فيه بنات كتير بتفسخ خطوبتها عشان العريس عادي ومش مبهر، يعني لما اتشاكلوا مراحش استناها قدام الشغل أو الجامعة وهي مروحة ببوكيه ورد كبير، ولا بينزل صورته معاها عالسوشيال ميديا، ويكتب عليها كلام حب ، ولا بيعملها surprise party في عيد ميلادها، ويعزم كل أصحابها من وراها في مكان غالي، ويجيب هدية غاليه قدام الناس، وهو أصلا بيحوش تمن الجواز والشقة بالعافية‼️
المجتمع اتأثر في السنين الأخيرة بالمسلسلات التركي، وأن البنات بقت مش عايزة حاجة غير اللقطة اللي هتطلع قدام الناس، المهم الناس هتشوف ايه، المهم الصورة هتطلع ازاي، فبقى أهم حاجة الفرح ،ورحلة شهر العسل، وحفلة عيد الميلاد
الأفكار اتشوهت، وسقف الطموحات والتوقعات بقى عجيب، حتى لو اتحقق مش هيعمر بيت، ولا يديم علاقة
البنت محتاجة تدور على راجل تكون مطمنة وهي معاه ، متزن نفسيا، متحمل المسؤولية، أخلاقه عالية، مخلص
الأنثى مش محتاجة تنبهر الأنثى محتاجة تطمن
