فضفضه اتعلم

[AMGjr]

*اتعلم متقولش علي حد كويس غير لما تختلف معاه ..
وتشوف وقتها هيعاملك ازاي ..

*اتعلم متصدقش كل الكلام صدق المواقف بس ..

*اتعلم انك تسامح ده شيء رائع ..
بس اتعلم انك في نفس الوقت تستاهل التقدير والاحترام عشان انت انسان وده حقك .. مش هبه من الناس ليك

*اتعلم ان المكان اللي مترتحش فيه اوعي تقعد فيه ..

* اتعلم انك متغيرش مبدأ عشت واتربيت عليه ..

*اتعلم تعمل حدود لانها مريحه جدا في وقت الناس بقيت فاهمه المحبه والطيبه ضعف وبيستغلوك لو حسوا انك بتسامح كتير ...

* اتعلم اللي يقولك انت انسان حساس ولازم تتغير ..
قوله انت اللي لازم تتغير وتتعلم ..
تتعلم تحس وتقدر وتفهم الناس .

*اتعلم انه من حقك تتأثر وتتعب وتزعل
انت انسان من لحم ودم مش انسان آلي ..
فبلاش تزعل لما تتاثر وتزعل انك بتحس ..

*متقولش كلمه صاحب علي اي حد .. دي كلمه كبيره اوي .
*اوعي تنافق زيهم او تتعامل معاهم وانت عارف انهم بيتكلموا عليك .. لو الظروف حكمت بص في عنيهم اوي .. وهما هيفهموا لوحدهم انك شايفهم علي حقيقتهم ...

*اتعلم ان الامان في **** وبس كل العلاقات قابله للكسر والالغاء .. العلاقه الوحيده المريحه هو علاقتك بربنا
*اتعلم ان عيلتك مهمه اوي في حياتك تستاهل كل الحب والتقدير والمسانده ..

حاجات كتير اوي اتعلمناها ولسه هنتعلم ..
بس اللي متاكد منه ان لسه في ناس بخير
​