويادوب مفتوحه وصوتها بقى همس
انا الدموع ملت عيني
انا: لا .. لا متسيبينيش
نور: ولما توصلي ... للناحية التانيه ...
انا ندهت باعلى ما عندي
انا : يا جماعه حد يساعدني بسرعه حد يساعدني
نور: ساعتها هتبقي الملكه .... اللي موجوده
انا بدموع: .... جواكي
نور راسها وقعت على كتفي ونفسها بطيء وبيبطء اكتر انا شدتها في حضني والدموع نزلت
وقبل ما ينتهي الجزء هنرجع فلاش باك بسيط
قبل ست شهور
اوقزهال كان واقف برا الفندق ومعاه سيراكسا واتنين من المحاربين جم من الفندق
فانتي 1: مفيش حاجه لسه يا قائد
فانتي 2: مفيش اي علامه لوجودهم .... ولا علامه برضو لوجود لاخوتنا
سيراكسا شاورت ليهم يمشوا
سيراكسا: ده الوقت اللي نوقف فيه الصيد يا عجوز
اوقزهال: بس ... احنا لازم نكمل بحث
سيراكسا بعصبية: احنا بقالنا اسبوعين والمحفزين اختفوا من الوجود, وانت معاك واحد منهم في اليستيل ده كافي
اوقزهال: انتين سيتي كل اللي علمته ليكي وانتي صغيره يا سيراكسا
اوقزهال بعصبية: احنا مش هنقدر نمنع رانلوستي منغير كل المحفزين, هما وحده, عيله
في لحظه كانت سيراكسا ماسكه اوقزهال من رقبته ورفعته في الهواء
سيراكسا بعصبية: كفايه اوهام انا مش هفرط في المحاربين عشان المطارده بتاعتك وسايبين الخطر الحقيقي يكبر كل يوم
واوقزهال بيكح ومش عارف ياخد نفسه
سيراكسا: انا بخدم زيمادرا, وهي لسه مصدقه حكاياتك لسبب ما
سيراكسا بعصبية: ولكن هي عجوزه زيك, عايزاك تتمنى انك تموت قبلها, عشان لما هي تموت منصبك هيموت معاها زي ما كان المفروض يموت بعد حرب الثلاث قبائل
نزلته ومشيت وامرت المجموعه تروح وراها
اوقزهال بيتنفس بصعوبه: انا لازم ... اروح ... لللانهائي
نهار وليل اوقزهال بيمشي لمنتصف الجزيره, وعضمه بيطرقع وكل شويه يقعد يريح مفاصله لغاية ما في الاخر وصل لراس بركان اتروبو وباصص من فوهة البركان على الحمم وغمض عينه وبيتمتم بكلام بصوت واطي
اوقزهال: يا لانهائي يا من تتحرك بين فروع الوقت ارجوك تحدث معي
ومفيش اي صوت ولكن الهوا اللي اوقزهال سمعه خلاه يقلق
اوقزهال: احنا محتاجين ارشادك .... انا محتاج ارشادك
اوقزهال ضامم ايديه ومستني... ولكن مفيش اجابه
اوقزهال بحزن: لا ...
رجليه مستحملتش ووقع على ركبه والدموع بتنزل من عينه كتير
اوقزهال: انا وحيد جدا ... ومعرفش ايه اللي انا عايزه.. ومعرفش اعمل ايه, عدى سنتين من اخر مره زورتنا ارجوك .... ارجوك
صوت: متحبطش يا اوقزهال
اوقزهال فتح عينه وشايف بوت احمر واقف على الارض قدامه وبص فوق
اوقزهال مبتسم: انت جيت
الشخص اللي لابس بدله زي بدله الفضاء لونها احمر واقف ولابس الخوذه وازاز الخوذه لونه اسود مش باين منه حاجه وبيتكلم معاه بلغة الفانتي بطلاقه
اللانهائي: حافظ على دموعك يا عجوز لسه في حاجات لازم تعملها
اوقزهال: ولكن المحفزين ... انا معرفش الاقيهم فين
اللانهائي: مش هتحتاج تدور عليهم
اوقزهال: ايه؟ انا مش فاهم
اللانهائي: هما هيجولك
اوقزهال: انت شفت ده؟
اللانهائي: انا شفت كل حاجه
الدموع اللي على خد اوقزهال اختفوا بقى مبتسم فرحان
اوقزهال: شكرا ليك يا لانهائي, شعبنا كله بيشكرك
ازقزهال بيوطي عشان يبوس البوت بتاع اللانهائي ولكن شفايفه بتلمس الارض
اوقزهال مستغرب: ايه
وبيبص حواليه ونظره بيقدر يشوف بيه لاميال ولكن مش شايف اللانهائي هو لوحده بس على فوهة البركان واللانهائي اختفى
والجزء يخلص هنا وعارف طبعا ان في ناس كتير عايزه تسبلي على قفلة الجزء بس عادي يعني استحملتوا الفتره اللي فاتت تقدروا تستحملوا للجزء الجاي وبعتذر تاني على تاخير الجزء وبتمنى ان الجزء يكون عجبكوا واكتبولي رايكم في التعليقات عايز اشوف تفاعل
______________________________________________________________________
(الجزء الثاني)
قبل ما ابدء حبيت اشكر الناس اللي شجعوني اكمل واشكر الناس اللي كانت بتقول رايها في القصة عشان يفيدوني واحسن من القصة زيادة
انا عارف اني اتاخرت في كتابة الجزء ومفيش مبرر للتاخير الكبير ده بس زي ما كتبت لحد من القراء في التعليقات انا مش لاقي أي تفاعل خالص على القصص ده انا اول ما نزلت السلسله الاولى كان في تفاعل اكتر من كده ولما نزلت اول جزء للسلسة الثالثة ملقتش غير سته وهما نفس السته اللي بيعلقوا على قصصي دايما وبشكرهم عشان هما لسه مكملين معايا وبيشجعوني كل اللي بتمناه ان الناس تقدر التعب وتكتب تعليق تعرفني فيه رايها حتى لو مكتبوش راي على الاقل يبينوا انهم مقدرين التعب ده وبتاسف على التاخير
حكمة: قبل ان تقنع الرجل ان المرأة ليست مجرد جسم اقنع المرأة اولا.
