السلام عليكم
انا متجوز من ٦ سنوات وربنا لم يرزقني باطفال وراضي بكل الي **** كاتبهولي بس للاسف مش سعيد في حياتي الزوجيه وخصوصا في اخر سنتين علطول بينا مشاكل وخناقات واهلي بيسمعوا بينا لانها كثيره الشكوي وبقت عصبيه وبتتخنق بسرعه وعنيده من اول جوازنا كنت بلبي كل طلباتها ومش بقولها لا علي اى حاجه وجبتلها كلب عشان كانت عايزه حاجه تسليها وموضوع الخلفه دا كانت عامله حجته وخروج عند اهلها واصحابها وكنت مديها كل الثقه والامان وعمري ما شوفت تليفونها ولا طلبت باسورده لحد من سنه حصل كام موقف اكتشفته بالصدفه شيلت الموميري من وراها ولقيت اسكرينات لاكونتات شخصيه لشباب علي تليفونها ولما سالتها قالت مش فاكره اصل ممكن يكونوا مشاهير او موديل او حد من صحابي قالي ابحثي عن الشخص دا كعريس وردود غير مقنعه تماما وموقف تاني كان معاها تلفونين رجعت البيت مره لقيت تليفون حد بيرن عليها واتس ومسجلاه بحرفين ومكننش عارف اتصرف ازاي من الصدمه وبعدها دخلت الاوضه لقيت التليفون التاني مقلوب علي وشه ومعمول صامت بقلبه عشان احط تليفوني علي الشاحن لقيت رقم غريب بيرن وليقتها داخله ورايا وشيفاني وانا ماسك التليفون وبسالها مين قالتلي دا رقم غريب وكنسلت تاني يوم طلعت الشقه علي المغرب كدا عشان ابحث علي اليوتيوب علي طريقه افتح بيها الباسورد فاجاه سمعت تليفونها التاني بيرن جريت لقيته نفس الرقم الي رن قبلها بيوم وكنسلت فتحت وسكت لقيته عمال يقول الو الو وردي عليا وانتي احلي حاجه حصلت في حياتي ونده باسمها وكان بيتكلم بطريقه كلها محن سجلت المكالمه وقفلت وبعد ما جت واجهتا بالي حصل قالتلي رقم بيعاكس قولتلها وعرف اسمك منين قالتلي ممكن من التروكولر طبعا مقتنعتش بردها وقولتلها علي طريقته في الكلام عامله ازاي قالتلي محن وقله ادب بعد الضغط عليها واخدت التليفونين تحت عند اهلي جرت ورايا علي السلم وشدتني من هدومي وقالتلي تعالي وهحكيلك قولتلها كلمك كام مره قالتلي ٢ اول مره قالها هجبلك ايفون وانه مسافر وكدا وقالتله تجبلي ايفون ليه وعلي اساس ايه قالها محبه ونبقي اصحاب رفضت تاني مره قالتله انا متجوزه وكدا ومينفعش واعتذرلها ووعدها مش هيرن تاني وقالتلي دليل علي كلامي لو في بينه وبيني حاجه اكيد مش هنسي الفون ووبدا الاحظ تصرفات غريبه ومريبه ومن وقتها ودخل الشك قلبي وتعبت وجاتلي حاله نفسيه وروحت لدكاتره واخدت علاجات ومجابتش نتيجه ومش بعرف انام بسبب التفكير والضغط النفسي ومش قادر اتجاوز اللي حصل وهي رافضه تديني الباسورد وبتقول المفروض كل واحد يبقي له مساحه من الخصوصيه وبتتهمني باني خوضت في عرضها وشرفها وهي مبقتش بتحس بالامان معايا وبتقول بالرضا هديك عنيا وكله كلام ومسكنات بسمعه بقالي سنه واهلي واهلها في صفها دايما وبيغلطوني في اى تصرف بعمله من وقت ما بدأ الشك وبقيت بختلس اى فرصه الاقي التليفون ادامي وانور الشاشه عشان اشوف الاشعارات بقي داء فيا عشان مش قادر اخد الباسورد ولو شافتني تحصل مشكله وكل مره تهدد انها هتاخد حاجتها وتمشي وتسيب البيت وانا مش عارف اعمل ايه ولا عارف اطلقها لان مفيش دليل قوي يدينها وانا عايز امسك عليها حاجه لان هي ماسكه عليا كذا حاجه حاجه ودايما هي قويه وانا حاسس اني ضيعت حقي يعني يبقي ليا حق يصبح عليا الحق الموضوع كبير وفي تفاصيل دقيقه بس انا بحاول اختصر
