بحر مسا ع الجميع
بعد إذن الخناقات اللي دايرة و الكلام ف السيكو سيكو، في ليڤل عالي كده من الاهتمام بالتفاصيل في العلاقات عايز اتغزّل فيه شوية .. ممكن يكون بالنسبة لناس كتير حسوكة واڤورة بس انا بحبه وبيجيبني سكة ..
وهو إنك تريح اللي قصادك في التعامل وتحط نفسك مكانه وهو بيتلقى منك معلومة أو خدمة أو اي كوباية مية .. وتشوف تحب تستقبلها ازاي فتخليه يستقبلها بالسهولة اللي بتحب تستقبلها بيها.
صديق كان بيحط في جيبه شريط برشام علاجه طول اليوم وهو خارج فلقى مراته قاصاله أركان الشريط بشكل دوراني واسع كده فصاحبي مافهمش عملت كده ليه .. قالت له عشان الأركان الحادة ما تضايقكش والشريط في جيبك ..
الناس المريحة اللي عندهم سنس عالي في كل ما يخص
ال usability
لما ييجي يبعتلك صورة على الواتساب مايبعتهاش مايلة ٩٠ درجة وانت تلف راسك عشان تشوفها .. لا يعدل اتجاهها الأول وبعدين يبعتهالك عشان يريحك.
اللي لما تبعت له ٥ رسايل اوفلاين محتاجين رد .. يرد عليهم كلهم مش يرد على آخر رسالة فيهم ويطنش الباقي.
زوجة وهي بتقدم لزوجها صينية الأكل تحط له اللي بياكله اكتر في مكان اقرب من ايده اليمين واللي بياكله أقل ابعد سيكا.
الناس اللي لما تبعت لوكيشن موقع بيتأكد الأول من دقته بدل ما يبعتلك موقع شارعين وراك ويضيعلك نص ساعة زيادة من وقتك في لوكيشن غلط كان ممكن يراجع دقته في نص دقيقة.
الناس اللي بتبعت رسايل بدل ما تتصل .. ولو محتاجة تتصل بتتفق على موعد الاول قبل ما تتصل والناس اللي بتتصل ٣ رنات وتقفل وتعذر.
الناس اللي لما بتركن بين عربيتين بيراعوا المسافة يمين وشمال عشان مايضايقوش حد فيهم.
اللي لما بيشارك حد تاني استخدام أداة أو مكان أو جهاز بيرجعهاله على الوضع اللي بيناسبه بعد ما ينتهي من استخدامها.
أنا عارف ان الكلام ده ممكن يكون غريب مع ناس بتركن عربياتها بالورب مكان ٣ عربيات .. لكن لسه في ناس بتراعيه وبيحبوا يريحوا اللي حوليهم في التعامل .. تحية للناس دي من أعماق قلبي و**** ولا عزاء لحمبولة الدوكش اللي بيدخل العلاقات الإنسانية بالعرض.
انتهي... See you
بعد إذن الخناقات اللي دايرة و الكلام ف السيكو سيكو، في ليڤل عالي كده من الاهتمام بالتفاصيل في العلاقات عايز اتغزّل فيه شوية .. ممكن يكون بالنسبة لناس كتير حسوكة واڤورة بس انا بحبه وبيجيبني سكة ..
وهو إنك تريح اللي قصادك في التعامل وتحط نفسك مكانه وهو بيتلقى منك معلومة أو خدمة أو اي كوباية مية .. وتشوف تحب تستقبلها ازاي فتخليه يستقبلها بالسهولة اللي بتحب تستقبلها بيها.
صديق كان بيحط في جيبه شريط برشام علاجه طول اليوم وهو خارج فلقى مراته قاصاله أركان الشريط بشكل دوراني واسع كده فصاحبي مافهمش عملت كده ليه .. قالت له عشان الأركان الحادة ما تضايقكش والشريط في جيبك ..
الناس المريحة اللي عندهم سنس عالي في كل ما يخص
ال usability
لما ييجي يبعتلك صورة على الواتساب مايبعتهاش مايلة ٩٠ درجة وانت تلف راسك عشان تشوفها .. لا يعدل اتجاهها الأول وبعدين يبعتهالك عشان يريحك.
اللي لما تبعت له ٥ رسايل اوفلاين محتاجين رد .. يرد عليهم كلهم مش يرد على آخر رسالة فيهم ويطنش الباقي.
زوجة وهي بتقدم لزوجها صينية الأكل تحط له اللي بياكله اكتر في مكان اقرب من ايده اليمين واللي بياكله أقل ابعد سيكا.
الناس اللي لما تبعت لوكيشن موقع بيتأكد الأول من دقته بدل ما يبعتلك موقع شارعين وراك ويضيعلك نص ساعة زيادة من وقتك في لوكيشن غلط كان ممكن يراجع دقته في نص دقيقة.
الناس اللي بتبعت رسايل بدل ما تتصل .. ولو محتاجة تتصل بتتفق على موعد الاول قبل ما تتصل والناس اللي بتتصل ٣ رنات وتقفل وتعذر.
الناس اللي لما بتركن بين عربيتين بيراعوا المسافة يمين وشمال عشان مايضايقوش حد فيهم.
اللي لما بيشارك حد تاني استخدام أداة أو مكان أو جهاز بيرجعهاله على الوضع اللي بيناسبه بعد ما ينتهي من استخدامها.
أنا عارف ان الكلام ده ممكن يكون غريب مع ناس بتركن عربياتها بالورب مكان ٣ عربيات .. لكن لسه في ناس بتراعيه وبيحبوا يريحوا اللي حوليهم في التعامل .. تحية للناس دي من أعماق قلبي و**** ولا عزاء لحمبولة الدوكش اللي بيدخل العلاقات الإنسانية بالعرض.
انتهي... See you