يلا بقى معايا يا عزيزي حضر كبايه شاي او قهوه وتعالى معايا نتخيل مع بعض الاحداث وبتمنى ليك قراءه ممتعه
__________________________________________________
الجزء الثاني : رحلة غير متوقعه
_____________________________
وقفنا الجزء اللي فات لما نور وقعت بين ايدي
انا: نور فوقي يا نور
ونور لسه زي ما هي وحسيت ان جسمها بقى اثقل في ايدي
وابتدي الناس تطلع من تتويج فارين وصحابي جم ليا عند الجسر
معتز مستغرب: انت كويس
ندى بخوف: نور
انا بحزن: انا معرفش حصل ايه فجاه وقعت انا .. انا مش عارف
مريم جت جنبي جري
مريم: نيمها على الارض براحه
نيمناها على الارض ومريم بدات تقيس نبضها وتكشف عليها وبعدها لقيتها اتجمدت مكانها وابتدت تدمع
مريم بحزن: ده المرض بتاعها دي المرحلة الاخيره الغيبوبه
شريف: انا مش فاهم هي مش قالت انها لسه قدامها شهور على ما توصل للحاله دي
مريم: انت ناسي لما عدينا من بوابة الزمن واتقدمنا ست شهور ممكن يكون الست شهور دول اثروا علينا وعمرنا كلنا اتقدم ست شهور وده معناه ان اللي باقي ليها كام ساعة
انا: يعني ايه باقي ليها كام ساعة انتي بتقولي ايه
اوقزهال: الحياة شجره وكل شخص فرع في الشجره دي وكل اللي مريتوا بيه كان مجهد ودلوقتي الشجره فقدت فرع جديد انا اسف لخسارتكم يا محفزين
سيراكسا: انا مكنتش اعرف بمرضها, كان المفروض ترتاح ومتجهدش نفسها في المعركة دي
ندى: طب ... طب كان في زرع على سطح الفندق كان عالج جرح علي مش ممكن ده يعالجها هي كمان
مريم بحزن: ده بيعالج الجروح بس المرض بتاعها ده مش جرح دي حاجه في جيناتها نفسها
خالد بحزن: فارين حاول تساعدنا
فارين بص لاوقزهال
فارين: اكيد في حاجه نقدر نعملها
اوقزهال بدا يفكر ويهز في راسه
اوقزهال: في احتماليه واحده... بس كل الاليشار اللي فاتوا بما فيهم امك حرموا استعمالها
انا: ارجوك مقدرش اخسرها
والدموع بدات تغرق وشي وعنيا بقت ددمم
انا: ابوس ايدك دي مهمه جدا بالنسبه ليا وبالنسبه لينا كلنا
ندى: احنا مش هنقدر نخسر شخص عزيز علينا ومش هنقدر نشوف حد بيخسر اللي بيحبه
فارين: ولا انا هقدر اقف واتفرج ... احنا هنعمل اللي هنقدر عليه
فارين: يلا يا اوقزهال انا بامرك كاليشار انك تقولنا كل اللي تعرفه
اوقزهال: الاسطورة بتتكلم على كريستاله مليانه بطاقة حياة كبيره جدا مخفية في مكان ما في شجرة اليستيل, اسلافنا سموها قلب الجزيرة, والقلب ده هو السبب في النمو العظيم اللي انت شايفه حواليك ده وبيتقال ان لمستها تقدر تجدد كل الكائنات الحية
احمد: يعني انت عايزنا نلاقي البتاع ده ونديه لنور وبس كده هتقوم تاني ولا كان في حاجه حصلت
سيراكسا: القلب موجود عشان يجدد الشجره مش احنا, والاسطورة بتقول اننا مندورش عليه خالص
اوقزهال: للاسف سيراكسا معاها حق قوة القلب دي ابعد من ان حد مننا يقدر يامرها, وكمان القلب مش من واقعنا ده واللي يقدر يلاقيه اللي بيتنقلوا بين الابعاد
سلمى بعصبية: انت بتهزر
اوقزهال: كمحفزين انتوا ممكن تدخلوا العالم ولكن الرحلة دي خطر جدا
نرمين: احنا مش خايفين
خالد: ااا, اتكلمي عن نفسك
