خليني أبدأ بإن فكرة ان حد ينتقد حد عادية جدا و موجودة من زمان فشخ .. محدش من اللي عايشين دلوقتي هو اللي اخترعها
لولا النقد مكانش هيكون في تطور للحاجة و بصلها من منظورك انت .. لما انت بتخترع حاجة أو بتعمل ساندوتش حلاوة مثلاً أكيد بتشوف هل فيه عيب ولا حلو و بتطور من نفسك بعدها و سدقني بعد انتقادك لنفسك هتعمل ساندوتش الجبنة أحسن م الحلاوة 😂
في ناس مبتتقبلش النقد .. برغم انه مفيش حد فوق قدسية النقد غير اللي خلقنا
ممكن مثلاً يكون اعتراضهم بسبب الهالة اللي حواليهم اللي مخلياهم مقتنعين بإنهم أعلي من النقد
و ممكن يكون السبب عدم تقبلهم للصيغة
بس أنا دايماً مقتنع إن تطور العقليات أهم بكتير من تطور المنتج
ساعات الأشخاص بتدايق من الناقد برغم انه أهدافه و نيته خير بس هنقول ايه بقا هي دي طبيعة الانسان
حاجة أخيرة الموضوع مكتوب بكل حب و مقصدش منه أي حاجة و كل الناس علي دماغي لإن دا اللي أبويا رباني عليه 👨⚕️
أتمني من الكل يعطيني رأيه و هل بتتقبل النقد ولا ضده .. والحاجة الاهم ساندوتش الحلاوة أحسن ولا الجبنة 😂🌼
تحياتي 🤝
