الحقايق و الاتجاهات تختلف من فكر لأخر و من موضوع لأخر و من شخص لأخر .
العاده اليومين دول ان الاكثر تناول هو الجدال في كل حاجه من اول الرياضه للأي موضوع تاني زي ما تحب تقول قول .
و ده طبعا بيقلل قدرة تقبل الغير عندنا و كمان بيقلل الثقافه و بيخلي المدعين اكتر من المثقفين حقيقي
او علي الاقل اللي بيدور علي الحقايق و عندهم شغف المعرفه الحقيقيه .
عشان كده حبيت افرق بين النقاش و الجدال
النقاش:
هعبارة عن حوار صحي بين أكثر من طرف حول موضوع أو أكثر بغض النظر عن الاتفاق في وجهات النظر من عدمه
ولكن هدفهم هو محاولة الوصول إلى الحقيقةو هذا هو الأهم و تقبل الرأي الاصح علي حساب من المخطئ من عدمه .
ام الجدال او الجدل :
يكون عادة بين طرفين أو أكثر يحاول كل من الأطراف الوصول لنصر شخصي بغض النظر عن الحقيقه او الفائده العائده عليهم او علي الغير.
و ايضا بشكل فيه حدة وهجوم من طرف على آخر أي كان الأسلوب سواء بأستفزاز الغير اوالتقليل منه او ترهيبه .
و هذه آفة المجتمع و تكاد تكون مشكلة جيل
المجادل التعامل معاه سهل جدا حسب شخصيتك بس الاسهل
- أنت صح
- طيب
- ماكنتش اعرف شكرا انك عرفتنا
لو عندك القدره و الهدوء الكافي ممكن تكمل كلامك لكن:
- بتركيز علي نقطه معينه دون تفرع .
- هدوء و ثبات عشان هيحاول يشتتك عشان مايبنش انه ضعيف .
- هيتحول علي شخصيتك اوعي ديله فرصه
هيتعصب و يظهر قدام الناس بشكله الحقيقي اللي هو اصلا اكيد عن جهل في خلال دقايق بسيطه
لو معندكش طاقه انصحك بلاش و انهي الموضوع معاه زي ما اتفقنا في الاول
المتعه في النقاش مفهومه و معروفه
لو متمرس و اللي قدامك علي قدر من الخلق و الروح الطيبه في النقاش و لكن لا يعلم حقيقي انه علي باطل
ابحث انت و هو سوا و خليك علي قدر المسؤوليه لأن في الاخر هي مش معارك هي معرفه و تلكيك عشان نعرف اكتر سوا و مع بعض و اهتم بالمصادر عشان تبقي محل ثقه و تبقي مرجع لغيرك .
اسفه لو الكلام ملغبط بس حبيت اوصل صوره شايفاها بقت عاده و اتمني اسمع رأيكوا
🌺🌺🌹🌺🌺