اوقزهال: انا مش بتكلم عن الخطر العادي اللي ممكن يحصل لاي حد ولكن انتوا ممكن ... تضيعوا وتفضلوا تايهين في العالم ده للابد
ليلى: احنا لازم نعمل كده عشان نور
نرمين: خلاص نكتم بقى, نلاقي فين البتاع ده
اوقزهال: احنا لازم ندخل لجزوع الشجره وهناك الطريق اللي هتسلكوه للقلب
انا: طب يلا ودينا
اوقزهال لف ومشي والباقي وراه ولسه همشي وقفت وبصيت ورايا على نور ورجعت وبست راسها
انا: متقلقيش يا نور هتعيشي مش هسيبك تموتي ولو فيها موتي انا
فارين شال نور على ايده
فارين: عقبال ماتلاقي القلب انا هشوف مكان مريح انيمها فيها
فارين: خالد خد بالك من نفسك
سيراكسا: بالتوفيق يا محفزين
مشينا ورا العجوز ودخلنا جوه مجموعة انفاق كتير مظلمة
علي بخنقة: اوقزهال قدامنا قد ايه, انت عارف انت واخدنا فين اصلا
اوقزهال: الصبر, احنا قربنا .... خلاص
بيشاور بالعصاية بتاعته على حاجه قدامنا, كان في نهاية النفق مجموعة جزوع كتير قافلة الطريق وفي قطرات لونها فضي بتنزل من شرخ في الخشب وبتتجمع في طبق كبير
احمد: اظن انكوا محتاجين تتطمنوا على الشجره بتاعتكوا لانها بتنزف
اوقزهال: بالعكس دي الشجره صحية جدا, احنا بنجمع السائل اللي بينزل ده لانه لما بيتشرب بيدخلك في حالة بتفتح عينك على ابعاد غير اللي اي حد بيشوفها
حسن: احلف, انا لازم اجرب
وراح حسن ناحية الجزع ده
معتز : ثانية كده انت متوقع اننا كلنا هنشرب من البتاع ده
اوقزهال: القلب محبوس بين العالم ده وبقيت العوالم اللي موجوده في مكاننا ده, انت عارف طريقة تتلاعب عن طريقها بالابعاد
معتز: لا
انا: طب انت جربت تشرب من الماده دي قبل كده
اوقزهال: اكيد طبعا, ولكن الماده بطلت تاثر علينا, اسلافنا كانوا اول ناس يشربوا الماده دي ومع الوقت ابتدت الماده تتطور شعبنا وخلتنا زي ما احنا دلوقتي, ولكن المفروض تعمل تاثير عليكوا انتوا او زي ما بتمنى
شريف: جاهز يا سيف
الكل بيبص لبعضه بصمت وانا عارف انهم هيجوا معايا
انا: يلا بينا انا هبدا
اوقزهال طلع كاس من الحزام بتاعه ونزله في الطبق وحط فيه شويه سائل واداني الكاس
انا متوتر: ماشي .. يلا بينا
خدت بق صغير
حسن: يا راجل بجد انت مفكر البق الصغير ده هياثر
ليلى: مش احسن ماياخد بق كبير وتطلع الماده دي مش امان اوي
الماده كان طعمها غريب عن اي حاجه انا شربتها قبل كده يعني طعم مسكر ومر في نفس الوقت وبيحرق شويه ومنعش برضو
خالد: طعمه مقرف صح
انا: لا خالص طعمه مش وحش بس غريب ده طعمه تحس انه كل حاجه انت شربتها قبل كده في حياتك وكلهم مضروبين في خلاط وطلعلك الطعم ده
واحد ورا التاني كلهم شربوا, ولما الكل خلص فضلنا واقفين في الظلمه بنبص لبعض ومستنين
انا: اوقزهال اااا هو احنا المفروض نحس بحاجه
اوقزهال: اممم, ممكن الموضوع ياخد لحظات الاساطير كانت غامضة شويه في الموضوع ده
مريم بعصبية: يا حلاوه, ده احنا حتى مش عارفين ايه السم اللي شربناه
اوقزهال: خلونا نرجع للسطح تاني ونراجع النصوص القديمة
طلعنا كلنا من الانفاق للشجره تاني
سلمى بعصبية: ياريت الخرا اللي شربناه ده يشتغل عشان نلحق نور...
