فضفضه حوار مع الحج صابر 🙂

[فحلاوى]

اهلا بالجميع
،،،
الحج صابر (اتمناله دوام الصحة) ، هو تقريبا اللي شربني وعلمني كل حاجه عن العربيات صغيرة وكبيرة ،لانه كان شغال عندنا ايام المرحوم ابويا
فكنت يوميا (مُلزم اتعلم منه) باوامر الحج
وكنا بنتكلم وكدا وكنت وقتها تقريبا 17-18 سنة
واتكلمنا ع الجواز ، وانا فضلت اقوله بقي الحب ولو بيحبها وبتحبوا يعملوا وميعملوش ايه ،، فهو سمعني للاخر وملامح وشه اتغيرت للجد ،، وقالي بص يادرش مفيش راجل ولا ست بيبانوا علي حقيقتهم إلا بعد مايتقفل عليهم باب بيت واحد.
وكملنا كلامنا ...ووصلنا لنقطة ازاي تعرف انت لبست ولا وقعت واقف زي مابيقولوا..
قالي يوم فرحكم لو لقيت امها طايرة من الفرحة وبتزغرط ، يبقي انت وقعت لان بنتها خدت اللي احسن منها مش شبهها ،،، ودة حلو ليهم بس وحش ليك انت.
لو لقيت امها عادي او مش فرحانة للدرجادي يبقي بنتها وقعت ف واحد يشبهلها ودي حاجة مبتفرحهومش.
.........
الكلام دة اتقالي من زيادة عن 10سنين وحاولت اطبقه ف اي فرح بحضره ،،، ولاحظت ان فعلا لما امها تكون متحمسه وفرحانه اووووي ،، بكون عارف ان الذبون لبس ،، لاني كنت بكون عارف العروسة 🙃

اضغط لقراءة المزيد...