نقاش اهل

[حسن٩٤]

بصي يا سيدتي ..خلينا متفقين احنا مش عارفين تفاصيل ومش صح يعرفها الكل ومفيش برضه حل قاطع او صح واحد لقصه احداثها مبهمه وفيها كذا طرف

بس الشباب باختلاف تجاربهم وخبراتهم وتنوع ثقافتهم فتحو لك افكار وسكك ودعم ولقيت اهو مش لوحدك اخرين وولاد ذكور (عشان بس الي بيقولو الولاد لا تعاني واحرار ويخرجو ولكن الكل بيتاثر) فالكل يعاني بنسب مختلفه ولكن الكل زي ما قالو عارف مش نهايه الكون والكل يبحث عن الافضل والصبر وبيحاول يخرج ويبقي احسن ولا يكرر الاخطاء فلن اعيد كلام الشباب قاله اغلبه مفيد والجميع صح

بس حط في بالك برضه صوره الخناق الي انت شايفها يمكن تكون ناتجه عن ثقافه عدم الكلام بينهم الي فقد وهم بيحاولو يراعوكم لما شرفتم للدنيا خاصه لو واخدين بعض عن حب ومعرفه مسبقه وحياتهم السابقه هادئه ودا بيرجع لعدم ثقافه وعدم ترتيب وتخطيط وعدم علم تفكير والاهم خوف فظيع جدا عليكم من المستقبل فغالبا الخناق والصوت العالي هو حب شديد وراه ضعف فبيظهر بالطريقه دي
او الخناق دا بسبب طبيعتهم وتاثيرهم بضغوط الحياه غبقو مش ضايقين بعض لانهم من الاول معرفوش بعض وعدم انفصالهم وضغوط عليهم بسبب مسئولياتهم وكلام ناس ونظره المجتمع بالاضافه ان الانشان مش هيرمي عشره او حد كدا خاصه لو متاكد قد يضيع فمزود سوء تفكيره وسوؤ اخلاق الاخر (مثلا لو الست مش بتشتغل فالست مش قادره تفكر هتعمل ايه وهو يستغل دا بالضغط) وبرضه منقدرش نقول طلاق لانه ثقافه منعدمه انه الانفصال باحترام مطلب ديني وشرعي واخلاق وحياتي وذكري عاوزه تسيبها ازاي
فالعيب عدم ثقتهم في نفسهم عدم كلامهم سوا لوضع المشكله فيلاقو الحل مش فيكم فلو هم مش شايفينكم فانت تعاقبي نفسك علي ملكيش دعوه بيه ليه

وزي ما شفتي دول بس خلفيتين وكل خلفيه تفاصيل وكل تفاصيل ليها طرق وحلول .. وطبعا علاجات ليكم ولاخواتك وليهم لكل وضع هو مش مستحيله ولا صعبه بالعكس سهله بس المهم التفكير والقبول وحساب الخطوات وتكون نابعه منكم ومتقبله نتايج صح وما يحدث من اثار جانبيه لكل قرار وتقدري تتعامل معاه

وعشان كدا نصيحه متخديش قرارات مندفعه او تحت ضغط او قاطعه للمستقبل بسبب ما ترينه بالعكس الحل تدوري عاي حلول وافكار وتشغلي نفسك ازاي تكوني احسن من نفسك ومنهم دلوقتي وتزودي ثقافتك في التعامل مع الناس دا بقي علم وبيدرس وبقي اساس في كل علوم الادارة مش بس الشغل والحياتيه نفس المبادئ ومن ثم تبدا تلمي انت اخواتك وتقدري تشوف حياتك وتعرف ان الحياه مراحل وكل مرجله فيها خير نكسب او نتعلم منه فالكل جاي مؤقت هنا سواء حياه عمل او صداقه والي معاك نفسك وانت حره تدلعيها تقويها تسيبها مكانها براحتك ..

كل الاصلاح والدعوات بتبدا سريه ولما تقوي تظهر وتبهر العالم عشان متقولش مش قادره او متعرفيش او محدش هيساعد او هتعطل في الصن ماشي اتعطلي وقومي كملي الطفل مش بيقف ويمشي مره واحده وبتحسس الاول .. ولما تشدي حيلك اظهري لهم يوم ما هتتخرجي وتشتغلي او تسافري ويمكن تحولي قصتك لكتاب والهام لناس او علم يمارسه نفس وضعك بس مش لازم لايف كوتش هههه ...

اتمني لك الخير والسعاده وتقدري يوما ما تكوني اقوي وتنفعي نفسك والعالم حوالك

 

[M&I]

للأسف اللي انتي فيه ده هيدخلك في دوامة امراض نفسية وانك تهربي من الواقع وتروحي عالم افتراضي وده كله هيعلمك العزلة
نصيحة عشان انا ليا واحد صاحبي عمل زيك كده وجاله اكتئاب حاد لدرجة وصلت انه ماكنش بيكلم حد لغاية ما امه خليتنا نتواصل معاه حاولنا معاه لغاية ما خرج من اللي هو فيه وللأسف احتاج اكتر من سنة ده غير انه ما رجعش زي الاول فنصيحة ياما تحاولي تخرجي بره نطاق الاسرة وتشوفي صاحبك وتبعدي عن وجع الدما غ بتاعهم ده ياما تطلعي كل اللي جواكي في وشهم وقوليلهم كل الكلام اللي يوجعهم وماتخافيش منهم بدل ماتطقي من جنابك وهما ولا على بالهم لأ اديهم على دماغهم ونكدي عليهم عيشيتهم

 

[شبلانجا_]

عشان هما مش مدركين ومعندهمش الوعي الكافي أن اللي بيعملوه دا غلط