فجاه الرؤية عندي زي ما تكون اتقسمت لمليون صورة والوان كتير وغريبه
انا: ايه ده ايه ده ايه ده
شريف: حد تاني شايف اللي انا شايفه ده
حسن: ده بيشتغل يا شباب ده بيشتغل
انا ببص حواليا ووانا بلف شايف الاشكال حواليا بتلف برضو وبتتداخل مع بعض بشكل غريب
نرمين: اوقزهال, ايه اللي احنا شايفينه ده
انا بصيت ورايا ولقيت العجوز اختفى
ندى: اظن اننا في الفضاء بين الابعاد
انا: الصراحه المكان شكلة جميل
نرمين: انا عمري ما شوفت الوان بالجمال ده
سلمى: ده كاننا شايفين اكواد العالم زي ماتريكس كده
مريم: اكواد وهبل ايه انا مش فاهمه اللي انا شايفاه, ايه الايام السوده دي ده كل اللي كنت عايزاه اني اقضي كام يوم على الشط لكن لا ازاي اتمتع كام يوم كده من غير مشاكل لازم طبعا اعيش في قرف
خالد: طب احنا نعمل ايه بقى دلوقتي كل الافلام اللي بيبدا فيها الابطال يهلوسوا مع بعض بيحصل فيها مصايب
انا: يلعن كسم الافلام اللي مقضي حياتك كلها ماشي وراها يابني دي افلام مش حقيقه كلها خيال
خالد: يعني اللي بيحصل ده طبيعي ده خيال اوسخ من الافلام
علي: بالظبط لازم ناخد بالنا, ندى خليكي جنبي
ندى: متقلقش هاخد بالي منك
علي: ايه.. انا قصدي انا اللي .. مش مهم
احمد: انا مش عارف انتوا قلقانين ليه ده المكان جامد فشخ
انا: يابني انا مش عارف انت عامل دماغ كده ازاي امال لو شربت حاجه
احمد وسلمى: دماغ رباني
الاتنين بصوا لبعض وجايين يسلموا على بعض ايديهم عدت من بعض كانهم مياه او هولوجرام
معتز مصدوم: احا ايه اللي انا شفته ده
حسن: اوعى ده احنا اشباح
الكل بدا يحاول يلمس بعضه ومش عارفين
انا: بت امريم هاتي حضن
مريم: اوعى ياعم
قعدت اجري وراها لغاية ما حضنتها واول ما لمستها حسيت كاني دخلت جوه جسمها لجزء من الثانية مش زي لما بنلمس التماثيل
مريم: ايه ده ... انت حسيت بده, انا مكنتش مستعده للمستوى ده من المشاعر
انا: مشاعر مين يا بنت المقشفه ده انا برخم عشان عارف انك مش طايقاني معرفش ليه روحي شوفيلك كلب
مريم: غور يلا من هنا
شريف: طب تمام يعني احنا بقينا عفاريت دلوقتي, طب يا شباب مش عايزين ننسى احنا جينا هنا ليه
انا: ايوه ندور على قلب الجزيرة وننقذ نور
نرمين: طب يلا بينا مستنيين ايه
انا مشيت وخدتهم وطلعنا لبوابة اليستيل الكبيرة (انا طبعا قلت في البداية ان الرؤية اتغيرت وبقيت شايف الوان كتيره وغريبه بس كل ده واحنا في نفس المكان يعني متنقلناش لمكان تاني ولا اي حاجه ن الكلام ده) ولكن لقينا عليها خشب كتير مسنن زي الدبابيس كده
ليلى: يا جماعه الخشب ده مكانش هنا قبل كده
سلمى: هو ايه اللي جاب حماده هلال هنا
انا اتقدمت ناحية الخشب
ندى: خد بالك يا سيف
انا: انا هبقى كويس
قربت اكتر للخشب وقربت عشان المس سن الخشب وحسيت بملمس الخشب بس حاسس ان الاحساس ده بيبعد وغمضت عيني ومديت ايدي تاني والمره دي ايدي كلها عدت من الخشب ودخلت بجسمي كله وعديت
انا: انا عديت يلا يا جدعان عدوا, احنا مش بنعدي خلال بعض بس احنا بنعدي من الحاجات الصلبه برضو
حسن: شبح شبح مش اي كلام
مريم: طبعا لازم تنجح انتوا بس اللي بهايم مفكرتوش تعدوا من الحيطه لكن سيف شغل دماغه
انا: على فكرة انتي برضه مفكرتيش تعملي كده يعني زيك زيهم
مريم: اخرس
انا: حاضر يا فندم (طبعا يا جماعه انا مخنوق من جوايا بسبب اللي بيحصل لنور بس بصراحه انا مبحبش النكد وبهزر في اوقات ما ببقى زعلان او شايف الجو متوتر عشان اخف الدنيا شويه لاني لما ببقى مخنوق مبعرفش اتصرف وعشان كده بتشتم كتير عشان بهزر في اوقات غلط خالص)
وعدوا كلهم ودخلنا للشجره
معتز: طب دخلنا كده برافو, نعمل ايه بقى
انا: ندور ونشوف القلب فين
احمد: القلب في الصدر
انا: ها خدتلي بالك انت... لا ما انا مش هرد عليه ولا كان حد قال حاجه
علي: طب ما نسال الناس دي
وكان بيشاور على مجموعه من الفانتي جايين اتجاهنا وماسكين رماح
فانتي1: اهم هناك
كان الفانتي بيتكلم بلغتهم بس انا سامع بيتكلم بللغتنا في دماغي
معتز: ايه يا رجاله ما تساعدونا شويه
الفانتي رفعوا الرماح بتاعتهم بشكل هجومي
فانتي1: امسكوهم
علي لف بسرعه وخد ندى فحضنه عشان يحميها
انا بصوت عالي: اقفوا
في لحظه لقيت الفانتي كلهم وقفوا زي ما يكونوا اتجمدوا في الهوا ولا حتى عينهم بتتحرك
انا مستغرب: ااا... هو ايه اللي حصل
ليلى: دول اتجمدوا
