فضفضه المشاعر ليست ضعف

[مصطفى مصطفى]

مشاعرنا جزء أصيل ومهم من تركيبتنا النفسية ..

كبتها وإنكارها وإهمالها وتقييدها ممكن يعمل مشاكل نفسية وجسمانية ..

وإننا نسيبها براحتها ونعبر عنها في أي وقت وأي مكان وأي موقف برضه بيعمل مشاكل نفسية وجسمانية ..

احنا بنتعامل معاها زي "الطفل الصغير" ..

محتاج نراعيه ونحترم وجوده ونحترم خصوصيته ونسمح له بالحرية في إنه يرتع ويلعب وينطلق ويعبر عن نفسه ..

لكن مهم نحميه ونحط له "حدود" علشان ميعرضش نفسه للخطر ..

وساعات المشاعر بتكون طاقة قوية ، بتكون عاملة زي حلة الضغط اللي محتاجة "منظم" ..

منظم ينظم الزمان و المكان تطلع امتى وفين
ينظم الحدة والطريقة اللي بتطلع بيها
ينظم المعدل والتكرار اللي بتطلع بيه
وينظم كمان الوقت اللي بتستمر فيه

المنظم دا جوانا
بس احنا اللي ما اتعلمناش إزاي نشغله
ومحتاجين جداً نتعلم نشغله إزاي..

 

[غريب عن العالم]

المشاعر دي هي المحرك الي بيمشينا