لازم تفهم تقتنع مفيش السيناريو المثالى لكل امورك، لو فرضنا انه اتحقق فده مش ضمان بنسبة ١٠٠ %انه هينجح
مثال:
يعنى لو انا او انت لقيت فتاة احلامك وبقى معاك كل الضمانات وكل حاجة فى صالحك برضو مش هتبقى عالقة مضمونة بنسبة ١٠٠ %مستحيل
دايما هيفضل فيه جزء مجهول هتفضل فيه اسئلة ملهاش اجابة
طيب افرض عملت مش عارف ايه؟
طيب افرض حصل مش عارف ايه؟
طيب افرض هربت ولا خانتني ولا ولا ولا
هتفضل دايما حاجات مجهولة عمرك ما هتلاقيلها اجابة
ولو مشيت وراها عمرك ما هتعمل حاجة لا فى جواز وال فى شغل وال اى حاجة فى الدنيا عشان كده هنا بقى فيه جانب انت بتاخده اسمه المخاطرة الريسك هيفضل معاك فى اى سيناريو فى الحياة
اخدك بالاسباب ما هو الا تقليل الاضرار مش اكتر
لكن ضمان بنسبة ١٠٠ %ان مش هيحصل كذا او كذا دى انساها
اخدك بالاسباب بيقلل الريسك فبدل ما يكون ٦٠ %يبقى ٣٠ %لكن عمره ما هيبقى صفر % وهنا بقى الاهم من كل ده بيجى اليقين و التوكل على ربنٓا
انت بتاخد بالأسباب على قد ما تقدر وبتعمل الى عليكو الاسئلة الى ملهاش اجابة دى بتاخد فيها الريسك
انت كده كده واخد ريسك وانت مش واخد بالك
مش فيه احتمال ان انت تخرج من البيت تخبطك عربية؟ الف بعد الشر
مش فيه احتمال انك تترفد من شغلك ظلم او الشركة تقفل؟
مش فيه احتمال يحصل كذا او كذا او كذا
هو طبيعة الانسان طول عمره كده عايز يتحكم فى كل الكون و فى كل الاقدار وعمره ما هيقدر
عشان كده.
-اعمل الى عليك وخد بالاسباب
-توكل على ربنـا و ان شاء اللـه مش هيضيعك
وخليك واقعي و انسى فكرة ضمان بنسبة ١٠٠ %دى نهائى شيلها من دماغك
مثل نصيحة لما بتقع فى مشكلة بتروح لمين