نرمين: مش هما بس
بصيت حواليا لقيت كل حاجه ثابته حتى ورق الشجر في الهوا والسحاب وكل حاجه
انا: شكل الوقت كله وقف
مريم: هو ايه اللي بحصل في المكان ده وليه اصلا كانوا بيهاجمونا
شريف: اظن انهم مش بيهاجمونا احنا اصلا ده شكلهم مش شايفيننا من الاساس بصوا
لفيت ولقيت مجموعة تانية من الفانتي ومتجمدين برضو وعنيهم مليانه كره
معتز: دول بيهجموا على بعض
احمد بصعبية: بالنسبة للسلام والحب والعشق اللي هما كانوا فيه من 10 دقائق
خالد: حرب الثلاث قبائل, الفانتي بيتكلموا عنها احيانا دي كانت من حوالي 100 سنه كده كان في بينهم حرب اهليه بخصوص العقيده بتاعتهم
انا: عن عقيدة اللانهائي؟
خالد: ايوه, عبادة روح الجزيرة وبيمشوا ورا كل نبوءة قال عنها اللانهائي وبيخافوا جدا من رانلوستي, قبيلة من القبائل كانت عايزه تكمل في العقيده دي وقبيلة تانية كانت عايزه تلغي العقيدة دي خالص, والحرب دي بقت اسوء بكتير لدرجة ان كان في مدينة كبيرة زي المدينة دي واتحرقت في الحرب و ال 12 تمثال للمحفزين اللي احنا لاقينا بعض منهم دول كانوا معاهم وضاعوا منهم في الحرب دي
مريم: طب دول قبيلتين فين التالته
خالد: ما هي القبيلة التالته اللي كسبت, اسلاف فارين كانوا عايزين السلام وعشان كده هزموا قادة القبيلتين واجبروهم يعملوا معاهدة وبعدها كل حاجه رجعت لطبيعتها
انا: طب كويس هما محتاجين شوية توازن
ندى: فعلا
خالد: تخيل لو فضلوا يحاربوا بعض كام واحد هيموت
نرمين: لا بالعكس ده اكبر غلط انك تسيب عدوك عايش انت كده بتديله فرصة تانيه عشان يقتلك
ليلى: يعني .... يعني احنا في الماضي
ندى: الواضح كده ان مش المكان بس اللي اتاثر لا ده الزمن كمان
علي: ايوه وبطريقة ما احنا قادرين نتحكم في سريان الوقت
انا بدات اركز شويه وبالراحه الوقت بدا يتحرك تاني وبالتصوير البطيء كنت شايف المجموعه الاولى من الفانتي رايحه ناحية المجموعة التانيه وبدا الضرب بينهم
خالد: هو انت اللي بتتحكم في التصوير البطئ ده يا سيف
صوت: زيييييييمااااااادررراااااا
سلمى: حد سمع الصوت ده
انا سبت الوقت يتحرك بسرعته الطبيعيه وسمعت الصوت تاني
فانتي2: زيمادرا, انتي فين
زيمادرا بس اصغر في السن: بولان, انا هنا
انا بصيت فوق وشفت اتنين من من الفانتي بيجروا فوقيا بكام دور
نرمين: هي دي
ندى: الملكه زيمادرا من 100 سنه
علي: اوقزهال قال ان الاليشار منع البحث عن القلب, ممكن لو عارفين حاجه عن قوة القلب يبقى ...
ندى: يبقى ممكن تكون عارفه مكانه يلا بينا نروحلها
انا فضلت متابعها عشان متوهش مني
انا: يلا يا جماعه عايزين نلحقها
من فوقينا طيارة من بتوع الفانتي طارت ورمت قنبلة
حسن: وسع الطريق
والقنبلة انفجرت في الجسر اللي قدامنا ووقع
احمد: احا
انا قعدت اركزوابتدى الزمن يرجع لورا
سلمى: انت بقيت فنان بقى في الموضوع ده
رمين: طب كمل كمل
والجسر جزء كبير نه اتصلح بس فيه جزء لسه مكملش عشان كان متدمر من قبل ما نيجي
معتز: طب وبعدين بقى في الجزي ده احنا مش عارفين ده اتكسر امتى
نرمين: المسافه كبيره اننا ننط
ندى: بصوا فوق
بصينا لقينا سهم ضرب طيارة والفانتي اللي سايقها بيعافر عشان يتحكم فيها وهو بيقع وعشان يتفادى انه يخبط عدى من بين الفتحه اللي في الجسر انا ركزت اكتر عشان اوقف الوقت عند اللحظة اللي الجناح يبقى عند الجسر علطول
سلمى: طبعا مش محتاجه اقول حاجه
نرمين: مش محتاجه تعابير وش احمد موسى باينه في وشك
زيمادرا: بسرعه يا بولان
انا فضلت متابع زيمادرا وشفتها واخده الفانتي وعدت من على جسر رفيع
شريف: سيف استنى
لقيت شريف وقفني قبل ما كنت اوصل لاخر الدور وكنت خلاص هقع
انا: الطريق ده مش مكمل اكتر من كده
معتز: طب احنا كده عايزين نوصل للدور اللي فوق
فضلنا شويه ندور على طريق نطلع بيه للدور فوق ومش لاقيين لغاية ما عيني وقعت على فرع رفيع طالع من الشجره الكبيره
انا: يا شباب انا عندي فكره
ركزت تاني والمره دي قدمت الوقت والفرع الرفيع ابتدى يكبر اكتر واكتر
انا: يلا ياجماعه نمسك في الفرع ده
مسكنا فيه كلنا والفرع بدا يكبر اكتر واكتر لغاية ما وصلنا للدور اللي فوق ولما وصلنا نزلنا ورجعت الزمن تاني لوقت الحرب وشفت زيمادرا واقفه في وشي
زيمادرا: متفقدش الامل يا بولان
بولان: بس اعداء العقيده عايزين يدمروا كل التماثيل طب هيعملوا ايه لو لقوا قلب الجزيرة...
