فضفضه سبب غيابي الفترة الفاتت سبب صحي

[shadow man]

سبب صحي
مبدأيا كده وحشتوني جدا عارفة اني غيبت كتير بس مكنش في ايدي و**** بس الصحة كانت في النازل وهتعرفوا ازاي
مبدأيا الموضوع دا مش موضوع كئيب ولا اي حاجة انا بس حابة افضفض معاكم مش اكتر لان الفترة الجاية عارفة انها هتبقا فترة صعبة عليا جدا ، فكنت حابة افصل شوية او اقول شوية من الحاجات الانا حاساها
بعتذر لو هتحسوا اني مفيش حيوية في الموضوع او اني همظانة كده بس بجد الفترة دي تقيلة عليا
من كام شهر كده حسيت بوجع غبي في بطني ماخدتش في بالي وقولت عادي وخدت دوا كان عندي والوجع راح والدنيا مشيت
والوجع فضل كل شوية يروح ويجي وعادي اي حد بيحصله كده بطنه بتوجعه بس الموضوع ابتدي يبقا بشكل مستمر وكتير ومبقاش في ادوية بتنفع معاه اوي يعني بقيت الادوية يدوب بتخليه يبقا اخف لكن مش بتخليه يروح
لدرجة اني اوقات كتير كنت بفضل امسك بطني واتلوي من الوجع الفيها كان احساس صعب
وبسبب اهمالي لاي حاجة صحية مفكرتش اروح امشف لاني بكره الدكاترة جدا وناس منكم عارفه كده
شوية بشوية ابتدي تحصل حاجات في البريود مكنتش بتتأخر بس كان الدم بيبقا غريب وبقا في افرازات انا مش متعودة عليها دا غير ان المنطقة دي رحتها ابتدت تبقا مش كويسة مع اني بحافظ علي النظافة الشخصية وخصوصا الاماكن دي
وشوية بشوية ابتدي يكون في تعب في جسمي وهذلان
لحد ما فمرة وانا نايمة صحيت علي نزيف غرق لبسي وغرق السرير بصراحة انا وقتها مش خوفت بس اتهزيت فوقتها انا كان لازم اكشف واعرف في اي
روحت فعلا اكشف وقولت للدكتورة علي كل الحصل بصيتلي بصة كده الهو قلق من حاجة في دماغه وقالتلي علي تحاليل واشعة وسونار هي عملته وحاجات كده عملتها وروحتلها
لقيتها بتقولي انتي عندك ورم خبيث في الرحم
انا مش خوفت انا فجأة لقيت جسمي كله رخي وحسيت وقتها ان هيغمي عليا وفي الاخر يعني الخلاصة من حوار الدكتورة اني هعمل عملية ازالة رحم
انا مخوفتش ولا زعلت من المرض بالعكس انا مكنتش حاسه بحاجة اني عيانة الانا زعلت عليه ان انا كان نفسي ان يكون عندي بنت كده صغير كان نفسي اخلف بالمعني الاصح بس بسبب الظروف دي للأسف اكتر حاجة نفسي فيها عمري ما هعرف اعملها
احساس صعب جدا فكرة انك نفسك فحاجة عارف انها مستحيل تحصلك وحشة اوي مؤلمة
مكنش هيكون عندي مشكلة لو جالي كانسر فأي حاجة حتي لو عارفه ان نهايته هتكون موت كده كده انا مش حلمي اني اعيش انا حلمي اني اخلف وبكده يكون تم القضاء علي حلمي بنجاح
انا بجد مشاعري الفترة دي بايظة والفترة الجاية لما هعمل العملية هتكون اصعب بكتير ​

حمد **** على قضاء **** فى الاول و الاخر المهم و أن شاء **** **** هيعوضك فى الأول و الاخر دا نصيب ورزق سواء كان المرض أو الخلفة أو اى حاجة تانية بس ما تهمليش فى نفسك لأن الإهمال بيادى لحاجات تانية كتير و **** يحفظك و يعفو عنك و يشفيكى عن قريب

 

[وهم الأقنعه]

انا كنت عايز نعمة واحدة

مش بلى بنعوزه افهمى ي مريم اى نعمه من دول بتتاخد من الشخص هيحس نفس احساسك دلوقتى واى نعمه هتتاخد كنتى هتقولى نفس الكلام
بس كل واحد ليه ٢٤ قيراط من النعم بياخدها وليه ٢٤ قيراط من النقم او الاختبارات بياخدها تقسيمتها دى بتاعته هو محدش ليه أنه يتحكم فيها احنا هنا ف الدنيا مجرد اختبار مؤقت

 

[msaied13]

انا كنت عايز نعمة واحدة

مريم كلميني خاص من فضلك

 

