سؤال ايه موقفك

[خبير معتزل (الـــخـــال)]

هي محتاجه راي او كلام
البنت او الست اللي تسكت علي اي نوع تحرش ولو لفظي حتى تبقي غبيه لانه هايتمادي ظنا منه انها متقبله
انما لو شبشبتله هايكون عبره لغيره
وبالنسبه للرجال فاكيد الرجال تصرفهم معروف وعليه امثله كتير
اما الذكور فامعرفش صراحه تصرفهم ايه

 

[zlabya]

مينفعش نقول ع حد انه قليل الادب عشان بيطالب بحقه الفكره كلها انك ك بنت معرضه للبهدله ف اي وقت و مجتمع الصعبانيات بيزعل ف بيقولك مترديش + كنت ف الاول بدافع بس من بعد م دافعت عن واحده كانت بتتعاكس و بعدين اتشقطت برضاها بطلت

 

[Ran away]

سؤال حابه اعرف اجابته
لما بنت يحصل معاها موقف في الشارع وتواجه بطريقة ما ايا كان شتمته هزأته او ضربته حتى دي بتكون قليلة الادب ومش متربيه في نظرك ولا جدعه واخدت حقها؟؟
ولو شاب ضايق بنت في الشارع الصح انها تتجاهله وتمشي حتى لو استمر في مضايقتها ولا توقفه عند حده بالطريقه؟؟

لا بتبقي جدعه بس برضوه حدود الشتيمة ميكونش الدرجة اللي تجرح انوثتها لان كل لما كانت البنت مثلا بتبان محترمه و ضعيفة و بتحاول تجيب حقها هتلاقي الناس اللي حوليها هما سلاحها بس لو بانت لمؤاخذة يعني بالبلدي شرشوحه الناس هتقول ماهي اهي شكلها شمال و مش هتلاقي حد يقف جنبك ده الجزء الاول
الجزء التاني علي حسب الموقف يعني لو لقيتي ناس حوليكي و الشارع فيه ناس وقفيه عند حده بس لو حته مقطوعه حاولي تتفاديه و تسرعي او تجري و برضوه المواجهه من عدمها بتتوقف علي مدي التجاوز فيه تجاوز لفظي او لمس