زيمادرا: انت مفكر ان القلب اللي الشجره دي طلعت منه ممكن يتدمر بايد الفانتي لا طبعا الشجره دي كانت موجوده قبلنا بكتير وهتفضل موجوده بعد ما نموت بكتير برضو, المهم احنا لازم نركز عشان ننقذ شعبنا من الحرب
وحطت ايدها في كيس في حزامها وطلعت منه تمثال من التماثيل وكان على شكل عروسة لابسه فستان ورافعه ايدها الاتنين زي ما تكون بترقص
بولان: انتي معاكي واحد من ال 12 تمثال ايه ناويه تديه لاصحاب العقيدة
زيمادرا: لا ده في قوة كبيره انها تبقى في ايد حد من القبيلتين لازم تفضل مخفية, انا هحملك انت المهمه دي يا بولان حافظ عليه وخبيه في مكان قريب
بولان: طب وانتي هتعملي ايه يا زيما
زيمادرا ادته التمثال وسحبت السيف بتاعها
زيمادرا: انا هنهي الحرب دي
زيمادرا نطت من الدور ده للدور اللي تحت وشاركت مع مجموعتها وبولان واقف ومتوتروبعد كده مشي
ندى: ده هيمشي بالتمثال
انا: طب يلا بينا وراه
انا والباقي رحنا وراه لغاية ما شفناه وقف وقعد يبص حواليه يشوف في حد شايفه ومش قادر يشوفنا مع اننا واقفين وراه علطول
بولان: محدش يعرف الكهف ده اظن ان هيبقى امان
وبدا يزق شويه اعشاب وحط التمثال وزق الاعشاب تاني فوق التمثال ومشي ولقيت ندى رايحه تمسك التمثال ولكن فجاه لقت على بوابة الكهف ورق شجر كتير وضخم سادد الطريق
ندى: اكيد في الحاضر الفتحه دي اتسدت لما الزرع كبر كده التمثال اتحبس
انا: ندى احنا لسه معديين من حيطه خشب يبقى اكيد تعرفي تعدي عادي
ندى عدت من الشجره وطلعت ومعاها التمثال وجابته عندي واول ما لمسته كالعاده لقيت نفسي فجاه في مدرج من مدرجات الجامعه وكانت في محاضرة والمحاضرة خلصت وطلعت عشان تمشي وهي خارجه خبطت في علي
ندى: انا اسفه مكنتش اقصد
علي: لا ولا يهمك انا كنت احم .... خدي ده وقع منك
واداها قلم مكتوب عليه اسمها ندى عباس الغانم
ندى: انت لقيت القلم بتاعي ده وقع مني من كام اسبوع
علي متوتر: اااا ايوه انا لسه لقيه دلوقتي حالا يعني مكانش معايا ومستني اديهولك في وقت مناسب ولا اي حاجه من الكلام ده
علي بعصبية: اللي اقصد اقوله انك لازم تاخدي بالك من حاجتك بعد كده
ندى: حاضر هاخد بالي
علي بحزن: ماشي انا ... سلام
ندى نازله على السلم لقت مجموعه من الطلاب متجمعين
حسن: نتيجة الميدتيرم طلعت
دخلت دى في سطهم عشان تاخد ورقة النتيجه بتاعتها ولقت نفساها جايبه جيد ومكتوب جنب اسمها رد من الدكتوره كاتبه انتي تقدري تجيبي درجة احسن من دي
ندى بتكلم نفسها: جيد ازاي اجيب جيد
شريف: ايه يا ندى اكيد جايبه امتياز كالعاده
ندى حطت الورقه في شنطتها بسرعه قبل ما شريف يشوف
ندى: معلش اسفه لازم امشي عشان الحق المحاضرة التانيه
شريف: و**** نفسي اجيب امتياز مره زيك كده
طلعت ندى من المدرج خالص وماشيه وكلام الدكتوره في دماغها
ندى بتكلم نفسها: طب انا هقول ايه لماما اقولها الحقيقه واقولها ان عمري ما هبقى زيها واني عمري ما هعرف امسك الشركه بتاعتها
وبدات تعيط كتير وبعد كده وهي ماشيه شافت عربية الدكتوره في البارك بتاع الكليه ورمت شنطتها على الارض وهي متعصبة ولقت عصاية حديد على الارض مسكتها وضربت كبوت العربيه وبدات تكسر في العربيه ولما رمت الحديده على العربيه بدات تفوق
ندى: يا نهار اسود ايه اللي انا عملته ده, انا لو اتقفشت هقول ايه لماما
ومنغير ما تحس بدات تجري باقصى سرعتها, وتاني يوم راحت للكلية وقاعدة في المكتبه ولسه فاكره اللي هيا عملته امبارح وهي قاعده كانت سامعه همس
احمد: يا سلمى عرفتي ان في حد امبارح دغدغ عربية دكتوره منال اوعي تكوني انتي اللي عملتيها
سلمى: يارتني اللي عملتها بس لسه معرفوش مين اللي عملها
وندى فجاه حست بحد بيخبط على كتفها
مريم: ندى في اتنين من الامن بيدوروا عليكي
ندى: بجد
مريم: ايوه هو انتي شوفتي مين اللي كسر عربية الدكتورة
ندى: ايوه غالبا اها
ندى راحت ناحية الامن وواحد منهم ماسك قلم مكتوب عليه اسمها وفجاه لقيت الدنيا نورت وبتنقل تاني ولقيت نفسي في الاوضة اللي فيا الجسور في البركان
ليلى: بسرعة يا ندى
مريم: يلا مستنيه ايه مش انتي قلتي انك هتقدري تعطليها
ندى: اقدر او على الاقل اظن...
