هتقدر صدقني جرب مش هتخسر حاجه🤷🏻♂️
في حاجات قليله اوي كده متخيلتش حياتي من غيرها
القرايه بحب اقرا اووي و اي حاجه وف كل حاجه
الزمالك بحسه شبه الدنيا كده يفرحك قليل ويزعلك كتير بس لما تفرح معاه تنسى اي زعل زعلته منه قبل كده ولما تزعل منه وتقرر تسيبه مع اول ماتش ترجعله بنفس اللهفه بتاعه كل مره " يمكن مش احسن نادي ف الدنيا " بس هو حاله غريبه تبقي قريب اوي من انك تنجح وتفرح و تخبط ف العارضه وتطلع .. الزمالك بالنسبالي زي الحياه حزين على طول الخط مع شويه فواصل بسيطه من الفرحه
السجاير كنت بكلمها وتكلمني بستقوى عليها لما اتغلب أو احس بقله حيلتي
فيها شبه كتير مني بتتحرق عشان غيرها وياريتهم راضيين عنها .. بس اول ما تضيق بيهم اول حاجه يفكروا فيها
وواحده حبتها اتحبيت قبل كده من ناس ومحبتهمش عرفت ناس حلوه شكلا و مقاما و قيمه وكل حاجه ومتنهبتش ليهم اصلا
شوفت الاعجاب من ناس كتير برضه وكنت بطفشهم واكرهم فيا وولا مره جريت ورا حد الا هي .. رغم اني دبش و مباشر ومش بعرف الطف مع حد بس هي عندي الاستثناء
عشان كده صعب عليا ابطل السجاير
بطبعي بستغنى عن كل حاجه بس اذا ادمنت شيء معين مبعرفش ارجع بسهوله .. حتى لو عارف ضرره .. حتى لو عارف أنه فيه افضل منه .. حتى لو قدامي فرص غيره كتيره بفوتها و بخربها بمزاجي
دي مش اول مره يحصلي كده و اكتر بس كل مره برجع زي ما كل مره برجع هنا برضه 😅