لو قاعد مع خطيبتك و عملت بومة هتعمل ايه .........؟
هتنزل من نظرك ولا هتعديها بضحكة .............؟
أنا عن نفسي هتنزل من نظري بجد لان مفيش أحترام كدا
لو دي وجهة نظرك يبقي اعذرني حضرتك مينفعش تتجوز دلوقتي خالص، او حضرتك فاهم العلاقه غلط
بص مع كامل احترامي لوجهة نظرك صدقني
انما بالشكل ده هتعيش ازاي مع زوجتك ؟
خد بعض الامثله لا للحصر
حضرتك علي السرير سهران وهي نايمه عادي وعملت بومبه وهي نايمه... هتقل من نظرك؟؟
حضرتك هي في الحمام وسيادتك مزنوق وهي طلعت عشان حضرتك تدخل.. صدقني هتشم بعض الروايح، لأنها كانت بتتخلص من اشيائها عادي زي اي بني ادم... هتقل من نظرك؟؟
مريضه مثلا او اثناء الحمل بيحصل حاجات برضه هتعرفها بعدين.. هتقل من نظرك برضه؟؟
حضرتك واخد العلاقه في شكل مثالي زياده عن اللزوم
علاقه الراجل والست اكبر وأعمق من كده، هي في الاخر بني ادمه وطبيعي يصدر منها بعض الحاجات يعني
يطلع ريح دي حاجه طبيعيه لاي بني ادم واوقات كتير جدا بتكون غصب عن الواحد او مبيقدرش يمسك نفسه، اينعم هي مش عمال علي بطال.
ولكن، لو مش هتقدر تتقبل الحاجات دي يبقي مينفعش تفكر حتي في الارتباط دلوقتي من اساسه
لازم تغير وجهة نظرك وتتقبل الطرف التاني علي انه بني ادم كامل بكل شئ، مش عشان بومبه يعني تقل من نظرك واكيد هي مش قاصده تقرفك، رغم ان ده مش قرف، دي طبيعة بنو آدم، لها اماكن مخصصه لكن اوقات بتيجي صدفه مش مقصوده
اتمني اكون وضحت القليل.