وندى كانت بتفحص اسلاك في صندوق صغير وفي جنب من الصندوق في شاشه صغيره وبتعد 57 ثانيه 56 ثانيه
احمد: طب ايه قنبلة زهران دي هتفشخنا
علي بعصبية: اخرسوا بقى سيبوها تركز وهي هتعرف تطلعنا
شريف: ركزي يا ندى وهتعطليها
ندى: مش هقدر مش هقدر اكون زي ما انتوا عايزني
علي: احنا مش قصدنا
ندى بعصبية: مش هقدر
ومسكت طوبه وقعدت تكسر في القنبلة
شريف بخوف: وقفي يا ندى
وضربت القنبلة مره اخيره والعد نط للصفر والقنبلة انفجرت والدنيا نورت تاني ورجعت مكاني تاني وندى بتديني التمثال
ندى مبتسمه: اهو لقينا واحد جديد
علي بعصبية: طب تمام حلو اوي كده بس احنا برضو لسه ملقيناش القلب
ندى: لا ... بس عارفين الوقت اللي فيه القلب
ليلى: زيمادرا قالت ان الشجره دي كبرت من القلب يبقى احنا محتاجين نرجع للوقت اللي الشجره بدات تكبر فيه
شريف: شجرة بالحجم ده احنا بنتكلم في الاف السنين
انا: طب يا جماعه كله يمسك نفسه
الوقت ابتدى يرجع والشمس بترجع تاني والحرب رجعت لسلام والوقت بقى بيرجع اسرع والمباني بدات تختفي واحد ورا التاني وبدا يرجع الوقت اكتر وشفت مجموعة من الناس لبسين بدل وبيلفوا في الغابة بتاعة الجزيرة
سلمى: ايه ده دول بني ادمين ولابسين بدل افراح ليه
والوقت بيرجع اكتر وشايف سفينه جايه من بعيد في البحر وعليها لوجو
علي: شركة زهران المتحدة ده يخت الشركة بتاع بابا
وبنرجع تاني وشايف في المايه من بعيد انها مولعه وفي سفينه كانت شايله بترول ومقسومه نصين ومن بعيد شايف سفينه حربية امريكية بتضرب بمدافع على مراكب المانيه وطيارات كتيره بتضرب على بعض
معتز: ايه ده دي الحرب العالمية الثانية
والوقت بيرجع اكتر لدرجه ان الشمس والقمر الاتنين بقوا جنب بعض عينيا مش بالسرعه الكافيه انها تشوفهم بيتحركوا وبعد شويه لقيت جزيرة سنان القرش سفينة قراصنه واقفه عندها وبعد كده مشيت والبيت الكبير اللي عليها بقى مش موجود
حسن: شكل هما دول اصحاب تسنيم
والوقت قعد يرجع اكتر
مريم: سرع عن كده يا سيف
بدات اركز اكتر وبدات شجرة اليستيل تكش وفضلت تصغر اكتر واكتر لغاية مابقت في حجم شجره عادية وفضلت تصغر لغاية ما بقت اقصر مني
خالد: اظن كده كفاية
انا وقفت الزمن على كدة
شريف: يعني هي دي الشجره العظيمة
معتز: لاول مره اتفق معاك اللي يشوفها كده يقول شجره عاديه جدا
انا شفت عند جذر الشجره من تحت زي عش من الجذور ولونها ابيض وشايف جواها نور ساطع جدا بشكل اول مره اشوفه لدرجه اني مش عارف ابص عليه مباشر
مريم: احنا لقيناه كده هنلحق نور
حسن: ايوه طب احنا هنجيبه ازاي بقى احنا عارفين مكانه دلوقتي بس مش عارفين مكانه في الحاضر
ندى مبتسمة: ازاي يا حسن احنا عارفين مكانه فين في الحاضر
حسن: طب كويس, ايه ده احنا نعرف مكانه
انا: انت شفت الجذور البيضاء ديه اللي محاوطه القلب احنا شفناها في مكان في اليستيل.... العرش
ليلى: ايوه كرسي العرش معمول من نفس الجذور البيضاء
علي: في نص الشجره بالظبط وده شيء منطقي
شريف: طب يلا بينا نرجع بقى ونجيب القلب
انا: طب امسكوا في بعض كويس زي المره اللي فاتت
وبدات اسرع الوقت لغاية ما وصلنا للوقت المظبوط وجرينا على اوضة العرش ولما دخلنا شفنا الالوان جوه اقوى من اي مكان واغرب
حسن: انا دماغي هتصدع من اللي شايفه ده
شريف: معلش امسك نفسك قربنا خلاص
قربنا على الكرسي وكل ما نقرب شايفين نور عالي بيطلع من الكرسي وبيعلى اكتر وصلت للكرسي ودخلت ايدي جواه وعدت من الجذور وحسيت اني مسكت حاجه وشعورها غريب ناشفة بس ناعممة جدا, سخنه بس بارده , مدوره بس حاده وشديت ايدي ولقيتني ماسك كوره منوره بلون ابيض
انا: اهي
خالد: دي بتعمل ايه
انا: بتعمل حلاوه يا روح امك هتبقى بتعمل ايه
فجاه لقيت الكوره بتنور اعلى الدنيا كلها نورت ومش شايفين حاجه غير لون ابيض لدرجه اني لما غمضت عيني كنت شايف ابيض مش اسود وبعد كده النور هدي والالوان كلها رجعت لطبيعتها واحنا لسه مكاننا في اوضة العرش ولقيت كل اللي موجود في اوضة العرش بيبصوا للكورة المنوره في ايدي
