أنا شوفت شر من البشر
قادر يحولني لشيطان
كم افترا مالهوش حدود
صعب اني يوم استوعبه
كل اما كنت بقول ده غير
و اكيد أصيل و ادي الأمان
بطلع مغفل للأسف
و بيبقى مقلب و اشربه
أتعب عشانهم كل يوم
و اشيل هموم و ادي اهتمام
و اتاري دول في أذيتي
بيفننوا و بيتعبوا
أدفع من العمر السنين
و اصرفلهم فعل و كلام
و هما صارفين النظر
بمشاعري كانوا بيلعبوا
كنت اسمع ان الخير ساعات
بينكروه وقت الخصام
أنا عملوا من خيري إتهام
و دليل إدانة و هددوا
عالجت في مشاكل كتير
و عالجت برضه كتير آلام
و اما في يوم احتاجتهم
أخدوا قرارهم يبعدوا
أنا شوفت ظلم من البشر
خلاني مش بعرف أنام
إزاي اكمل بإحترام
و الحلو جوايا افرضه ؟!
يارب عندك كل شئ
عوضني عن كل اللي كان
قلبي ملوه حزن و وجع
بس انت قادر تسعده 💔