[HORUS𓂀]

لا مش احسن

احسن بى كتير ده ابتلاء واختبار ومتخليش الشيطان يلعب فى دماغك وتدخلى فى سكه مش حلوه احمدى **** انتى احسن من غيرك وعوض **** جى جى متقلقيش

 

[احمد ماندوو]

دا مش ضعف دا حزن

لا دا ضعف منك اوى يا مريم بجد

 

[احمد ماندوو]

دا مش ضعف دا حزن

لما تكونى مستسلمه بالشكل ده كدا يبقا ضعف مش حزن وكان نفسى يكون فى اى صلة علاقه بجد مكتش هسيبك الاستسلام اللى انتى فيه دا كدا

 

[aahmedegypt]

مفيش حاجة هتقلله

أنا أكبر منك فى السن بكتير اوى وصدقينى مع الوقت هتحسي إنه قل وهتقابلى ناس كتير إتعرضوا لآلام ومواقف بيحسدوكى على وضعك
طبعا ده مش تقليل من صعوبة إحساسك دلوقتى لكن مع الوقت يمكن تصدقى كلامى

 

[EVILL KING]

اي ذنب في الدنيا انا هقدر استحمله في الاخر لكن انا مش هقدر استحمل ان الحاجة النفسي فيها متحصلش

صدقيني ي مريم و**** انتي مش عارفه الخير اي او فين

 

[إبراهيم سالم]

انا مستحيل اخةترتي تكون الجنة

ليه كده بس أن **** غفور رحيم متياسيش وخلى عندك امل فى ربناا كبير 👌👍

 

[_Xmo7amedX_]

هرجع واقول فين الخير

انا مقدر انك فموقف صعب بس لازم **** يختبرك ويشوفك تصبرى ولا لا

 

[عاشق للاناث]

فكل الاحوال خسرانة

اوعى تقولى كدا يا مريم
محدش يعلم تدبير **** ايه
دى كلها اختبارات يا ننجح يا نسقط فيها

 

[Ziad El masry]

انا مستحيل اخةترتي تكون الجنة

متقوليش كده يا مريم. **** مادام مخليكي عايشه لغاية دلوقتي يبقى هو مديكي فرصة تتوبي. ارجعيله. مش هتخسري حاجه بالعكس بدل ما تخسري دنيا واخره يبقى تضمني الآخره عالأقل

 

[الزبير٥٥]

مفيش حاجة بتتغير

مين الي قال مفيش حاجه بتتغير صديقتي كل بأيد **** بيتغير حتي لو كان مستحيل ف عيون البشر

 

[Dalia Dede]

الف سلامه عليكي

 

[الحنين 🔥😉]

انا كنت عايز نعمة واحدة

انتي زنيتي قبل كدا؟

 

[Mariam Hisham]

الحكمه ان **** بيحميكي من حاجه تانيه هو اعلم بيها

مفيش حد ياذي حد عشان يحميه

 

[Mariam Hisham]

حمد ** على قضاء ** فى الاول و الاخر المهم و أن شاء ** ** هيعوضك فى الأول و الاخر دا نصيب ورزق سواء كان المرض أو الخلفة أو اى حاجة تانية بس ما تهمليش فى نفسك لأن الإهمال بيادى لحاجات تانية كتير و **** يحفظك و يعفو عنك و يشفيكى عن قريب

دا مش نصيب دا ظلم

 

[Mariam Hisham]

مش بلى بنعوزه افهمى ي مريم اى نعمه من دول بتتاخد من الشخص هيحس نفس احساسك دلوقتى واى نعمه هتتاخد كنتى هتقولى نفس الكلام
بس كل واحد ليه ٢٤ قيراط من النعم بياخدها وليه ٢٤ قيراط من النقم او الاختبارات بياخدها تقسيمتها دى بتاعته هو محدش ليه أنه يتحكم فيها احنا هنا ف الدنيا مجرد اختبار مؤقت

دا كلام تصبير مش اكتر

 

[Mariam Hisham]

احسن بى كتير ده ابتلاء واختبار ومتخليش الشيطان يلعب فى دماغك وتدخلى فى سكه مش حلوه احمدى ** انتى احسن من غيرك وعوض ** جى جى متقلقيش

انا مش احسن من غيري

 

[Mariam Hisham]

أنا أكبر منك فى السن بكتير اوى وصدقينى مع الوقت هتحسي إنه قل وهتقابلى ناس كتير إتعرضوا لآلام ومواقف بيحسدوكى على وضعك
طبعا ده مش تقليل من صعوبة إحساسك دلوقتى لكن مع الوقت يمكن تصدقى كلامى

مفيش حد بيحسد واحدة مش هتخلف