اوقزهال: مزهل, انا مكنتش مصدق انكوا... احم .. قصدي احسنتوا
معتز: احنا معانا رجل المستحيل بنفسه
واحنا واقفين شفت سيراكسا واقفه حراسه على نور ومقعدينها في ركن
انا: طب احنا جبنا القلب نعمل ايه بقى
اوقزهال خد الكوره مني وراح لنور والكوره بدات تنبض بالنور والنبض بدا يزيد لما حطها جنب دماغها
اوقزهال: دلوقتي احنا نستنى ونشوف
اوقزهالوطى راسه وبدا يد..عي وسيراكسا بعد شويه بدات تعمل زيه
حسن: انا عايز اشم شويه هوا بعد اللي احنا عملناه ده
بدا المجموعه تمشي واحد ورا التاني وسلمى فضلت في مكانها باصه لنور
احمد: ايه انتي حصلك ايرورولا ايه
وهي فضلت ساكته وباصه لنور في حزن
احمد: انا ملاحظ انك بقالك خمس دقائق متريقتيش عليا او ممكن تكوني مش لاقيه حاجه تضايقيني بيها
لقيت سلمى بصت ناحيتي وعلى وشها ملامح الم وطلعت برا الاوضة
انا: تعالى نطمن عليها
خرجنا ولقينا سلمى واقفه على جسر تاني وباصة على البحر
احمد: هو انا عملت ايه, دي عمرها ما كانت كده
انا: روح اتكلم معاها, واقصد كلام بجد واعرف ايه اللي في دماغها
احمد: بس انا معرفش ... معرفش لو هي عايزه تصارحني انا
انا: هي عايزاك دلوقتي
احمد: خلاص هروح اشوف ملها
احمد راح وقعد جنبها وهو متوتر على الجسر
احمد: الوضع كان غريب شويه جوه صح
سلمى: امشي دلوقتي
احمد: كنت عارف انك هتقولي كده, بس اللي في الموضوع ان..
سلمى: ان ده مش عدل
احمد: عدل في ايه
سلمى: كل ده, نور كانت دايما طيبه وغلبانه وقلبها طيب ونقي جدا وشوف حصلها ايه شوف حظها, وانا اهو ليه انا اللي لسه عايشه
احمد: يا ستي انت مش وحشه اوي يعني انا شفتك مره لميتي اكل لكلب في الشارع
سلمى بعصبية: انت عارف ان انا زفت مع الكل
احمد: صح فعلا لان الاكل كان حمضان
سلمى بعصبية: ناس زيها المفروض ميحصلهمش كده وناس زيي عايشين عادي جدا
الاتنين سكتوا وشفت تاري مميل من شباك قريب وشافهم هما الاتنين راح عليهم جري وبيضحك ولف ايده حوالين كتف سلمى
تاري: سل..مى
سلمى متفاجئه: ايه ده
احمد: يا برص يا صغير
تاري: وحشتيني
سلمى لعبت في شعر تاري وراحط مطلعه لسانها ليه
سلمى: يلا روح العب بقى
تاري: سلام
سلمى: على الاقل في واحد بسليه شويه
احمد: اكتر من واحد
سلمى مستغربه: ايه
احمد: ايوه انا حاسس ان العجوز معجب بيكي شويه
سلمى ضحكت وزقت احمد بهزار
احمد: الحياه مش دايما عادله عشان المواقف اللي بنمر بيها في حياتنا هي اللي بتغيرنا في ناس كتيره كانت طيبه وبسبب اللي شافوه اتغيروا وفي ناس تشوفيهم تلاقيهم وحشين جدا بس يمكن لو كانوا عاشوا حياة تانيه غير اللي عاشوها كانوا بقوا احسن لما يكبروا
والاتنين سكتوا وبصوا للقمر لحد ما سلمى ميلت براسها على كتفه
انا بكلم نفسي: تمت المهمه بنجاح
سلمى: ايه اللي خلاك تيجي
احمد: سيف اقنعني, انا فكرت اني لو جيت هتضربيني بونيه
سلمى رفعت راسها من على كتفه وشافتني وانا باصص عليهم انا رحت محول عيني الناحية التانيه علطول وبمثل اني ببص على النجوم
سلمى بتضحك: لسه في وقت كتير تبص فيه على النجوم
انا: انا يا بنتي ده انا احول حتى بصي
حولت عيني قعدت تضحك ورحت ماشي ودخلت لقاعة العرش تاني ولقيت الاوضة كلها فاضية
انا: يا جماعه
مش شايف نور في اي حته
انا: هما راحوا فين
اوقزهال بس عليا من ورا كرسي العرش
اوقزهال بخوف: اهرب يا حافز انقذ نفسك
شفت جسم طاير في الهوا وابتدى ينزل من الظلمه اللي كانت فوق وهي نور وعنيها منوره اخضر
نور: هو فين
كل كلمة بتقولها بحس كان في موجات بتخبط فيا لغاية ما وقعت على ركبي
انا مستغرب: في ايه يا نور هو ايه اللي فين
نور طايره في الهوا وماسكه القلب في ايدها وعنيها لسه منوره اخضر
نور: النص التاني
نور بعصبية: انت عملت ايه في بقيتي؟
وانتهى الجزء ده على كده وبتاسف على التاخير تاني وبتمنى بس تكتبوا رايكوا لو حتى هتحطوا نقطه بس اعرف بس ان في ناس بتقرا القصه
