انا هقول اللى في دماغي وممكن البعض يشوف انا احلام وردية ملهاش اساس بس دا تفكيري
انا عن نفسي من اول يوم هقولها نتفق على كام قاعدة اولهم مشاكلنا متطلعش برة باب الشقة مشاكلنا نحلها سوا ومنخليش حد يتدخل في حياتنا سواء امي او امها لانهم بنسبة كبيرة هيخربوا الدنيا بشغل الحماوات بتاعهم
ثانيا لو انا غلطت في حقك ومش واخد بالى او زعلتك بغير قصد منى متروحيش تشكي لحد عشان الموضوع ميتفاقمش ويزداد سوء لأ تيجي تحكيلي وتقوليلي انت زعلتني في كذا وانا من غير مقدمات هعتذر وبعد كدا نشوف مين الغلطان ولو انا الغلطان اعمل اللى انتى عيزاه ول انتي غلطانه مسامح
دي نقطة النقطة التانية مش هسيب ايدي ع الاخر بحيث مخلهاش تتمكن منى وتكون هي اللى سايقة لان دا مينفعش البيت اللى في اتنين رجالة يخرب
النقطة التالتة مبدأ الاعتذار لازم يكون اهم مبدأ في علاقتنا قبل الثقة او اي حاجة تانية مشاكل كتير حلها بيكون في الاعتذار وكمان هعلم المبدأ دا لأولادي عشان يطلعوا سويين نفسياً يكون مترسخ في دماغهم المبدأ
رابعا اللى شايف انى اقدر اقدمهولها ان لو في يوم انا فاضي فيه مش هتردد انى اخرجها عشان افك عنها وعن نفسي
اخيرا لازم لازم لازم يكون لينا ساعة صفا كدة نقعدها سوا مش لازم يوميا ع الاقل مرة واحدة اسبوعياً كتير من الازواج بتكون العلاقة بينهم فاترة وباردة بسبب انهم مش بيقعدوا مع بعض مش بيتقابلوا غير يا على الاكل او بليل في علاقة جنسية ويخلصوا وكل واحد ينام وخلاص والست مش بتحب كدة االست عايزة اللى بينلها انه مهتم بيها ودا هيكون حل مناسب جدا وهسألها لو في اي مشاكل او مواقف صعبة قابلتها ونتناقش فيها ونحلها سوا وانا لو عندي مشكلة في شغلى ايه اللى يمنع انى اسالها مش يمكن عندها الحل الشافي وهكذا
معلش لو طولت اووى بس انا بحب اوضح وجه نظري من كل الزوايا عشان محدش يفهمنى غلط اسف مرة تانية وشكرا على موضوع مهم زي كدا 😊❤